ജൂനിയര്‍ റെഡ്‌ക്രോസ് പരീക്ഷാ നടത്തിപ്പ് സംബന്ധമായ ഉത്തരവ് "Downloads" ല്‍
Noon Meal Data Entry

വിശ്വാസ് SLI/GIS Data Entry Help
Second Term Exam Time Table: HS | LP/UP | Muslim Schools |

SSLC : Model Questions ഡെബിയന്‍ പാക്കേജ്

>> Friday, March 12, 2010

എറണാകുളത്ത് ഐ.ടി. സ്കൂളില്‍ മാസ്റ്റര്‍ ട്രൈനറായി ജോലി ചെയ്യുന്ന, കോഴിക്കോട് വെങ്ങാലം സ്വദേശി പുത്തന്‍പുരയില്‍ സുരേഷ്ബാബു സാര്‍ എസ്.എസ്.എല്‍.സി. ഗണിതശാസ്ത്ര പേപ്പറിന്റെ ഒരു ഐടി അധിഷ്ഠിത മാതൃകാചോദ്യപേപ്പര്‍ അയച്ചു തന്നത് മുമ്പൊരിക്കല്‍ ഈ ബ്ലോഗില്‍ പബ്ളിഷ് ചെയ്തിരുന്നല്ലോ. ജിയോജിബ്ര ഇന്സ്റ്റാള്‍ ചെയ്തിട്ടുള്ള സിസ്റ്റങ്ങളില്‍ ഇതുപയോഗിച്ച് ഒട്ടേറെ ചോദ്യങ്ങളും അതിന്റെ ഉത്തരങ്ങളുമെല്ലാം പ്രദര്‍ശിപ്പിക്കാന്‍ സാധിക്കുമായിരുന്നുവല്ലോ. ഒട്ടേറെ അധ്യാപകര്‍ അത് പ്രയോജനപ്പെട്ടു എന്നറിയിച്ചിരുന്നു.

ഡൌണ്‍ലോഡ് ചെയ്ത ഫയല്‍ എക്സ്ട്രാക്ട് ചെയ്ത് installation എന്ന ഫോള്‍ഡറിലെ installation1.pdf എന്ന പി.ഡിഎഫ് ഫയലില്‍ ക്ലിക്ക് ചെയ്താണ് നേരത്തേ ഈ പ്രോഗ്രാം പ്രവര്‍ത്തിപ്പിച്ചിരുന്നത്. എന്നാല്‍ മലപ്പുറത്തെ ഐടി@സ്ക്കൂള്‍ മാസ്റ്റര്‍ ട്രെയിനറായ ഹസൈനാര്‍ മങ്കട ഈ പ്രോഗ്രാം ഒരു ഡെബിയന്‍ ഫയലാക്കി മാറ്റുകയും അതിനെ Gdebi Package Manager ഉപയോഗിച്ച് ഇന്‍സ്റ്റാള്‍ ചെയ്ത് പ്രവര്‍ത്തിപ്പിക്കാന്‍ പറ്റുന്ന വിധത്തിലേക്കാക്കി മാറ്റുകയും ചെയ്തു. അപ്രകാരം ഇന്‍സ്റ്റാള്‍ ചെയ്യുന്നതിലൂടെ Applications മെനുവിലെ Education എന്ന സബ്മെനുവില്‍ സ്ഥിരമായി ഈ പ്രോഗ്രാം കാണുന്നതിനും സുഗമമായി പ്രവര്‍ത്തിപ്പിക്കാന്‍ സാധിക്കുകയും ചെയ്യും. ഈ പാക്കേജ് താഴെയുള്ള ലിങ്കില്‍ നിന്നും ക്ലിക്ക് ചെയ്തെടുക്കാം.


Click here to download the Maths Model Questions (Debian Package)

കമന്റുകള്‍ വഴി അഭിപ്രായങ്ങള്‍ അറിയിക്കാന്‍ മറക്കരുതേ....!

സുരേഷ് ബാബു സാറിനെയും ഹസൈനാര്‍ സാറിനെയും പോലെ പ്രതിഭാധനരായ ഒട്ടേറെ മാസ്റ്റര്‍ട്രെയിനര്‍മാര്‍ കേരളത്തിലെ ഐടി@സ്ക്കൂള്‍ പ്രൊജക്ടിലുണ്ട്. അധ്യാപകസമൂഹത്തിലെ അംഗമായ ഇവരെല്ലാം കഠിനാധ്വാനം കൊണ്ടുതന്നെയാണ് ഇവ്വിധം നേട്ടങ്ങളുണ്ടാക്കിയത്. നമ്മുടെ അധ്യാപകരെക്കൊണ്ടും ഇത്തരം കണ്ടെത്തലുകള്‍ നടത്താന്‍ സാധിക്കും. അത്തരം നേട്ടങ്ങളെല്ലാം നമ്മുടെ സമൂഹത്തിന് സമര്‍പ്പിക്കാനുള്ള ഒരു വേദിയാണ് മാത്​സ് ബ്ലോഗ്. നിങ്ങളുടെ അധ്യാപനതന്ത്രങ്ങളും കണ്ടെത്തലുകളും എന്നു വേണ്ട കുട്ടികള്‍ക്ക് ഉപകാരപ്രദമാകുന്ന ഏത് അറിവുകളും കേരളത്തിലെ അധ്യാപകര്‍ക്കിടയില്‍ പങ്കു വെക്കാം.
അവ അയക്കേണ്ട വിലാസം mathsekm@gmail.com
തപാല്‍മാര്‍ഗം ലേഖനങ്ങള്‍ അയക്കേണ്ട വിലാസം: എഡിറ്റര്‍, ബ്ലോഗ് വിശേഷം, എടവനക്കാട്- 682502, എറണാകുളം


1 comments:

Maths Blog Team April 18, 2010 at 6:36 AM  

സുരേഷ് ബാബു സാറിന്റെ ജിയോജിബ്ര അധിഷ്ഠിത SSLC മാതൃകാ ചോദ്യങ്ങള്‍ പ്രസിദ്ധീകരിച്ച പോസ്റ്റിന് ലഭിച്ച കമന്റുകള്‍ ഇവിടെ കാണാം

♡Copy the contents with due courtsey | Disclaimer