2016-2017 സാമ്പത്തിക വര്‍ഷത്തില്‍ സര്‍ക്കാര്‍, എയ്ഡഡ് സ്ക്കൂളിലെ 1 മുതല്‍ 8 വരെ ക്ലാസുകളിലെ എല്ലാ ആണ്‍കുട്ടികള്‍ക്കും പെണ്‍കുട്ടികള്‍ക്കും എപിഎല്‍, ബിപിഎല്‍ വ്യത്യാസമില്ലാതെ സൗജന്യയൂണിഫോം നല്‍കാന്‍ നിര്‍ദ്ദേശിച്ചു കൊണ്ടുള്ള ഉത്തരവ് ഡൗണ്‍ലോഡ്സില്‍

ഈ മാസം മുതല്‍ GIS സ്ലാബുകളില്‍ മാറ്റം
സെപ്തംബര്‍ 2016 മുതലുള്ള പുതുക്കിയ ഗ്രൂപ്പ് ഇന്‍ഷുറന്‍സ് നിരക്കുകള്‍



PREMATRIC SCHOLARSHIP 2016-17: Guidelines | Application Form | Bank Details | Balance -Refund

MID DAY MEAL - Monitoring : Directions for online entry | Website

പത്താംക്ലാസുകാര്‍ക്ക് പുതിയഗണിതപാഠങ്ങള്‍

>> Sunday, September 25, 2016

Practice paper(1)is uploaded today പുതിയ കണക്കുപുസ്തകത്തില്‍ നിന്നും പഠനപ്രവര്‍ത്തനങ്ങള്‍ തയ്യാറാക്കുകയാണ്. ഒറ്റനോട്ടത്തില്‍ മാറ്റങ്ങളൊന്നും കാണാന്‍ സാധിക്കില്ലെങ്കിലും വായനയില്‍ നമുക്ക് പുതിയ തിരിച്ചറിവുകള്‍ ഉണ്ടാകുന്നു. സൈദ്ധാന്തികതയ്ക്ക് പ്രാധാന്യം നല്‍കിയിരിക്കുന്നു. സമാന്തരശ്രേണിയുടെ ബീജഗണിതരൂപം എല്ലാത്തരം പ്രശ്നങ്ങളും പരിഹരിക്കുന്നതിനുള്ള ഒരു ടൂളായി വര്‍ത്തിക്കുന്നു. ശ്രേണി , ശ്രേണിയുടെ ബീജഗണിതം , സമാന്തരശ്രേണി , സമാന്തരശ്രേണിയുടെ ബീജഗണിതം , എണ്ണല്‍സംഖ്യകളില്‍നിന്നുള്ള ശ്രേണികള്‍ , തുക, സമാന്തരശ്രേണിയിലെ പദങ്ങളുടെ തുക എന്നിങ്ങനെയാണ് പഠനക്രമം

മുപ്പത് വര്‍ക്ക് ഷീറ്റുകളാണ് പഠനപ്രവര്‍ത്തനങ്ങളായി തയ്യാറാക്കിയിരിക്കുന്നത് . ഈ വര്‍ക്ക് ഷീറ്റുകളില്‍ പാഠപുസ്തകത്തിലെയും മറ്റ് പഠനസാമഗ്രികളിലെയും ചോദ്യങ്ങള്‍ ചേര്‍ത്തിട്ടുണ്ട് . ദേശീയ തലത്തില്‍ പ്രചാരമുള്ള പല റഫറന്‍സ് പുസ്തകങ്ങളില്‍ നിന്നും ചോദ്യങ്ങള്‍ ഉള്‍ക്കൊണ്ടിട്ടുണ്ട്
സമാന്തരശ്രേണി (മലയാളം വര്‍ക്ക് ഷീറ്റുകള്‍ )
സമാന്തരശ്രേണി ഒരു പുനര്‍വായന
Additional Questions 1(Malayalam)
Additional Questions 1(English)
Additional Questions2(Malayalam)
Additional Questions 2(English)
Additional Questions3(Malayalam)
Additional Questions 3(English)
Additional Questions 4(Malayalam)
Practice Papers

Practice paper 1(Both media/side by side)


Read More | തുടര്‍ന്നു വായിക്കുക

National Pension Scheme and Permanant Retirement Account Number (PRAN)

>> Friday, September 23, 2016

2013 ഏപ്രില്‍ ഒന്നിനു ശേഷം നിയമനം ലഭിക്കുന്ന എല്ലാ സര്‍ക്കാര്‍ ജീവനക്കാരും പങ്കാളിത്ത പെന്‍ഷന്‍ (Commuted Pension) എന്ന ഓമനപ്പേരില്‍ വിളിക്കുന്ന National Pension System ത്തിന്റെ ഭാഗമാകുമെന്ന് സര്‍ക്കാര്‍ ഉത്തരവ് പുറപ്പെടുവിച്ചിരുന്നുവല്ലോ. ഏപ്രില്‍ ഒന്നുമുതല്‍ സര്‍വീസില്‍ പ്രവേശിക്കുന്നവരുടെ അടിസ്ഥാന ശമ്പളവും ക്ഷാമബത്തയും ചേര്‍ന്ന തുകയുടെ 10 ശതമാനം ഓരോ മാസവും ശമ്പളത്തില്‍ നിന്ന് കുറവ് ചെയ്ത് പെന്‍ഷന്‍ ഫണ്ടില്‍ നിക്ഷേപിക്കും. ഇതിന് തുല്യമായ തുക സര്‍ക്കാര്‍ വിഹിതമായും ഫണ്ടില്‍ നിക്ഷേപിക്കുകയും ചെയ്യും. പ്രത്യേക അതോറിറ്റിയുടെ കീഴില്‍ സ്വരൂപിക്കുന്ന തുക കൈകാര്യം ചെയ്യപ്പെടും. ഓരോരുത്തരും വിരമിക്കുമ്പോള്‍ ഈ തുകയെ അടിസ്ഥാനമാക്കി ജീവനക്കാര്‍ക്ക് പെന്‍ഷന്‍ നല്‍കും. പങ്കാളിത്ത പെന്‍ഷന്‍കാര്‍ക്ക് മിനിമം പെന്‍ഷന്‍, കുടുംബ പെന്‍ഷന്‍ എന്നിവ ഉറപ്പാക്കുമെന്ന് സര്‍ക്കാര്‍ പുറത്തിറക്കിയ മാര്‍ഗരേഖയില്‍ പറയുന്നുണ്ട്.

പങ്കാളിത്ത പെന്‍ഷന്‍ പദ്ധതിയിലേക്കുള്ള തുക സ്പാര്‍ക്കില്‍ കുറവു ചെയ്യുന്ന വിധം
  1. ജീവനക്കാരന്റെ പെര്‍മനന്റ് എംപ്ലോയീ നമ്പര്‍ (PEN) സഹിതം ചുവടെ നല്‍കിയിട്ടുള്ള ഫോറത്തില്‍ തയ്യാറാക്കിയ അപേക്ഷ ജില്ലാ ട്രഷറി ഓഫീസില്‍ സമര്‍പ്പിക്കണം. ചിലയിടങ്ങളില്‍ ബുധനാഴ്ചകളില്‍ മാത്രമേ അപേക്ഷ സ്വീകരിക്കുകയുള്ളു.
  2. ഇതിനായി 3.5cmx2.5cm വലിപ്പത്തിലുള്ള രണ്ട് ഫോട്ടോകള്‍, നിയമനഉത്തരവ്, എസ്.എസ്.എല്‍.സി ബുക്ക് തുടങ്ങിയ രേഖകളുടെ പകര്‍പ്പുകളും ഇതോടൊപ്പം നല്‍കേണ്ടതുണ്ട്
  3. ജില്ലാ ട്രഷറി അപേക്ഷ സ്വീകരിച്ചു കഴിഞ്ഞാല്‍ നമ്മുടെ വിവരങ്ങളടങ്ങിയ സ്പാര്‍ക്കില്‍ നിന്നുള്ള മറ്റൊരു ഡീറ്റെയ്ല്‍ഡ് ആന്റ് പ്രീഫില്‍ഡ് ആപ്ലിക്കേഷന്‍ ഫോം ട്രഷറി വഴി ലഭിക്കും. അതില്‍ ഒപ്പു രേഖപ്പെടുത്തി തിരികെ നല്‍കണം.
  4. അധികം വൈകാതെ ജീവനക്കാരന് തപാല്‍ വഴി കേന്ദ്ര ഏജന്‍സിയായ NSDL (National Securities Depository Limited) ല്‍ നിന്നും പെര്‍മനന്റ് റിട്ടയര്‍മെന്റ് അക്കൗണ്ട് നമ്പര്‍ (PRAN) ലഭിക്കും. ഇതോടൊപ്പം എ.ടി.എം കാര്‍ഡ് വലിപ്പത്തിലുള്ള PRAN Card ഉം ലഭിക്കും. ഇത് ഒരു തിരിച്ചറിയില്‍ രേഖയാണെന്നെന്നു മാത്രമല്ല, ഭാവിയില്‍ ഇതുപയോഗിച്ച് നമ്മുടെ അക്കൗണ്ട് പരിശോധിക്കാനും വഴിയുണ്ടാകുമത്രേ.
  5. ഇതോടൊപ്പം സ്പാര്‍ക്കില്‍ Employee Detailsലെ Present service detailsല്‍ PRAN (Permanent Retirement Account Number) നമ്പര്‍ വന്നിട്ടുമുണ്ടാകും.
  6. പിന്നീട് Salary Matters-Changes in the Month-Present Salaryയില്‍ Other Deductionല്‍ Deductions എന്നത് NPS indv Contribtn-State(390) ആയും Details എന്നിതില്‍ PRAN നമ്പറും നല്‍കുന്നതോടെ പങ്കാളിത്ത പെന്‍ഷനു വേണ്ടി ശമ്പളത്തില്‍ നിന്നും കുറവു ചെയ്യേണ്ട തുക അവിടെ ഓട്ടോമാറ്റിക്കായി വന്നിട്ടുണ്ടാകും.

അപേക്ഷാ ഫോമുകളും അനുബന്ധ ഉത്തരവുകളും
വിഷയം ഉത്തരവ് നമ്പര്‍ തീയതി
National Pension Scheme : Guidelines 01.04.2013
Help file with Screenshots about the NPS Deduction from Spark 01.04.2013
NPS Application form in Malayalam 01.04.2013
GO about the Implementation of NPS GO(P) No 149-2013 03.04.2013


Read More | തുടര്‍ന്നു വായിക്കുക

GIS Account Number Converter

>> Monday, September 19, 2016

12 അക്കത്തില്‍ കുറവ് അക്കൗണ്ട് നമ്പറുള്ള ജീവനക്കാരുടെ GIS നമ്പര്‍ 12 അക്കമാക്കി ഏകീകരിക്കുന്നതിനുള്ള പ്രവര്‍ത്തനങ്ങള്‍ ഇന്‍ഷുറന്‍സ് വകുപ്പ് തുടങ്ങിയിരിക്കുന്ന വിവരം ഏവരും അറിഞ്ഞിരിക്കുമല്ലോ. 1984 മുതല്‍ 2012 വരെയുള്ള കാലയളവില്‍ ഗ്രൂപ്പ് ഇന്‍ഷ്വറന്‍സ് പദ്ധതിയില്‍ അംഗമായി, അംഗത്വ നമ്പര്‍ ലഭിച്ചിട്ടുള്ള ജീവനക്കാരുടെ അക്കൗണ്ട് നമ്പറുകളെ 12 അക്കമാക്കി മാറ്റുന്നതിനായി ഒരു സോഫ്റ്റ്വെയര്‍ തന്നെ ഇന്‍ഷുറന്‍സ് ഡിപ്പാര്‍ട്ട്മെന്റ് പുറത്തിറക്കിയിട്ടുണ്ട്. അതു പ്രകാരം ഈ കാലയളവില്‍ ജോലിയില്‍ പ്രവേശിച്ച ജീവനക്കാര്‍ അക്കൗണ്ട് നമ്പര്‍ പുതുക്കാനുള്ള പ്രവര്‍ത്തനങ്ങള്‍ നടത്തേണ്ടതുണ്ട്. ഇതിനായി ജീവനക്കാരന്റെ PEN, Date of Birth, GIS Account Number, Joining Date, First Subscription Month and Year, First Subscription Amount എന്നിവ നല്‍കേണ്ടി വരും. ഒരു കാരണവശാലും തെറ്റു വരരുത്. അതു കൊണ്ടു തന്നെ, ജി.ഐ.എസ് പാസ്ബുക്ക് എടുത്തു വെച്ച ശേഷം സോഫ്റ്റ് വെയര്‍ വഴി അക്കൗണ്ട് നമ്പര്‍ 12 അക്ക നമ്പറാക്കി കണ്‍വെര്‍ട്ട് ചെയ്യാന്‍ ഇരുന്നാല്‍ മതിയാകും. അതിനു മുമ്പ് ചുവടെ നല്‍കിയിട്ടുള്ള നിര്‍ദ്ദേശങ്ങള്‍ ഒരിക്കല്‍ക്കൂടി വായിക്കുമല്ലോ. ഇപ്പോള്‍ ലഭിക്കുന്ന താല്‍ക്കാലിക നമ്പര്‍ സ്ഥിരം നമ്പറായി ഉപയോഗിക്കുന്നതിനുള്ള നിര്‍ദ്ദേശം ലഭിക്കുന്നതു വരെ മറ്റൊരിടത്തും ഈ നമ്പര്‍ അപ്‌ഡേറ്റ് ചെയ്യേണ്ടതില്ലെന്ന്‌ പ്രത്യേകം ഓര്‍മ്മിക്കുമല്ലോ.


Click here to View the GIS Account Number Converter

നിര്‍ദ്ദേശങ്ങള്‍
  1. 2013 മുതല്‍ പദ്ധതിയില്‍ അംഗമായ ജീവനക്കാര്‍ക്ക് പുതുക്കിയ ഘടനയിലുള്ള അക്കൗണ്ട് നമ്പറുകള്‍ ആണ് അനുവദിച്ചിട്ടുള്ളത്. ടി ജീവനക്കാര്‍ ഈ സോഫ്റ്റ് വെയര്‍ ഉപയോഗിക്കേണ്ടതില്ല.
  2. 120 - ല്‍ തുടങ്ങുന്നതും 12 അക്കങ്ങള്‍ (സംഖ്യകള്‍ മാത്രം) ഉള്ളതുമായ ജി.ഐ.എസ് അക്കൗണ്ട് നമ്പറുകള്‍ ലഭ്യമായിട്ടുള്ള ജീവനക്കാര്‍ യാതൊരു കാരണവശാലും ഈ സോഫ്റ്റ് വെയര്‍ ഉപയോഗിക്കാന്‍ പാടില്ല.
  3. താങ്കളുടെ PEN(പെര്‍മനന്റ് എംപ്ലോയീ നമ്പര്‍) പ്രകാരം കാണിക്കുന്ന വിവരങ്ങള്‍ തെറ്റാണെങ്കിലോ, വിവരങ്ങള്‍ ലഭ്യമല്ലാത്ത സാഹചര്യത്തിലോ താങ്കളുടെ ജി.ഐ.എസ് പാസ് ബുക്ക്, പെന്‍നമ്പര്‍ അടങ്ങുന്ന തിരിച്ചറിയല്‍ രേഖ എന്നിവയുമായി ജില്ലാ ഇന്‍ഷ്വറന്‍സ് ഓഫീസില്‍ ബന്ധപ്പെടേണ്ടതാണ്.
  4. ഈ സോഫ്റ്റ്വെയറിലൂടെ താല്‍ക്കാലികമായി ലഭ്യമാകുന്ന 12 അക്ക ജി.ഐ.എസ് അക്കൗണ്ട് നമ്പര്‍ ഇന്‍ഷ്വറന്‍സ് വകുപ്പിലെ രേഖകളും, ഡ്രോയിങ്ങ് ആന്റ് ഡിസ്ബഴ്സിംഗ് ഓഫീസറുടെ പക്കല്‍ ഉള്ള വരിസംഖ്യാ കിഴിക്കല്‍ വിവരങ്ങളുമായി ഒത്ത് നോക്കിയ ശേഷമായിരിക്കും സ്ഥിരപ്പെടുത്തുക. അക്കൗണ്ട് നമ്പര്‍ സ്ഥിരപ്പെടുത്തുന്നത് വരെ താങ്കള്‍ക്ക് ലഭ്യമാകുന്ന റിപ്പോര്‍ട്ട് കൈവശം സൂക്ഷിക്കേണ്ടതാണ്.
  5. നാളിതുവരെ ഗ്രൂപ്പ് ഇന്‍ഷുറന്‍സ് പദ്ധതിയില്‍ അംഗത്വ നമ്പര്‍ ലഭിച്ചിട്ടില്ലാത്ത ജീവനക്കാര്‍, അവരവരുടെ ജില്ലയിലെ ജില്ലാ ഇന്‍ഷുറന്‍സ് ഓഫീസുമായി ബന്ധപ്പെട്ട് ഗ്രൂപ്പ് ഇന്‍ഷുറന്‍സ് അംഗത്വം എടുക്കേണ്ടതാണ്‌. 2015 സെപ്റ്റംബര്‍ 1 മുതല്‍ ഗ്രൂപ്പ് ഇന്‍ഷുറന്‍സ് പദ്ധതിയിലേക്ക് വരിസംഖ്യ അടവ് തുടങ്ങിയ ജീവനക്കാര്‍ക്ക് അംഗത്വം ലഭിക്കുന്നതിന്‌ അവരുടെ ഡ്രായിംഗ് & ഡിസ്ബേഴ്സിംഗ് ഓഫീസര്‍മാര്‍ www.insurance.kerala.keltron.in എന്ന വെബ്ബ് സൈറ്റില്‍ ലോഗിന്‍ ചെയ്ത് ഓൺലൈനായി അപേക്ഷ സമര്‍പ്പിച്ച് അംഗത്വം നേടേണ്ടതാണ്‌.
  6. 2015 സെപ്റ്റംബര്‍ 1 ന്‌ മുന്‍പ് ഗ്രൂപ്പ് ഇന്‍ഷുറന്‍സ് പദ്ധതിയിലേക്ക് പൂര്‍ണ്ണ നിരക്കില്‍ വരിസംഖ്യ അടവ് നടത്തിയിട്ടുള്ള ജീവനക്കാര്‍ക്ക് അംഗത്വം ലഭിക്കുന്നതിന്‌ അവരുടെ ഡ്രായിംഗ് & ഡിസ്ബേഴ്സിംഗ് ഓഫീസര്‍മാര്‍ ബന്ധപ്പെട്ട ജില്ലാ ഇന്‍ഷുറന്‍സ് ഓഫീസര്‍ക്ക് Form C യില്‍ അപേക്ഷ സമര്‍പ്പിക്കേണ്ടതാണ്‌.
  7. ഈ സംവിധാനത്തിലൂടെ ഒരു 12 അക്ക താല്‍ക്കാലിക അംഗത്വ നമ്പരാണ്‌ ജീവനക്കാര്‍ക്ക് അനുവദിക്കുന്നത്. ജീവനക്കാരന്റെ ഗ്രൂപ്പ് ഇന്‍ഷുറന്‍സ് അംഗത്വം സംബന്ധിച്ച, ഈ വകുപ്പിലേയും ജീവനക്കാരന്റെ ഓഫീസിലേയും രേഖകള്‍ പരിശോധിച്ചതിനുശേഷം മാത്രമേ ഈ നമ്പര്‍ സ്ഥിരപ്പെടുത്തുകയുള്ളൂ. തെറ്റായ വിവരം നല്കി നമ്പര്‍ നേടിയതായി ശ്രദ്ധയില്‍പ്പെട്ടാല്‍, ടി ജീവനക്കാരന്റെ ഗ്രൂപ്പ് ഇന്‍ഷുറന്‍സ് അംഗത്വം റദ്ദാക്കുന്നതും, ടിയാന്‌ ഗ്രൂപ്പ് ഇന്‍ഷുറന്‍സ് ക്ലെയിം ലഭിക്കുന്നതിനുള്ള അര്‍ഹത നഷ്ടപ്പെടുന്നതുമായിരിക്കും.
  8. ഈ വകുപ്പുമായി ബന്ധപ്പെട്ടോ സ്വന്തമായോ ഇതിനോടകം ഗ്രൂപ്പ് ഇന്‍ഷ്വറന്‍സ് അക്കൗണ്ട് നമ്പര്‍ പരിഷ്കരിച്ചിട്ടുള്ള ജീവനക്കാരും ഈ സോഫ്റ്റ് വെയര്‍ ഉപയോഗിച്ച് പുതുക്കിയ 12 അക്ക ജി.ഐ.എസ് അക്കൗണ്ട് നമ്പര്‍ നേടേണ്ടതാണ്.
നിങ്ങളുടെ സംശയങ്ങളും അനുഭവങ്ങളും രേഖപ്പെടുത്തി മറ്റുള്ളവരെക്കൂടി സഹായിക്കണമെന്ന് അഭ്യര്‍ത്ഥിക്കുന്നു.


Read More | തുടര്‍ന്നു വായിക്കുക

ഗണിത 'മാതൃകാ' ചോദ്യപേപ്പറുകള്‍ തയ്യാറാക്കുന്നവരോട്
Blog Question Papers

>> Tuesday, September 6, 2016

ബഹുഭൂരിപക്ഷം വിദ്യാര്‍ത്ഥികളോടും ഏറ്റവും പ്രയാസപ്പെട്ട വിഷയമേതെന്ന് ചോദിച്ചാല്‍ പുരാതനകാലം മുതല്‍ ഇന്നോളം ഒരൊറ്റമറുപടിയേ ഉള്ളൂ. "ഗണിതം!" ഗണിതാശയങ്ങളിലെ യാന്ത്രികതയെ ഉപേക്ഷിക്കാനും പരമാവധി ജീവിതസാഹചര്യങ്ങളുടെ അകമ്പടിയോടെ ഗണിതപ്രശ്നങ്ങളെ അവതരിപ്പിക്കാനും പാഠ്യപദ്ധതി ലക്ഷ്യമിടുന്നുവെന്ന് കേട്ടപ്പോള്‍ ഏറെ സന്തോഷിച്ചവരാണ് നമ്മള്‍ അദ്ധ്യാപകര്‍. 3-(1/4) എന്ന ക്രിയ അറിയാത്ത കുട്ടിയോട് 'മൂന്ന് കിലോഗ്രാമില്‍ നിന്ന് കാല്‍ക്കിലോഗ്രാം കുറച്ചാല്‍ എത്ര' എന്ന ജീവിതഗന്ധിയായ ചോദ്യം ചോദിക്കുമ്പോള്‍ ഉത്തരം കിട്ടുമെന്നോര്‍ത്ത് നമ്മള്‍ ആനന്ദിച്ചു. രക്ഷിതാക്കളില്‍ നിന്നും കുട്ടികളില്‍ നിന്നും എന്നും പഴി കേട്ടിരുന്ന ഗണിതാദ്ധ്യാപകര്‍ രക്ഷപെട്ടുവെന്നു കരുതി. എന്നാല്‍ പുതിയ പാഠ്യപദ്ധതിയില്‍ പുറത്തിറങ്ങിയ പുസ്തകങ്ങളെ അധികരിച്ച് കുട്ടികളെ വിയര്‍പ്പിക്കണം എന്ന ഗൂഢലക്ഷ്യത്തോടെ ഗണിതചോദ്യപേപ്പറുണ്ടാക്കി ബ്ലോഗിലേക്ക് അയക്കുന്നവരുണ്ടല്ലോ, അവരോട് ഞങ്ങള്‍ അദ്ധ്യാപകര്‍ക്ക് ചിലത് പറയാനുണ്ട്.

നിങ്ങളുടെ ചോദ്യപേപ്പറുകള്‍ പ്രിന്റെടുത്ത് ഓരോ വിദ്യാര്‍ത്ഥിക്കും നല്‍കി അദ്ധ്യാപകര്‍ പരീക്ഷ നടത്തുമ്പോള്‍, ക്ലാസ് റൂമിലിരുന്ന് കുട്ടി വിയര്‍ത്തു പോയി എന്നു കേള്‍ക്കുമ്പോള്‍ സത്യത്തില്‍ നിങ്ങള്‍ ആനന്ദിക്കുകയാണോ? ഒരു ക്ലാസ് റൂമില്‍ വിഭിന്ന തരക്കാരായ വിദ്യാര്‍ത്ഥികളുണ്ടെന്ന് എന്തുകൊണ്ട് നിങ്ങള്‍ ഓര്‍മ്മിക്കുന്നില്ല? ഒരു ചോദ്യപേപ്പറിന്റെ ബ്ലൂ പ്രിന്റിനെപ്പറ്റി ബി.എഡ് ക്ലാസുകളില്‍ നിങ്ങള്‍ പഠിച്ചിട്ടുണ്ടാകുമല്ലോ. ലളിതം, ശരാശരി, കഠിനം എന്നിങ്ങനെ എല്ലാ വിഭാഗക്കാരേയും പരിഗണിക്കുന്ന ഒരു ചോദ്യാവലിയേയാണ് ഒരു ചോദ്യപേപ്പര്‍ എന്നു വിളിക്കാനാവുന്നതെന്ന് നിങ്ങള്‍ക്കറിയില്ലേ?

അത്യുന്നത നിലവാരം പുലര്‍ത്തുന്ന കുട്ടികള്‍ക്ക് വേണ്ടി മാത്രമാണോ നിങ്ങള്‍ ഒരു ഗണിത ചോദ്യ പേപ്പര്‍ തയ്യാറാക്കുന്നത്? നിങ്ങളും മാത് സ് ബ്ലോഗിന്റെ വായനക്കാരനാണല്ലോ. ഒരു കവിത പോലെയാകണം ചോദ്യപേപ്പറിലെ ഓരോ ചോദ്യവുമെന്ന് എത്ര വട്ടം ഇതേ ബ്ലോഗിലൂടെ ഞങ്ങള്‍ വായനക്കാരായ നിങ്ങളോട് ആവശ്യപ്പെട്ടിട്ടുണ്ട്. എന്നിട്ടും നിങ്ങള്‍ ആരെ തോല്‍പ്പിക്കാനാണ് ഇത്തരത്തില്‍ ചോദ്യപേപ്പറുകള്‍ തയ്യാറാക്കിക്കൊണ്ടിരിക്കുന്നത്? എന്ത് ആത്മസംതൃപ്തിയാണ് നിങ്ങള്‍ക്ക് അതില്‍ നിന്ന് കിട്ടുന്നത്?

കുട്ടി എന്തു പഠിച്ചില്ല, കുട്ടിക്ക് എന്തറിയില്ല, എന്നൊക്കെ അറിയാനാണോ നിങ്ങള്‍ ചോദ്യപേപ്പറുകള്‍ തയ്യാറാക്കുന്നത്? അതാണ് നിങ്ങളുടെ ധാരണയെങ്കില്‍ മേലില്‍ ഈ പണിക്ക് ഇറങ്ങരുത്! പാഠപുസ്തകത്തിലെ ഓരോ യൂണിറ്റിനെയും അറിഞ്ഞ കുട്ടിക്ക് ഏതെല്ലാം ഗണിതാശയങ്ങള്‍ അറിയാനായി എന്നാണ് ഒരു ചോദ്യപേപ്പര്‍ ശ്രമിക്കേണ്ടത്. അതിന് നിങ്ങള്‍ക്ക് സാധിക്കുന്നില്ലെങ്കില്‍ നിങ്ങള്‍ വന്‍പരാജയമാണെന്ന് തിരിച്ചറിഞ്ഞേ പറ്റൂ. നിങ്ങളുടെ ചോദ്യപേപ്പറുകള്‍ കാണുമ്പോള്‍ ഞങ്ങള്‍ക്ക് അമ്പരപ്പോ നിങ്ങളെക്കുറിച്ച് ഒരു മതിപ്പോ തോന്നാറില്ല. മറ്റുള്ളവന്റെ ദുഃഖം കണ്ട് ആനന്ദിക്കുന്ന സാഡിസമാണ് നിങ്ങള്‍ക്കുള്ളതെന്ന് ഞങ്ങള്‍ക്ക് നന്നായറിയാം.

നിങ്ങള്‍ക്ക് ചില യൂണിറ്റുകളോടും അതിലെ ബുദ്ധി പരീക്ഷിക്കുന്ന ചില ചോദ്യമാതൃകകളോടും വലിയ ഇഷ്ടമുണ്ടാകാം. എന്നു വച്ച് നിങ്ങള്‍ തയ്യാറാക്കുന്ന ഒരു ചോദ്യപേപ്പറില്‍ ഇത്തരം ചോദ്യങ്ങളുടെ ആവര്‍ത്തനത്താല്‍ പെരുമഴ തീര്‍ക്കുന്നതെന്തിന്? ഇന്റര്‍നെറ്റും സി.ബി.എസ്.ഇ, ഐ.സി.എസ്.ഇ പാഠപുസ്തകങ്ങളും ചോദ്യമാതൃകകളുമൊക്കെ എടുത്ത് വച്ച് ഗവേഷണം നടത്തിയാകാം ഒരുപക്ഷേ നിങ്ങളീ ചോദ്യപേപ്പര്‍ തയ്യാറാക്കുന്നതെന്നും ഞങ്ങള്‍ക്കറിയാം. പക്ഷെ ഒന്നോര്‍ക്കുക. അതിലൊക്കെയുള്ള ചോദ്യങ്ങള്‍ ഇന്നും പഴയ രീതി പിന്തുടരുന്നുവെന്ന ഒരേ ഒരു കുഴപ്പമേയുള്ളു. പക്ഷെ ആ ചോദ്യങ്ങളെ, നിങ്ങളുടെ ബുദ്ധിയിലിട്ട് വലിച്ചു നീട്ടി വികലമാക്കി ഒരു ചോദ്യപേപ്പറിലൂടെ നല്‍കുമ്പോള്‍ പാകമില്ലാത്ത ഒരു ഷര്‍ട്ടിനുള്ളില്‍ ഒരാളെ കടത്താന്‍ ശ്രമിക്കുന്ന പ്രതീതിയാണ് ഉളവാക്കുന്നത്. അതു കൊണ്ട് മേലില്‍ ഇത്തരം ചോദ്യങ്ങള്‍ ഞങ്ങളുടെ കുട്ടികള്‍ക്ക് അയച്ചു തരേണ്ടതില്ല. ജോണ്‍ സാറിനെപ്പോലെയും ശ്രീജിത്ത് സാറിനെപ്പോലെയും കണ്ണന്‍ സാറിനെയും പോലുള്ളവര്‍ തയ്യാറാക്കുന്ന ചോദ്യപേപ്പറുകള്‍ നിങ്ങള്‍ ഡൗണ്‍ലോഡ് ചെയ്തെടുത്ത് ഇമ്പോസിഷന്‍ എഴുതിപ്പഠിക്കേണ്ടതാണെന്നല്ലാതെ എന്താ പറയുക? അതുമല്ലെങ്കില്‍ മറ്റുവിഷയങ്ങളില്‍ ഈ ബ്ലോഗില്‍ നിരവധി അധ്യാപകര്‍ തയ്യാറാക്കുന്ന ചോദ്യമാതൃകകളുടെ രീതികള്‍ നിങ്ങള്‍ കണ്ട് മനസ്സിലാക്കുക.

നിങ്ങള്‍ നടത്താന്‍ പോകുന്നത് ഒരു മത്സരപരീക്ഷയല്ലെന്ന് എന്തുകൊണ്ട് ഓര്‍ക്കുന്നില്ല? കുറേയധികം പേരെ പരാജിതരാക്കി ഈ വിഷയത്തോട് കുട്ടികള്‍ക്ക് താല്‍പ്പര്യമില്ലാതാക്കാന്‍ മാത്രമേ നിങ്ങളുടെ ചോദ്യപേപ്പര്‍ നിര്‍മ്മാണം കൊണ്ട് സാധിക്കുകയുള്ളു. ഈ ചോദ്യപേപ്പര്‍ നിങ്ങളുടെ കുട്ടികള്‍ക്ക് നല്‍കി പരീക്ഷയെടുക്കുക. അവരുടെ മാര്‍ക്ക് പരിശോധിക്കുക. അതില്‍ നിന്ന് നിങ്ങള്‍ക്ക് മനസ്സിലാകും, നിങ്ങള്‍ ഈ പണിക്ക് യോഗ്യനാണോ അല്ലയോ എന്ന്!!! നിങ്ങള്‍ക്ക് വിവരവും വിജ്ഞാനവുമുണ്ടെങ്കില്‍ അത് കയ്യില്‍ വച്ചാല്‍ മതി. സാധാരണക്കാരായ കുട്ടികളെ അതുവച്ച് പന്താടാന്‍ നില്‍ക്കുന്നത് ദ്രോഹമാണ്! നിങ്ങളുടെ ചോദ്യപേപ്പര്‍ ഉപയോഗപ്പെടുത്തി കുട്ടികളുടെ നിലവാരം അളക്കുന്നതിലൂടെ തകരുന്നത് അദ്ധ്യാപകരെക്കുറിച്ചുള്ള രക്ഷിതാക്കളുടെ ധാരണകളാണ്. ഈ വിഷയത്തെ കുട്ടികളില്‍ നിന്ന് അകറ്റാനേ നിങ്ങളുടെ പരീക്ഷണം കൊണ്ട് സാധിക്കൂവെന്ന് നിങ്ങള്‍ ഇനിയെങ്കിലും തിരിച്ചറിയണം. ഞങ്ങളുടെ മുന്നിലിരിക്കുന്ന സാധുകുട്ടികളെ പരിഗണിക്കാതെ, നിങ്ങളുടെ മനഃസ്ഥിതിയുള്ളവര്‍ ഗണിതസ്നേഹികളെന്ന പേരില്‍ കാട്ടിക്കൂട്ടുന്നതെല്ലാം ശുദ്ധ അസംബന്ധമാണെന്നു പറയാതെ വയ്യ! അവരെയെല്ലാം ഞങ്ങള്‍ പൂര്‍ണ്ണമായി അവഗണിച്ചു കഴിഞ്ഞു.

കുട്ടികളുടെ കണ്ണീരു വീഴ്ത്തുന്ന ഒരു ചോദ്യപേപ്പറും ഇനി മുതല്‍ ബ്ലോഗില്‍ പ്രസിദ്ധീകരിക്കില്ലെന്ന് ഞങ്ങള്‍ തീരുമാനമെടുത്തിട്ടുണ്ട്. അത്തരത്തിലുള്ള ചോദ്യപേപ്പറുകള്‍ കുറേ നാളുകളായി ഇവിടെ പ്രസിദ്ധീകരിച്ചിട്ടുമില്ല. പക്ഷെ തുടര്‍ച്ചയായി നിങ്ങള്‍ ഈ പണി തുടരുന്നത് കൊണ്ടാണ് ഇത്തരമൊരു പോസ്റ്റിലൂടെ നിങ്ങളെ തിരുത്താന്‍ ശ്രമിക്കുന്നത്. ഇനിയും കുട്ടികള്‍ക്കായി ചോദ്യപേപ്പര്‍ തയ്യാറാക്കുന്നവര്‍ക്കും അത് ബ്ലോഗിലൂടെ നല്‍കണമെന്നാഗ്രഹിക്കുന്നവര്‍ക്കും ഓര്‍മ്മയുണ്ടാകാന്‍ വേണ്ടിയാണ് ഈ വൈകിയ വേളയില്‍ ഞങ്ങളിത് ഇവിടെ എഴുതുന്നത്. അതു കൊണ്ട് അത്തരം ചോദ്യപേപ്പറുകള്‍ മാത്രം തയ്യാറാക്കി ബ്ലോഗിലേക്ക് അയച്ചാല്‍ മതിയാകും.​ അതല്ല, മാറ്റമില്ലാതെ ഈ പരിപാടി തുടരാനാണ് ഭാവമെങ്കില്‍, ഇതിലും ശക്തമായി ഞങ്ങള്‍ക്ക് പ്രതിഷേധിക്കേണ്ടി വരും. നിങ്ങളുടെ ഗണിതചോദ്യപേപ്പര്‍ വച്ചു കൊണ്ടു തന്നെ!!!!

സൂചനയാണിത്, സൂചന മാത്രം!!!


Read More | തുടര്‍ന്നു വായിക്കുക

THS Question Papers First Term 2016-17(UPDATED with SS IX)

>> Monday, September 5, 2016

എട്ട് ഒമ്പത് ക്ലാസുകളില്‍ കഴിഞ്ഞദിവസം നടന്ന ടെക്‌നിക്കല്‍ സ്കൂള്‍ പാദവാര്‍ഷിക ചോദ്യപേപ്പറുകള്‍ പങ്കുവയ്ക്കുകയാണ് മാത്‌സ് ബ്ലോഗ് ടീമംഗമായ നസീര്‍ സാര്‍. ഏതാണ്ട് ഒരേ സിലബസിലുള്ള വിഷയങ്ങളുടെ ഈ വര്‍ഷത്തെ പേപ്പറുകളായതിനാല്‍, അവ ഉത്തരമെഴുതി പരിശീലിക്കുന്നത് സാധാരണ സ്കൂളുകളിലെ കുട്ടികള്‍ക്ക് പ്രയോജനപ്രദമായിരിക്കുമെന്ന് പ്രത്യേകം പറയേണ്ടതില്ലല്ലോ..? കൂടുതല്‍ ചോദ്യപേപ്പറുകള്‍ സമയാസമയം ഉള്‍പ്പെടുത്തുന്നതാണ്. സംശയങ്ങളും അഭിപ്രായങ്ങളും കമന്റുമല്ലോ?
STD VIII PHYSICS

STD IX PHYSICS

STD X PHYSICS

STD IX CHEMISTRY

STD X SOCIAL SCIENCE

STD IX SOCIAL SCIENCE


Read More | തുടര്‍ന്നു വായിക്കുക

Happy Teachers' Day

സെപ്തംബര്‍ അഞ്ച്. അദ്ധ്യാപകദിനം. പരസ്പരം ആശംസകളയച്ചും കിട്ടിയ ആശംസകളുടെ എണ്ണം നോക്കിയുമല്ല അദ്ധ്യാപക സമൂഹം ഊറ്റം കൊള്ളേണ്ടത്. ഒരു അദ്ധ്യാപകന്റെ ജീവിതം സാർത്ഥകമാകുന്നത് സമൂഹത്തിന് ഗുണകരമാകുന്ന പൗരന്മാരെ സൃഷ്ടിക്കാന്‍ കഴിയുമ്പോള്‍ മാത്രമാണ്. വിദ്യാര്‍ത്ഥികള്‍ക്ക് സുഹൃത്തും വഴികാട്ടിയും സ്‌നേഹവും ആകാന്‍ നമുക്ക് സാധിക്കണം. പഠനകാലത്തിനു ശേഷവും അവരുടെ മനസ്സില്‍ വഴി തെളിക്കാന്‍ നമ്മളുണ്ടാകണം. നാം പഠിപ്പിച്ചു പടി കടത്തി വിടുന്ന കുട്ടികള്‍ ഏതൊക്കെ മേഖലകളിലേക്ക് തിരിഞ്ഞു പോകുന്നുണ്ടെന്ന് ഒരു അന്വേഷണം നടത്തിയിട്ടുണ്ടോ? ശാരീരികമായി വെല്ലുവിളി നേടുന്ന ഒരു വിഭാഗം വിദ്യാര്‍ത്ഥികളെപ്പറ്റി അത്തരമൊരു അന്വേഷണം നടത്തിയിരിക്കുകയാണ് കണ്ണൂര്‍ അഴീക്കോട് ഹയര്‍ സെക്കന്ററി സ്‌കൂളിലെ എ സിന്ധു ടീച്ചര്‍. മാത് സ് ബ്ലോഗിലൂടെ അദ്ധ്യാപക സമൂഹം നടത്തിയിട്ടുള്ള പഠനപ്രവര്‍ത്തനങ്ങളില്‍ എന്നും ഒപ്പം നിന്നിട്ടുള്ളയാളാണ് സിന്ധു ടീച്ചർ. 'പത്താം തരത്തിനു ശേഷം എന്ത്?' എന്ന കാഴ്ച വൈകല്യം നേരിടുന്ന കുട്ടികളുടെ ചോദ്യത്തിനു മുന്നില്‍ പകച്ചു നില്‌ക്കേണ്ടി വരുന്ന അധ്യാപകര്‍ക്ക് വേണ്ടിയുള്ള ഒരു കുറിപ്പാണ് ഈ പോസ്റ്റിലുള്ളത്. ഈ വര്‍ഷത്തെ അദ്ധ്യാപക ദിനത്തില്‍ ചര്‍ച്ച ചെയ്യാന്‍ അനുയോജ്യമായ ഒന്ന്. നിങ്ങളുടെ അഭിപ്രായങ്ങള്‍ പങ്കുവെക്കുമല്ലോ.

കേരളത്തിലെ വിദ്യാലയങ്ങളില്‍ സംയോജിത വിദ്യാഭ്യാസം നടപ്പിലാക്കിയിട്ട് വര്‍ഷങ്ങളായല്ലോ? വിവിധങ്ങളായ പരിമിതികള്‍ അനുഭവിക്കുന്ന വിരവധി കുട്ടികളെ സംബന്ധിച്ചിടത്തോളം തീര്‍ച്ചയായും നല്ലൊരു ചുവടുവെപ്പുതന്നെയായിരുന്നു അത്. ഇത്തരം കുട്ടികളെ സംബന്ധിച്ചിടത്തോളം സാധാരണ വിദ്യാലയങ്ങളോ സ്പെഷ്യല്‍ സ്കൂളുകളോ ഗുണകരം എന്ന ചര്‍ച്ച ഇപ്പോഴും പല സ്ഥലങ്ങളിലും നടക്കുന്നുമുണ്ട്. ഏതായാലും നമ്മുടെ വിദ്യാലയങ്ങളില്‍ നിന്നും വര്‍ഷം തോറും ഈ വിഭാഗത്തില്‍പ്പെട്ട നൂറുകണക്കിന് കുട്ടികള്‍പുറത്തിറങ്ങുന്നുണ്ട്. (SSLC കടമ്പ കടക്കുന്നതിനു മാത്രം IED വിഭാഗത്തില്‍ പെടുത്തുന്ന വിദ്യാര്‍ത്ഥികളുടെ കാര്യമല്ല പറഞ്ഞു വരുന്നത്. )

വിവിധതരം വെല്ലുവിളികള്‍ നേരിടുന്ന ഈ കുട്ടികളില്‍ പെടുന്ന പലരും പഠന പ്രവര്‍ത്തനങ്ങളിലും പാഠ്യേതര പ്രവര്‍ത്തനങ്ങളിലും മുല്‍പന്തിയില്‍ നില്‍ക്കാറുണ്ട്. അവരുടെ പരിമിതികള്‍ അംഗികരിച്ചുകൊണ്ടുതന്നെ അവര്‍ ഭാവിയെപ്പറ്റി മറ്റുകുട്ടികളെ പോലെ തന്നെ സ്വപ്നങ്ങള്‍ കാണുന്നു. ശാരീരിക വെല്ലുവിളികള്‍ നേരിടുന്ന വിദ്യാര്‍ത്ഥികളില്‍ പഠനത്തില്‍ വളരെയധികം ബുദ്ധിമുട്ടു നേരിടുന്നവരാണ് കാഴ്ച ശക്തിയിലും കേള്‍വിശക്തിയിലും വെല്ലുവിളികള്‍ നേരിടുന്നവര്‍. കേള്‍വിശക്തിയുമായി ബന്ധപ്പെട്ട പ്രശ്നമനുഭവിക്കുന്ന വിദ്യാര്‍ത്ഥികള്‍ക്ക് അവര്‍ക്ക് താല്പര്യമുള്ള വിഷയങ്ങള്‍ തെരഞ്ഞെടുത്ത് ഉന്നത പഠനത്തിന് പോകുന്നതിന് പ്രയാസമില്ല. പ്രത്യേകിച്ച് വിവരസാങ്കേതികവിദ്യയുമായി ബന്ധപ്പെട്ട മേഖലകളില്‍ എന്നാണ് ഞാന്‍ മനസിലാക്കുന്നത്.

ഞാനിവിടെ ചര്‍ച്ചയ്ക്ക് വിഷയമാക്കാനുദ്ദേശിക്കുന്നത് കാഴ്ച വൈകല്യം നേരിടുന്ന കുട്ടികളുടെ / മുതിര്‍ന്നവരുടെ പ്രശ്‍നങ്ങള്‍, പ്രത്യേകിച്ച് സ്വയം പര്യാപ്തത നേടുക എന്ന ലക്ഷ്യം കൈവരിക്കുന്നതിനാവശ്യമായ ജോലി നേടല്‍. ഇന്ന്, ബുദ്ധിപരമായ പരിമിതികളില്ലാത്ത ഒരു സാധാരണ വിദ്യാര്‍ത്ഥിയെ സംബന്ധിച്ചിടത്തോളം, അവന് താല്പര്യമുള്ള ഏത് വിഷയത്തിലും പഠിക്കുന്നതിനും തുടര്‍ന്ന് ജോലി നേടുന്നതിനും നിരവധി അവസരങ്ങളുണ്ട്. എന്നാല്‍ കാഴ്ച പരിമിതി ഉള്ളവരെ സംബന്ധിച്ചിടത്തോളം ഇത്തരം അവസരങ്ങള്‍ ( അല്ലെങ്കില്‍ അവയെക്കുറിച്ചുള്ള അറിവ് )വളരെ പരിമിതമാണ്.

പത്താം തരം ജയിച്ച് പുറത്തുവരുന്ന ഇത്തരത്തിലുള്ള ഒരു കുട്ടിക്ക് പൊതുവിദ്യാലയങ്ങളില്‍ ശാസ്ത്രവിഷയങ്ങളെടുത്ത് ഹയര്‍ സെക്കന്ററി പഠനം പൂര്‍ത്തിയാക്കാനുള്ള സംവിധാനം നിലവില്‍ കേരളത്തിലില്ല. തീര്‍ച്ചയായും ശാസ്ത്രവിഷയങ്ങളുടെ പരീക്ഷണ നിരീക്ഷണ സ്വഭാവം തന്നെയാണ് തടസം. ഇവിടം മുതല്‍ കുട്ടികളുടെ പല പഠന താല്പര്യങ്ങള്‍ക്കും വിലങ്ങുകള്‍ വീണു തുടങ്ങുകയാണ്. തുടര്‍ന്ന് അവര്‍ തനിക്ക് താല്പര്യമുള്ളതോ അല്ലാത്തതോ ആയ മറ്റു വിഷയ കോമ്പിനേഷനുകളിലൂടെ പഠനം തുടരുന്നു. ഇവിടേയും പാഠപുസ്തകങ്ങളുടെ ഒാഡിയോ ഫയലുകള്‍ ലഭ്യമായിട്ടുള്ള വിഷയങ്ങള്‍ / കോമ്പിനേഷനുകള്‍ വേണം തെരഞ്ഞെടുക്കാന്‍. അത്തരം വിഷയങ്ങള്‍ / കോമ്പിനേഷനുകള്‍ ലഭ്യമായിട്ടുള്ള സ്കൂളുകളും കണ്ടുപിടിക്കേണ്ടതുണ്ട്. പലപ്പോഴും ഇത്തരം വിദ്യാര്‍ത്ഥികളുടെ കാര്യത്തില്‍ ഇതിനെല്ലാമപ്പുറം യാത്രാസൗകര്യമുള്ള / വലിയ ബുദ്ധിമുട്ടില്ലാതെ എത്തിപ്പെടാന്‍ പറ്റുന്ന സ്കൂളുകള്‍ പഠനത്തിനായി തെരഞ്ഞെടുക്കുകയാണ് പതിവ്.

ഇത്തരം സന്നിഗ്ധ ഘട്ടങ്ങളില്‍ കുട്ടികളും രക്ഷിതാക്കളും ഉപദേശ നിര്‍ദേശങ്ങള്‍ക്കായി സമീപിക്കുന്നത് കുട്ടിയുടെ അതു വരെയുള്ള അധ്യാപകരെയാണ്. നിലവിലുള്ള അവസ്ഥയില്‍ ലഭ്യമായ പരിമിതമായ കോഴ്സുകളെ പറ്റിയുള്ള വിവരങ്ങള്‍ നല്‍കാനെ നമ്മള്‍ക്കും പറ്റനുള്ളൂ. ഉന്നതങ്ങളില്‍ അന്വേഷിച്ചാലും അതിനപ്പുറമുള്ള സാധ്യതകളെ പറ്റിയുള്ള വിവരങ്ങള്‍ ലഭ്യമല്ലെന്നു തന്നെ പറയാം. വളരെ മികച്ച രീതിയില്‍ ചിന്തിക്കുകയും പ്രവര്‍ത്തിക്കുകയും ചെയ്യുന്ന ഇവരെ സംബന്ധിച്ചിടത്തോളം ഉന്നതവിദ്യാഭ്യാസത്തെപ്പറ്റി ഇതോടോപ്പം തന്നെ ആലോചന തുടങ്ങുന്നു. സ്വയം പര്യാപ്തമായ ജീവിതത്തിന് സഹായിക്കുന്നതും , തങ്ങളുടെ താല്പര്യങ്ങള്‍ക്കിണങ്ങുന്നതുമായ പഠന, ജോലി സാധ്യതകളാണവര്‍ അന്വേഷിക്കുന്നത്. ആദ്യകാലങ്ങളില്‍ ബുക്ക് ബൈന്റിംഗ് , കുട നിര്‍മ്മാണം , മെഴുകുതിരി നിര്‍മ്മാണം , ലോട്ടറി വില്പന പോലുള്ള ജോലികളില്‍ ഒതുങ്ങേണ്ടി വന്നതില്‍ നിന്നും മാറ്റം വന്നിട്ടില്ലെന്ന് പറയാന്‍ പറ്റില്ല. കാരണം ഇന്ന് ഇത്തരത്തിലുള്ളവര്‍ വളരെയധികം ആശ്രയിക്കുന്ന ഒരു മേഖലയായി അധ്യാപകവൃത്തി മാറിയിരിക്കുന്നു.. സ്കൂളിലും ഉന്നത വിദ്യാഭ്യാസ സ്ഥാപനങ്ങളിലും ഇന്ന് ഇത്തരം നിരവധി അധ്യാപകരെ കാണാം.

ഇന്ന് കാഴ്ച വൈകല്യം നേരിടുന്ന വ്യക്തികള്‍ പലരും കമ്പ്യൂട്ടറിലായാലും മറ്റ് ഐ ടി മേഖലകളിലായാലും വളരെയേറെ താല്പര്യമുള്ളവരും വൈദഗ്ധ്യമുള്ളവരും കൂടുതല്‍ വിദഗ്ധരാവാന്‍ സാധിക്കുന്നവരുമാണ്. എന്നാല്‍ ഒരു ജോലി എന്ന നിലയില്‍ സാങ്കേതികവിദ്യയേയോ മറ്റു മേഖലകളേയോ സമീപിക്കാന്‍ ആഗ്രഹിക്കുന്നവരെ സംബന്ധിച്ചിടത്തോളം അത്തരം ജോലിസാധ്യതകളെപ്പറ്റിയുള്ള അറിവുകള്‍ വളരെ പരിമിതമാണ്. ഇന്നും K F B (Kerala Blind Federation) പോലുള്ള സംഘടനകള്‍ നല്‍കുന്ന പരിശീലനം എന്നത് കമ്പ്യൂട്ടര്‍ ഉപയോഗിക്കുന്നതിലും ഡി ടി പി യിലും ഒതുങ്ങി നില്‍ക്കുന്നു. തങ്ങള്‍ നേരിടുന്ന വെല്ലുവിളികളെ അംഗീകരിച്ചുകൊണ്ടു തന്നെ തങ്ങളുടെ താല്പര്യത്തിനിണങ്ങുന്ന പഠനം / ജോലി എന്ന സാധ്യത ഇപ്പോഴും അകലെ തന്നെയാണ്. ഇത്തരം വ്യക്തികള്‍ക്ക് അവരുടെതായ facebook , whatsapp കൂട്ടായ്മകളുണ്ട്. അതിലൂടെ പങ്കുവയ്ക്കപ്പെടുന്ന വിവരങ്ങളുമുണ്ട്. പല വിദേശരാജ്യങ്ങളിലും ഇത്തരക്കാര്‍ക്ക് ലഭ്യമായിട്ടുള്ള സൗകര്യങ്ങളെക്കാള്‍ 10-15വര്‍ഷംവരെപിറകിലാണ്നമ്മളിപ്പോള്‍.മറ്റെല്ലാ സാങ്കേതികവിദ്യകളുമുപയോഗിക്കുന്ന കാര്യത്തില്‍ കേരളീയര്‍ ഇപ്പോള്‍ അത്തരം രാജ്യങ്ങളോടൊപ്പം ഉണ്ട് എന്നത് മറന്നുകൂടാ.

Medical transcription പോലുള്ള മേഖലകളില്‍ ജോലി അവസരങ്ങളുണ്ടെന്ന് മനസ്സിലാക്കുന്നു. പക്ഷേ ഇവയ്ക്കാവശ്യമായ പരിശീലനങ്ങള്‍ക്ക് എവിടെ സമീപിക്കണം എന്നറിയില്ല. ഇവര്‍ നേരിടുന്ന ശാരീരിക പ്രശ്നങ്ങള്‍ക്കായി ഭീമമായ തുക ചെലവഴിച്ചുകഴി‍ഞ്ഞ/ചെലവഴിച്ചുകൊണ്ടിരിക്കുന്ന രക്ഷിതാക്കള്‍ക്കും മുന്നോട്ടുള്ള വഴി അവ്യക്തമാണ്.

ഇവരെ സഹായിക്കാന്‍ സാധിക്കുന്ന വ്യക്തികള്‍, സ്ഥാപനങ്ങള്‍, കോഴ്സുകള്‍, തൊഴില്‍ മേഖലകള്‍ എന്നിവയെപ്പറ്റിയുള്ള വിശദമായ ചര്‍ച്ച നടക്കണമെന്ന് ആഗ്രഹിക്കുന്നു. മാര്‍ഗ്ഗ നിര്‍ദേശങ്ങള്‍ക്കായി സമീപിക്കുന്ന കുട്ടികള്‍ക്ക് / രക്ഷിതാക്കള്‍ക്കു മുന്നില്‍ ഒരു ചെറു മെഴുകുതിരിയെങ്കിലും കൊളുത്തി വെക്കാന്‍ നമ്മള്‍ അധ്യാപകര്‍ക്കു കഴിഞ്ഞങ്കില്‍...........


Read More | തുടര്‍ന്നു വായിക്കുക

STD 10 Biology
4 Question Papers with answers

>> Thursday, September 1, 2016

9-ാം തരത്തിലെ ജീവശാസ്ത്രം പരീക്ഷയിൽ നിലവിലുണ്ടായിരുന്ന ചോദ്യ പാറ്റേണിൽ ചില മാറ്റങ്ങൾ വരുത്തിയിരുന്നത് ശ്രദ്ധിച്ചിട്ടുണ്ടാകുമല്ലോ. ശരിയും തെറ്റും കണ്ടു പിടിക്കുന്ന ചോദ്യ രീതി കൂടുതലായി കാണാൻ കഴിയും. ഗ്രാഫ് അപഗ്രഥനം, കാരണം കണ്ടെത്തൽ, ചിത്ര വിശകലനം, പട്ടിക വിശകലനം എന്നിവക്ക് പ്രാധാന്യം നൽകിയിരിക്കുന്നു. പദജോഡി ബന്ധം ഒഴിവാക്കിയിട്ടുണ്ട്. ഇതേ മാതൃകയിലാണ് SSLC Biology Sample Question paper Set 4 with answer key തയ്യാറാക്കിയിരിക്കുന്നത്. ആദ്യ മൂന്ന് സെറ്റുകൾക്കൊപ്പം ഇതിലെ ചോദ്യങ്ങളും വിശകലനം ചെയ്യുമ്പോൾ ആദ്യ മൂന്ന് പാഠങ്ങളിലെ എല്ലാ ഉള്ളടക്കങ്ങളും ഏതാണ്ട് സ്പർശിച്ചിട്ടുണ്ട്.

പത്താം ക്ലാസിലെ ബയോളജി പാഠഭാഗങ്ങളുടെ നാല് സെറ്റ് ചോദ്യപേപ്പറുകളാണ് ഇതോടൊപ്പം നല്‍കിയിട്ടുള്ളത്. ബയോളജി സ്റ്റേറ്റ് റിസോഴ്സ് ഗ്രൂപ്പ് അംഗവും വയനാട് ജില്ലയിലെ ജി.എച്ച്.എസ്.എസ് കല്ലൂരിലെ അദ്ധ്യാപകനുമായ ബി. രതീഷ് സാറാണ് ഇവ തയ്യാറാക്കിയിരിക്കുന്നത്. ഓരോ ചോദ്യപേപ്പറുകളോടൊപ്പം ഓരോ ചോദ്യത്തിന്റേയും ഉത്തരങ്ങളും നല്‍കിയിട്ടുണ്ട്. ഈ പ്രത്യേകത കൊണ്ടാണ് അല്പം വൈകിപ്പോയെങ്കിലും ഇതൊരു പ്രത്യേക പോസ്റ്റാക്കിത്തന്നെ പ്രസിദ്ധീകരിക്കുന്നത്. പരീക്ഷയ്ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് ഇതില്‍പ്പരം മറ്റെന്ത് വിഭവമാണ് ഉപകാരപ്പെടുക? ഈ നാല് സെറ്റ് ചോദ്യപേപ്പറുകളും വൃത്തിയായി പഠിച്ചു പോകുന്ന ഒരു കുട്ടിക്ക് അറുപത് ശതമാനത്തിന് മുകളില്‍ മാര്‍ക്ക് കിട്ടുമെന്ന് കണ്ണടച്ച് പറയാം. അതുകൊണ്ടു് ഈ വിഭവം കുട്ടികളിലേക്കെത്തിക്കാന്‍ അദ്ധ്യാപകര്‍ ശ്രദ്ധിക്കുമല്ലോ.

Question Papers to Download
Biology Question Paper and Answers : Set 1
Biology Question Paper and Answers : Set 2
Biology Question Paper and Answers : Set 3
Biology Question Paper and Answers : Set 4


Read More | തുടര്‍ന്നു വായിക്കുക

Social Science X : Study Notes

>> Tuesday, August 30, 2016

കാസര്‍ഗോട്ടെ ജിഎച്ച്എസ്എസ് പരപ്പയിലെ എം ബിജുസാറും തിരുവനന്തപുരം കാട്ടെല ഡോ.എഎംഎംആര്‍എച്ച്എസ്എസിലെ ഈ കോളിന്‍ ജോസ് സാറും ചേര്‍ന്ന് തയാറാക്കി അയച്ച ഷോര്‍ട്ട് നോട്ടുകളാണ് ഈ പോസ്റ്റിലുള്ളത്. ഒന്നാം പാദവാര്‍ഷിക പരീക്ഷാ സംബന്ധിയായി സോഷ്യല്‍സയന്‍സ് വിഷയത്തിന് അവശ്യമായ ഷോട്ട് നോട്ടുകള്‍ ഡൗണ്‍ലോഡ് ചെയ്ത് ഉപയോഗപ്പെടുത്തിക്കൊള്ളൂ. സംശയങ്ങളും മെച്ചപ്പെടുത്തല്‍ നിര്‍ദ്ദേശങ്ങളും ഇവിടെ പങ്കുവയ്ക്കുന്നത് ഇരുവര്‍ക്കും സന്തോഷമാകും.
Click here to Download Notes


Read More | തുടര്‍ന്നു വായിക്കുക

First Terminal Examination Answers September 2016

>> Monday, August 29, 2016

പുതിയ പാഠ്യപദ്ധതിക്കനുസരിച്ച് നടക്കുന്ന ഒന്നാം പാദവാര്‍ഷിക പരീക്ഷയുടെ ചോദ്യപേപ്പറും ഉത്തരസൂചികകളും പ്രസിദ്ധീകരിക്കാനുള്ള ഒരു പോസ്റ്റാണ് ഇത്. ഉത്തരങ്ങളും സൂചികകളും തയ്യാറാക്കുന്ന അദ്ധ്യാപകര്‍ക്ക് അവ മാത് സ് ബ്ലോഗിലേക്ക് അയച്ചു തരാവുന്നതേയുള്ളു. mathsblogteam@gmail.com എന്നതാണ് ബ്ലോഗിന്റെ ഇ-മെയില്‍ ഐ.ഡി. ഉത്തരസൂചികകള്‍ അയക്കുന്ന അദ്ധ്യാപകര്‍ അവരുടെ ഔദ്യോഗിക വിലാസം കൂടി അതോടൊപ്പം ചേര്‍ക്കണം. വരുംവര്‍ഷങ്ങളില്‍ ഈ ചോദ്യപേപ്പറുകള്‍ ഉപയോഗപ്പെടുത്തുന്ന വിദ്യാര്‍ത്ഥികള്‍ക്ക് ഉത്തരസൂചികകള്‍ ഒരു അനുഗ്രഹമാകുമെന്നതില്‍ സംശയമില്ല. അതിനാല്‍ ഇതൊരു പുണ്യപ്രവര്‍ത്തിയായിക്കൂടി കാണുമല്ലോ.

ഉത്തരങ്ങള്‍ മലയാളത്തിലോ ഇംഗ്ലീഷിലോ ടൈപ്പ് ചെയ്ത ശേഷം വേഡ് ഫോര്‍മാറ്റായോ പി.ഡി.എഫായോ ബ്ലോഗിന്റെ ഇ-മെയില്‍ ഐഡിയിലേക്ക് അയച്ചു തരാവുന്നതാണ്.

ചോദ്യപേപ്പറുകള്‍ പരീക്ഷ അവസാനിക്കുമ്പോള്‍ മാത്രമേ പ്രസിദ്ധീകരിക്കുകയുള്ളു. ഉത്തരസൂചികകള്‍ ഡൗണ്‍ലോഡ് ചെയ്തെടുക്കുന്നവര്‍ കമന്റുകള്‍ കൂടി വായിക്കണം എന്ന് അഭ്യര്‍ത്ഥിക്കുന്നു. അതുപോലെ ഉത്തരസൂചികകളില്‍ തെറ്റുകള്‍ കണ്ടെത്തിയാല്‍ അവ കമന്റു ചെയ്യുകയും വേണം.
മെയില്‍ബോക്സിലേക്ക് വന്ന ഉത്തരസൂചികകള്‍ മുഴുവനായും പ്രസിദ്ധീകരിക്കാന്‍ കഴിഞ്ഞിട്ടില്ല. പ്രധാനപ്പെട്ടവ വല്ലതും വിട്ടുപോയിട്ടുണ്ടെങ്കില്‍ അറിയിക്കണേ...

Urdu
  1. STD X Urdu 1 : Download
    Prepared by : FaisalVafa, (Core SRG & Textbook Committee) GHS Chalissery, Palakkad
  2. STD IX Urdu 1 : Download
    Prepared by : FaisalVafa, (Core SRG & Textbook Committee) GHS Chalissery, Palakkad
  3. STD VIII Urdu 1 : Download
    Prepared by : FaisalVafa, (Core SRG & Textbook Committee) GHS Chalissery, Palakkad
  4. STD VII Urdu 1 : Download
    Prepared by : FaisalVafa, (Core SRG & Textbook Committee) GHS Chalissery, Palakkad
  5. STD VI Urdu 1 : Download
    Prepared by : FaisalVafa, (Core SRG & Textbook Committee) GHS Chalissery, Palakkad

Social Science
  1. STD X Social Science Answer Key (Mal) 1 : Download
    Prepared by : BIJU.M, GHSS PARAPPA, KASARGOD and COLIN JOSE. E, Dr. AMMRHSS, Kattela,TVPM
  2. STD X Social Science Answer Key (Eng) 2 : Download
    Prepared by : ROY. K, MTHSS Pathanamthitta
  3. STD IX Social Science Answer Key (Mal) 1 : Download
    Prepared by : BIJU.M, GHSS PARAPPA, KASARGOD and COLIN JOSE. E, Dr. AMMRHSS, Kattela,TVPM
  4. STD VIII Social Science Answer Key (Mal) 1 : Download
    Prepared by : BIJU.M, GHSS PARAPPA, KASARGOD and COLIN JOSE. E, Dr. AMMRHSS, Kattela,TVPM

Physics


  1. STD X Physics Answer Key (Mal) 1 : Download
    Prepared by : ARUN S NAIR, SCERT Textbook committee, CRESCENT HSS, ADAKKAKUNDU
  2. STD X Physics Answer Key (Mal) 2 : Download
    Prepared by : STALIN V A, GGHSS CHERTHALA
  3. STD X Physics Answer Key (Mal) 3 : Download
    Prepared by : MOHAMMED MARZOOQUE CHERAYAKKUTH, GHSS PANG, MALAPPURAM
  4. STD IX Physics Answer Key (Mal) 1 : Download
    Prepared by : ARUN S NAIR, SCERT Textbook committee, CRESCENT HSS, ADAKKAKUNDU
  5. STD VIII Physics Answer Key (Engl) 1 : Download
    Prepared by : Shaji. A, Govt. HSS Pallickal
  6. STD VIII Physics Answer Key (Mal) 2 : Download
    Prepared by : ARUN S NAIR, SCERT Textbook committee, CRESCENT HSS, ADAKKAKUNDU
  7. STD VIII Physics Answer Key (Mal) 3 : Download
    Prepared by : MOHAMMED MARZOOQUE CHERAYAKKUTH, GHSS PANG, MALAPPURAM

Chemistry
  1. STD X Chemistry Answer Key (Mal) 1 : Download
    Prepared by Ravi.p, Nisha K.K, Deepa c, HS Peringode
  2. STD X Chemistry Answer Key (Mal) 2 : Download
    Prepared by MOHAMMED MARZOOQUE CHERAYAKKUTH, GHSS PANG, MALAPPURAM
  3. STD X Chemistry Answer Key (Eng) 3 : Download
    Prepared by RAJEEVAN.N. (Retd. Headmaster, Pandallur HSS
  4. STD X Chemistry Answer Key (Mal) 4 : Download
    Prepared by Aneesh P, GVHSS, Nellikkuth, Mancheri
  5. STD IX Chemistry Answer Key (Mal) 1 : Download
    Prepared by Sojith S, Govt HSS, Thevarvattom
  6. STD IX Chemistry Answer Key (Mal) 2 : Download
    Prepared by Ravi.p, Nisha K.K, Deepa c, HS Peringode
  7. STD IX Chemistry Answer Key (Eng) 3 : Download
    Prepared by Sindhu M, HSA,Government KVHSS, Ayira
  8. STD VIII Chemistry Answer Key (Mal) 1 : Download
    Prepared by Ravi.p, Nisha K.K, Deepa c, HS Peringode

Biology
  1. STD X Biology Answer Key (Mal) 1 : Download
    Prepared by RATHEESH B(SRG), Reeja, GHSS KALLOOR, WAYANAD
  2. STD X Biology Answer Key (Mal) 2 : Download
    Prepared by VINODKRISHNAN. T.V, PCNGHSS Mookkuthala,Malappuram
  3. STD X Biology Answer Key (Mal) 3 : Download
    Prepared by MALA A.D, GGHSS CHERTHALA
  4. STD IX Biology Answer Key (Mal) 1 : Download
    Prepared by RATHEESH B(SRG), Reeja, GHSS KALLOOR, WAYANAD
  5. STD IX Biology Answer Key (Eng) 2 : Download
    Prepared by VINODKRISHNAN. T.V, PCNGHSS Mookkuthala,Malappuram
  6. STD VIII Biology Answer Key (Mal) 1 : Download
    Prepared by RATHEESH B(SRG), Reeja, GHSS KALLOOR, WAYANAD

Mathematics
  1. STD X Maths Answer Key (Mal) 1 : Download
    Prepared by Baburaj P, PHSS Pandaloor, Malappuram
  2. STD X Maths Answer Key (Eng) 2 : Download
    Prepared by Maths Blog Team, Palakkad (UPDATED)
  3. STD X Maths Answer Key (Mal) 3 : Download
    Prepared by Binoyi Philp, GHSS KOTTODI
  4. STD X Maths Answer Key (Mal) 4 : Download
    Prepared by Daisy M A, GHSS CHALISSERY
  5. STD IX Maths Answer Key (Eng) 1 : Download
    Prepared by Maths Blog Team, Palakkad
  6. STD IX Maths Answer Key (Mal) 2 : Download
    Prepared by Binoyi Philp, GHSS KOTTODI
  7. STD VIII Maths Answer Key (Mal) 1 : Download
    Prepared by Baburaj P, PHSS Pandaloor, Malappuram
  8. STD VIII Maths Answer Key (Mal) 2 : Download
    Prepared by Binoyi Philp, GHSS KOTTODI

Hindi
  1. STD X Hindi Answer Key 1 : Download
    Prepared by K.G Madhusoodhanan Pillai, GHSS Budhanoor, Alappuzha
  2. STD X Hindi Answer Key 2 : Download
    Prepared by Asok Kumar N A, GOVT H S S Perumpalam, Alappuzha
  3. STD IX Hindi Answer Key 1 : Download
    Prepared by Asok Kumar N A, GOVT H S S Perumpalam, Alappuzha
  4. STD VIII Hindi Answer Key 1 : Download
    Prepared by Asok Kumar N A, GOVT H S S Perumpalam, Alappuzha
  5. English

  1. STD X English Answer Key 1 : Download
    Prepared by Muhammed Javad K.T, Markaz HSS Karanthur, Kozhikode
  2. STD X English Answer Key 2 : Download
    Prepared by SAMEER. CP & JAMSHEER. AK, Crescent higher Secondary School,Adakkakundu.
  3. STD X English Answer Key 3 : Download
    Prepared by PRASANTH P.G, G.H.S.S. KOTTODI
  4. STD X English Answer Key 4 : Download
    Prepared by ANILKUMAR.P , A.V.H.S.S, PONANI, MALAPPURAM DIST
  5. STD IX English Answer Key 1 : Download
    Prepared by Prasanth P, Government higher Secondary School,Kottodi.
  6. STD IX English Answer Key 2 : Download
    Prepared by ANILKUMAR.P, A.V.H.S.S, PONANI, MALAPPURAM DIST
  7. STD VIII English Answer Key 1 : Download
    Prepared by SAMEER. CP, Crescent higher Secondary School,Adakkakundu.
  8. STD VIII English Answer Key 2 : Download
    Prepared by Prasanth P, Government higher Secondary School,Kottodi
  9. STD VIII English Answer Key 3 : Download
    Prepared by ANILKUMAR.P , A.V.H.S.S, PONANI, MALAPPURAM DIST

NB: മറ്റൊരു കാര്യം കൂടി. ഇവിടെ പ്രസിദ്ധീകരിക്കുന്ന ഉത്തരസൂചികകളില്‍ ചിലപ്പോള്‍ പിശകുകളുണ്ടായേക്കാം. ചിലപ്പോള്‍ അപൂര്‍ണമായേക്കാം. ബ്ലോഗ് ഉപയോഗിക്കുന്ന അദ്ധ്യാപകര്‍ക്കും വിദ്യാര്‍ത്ഥികള്‍ക്കും ചര്‍ച്ച ചെയ്യുന്നതിന് വേണ്ടി മാത്രമാണ് ഇവ പ്രസിദ്ധീകരിക്കുന്നതെന്ന് പ്രത്യേകം ഓര്‍മ്മിക്കണേ.. അഭിപ്രായങ്ങള്‍ കമന്റ് ചെയ്യുക


Read More | തുടര്‍ന്നു വായിക്കുക

പ്രൊഫഷന്‍ ടാക്സ് സ്പാര്‍ക്കിലൂടെ സാലറിയിൽ നിന്നും കട്ട് ചെയ്യാം.

മുന്‍കാലങ്ങളില്‍ പ്രൊഫഷന്‍ ടാക്സ് ഷെഡ്യൂള്‍ തയ്യാറാക്കുന്നതിന് മാത്രമാണ് സ്പാര്‍ക്ക് ഉപയോഗിച്ചിരുന്നത്. എന്നിട്ട് ജീവനക്കാരുടെ സാലറിയില്‍ നിന്നും ആ പണം കിഴിവ് ചെയ്ത് സ്ക്കൂള്‍ അക്കൗണ്ടിലേക്ക് മാറ്റിയ ശേഷം ബാക്കി തുക ഓരോരുത്തരുടേയും ബാങ്ക് അക്കൗണ്ടിലേക്ക് ക്രഡിറ്റ് ചെയ്തിരുന്നു. എന്നാലിപ്പോള്‍ സാലറി ക്രഡിറ്റ് ചെയ്യുന്നത് ഓണ്‍ലൈന്‍ ആയതോടെ, ജീവനക്കാരുടെ മുഴുവനായും സാലറി അക്കൗണ്ടിലോട്ട് നേരിട്ട് മാറ്റപ്പെടുന്നു. ഇതിനാല്‍ പ്രൊഫണല്‍ ടാക്സ് പിരിച്ചെടുക്കാന്‍ ബുദ്ധിമുട്ട് നേരിടുന്നുണ്ടായിരുന്നു. ജീവനക്കാരുടെ എണ്ണം അധികമുള്ള സ്ഥാപനങ്ങള്‍ക്ക്‌ വലിയ ബുദ്ധിമുട്ടാണ് ഇക്കാര്യത്തില്‍ നേരിട്ടത്. പല കോണുകളില്‍ നിന്നും ആവശ്യമുയര്‍ന്നതു കൊണ്ടുതന്നെ, ഈ മാസം മുതല്‍ പ്രൊഫഷന്‍ ടാക്സ് സാലറിയില്‍ നിന്നും നേരിട്ട് ഡിഡക്ട് ചെയ്യാന്‍‍ സ്പാര്‍ക്ക് സൗകര്യമൊരുക്കിയിട്ടുണ്ട്. ഇതേക്കുറിച്ച് എറണാകുളം ഐടി അറ്റ് സ്ക്കൂള്‍ മാസ്റ്റര്‍ ട്രെയിനര്‍ അനില്‍ സാര്‍ എഴുതിയ കുറിപ്പ് വായിച്ചു നോക്കൂ.


പ്രൊഫഷന്‍ ടാക്സ് സ്പാര്‍ക്കിലൂടെ

  1. Salary Matters/ Processing ല്‍ Prof. tax Calculation എന്ന Option സെലക്ട് ചെയ്യുക.
  2. ഇവിടെ DDO Code, Bill Type എന്നിവ സെലക്ട് ചെയ്തു കൊടുക്കുക.
  3. തുടര്‍ന്ന് Remove Existing Prof Taxഎന്ന ബട്ടണില്‍ ക്ലിക്ക് ചെയ്ത്, നിലവില്‍ Entry ഉണ്ടെങ്കില്‍ റിമൂവ് ചെയ്യുക.
  4. ഇനി Include Prof Taxഎന്ന ബട്ടണില്‍ ക്ലിക്ക് ചെയ്യുക.
  5. ഇപ്പോള്‍ താഴെ Financial Yearകാണിക്കും, അതിനു താഴെ First OR Second Half ഏതെന്ന് സെലക്ട് ചെയ്യണം.
  6. ശേഷം Confirm ബട്ടണില്‍ ക്ലിക്ക് ചെയ്യക.
  7. ഇവിടെ തന്നെ Pof . Tax deduction detailsലഭ്യമാണ്.
  8. Print Pof . Tax deduction ല്‍ നിന്നും പ്രിന്റൗട്ടും എടുക്കാം.
  9. ഇപ്പോള്‍ പ്രസ്തുത Bill Type ലെ എല്ലാവരുടേയും ഡിഡക്ഷനില്‍ (Salary/ Matters/ Changes in the Month/ Present Salary)Prof Tax Entry വന്നിരിക്കും.

ഈ തുക DDO യുടെ പേരില്‍ ട്രഷറികളില്‍ ആരംഭിച്ചിട്ടുള്ള സ്പെഷല്‍ ട്രഷറി അക്കൗണ്ട് (STSB A/c) ലേക്കാണ് ട്രാന്‍സ്ഫര്‍ ചെയ്യപ്പെടുന്നത്. അതില്‍ നിന്നും ചെക്ക് വഴി പണം പിന്‍വലിച്ച് പഞ്ചായത്തിലേക്ക് / മുനിപ്പാലിയിലോട്ട് മാറാം. അതുമല്ലെങ്കില്‍ തദ്ദേശസ്വയം ഭരണസ്ഥാപനത്തില്‍ ഈ ചെക്ക് സമര്‍പ്പിക്കുകയും ചെയ്യാം.

NB: പ്രൊഫഷന്‍ ടാക്സ് ഷെഡ്യൂള്‍ തയ്യാറാക്കിയ ശേഷം അത് പ്രിന്റൗട്ട് എടുക്കുകയും തുടര്‍ന്ന് Remove Existing Prof Tax ക്ലിക്ക് ചെയ്ത് ഇപ്പോള്‍ പ്രൊസസ് ചെയ്ത പ്രൊഫഷന്‍ ടാക്‌സ് റിമൂവ് ആകുകയും ചെയ്യുന്നു. ഇനി ആ തുക ശമ്പളബില്ലില്‍ നിന്ന് കുറവ് ചെയ്യപ്പെടുകയില്ല, പണം ട്രഷറി അക്കൗണ്ടിലേക്ക് പോവുകയുമില്ല എന്ന് പലരും പറയുന്നു. ഇപ്പോള്‍ തയ്യാറാക്കിയ ഷെഡ്യൂള്‍ പ്രകാരമുള്ള തുക ജീവനക്കാരില്‍ നിന്നും നേരിട്ട് വാങ്ങി തദ്ദേശസ്വയംഭരണ സ്ഥാപനത്തില്‍ അടക്കുകയും ചെയ്യാം. ഇങ്ങനെ ചെയ്യുന്നതുകൊണ്ട് എന്താണ് കുഴപ്പമെന്നാണ് അവരുടെ ചോദ്യം. എന്നാല്‍ സ്പാര്‍ക്ക് വഴി ജീവനക്കാരില്‍ നിന്നും ഒറ്റയടിക്ക് പ്രൊഫഷന്‍ ടാക്സ് കിഴിവ് ചെയ്യാന്‍ സൗകര്യമുണ്ടെന്നിരിക്കേ, പഴയ രീതി പിന്തുടരുന്നത് അനുകരണീയമല്ലെന്നാണ് ഞങ്ങള്‍ക്കുള്ള മറുപടി.


Read More | തുടര്‍ന്നു വായിക്കുക
♡ Copying is an act of love. Love is not subject to law. - 2015 | Disclaimer