SSLC കണക്ക് പുനഃപരീക്ഷ എങ്ങനെ ഉണ്ടായിരുന്നു? നിങ്ങളുടെ അഭിപ്രായങ്ങള്‍ താഴെ പോസ്റ്റിന്റെ കമന്റായി ഇടുക...സ്കീം ഫൈനലൈസേഷന്‍ കേമ്പിലെ തീരുമാനങ്ങളില്‍ അവ നിശ്ചയമായും കണക്കിലെടുക്കപ്പെടും..


Noon Meal Data Entry

എസ്എസ്എല്‍സി ഗണിതം - അവലേകനം, ഉത്തരസൂചിക!

>> Thursday, March 30, 2017

2017ലെ എസ്എസ്എല്‍സി പരീക്ഷ, ഗണിത പുനഃപരീക്ഷയോടെ ഇന്ന് അവസാനിച്ചുവല്ലോ? എങ്ങനെ ഉണ്ടായിരുന്നു?
ഒരു താരതമ്യത്തിനായി പഴയ ചോദ്യപേപ്പര്‍ ഇവിടെയും | പുതിയ ചോദ്യപേപ്പര്‍ ഇവിടെയും നോക്കുക...

എല്ലാ വിഷയങ്ങളുടെയും ഉത്തരസൂചികകള്‍ സംസ്ഥാനത്തിന്റെ വിവിധ ഭാഗങ്ങളിലുള്ള അധ്യാപകര്‍ തയാറാക്കി തന്നത് ഈ പോസ്റ്റിനു താഴെ പ്രസിദ്ധീകരിക്കപ്പെടുന്നതാണ്. ഗണിത പരീക്ഷയുടെ വിശകലനം തയാറാക്കിയിരിക്കുന്നത് പാലക്കാട് മാത്‌സ് ബ്ലോഗ് ടീമിലെ കണ്ണന്‍ സാറാണ്.അതിനു താഴെയുള്ള ഉത്തരസൂചികകള്‍ പാലക്കാട് മാത്‌സ് ബ്ലോഗ് ടീമിന്റേതും നമ്മുടെ മുരളിസാറിന്റേതുമാണ്.

മറ്റു വിഷയങ്ങളുടെ ഉത്തരസൂചികകളും ഈ പോസ്റ്റിനു താഴെയായി സമയംപോലെ അപ്‌ഡേറ്റ് ചെയ്യാം...


അധ്യാപകരിലും കുട്ടികളിലും കടുത്ത മാനസിക സംഘര്‍ഷങ്ങള്‍ക്ക് ഇടയാക്കി തിരശീലയില്‍ മറഞ്ഞ എസ്എസ്എല്‍സി ഗണിത പരീക്ഷയെ അപേക്ഷിച്ച്, രണ്ടാമതു നടന്ന പരീക്ഷ ഇരുകൂട്ടര്‍ക്കും ആശ്വാസത്തിന് വക നല്‍കുന്നതായി...എല്ലാ വിഭാഗം കുട്ടികളെയും പരിഗണിക്കാന്‍ ശ്രമം നടത്തിയ ചോദ്യപേപ്പര്‍ നിശ്ചിത സമയത്ത് എഴുതിത്തീര്‍ക്കാനും പ്രയാസമൊന്നുമുള്ളതായ പരാതികളില്ല. ചോദ്യങ്ങള്‍ നീതിബോധത്തോടെ തയാറാക്കുന്നതിലൂടെ കുട്ടികളുടെ ചിന്താശേഷി അളക്കുന്നതിനും ചോദ്യകര്‍ത്താവ് അതീവ ശ്രദ്ധവെച്ചതായി കാണാം.


ചോദ്യങ്ങള്‍ 1,8,18 എന്നിവ ഒന്നാമത്തെ യൂണിറ്റായ സമാന്തരശ്രേണിയില്‍ നിന്നായിരുന്നു. കുട്ടികള്‍ ശീലിച്ച തരത്തിലുള്ള ലളിതമായ തുടക്കം ഒന്നാം ചോദ്യത്തെ മനഃശാസ്ത്രപരമായും മികച്ചതാക്കി. എട്ടാം ചോദ്യവും കുട്ടികളെ നിരാശപ്പെടുത്തിയില്ല. എന്നാല്‍ പതിനെട്ടാം ചോദ്യത്തിന്റെ ആദ്യഭാഗം (സമഗുണിത പ്രോഗ്രഷന്റെ ബീജഗണിത രൂപം) ഉയര്‍ന്ന നിലവാരക്കാര്‍ക്കുപോലും വെല്ലുവിളി ഉയര്‍ത്തുന്നതായി. ഇതിന്റെ രണ്ടാം ഭാഗവും A+ കാരെ ലക്ഷ്യം വെച്ചുള്ളതായി തോന്നി.


ചോദ്യങ്ങള്‍ 6,14എന്നിവ വൃത്തങ്ങളില്‍ നിന്നായിരുന്നു. ആറാം ചോദ്യം നല്ല നിലവാരം പുലര്‍ത്തി. മിടുക്കര്‍ വരെ ഇരുന്ന് ചിന്തിച്ചിരിക്കണം. പതിനാലാം ചോദ്യം, റദ്ദാക്കപ്പെട്ട പരീക്ഷയിലുണ്ടായിരുന്ന അതേ നിര്‍മിതി തന്നെയായിരുന്നു. ഇത് കുട്ടികളെ ആഹ്ലാദിപ്പിച്ചിരിക്കണം.


ചോദ്യം 15സാധ്യതകളുടെ ഗണിതത്തില്‍ നിന്നുള്ളത് സാധരണ ചെയ്തുശീലിച്ച തരത്തിലുള്ളതു തന്നെ ആയിരുന്നെങ്കിലും മുഴുവന്‍ 4മാര്‍ക്കും നേടുന്നവരുടെ എണ്ണം കുറവായിരിക്കാനാണു സാധ്യത.


ചോദ്യങ്ങള്‍ 7,17എന്നിവ രണ്ടാംകൃതി സമവാക്യങ്ങളില്‍ നിന്നുള്ളവയും കുഴപ്പിക്കാത്തവയുമായിരുന്നു. ഏഴാം ചോദ്യം ആദ്യ പരീക്ഷയിലേതിന് സമാനവുമായിരുന്നു.


ത്രികോണമിതിയില്‍ നിന്നുള്ള 5,19 ചോദ്യങ്ങള്‍ പ്രതീക്ഷിക്കുന്ന തരത്തിലുള്ളവ തന്നെ.


സൂചകസംഖ്യകളില്‍ നിന്നുള്ള 20ആം ചോദ്യമാകട്ടെ, ശരാശരിക്കാരെ പ്രയാസത്തിലാക്കിയേക്കാമെങ്കിലും മിടുക്കരെ കുഴക്കിയില്ല.


ഘനരൂപങ്ങളില്‍ നിന്നുള്ള 12ആം ചോദ്യം അല്പം ചിന്താശേഷിയോടെ സമീപിക്കേണ്ടതായിരുന്നെങ്കിലും 13ആം ചോദ്യം പ്രതീക്ഷിച്ചതും എളുപ്പമാര്‍ന്നതുമായി.


ചോദ്യങ്ങള്‍ 4,9,16എന്നിവ തൊടുവരകളില്‍ നിന്നുള്ളവയായിരുന്നു. നാലാം ചോദ്യം കുട്ടികള്‍ എളുപ്പം ചെയ്തുകാണും. ഒമ്പതാം ചോദ്യവും കാര്യമായ വെല്ലുവിളി ഉയര്‍ത്തുന്നതല്ല, 16ആം ചോദ്യം അവര്‍ ചെയ്തു ശീലിച്ച നിര്‍മിതി തന്നെ.


ചോദ്യങ്ങള്‍ 21,22എന്നിവ ജ്യാമിതിയുെ ബീജഗണിതവും എന്ന യൂനിറ്റില്‍ നിന്നുള്ളവയായിരുന്നു. എളുപ്പം ചെയ്യാവുന്ന 21`ലെ ബി വിഭാഗം മിടുക്കരെ ലാക്കാക്കിയുള്ളതായിരുന്നു. ഉയര്‍ന്ന നിലവാരക്കാരെ ഉദ്ദേശിച്ചുതന്നെയുള്ള 22ആം ചോദ്യത്തിലെ രണ്ടുചോദ്യങ്ങളും ചിന്താശേഷി ഉയര്‍ത്തുന്നതായി. മിടുക്കര്‍ കൂടുതല്‍പേരും ആദ്യ ചോദ്യത്തെ ആശ്രയിച്ച് ഉത്തരത്തില്‍ എത്തിയിരിക്കും.

ബഹുപദങ്ങളില്‍ നിന്നുമുള്ള 2,11ചോദ്യങ്ങളും സ്ഥിതിവിവരക്കണക്കില്‍ നിന്നുള്ള 3,10ചോദ്യങ്ങളും എല്ലാവര്‍ക്കും ആശ്വാസവും സന്തോഷവും പ്രദാനം ചെയ്തു.



തന്റെ ബുദ്ധിവൈഭവം ചോദ്യങ്ങളില്‍ കുത്തിനിറക്കാതെയും എല്ലാ വിഭാഗക്കാരെയും പരിഗണിച്ചുകൊണ്ടും ഗണിതശാസ്ത്രത്തിന്റെ നൈസര്‍ഗിക നന്മകള്‍ നഷ്ടപ്പെടുത്താതെ ചോദ്യപേപ്പര്‍ തയാറാക്കാന്‍ ശ്രമിച്ച ചോദ്യകര്‍ത്താവ് അഭിനന്ദനങ്ങള്‍ അര്‍ഹിക്കുന്നു. നിറകണ്ണുകളോടെ പരീക്ഷാ ഹാള്‍ വിട്ടിറങ്ങേണ്ട അവസ്ഥ ഉണ്ടായില്ല.


ഒരു പ്രതിസന്ധി ഘട്ടത്തില്‍ പരിമിത സമയത്തിനുള്ളില്‍ ഇത് തയാറാക്കി പ്രിന്റുചെയ്ത് പരാതികളില്ലാതെ ഭംഗിയാക്കിയ വിദ്യാഭ്യാസ വകുപ്പിനും അഭിമാനിക്കാം.



പാലക്കാട് മാത്‌സ്ബ്ലോഗ്ടീമിന്റെ ഉത്തരസൂചിക.


Answerkey Prepa. by:Muraleedharan.CH,HSA Mathematics,CHMKSGHSS, Mattul, Kannur(Dt).

Answer Key Prepared by Sunny P.O, Head Master, GHSS West Kallada, Kollam


Read More | തുടര്‍ന്നു വായിക്കുക

ചാക്കോ മാഷുമാര്‍ മാറിയേ മതിയാകൂ
ഒരു ചലച്ചിത്ര പുനര്‍വായന

>> Monday, March 20, 2017

സ്ഫടികം സിനിമയ്ക്ക് പ്രസക്തിയേറുന്ന കാലഘട്ടത്തിലൂടെ വീണ്ടും നാം കടന്നു പോവുകയാണ്. ചാക്കോമാഷുമാര്‍ ഉണ്ടാകുമ്പോഴാണ് ആടുതോമകള്‍ സൃഷ്ടിക്കപ്പെടുന്നത്. ഇത് വെറുമൊരു സിനിമാഡയലോഗ് മാത്രമായി തള്ളിക്കളയേണ്ട ഒന്നല്ല. ഈ ചലച്ചിത്രത്തില്‍ ആടുതോമ ചാക്കോ മാഷിനെ കാണുന്നത് ഒരു ചെകുത്താനായിട്ടാണ്. അതിനു കാരണവുമുണ്ട്. ചാക്കോ മാഷിന്റെ കണ്ണില്‍ എന്നും എഞ്ചിനീയര്‍ മാത്രമേയുള്ളു. വൈവിധ്യമാര്‍ന്ന കഴിവുകളുള്ള തോമാസ് ചാക്കോയെ ചാക്കോ മാഷ് ഒരിക്കലും കണ്ടതേയില്ല.

ചാക്കോ മാഷേ... ഇപ്പോള്‍ നിങ്ങളെയും ഒരു ചെകുത്താനെപ്പോലെയാണ് കുട്ടികള്‍ കാണുന്നതെന്നു പറഞ്ഞാല്‍ ഞെട്ടരുത്. അവര്‍ ഇപ്പോള്‍ കരയുന്നത് നിങ്ങള്‍ കാണുന്നുണ്ടാകില്ല. ഇനി നിങ്ങള്‍ക്ക് നന്നായി ഉറങ്ങാന്‍ കഴിയും. കാരണം, അവരിലെ എഞ്ചിനീയറെ കണ്ടെത്താന്‍ നിങ്ങള്‍ അവരോട് ചോദിച്ചതെന്താണോ അതൊക്കെയും ആ പാവം കുട്ടികളുടെ കണ്ണീരു വീഴ്ത്താനേ സാധിച്ചിട്ടുള്ളു. അവര്‍ക്കിടയില്‍ ഒട്ടേറെ പാവപ്പെട്ടവരുണ്ട് ചാക്കോ മാഷേ. ഒരുപക്ഷേ, ഇതോടെ ഈ പരിപാടി തന്നെ ഉപേക്ഷിച്ചു പോകും അവര്‍.

നിങ്ങളുടെ ഉദ്ദേശമെന്താണ്? നിങ്ങള്‍ മഹാനാണെന്ന് ആരെയാണ് കാണിക്കാന്‍ ശ്രമിക്കുന്നത്? ദൂരവ്യാപകമായ പ്രത്യാഘാതങ്ങളുണ്ടാക്കുന്ന ദ്രോഹമാണ് നിങ്ങള്‍ ചെയ്യുന്നത്. വെളിച്ചത്തു വന്ന് ഈ സമൂഹത്തിന് മുമ്പാകെ ഇതെല്ലാം ന്യായീകരിക്കാനുള്ള ധൈര്യമുണ്ടോ നിങ്ങള്‍ക്ക്? നിങ്ങളോടും നിങ്ങളുടെ സ്വഭാവമുള്ളവരോടും ഈ പണി നിങ്ങള്‍ക്ക് പറ്റിയതല്ലെന്ന് പലവുരു ഞങ്ങള്‍ പറഞ്ഞതല്ലേ? എല്ലാവരേയും തുല്യമായി കാണാന്‍ സാധിക്കാത്തിടത്തോളം നിങ്ങള്‍ക്ക് ചാക്കോ മാഷിന്റെ മുറിക്കയ്യന്‍ ഷര്‍ട്ടുമിട്ട് നടക്കേണ്ടി വരും.

ഇവരുടെയൊക്കെ കഴിവുകളെന്താണെന്ന് അറിയാന്‍ നിങ്ങള്‍ ശ്രമിച്ചോ? അവര്‍ക്കെന്തറിയാം എന്നറിയാന്‍ നിങ്ങള്‍ ശ്രമിച്ചോ? മുമ്പേ കടന്നു പോയവരെല്ലാം അവരെ ആശ്വസിപ്പിക്കാന്‍ ചോദിച്ചിരുന്നവയൊക്കെ നിങ്ങള്‍ എന്തു കൊണ്ട് ചോദിച്ചില്ല? ചോദിച്ച കാര്യങ്ങളാകട്ടെ, ആര്‍ക്കും മനസ്സിലാകാത്ത ഭാഷയിലുമായിപ്പോയി! ആരെ തോല്‍പ്പിക്കാനാണ് ചാക്കോ മാഷേ, ഇതെല്ലാം?

സ്വന്തം പുത്രനു പകരം മുറ്റത്ത് നട്ട തെങ്ങിന്‍ തൈ പറിച്ചെറിഞ്ഞത് നിങ്ങളുടെ അനുജനായിരുന്നു. അതേ സ്ഥാനത്ത് ഇപ്പോള്‍ നിങ്ങള്‍ക്കെതിര് ആ ഒരു അനുജന്‍ മാത്രമല്ല എന്ന് നിങ്ങള്‍ തിരിച്ചറിയണം. നിങ്ങളുടെ വിഷയത്തെ മധുരമാക്കാന്‍ ശ്രമിച്ച ഞങ്ങളെല്ലാവരെയും നിങ്ങള്‍ ചതിച്ചില്ലേ? ഇനി ആരോടൊക്കെ ഞങ്ങള്‍ മറുപടി പറയണമെന്ന് നിങ്ങള്‍ക്കറിയോ?

നിങ്ങളുടെ വിഷയത്തില്‍ നിന്നും അകന്നു പോകാനേ ഇതെല്ലാം ഉപകരിക്കൂയെന്ന്് നിങ്ങള്‍ തിരിച്ചറിയണം. ഈ ഭസ്മാസുരപ്രവൃത്തി മൂലം നിങ്ങള്‍ ദുഃഖിക്കേണ്ടി വരും. നിങ്ങള്‍ മാത്രമല്ല, ചാക്കോ മാഷിനെ മനസ്സില്‍ പ്രതിഷ്ഠിച്ചു നടക്കുന്ന ഓരോരുത്തരും ദുഃഖിക്കേണ്ടി വരും. നോക്കിക്കോളൂ. ചെകുത്താന്‍ എന്നെഴുതിയ ഒരു ബോര്‍ഡ് നിങ്ങളുടെ മനസ്സിലുണ്ടാകുമല്ലോ. എല്ലാവരേയും കുഴക്കിയ സന്തോഷത്തില്‍ നിങ്ങള്‍ ഉറങ്ങുമ്പോള്‍ ഇടക്ക് സ്വപ്‌നം കണ്ട് ഞെട്ടിയുണരാന്‍ ആ ബോര്‍ഡ് നിങ്ങളുടെ തൊട്ടടുത്തു തന്നെയുണ്ടാകും. ആരും ഓട്ടക്കാലണകളല്ല, ചാക്കോ മാഷേ... അതു നിങ്ങള്‍ വൈകാതെ അറിയും. ചാക്കോ മാഷുമാര്‍ മാറിയേ മതിയാകൂ.

(കേവലം വിഷയം കൈകാര്യം ചെയ്യുന്നവര്‍ മാറേണ്ടത് പുതിയ കാലഘട്ടത്തിന്റെ ആവശ്യമാണ്. നല്ല പൗരന്മാരെ വാര്‍ത്തെടുക്കാന്‍ അതാവശ്യവുമാണ് താനും. അതിന്റെ അടിസ്ഥാനത്തില്‍ നടത്തുന്ന ഒരു ചലച്ചിത്ര പുനര്‍വായന. വിഷയബന്ധിയില്ലാതെ കമന്റുകള്‍ ചെയ്ത് വിഷയത്തെ വഴി തിരിച്ചു വിടാതിരിക്കാന്‍ വായനക്കാര്‍ പ്രത്യേകം ശ്രദ്ധിക്കണം)


Read More | തുടര്‍ന്നു വായിക്കുക

D Plus Level Questions and a Maths Capsule

>> Saturday, March 18, 2017

പിന്നാക്കം നില്‍ക്കുന്ന കുട്ടികളെ ഏറ്റവും ചുരുങ്ങിയത് ഡി പ്ലസിലേക്കും തൊട്ടു മുകളിലുള്ള ഗ്രേഡുകളിലേക്കും എത്തിക്കാന്‍ കഴിയുന്ന തരത്തിലുള്ള മെറ്റീരിയലുകള്‍ പ്രസിദ്ധീകരിക്കണം എന്ന ആവശ്യമുയരാന്‍ തുടങ്ങിയിട്ട് നാളേറെയായി. അതാവശ്യമാണെന്ന് പല പരീക്ഷാഫലങ്ങളുടേയും വിശകലനം നമ്മെ ഓര്‍മ്മപ്പെടുത്തുകയും ചെയ്യുന്നു. ഇനി നമ്മള്‍ കാത്തിരുന്നിട്ട് കാര്യമില്ല എന്ന അറിവോടെയാണ് മേല്‍പ്പറഞ്ഞ മെറ്റീരിയലുകള്‍ നിര്‍മ്മിക്കാനുള്ള ശ്രമം മാത് സ് ബ്ലോഗ് നടത്തുന്നത്. അതിനായി ബ്ലോഗ് കണ്ടെത്തിയത് എറണാകുളം വെണ്ണല ജി.എച്ച്.എസിലെ ഗണിതശാസ്ത്രാദ്ധ്യാപകനായ ഹരിഗോവിന്ദ് സാറിനെയാണ്.എറണാകുളം ജില്ലയിലെ അറിയപ്പെടുന്ന ഒരു റിസോഴ്‌സ് പേഴ്‌സണും വര്‍ഷങ്ങളായി അദ്ധ്യാപനരംഗത്ത് മികച്ചു നില്‍ക്കുന്ന ഒരു ഗണിതസ്‌നേഹികൂടിയാണ് അദ്ദേഹം . മാത് സ് ബ്ലോഗിന്റെ ആവശ്യ പ്രകാരം അദ്ദേഹം നമുക്കായി തയ്യാറാക്കിയ 25 ചോദ്യങ്ങളടങ്ങിയ ഒരു മെറ്റീരിയല്‍ ഇവിടെ പ്രസിദ്ധീകരിക്കുകയാണ്. അതായത് പിന്നാക്കം നില്‍ക്കുന്ന കുട്ടികളെ ഡി പ്ലസിലേക്കെങ്കിലും ഉയര്‍ത്താനാഗ്രഹിക്കുന്ന തരത്തിലുള്ള ചോദ്യങ്ങള്‍. കേരളത്തിലുടനീളം ഗണിതം കഠിനമായി, മാനസിക വ്യഥ അനുഭവിയ്ക്കുന്ന പ്രിയപ്പെട്ട കുട്ടികള്‍ക്കായാണ് അദ്ദേഹം ഈ മെറ്റീരിയല്‍ സമര്‍പ്പിക്കുന്നത്. ഇതിന്റെ തുടര്‍ച്ചയായി തുടര്‍ന്നുള്ള ആഴ്ചകളില്‍ 25 ചോദ്യങ്ങളുടെ അടുത്ത സെറ്റുകള്‍ കൂടി ഇതേ പോസ്റ്റില്‍ പ്രസിദ്ധീകരിക്കും. നിങ്ങളുടെ അഭിപ്രായങ്ങള്‍ അറിയാന്‍ ആഗ്രഹിക്കുന്നു. കമന്റായി ആവശ്യങ്ങള്‍ ഉന്നയിക്കുമല്ലോ.

അദ്ധ്യാപകരുടെ ആവശ്യത്തെത്തുടര്‍ന്ന് അദ്ദേഹം തന്റെ കുട്ടികള്‍ക്കായി നല്‍കുന്ന ഒരു ഗണിതശാസ്ത്ര ക്യാപ്‌സൂളും ഇതോടൊപ്പം നല്‍കുന്നുണ്ട്. ഈ ക്യാപ്‌സൂളിലെക്കുറിച്ച് ചില കാര്യങ്ങള്‍ സൂചിപ്പിയ്ക്കാതെ പ്രസിദ്ധപ്പെടുത്തിയാല്‍ വേണ്ട വിധം ഉപയോഗപ്പെടില്ല എന്ന മുന്നറിയിപ്പോടെ ഹരിഗോവിന്ദ് സാര്‍ പറയുന്ന കാര്യങ്ങള്‍ ശ്രദ്ധിയ്ക്കൂ.

  1. ഈ ഗണിതശാസ്ത്ര ക്യാപ്‌സൂള്‍ പകര്‍പ്പ് എടുത്ത് കുട്ടിയ്ക്ക് നല്‍കാനുള്ളതല്ല. പകര്‍പ്പ് നല്‍കിയാല്‍ അതുപയോഗിച്ച് വിമാനം പറത്താമെന്നതല്ലാതെ കുട്ടിയ്ക്ക് വേറൊരു ഉപയോഗവും ഇല്ല. അതായത് പകര്‍പ്പിനൊപ്പം അദ്ധ്യാപികയുടെ സമര്‍ത്ഥമായ ഇടപെടലും നിര്‍ദ്ദേശങ്ങളും പ്രേരണയും ഒക്കെ വേണം.
  2. ഗണിതം എന്നല്ല മാതൃഭാഷപോലും ബുദ്ധിമുട്ടായവര്‍ക്കാണ് ഈ ക്യാപ്‌സൂള്‍ ഉപയോഗിയ്ക്കുന്നത് എന്നതിനാല്‍ ഗണിതനിയമങ്ങള്‍ക്ക് വലിയ പ്രസക്തി നല്‍കിയിട്ടില്ല. കുട്ടിയ്ക്ക് പരീക്ഷാസമയത്ത് അവന്റെ ധിഷണയില്‍ ഉദിയ്‌ക്കേണ്ട ചില ആശയങ്ങള്‍. അത്രമാത്രം!
  3. ഇത് പഠിപ്പിച്ചതിന് ശേഷം ഏതെങ്കിലും ഒരു വര്‍ഷത്തെ ബോര്‍ഡ് പേപ്പര്‍ പി.ടി.എയുടെ സാമ്പത്തിക സഹായത്തോടെ പകര്‍പ്പ് എടുത്ത് നല്‍കി ഈ ക്യാപ്‌സൂളിന്റെ ഉപയോഗം വ്യക്തമാക്കി നല്‍കാം. ചോദ്യം വായിക്കാനും അതിലെ പ്രധാനവാക്കുകള്‍ (Slope, Midpoint, Median) എന്നിവ തപ്പിയെടുക്കാനും ഇത് വഴി കുട്ടിയെ പരിശീലിപ്പിയ്ക്കാം.
  4. സമയക്കുറവ് മൂലം എഴുതിയതിന് ശേശം വീണ്ടുമൊന്ന് വായിക്കാന്‍ പോലും സാധിച്ചിട്ടില്ല. അതിനാല്‍ തെറ്റുകള്‍ ഉണ്ടെങ്കില്‍ സദയം തിരുത്തി നല്‍കാന്‍ ഓരോ അദ്ധ്യാപകരും മുന്നൊരുക്കം നടത്തുമല്ലോ.

Click here to download 25 Basic Level Questions Part 1
Click here to download 25 Basic Level Questions Part 2
Maths Model Exam help 40 Basic Level Questions Part 3
Maths Revision 10 Questions Part 4
Maths Revision 10 Questions Part 5
Maths Revision 10 Questions Part 6
Prepared by Harigovindan K V

Click here to Download Special Capsule
Prepared by Harigovindan K V


Read More | തുടര്‍ന്നു വായിക്കുക

INCOME TAX - Anticipatory Statement 2017-18

>> Friday, March 10, 2017

2017-18 സാമ്പത്തിക വര്‍ഷത്തെ ഇന്‍കംടാക്സിന്‍റെ ആദ്യവിഹിതം മാര്‍ച്ച് മാസത്തെ ശമ്പളത്തില്‍ നിന്നും നല്‍കേണ്ടതുണ്ട്. ഈ വര്‍ഷം പ്രതീക്ഷിക്കുന്ന ആകെ വരുമാനം കണക്കാക്കി അതില്‍ നിന്നും കിഴിവുകള്‍ കുറച്ച് Taxable Income കണ്ടെത്തി പുതിയ നിരക്ക് പ്രകാരം ടാക്സ് കാണണം. ഇതിന്‍റെ 12ല്‍ ഒരു ഭാഗം ഓരോ മാസവും ശമ്പളത്തില്‍ നിന്നും കുറയ്ക്കേണ്ടത് DDO യുടെ ചുമതലയാണ്.
മാസം തോറും കുറയ്ക്കേണ്ട TDS കണക്കാക്കാന്‍ 'Anticipatory Income Tax Statement' ഓരോരുത്തരും തയ്യാറാക്കി മാര്‍ച്ച് മാസത്തില്‍ DDO യ്ക്ക് നല്‍കണം. Anticipatory Statement തയ്യാറാക്കുന്നതിന് സഹായകരമായ സോഫ്റ്റ്‌വെയറുകള്‍ ഇവിടെ പരിചയപ്പെടുത്തട്ടെ.
Software to prepare Anticipatory Income Tax Statement

Useful Files on Income Tax for Reference
  • Circular from Finance Dept- തവണകളായി ആദായനികുതി ശമ്പളത്തില്‍ നിന്നും കുറയ്ക്കണമെന്ന നിര്‍ദേശം.


  • Notes on INCOME TAX 2017-18 (pdf file)


  • Circular from CBDT : 2016-17 ലെ ആദായ നികുതി കുറയ്ക്കുന്നത് സംബന്ധിച്ച്


  • Tax Calendar



  • Read More | തുടര്‍ന്നു വായിക്കുക

    Answer Key: Annual Examination 2016-2017

    >> Monday, March 6, 2017

    ഹൈസ്‌ക്കൂള്‍ തല വാര്‍ഷിക പരീക്ഷകള്‍ നടന്നു കൊണ്ടിരിക്കുകയാണല്ലോ. പതിവുപോലെ തന്നെ ഈ പോസ്റ്റില്‍ ലഭ്യമായ ഉത്തരസൂചികകള്‍ പ്രസിദ്ധീകരിക്കും. തെറ്റുകുറ്റങ്ങളും കുറവുകളും ഉണ്ടെങ്കില്‍ അവ കമന്റായി സൂചിപ്പിക്കുമല്ലോ.

    ഈ വര്‍ഷത്തെ പരീക്ഷകള്‍ കഴിയുമ്പോള്‍ ഏറ്റവും അഭിനന്ദനാര്‍ഹമായ കാര്യം, പുതുക്കിയ പരീക്ഷാരീതി തന്നെയാണ്. ഓപ്ഷന്‍ സമ്പ്രദായം കുട്ടികളിലുണ്ടാക്കുന്ന സന്തോഷം ചെറുതൊന്നുമല്ല. മാര്‍ക്ക് അനുസരിച്ച് ചോദ്യങ്ങളെ ക്രമീകരിച്ചതും, OR ചോദ്യങ്ങള്‍ക്കു പകരം അതേ ഗ്രൂപ്പിലെ ചോദ്യങ്ങളില്‍ നിന്ന് നിര്‍ദ്ദിഷ്ട എണ്ണം എഴുതിയാല്‍ മതിയെന്ന രീതിയില്‍ പരിഷ്‌ക്കരിച്ചപ്പോഴും അതെല്ലാം കുട്ടികള്‍ക്ക് ആശ്വാസമാവുകയായിരുന്നു. ഇതെല്ലാം കൊണ്ടു തന്നെ കുട്ടികളെല്ലാവരും സന്തോഷത്തോടെയാവും ഈ പരീക്ഷയെഴുതി പുറത്തിറങ്ങുന്നതെന്നു തോന്നുന്നു.

    ചോദ്യപേപ്പറുകളോടൊപ്പം ഒരു ഉത്തരസൂചിക കൂടി ഉള്‍പ്പെടുത്തേണ്ടത് അത്യാവശ്യമാണ്. ഇതിന് അടിയന്തിരപ്രാധാന്യം കൊടുത്തേ തീരൂ. കാരണം, ഓരോ ചോദ്യവും തയ്യാറാക്കുന്ന ചോദ്യകര്‍ത്താവിന് അതിന്റെ ഉത്തരം കണ്ടെത്തുന്ന തന്റേതായ ഒരു രീതിയുണ്ടാകും. അതുകൂടി ഞങ്ങള്‍ക്ക് അറിയേണ്ടതുണ്ട്. അതിനുള്ള നടപടികള്‍ കൂടി പരിഷ്‌ക്കരണപരിപാടികളുടെ ഭാഗമായി ബന്ധപ്പെട്ടവര്‍ കൈക്കൊള്ളുമെന്ന് പ്രതീക്ഷിക്കട്ടെ.

    Answer Keys

    STD IX
    Physical & Health, Art and Work Experience Answer key (Mal Medium)
    Prepared by Dept. of Education
    Mathematics Answer key (Mal Medium)
    Prepared by Muralidharan, Maths blog team, Palakkad
    Biology Answer key (Mal Medium)
    Prepared by Viswan, GHSS, Pulamanthole

    STD VIII
    Physical & Health, Art and Work Experience Answer key (Mal Medium)
    Prepared by Dept. of Education
    Mathematics Answer Key (Mal Medium)
    Prepared by Muralidharan, Maths blog team, Palakkad


    Read More | തുടര്‍ന്നു വായിക്കുക

    SSLC Seating Planner

    >> Tuesday, February 28, 2017

    എസ്.എസ്.എല്‍.സി പരീക്ഷ അടുത്തു കഴിഞ്ഞു. എല്ലാ സ്‌ക്കൂളുകളും ഇനിയുള്ള ദിവസങ്ങളില്‍ പരീക്ഷാ നടത്തിപ്പിനാവശ്യമായ വിവരങ്ങള്‍ ഒരുക്കുന്ന തിരക്കിലായിരിക്കും. ഇതിന് സഹായിക്കുന്നതും വിന്‍ഡോസില്‍ പ്രവര്‍ത്തിക്കുന്നതുമായ ഒരു എക്‌സെല്‍ പ്രോഗ്രാമാണ് ഈ പോസ്റ്റിലൂടെ നിങ്ങളെ പരിചയപ്പെടുത്തുന്നത്. പാലക്കാട് കുഴല്‍മന്ദം സി.എ.എച്ച്.എസ്.എസിലെ എസ്.ഐ.ടി.സിയായ വി.സുരേഷ് കുമാര്‍ സാറാണ് ഈ പ്രോഗ്രാം തയ്യാറാക്കിയിട്ടുള്ളത്. ചുവടെയുള്ള ലിങ്കില്‍ നിന്നും ഈ പ്രോഗ്രാം നിങ്ങള്‍ക്ക് ഡൗണ്‍ലോഡ് ചെയ്‌തെടുക്കാം. എപ്രകാരം ഈ പ്രോഗ്രാം ഉപയോഗിക്കാം എന്നതിനെക്കുറിച്ച് ചുവടെ വിശദീകരിക്കുകയും ചെയ്തിട്ടുണ്ട്. നിങ്ങളുടെ അഭിപ്രായങ്ങള്‍, ചുവടെ കമന്റ് ചെയ്യുമല്ലോ.

    Download Seating Planner 2017
    Prepared by V Sureshkumar, SITC, CAHSS, Palakkad

    ഈ പ്രോഗ്രാം ഉപയോഗിക്കുന്ന വിധം
    • ഷീറ്റ് 1 ല്‍ സ്‌ക്കൂളിന്റെ പേരും രജിസ്റ്റര്‍ നമ്പറുമായി ബന്ധപ്പെട്ട വിവരങ്ങളും നല്‍കുക. ഇവിടെ നല്‍കുന്ന വിവരങ്ങള്‍ക്കനുസരിച്ചാണ് ചുവടെയുള്ള പേജുകളില്‍ വിവരങ്ങള്‍ ദൃശ്യമാകുന്നത്.
    • Candidates Name : പരീക്ഷാര്‍ത്ഥിയുടെ പേര് ടൈപ്പ് ചെയ്ത ശേഷം സേവ് ചെയ്യുക. അറ്റന്റന്‍സ് ഷീറ്റില്‍ പേര് വേണമെന്നുള്ളതിനാല്‍ ഇവിടെ പേര് ടൈപ്പ് ചെയ്യേണ്ടതാണ്. സമ്പൂര്‍ണ്ണയില്‍ നിന്ന് വേണമെങ്കില്‍ കുട്ടികളുടെ പേര് ഡൗണ്‍ലോഡ് ചെയ്‌തെടുക്കാവുന്നതാണ്.
    • Room Allotment : ഇത് നോട്ടീസ് ബോര്‍ഡില്‍ പ്രദര്‍ശിപ്പിക്കുന്നതിന് വേണ്ടിയുള്ളതാണ്. രജിസ്റ്റര്‍ നമ്പര്‍ പ്രകാരം ഏത് ഹാളാണ് കുട്ടിയുടേതെന്ന് ഇതില്‍ നോക്കി മനസ്സിലാക്കാവുന്നതാണ്.
    • Sticker: എക്‌സാം ഹാളിന്റെ പ്രവേശനകവാടത്തില്‍ ഒട്ടിക്കുന്നതിന് വേണ്ടി ഉള്ളതാണ് ഇത്.
    • Sticker 1 : ഇതാണ് ഡെസ്‌ക്കില്‍ ഒട്ടിക്കുന്നതിനു വേണ്ടിയുള്ള ലേബല്‍. 5 സെമീ x13സെമീ വലിപ്പത്തിലുള്ളതായിരിക്കും ഓരോന്നും.
    • Notice : എക്‌സാം ഹാളിന് അകത്ത് ഒട്ടിക്കുന്നതിനുള്ള ഒട്ടിക്കുന്നതിനുള്ള നോട്ടീസാണ് ഇത്.
    • Attendance: കുട്ടികളുടെ അറ്റന്റന്‍സ് പ്രിന്റ് ചെയ്യുന്നതിനാണ് ഇത്. ലീഗല്‍ സൈസ് പേപ്പറാണ് ഇതിനായി ഉപയോഗിക്കേണ്ടത്.
    • Plan, Paper Account: ആദ്യം Plan അനുസരിച്ച് പ്രിന്റെടുക്കുക. അതേ പേപ്പറിന്റെ അതേ വശത്ത് തന്നെ Paper Accountഉം പ്രിന്റ് ചെയ്യുക. Plan ന്റെ ചുവടെയാണ് Paper Account ന്റെ പ്രിന്റും വരിക.
    • 12 Packing 12 എണ്ണം വീതം ആന്‍സര്‍ ഷീറ്റുകള്‍ പായ്ക്ക് ചെയ്യേണ്ടി വരുമ്പോള്‍ ഓരോ പായ്ക്കറ്റിലും ഏതു മുതല്‍ ഏതുവരെയുള്ള രജിസ്റ്റര്‍ നമ്പറുകളാണ് വരേണ്ടതെന്നുള്ള ലിസ്റ്റാണ് ഇത്.
    • 18 Packing: 18 എണ്ണം വീതം ആന്‍സര്‍ ഷീറ്റുകള്‍ പായ്ക്ക് ചെയ്യേണ്ടി വരുമ്പോള്‍ ഓരോ പായ്ക്കറ്റിലും ഏതു മുതല്‍ ഏതുവരെയുള്ള രജിസ്റ്റര്‍ നമ്പറുകളാണ് വരേണ്ടതെന്നുള്ള ലിസ്റ്റാണ് ഇതു വഴി ലഭിയ്ക്കുന്നത്.

    സമാനമായ മറ്റ് പ്രോഗ്രാമുകളുണ്ടെങ്കില്‍ അവയും ഈ പോസ്റ്റിലൂടെ നമുക്ക് പരിചയപ്പെടുത്താവുന്നതേയുള്ളു. അവ മാത് സ് ബ്ലോഗിന് അയച്ചു തരിക.


    Read More | തുടര്‍ന്നു വായിക്കുക

    പൊതുവിദ്യാഭ്യാസമേഖലയില്‍ (എയിഡഡ്) 01.04.2013 നു ശേഷം നിയമിതരായവരും എന്‍.പി.എസും സ്പാര്‍ക്കും മറ്റു നൂലാമാലകളും

    >> Saturday, February 25, 2017

    കേരളത്തില്‍ 01.04.2013 നു ശേഷം ഒരു പാട് അധ്യാപകര്‍ നിയമിതരായി. നിയമനം മിക്കതും GO(P)29/2016 dated 29.01.2016 പ്രകാരവുമാണ്. ഇത്തരത്തില്‍ നിയമിതരായവരുടെ നിയമനം ലഭിച്ച തിയ്യതി മുതല്‍ 29.01.2016 വരെ പി.എഫ് നമ്പര്‍ കിട്ടുന്ന മുറക്ക് പി.എഫില്‍ ലയിപ്പിക്കണമെന്ന് നിഷ്കര്‍ഷിച്ചിരിക്കുന്നു. ഈ സാഹചര്യത്തില്‍ എങ്ങിനെ ഇപ്രകാരം ചെയ്യാമെന്ന് പലകോണുകളില്‍ നിന്നും അന്വേഷണങ്ങളും ചെപ്പടി വിദ്യകളും നിലനില്‍ക്കുന്ന ഒരു കാലത്തുകൂടെയാ അധ്യാപകസമൂഹം കടന്നുപോകുന്നത്. ഇതേക്കുറിച്ചുള്ള ഒരു ലേഖനം നമുക്ക് അയച്ചു തന്നിരിക്കുന്നത് കോഴിക്കോട് ജില്ലാ കെ.എസ്.ടി.എ ജില്ലാ എക്സിക്യുട്ടീവ് കമ്മിറ്റി അംഗം സന്തോഷ് സാറാണ്.

    01.04.2013 എന്നത് പ്രത്യേകം പറയാനുളളതിന്‍റെ കാരണം, അന്ന് മുതലാണ് കേരളത്തില്‍ GO(P)20/2013 dated 07.01.2013 പ്രകാരം NPS (New Pension Scheme) തുടങ്ങിയത്. ഒരു ഉത്തരവുകൂടി ഈ അവസരത്തില്‍ സൂചിപ്പിക്കേണ്ടിയിരിക്കുന്നു. GO(P)209/13 dated 07.05.2013. ഈ ഉത്തരവുപ്രകാരം 31.03.2013 ന് മുന്നേ നിയമിതരായവര്‍ക്ക് NPS/ Statutory Pension തിരഞ്ഞെടുക്കാനൊരു ഓപ്ക്ഷന്‍ നല്‍കി. എന്നാല്‍ GO(P)440/2014 Fin dated 13.10.2014 എന്ന ഉത്തരവിലൂടെ ശമ്പളപരിഷ്കരണം ഡി.എ വര്‍ദ്ധനവ് മുതലായവയിലൂടെ ലഭിക്കുന്ന വര്‍ദ്ധനവ് എന്‍.പി.എസ്സിന് പരിഗണിക്കേണ്ടതില്ല എന്നും പറഞ്ഞു.

    ഇത്രയും പറഞ്ഞത് ആമുഖമായാണ്. ഇനി പ്രശ്നത്തിലേക്ക് കടക്കാം. ഒരു ഉദാഹരണം പറയാം. 03.06.2013 ന് നിയമിതനായ ഒരു അദ്ധ്യാപകന്‍ സാധാരണഗതിയില്‍ ശമ്പളം വാങ്ങുക 01.02.2016 മുതലാണ്. കാരണം (നിയമനം ലഭിച്ച തിയ്യതി മുതല്‍ 29.01.2016 വരേ പി.എഫില്‍ ലയിപ്പിക്കണം) GO(P)29/2016 dated 29.01.2016 നോക്കുക.
    എല്‍.പി.എസ്.എയുടെ കാര്യമാണ് സൂചിപ്പിക്കുന്നത്. 01.02.2016 മുതല്‍ NPS ലഭിച്ച 01.01.2017 വരേ അദ്ദേഹം അടക്കേണ്ട എന്‍.പി.എസ് 30527 ആണ് (സ്പാര്‍ക്കില്‍ വരുന്നത്). എന്നാല്‍ നിയമിതനായ തിയ്യതി മുതലുളള ശമ്പളം കണക്കാക്കിയാല്‍ വരുന്ന തുക 104372 ആണ്.

    സ്പാര്‍ക്ക്, ഫിനാന്‍സ് ഡിപ്പാര്‍ട്ട്മെന്‍റുകളിലെ സുഹൃത്തുക്കളുമായി ബന്ധപ്പെട്ടപ്പോള്‍ ലഭിച്ച വിവരവും പങ്കുവെക്കാം. ശരിക്കും 30.01.16 മുതലാണ് ശമ്പളം കൈപ്പറ്റുന്നത്. കൈപ്പറ്റാത്ത കാലത്തെ NPS അടക്കാന്‍ പറയുന്നത് യുക്തമല്ല. നീതിക്ക് നിരക്കാത്തതുമാണ്. ആയതിനാല്‍ NPS തുടങ്ങുന്ന 30.01.16 മുതല്‍ വാങ്ങുന്ന ശമ്പളം (Pay+DA*10%) ആണ് NPS ആയി അടക്കേണ്ടി വരുന്നത്. അത് ഓരോ മാസവും കണക്കുകൂട്ടി എഡിറ്റ് ചെയ്ത് ചേര്‍ക്കാം. അതിനുശേഷം NPS Arrear recovery start ചെയ്യുക. ഇത്രയും ചെയ്തശേഷമേ ജോയിന്‍ ചെയ്തതുമുതല്‍ 29.01.16 വരേയുളള ശമ്പളം പി.എഫില്‍ ലയിപ്പിക്കാവു.

    പിന്നെ GO(P)440/2014 Fin dated 13.10.2014 എന്ന ഉത്തരവിലൂടെ ശമ്പളപരിഷ്കരണം ഡി.എ വര്‍ദ്ധനവ് മുതലായവയിലൂടെ ലഭിക്കുന്ന വര്‍ദ്ധനവ് എന്‍.പി.എസ്സിന് പരിഗണിക്കേണ്ടതില്ല എന്ന് പറഞ്ഞതിന്‍ പ്രകാരം GO(P)29/2016 dated 29.01.2016 പ്രകാരം നിയമിതരായവര്‍ GO(P)440/2014 Fin dated 13.10.2014 ന്‍റെ ഗുണം തങ്ങള്‍ക്ക് കിട്ടുന്നില്ല എന്ന് കാണിച്ചുകൊണ്ട് സര്‍ക്കാരിലേക്ക് നിവേദനം നല്‍‌കേണ്ടത് ആവശ്യമായി വന്നിരിക്കുന്നു. നിങ്ങളുടെ അനുഭവങ്ങള്‍, അഭിപ്രായങ്ങള്‍ ഇവ ചുവടെ പങ്കുവെക്കുക. ഇക്കാര്യത്തില്‍ വ്യക്തത വരുത്തിക്കൊണ്ടുള്ള ഒരു ക്ലാരിഫിക്കേഷന്‍ നമുക്ക് വൈകാതെ ലഭിക്കുമെന്ന് പ്രതീക്ഷിക്കാം.


    Read More | തുടര്‍ന്നു വായിക്കുക

    IT Practical Answer Hints 2017(Updated)

    >> Monday, February 20, 2017


    എസ്എസ്എല്‍സി പരീക്ഷ ഐടി പരീക്ഷയോടെ ഈ ആഴ്ച തുടങ്ങുകയാണല്ലോ? മോഡല്‍ പരീക്ഷാ ചോദ്യങ്ങളുടെ പ്രാക്ടിക്കല്‍ ഉത്തരസൂചിക പ്രസിദ്ധീകരിക്കുകയാണ്. അവസാനവട്ട റിവിഷന് എല്ലാവര്‍ക്കും ഉപകരിക്കുന്ന ഈ വിലപ്പെട്ട ഫയല്‍ തയാറാക്കി അയച്ചുതന്നിരിക്കുന്നത്ഒരുപാട് കണ്ണൂര്‍ ജില്ലയിലെ തലശ്ശേരി മുബാറക് ഹൈസ്കൂളിലെ ഐടി അധ്യാപകന്‍ ശ്രീ നിഷാദ്. എന്‍.എം ആണ്.നിങ്ങളുടെ സംശയങ്ങള്‍ കമന്റില്‍ നമുക്ക് ചര്‍ച്ചയാക്കുകയും ചെയ്യാം.

    Click here to get the Answer Key


    Exam Documents


    Images


    Read More | തുടര്‍ന്നു വായിക്കുക

    SSLC Model Exam
    Question Papers and Answer Keys

    >> Wednesday, February 15, 2017

    February 13 ന് ആരംഭിച്ച് 21 ന് അവസാനിച്ച SSLC Model Examination 2017 ന്റെ All Question Papers , Digital Documentation എന്ന നിലയിലും Reference ന് ഉപകരിക്കുമെന്ന പ്രതീക്ഷയിലും PDF രൂപത്തില്‍ താഴെ ഉള്‍പ്പെടുത്തിയിരിക്കുന്നു.
    പുതിയ പാഠപുസ്തകങ്ങളെ അടിസ്ഥാനമാക്കിയുള്ള ആദ്യത്തെ ഔദ്യോഗിക ചോദ്യക്കടലാസുകളാണല്ലോ ഇവ. ചോദ്യങ്ങളുടെ ഘടനയും മറ്റും, ബ്ലൂപ്രിന്റ് ഉള്‍പ്പെടെ...ചര്‍ച്ച ചെയ്യാം….കമന്റിലൂടെ…
    ഉത്തരസൂചികകള്‍ കിട്ടുന്ന മുറയ്ക്ക്…..അപ്ഡേറ്റ് ചെയ്യാം..Last Updation on 22.02.2017. 8.20am

    ചോദ്യക്കടലാസുകള്‍:


    Read More | തുടര്‍ന്നു വായിക്കുക

    INCOME TAX STATEMENT തയ്യാറാക്കാം.

    >> Wednesday, February 8, 2017

    2016-17 വര്‍ഷത്തെ ഇന്‍കം ടാക്സ് കണക്കാക്കി ബാക്കി മുഴുവനായും ഫെബ്രുവരി മാസത്തെ ശമ്പളത്തില്‍ നിന്നും കുറയ്ക്കണമല്ലോ. ടാക്സ് കൃത്യമായി കണക്കാക്കുന്നതിന്, നികുതി വിധേയ വരുമാനം ഏതൊക്കെ എന്നും ആദായ നികുതി ഇളവുകള്‍ ഏതൊക്കെ എന്നും അറിഞ്ഞിരിക്കേണ്ടത് അത്യാവശ്യമാണ്. 'Income Tax Final Statement', Form 12BB എന്നിവ തയ്യാറാക്കുന്നതിനും അരിയറുകള്‍ ലഭിച്ചത് മൂലം വന്ന അധിക നികുതി ഭാരത്തില്‍ നിന്നും റിലീഫ് നേടാന്‍ Form 10 E തയ്യാറാക്കുന്നതിനും നമുക്ക് സോഫ്റ്റ്‌വെയറുകള്‍ ഉപയോഗിക്കാം. മികച്ച സോഫ്റ്റ്‌വെയറുകള്‍ പരിചയപ്പെടുത്തുകയും നികുതി കണക്കാക്കുമ്പോള്‍ അറിഞ്ഞിരിക്കേണ്ട കാര്യങ്ങള്‍ ഓര്‍മ്മിപ്പിക്കുകയും ആണ് ഇവിടെ.

    Software to Prepare Final Statement and 10E
    Software to Prepare Final Statement
    Software to Prepare FORM 10E for Tax Relief
    2016-17 ലെ ആദായ നികുതി കണക്കാക്കുന്ന വിധം.

    To Download the PDF of this post CLICK HERE.
    CLICK HERE to Download FORM 12 BB.
    2016 മാർച്ച്‌ മുതൽ 2017 ഫെബ്രുവരി വരെ മാസങ്ങളിലെ Pay, Pension, DA, HRA, CCA, Special Allowance, Overtime Allowance , 2016 ഏപ്രിൽ ഒന്നിനും 2017 മാർച്ച്‌ 31 നും ഇടയിൽ ലഭിച്ച Festival Allowance, Bonus, DA Arrear, Pay Arrear , Leave Surrender എന്നിവയെല്ലാം കൂട്ടി Gross Salary Income കാണണം. Leave Travel Concession, Conveyance Allowance (for performance of duties of an Office), 16,000 വരെയുള്ള Transport Allowance(granted to travel between residence and place of duty), 24,000 വരെയുള്ള Uniform allowance, റിട്ടയര്‍മെന്‍റ് സമയത്തെ Leave Surrender, Commutation of Pension, Gratuity, PF എന്നിവ ഒഴിവാക്കാം.
    15,000 രൂപയില്‍ കൂടുതലുള്ള Medical Reimbursement തുക Gross Salary യില്‍ കൂട്ടണം. എന്നാല്‍ സര്‍ക്കാര്‍ ആശുപത്രികളിലോ സര്‍ക്കാര്‍ ജീവനക്കാരുടെ ചികിത്സക്ക് അംഗീകരിക്കപ്പെട്ട ആശുപത്രികളിലോ ഉള്ള ചികിത്സയുടെ Reimbursement തുക Gross Salary യില്‍ കൂട്ടേണ്ടതില്ല.
    ഇതില്‍ നിന്നും പ്രൊഫഷനല്‍ ടാക്സ്, വാടക വീട്ടില്‍ താമസിക്കുന്നവരുടെ HRA എന്നിവ കുറച്ച് Net Salary Income കാണാം.
    HRA
    വാടകവീട്ടിൽ താമസിക്കുകയും ശമ്പളത്തിൻറെ (Pay+DA) പത്തു ശതമാനത്തിൽ കൂടുതൽ വീട്ടുവാടക കൊടുക്കുകയും ചെയ്യുന്ന ജീവനക്കാർക്ക് മാത്രമാണ് HRA ഇനത്തിൽ കുറവ് ലഭിക്കാൻ അർഹത. ഇനി പറയുന്ന മൂന്ന് ഇനങ്ങളിൽ ഏറ്റവും കുറഞ്ഞത്‌ മാത്രമാണ് ഇളവായി ലഭിക്കുന്നത്.
    1- ആ വർഷം ലഭിച്ച HRA ,
    2-ശമ്പളത്തിൻറെ (Pay+DA) 10% ത്തിലും കൂടുതലായി വീട്ടുവാടക കൊടുത്തത്.
    3-ശമ്പളത്തിൻറെ 40%
    (ഉദാഹരണമായി 15,000 രൂപ ഒരു വർഷം HRA ലഭിക്കുന്ന ഒരാളുടെ ഒരു വർഷത്തെ ശമ്പളം (Pay+DA) 450000 രൂപ ആണെന്നിരിക്കട്ടെ. അയാളുടെ ശമ്പളത്തിന്റെ പത്ത് ശതമാനം 45,000 ആണല്ലോ. അയാൾ ആ വർഷം 44000 വീട്ടുവാടക കൊടുത്തെങ്കിൽ ഇളവ് ഇല്ല. 50,000 കൊടുത്തെങ്കിൽ 5000 രൂപ ഇളവ്. 70,000 രൂപ കൊടുത്തെങ്കിൽ 15,000 രൂപ ഇളവ് )
    Net Salary Income ത്തില്‍ നിന്നും Housing Loan Interest കുറയ്ക്കുകയും മറ്റു വരുമാനങ്ങൾ (Income from other Sources) ഉണ്ടെങ്കിൽ അവ കൂട്ടുകയും ചെയ്‌താൽ GROSS TOTAL INCOME കിട്ടുന്നു.
    Housing Loan Interest
    സ്വന്തം താമസത്തിനായി വീട് നിർമ്മിക്കുന്നതിനോ വാങ്ങുന്നതിനോ റിപ്പയർ ചെയ്യുന്നതിനോ പുതുക്കി പണിയുന്നതിനോ എടുത്ത ലോണിന്റെ പലിശ നിബന്ധനകൾക്ക് വിധേയമായി കുറയ്ക്കാം. ഇതിനായി പലിശ നൽകേണ്ട സ്ഥാപനത്തിൽ നിന്നും പലിശ സംഖ്യ, ലോണ്‍ എടുത്തതിന്റെ ഉദ്ദേശ്യം എന്നിവ കാണിക്കുന്ന സർട്ടിഫിക്കറ്റ് ഹാജരാക്കണം. വീടിന്റെ ഉടമസ്ഥാവകാശം ഉള്ള ജീവനക്കാർക്ക് മാത്രമേ ഈ കുറവിന് അർഹതയുള്ളൂ.
    A.1-4-1999 ന് ശേഷം വീട് വാങ്ങുന്നതിനോ ഉണ്ടാക്കുന്നതിനോ എടുത്ത വായ്പയാണെങ്കിൽ പരമാവധി 2 ലക്ഷം രൂപ കുറവ് ലഭിക്കും. രണ്ടു ലക്ഷം ഇളവു ലഭിക്കാൻ ലോണ്‍ എടുത്ത സാമ്പത്തിക വർഷം മുതൽ മൂന്നു വർഷത്തിനുള്ളിൽ നിർമ്മാണം പൂർത്തിയാക്കിയിരിക്കണം. ഇത് കാണിക്കാൻ ഒരു "Self Declaration" നൽകിയാൽ മതിയാകും.
    B. 1-4-1999 ന് മുമ്പ് എടുത്ത വായ്പയാണെങ്കിൽ പരമാവധി 30,000 രൂപ മാത്രമേ കുറവ് ലഭിക്കൂ.
    C. റിപ്പയർ, പുനർനിർമ്മാണം എന്നിവയ്ക്ക് വേണ്ടി എടുത്ത ലോണ്‍ എന്ന് എടുത്തതാണെങ്കിലും പരമാവധി ഇളവ് 30,000 രൂപയാണ്.
    (Housing Loan ന്‍റെ മുതലിലേക്ക് അടച്ച തുക 80 C യില്‍ കുറവിന് പരിഗണിക്കും. 80EE പ്രകാരം ഹൌസിംഗ് ലോണ്‍ പലിശ 50,000 രൂപ വരെ നിബന്ധനകള്‍ക്ക് വിധേയമായി അധിക കിഴിവുണ്ട്. See Deductions below.)
    ഇതില്‍ നിന്നും Chapter VI-A യില്‍ പറഞ്ഞിരിക്കുന്ന അര്‍ഹമായ കിഴിവുകള്‍ കുറച്ചാല്‍ കിട്ടുന്നതാണ് Taxable Income. Taxable Income ത്തിനാണ് നാം നിശ്ചിത നിരക്ക് പ്രകാരം ടാക്സ് കണക്കാക്കുന്നത്. Income Tax രേഖകളിലും Form 16 ലും മറ്റും Taxable Income എന്നതിന് Total Income എന്ന് കാണാം.
    Chapter VI -A യിലെ കിഴിവുകൾ
    നമുക്ക് ലഭിക്കുന്ന പ്രധാന കിഴിവായ Section 80 C പ്രകാരമുള്ള കിഴിവുകൾ പരമാവധി 1,50,000 രൂപയാണ്. 2016-17 വർഷം അടച്ച തുക മാത്രമേ 80 C പ്രകാരം കിഴിവായി ലഭിക്കൂ.
    1. Provident Fund ൽ നിക്ഷേപിച്ച subscription തുകയും,നിക്ഷേപിച്ച അരിയറും കിഴിവായി അനുവദിക്കും. (PFലോണിലേക്കുള്ള തിരിച്ചടവ് അനുവദിക്കില്ല)
    2.ജീവക്കാരന്റെയോ ഭാര്യ/ഭർത്താവിന്റെയോ മക്കളുടെയോ പേരിൽ അടച്ച Life Insurance Premium കിഴിവായി ലഭിക്കും. (1-4-2012 നു മുമ്പ് എടുത്ത പോളിസി ആണെങ്കിൽ പ്രീമിയം പോളിസിയുടെ 20 %ത്തിൽ കൂടരുത് എന്നും 1-4-2012 ശേഷം എടുത്ത പോളിസി ആണെങ്കിൽ പ്രീമിയം പോളിസിയുടെ 10 % ത്തിൽ കൂടരുത് എന്നും വ്യവസ്ഥയുണ്ട്. അതായത് പരമാവധി അനുവദനീയമായ കിഴിവ് പോളിസിയുടെ 20%/ അല്ലെങ്കിൽ 10% വരെയാണ്.)
    3. SLI, GIS, FBS എന്നിവ കിഴിവ് ലഭിക്കും. എന്നാല്‍ GPAIS പറ്റില്ല എന്ന് കാണുന്നു.
    4. വീട് നിർമ്മാണത്തിനോ വാങ്ങുന്നതിനോ എടുത്ത വായ്പയുടെ തിരിച്ചടവിൽ മുതലിലേക്കുള്ള ഭാഗം 80 C പ്രകാരം കിഴിവിന് അർഹമാണ്. (എന്നാൽ റിപ്പയറിങ്ങിനോ പുനർനിർമ്മാണത്തിനോ എടുത്ത ലോണിന്റെ മുതലിലേക്കുള്ള തിരിച്ചടവ് അനുവദനീയമല്ല)
    5. Scheduled Bank കളിലോ പോസ്റ്റ്‌ ഓഫീസിലോ 5 വർഷത്തിൽ കുറയാത്ത കാലത്തേക്ക് Tax Savings Approved Scheme കളിലെ സ്ഥിരനിക്ഷേപം.
    6. Tution Fees - ജീവനക്കാരന്റെ പരമാവധി രണ്ടു കുട്ടികൾക്ക് വേണ്ടി അടച്ച Tution Fees ഇളവായി ലഭിക്കും. പ്രീ പ്രൈമറി ക്ലാസ് മുതലുള്ള ഇന്ത്യയിൽ പഠിക്കുന്ന ഏത് Full Time കോഴ്സും ആവാം. എന്നാൽ Tution Fee അല്ലാതെ മറ്റു ഫീസുകളൊന്നും ഇളവിന് അർഹമല്ല. Entrance Coaching പോലുള്ള സ്പെഷ്യല്‍ ട്യൂഷനുകള്‍ക്ക് അടയ്ക്കുന്ന ഫീസ്‌ പരിഗണിക്കില്ല.
    7. സ്വന്തം താമസത്തിനായി വീട് വാങ്ങിയതിനുള്ള Stamp Duty, Registration ഫീസ്‌ എന്നിവ.
    8. പെണ്‍കുട്ടികള്‍ക്കായുള്ള 'സുകന്യ സമൃദ്ധി അക്കൗണ്ട്‌ സ്കീമില്‍ നിക്ഷേപിച്ച തുക
    ഇവ കൂടാതെ അംഗീകരിച്ച Superanuation Fund , National Saving Certificate , LIC യുടെയും UTI യുടെയും Unit Linked Insurance Plan , നോട്ടിഫൈ ചെയ്ത Annuity Plan, നോട്ടിഫൈ ചെയ്ത Mutual Fund, ICICI, IDBI ,NABARD എന്നിവയുടെ Infrastructure Development Bond എന്നിവയിലെ നിക്ഷേപങ്ങളും Section 80 C പ്രകാരം ഇളവിന് അർഹമായ മറ്റു നിക്ഷേപങ്ങളും കുറയ്ക്കാം.
    80 CCC
    LIC യുടെയോ മറ്റു അംഗീകൃത ഇൻഷുറൻസ് സ്ഥാപനങ്ങളിലെയോ പെൻഷൻ പദ്ധതികളായ Annuity Plan കളിലെ നിക്ഷേപം.
    80 CCD(1)
    National Pension Scheme (NPS) ല്‍ അടച്ച ജീവനക്കാരന്‍റെ വിഹിതം 80 CCD(1) പ്രകാരം കിഴിവായി ലഭിക്കും. ഇത് ശമ്പളത്തിന്റെ (Pay+DA) യുടെ 10 % ത്തിൽ കൂടാൻ പാടില്ല.
    Section 80C, 80CCC , 80CCD(1) എന്നിവയുടെ ആകെ കിഴിവ് പരമാവധി 1,50,000 രൂപ വരെയാണ്.
    ഇതിനു പുറമേ ഈ 80 CCD(1B) പ്രകാരം 50,000 രൂപ വരെ NPS നിക്ഷേപത്തിന് അധിക കിഴിവ് ലഭിക്കും. 1,50,000 ലക്ഷം വരെയുള്ള കിഴിവിനായി ഉപയോഗിച്ച NPS നിക്ഷേപം കഴിച്ച് ബാക്കിയുള്ളതാണ് 80 CCD(1B) പ്രകാരമുള്ള കിഴിവിന് പരിഗണിക്കുക. ശമ്പളത്തിന്‍റെ 10% മാത്രം എന്ന നിബന്ധന ഈ കിഴിവിന് ഇല്ല.
    80 CCD(2)
    National Pension Scheme (NPS) ലേക്ക് Government അല്ലെങ്കില്‍ Employer അടയ്ക്കുന്ന Employer's Contribution 80 CCD(2) പ്രകാരം കിഴിവിന് അര്‍ഹമാണ്. പരമാവധി കിഴിവ് ശമ്പളത്തിന്റെ (Pay+DA) 10 % മാത്രമാണ്. Employer's Contribution വരുമാനത്തിന്‍റെ കൂടെ കൂട്ടിയിട്ടുണ്ടെങ്കില്‍ മാത്രമേ കിഴിവ് ലഭിക്കൂ.
    80 CCG
    നോട്ടിഫൈ ചെയ്ത Equity Saving Scheme കളിലെ നിക്ഷേപത്തിന് അനുവദിക്കുന്ന കിഴിവാണ് ഇത്. ഈ വകുപ്പ് പ്രകാരമുള്ള കിഴിവിന് അർഹമായ പദ്ധതിയാണ് Rajiv Gandhi Equity Saving Scheme. നിക്ഷേപത്തിന്റെ പകുതി തുകയ്ക്കുള്ള കിഴിവ് പരമാവധി 25,000 രൂപ വരെ ലഭിക്കും. നിക്ഷേപം നടത്തിയ ശേഷം തുടർച്ചയായ 3 സാമ്പത്തിക വർഷത്തിനുള്ളിൽ ഏതെങ്കിലും ഒരു വർഷം ഈ കിഴിവ് claim ചെയ്യാം. ഈ നിക്ഷേപം 3 വർഷത്തേക്ക് ലോക്ക് ചെയ്തതായിരിക്കണമെന്നും ജീവനക്കാരന്റെ Gross Total Income 12 ലക്ഷത്തിൽ കൂടരുതെന്നും നിബന്ധനയുണ്ട്.
    80 D (Health Insurance Premium)
    ജീവനക്കാരൻറെയോ ഭർത്താവ് അല്ലെങ്കിൽ ഭാര്യയുടെയോ മക്കളുടെയോ പേരിൽ അംഗീകൃത ഇൻഷുറൻസ് കമ്പനികളിൽ അടച്ച Health Insurance പ്രീമിയം, പരമാവധി 25,000 രൂപ വരെ കിഴിവ് ലഭിക്കും. ഇതിൽ ഏതെങ്കിലും ഒരാളുടെ പ്രായം 60 വയസ്സ് പൂർത്തിയായെങ്കിൽ പരമാവധി തുക 30,000 ആണ്. ജീവനക്കാരനോ ഭാര്യയ്ക്കോ മക്കൾക്കോ നടത്തിയ Preventive Health Check up നായി നല്കിയ തുക പരമാവധി 5000 രൂപയും 80D പ്രകാരം കിഴിവിന് അര്‍ഹതയുള്ളതാണ്. Senior Citizen ഉള്‍പ്പെട്ട കുടുംബത്തിന് പരമാവധി 30,000 രൂപയും അല്ലാത്തവയ്ക്ക്‌ പരമാവധി 25,000 രൂപയുമാണ് കിഴിവ്.
    ഇത് കൂടാതെ ജീവക്കാരന്റെ മാതാപിതാക്കളുടെ പേരിൽ അടച്ച Health Insurance പ്രീമിയത്തിനു മറ്റൊരു 25,000 കൂടെ ഇളവ് ലഭിക്കും. ഇവരിലൊരാൾ സീനിയർ സിറ്റിസണ്‍ ആണെങ്കിൽ കിഴിവ് പരമാവധി 30,000 വരെ ആവാം. മാതാപിതാക്കൾക്ക് നടത്തിയ Preventive Health Check up 5000 രൂപ വരെ 80D പ്രകാരമുള്ള കിഴിവിന് അർഹമാണ്.
    Health Insurance ഇല്ലാത്ത 80 വയസ്സുള്ള മാതാപിതാക്കളുടെ ചികിത്സാചെലവിനു 80D പ്രകാരം 30,000 വരെ കിഴിവ് നേടാം. ചികിത്സാചെലവ് നേരിട്ട് പണമായി നല്‍കിയത് ആവരുത്. മാതാപിതാക്കള്‍ക്കുള്ള ആകെ കിഴിവ് 30,000 അല്ലെങ്കിൽ 25,000 കവിയാൻ പാടില്ല.
    Health Insurance പ്രീമിയം, 80 കഴിഞ്ഞവരുടെ ചികിത്സാചെലവ് എന്നിവ നേരിട്ട് പണമായി നൽകാതെ മറ്റെതെങ്കിലും വഴി (Cheque, DD etc) നൽകിയതാവണം . Health Check up ന് പണം നേരിട്ട് നൽകിയതാവാം.
    80 DD - (For Disability of dependants with disability)
    ജീവനക്കാരന്റെ ശാരീരിക, മാനസിക വൈകല്യമുള്ള ഭാര്യ/ഭർത്താവ്, മക്കൾ, മാതാപിതാക്കൾ, സഹോദരങ്ങൾ എന്നിവരുടെ ചികിത്സ, ശുശ്രൂഷ, ട്രെയിനിംഗ്, പുനരധിവാസം എന്നിവയ്ക്ക് വേണ്ടി ചെലവഴിച്ചാലും ഇവരുടെ സംരക്ഷണത്തിനായി ഇൻഷുറൻസ് കമ്പനികളിലെ ഇതിനായുള്ള അംഗീകൃത സ്കീമുകളിൽ നിക്ഷേപിച്ചാലും 80DD പ്രകാരം കിഴിവ് ലഭിക്കും.
    ചെലവഴിച്ച തുക എത്രയായാലും 75,000 രൂപയാണ് കിഴിവ് ലഭിക്കുക. 80% ത്തിൽ കൂടുതൽ വൈകല്യം ഉണ്ടെങ്കിൽ 1,25,000 രൂപ കിഴിവ് ലഭിക്കും.
    ഇതിനായി Medical Authority യിൽ നിന്നും സർട്ടിഫിക്കറ്റ് ഹാജരാക്കണം. Autism, Cerebral palsy , Multiple Disability എന്നിവയ്ക്ക് Form 10-IA യിൽ ആണ് സർട്ടിഫിക്കറ്റ് ഹാജരാക്കേണ്ടത്.
    80U (For Employees with disability)
    സാമ്പത്തിക വർഷത്തിലെ ഏതെങ്കിലും കാലത്ത് ജീവനക്കാരന് Disability (40% or above) ഉണ്ടെന്നു Medical Authority സർട്ടിഫൈ ചെയ്തെങ്കിൽ അയാൾക്ക്‌ 75,000 രൂപ കിഴിവ് ലഭിക്കും. 75,000 രൂപ എന്ന നിശ്ചിത തുകയാണ് ഇളവ്. അല്ലാതെ ചെലവഴിച്ച തുകയല്ല. കടുത്ത വൈകല്യം ഉള്ള ആളാണെങ്കിൽ (Above 80 % disability) 1,25,000 രൂപ ഇളവുണ്ട്. 80DD യിലേതു പോലെ തന്നെ ഇവിടെയും സർട്ടിഫിക്കറ്റ് ഹാജരാക്കണം. Disability താല്ക്കാലികമാണെങ്കിൽ പുതിയ സാമ്പത്തിക വർഷം വീണ്ടും പുതിയ സർട്ടിഫിക്കറ്റ് ഹാജരാക്കണം.
    Autism, Cerebral palsy, Multiple Disability എന്നിവയുള്ളവര്‍ 80DD, 80U കിഴിവുകള്‍ക്ക് Form 10-1A യിലാണ് സര്‍ട്ടിഫിക്കറ്റ് വാങ്ങേണ്ടത്. MD ഉള്ള Neurologist / Pediatric Neurologist അല്ലെങ്കില്‍ സര്‍ക്കാര്‍ ആശുപതികളിലെ Civil Surgeon / Chief Medical Officer എന്നിവരില്‍ നിന്നും സര്‍ട്ടിഫിക്കറ്റ് വാങ്ങാം.
    80 DDB (For Medical treatment of specified diseases)
    ജീവനക്കാരൻ, ഭർത്താവ് അല്ലെങ്കിൽ ഭാര്യ, മക്കൾ, മാതാപിതാക്കൾ, സഹോദരങ്ങൾ എന്നിവരിൽ ആർക്കെങ്കിലും ഉള്ള പ്രത്യേക രോഗങ്ങൾക്കുള്ള ചികിത്സാചെലവ് 80DDB പ്രകാരം കിഴിവ് അനുവദിക്കും.
    Neurological diseases (dementia , chorea , motor neuron disease , ataxia , parkinson disease etc ) , malignant cancer , aids , chronic renal failure , hemophilia , thalassemia എന്നിവയുടെ ചികിത്സ ചെലവുകൾക്കാണ് അർഹതയുള്ളത്. 40,000 രൂപയാണ് പരമാവധി ലഭിക്കാവുന്ന കിഴിവ്. എന്നാൽ രോഗി Senior Citizen (60 വയസ്സിനു മുകളില്‍) ആണെങ്കിൽ 60,000 രൂപ വരെ കിഴിവ് ലഭിക്കും. 80 വയസ്സ് കഴിഞ്ഞവര്‍ക്ക് പരമാവധി 80,000 രൂപ വരെ കിഴിവ് ലഭിക്കും. അതാത് രോഗങ്ങളില്‍ സ്പെഷ്യലൈസ് ചെയ്ത ഡോക്ടറിൽ നിന്നും Prescription ഹാജരാക്കണം. ഈ Prescription ല്‍ രോഗിയുടെ പേര്, വയസ്സ്, രോഗത്തിന്‍റെ പേര്, സ്പെഷലിസ്റ്റ് ഡോക്ടറുടെ പേര്, അഡ്രസ്സ്, രജിസ്ട്രെഷന്‍ നമ്പര്‍, യോഗ്യത എന്നിവ ഉണ്ടായിരിക്കണം. ഗവണ്മെന്റ് ആശുപത്രികളിലെ ഡോക്ടര്‍മാര്‍ തന്നെ വേണമെന്ന് നിര്‍ബന്ധമില്ല. Reimbursement അല്ലെങ്കില്‍ insurance തുക ലഭിച്ചെങ്കില്‍ അത് കഴിച്ചേ ഇളവ് ലഭിക്കൂ.
    80 E (Interest on loan for higher education )
    ഭർത്താവ്/ഭാര്യയുടെയോ മക്കളുടെയോ താൻ ലീഗൽ ഗാർഡിയൻ ആയ കുട്ടികളുടെയോ ഉന്നതവിദ്യാഭ്യാസത്തിന് ബാങ്കിംഗ് സ്ഥാപനങ്ങളിൽ നിന്നോ ചാരിറ്റബിൾ സ്ഥാപനങ്ങളിൽ നിന്നോ ജീവനക്കാരന്‍ എടുത്ത വായ്പയുടെ പലിശയായി അടച്ച സംഖ്യ 80U പ്രകാരം കിഴിവ് ലഭിക്കും.പലിശ അടച്ചു തുടങ്ങിയ വർഷം മുതൽ ഏഴ് വർഷക്കാലമാണ് ഈ കിഴിവ് ലഭിക്കുക. Higher Secondary Examination ന് ശേഷം പഠിക്കുന്ന കോഴ്സുകളെയാണ് Higher education എന്നത് കൊണ്ട് ഉദ്ദേശിക്കുന്നത്. വിദേശത്ത് പഠിക്കാന്‍ വേണ്ടി എടുത്ത ലോണിന്‍റെ പലിശയ്ക്കും ഈ ഇളവ് ലഭിക്കും. 80E പ്രകാരമുള്ള കിഴിവിന് പരിധി ഇല്ല.
    80 G (Donations to notified Funds and charitable institutions)
    ചില Notified Fund കളിലേക്കും Charitable Institution കളിലേക്കും നൽകിയ സംഭാവന 80G പ്രകാരം കിഴിവ് ലഭിക്കും. ശമ്പളത്തിൽ നിന്നും കുറയ്ക്കുന്ന ടാക്സ് (TDS) കണക്കാക്കുന്നതിന് ഇത് പരിഗണിക്കില്ല. Income Tax Return സമർപ്പിക്കുന്ന അവസരത്തിൽ അതിൽ കാണിച്ച് ഇളവ് നേടാം. (ചില Notified Fund കളിലേക്ക് സ്ഥാപനം വഴി ശേഖരിച്ച സംഭാവന TDS ന് പരിഗണിക്കും.)
    80GGC (Donation to political parties)
    80GGC പ്രകാരമുള്ള കിഴിവ് TDS ന് പരിഗണിക്കില്ല. Income Tax Return സമർപ്പിക്കുന്ന അവസരത്തിൽ കിഴിവ് കാണിക്കാം. Representation of the People Act ന്റെ Section 29A പ്രകാരം രജിസ്റ്റർ ചെയ്ത പാർട്ടികൾക്ക് നൽകിയ സംഭാവന കിഴിവ് ലഭിക്കും. കാഷ് ആയി നല്കിയ സംഭാവന പരിഗണിക്കില്ല. Cheque , DD, Credit card , Internet banking എന്നിവയിലൂടെ നൽകിയതാവാം. സംഭാവന പൂർണ്ണമായി കിഴിവിന് പരിഗണിക്കും.
    80TTA (Interest in SB Account)
    ബാങ്ക് , കോ -ഓപ്പറേറ്റീവ് ബാങ്ക് , പോസ്റ്റ്‌ ഓഫീസ് എന്നിവിടങ്ങളിലെ SB Account കളിൽ നിന്നും ലഭിച്ച പലിശ പരമാവധി 10,000 രൂപ കിഴിവായി ലഭിക്കും. നിങ്ങൾ മറ്റു വരുമാനം എന്ന നിലയില്‍ Gross Total Income ത്തിൽ പലിശ കൂട്ടിയിട്ടുണ്ടെങ്കിൽ മാത്രമേ ഈ കിഴിവിന് അർഹതയുള്ളൂ. സ്ഥിരനിക്ഷേപത്തിന്‍റെ പലിശയ്ക്ക് 80TTA പ്രകാരം കിഴിവില്ല.
    80EE (Interest of Housing Loan)
    വീട് നിര്‍മ്മാണത്തിനും വാങ്ങുന്നതിനും എടുത്ത ഹൌസിംഗ് ലോണിന്‍റെ Interest 2 ലക്ഷം വരെ Income from House Property എന്ന ശീര്‍ഷകത്തില്‍ നഷ്ടമായി കാണിച്ച് കുറച്ചിരിക്കുമല്ലോ. ഇതിലും കൂടുതല്‍ അടച്ചിട്ടുണ്ടെങ്കില്‍ ചില നിബന്ധനകള്‍ക്ക് വിധേയമായി പരമാവധി 50,000 രൂപ കൂടി 80EE പ്രകാരം കുറയ്ക്കാം. നിബന്ധനകള്‍ (1) ലോണ്‍ 2016 ഏപ്രില്‍ 1 നും 2017 മാര്‍ച്ച്‌ 31 നും ഇടയില്‍ എടുത്തതാവണം. (2) ലോണ്‍ അനുവദിക്കുന്ന അവസരത്തില്‍ വീട് ഉണ്ടായിരിക്കരുത്. (3) വീടിന്‍റെ വില 50 ലക്ഷത്തിലും ലോണ്‍ 35 ലക്ഷത്തിലും കുറവായിരിക്കണം. (4) ലോണ്‍ ഒരു Financial Institution ല്‍ നിന്നും എടുത്തതാവണം.
    Chapter VI -A യിലെ പ്രധാന കിഴിവുകൾ ഇവയാണ്. ഇവയില്‍ 80 G, 80 GGC എന്നിവ ഒഴികെ എല്ലാ കിഴിവുകളും DDO യ്ക്ക് അനുവദിക്കാവുന്നവയാണ്. മതിയായ രേഖകള്‍ പരിശോധിച്ച് നിജസ്ഥിതി ബോധ്യപ്പെട്ട് വേണം അനുവദിക്കാന്‍.
    മുകളില്‍ പറഞ്ഞ അര്‍ഹമായ കിഴിവുകള്‍ കുറച്ചാല്‍ Taxable Income കിട്ടുന്നു. ഇതിനു ഈ വര്‍ഷത്തെ നിരക്ക് പ്രകാരം ടാക്സ് കണക്കാക്കണം.
    (ഈ വര്‍ഷം മുതല്‍ ആദായ നികുതി ഇളവുകള്‍ നേടുന്ന എല്ലാവരും അവയുടെ തെളിവുകളും വിവരങ്ങളും രേഖപ്പെടുത്തി ഒപ്പിട്ട Form 12 BB DDO യ്ക്ക് നല്‍കണം എന്ന അനുശാസിക്കുന്ന Rule 26C Income Tax Rules ല്‍ പുതുതായി ഉള്‍പ്പെടുത്തിയിരിക്കുന്നു. Form 12BB ഫെബ്രുവരി മാസത്തെ ശമ്പള ബില്ലിനോടൊപ്പം ട്രഷറിയില്‍ നല്‍കണമെന്ന് ട്രഷറി ഡയരക്ടര്‍ ആവശ്യപ്പെടുന്നു.)
    INCOME TAX RATE for 2016-17
    60 വയസ്സിൽ താഴെയുള്ളവർക്കുള്ള Normal Rate ആവും നമുക്കാവശ്യം.സ്ത്രീകള്‍ക്കും പുരുഷന്മാര്‍ക്കും ഒരേ നിരക്ക് തന്നെ.
    1.) Taxable Income 2,50,000 രൂപ വരെ ടാക്സ് ഇല്ല.
    2.) 2,50,000 ത്തിന് മുകളിൽ 5,00,000 വരെ : 2,50,000 ത്തിനു മുകളിലുള്ള തുകയുടെ 10 %.. ഇതിൽ നിന്നും Section 87A പ്രകാരമുള്ള റിബേറ്റ് പരമാവധി 5000 രൂപ കുറയ്ക്കാം. ഫലത്തിൽ 3,00,000 ത്തിന് മുകളിൽ മാത്രമേ ടാക്സ് ഉണ്ടാവൂ.
    3.) 5,00,000 ത്തിനു മുകളിൽ 10,00,000 വരെ : 25,000 രൂപയും 5,00,000 ത്തിന് മുകളിൽ വരുന്നതിന്‍റെ 20 % വും കൂട്ടിയ തുക. (5 ലക്ഷത്തിന് മുകളിൽ Taxable Income ഉണ്ടെങ്കിൽ Rebate കിട്ടില്ല)
    4.) 10,00,000 ത്തിനു മുകളിൽ : 1,25,000 രൂപയും 10 ലക്ഷത്തിന് മുകളിൽ വരുന്നതിന്‍റെ 30 % വും കൂട്ടിയ തുക.
    60 വയസ്സ് മുതൽ 80 വയസ്സ് വരെയുള്ളവർക്ക് ഉള്ള നിരക്ക്
    1.) Taxable Income 3,00,000 വരെ ടാക്സ് ഇല്ല.
    2.) 3,00,000 മുതൽ 5,00,000 വരെ : 3 ലക്ഷത്തിനു മുകളിൽ വരുന്നതിന്‍റെ 10 %. ഇതിൽ നിന്നും Section 87A പ്രകാരമുള്ള റിബേറ്റ് പരമാവധി 5000 രൂപ കുറയ്ക്കാം.
    3.) 5,00,000 ലക്ഷം മുതൽ 10,00,000 വരെ : 20,000 രൂപയും 5,00,000 ത്തിന് മുകളിൽ വരുന്നതിന്‍റെ 20 % വും കൂട്ടിയ തുക. (5 ലക്ഷത്തിന് മുകളിൽ Total Income ഉണ്ടെങ്കിൽ Rebate കിട്ടില്ല)
    4.) 10,00,000 ത്തിനു മുകളിൽ : 1,20,000 രൂപയും 10 ലക്ഷത്തിന് മുകളിൽ വരുന്നതിന്‍റെ 30 % വും കൂട്ടിയ തുക.
    80 വയസ്സിന് മുകളിലുള്ളവർക്ക്
    1.) Taxable Income 5,00,000 വരെ ടാക്സ് ഇല്ല.
    2.) 5,00,000 മുതൽ 10,00,000 വരെ : 5 ലക്ഷത്തിനു മുകളില്‍ വരുന്ന തുകയുടെ 20%.
    3.) 10,00,000 ത്തിനു മുകളിൽ : 1,00,000 രൂപയും 10 ലക്ഷത്തിന് മുകളിൽ വരുന്ന തുകയുടെ 30 % വും കൂട്ടിയ തുക.
    SURCHARGE
    ഒരു കോടിക്ക് താഴെ Taxable Income ഉള്ളവർക്ക് Surcharge ഇല്ല.
    EDUCATION CESS
    ആദായ നികുതിയുടെ 2 % Education Cess ഉം 1 % Secondary and Higher Education Cess ഉം കൂടി ആകെ 3 % Cess കൂടി നികുതിയോട് കൂട്ടണം. ഇതാണ് ഈ സാമ്പത്തികവർഷം അടയ്ക്കേണ്ട ടാക്സ്.
    Relief u/s 89(1)
    മുൻവർഷങ്ങളിൽ ലഭിക്കേണ്ട ശമ്പളം,DA തുടങ്ങിയവയിൽ ഏതെങ്കിലും അരിയറായി ഈ വർഷം ലഭിച്ചത് മൂലം ഉണ്ടായ ടാക്സ് വർദ്ധനവിൽ നിന്ന് രക്ഷ നേടാൻ Section 89 (1) നമ്മെ സഹായിക്കും.മുൻവർഷങ്ങളിലേക്കുള്ള ശമ്പളം അതാത് വർഷങ്ങളിലെ വരുമാനത്തോട് കൂട്ടി ടാക്സ് കാണുകയും ഈ വർഷത്തെ വരുമാനത്തിൽ നിന്ന് കുറച്ചു ടാക്സ് കാണുകയും ചെയ്യുന്ന കണക്ക് Form 10E യിൽ ചെയ്ത് നമുക്ക് Tax Relief നേടാം. ഇതിന് സഹായകരമായ സോഫ്റ്റ്‌വെയറുകൾ ഉപയോഗിക്കാം.
    Form 10E വഴി Relief ന് അർഹതയുണ്ടെങ്കിൽ അത് അടയ്ക്കേണ്ടതായ ടാക്സിൽ നിന്നും കുറയ്ക്കാം. ആകെ അടയ്ക്കേണ്ട ടാക്സ് കണക്കാക്കി അതില്‍ നിന്നും 10E ഫോം വഴി ലഭിച്ച റിലീഫും മുൻമാസങ്ങളിൽ ശമ്പളത്തിൽ നിന്നും TDS ആയി കുറച്ച ടാക്സും ആകെ ടാക്സിൽ നിന്നും കുറയ്ക്കുക. ഇതാണ് ഫെബ്രുവരി മാസത്തെ ശമ്പളത്തിൽ നിന്നും കുറയ്ക്കെണ്ടത്.


    Read More | തുടര്‍ന്നു വായിക്കുക

    IT Examination 2016-17 - Sample questions

    >> Monday, February 6, 2017

    എട്ട്, ഒന്‍പത്, പത്ത് ക്ലാസുകളിലെ തിയറി, പ്രാക്ടിക്കല്‍ പരീക്ഷകള്‍ക്കായി ഐടി@സ്‌ക്കൂള്‍ പുറത്തിറക്കിയിട്ടുള്ള സാമ്പിള്‍ ചോദ്യങ്ങള്‍ ചുവടെ നിന്നും ഡൗണ്‍ലോഡ് ചെയ്ത് പഠിക്കാം. സംശയങ്ങള്‍ കമന്റായി ചോദിക്കുമല്ലോ.

    IT Examination 2016-17 - Sample questions

    Sample questions for Model SSLC IT Examination 2016-17

    Theory

    Practical

    Sample questions for IT Examination 2016-17 for the classes of std 9

    Theory

    Practical

    Sample questions for IT Examination 2016-17 for the classes of std 8

    Theory

    Practical


    Read More | തുടര്‍ന്നു വായിക്കുക

    SCERT Question Pool

    >> Thursday, February 2, 2017

    എസ്.സി.ഇ.ആര്‍.ടി മുന്‍ വര്‍ഷങ്ങളിലേതു പോലെ പത്താം ക്ലാസിലെ വിദ്യാര്‍ത്ഥികള്‍ക്കായി ചോദ്യശേഖരം പുറത്തിറക്കിയ വിവരം അറിഞ്ഞിരിക്കുമല്ലോ. അതിന് എസ്.സി.ഇ.ആര്‍.ടിയോട് അകൈതവമായ നന്ദി രേഖപ്പെടുത്തട്ടെ. അതിന്റെ ലിങ്കുകള്‍ ചുവടെ ലഭ്യമാക്കിയിരിക്കുന്നു. വ്യത്യസ്തമായ ചോദ്യങ്ങള്‍ ഈ ചോദ്യശേഖരത്തിന്റെ പ്രത്യേകതയാണ്. റിവിഷനുകള്‍ക്കു ശേഷം ഇനിയെന്ത് എന്ന ചോദ്യത്തിന് ഒരു മറുപടിയാണ് ഈ പുസ്തകം. കൂടുതല്‍ ചോദ്യങ്ങള്‍ ചെയ്തു പരിശീലിക്കുന്നതിന് കുട്ടികള്‍ക്ക് ഇതു മൂലം സാധിക്കും. ഇതിന്റെ പ്രിന്റഡ് കോപ്പികള്‍ എസ്.സി.ഇ.ആര്‍.ടിയില്‍ നിന്നു വാങ്ങാവുന്നതാണ്. നിങ്ങളുടെ സംശയങ്ങള്‍ കമന്റില്‍ നമുക്ക് ചര്‍ച്ചയാക്കുകയും ചെയ്യാം.

    Question Pool Std X
    1. Malayalam Reader
    2. English
    3. Tamil Reader
    4. Hindi
    5. Arabic (General)
    6. Arabic (Oriental)
    7. Urdu
    8. Sanskrit (General)
    9. Sanskrit (Oriental)
    10. Physics
    11. Chemistry
    12. Biology
    13. Social Science
    14. Mathematics

    Question Pool (English Medium)
    1. Mathematics
    2. Physics
    3. Chemistry
    4. Biology
    5. Social Science

    Question Pool (Kannada Medium)
    1. Kerala Reader (Kannada I & II)
    2. Biology
    3. Chemistry
    4. Physics
    5. Social Science
    6. Mathematics

    (Thanks and credits to SCERT, Kerala)


    Read More | തുടര്‍ന്നു വായിക്കുക

    SSLC Exam help for Various Subjects

    >> Tuesday, January 31, 2017

    മാത് സ് ബ്ലോഗിലേക്ക് പല വിഷയങ്ങളുടേയും പഠനസഹായികള്‍ വരുന്നുണ്ട്. വിദ്യാര്‍ത്ഥികളെ സഹായിക്കണമെന്ന് താല്‍പ്പര്യമുള്ള അദ്ധ്യാപകരാണ് ഇത്തരം മെറ്റീരിയലുകള്‍ മാത് സ് ബ്ലോഗിന് വേണ്ടി തയ്യാറാക്കുകയും ലഭ്യമാകുന്ന ഇതര മെറ്റീരിയലുകള്‍ നമുക്ക് അയച്ചു തരികയും ചെയ്യുന്നത്. ഇനി മുതല്‍ ഇതെല്ലാം ഒരൊറ്റ പോസ്റ്റില്‍ അപ്‌ഡേറ്റ് ചെയ്യാമെന്നാണ് ഞങ്ങള്‍ കരുതുന്നത്. അതിനാല്‍ പല പല പോസ്റ്റുകളിലേക്ക് പോകാതെ ഒറ്റ പോസ്റ്റില്‍ നിന്നു തന്നെ നിങ്ങള്‍ക്ക് ഈ മെറ്റീരിയലുകള്‍ ലഭ്യമാകുന്നതാണ്. എന്തെങ്കിലും തരത്തിലുള്ള അക്ഷരപിശകുകള്‍ കണ്ടെത്തുകയാണെങ്കിലും അഭിപ്രായങ്ങള്‍ പ്രകടിപ്പിക്കണമെങ്കിലും കമന്റ് ബോക്‌സ് ഉപയോഗപ്പെടുത്തുമല്ലോ.


    Sanskrit
    Abhyasa Pusthakam
    Prepared By : Education Department

    Hindi
    Orukkam 2017 : Hindi Answers
    Prepared By : ASOK KUMAR N.A, GHSS Perumpalam, Alappuzha (dt)

    Physics
    Physics Fact Sheet (One Page)
    Prepared By : SHABEER V, AL ANVAR HS KUNIYIL

    Youtube videos related with Physics
    Chapter 1 | Chapter 2 | Chapter 3 | Chapter 4 | Chapter 5 | Chapter 6 | Chapter 7 | Chapter 8
    Prepared by Fazaludeen, Peringolam

    Ready Reference of Abbreviations Related to ICT and Physical Science for SSLC
    Prepared By : ABHILASH.A.R HSA(Physical Science), MMHSS, Vilakkudy.

    Biology
    Biology Capsules for Success
    Prepared By : Ratheesh. B, GHSS KALLOOR, Noolpuzha p.o, Wayanad


    Social Science
    Social Science Capsules for Success
    Prepared By : M. Biju, GHSS, Parappa, Kasargod &
    Colin Jose. E, Dr.AMMRHSS, Kattela, TVM


    Short notes on Social Science I | Social Science II
    Prepared By : Ratheesh C V, GHSS, Perukkum, Wayanad

    Social Science Tips and techniques
    Prepared By : JATHEESH K and Team A+, Govt Achuthan Girls HSS Kozhikode


    Mathematics
    Karinikaram (Maths Mal Med Questions)
    Prepared By : Thodupuzha Education District


    Read More | തുടര്‍ന്നു വായിക്കുക

    എസ്എസ്എല്‍സി ഐടി വീഡിയോ ട്യൂട്ടോറിയലുകള്‍
    By Vipin Mahathma

    >> Sunday, January 29, 2017

    മാത്‌സ്ബ്ലോഗിന്റെ ഉമ്മറത്ത് മുകളില്‍ ചിതറിക്കിടക്കുന്ന ഐടി ചോദ്യങ്ങള്‍ ഔദ്യോഗികമായി പ്രസിദ്ധീകരിക്കപ്പെട്ടവയാണ്. തിയറി ചോദ്യങ്ങളുടെ കൂടെത്തന്നെ ഉത്തരങ്ങളും ഉണ്ട്. എന്നാല്‍, പ്രാക്ടിക്കല്‍ വിഭാഗത്തില്‍, ചോദ്യങ്ങള്‍ മാത്രമേ ഉള്ളൂ. ഇവയെല്ലാം ചെയ്യുന്നതെങ്ങിനെയെന്ന് കൃത്യമായി മനസിലാക്കുകയും ഈ മുപ്പതിന് ആരംഭിക്കുന്ന മോഡല്‍ പരീക്ഷയ്ക്ക് അതുപോലെ ചെയ്യുകയും ചെയ്താല്‍ പിന്നെ, A+കിട്ടാന്‍ ഐടിയ്ക്ക് വേറെ പ്രയത്നമൊന്നും വേണ്ടിവരികയില്ല തന്നെ! രാവു പകലാക്കി ഇതെല്ലാം ഭംഗിയായി തയാറാക്കിത്തരുന്നത് ആരാണ്? നമ്മുടെ വിപിന്‍ മഹാത്മ തന്നെ!! ഇന്ന് വെളുപ്പിന് മൂന്നുമണിയായപ്പോഴേക്കും ആ ചോദ്യങ്ങളില്‍ ആറെണ്ണത്തിന്റെ ഉത്തരങ്ങള്‍ തളികയിലായിക്കഴിഞ്ഞു. പോരാ, ബാക്കി ഫയലുകളെല്ലാം തയാറാക്കി, വൈകുന്നേരത്തിനകം നല്‍കാമെന്ന വാഗ്ദാനവും.അതു ലഭിക്കുന്ന മുറയ്ക്കുതന്നെ ഈ പോസ്റ്റില്‍ തന്നെ ചേര്‍ത്ത് അപ്‌ഡേറ്റു ചെയ്യുന്നതാണ്.
    (എല്ലാ ഫയലുകളും ചേര്‍ത്ത് പോസ്റ്റ് അപ്‌ഡേറ്റ് ചെയ്തിട്ടുണ്ട്) പോസ്റ്റിന്റെ അവസാനം കൊടുത്തിട്ടുള്ള EXAM DOCUMENTS എന്ന സിപ്പ്‌ഡ് ഫോള്‍ഡര്‍ ഡൗണ്‍ലോഡ് ചെയ്ത് ഹോമിലേക്ക് എക്സ്ട്രാക്ട് ചെയ്തിട്ടാല്‍ ഈ പ്രവര്‍ത്തനങ്ങള്‍ ചെയ്തു പഠിക്കാം.
    വിപിന്‍...വെറുതെ പറയുകയല്ലാ, നിങ്ങളൊരു മഹാത്മാവു തന്നെ!

    INKSCAPE


    QGIS



    SUNCLOCK


    NEW STYLE


    MAIL MERGE


    INDEX TABLE


    PTHON 1


    PYTHON 2



    DATABASE


    HTML


    ANIMATION


    EXAM DOCUMENTS



    Read More | തുടര്‍ന്നു വായിക്കുക

    SSLC - 2017 : Math, Physics & Chemistry Questions and capsule

    >> Saturday, January 28, 2017

    ഇംഗ്ലീഷ് മീഡിയം ഗണിത കാപ്സ്യൂള്‍, ഫിസിക്സ്,കെമിസ്ട്രി എന്നിവയ്ക്കുള്ള ഇംഗ്ലീഷ് മലയാളം മീഡിയം മാതൃകാ ചോദ്യങ്ങള്‍ എന്നിവ പതിവുപോലെ അയച്ചുതന്നിരിക്കുകയാണ് നൗഷാദ് സര്‍. മലപ്പുറം പരപ്പനങ്ങാടി സ്വദേശിയായ നൗഷാദ് സാറിന്റെ നോട്ടുകള്‍ക്ക് എന്നും ആവശ്യക്കാരേറെയാണ്.
    Click Here to Download Maths English Medium Notes and Questions
    Click Here to Download Physics and Chemistry English Medium Questions
    Click Here to Download ഫിസിക്‌സ് & കെമിസ്ട്രി മലയാളം മീഡിയം നോട്സ്


    Read More | തുടര്‍ന്നു വായിക്കുക

    കലോത്സവം എങ്ങനെ ആകണം?

    >> Thursday, January 26, 2017

    സംസ്ഥാന സ്കൂള്‍ കലോത്സവത്തിനു കൊടിയിറങ്ങി! എല്ലാ തവണത്തെയും പോലെ മാനുവല്‍ പരിഷ്കരണവും അപ്പീലുകളുടെ നിയന്ത്രണവും ഗ്രേസ് മാര്‍ക്കുകള്‍ എടുത്തു തോട്ടിലെറിയേണ്ടതിന്റെ ആവശ്യവും പത്ര ദൃശ്യ മാധ്യമങ്ങളിലും അധ്യാപക ഗ്രൂപ്പുകളിലുമൊക്കെ ഒച്ചവെച്ച് തളര്‍ന്നുറങ്ങി! ഇനി, അടുത്ത തൃശൂര്‍ കലോത്സവം കഴിയുമ്പോള്‍ പൂര്‍വ്വാധികം ശക്തിയായി ഈ വാദമുഖങ്ങളൊക്കെ ഒച്ചവെച്ചുണരും...പതിവുപോലെ തളര്‍ന്നുറങ്ങും!!
    ഏഷ്യയിലെ ഏറ്റവും വലിയ കലാമാമാങ്കം ഏറ്റവും വലിയ പഠനപ്രവര്‍ത്തനമായി വളരണമെന്നാണ് രാമനുണ്ണിമാഷ് ഇവിടെ പറഞ്ഞുവയ്ക്കുന്നത്. അനുകൂലമായോ എതിരായോ കമന്റുബോക്സിലൂടെ നിങ്ങളുടെ അഭിപ്രായങ്ങള്‍ പങ്കുവയ്ക്കാം..
    ഒരു മാറ്റം ആഗ്രഹിക്കുന്നുവെന്ന് അധികാരികള്‍പോലും പറ‍ഞ്ഞുതുടങ്ങുമ്പോള്‍, അതെങ്ങനെ ആയിരിക്കണമെന്ന ഇദ്ദേഹത്തിന്റെ നിര്‍ദ്ദേശങ്ങള്‍ക്ക് ഒരുപാട് പ്രസക്തിയുണ്ടെന്ന് ഞങ്ങള്‍ കരുതുന്നു..
    വായിക്കൂ...പ്രതികരിക്കൂ!!
    Click here to Read the Article


    Read More | തുടര്‍ന്നു വായിക്കുക

    പൊതുവിദ്യാഭ്യാസ വകുപ്പിന്റെ 29/2016 ഉത്തരവ് പ്രകാരം നിയമനം ലഭിച്ച അദ്ധ്യാപകരുടെ സാലറി മാനുവലായി തയ്യാറാക്കി സ്പാര്‍ക്കിലൂടെ പി.എഫിലേക്ക്ക്രഡിറ്റ് ചെയ്യുന്ന വിധം

    >> Tuesday, January 24, 2017

    വിദ്യാഭ്യാസവകുപ്പിന്റെ 29-1-2016 ലെ 29/2016 നമ്പര്‍ ഉത്തരവ് പ്രകാരം നിയമനതടസ്സം ഒഴിവാകുകയും അതുവഴി 2011 മുതലുള്ള നിരവധി എയ്ഡഡ് സ്ക്കൂള്‍ അദ്ധ്യാപകരുടെ നിയമനം അംഗീകരിക്കപ്പെടുകയും ചെയ്തു. എന്നാല്‍ നിയമനത്തീയതി മുതല്‍ ഉത്തരവിറങ്ങിയ 2016 ജനുവരി 29 വരെയുള്ള ഇവരുടെ ശമ്പളം ഇവര്‍ക്ക് കൈയില്‍ കിട്ടില്ല. ആ തുക പി.എഫിലേക്ക് ക്രഡിറ്റ് ചെയ്യണമെന്നാണ് മേല്‍പ്പറഞ്ഞ ഉത്തരവില്‍ പറഞ്ഞിരിക്കുന്നത്. ഇതനുസരിച്ച് 2016 ഫെബ്രുവരി മുതല്‍ സ്പാര്‍ക്കിലൂടെ ശമ്പളം തയ്യാറാക്കുന്നതിന് നമുക്ക് സാധിക്കുമെങ്കിലും ഈ കാലയളവിലെ തുക പി.എഫിലേക്ക് ക്രഡിറ്റ് ചെയ്യുന്നതിന് വേണ്ട അപ്ഡേഷനൊന്നും ഇതേ വരെ സ്പാര്‍ക്കില്‍ വരുത്തിയിട്ടില്ല. മേല്‍പ്പറഞ്ഞ കാലയളവിലെ തുക സ്പാര്‍ക്ക് വഴി പി.എഫിലേക്ക് ക്രഡിറ്റ് ചെയ്യേണ്ടതിനെക്കുറിച്ചുള്ള നിര്‍ദ്ദേശം ഇവിടെയുണ്ട്. മാനുവലായി സാലറി തയ്യാറാക്കുന്നതിനും അത് പി.എഫിലേക്ക് ക്രഡിറ്റ് ചെയ്യുന്നതിനുമുള്ള മാര്‍ഗങ്ങള്‍ മാത്‌സ് ബ്ലോഗിലൂടെ പങ്കുവെയ്ക്കണമെന്ന് ഒട്ടേറെ പേര്‍ ആവശ്യപ്പെട്ടിരുന്നു. ഇതേക്കുറിച്ചാണ് ചുവടെ വിശദീകരിക്കുന്നത്. സംശയങ്ങളും കൂട്ടിച്ചേര്‍ക്കലുകളുമെല്ലാം കമന്റായി പോസ്റ്റ് ചെയ്യാവുന്നതേയുള്ളു.

    ആദ്യം വേണ്ടത് പി.എഫ് അംഗത്വം
    കേരള എയ്ഡഡ് സ്ക്കൂള്‍ എംപ്ലോയീസ് പ്രൊവിഡന്റ് ഫണ്ടിലേക്കുള്ള(KASEPF) അംഗത്വമെടുക്കുകയും പി.എഫ് നമ്പര്‍ ലഭിക്കുകയും ചെയ്താല്‍ മാത്രമേ നമുക്ക് നിയമനത്തീയതി മുതല്‍ 29/1/2016 വരെയുള്ള തുക പി.എഫ് അക്കൗണ്ടിലേക്ക് ക്രഡിറ്റ് ചെയ്യാനാകൂ എന്ന് നമുക്കറിയാം. അതുകൊണ്ടു തന്നെ ഈ ഉത്തരവ് പ്രകാരം നിയമനം ലഭിച്ച അദ്ധ്യാപകര്‍ നിര്‍ബന്ധമായും കേരള എയ്ഡഡ് സ്ക്കൂള്‍ എംപ്ലോയീസ് പ്രൊവിഡന്റ് ഫണ്ടിലേക്കുള്ള അംഗത്വത്തിന് അപേക്ഷ നല്‍കിയിരിക്കണം.

    സര്‍വീസ് ഹിസ്റ്ററി അപ്ഡേഷന്‍
    അപേക്ഷ നല്‍കുന്നതോടൊപ്പം തന്നെ എംപ്ലോയിയുടെ സര്‍വീസ് ഹിസ്റ്ററി അപ്ഡേറ്റ് ചെയ്യുക. എങ്കില്‍ മാത്രമേ, ഈ പ്രക്രിയകള്‍ക്കു ശേഷം എംപ്ലോയിയുടെ പേ റിവിഷന്‍ നടത്താന്‍ സാധിക്കുകയുള്ളു.

    Multiple Month Salary എക്സെല്‍ ഫോര്‍മാറ്റില്‍ മാനുവലായി തയ്യാറാക്കാം
    പി.എഫ് നമ്പര്‍ ലഭിക്കുന്നതിനു മുമ്പേ മറ്റൊരു പ്രധാനപ്പെട്ട ജോലി നമുക്ക് ചെയ്തു വെയ്ക്കേണ്ടതുണ്ട്. എക്സെല്‍ ഫോര്‍മാറ്റില്‍ നിയമനത്തീയതി മുതല്‍ 29/1/2016 വരെയുള്ള ശമ്പളവിവരങ്ങള്‍ കൃത്യതയോടെ എന്റര്‍ചെയ്ത് വിദ്യാഭ്യാസ ഓഫീസറെക്കൊണ്ട് കൗണ്ടര്‍ സൈന്‍ ചെയ്യിക്കണം. സ്പാര്‍ക്കില്‍ Salary Matters-Processing-Multiple Month Salary-Multiple Month Salary Processing ലൂടെ ഈ കാലയളവിലെ ശമ്പളം പ്രൊസസ് ചെയ്തെടുക്കാമെങ്കിലും ബില്ലിലെ സംഖ്യകള്‍ എപ്പോഴും കൃത്യമായിരിക്കണമെന്നില്ല. സ്പാര്‍ക്കിലൂടെ നിലവിലെ മാര്‍ഗങ്ങള്‍ ഉപയോഗിച്ച് അവ കൃത്യമാക്കാന്‍ ശ്രമിച്ചിട്ടും നടന്നില്ലെങ്കില്‍ ബില്‍ മാനുവലായി തയ്യാറാക്കേണ്ടി വരും. (Multiple Month Salary Billന്റെ മാതൃകയില്‍ത്തന്നെ ഒരു എക്സെല്‍ ഫോര്‍മാറ്റ് തയ്യാറാക്കി അതില്‍ ഈ തുകകള്‍ രേഖപ്പെടുത്തി നമുക്ക് മാനുവലായി സമര്‍പ്പിക്കേണ്ട ബില്‍ തയ്യാറാക്കാവുന്നതാണ്.

    മാനുവല്‍ ബില്ലില്‍ കൗണ്ടര്‍ സൈന്‍ ചെയ്യിക്കല്‍
    മേല്‍പ്പറഞ്ഞ മാനുവല്‍ ബില്‍ തയ്യാറാക്കിക്കഴിഞ്ഞ് വിവരങ്ങളില്‍ തെറ്റുകളില്ലെന്ന് ഉറപ്പിച്ച ശേഷം ഇത് ബന്ധപ്പെട്ട എ.ഇ.ഒ/ഡി.ഇ.ഒയെക്കൊണ്ട് കൗണ്ടര്‍ സൈന്‍ ചെയ്യിക്കുക. ഈ വിവരങ്ങള്‍ അവിടെ സൂക്ഷിച്ചിട്ടുള്ള ഓരോ മാസത്തേയും പഴയകാല ബില്ലുകളില്‍ എഴുതി ചേര്‍ക്കണമെന്നാണ് നിയമം. വിദ്യാഭ്യാസ ഓഫീസുകളിലെ നിര്‍ദ്ദേശപ്രകാരം ഇക്കാര്യങ്ങളെല്ലാം ചെയ്ത ശേഷം ബില്‍ കൗണ്ടര്‍ സൈന്‍ ചെയ്തു വാങ്ങുക. ഇതോടെ ഏറ്റവും പ്രധാനപ്പെട്ട ജോലി പൂര്‍ത്തീകരിച്ചുവെന്നര്‍ത്ഥം.

    പി.എഫ് നമ്പര്‍ ലഭിച്ചു കഴിഞ്ഞാല്‍ സ്പാര്‍ക്കില്‍ ഉള്‍പ്പെടുത്താം
    തുടര്‍ന്ന് പി.എഫ് അംഗത്വ നമ്പര്‍ ലഭിച്ചു കഴിഞ്ഞാല്‍ പി.എഫില്‍ ഓരോ മാസവും അടക്കേണ്ട സബ്സ്കിപ്ഷന്‍ എമൗണ്ടും അംഗത്വ നമ്പറും സ്പാര്‍ക്കില്‍ Salary Matters-Present Salary-Deductions ല്‍ രേഖപ്പെടുത്തുക.

    മാനുവല്‍ ബില്ലിലെ ഗ്രോസ് തുക സ്പാര്‍ക്കില്‍ അലവന്‍സായി ഉള്‍പ്പെടുത്താം
    മാനുവലായി തയ്യാറാക്കിയ ബില്ലിലുള്ളതും പി.എഫിലേക്ക് ക്രഡിറ്റ് ചെയ്യേണ്ടതുമായ തുക വരവായും ചെലവായും സ്പാര്‍ക്കില്‍ ജീവനക്കാരന്റെ അക്കൗണ്ടിലേക്ക് എന്റര്‍ ചെയ്യുകയാണ് അടുത്ത ജോലി. അദ്ദേഹത്തിന്റെ അടുത്ത മാസത്തെ ശമ്പളബില്ലുമായി ഇത് ലയിപ്പിച്ചാണ് നമുക്ക് ചെയ്യേണ്ടത്. ഇതിനായി സ്പാര്‍ക്കില്‍ Salary Matters-Changes in the Month-Allowance History തുറക്കുക. ഇവിടെ Department, Office, Employee എന്നിവ നല്‍കുക. ഇതോടെ ജീവനക്കാരന്റെ പേരിനു താഴെ പി.എഫിലേക്ക് ക്രഡിറ്റ് ചെയ്യേണ്ട തുക ഉള്‍പ്പെടുത്താം.
    (വലുതായി കാണാന്‍ ചിത്രത്തില്‍ ക്ലിക്ക് ചെയ്യുക)
    From Date ആയി തുക ഏത് മാസത്തെ ശമ്പളബില്ലിലാണോ പി.എഫ് ക്രഡിറ്റ് ചെയ്യുന്നത് ആ മാസത്തെ ഒന്നാം തിയതിയും To Date ആയി അതേ മാസത്തെ അവസാനതീയതിയും നല്‍കുക. Allowance എന്നതില്‍ Salary Arrear(39 ) തിരഞ്ഞെടുത്ത് Amount ആയി മാനുവലായി തയ്യാറാക്കിയ ബില്ലിലെ Gross Salaryയും എന്റര്‍ ചെയ്യുക. ഇതോടെ ആ ബില്ലിലെ തുക അലവന്‍സായി സ്പാര്‍ക്കില്‍ രേഖപ്പെടുത്തപ്പെട്ടു. ഇവിടെ ഒരു എന്‍ട്രി നല്‍കിയാല്‍ പിന്നെ ഡിലീറ്റ് ചെയ്യാനാവില്ലായെന്ന കാര്യം പ്രത്യേകം ഓര്‍ക്കുക. ഡിലീറ്റ് ചെയ്യുന്നതിനു പകരം എമൗണ്ട് പൂജ്യമാക്കി മാറ്റുകയേ നിവൃത്തിയുള്ളു. അതോടൊപ്പം ഈ എന്‍ട്രിയില്‍ From, to ആയി നല്‍കിയിട്ടുള്ള മാസമേതാണോ ശമ്പളബില്ലില്‍ മാത്രമേ ഈ അലവന്‍സ് വരവായി വരികയുള്ളു എന്ന കാര്യവും പ്രത്യേകം ഓര്‍ക്കണം.

    മാനുവല്‍ ബില്‍ സാലറി ബില്ലുമായി മെര്‍ജ് ചെയ്യുന്ന വിധം
    Salary Matters-Changes in the month തുറക്കുക. അതില്‍ ജീവനക്കാരന്റെ പേര് തിരഞ്ഞെടുക്കുക. ഇപ്പോള്‍ പേജിന്റെ ഇടതുവശത്ത് താഴെയായി Auto Calculated Allowancesല്‍ നേരത്തേ രേഖപ്പെടുത്തിയ Allowance, Amount. Termin. Date എന്നിവ വന്നിട്ടുണ്ടെന്ന് ഉറപ്പു വരുത്തുക.
    (വലുതായി കാണാന്‍ ചിത്രത്തില്‍ ക്ലിക്ക് ചെയ്യുക)
    ഇനി ഈ തുക നമുക്ക് പി.എഫിലേക്ക് ക്രഡിറ്റ് ചെയ്യേണ്ടതുണ്ട്. ഇതേ പേജില്‍ വച്ചു തന്നെയാണ് ഇക്കാര്യവും ചെയ്യേണ്ടതുണ്ട്. തൊട്ടുവലതു വശത്തുള്ള Other Deductionsല്‍ Deductions ആയി Arrear to KASEPF(396) തിരഞ്ഞെടുത്ത ശേഷം പി.എഫിലേക്ക് ക്രഡിറ്റ് ചെയ്യേണ്ട തുക Amount ആയും നല്‍കുക. Details എന്നത് പി.എഫ് നമ്പറാണെന്ന് അറിയാമല്ലോ. From Date ആയി തുക ലയിപ്പിക്കുന്ന മാസത്തെ ഒന്നാം തിയതിയും To Date ആയി അതേ മാസത്തെ അവസാനതീയതിയും നേരത്തെ നല്‍കിയ പോലെ തന്നെ നല്‍കാം.

    ജീവനക്കാരന്റെ പേജില്‍ ഏറ്റവും താഴെയുള്ള Total Earnings ഈ മാസത്തെ ശമ്പളവും മാനുവലായി തയ്യാറാക്കിയ ബില്ലിലെ Gross Amount ഉം ചേര്‍ന്നതായിരിക്കും. Total Deduction എന്നത് ഈ മാസത്തെ മറ്റു കിഴിവുകളും മാനുവലായി തയ്യാറാക്കിയ ബില്ലിലെ പി.എഫിലേക്ക് ക്രഡിറ്റ് ചെയ്യേണ്ട തുകയും ചേര്‍ന്നതായിരിക്കും. ക്യാഷ് ചെയ്യാനുള്ള ബാലന്‍സ് എമൗണ്ട് എന്നത് മാനുവല്‍ ബില്ലിലെ 30/1/2016, 31/1/2016 എന്നീ തീയതികളിലെ ക്യാഷ് ചെയ്യേണ്ട തുകയും ബില്‍ മാറുന്ന മാസത്തെ നെറ്റ് സാലറിയും ചേര്‍ന്നതായിരിക്കും.
    (എക്സെല്‍ ഫയലില്‍ മാനുവല്‍ ബില്‍ പ്രിപ്പയര്‍ ചെയ്യുന്ന ഘട്ടത്തില്‍ വേണമെങ്കില്‍ 30/1/2016, 31/1/2016 തീയതികളിലെ സാലറിയും പി.എഫിലേക്ക് ലയിപ്പിക്കാവുന്നതാണ്. അങ്ങിനെയാണെങ്കില്‍ ഈ ഘട്ടത്തില്‍ മാനുവല്‍ ബില്ലിലെ മുഴുവന്‍ തുകയും പി.എഫിലേക്ക് ക്രഡിറ്റ് ചെയ്യാനായിരിക്കും ഉള്ളത്.)

    സാലറി പ്രൊസസ് ചെയ്യാം
    ഇനി Salary Matters-Processing-Salary-Monthly Salary Processing വഴി സാലറി പ്രൊസസ് ചെയ്യാം. പ്രൊസസിങ്ങ് പൂര്‍ത്തിയായ ശേഷം സാലറി ബില്‍ പരിശോധിക്കുക. മാനുവല്‍ബില്ലിലെ Gross Salary തുക Allowanceആയും Deductionsല്‍ പി.എഫില്‍ ക്രഡിറ്റ് ചെയ്യേണ്ട തുകയും വന്നിട്ടില്ലേയെന്ന് പരിശോധിക്കുക.

    NB: Allowance History യിലും Other Deductions ലും From, To date കള്‍ തന്‍ മാസത്തേതാണെങ്കില്‍ മാത്രമേ തന്‍ മാസത്തെ ബില്ലില്‍ അത് കാണിക്കുകയുള്ളു എന്ന കാര്യവും പ്രത്യേകം ഓര്‍ക്കേണ്ടതാണ്.

    വിവരങ്ങള്‍ കൃത്യമാണെങ്കില്‍ സാലറി ബില്ലും വിദ്യാഭ്യാസ ഓഫീസര്‍ കൗണ്ടര്‍സൈന്‍ ചെയ്തിട്ടുള്ള മാനുവല്‍ ബില്ലും ചേര്‍ത്ത് ട്രഷറിയില്‍ സമര്‍പ്പിക്കാം.

    ട്രഷറിയില്‍ ബില്‍ മാറിയതിനു ശേഷം മാനുവലായി ഈ വിവരങ്ങള്‍ സ്പാര്‍ക്കില്‍ ചേര്‍ക്കാം
    ബില്‍ മാറിയതിനു ശേഷം മാനുവല്‍ ബില്ലിലെ ഓരോ മാസത്തേയും ശമ്പളവിവരങ്ങള്‍ മാനുവലായി സ്പാര്‍ക്കില്‍ എന്റര്‍ ചെയ്യണം. ഇതിനായി Salary Matters-Manually Drawn വഴിയാണ് വിവരങ്ങള്‍ സ്പാര്‍ക്കിലേക്ക് എന്റര്‍ ചെയ്യേണ്ടത്.
    Month/Year ആയി ഓരോ മാസവും, Drawn Date ആയി ശമ്പളത്തോടൊപ്പം ചേര്‍ത്ത് മാനുവല്‍ ബില്‍ ട്രഷറിയില്‍ എന്‍ക്യാഷ് ചെയ്ത തീയതി, Payment Types ആയി Regular എന്നും നല്‍കുക.(Arrear അല്ല എന്ന കാര്യം പ്രത്യേകം ശ്രദ്ധിക്കുക. ഇവിടെ Arrear എന്നു ചേര്‍ത്താല്‍ Pay Revision സമയത്ത് സാലറി വിവരങ്ങള്‍ ലഭ്യമല്ല എന്നുള്ള മെസ്സേജ് കാണിക്കുന്നതു മൂലം മുന്നോട്ടു പോകാനാവില്ല). അതിനു താഴെ Basic Pay, DA, HRA, CCA, Spl Leave Salary എന്നിവ നല്‍കുക. വിവരങ്ങള്‍ തെറ്റില്ലെന്ന് ഉറപ്പു വരുത്തി Confirm ചെയ്യുക. ഇങ്ങനെ നിയമനത്തീയതി മുതല്‍ 2016 ജനുവരി വരെയുള്ള ഓരോ മാസത്തേയും വിവരങ്ങള്‍ ഇവിടെ എന്റര്‍ ചെയ്യാം.

    ഇനി പേ റിവൈസ് ചെയ്യാം
    മേല്‍പ്പറഞ്ഞ ജോലികളെല്ലാം പൂര്‍ത്തീകരിച്ചാല്‍ ഇനി എംപ്ലോയിയുടെ പേ റിവൈസ് ചെയ്യാവുന്നതാണ്. ഇതിനായി അനില്‍ സാറിന്റെ പേ റിവൈസ് ചെയ്യുന്ന വിധം എന്ന പോസ്റ്റ് നോക്കുമല്ലോ.

    ഈ പോസ്റ്റിനെക്കുറിച്ചുള്ള നിങ്ങളുടെ അഭിപ്രായങ്ങള്‍, സംശയങ്ങള്‍, കൂട്ടിച്ചേര്‍ക്കലുകള്‍ എന്നിവ ചുവടെ കമന്റ് ചെയ്യുമല്ലോ. പോസ്റ്റിന്റെ പി.ഡി.എഫ് ഇവിടെ നിന്നും ഡൗണ്‍ലോഡ് ചെയ്തെടുക്കാം.

    NB: ട്രഷറിയിലും വിദ്യാഭ്യാസ വകുപ്പിലും സ്പാര്‍ക്കിലും ഉള്ള ഉദ്യോഗസ്ഥര്‍ക്ക് ലഭിക്കുന്ന നിര്‍ദ്ദേശങ്ങള്‍ക്കനുസരിച്ച് മേല്‍പ്പറഞ്ഞ കാലയളവിലെ സാലറി പി.എഫിലേക്ക് ക്രഡിറ്റ് ചെയ്യുന്ന ഈ പോസ്റ്റില്‍ പറഞ്ഞിരിക്കുന്ന രീതിയില്‍ വ്യത്യാസം വന്നേക്കാം. അതുകൊണ്ട് ഇക്കാര്യം ഉറപ്പു വരുത്തേണ്ട ബാധ്യത പൂര്‍ണ്ണമായും വായനക്കാര്‍ക്കു തന്നെയായിരിക്കും.


    Read More | തുടര്‍ന്നു വായിക്കുക

    Maths Blog Question Bank for SSLC Students

    >> Sunday, January 22, 2017

    പത്താം ക്ലാസ് വിദ്യാര്‍ത്ഥികള്‍ക്കായി മുന്‍ വര്‍ഷങ്ങളിലെല്ലാം മാത് സ് ബ്ലോഗ് അഭിമാനത്തോടെ പങ്കുവെച്ചിരുന്ന ഗണിതചോദ്യശേഖരമാണ് പാലക്കാട് പറളി ഹൈസ്‌ക്കൂളിലെ എം സതീശന്‍ സാറിന്റെ റിവിഷന്‍ നോട്ടുകള്‍. മലയാളം മീഡിയത്തിലും ഇംഗ്ലീഷ് മീഡിയത്തിലും പഠിക്കുന്ന വിദ്യാര്‍ത്ഥികള്‍ക്ക് വേണ്ടി രണ്ട് മീഡിയങ്ങളിലും ചോദ്യങ്ങള്‍ തയ്യാറാക്കിയിട്ടുണ്ട്. ഒരേ മാതൃകയിലുള്ള ഒന്നിലേറെ ചോദ്യങ്ങള്‍ ഉള്ളതു കൊണ്ടു തന്നെ കുട്ടികള്‍ക്ക് ഓരോ മേഖലയേയും നന്നായി മനസ്സിലാക്കാന്‍ ഈ ചോദ്യശേഖരത്തിലൂടെയുള്ള യാത്ര ഉപകരിക്കും. ഈ ചോദ്യശേഖരത്തിലെ പ്രവര്‍ത്തനങ്ങള്‍ ചെയ്തു പരിശീലിക്കുന്ന കുട്ടികള്‍ക്ക് ഗണിതം മധുരമാകുന്ന തരത്തിലാണ് ഓരോ ചോദ്യവും അദ്ദേഹം ഒരുക്കിയിരിക്കുന്നത്. ചോദ്യങ്ങളെല്ലാം നന്നായി വായിച്ചു നോക്കി അവ ചെയ്തു നോക്കുക. നല്ലൊരു പരീക്ഷയും മികച്ച പരീക്ഷാഫലവും നിങ്ങള്‍ക്കായി ആശംസിക്കുന്നു. ചുവടെയുള്ള ലിങ്കില്‍ നിന്നും നിങ്ങള്‍ക്കിത് ഡൗണ്‍ലോഡ് ചെയ്‌തെടുക്കാം. സംശയങ്ങള്‍ കമന്റായി ചോദിക്കുകയുമാകാം.

    Question Bank for Maths (Malayalam Medium)
    Prepared by Satheesan M, Parali HS, Palakkad

    Question Bank for Maths (English Medium)
    Prepared by Satheesan M, Parali HS, Palakkad


    Read More | തുടര്‍ന്നു വായിക്കുക

    ബിംസിലൂടെ ഫിഷര്‍മെന്‍ ഗ്രാന്റ് ബില്‍ തയ്യാറാക്കി ഇ സബ്മിറ്റ് ചെയ്യുന്ന വിധം

    >> Sunday, January 15, 2017

    ബിംസില്‍ ബില്‍ പ്രിപ്പയര്‍ ചെയ്യുന്ന രീതിയെക്കുറിച്ചുള്ള മുഹമ്മദ് സാറിന്റെ ലേഖനം ഉപകാരപ്പെട്ടതായി ഏറെ പേര്‍ അറിയിച്ചിരുന്നു. എന്നാല്‍ ഫിഷര്‍മെന്‍ഗ്രാന്റ് ഇ-സബ്മിറ്റ് ചെയ്യുന്നതിനെക്കുറിച്ച് ഒരു ലേഖനം പ്രസിദ്ധീകരിക്കണമെന്ന ആവശ്യമുയര്‍ന്നതോടെ എറണാകുളം ജില്ലയിലെ എടവനക്കാട് എസ്.ഡി.പി.വൈ കെ.പി.എംഹൈസ്‌ക്കൂളിലെ ക്ലര്‍ക്കായ എം.സി നന്ദകുമാര്‍ അത്തരമൊന്ന് സ്‌ക്രീന്‍ഷോട്ടുകളുടെ സഹായത്തോടെ മാത് സ് ബ്ലോഗിനായി തയ്യാറാക്കി അയച്ചു തന്നിട്ടുണ്ട്. നിങ്ങളുടെ അറിവുകളും സംശയങ്ങളും ബ്ലോഗില്‍ രേഖപ്പെടുത്തിയാല്‍ ഒട്ടേറെ പേര്‍ക്ക് അത് ഉപകാരപ്പെടുമെന്നതില്‍ സംശയമില്ല. ഇടപെടുമല്ലോ.

    ബിംസില്‍ യൂസര്‍നെയിമും പാസ് വേഡും ഉപയോഗിച്ച് ലോഗിന്‍ ചെയ്യുക. ഇവിടെ യൂസര്‍നെയിം 10 അക്ക ഡി.ഡി.ഒ കോഡും പാസ് വേഡ് 10digit ഡിഡി.ഒ കോഡ്+admin@123 ഉം ആയിരിക്കും. റോള്‍ സാധാരണഗതിയില്‍ DDO Admin സെലക്ട് ചെയ്താല്‍ മതി. ലോഗിന്‍ റോള്‍ ഡി.ഡി.ഒ ആയി ലോഗിന്‍ ചെയ്താല്‍ ബില്‍ പ്രൊസസ് ചെയ്യാന്‍ കഴിയുമെങ്കിലും ബില്‍ അപ്രൂവ് ചെയ്യണമെങ്കില്‍ ഡി.ഡി.ഒ അഡ്മിന്‍ (DDO Admin)വഴി ലോഗിന്‍ ചെയ്താല്‍ മാത്രമേ സാധിക്കൂ.

    ലോഗിന്‍ ചെയ്ത ശേഷം ഇടതുവശത്തെ മെനുവില്‍ പ്രൊഫൈല്‍ പരിശോധിക്കുക. വിവരങ്ങള്‍ പൂര്‍ണ്ണമാക്കാനായി Add ഉപയോഗിക്കാവുന്നതാണ്. Full Name, Designation, Email Id, Mobile Number, Join Date എന്നിവയാണ് ഇവിടെ നല്‍കേണ്ടത്.

    അതിനു ശേഷം Allotment മെനുവില്‍ വരിക. View Allotment ല്‍ ക്ലിക്ക് ചെയ്താല്‍ അലോട്‌മെന്റ് സെര്‍ച്ച് ചെയ്യാം. Financial Year, DDO Code ഇവ ശരിയാണെന്നു ഉറപ്പു വരുത്തിയ ശേഷം List എന്ന ബട്ടണില്‍ ക്ലിക്ക് ചെയ്താല്‍ അലോട്‌മെന്റ് ആയി ലഭിച്ച തുക കാണാന്‍ കഴിയും.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    അതില്‍ Allotted Amount നീലനിറത്തില്‍ കാണുന്നുണ്ടാകും. അതില്‍ ക്ലിക്ക് ചെയ്താല്‍ GO നമ്പര്‍, GO തീയതി, ഓര്‍ഡര്‍ നമ്പര്‍, തുക, അലോക്കേഷന്‍ തീയതി എന്നിവ കാണാന്‍ കഴിയും. ഇവ മറ്റൊരിടത്ത് എന്റര്‍ ചെയ്തു കൊടുക്കേണ്ടതു കൊണ്ട്, ഇവ എഴുതിവെക്കുക.

    തുക അലോട്ട് ചെയ്തിട്ടുണ്ടെന്ന് ഉറപ്പിച്ചാല്‍ ഇനി ബില്‍ തയ്യാറാക്കാം. ബില്‍ മെനുവില്‍ നിന്നും ബില്‍ എന്‍ട്രിയില്‍ ക്ലിക്ക് ചെയ്യുക. Nature of Claim, Detailed Head എന്നിവ തിരഞ്ഞെടുക്കുക. തുടര്‍ന്ന് SCO, Expenditure Head of Account, Type of Bill, Advance Taken എന്നിവ നല്‍കുക.

    ഉദാഹരണം: ഫിഷര്‍മെന്‍ ഗ്രാന്റിന്റെ കാര്യത്തില്‍ Nature of Claim എന്നത് Scholarship Payment ഉം Detailed Head എന്നത് Scholarships and Stipendsഉം ആണ്. ഇതോടെ SCO (Sub controlling Officer) Deputy Director of Fisheries ആയും Expenditure Head of Account ഉം തനിയേ ചുവടെ ആക്ടീവായി വന്നിട്ടുണ്ടാകും. അനുവദിക്കപ്പെട്ട തുകയായതിനാല്‍ Type of Bill എന്നത് Settlement ഉം Advance Taken എന്നത് No ഉം നല്‍കി Save ചെയ്യുക.

    ഉടന്‍ ചുവടെ Claim Details എന്റര്‍ ചെയ്യാന്‍ ആവശ്യപ്പെടും. ഇവിടെ From Date, To Date, Description, Sanction Order No, Sanction Order Date, Amount, Upload എന്നിവയുണ്ടാകും. ഈ വിവരങ്ങള്‍ Allotted Amount എന്ന ഘട്ടത്തില്‍ വച്ച് നിങ്ങള്‍ എഴുതി വച്ചിട്ടുള്ളവയാണ്.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    സേവ് ചെയ്യുന്നതോടെ ചുവടെ ഡിഡക്ഷന്‍ ഡീട്ടെയ്‌സ് നല്‍കാനാവശ്യപ്പെടും. അനുവദിച്ച തുകയില്‍ എന്തെങ്കിലും കിഴിക്കാനുണ്ടെങ്കില്‍ അവ Deduction Details ല്‍ അവ ചേര്‍ക്കുക. ഇല്ലെങ്കില്‍ Skip ചെയ്യുക. ഇതോടെ ഏത് അക്കൗണ്ടിലേക്കാണ് നമുക്ക് പണം ക്രഡിറ്റ് ചെയ്യേണ്ടത് എന്നു ചേര്‍ക്കാനുള്ള ഓപ്ഷനാണ്.

    ഡിഡക്ഷന്‍ ഡീറ്റെയില്‍സില്‍ വിവരങ്ങള്‍ എന്റര്‍ ചെയ്യാനുണ്ടെങ്കില്‍ അത് നല്‍കുകയോ അല്ലെങ്കില്‍ സ്കിപ്പ് ചെയ്യുകയോ ചെയ്ത ശേഷം ചുവടെ Beneficiary Details എന്ന ഭാഗം വിസിബിള്‍ ആകും. ഈ ഭാഗം കാണാന്‍ കഴിഞ്ഞില്ലെങ്കില്‍ അതിനര്‍ത്ഥം മുകളില്‍ ഉള്ള Claim details, Deduction details എന്നീ ഘട്ടങ്ങളില്‍ എവിടെ വച്ചോ പൂര്‍ത്തിയാക്കാതെ കൃത്യമായ രീതിയില്‍ സേവ് ചെയ്തിട്ടില്ലെന്നാണ്. എങ്കില്‍ Bill-Edit Bill ല്‍ ചെന്ന് ഈ പേജിലേക്ക് വീണ്ടും വരാം. ഇവിടെ Deduction details എന്റര്‍ ചെയ്ത ശേഷമോ ഒന്നും എന്റര്‍ ചെയ്യാനില്ലെങ്കില്‍ സ്കിപ് ചെയ്ത ശേഷമോ Beneficiary details ലേക്ക് എത്താം. ഈ ഭാഗം ദൃശ്യമാകുമ്പോള്‍ അതില്‍ അനുവദിച്ച പണം ക്രഡിറ്റ് ചെയ്യാനുള്ള ബെനിഫിഷ്യറി അക്കൗണ്ട് ചേര്‍ക്കുകയാണ് ചെയ്യേണ്ടത്.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    ഡിഡിഒയുടെ അഥവാ അക്കൗണ്ട് ഉടമയുടെ പേര്, ഡി.ഡി.ഒയുടെ അല്ലെങ്കില്‍ ആര്‍ക്കാണോ പണം ക്രഡിറ്റ് ചെയ്യുന്നത് അവരുടെ മൊബൈല്‍ നമ്പര്‍, ബാങ്കിന്റെ പേര്, ഐ.എഫ്.എസ്.സി കോഡ്. അക്കൗണ്ട് നമ്പര്‍, തുക, എന്ത് ആവശ്യത്തിലേക്ക് എന്നിവ കൃത്യമായി നല്‍കി സേവ് ചെയ്യുക.

    ഇതോടെ ബില്‍ പ്രിപ്പറേഷന്‍ കഴിഞ്ഞു. ഇനി തയ്യാറാക്കിയ ബില്ല് കാണുന്നതിനായി Bill Approval തിരഞ്ഞെടുക്കുക.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    ഇവിടെ വലതു വശത്ത് PDF എന്നു കാണാം. അവിടെ ക്ലിക്ക് ചെയ്ത് തയ്യാറാക്കിയ ബില്‍ ഡൗണ്‍ലോഡ് ചെയ്‌തെടുക്കാം. ബില്ലിന്റെ ഇടതുമുകളില്‍ തുക (Below Rs....) കൃത്യമായി വന്നിട്ടുണ്ടോയെന്നും Claim Details ടേബിള്‍, അതിനു ചുവടെയുള്ള Mode of Payment, Account Number, Payees Particulars എന്നിവ ശരിയാണെന്നു ഉറപ്പുവരുത്തുക. ശരിയാണെങ്കില്‍ Actions ന് താഴെയുള്ള GO ബട്ടണില്‍ ക്ലിക്ക് ചെയ്ത് Bill Approve ചെയ്യാം.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    തുറന്നു വരുന്ന വിന്‍ഡോയില്‍ അപ്രൂവല്‍ തീയതി നല്‍കി Approval നല്‍കാം. വിവരം തെറ്റാണെങ്കില്‍ കാരണമെഴുതി Reject ചെയ്യാം.

    ബില്‍ ഡിലീറ്റ് ചെയ്യാനോ എഡിറ്റ് ചെയ്യാനോ ഉണ്ടെങ്കില്‍ Bill മെനുവിലെ Edti Bill ക്ലിക്ക് ചെയ്ത് തുറന്നു വരുന്ന പേജില്‍ വച്ച് ബില്‍ ഡിലീറ്റ് ചെയ്യാനും എഡിറ്റ് ചെയ്യാനും സാധിക്കും.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    Approve ചെയ്തതിനു ശേഷം ബില്‍ പ്രിന്റെടുക്കുക. ഇല്ലെങ്കില്‍ ലഭിക്കുന്നത് Draft എന്ന് വലതു മുകളില്‍ എഴുതിയ ബില്ലായിരിക്കും.

    അപ്രൂവ് ചെയ്തതിനു ശേഷം പ്രിന്റെടുത്ത ബില്‍ ഫിഷറീസ് ഡപ്യൂട്ടി ഡയറക്ടറുടെ ഓഫീസില്‍ നിന്നും കൗണ്ടര്‍ സൈന്‍ ചെയ്യിച്ചാലേ ട്രഷറികള്‍ ഈ ബില്‍ അംഗീകരിക്കുന്നുള്ളു.

    ഈ ജോലികളെല്ലാം പൂര്‍ത്തിയായാല്‍ ബില്‍ മെനുവിലെ E-Submit വഴി ട്രഷറിയിലേക്ക് ഇ സബ്മിറ്റ് ചെയ്യാം. അതിനായി വലതു വശതു വശത്തെ e-submit എന്ന ബട്ടണ്‍ ഉപയോഗിക്കാവുന്നതാണ്.

    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    ബില്ലിന്റെ പ്രിന്റെടുക്കാന്‍ ഇവിടെ നിന്നും സാധിക്കും. തുടര്‍ന്ന് സബ്മിറ്റ് ചെയ്ത ബില്ലിന്റെ പേയ്‌മെന്റ് വിവരങ്ങള്‍ അറിയാനായി Bill Status ഉപയോഗിക്കാവുന്നതാണ്.

    അക്‌നോളജ്‌മെന്റ് റസീപ്റ്റ്

    ബില്‍ മാറിയതിനു ശേഷം നമുക്ക് അക്‌നോളജ്‌മെന്റ് റസീപ്റ്റ് പ്രിന്റെടുത്ത് സൂക്ഷിക്കാവുന്നതാണ്. ഇതിനായി ഹോംപേജില്‍ ഇടതു വശത്തെ മെനുവില്‍ നിന്നും Bill-Bill Status എന്ന ക്രമത്തില്‍ തുറക്കുക. തുറന്നു വരുന്ന പേജില്‍ Date From, Date to എന്നിവയില്‍ നിശ്ചിത കാലയളവ് നല്‍കിയാല്‍ അതിനുള്ളില്‍ മാറിയ എല്ലാ ബില്ലുകളുടേയും സ്റ്റാറ്റസ് കാണിക്കും.
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    ഇതില്‍ നമുക്കാവശ്യമായ ബില്‍ ഉള്ള വരിയില്‍ Credit Status ല്‍ ക്ലിക്ക് ചെയ്താല്‍ ആ ബില്ലുമായി ബന്ധപ്പെട്ട Beneficiary വിവരങ്ങള്‍ മറ്റൊരു വിന്‍ഡോയില്‍ തുറന്നു വരും. (PDF എന്ന ലിങ്കിലാണ് ക്ലിക്ക് ചെയ്യുന്നതെങ്കില്‍ Treasury No, Treasury Counter Date, Accounting Date എന്നിവ ചുവന്ന നിറത്തില്‍ ഡയഗണലായി (കോണോടുകോണ്‍) രേഖപ്പെടുത്തിയ ട്രഷറിയില്‍ നിന്നും പാസ്സായ ബില്ലിന്റെ മറ്റൊരു പകര്‍പ്പ് ലഭിക്കും.)
    (വലുതായി കാണുന്നതിന് ചിത്രത്തില്‍ ക്ലിക്ക് ചെയ്യുക)
    Beneficiary Details Windowയുടെ വലതു വശത്തുള്ള ACK RECEIPT എന്ന ലിങ്കില്‍ ക്ലിക്ക് ചെയ്താല്‍ അക്‌നോളജ്‌മെന്റ് റസീപ്റ്റ് പ്രിന്റെടുക്കാവുന്നതാണ്.


    Read More | തുടര്‍ന്നു വായിക്കുക

    >> Wednesday, January 11, 2017

    പത്താംക്ലാസിലെ രസതന്ത്രം രണ്ടാം ഭാഗത്തെ 'ഓര്‍ഗാനിക് സംയുക്‌തങ്ങളുടെ നാമകരണം'പൊതുവെ കുട്ടികള്‍ക്ക് പ്രയാസമനുഭവപ്പെടുന്ന ഒന്നാണ്. മാതൃകകള്‍ കണ്ട് മനസ്സിലാക്കി, കുട്ടികള്‍ക്ക് സ്വയം ചെയ്യാനുതകുന്ന തരത്തിലുള്ള സമഗ്രമായ വര്‍ക്ക്ഷീറ്റുകളാണ് ഈ പോസ്റ്റിലുള്ളത്.ഒമ്പതാംക്ലാസില്‍ പഠിച്ച കാര്യങ്ങളില്‍ തുടങ്ങി, പത്താംക്ലാസ് പൂര്‍ണമായി പ്രതിപാദിച്ച്, പതിനൊന്നിന്റെ പടിവാതില്‍ക്കലെത്തക്കവിധമാണ് ഇത് തയാറാക്കിയിരിക്കുന്നത്. വര്‍ക്‌ഷീറ്റുകളിലൂടെ വെറുതെ ഒന്ന് കണ്ണോടിച്ചാല്‍ തന്നെ ഇതിന്റെ പിന്നിലുള്ള കഠിനാധ്വാനം മനസ്സിലാകും. തിരുവനന്തപുരം ജിവിഎച്ച്എസ്എസ് കല്ലറയിലെ രസതന്ത്രം അധ്യാപകനും മാത്‌സ് ബ്ലോഗിന്റെ അടുത്ത സുഹ‍ൃത്തുമായ ബി ഉന്മേഷ് സര്‍ ആണ് ഇത് അയച്ചിരിക്കുന്നത്.മലയാളം മീഡിയത്തിലേക്കും ഇംഗ്ലീഷ് മീഡിയത്തിലേക്കും വെവ്വേറെയായി നല്‍കുന്നുണ്ട്.
    Click here to Download EM Version

    Click here to Download മലയാളം മീഡിയം Version


    Read More | തുടര്‍ന്നു വായിക്കുക

    SSLC ENGLISH QUESTION PAPER MODELS

    Dear All, Here we are publishing four Question papers based on the first four units of SSLC English prepared by Smt. Heera, HSA English, GVHSS Kallara Thiruvananthapuram. Kindly go through each one thoroughly and comment your view points so as to make better question papers. We congratulate Smt. Heera for this attempt, especially her willingness to share it to all. The headmaster of the said school also needs to be congratulated for sending this to publish. Click the Links to Read and Download

    1. First Unit

    2. Second Unit

    3. Third Unit

    4. Fourth Unit


    Read More | തുടര്‍ന്നു വായിക്കുക

    National Pension Scheme and Permanant Retirement Account Number (PRAN)

    >> Saturday, January 7, 2017

    2013 ഏപ്രില്‍ ഒന്നിനു ശേഷം നിയമനം ലഭിക്കുന്ന എല്ലാ സര്‍ക്കാര്‍ ജീവനക്കാരും പങ്കാളിത്ത പെന്‍ഷന്‍ (Commuted Pension) എന്ന ഓമനപ്പേരില്‍ വിളിക്കുന്ന National Pension System ത്തിന്റെ ഭാഗമാകുമെന്ന് സര്‍ക്കാര്‍ ഉത്തരവ് പുറപ്പെടുവിച്ചിരുന്നുവല്ലോ. ഏപ്രില്‍ ഒന്നുമുതല്‍ സര്‍വീസില്‍ പ്രവേശിക്കുന്നവരുടെ അടിസ്ഥാന ശമ്പളവും ക്ഷാമബത്തയും ചേര്‍ന്ന തുകയുടെ 10 ശതമാനം ഓരോ മാസവും ശമ്പളത്തില്‍ നിന്ന് കുറവ് ചെയ്ത് പെന്‍ഷന്‍ ഫണ്ടില്‍ നിക്ഷേപിക്കും. ഇതിന് തുല്യമായ തുക സര്‍ക്കാര്‍ വിഹിതമായും ഫണ്ടില്‍ നിക്ഷേപിക്കുകയും ചെയ്യും. പ്രത്യേക അതോറിറ്റിയുടെ കീഴില്‍ സ്വരൂപിക്കുന്ന തുക കൈകാര്യം ചെയ്യപ്പെടും. ഓരോരുത്തരും വിരമിക്കുമ്പോള്‍ ഈ തുകയെ അടിസ്ഥാനമാക്കി ജീവനക്കാര്‍ക്ക് പെന്‍ഷന്‍ നല്‍കും. പങ്കാളിത്ത പെന്‍ഷന്‍കാര്‍ക്ക് മിനിമം പെന്‍ഷന്‍, കുടുംബ പെന്‍ഷന്‍ എന്നിവ ഉറപ്പാക്കുമെന്ന് സര്‍ക്കാര്‍ പുറത്തിറക്കിയ മാര്‍ഗരേഖയില്‍ പറയുന്നുണ്ട്.

    പങ്കാളിത്ത പെന്‍ഷന്‍ പദ്ധതിയിലേക്കുള്ള തുക സ്പാര്‍ക്കില്‍ കുറവു ചെയ്യുന്ന വിധം
    1. ജീവനക്കാരന്റെ പെര്‍മനന്റ് എംപ്ലോയീ നമ്പര്‍ (PEN) സഹിതം ചുവടെ നല്‍കിയിട്ടുള്ള ഫോറത്തില്‍ തയ്യാറാക്കിയ അപേക്ഷ ജില്ലാ ട്രഷറി ഓഫീസില്‍ എംപ്പോയി നേരിട്ട് ചെന്ന് സമർപ്പിക്കണം. ചിലയിടങ്ങളില്‍ ബുധനാഴ്ചകളില്‍ മാത്രമേ അപേക്ഷ സ്വീകരിക്കുകയുള്ളു.
    2. ഇതിനായി 3.5cmx2.5cm വലിപ്പത്തിലുള്ള രണ്ട് ഫോട്ടോകള്‍, നിയമനഉത്തരവ്, എസ്.എസ്.എല്‍.സി ബുക്ക് തുടങ്ങിയ രേഖകളുടെ പകര്‍പ്പുകളും ഇതോടൊപ്പം നല്‍കേണ്ടതുണ്ട്
    3. ജില്ലാ ട്രഷറി അപേക്ഷ സ്വീകരിച്ചു കഴിഞ്ഞാല്‍ നമ്മുടെ വിവരങ്ങളടങ്ങിയ സ്പാര്‍ക്കില്‍ നിന്നുള്ള മറ്റൊരു ഡീറ്റെയ്ല്‍ഡ് ആന്റ് പ്രീഫില്‍ഡ് ആപ്ലിക്കേഷന്‍ ഫോം ട്രഷറി വഴി ലഭിക്കും. അതില്‍ ഒപ്പു രേഖപ്പെടുത്തി തിരികെ നല്‍കണം.
    4. അധികം വൈകാതെ ജീവനക്കാരന് തപാല്‍ വഴി കേന്ദ്ര ഏജന്‍സിയായ NSDL (National Securities Depository Limited) ല്‍ നിന്നും പെര്‍മനന്റ് റിട്ടയര്‍മെന്റ് അക്കൗണ്ട് നമ്പര്‍ (PRAN) ലഭിക്കും. ഇതോടൊപ്പം എ.ടി.എം കാര്‍ഡ് വലിപ്പത്തിലുള്ള PRAN Card ഉം ലഭിക്കും. ഇത് ഒരു തിരിച്ചറിയില്‍ രേഖയാണെന്നെന്നു മാത്രമല്ല, ഭാവിയില്‍ ഇതുപയോഗിച്ച് നമ്മുടെ അക്കൗണ്ട് പരിശോധിക്കാനും വഴിയുണ്ടാകുമത്രേ.
    5. ഇതോടൊപ്പം സ്പാര്‍ക്കില്‍ Employee Detailsലെ Present service detailsല്‍ PRAN (Permanent Retirement Account Number) നമ്പര്‍ വന്നിട്ടുമുണ്ടാകും.
    6. പിന്നീട് Salary Matters-Changes in the Month-Present Salaryയില്‍ Other Deductionല്‍ Deductions എന്നത് NPS indv Contribtn-State(390) ആയും Details എന്നിതില്‍ PRAN നമ്പറും നല്‍കുന്നതോടെ പങ്കാളിത്ത പെന്‍ഷനു വേണ്ടി ശമ്പളത്തില്‍ നിന്നും കുറവു ചെയ്യേണ്ട തുക അവിടെ ഓട്ടോമാറ്റിക്കായി വന്നിട്ടുണ്ടാകും.

    NPS Arrear Calculation സ്പാര്‍ക്കിലൂടെ
    2013 ഏപ്രില്‍ ഒന്നിനു ശേഷം ജോലിയില്‍ പ്രവേശിച്ചവര്‍ അരിയര്‍ അടക്കമാണ് എന്‍.പി.എസിലേക്ക് നിക്ഷേപിക്കേണ്ടത്. ഇതു സംബന്ധിച്ച ഉത്തരവും എപ്രകാരമാണ് സ്പാര്‍ക്കില്‍ കാല്‍ക്കുലേഷന്‍ നടത്തേണ്ടത് എന്നതിനെക്കുറിച്ച് സ്ക്രീന്‍ ഷോട്ടുകള്‍ സഹിതമുള്ള ഫയലും ചുവടെയുണ്ട്. പരിശോധിക്കുമല്ലോ.

    അപേക്ഷാ ഫോമുകളും അനുബന്ധ ഉത്തരവുകളും
    വിഷയം ഉത്തരവ് നമ്പര്‍ തീയതി
    National Pension Scheme : Guidelines 01.04.2013
    Help file with Screenshots about the NPS Deduction from Spark 01.04.2013
    NPS Application form in Malayalam 01.04.2013
    GO about the Implementation of NPS GO(P) No 149-2013 03.04.2013
    GO about NPS Arrear recovery GO(P)25/2015 14.01.2015
    Arrear Calculation in Spark Help File 14.01.2015


    Read More | തുടര്‍ന്നു വായിക്കുക
    ♡ Copying is an act of love. Love is not subject to law. - 2016 | Disclaimer