ഈ വര്‍ഷത്തെ ഐടി മേളകളുടെ സര്‍ക്കുലര്‍ ""Downloads ല്‍..
സമഗ്ര
Noon Meal Data Entry

ഇന്‍ഡ്യ 29 റണ്‍സിന് വിജയിച്ചു

>> Monday, February 28, 2011


മൊഹാലി: രണ്ടു പ്രധാനമന്ത്രിമാര്‍ സാക്ഷ്യം വഹിച്ച ലോകകപ്പ് ക്രിക്കറ്റ് സെമിയില്‍ പാകിസ്താനെതിരെ ഇന്ത്യയ്ക്ക് 29 റണ്‍സ് വിജയം. ടോസ് നേടിയ ഇന്ത്യ ബാറ്റിങ് തിരഞ്ഞെടുത്തു. 50 ഓവറില്‍ ഇന്ത്യ 260 റണ്‍സെടുത്തു. സച്ചിന്‍ തെന്‍ഡുല്‍ക്കര്‍ 85 ഉം സേവാഗ് 38 ഉം റണ്‍സെടുത്തു. തുടര്‍ന്ന് ബാറ്റിങ്ങിനിറങ്ങിയ പാകിസ്താന്‍ 49.5 ഓവറില്‍ 231 റണ്‍സ് എടുത്തതിനിടെ എല്ലാവരും പുറത്തായി.

ഇന്ത്യയ്ക്കുവേണ്ടി സഹീര്‍ ഖാന്‍, നെഹ്‌റ, മുനാഫ് പട്ടേല്‍, ഹര്‍ഭജന്‍ സിങ്, യുവരാജ് സിങ്ങ് എന്നിവര്‍ രണ്ടു വിക്കറ്റുകള്‍ വീതം വീഴ്ത്തി. പാകിസ്താനുവേണ്ടി മുഹമ്മദ് ഹഫീസ് 43 ഉം മിസ്ബാ ഉള്‍ ഹക്ക് 56 ഉം റണ്‍സെടുത്തു. വഹാബ് റിയാസ് അഞ്ചും സയീദ് അജ്മല്‍ രണ്ടും വിക്കറ്റുകള്‍ വീഴ്ത്തി. സച്ചിന്‍ തെന്‍ഡുല്‍ക്കറാണ് മാന്‍ ഓഫ് ദി മാച്ച്.

നിര്‍ണായകമായ ടോസ് ലഭിച്ച് ബാറ്റിങ് തിരഞ്ഞെടുത്ത ഇന്ത്യക്ക് വീരേന്ദര്‍ സെവാഗിന്റെ പതിവ് വെടിക്കെട്ടിന്റെ മികവില്‍ സ്വപ്‌നതുല്ല്യമായ തുടക്കമാണ് ലഭിച്ചത്. എന്നാല്‍, നിസാരമായ പിഴവുകള്‍ കൊണ്ട് പാകിസ്താന്‍ മഹാമനസ്‌കത വാരിച്ചൊരിഞ്ഞിട്ടും തപ്പിത്തടഞ്ഞാണ് ഇന്ത്യ സ്‌കോര്‍ 250 റണ്‍സ് കടത്തിയത്. സെഞ്ച്വറിയില്‍ ചരിത്രം കുറിക്കാനിറങ്ങിയ സച്ചിന്‍ തെണ്ടുല്‍ക്കറെ മാത്രം അഞ്ചു തവണയാണ് പാക് ഫീല്‍ഡര്‍മാര്‍ അവിശ്വസനീയമാംവണ്ണം വിട്ടകളഞ്ഞത്. ഒരുതവണ സച്ചിനെ അമ്പയര്‍ ഔട്ട് വിധിച്ചെങ്കിലും ഇന്ത്യയുടെ ആവശ്യപ്രകാരം തീരുമാനം പുനപ്പരിശോധിച്ചപ്പോള്‍ ആയുസ് നീട്ടിക്കിട്ടുകയായിരുന്നു. ഇങ്ങനെ ഭാഗ്യത്തിന്റെയും പാക് ഫീല്‍ഡര്‍മാരുടെ ഔദാര്യത്തില്‍ മാത്രം ക്രീസില്‍ നിലയുറപ്പിക്കാനായ സച്ചിന്‍ തന്നെയാണ് (85) ഇന്ത്യയുടെ ടോപ്‌സ്‌കോറര്‍. 115 പന്തില്‍ നിന്ന് പതിനൊന്ന് ബൗണ്ടറിയുടെ അകമ്പടിയോടെയാണ് സച്ചിന്‍ 85 റണ്‍സെടുത്തത്.

സച്ചിനെപ്പോലെ മെല്ലെപ്പോക്കായിരുന്നില്ല ഓപ്പണിങ് കൂട്ടുകാരന്‍ സെവാഗിന്റെ നയം. ഉമര്‍ ഗുളിനെ നിര്‍ദയം പ്രഹരിച്ചുകൊണ്ടു തുടങ്ങിയ സെവാഗ് 25 പന്തില്‍ നിന്ന് 38 റണ്‍സെടുത്താണ് പുറത്തായത്. പിന്നീട് വഹാബ് റിയാസിലൂടെ പാകിസ്താന്‍ തിരിച്ചടിച്ചപ്പോള്‍ ഇന്ത്യയുടെ മധ്യനിര എല്ലാ അര്‍ഥത്തിലും ചൂളിപ്പോയി. 10 ഓവറില്‍ 46 റണ്‍സിന് അഞ്ചു വിക്കറ്റാണ് റിയാസ് കൊയ്തത്. കോലി ഒന്‍പതും യുവരാജ് റണ്ണൊന്നുമെടുക്കാതെയും ക്യാപ്റ്റന്‍ ധോനി 25 ഉം ഹര്‍ഭജന്‍ 12 ഉം സഹീര്‍ ഒന്‍പതും ആശിഷ് നെഹ്‌റ ഒരു റണ്ണുമെടുത്താണ് പുറത്തായത്. 39 പന്തില്‍ നിന്ന് 36 റണ്‍സെടുത്ത സുരേഷ് റെയ്‌നയാണ് ഇന്ത്യന്‍ സ്‌കോര്‍ 250 കടത്തിയത്. പാകിസ്താനുവേണ്ടി സയിദ് അജ്മല്‍ രണ്ടു വിക്കറ്റെടുത്തു. ഉമര്‍ ഗുല്‍ എട്ടോവറില്‍ 69 റണ്‍സാണ് വിട്ടുകൊടുത്തത്.

സ്​പിന്നര്‍ ആര്‍. അശ്വിന് പകരം മീഡിയം പേസര്‍ ആശിഷ് നെഹ്‌റയെ ഉള്‍പ്പെടുത്തിയാണ് ഇന്ത്യ ഇറങ്ങിയത്.
മാതൃഭൂമിക്ക് കടപ്പാട്


Read More | തുടര്‍ന്നു വായിക്കുക

ഒന്നാം സ്ഥാനത്ത് 'കൂട്ടക്കനി'


സംസ്ഥാനത്തെ സ്‌കൂളുകളിലെ മികവുകള്‍ പങ്കുവെയ്ക്കുന്നതിന് നടത്തുന്ന ഹരിതവിദ്യാലയം വിദ്യാഭ്യാസ റിയാലിറ്റി ഷോയിലെ വിജയികളെ നിശ്ചയിക്കുന്ന ഗ്രാന്‍ഡ് ഫൈനല്‍ 28 തിങ്കളാഴ്ച തിരൂര്‍ തുഞ്ചന്‍ പറമ്പില്‍ നടക്കും. സംസ്ഥാനത്തെ വിദ്യാഭ്യാസ ജില്ലകളില്‍നിന്ന് മികവിന്റെ അടിസ്ഥാനത്തില്‍ തിരഞ്ഞെടുത്ത നൂറിലധികം സ്‌കൂളുകള്‍ ആദ്യഘട്ടത്തില്‍ മത്സരിച്ചിരുന്നു. ഇതില്‍നിന്നും തിരഞ്ഞെടുത്ത പന്ത്രണ്ട് സ്‌കൂളുകള്‍ ആണ് ഫൈനല്‍ റൗണ്ടില്‍ എത്തിയിട്ടുള്ളത്. സി ഡിറ്റ്, ഐ.ടി.@ സ്‌കൂള്‍, എസ്.ഐ.ഇ.ടി., ദൂരദര്‍ശന്‍, വിക്ടേഴ്‌സ് ചാനല്‍, എന്നിവയുടെ സഹകരണത്തോടെയാണ് ഷോ നടത്തുന്നത്. അടിസ്ഥാനസൗകര്യങ്ങള്‍, പഠനമികവ്, ഐ.ടി അധിഷ്ഠിത വിദ്യാഭ്യാസ, സാമൂഹിക ഇടപെടല്‍, പരിസ്ഥിതി ശുചിത്വ പ്രവര്‍ത്തനങ്ങള്‍, കലാ-സാഹിത്യ-ശാസ്ത്രമേഖലകളിലെ മികവ് എന്നിവ അടിസ്ഥാനമാക്കിയാണ് മത്സരം നടക്കുന്നത്. ഐ.ടി അറ്റ് സ്‌കൂളിനോടൊപ്പം എസ്.എസ്.എ, എസ്.ഐ.ഇ.ടി എന്നിവയും 'ഹരിതവിദ്യാലയം' റിയാലിറ്റിഷോയില്‍ സഹകരിക്കുന്നുണ്ട്. അവസാനറൗണ്ടില്‍ ഒന്നാമതെത്തുന്ന സ്‌കൂളിന് 15 ലക്ഷംരൂപ, രണ്ടാംസ്ഥാനത്തിന് 10 ലക്ഷം, മൂന്നാംസ്ഥാനത്തെത്തുന്നവര്‍ക്ക് അഞ്ചുലക്ഷം എന്നിങ്ങനെ സമ്മാനമായി ലഭിക്കും. മറ്റ് സ്‌കൂളുകള്‍ക്ക് ഒരുലക്ഷംരൂപ വീതവും ലഭിക്കും.നാലുമണി മുതല്‍ ആറുമണിവരെ നടക്കുന്ന ഗ്രാന്റ്‌ ഫൈനലില്‍ എം.ടി.വാസുദേവന്‍ നായര്‍ മുഖ്യാതിഥിയായിരിക്കും. വിദ്യാഭ്യാസ മന്ത്രി എം.എ.ബേബി പുരസ്‌കാരങ്ങള്‍ വിതരണം ചെയ്യും. ദൂരദര്‍ശനും വിക്ടേഴ്‌സ് ചാനലും റിയാലിറ്റിഷോ സംപ്രേഷണംചെയ്യുന്നുണ്ട്. ഇന്നു വൈകീട്ട് 4 മണിമുതല്‍ ദൂരദര്‍ശന്‍ ഫൈനല്‍ മത്സരം ലൈവായി പ്രക്ഷേപണം ചെയ്യുന്നുണ്ട്. ചൊവ്വാഴ്ച ഒരുമണിക്കും വൈകീട്ട് ആറുമണിക്കും വിക്ടേഴ്‌സില്‍ പുനഃസംപ്രേഷണം ഉണ്ടാകും.


Read More | തുടര്‍ന്നു വായിക്കുക

SSLC IT Practical CD Installation

>> Monday, February 21, 2011


ഇത്തവണത്തെ എസ്.എസ്.എല്‍.സി. ഐടി പ്രായോഗിക പരീക്ഷ ഫെബ്രു.23നു തുടങ്ങി മാര്‍ച്ച് 9ന് മുമ്പ് തീരത്തക്ക രീതിയിലാണല്ലോ ക്രമീകരിച്ചിരിക്കുന്നത്. (സര്‍ക്കുലര്‍ കണ്ടല്ലോ, അല്ലേ..?). കഴിഞ്ഞ രണ്ടുവര്‍ഷങ്ങളായി ഈ വിഷയത്തെ അധികരിച്ച് മാത്​സ് ബ്ലോഗ് നല്‍കിയ പോസ്റ്റുകള്‍ ഉപകാരപ്പെടാത്തവരില്ലെന്ന് കണ്ടുമുട്ടുന്ന അധ്യാപകരൊക്കെ പറയും. ഈ വര്‍ഷവും ഇത്തരമൊരു പോസ്റ്റിന്റെ ആവശ്യകത വളരേയാണെന്ന് ഞങ്ങള്‍ക്ക് തികഞ്ഞ ബോധ്യമുണ്ട്. നിങ്ങള്‍ ഇന്‍സ്റ്റാള്‍ ചെയ്യാനുദ്ദേശിക്കുന്ന കംപ്യൂട്ടറില്‍ ഉള്ള ഓപറേറ്റങ് സിസ്റ്റം ഏതാണെന്ന് സ്വയം മനസ്സിലാക്കി ഇന്‍സ്റ്റാള്‍ ചെയ്യുന്ന രീതിയിലാണ് സോഫ്റ്റ്‌വെയറിന്റെ രൂപകല്പന. സോഫ്‌റ്റ്‌വെയറിന്റെ ഇന്‍സ്റ്റലേഷന്‍ സ്റ്റെപ്പുകളെപ്പറ്റി ഹസൈനാര്‍ മങ്കട തയ്യാറാക്കിയ സഹായകക്കുറിപ്പുകള്‍ താഴെ നല്‍കിയിരിക്കുന്നു. താഴെയുള്ള ലിങ്കില്‍ നിന്നും ഈ കുറിപ്പുകളുടെ പി.ഡി.എഫ് കോപ്പി ഡൌണ്‍ലോഡ് ചെയ്തെടുക്കുകയും ചെയ്യാം.

SSLC IT PRACTICAL പരീക്ഷാ സോഫ്റ്റ്‌വെയര്‍ ഇന്‍സ്റ്റലേഷനുമായി ബന്ധപ്പെട്ട് ശ്രദ്ധിക്കേണ്ട കാര്യങ്ങള്‍
മോഡല്‍ പരീക്ഷാ സോഫ്റ്റ്‌വെയറിന്റെ ഇന്‍സ്റ്റലേഷന്‍ പോലെ തന്നെയാണ് വാര്‍ഷിക പരീക്ഷയുടെ സോഫ്റ്റ്‌വെയര്‍ ഇന്‍സ്റ്റലേഷനും. Error കള്‍ ഒഴിവാക്കാനായി ചെറിയ ഒന്ന് രണ്ട് കൂട്ടിച്ചേര്‍ക്കലുകള്‍ കൂടി വരുത്തിയിട്ടുണ്ട്. കൂടാതെ പരീക്ഷയ്ക്കാവശ്യമായ വിവിധ ഫോമുകള്‍ ഇവിടെയുണ്ട്.

ഇന്‍സ്റ്റലേഷന്‍

  • Software Name : itexam, Version: 7.4
  • School Gnu/Linux 3.0 , 3.2 , 3.8, IT@School Ubuntu 9.10, 10.04 എന്നീ വേര്‍ഷനുകള്‍ക്കുള്ള സോഫ്റ്റ്‌വെയറുകള്‍ പരീക്ഷാ സി.ഡി.യില്‍ ലഭ്യമാണ്.
  • ഇന്‍സ്റ്റലേഷന് Root ആയി ലോഗിന്‍ ചെയ്യരുത്. ഇന്‍സ്റ്റലേഷന് തയ്യാറാക്കിയിരിക്കുന്ന install എന്ന സ്ക്രിപ്റ്റ് root യൂസറില്‍ പ്രവര്‍ത്തിക്കില്ല.
  • സിസ്റ്റത്തിന്റെ Time & Date കൃത്യമാണോ എന്ന് ചെക്ക് ചെയ്യുക. പരീക്ഷ ഇന്‍സ്റ്റാള്‍ ചെയ്യാനാവശ്യമായ free space കമ്പ്യൂട്ടറിലുണ്ടെന്ന് ഉറപ്പ് വരുത്തുക.
  • സി.ഡി.യിലുള്ള 'itexam' എന്ന ഫോള്‍ഡര്‍ കോപ്പി ചെയ്ത് ഡെസ്ക്ടോപ്പിലോ യൂസറുടെ ഹോമിലോ പേസ്റ്റ് ചെയ്യുക. മോഡല്‍ പരീക്ഷക്കായി പേസ്റ്റ് ചെയ്ത 'itexam' എന്ന ഫോള്‍ഡര്‍ കമ്പ്യൂട്ടറിലുണ്ടെങ്കില്‍ ആദ്യം അത് റിമൂവ് ചെയ്തിട്ട് വേണം Final പരീക്ഷയുടെ 'itexam' എന്ന ഫോള്‍ഡര്‍ പേസ്റ്റ് ചെയ്യാന്‍. സാധാരണ രീതിയില്‍ ചെയ്യുന്ന പോലെ നിലവിലുള്ള ഫോള്‍ഡറിനെ ഡീലിറ്റ് ചെയ്യാതെ Replace യ്യാനനുവദിക്കരുത്.
  • ഉബുണ്ടുവില്‍ Default user (ഇന്‍സ്റ്റാള്‍ ചെയ്യുമ്പോള്‍ ക്രിയേറ്റ് ചെയ്യുന്ന യൂസര്‍) ലാണ് പരീക്ഷ ഇന്‍സ്റ്റാള്‍ ചെയ്യേണ്ടത്. പരീക്ഷ നടത്താന്‍ മാത്രം പുതിയ യൂസറെ ഉപയോഗിക്കുക.
  • കമ്പ്യൂട്ടറിലേക്ക് പേസ്റ്റ് ചെയ്ത 'itexam' എന്ന ഫോള്‍ഡര്‍ തുറന്ന് അതിനകത്തുള്ള install എന്ന ഫയലിന് Execute permission നല്കുക. മോഡല്‍ പരീക്ഷയില്‍ ഈ സ്ക്രിപ്റ്റിന് installer എന്നായിരുന്നു പേര് നല്കിയിരുന്നത്.(install-Right Click-Properties-Permission) ഓരോ ഓപ്പറേറ്റിംഗ് സിസ്റ്റത്തിലും പെര്‍മിഷന്‍ എങ്ങനെ സെറ്റ് ചെയ്യാം എന്നതിന്റെ വിശദാംശങ്ങള്‍ -സ്ക്രീന്‍ ഷോട്ടുകളടക്കം ഹെല്‍പ് ഫയലിലുണ്ട്.
  • പെര്‍മിഷന്‍ നല്‍കിയ ശേഷം 'install' എന്ന ഫയലില്‍ Double Click ചെയ്ത് Run in Terminal ക്ലിക്ക് ചെയ്യുക.
    അപ്പോള്‍ Installing IT Exam.... Please enter root's password...എന്ന രീതിയില്‍ ടെര്‍മിനല്‍ root പാസ്‌വേഡ് ആവശ്യപ്പെടുന്നു. ശേഷം root പാസ്‌വേഡ് നല്‍കി എന്റര്‍ ചെയ്യുക. ഇതോടെ ഓപ്പറേറ്റിംഗ് സിസ്റ്റത്തിന്റെ വേര്‍ഷനനുസരിച്ച് debs എന്ന ഫോള്‍ഡറിനുള്ളില്‍ നിന്നും ഉചിതമായ സോഫ്റ്റ്‌വെയര്‍ താനെ ഇന്‍സ്റ്റാള്‍ ആവുന്നു
  • ഇന്‍സ്റ്റലേഷന്‍ പൂര്‍ത്തിയായാല്‍ Installation completed. Close This Terminal or press Ctrl+C എന്ന് ടെര്‍മിനലില്‍ തെളിയും. ഇനി ടെര്‍മിനല്‍ ക്ലോസ് ചെയ്യാം.
  • Installation failed, Try re-install.. എന്ന് ടെര്‍മിനലില്‍ കാണുകയാണെങ്കില്‍ കമ്പ്യൂട്ടറിലേക്ക് പേസ്റ്റ് ചെയ്ത 'itexam' എന്ന ഫോള്‍ഡര്‍ ഡീലിറ്റ് ചെയ്ത് തുടക്കം മുതലുള്ള സ്റ്റെപ്പുകള്‍ ആവര്‍ത്തിക്കുക.
  • ഇന്‍സ്റ്റലേഷന്‍ പൂര്‍ത്തിയാവുമ്പോള്‍ itexam എന്ന ഫോള്‍ഡറിനുള്ളിലെ debs എന്ന ഫോള്‍ഡര്‍ താനെ റിമൂവ് ആകും. അതിനാല്‍ പെന്‍ഡ്രൈവില്‍ നിന്ന് നേരിട്ട് ഇന്‍സ്റ്റാള്‍ ചെയ്യരുത്. ഫോള്‍ഡര്‍ കമ്പ്യൂട്ടറിലേക്ക് കോപ്പി ചെയ്തതിന് ശേഷം മാത്രം ഇന്‍സ്റ്റലേഷന്‍ നടത്തുക.
  • ഇന്‍സ്റ്റലേഷന്‍ പൂര്‍ത്തിയായായാല്‍ Applications-Accessories മെനുവില്‍ SSLC IT Exam 2011 എന്ന രീതിയില്‍ സോഫ്റ്റ്‌വെയര്‍ വന്നിട്ടുണ്ടോ എന്ന് ഉറപ്പ് വരുത്തണം.
  • School Gnu/Linux 3.0 , 3.2 വേര്‍ഷനുകളില്‍ Synaptic Package Manager വഴിയും പരീക്ഷ ഇന്‍സ്റ്റാള്‍ ചെയ്യാം. സി.ഡി. Add ചെയ്ത് itexam എന്ന് search ചെയ്ത് മാര്‍ക്ക് ചെയ്ത് ഇന്‍സ്റ്റാള്‍ ചെയ്യാം.
  • സ്കൂള്‍ രജിസ്റ്റേഷന്‍ നിലവിലുള്ള യൂസറിലോ പുതിയ യൂസറിലോ നടത്താം. പുതിയ യൂസറെ ക്രിയേറ്റ് ചെയ്യുമ്പോള്‍ യൂസര്‍ക്ക് ആവശ്യമായ പ്രിവിലെജുകള്‍ സെറ്റ് ചെയ്യണം. Ubuntu വില്‍ Administarator the system എന്ന പ്രിവിലെജ് നിര്‍ബന്ധമായും നല്കുക
  • പരീക്ഷ നടത്താനായി പുതിയ യൂസറെ ഉപയോഗിക്കാം. ഫ്രഷ് ആയ ഹോം ഫോള്‍ഡര്‍ ആണ് വിദ്യാര്‍ഥികള്‍ക്ക് നല്കേണ്ടത്.ആയതിനാല്‍ നിലവിലുള്ള യൂസറില്‍ പരീക്ഷ നടത്തുകയാണെങ്കില്‍ നേരത്തെ നടത്തിയ പരീക്ഷയുമായി ബന്ധപ്പെട്ട എല്ലാ ഫോള്‍ഡറുകളും ഫയലുകളും ഹോം ഫോള്‍ഡറില്‍ നിന്ന് ഡീലിറ്റ് ചെയ്യുക. Documents, images10, exam10. ഉബുണ്ടുവിലുള്ള നിലവിലൂള്ള Documents എന്ന ഫോള്‍ഡറിന്റെ പേര് Rename ചെയ്യുക. ഇതേക്കുറിച്ചെല്ലാം മാത്‍സ് ബ്ലോഗില്‍ മുന്‍പോസ്റ്റുകളില്‍ വിശദീകരിച്ചിട്ടുണ്ടല്ലോ.
  • പരീക്ഷ റണ്‍ ചെയ്തതിന് ശേഷം ഹോം ഫോള്‍ഡറിലെ Documents, images10 എന്ന ഫോള്‍ഡര്‍ തുറന്ന് ആവശ്യമായ ഇമേജുകളും ഡോക്യുമെന്റുകളും വന്നിട്ടുണ്ടോ എന്ന് ഉറപ്പ് വരുത്തണം. ഇല്ലെങ്കില്‍ Documents, images10 എന്നീ ഫോള്‍ഡറുകള്‍ ഡീലിറ്റ് ചെയ്ത് വീണ്ടും പരീക്ഷാസോഫ്റ്റ്‌വെയര്‍ റണ്‍ ചെയ്യുക.വിദ്യാര്‍ഥികള്‍ ഉപയോഗിക്കുന്ന എല്ലാ സോഫ്റ്റ്‌വെയറുകളും ഒരു പ്രാവശ്യമെങ്കിലും പ്രവര്‍ത്തിപ്പിച്ച് നോക്കുന്നതും നല്ലതാണ്.
  • സിസ്റ്റത്തില്‍ keyboard indicator Add ചെയ്തിട്ടുണ്ടെങ്കില്‍ പാനലില്‍ നിന്നും അത് Remove ചെയ്യുക.
  • ഓരോ ദിവസവും എല്ലാ സിസ്റ്റത്തിലെയും പരീക്ഷ Export ചെയ്ത് ഒരു ഫോള്‍ഡറിലാക്കി സൂക്ഷിക്കണം.
  • Ubuntu 10.04 ല്‍ Reports ല്‍ Consolidated reports (Marks) Display ചെയ്യുന്നില്ലെങ്കില്‍ താഴെ പറയുന്ന പാക്കേജുകള്‍ അപ്ഡേറ്റ് ചെയ്യുക.
    evince
    libevdocument2
    libevview2
    താഴെയുള്ള കമാന്റ് ടെര്‍മിനലില്‍ റണ്‍ ചെയ്ത് ഇവ അപ്‌ഡേറ്റ് ചെയ്യാം.(ഇന്റര്‍നെറ്റ് കണക്ഷന്‍ ഉണ്ടെങ്കില്‍ മാത്രം)
    sudo apt-get -u install evince libevdocument2 libevview2
    ഈ പാക്കേജുകള്‍ അടങ്ങിയ ഫോള്‍ഡര്‍ ഇവിടെ നിന്നും ഡൗണ്‍ലോഡ് ചെയ്ത് Extract ചെയ്ത് ഓരോന്നും Double Click ചെയ്തു് ഇന്‍സ്റ്റാള്‍ ചെയ്തും ഈ പ്രശ്നം പരിഹരിക്കാം.
  • പെന്‍ഡ്രൈവ് മൗണ്ട് ചെയ്യുന്നില്ലെങ്കില്‍ privileges ഉണ്ടോ എന്ന് ചെക്ക് ചെയ്യുക. privileges ഉണ്ടായിട്ടും മൗണ്ട് ചെയ്യുന്നില്ലെങ്കില്‍ താഴെ പറയുന്ന രീതിയില്‍ മാന്വലായി മൗണ്ട് ചെയ്യിക്കാം.(പെന്‍ഡ്രൈവ് detect ചെയ്തിട്ടുണ്ടെങ്കില്‍..)
  • ആദ്യം പെന്‍ഡ്രൈവ് detect ചെയ്ത ലെറ്റര്‍ മനസ്സിലാക്കുക. ഉബുണ്ടുവില്‍ കമാന്റിന് മുമ്പ് sudo ചേര്‍ക്കുക.
    fdisk -l (Root terminal ല്‍ ആണ് കമാന്റ് റണ്‍ ചെയ്യേണ്ടത്.)
    Result ല്‍ /dev/sdb or /dev/sdc or /dev/sdb1 ...എന്ന രീതിയിലാവും പെന്‍ഡ്രൈവിന്റെ path.
  • ഇനി മൗണ്ട് ചെയ്യിക്കാനായി Desktop ല്‍ ഒരു ഫോള്‍ഡര്‍ ക്രിയേറ്റ് ചെയ്യുക. ഉദാ:- mydisk എന്ന പേരില്‍ ഫോള്‍ഡര്‍ നിര്‍മ്മിക്കാം.
    /dev/sdb എന്ന രീതിയില്‍ detect ചെയ്ത പെന്‍ഡ്രൈവിനെ Desktop ലുള്ള mydisk എന്ന ഫോള്‍ഡറിലേക്ക് താഴെ പറയുന്ന കമാന്റ് Root terminal ല്‍ എന്റര്‍ ചെയ്തു് മൗണ്ട് ചെയ്യിക്കാം.
  • mount /dev/sdb /home/username/Desktop/mydisk
    (username എന്ന സ്ഥലത്ത് ലോഗിന്‍ ചെയ്ത യൂസര്‍നാമം നല്‍കുക)
    unmount ചെയ്യാന്‍ ..
    umount /home/username/Desktop/mydisk

ഈ കുറിപ്പുകളുടെ പി.ഡി.എഫ് കോപ്പിക്ക് ഇവിടെ ക്ലിക്ക് ചെയ്യുക


Read More | തുടര്‍ന്നു വായിക്കുക

പത്താം ക്ലാസ് ഐ.ടി പരീക്ഷാ ടിപ്പുകള്‍

>> Sunday, February 20, 2011


കേരളത്തിലെ പൊതുവിദ്യാഭ്യാസ രംഗം അവിശ്വസനീയമായ വിധം കുതിച്ചു ചാട്ടം നടത്തിയ ദശകത്തിലൂടെയാണ് നാം മുന്നോട്ട് പൊയ്ക്കൊണ്ടിരിക്കുന്നത്. കമ്പ്യൂട്ടറെന്നാല്‍ വിന്‍ഡോസും മൈക്രോസോഫ്റ്റും മാത്രമാണെന്ന ധാരണയില്‍ നിന്ന് ഒരു തലമുറയെ മാറ്റിയെടുക്കാന്‍ കേരളത്തില്‍ നടപ്പാക്കിക്കൊണ്ടിരിക്കുന്ന ഐടി വിദ്യാഭ്യാസ പദ്ധതിക്കു സാധിച്ചുവെന്നത് നിസ്സാരമായ ഒരു നേട്ടമല്ല. അറിയാനും അറിയിക്കാനും സ്വാതന്ത്ര്യം നല്‍കുന്ന സ്വതന്ത്രസോഫ്റ്റ്​വെയറിന്റെ വിശാലമനഃസ്ഥിതി നമ്മുടെ കുട്ടികളുടെ ചിന്താധാരയില്‍ വരുത്തിയ മാറ്റത്തിന്റെ ഫലങ്ങളറിയുക വീണ്ടുമൊരു ദശകം കൂടി കഴിയുമ്പോഴാകാം. എന്തായാലും വിപ്ലവകരമായ ഒരു ചുവടുവെപ്പാണ് ഇക്കാലം കൊണ്ട് നമ്മുടെ നാട് നേടിയെടുത്തത്. പത്താം ക്ലാസിലെ കുട്ടികളോട് അവര്‍ക്ക് ഏറ്റവും ഇഷ്ടപ്പെട്ടതും എളുപ്പമുള്ളതുമായ വിഷയമേതെന്ന് ചോദിച്ചാല്‍ മറ്റൊന്നും ആലോക്കാതെ ഐടി എന്നായിരിക്കും അവര്‍ ഉത്തരം നല്‍കുക. വളരെ എളുപ്പമുള്ളതു കൊണ്ടു തന്നെ എല്ലാവരും ഈ വിഷയത്തെ മറ്റു വിഷയങ്ങള്‍ക്ക് നല്‍കുന്ന പ്രാധാന്യത്തോടെ അതിനെ സമീപിക്കുന്നുണ്ടോ എന്നത് വസ്തുതാപരമായ ഒരു ചോദ്യമാണ്. യഥാര്‍ത്ഥത്തില്‍ ഐടിക്ക് എ പ്ലസ് വാങ്ങാന്‍ വലിയ പ്രയാസമൊന്നുമില്ല. മറ്റു വിഷയങ്ങള്‍ക്ക് ചിലവഴിക്കുന്ന സമയം അതിനു നല്‍കേണ്ടതുമില്ല. മോഡല്‍ പരീക്ഷ സമാഗതമായിരിക്കുന്ന ഈ ഘട്ടത്തില്‍ കോഴിക്കോട് വെള്ളിമാടുകുന്ന് ജെ.ഡി.ടി ഇസ്ലാം ഹൈസ്ക്കൂളിലെ എസ്.ഐ.ടി.സി ആയ സി.കെ മുഹമ്മദ് മാസ്റ്റര്‍ വിദ്യാര്‍ത്ഥികള്‍ക്കായി ഐ.ടി പ്രാക്ടിക്കല്‍ പരീക്ഷയ്ക്കും തിയറി പരീക്ഷയ്ക്കും വേണ്ട നോട്ടുകള്‍ പി.ഡി.എഫ് രൂപത്തില്‍ തയ്യാറാക്കി നല്‍കിയിരിക്കുന്നു. താഴെയുള്ള ലിങ്കില്‍ നിന്നും അവ ഡൗണ്‍ലോഡ് ചെയ്തെടുക്കാം.

Click here to Download the IT Theory Notes
Click here to Download the IT Practical Notes


Read More | തുടര്‍ന്നു വായിക്കുക

ടെക്സ്റ്റ് ബുക്ക് ഓണ്‍ലൈന്‍ ഇന്‍ഡന്റ്

>> Sunday, February 13, 2011


നിങ്ങളുടെ സ്ക്കൂളിന്റെ ഓണ്‍ലൈന്‍ ഇന്‍ഡന്റ് ട്രയല്‍ നടത്തി നോക്കിയോ? പരീക്ഷണാടിസ്ഥാനത്തില്‍ എല്ലാ സ്ക്കൂളുകള്‍ക്കും ഇന്നു കൂടി ട്രയല്‍ നടത്തി നോക്കാം. ഫെബ്രുവരി 16 രാത്രിയോടെ ഇതുവരെ സ്ക്കൂളുകള്‍ ട്രയലിന് നല്‍കിയ എല്ലാ വിവരങ്ങളും ഡിലീറ്റ് ചെയ്യും. ഫെബ്രുവരി 17 മുതല്‍ ഫെബ്രുവരി 26 വരെയാണ് യഥാര്‍ത്ഥ ഇന്‍ഡെന്റ് സമര്‍പ്പിക്കാനാവുക.
2011-12 അദ്ധ്യയന വര്‍ഷത്തെ പാഠപുസ്‌തകങ്ങളുടെ ആവശ്യകത ഓണ്‍ലൈനായി സമര്‍പ്പിക്കാനുള്ള സമയമായി. ഓരോ സ്ക്കൂളും അടുത്ത വര്‍ഷത്തേക്ക് ആവശ്യമായ വിവരങ്ങള്‍ ഓണ്‍ലൈനായി സമര്‍പ്പിക്കണം. ഇതോടനുബന്ധിച്ചുള്ള ഓണ്‍ലൈന്‍ ഇന്‍ഡന്റ് പൈലറ്റ് (ട്രയല്‍) ആണ് ഇപ്പോള്‍ നടന്നു കൊണ്ടിരിക്കുന്നത്. കേരള ബുക്‌സ് ആന്റ് പബ്ലിക്കേഷന്‍ സൊസൈറ്റിയാണ് ഈ വര്‍ഷവും ഇതു കൈകാര്യം ചെയ്യുന്നത്. എന്തെങ്കിലും തിരുത്തലുകള്‍ ഉണ്ടെങ്കില്‍ അതു വരുത്താന്‍ ഫെബ്രുവരി 16 വരെ സമയമുണ്ട് എന്നാണ് പത്രക്കുറിപ്പില്‍ കാണുന്നത്. ഫലത്തില്‍ ഫെബ്രവരി പതിനാറു വരെ ട്രയല്‍ ഇന്‍ഡെന്റ് സമര്‍പ്പിക്കാനാവും എന്നു കരുതാം.സ്‌കൂളുമായി ചേര്‍ന്നു പ്രവര്‍ത്തിക്കുന്ന ഏറ്റവും അടുത്തുള്ള സൊസൈറ്റിയിലേക്കാണ് പാഠപുസ്‌തകങ്ങള്‍ എത്തുക. മിക്കവാറും സ്ക്കൂളുകളുടെ സൊസൈറ്റി അതേ സ്ക്കൂള്‍ തന്നെയായിരിക്കും. ഇവിടെ കൊടുത്തിരിക്കുന്ന വിതരണത്തിന്റെ പ്ലാനിങ്ങ് നോക്കിയാല്‍ നിങ്ങളുടെ സൊസൈറ്റി ഏതെന്ന് അറിയാനാവും.

നിങ്ങളുടെ സംശയങ്ങള്‍ ഇവരോടു ചോദിക്കാം
NameRevenue DistrictsMobile Number
Anoop.U.KThiruvananthapuram
Kollam
Pathanamthitta
Kottayam
9995411786
Anas.M.KAlappuzha
Idukki
Ernakualm
Thrisur
9995412786
Suneesh.K Palakkad
Malappuram
Kozhikode
9995413786
Vijith.KWayanad
Kannur
Kasargode
9995414786

രജിസ്ട്രേഷന്‍ നടത്തേണ്ട ചുമതല അതാത് സ്ക്കൂളുകള്‍ക്ക് തന്നെയാണ്. സ്ക്കൂള്‍ രജിസ്ട്രേഷന്‍ നടത്തുന്ന സമയം നിങ്ങളുടെ സ്ക്കൂള്‍ സൊസൈറ്റിയുടെ പേര് കാണുന്നില്ലെങ്കില്‍ kbpscontrolroom@gmail.com എന്ന വിലാസത്തിലേക്ക് പരാതി അയക്കാം. പരാതിയില്‍ റവന്യൂ ജില്ല, സബ്​ജില്ല, സ്ക്കൂളിന്റെ പേര്, സൊസൈറ്റിയുടെ പേര് (രജിസ്റ്റര്‍ നമ്പര്‍ ഉണ്ടെങ്കില്‍ അതും) തുടങ്ങിയ വിവരങ്ങള്‍ വ്യക്തമായി രേഖപ്പെടുത്തിയിരിക്കണം. മാത്രമല്ല, ഈ വിഷയത്തില്‍ അദ്ധ്യാപകര്‍ക്കുണ്ടാകുന്ന പ്രശ്നങ്ങള്‍ കമന്റുകളായി രേഖപ്പെടുത്തിയാല്‍ പ്രശ്നപരിഹാരത്തിന് സഹായവും പ്രതീക്ഷിക്കാം.

രണ്ട് സ്റ്റെപ്പുകളാണ് ഇതിനുള്ളത്.

ഒന്ന് : സ്‌കൂള്‍ രജിസ്ട്രേഷന്‍

രണ്ട് : ഓണ്‍ലൈനായി ഇന്‍ഡെന്റ് സമര്‍പ്പിക്കുക

ഒന്നാമത്തെ സ്റ്റെപ്പിലേക്ക് :

  • ആദ്യം http://www.keralabooks.org/ എന്ന സൈററില്‍ പോയി സ്കൂള്‍ രജിസ്റ്റര്‍ ചെയ്യണം.
  • തുറന്നു വരുന്ന ഹോം പേജില്‍ Online Indent Pilot എന്നതിനോടു ചേര്‍ന്ന ചിഹ്നത്തില്‍ ക്ലിക്ക് ചെയ്യുക. (അല്ലെങ്കില്‍ ഇവിടെ ക്ലിക്ക് ചെയ്താലും മതി.) മുന്‍പ് രജിസ്റ്റര്‍ ചെയ്‌തിട്ടില്ലാത്ത സ്ഥിതിക്ക് സ്‌കൂള്‍ രജിസ്‌ട്രേഷന്‍ ബട്ടണില്‍ ക്ലിക്ക് ചെയ്യുക. അപ്പോള്‍ നമ്മള്‍ രജിസ്‌ട്രേഷന്‍ പേജിലെത്തും.
  • തുടര്‍ന്ന്, റവന്യൂ ജില്ല, വിദ്യാഭ്യാസ ജില്ല, വിദ്യാഭ്യാസ ഉപജില്ല, സൊസൈറ്റിയുടെ പേര് (അതു ലിസ്റ്റില്‍ നിന്നും നോക്കിയെടുക്കണം), സ്‌കൂള്‍ കോഡ്, സ്‌കൂള്‍ ഹെഡ്‌മാസ്റ്ററുടെ പേര്, സ്‌കൂളിന്റെ വിഭാഗം - ഗവണ്‍മെന്റ്, ഏയ്ഡഡ്, അണ്‍ ഏയ്ഡഡ് എന്നിവയില്‍ ഏതാണെന്നതും കൊടുക്കണം.
  • From Standard എന്നിടത്ത് സ്‌കൂളിലെ ഏറ്റവും താഴ്‌ന്ന സ്റ്റാന്‍ഡേഡാണ് നല്‍കേണ്ടത്, To Standard എന്ന സ്ഥലത്ത് സ്‌കൂളിലെ ഏറ്റവും ഉയര്‍ന്ന ക്ലാസും നല്‍കാം.
  • സ്‌കൂളിന്റെ ഇ-മെയില്‍ അഡ്രസും ചേര്‍ക്കണം, കോണ്ടാക്‌ട് അഡ്രസിന്റെ സ്ഥാനത്ത് സ്‌കൂളിന്റെ അഡ്രസാണ് ചേര്‍ക്കേണ്ടത്.
  • ഫോണ്‍ നമ്പര്‍, ഫാക്സ് നമ്പര്‍ (ഉണ്ടെങ്കില്‍ മാത്രം) എന്നിവ സ്‌കൂളിലെ ഔദ്യോഗിക നമ്പറും, മൊബൈല്‍ നമ്പര്‍ നല്‍കേണ്ടിടത്ത് ഹെ‍ഡ്‌മാസ്റ്ററുടെ മൊബൈല്‍ നമ്പറാണ് നല്‍കേണ്ടത്.
  • യൂസര്‍ നെയിമിന്റെ സ്ഥാനത്ത് സ്‌കൂള്‍ കോഡിനോടു ചേര്‍ന്ന ഒരു യൂസര്‍ നെയിം കാണിക്കും.
  • പാസ്‌വേഡ് പക്ഷെ ഉണ്ടാക്കിയെടുക്കണം.
  • ഒരിക്കലും സ്‌കൂള്‍ കോഡ് പാസ്‌വേഡായി നല്‍കരുത്. അക്ഷരങ്ങളും അക്കങ്ങളും ചേര്‍ന്നതായിരിക്കണം പാസ്‌വേഡ്.തുടര്‍ന്നുള്ള ആവശ്യങ്ങള്‍ക്ക് പാസ്‌വേഡ് ആവശ്യമാണ് എന്നതിനാല്‍ അത് എവിടെയെങ്കിലും കുറിച്ചു വയ്‌ക്കാന്‍ ശ്രദ്ധിക്കണം.

ഇനി സബ്മിറ്റ് ബട്ടണ്‍ പ്രസ് ചെയ്യാം.

ഇതിന്റെ പിഡിഫ് കോപ്പി ഇംഗ്ലീഷില്‍

രണ്ടാമത്തെ സ്റ്റെപ്പ് : ഓണ്‍ലൈനായി ഇന്‍ഡെന്റ് സമര്‍പ്പിക്കുന്നത്

  • രജിസ്റ്റര്‍ ചെയ്‌തതിനു ശേഷം യൂസര്‍ നെയിമും പാസ്‌വേഡും ഉപയോഗിച്ച് ലോഗിന്‍ ചെയ്യാം.
  • രജിസ്റ്റര്‍ ചെയ്യുന്ന സമയത്ത് നിങ്ങള്‍ സ്‌കൂളിനെ കുറിച്ച് നല്‍കിയ വിവരങ്ങള്‍ ഹോം പേജില്‍ തന്നെ കാണാന്‍ കഴിയും.
  • മുകളിലെ ബാറില്‍ ഹോം, സ്‌കൂള്‍ ഡീറ്റെയില്‍സ്, ക്ലാസ് ഡീറ്റെയില്‍സ്, ഇന്‍ബോക്‌സ്, റിക്വസ്റ്റ് ഇന്‍ഡെന്റ്, റിപ്പോട്ട്സ്, ചേഞ്ച് പാസ്‌വേഡ്, ലോഗ് ഔട്ട് എന്നീ ബട്ടണുകള്‍ ഉണ്ടാകും.
  • സ്‌കൂള്‍ ഡീറ്റെയില്‍സില്‍ ആവശ്യമായ വിവരങ്ങള്‍ നല്‍കുകയാണ് അടുത്ത പടി.
  • ക്ലാസ് വൈസ് ഡീറ്റെയില്‍സില്‍ 2010 - 11 അദ്ധ്യയന വര്‍ഷത്തെ ഡിവിഷനുകളുടെ എണ്ണവും മൊത്തം കുട്ടികളുടെ എണ്ണവുമാണ് നല്‍കേണ്ടത്.
  • അധികാരികള്‍ക്ക് സന്ദേശങ്ങള്‍ അയക്കാനുള്ളതാണ് ഇന്‍ബോക്സ്.
  • Request Indent ടാബില്‍ ക്ലിക്ക് ചെയ്‌താണ് സ്‌കൂളിന്റെ ഇന്‍ഡെന്റ് നല്‍കാനാവുക.
  • തീയതി ചേര്‍ക്കേണ്ടിടത്ത് കലണ്ടറില്‍ നിന്നു തന്നെ തീയതി തെരഞ്ഞെടുക്കാന്‍ ശ്രദ്ധിക്കണം. തീയതി തെരഞ്ഞെടുത്തതിനു ശേഷമാണ് കുട്ടികളുടെ എണ്ണവും ആവശ്യമുള്ള കോപ്പികളുടെ എണ്ണവും ചേര്‍ക്കേണ്ടത്.
  • ഇവ ചേര്‍ത്തതിനു ശേഷം സബ്മിറ്റ് ഇന്‍ഡെന്റ് ബട്ടണ്‍ ഞെക്കാവുന്നതാണ്.
  • നിങ്ങളുടെ അപേക്ഷ സമര്‍പ്പിച്ചതിനു ശേഷം "Request Submitted Successfully" എന്നൊരു സന്ദേശം വന്നു എന്ന് ഉറപ്പാക്കണം. മറ്റു ക്ലാസുകള്‍ക്കും ഇതേ പ്രക്രിയ ആവര്‍ത്തിക്കുക.
  • നിങ്ങള്‍ സമര്‍പ്പിച്ച അപേക്ഷ ഒരിക്കല്‍ കൂടി കാണാനായി 'View Request Indent' ക്ലിക്ക് ചെയ്‌താല്‍ മതി. (റിക്വസ്റ്റ് ഇന്‍ഡെന്റ് മെനുവില്‍ അതുണ്ട്. അതില്‍ നിന്നും ഓരോ സ്റ്റാന്‍ഡേഡായി തെരഞ്ഞെടുത്താല്‍ മതി)
  • എഡിറ്റ് ബട്ടണ്‍ ഞെക്കിയാല്‍ ഒരിക്കല്‍ കൊടുത്ത വിവരങ്ങള്‍ തിരുത്താനാവും. എഡിറ്റ് ബട്ടണ്‍ പ്രസ് ചെയ്യുമ്പോള്‍ Edit Request Indent പേജിലാണ് എത്തുക. വേണ്ട മാറ്റങ്ങള്‍ വരുത്തിയതിനു ശേഷം സബ്മിറ്റ് ബട്ടണ്‍ ഞെക്കുക.
  • നിങ്ങള്‍ സബ്മിറ്റ് ചെയ്‌തതു ശരിയാണെങ്കില്‍ "Updated Successfully" എന്ന മെസേജ് വരും.
  • ഏതെങ്കിലും ഒരു ഭാഗം ഡെലീറ്റ് ചെയ്യണമെങ്കില്‍ ഡെലീറ്റ് ബട്ടണ്‍ ഞെക്കിയാല്‍ മതി. പക്ഷെ "Deleted Successfully" എന്ന മെസേജ് വന്നു എന്ന് ഉറപ്പാക്കണം.
  • ഹോം പേജില്‍ നിന്നും സ്റ്റാന്‍ഡേഡ് സെലക്ട് ചെയ്‌താല്‍ സ്‌കൂള്‍ നല്‍കിയ ഇന്‍ഡെന്റിന്റെ വിവരങ്ങള്‍ കാണാനാവും.

ഈ വിവരങ്ങളുടെ പി.ഡി.എഫ് കോപ്പി ഇംഗ്ലീഷില്‍

പരാതികള്‍ സമര്‍പ്പിക്കേണ്ട വിലാസത്തിന് ഇവിടെ ക്ലിക്ക് ചെയ്യുക.

ശ്രദ്ധിക്കേണ്ട കാര്യങ്ങള്‍
  • മുന്‍ വര്‍ഷത്തെ ആറാം പ്രവൃത്തി ദിവസത്തോട് പത്തു ശതമാനം അധികം കൂട്ടി വേണം പുസ്തകങ്ങള്‍ ഓഡര്‍ ചെയ്യാന്‍
  • സ്കൂള്‍ പ്രഥമ അദ്ധ്യാപകര്‍ ഇന്‍ഡെന്റിന്റെ രണ്ടു പ്രിന്റെടുത്ത് സ്വയം സാക്ഷ്യപ്പെടുത്തി വിദ്യാഭ്യാസ ഓഫീസര്‍ക്ക് നല്‍കണം. ഇതില്‍ ഒരു കോപ്പി വിദ്യാഭ്യാസ ആഫീസര്‍ ഒപ്പിട്ടു ഹെഡ്മാസ്റ്റര്‍മാര്‍ക്ക് തിരികെ നല്‍കും.


Read More | തുടര്‍ന്നു വായിക്കുക

പരീക്ഷക്കൊരുങ്ങുക!

പരീക്ഷവന്നു പടിക്കലെത്തി
പഠിച്ചതെല്ലാം മറന്നുപോയി!

ഞങ്ങളൊക്കെ കുട്ടിക്കാലത്ത് –പരീക്ഷാക്കാലത്ത് പാടിയിരുന്നൊരു പാട്ടാണിത്. എത്ര നന്നായി പഠിച്ചുവെച്ചാലും പരീഷാഹാളില്‍ എല്ലാം മറന്നുപോകുന്ന അക്കാലം ഇന്നെത്ര മാറി ! അന്നെന്തൊക്കെ പഠിക്കണം? എല്ലാ ഭാഷകളിലേയും പദ്യങ്ങള്‍-ചിഹ്നങ്ങള്‍, ചോദ്യോത്തരം-കമ്പോട്കമ്പ്-, പെരുക്കപ്പട്ടിക, അര്‍ഥം, പര്യായം, വൃത്തം, അലങ്കാരം, സമവക്യങ്ങള്‍, കൊല്ലങ്ങള്‍, ഭരണാധിപന്മാര്‍, നദികള്‍, മലകള്‍, വ്യവസായങ്ങള്‍, കണ്ണ്-മൂക്ക്-നാക്ക്-ത്വക്ക്-ചെവി-ഹൃദയം-വൃക്ക ശ്വാസകോശം,രക്തചംക്രമണം, രാസസൂത്രങ്ങള്‍, ചിത്രങ്ങള്‍-അലുമിനീയം എക്സ്റ്റ്രാക്ഷന്‍- ഇലക്റ്റ്രോപ്ലേറ്റിങ്ങ്- ഇതെല്ലാം ‘വെള്ളം വെള്ളം പോലെ’ പഠിച്ചുറപ്പിക്കണം.ഇതിന്റെയൊക്കെ ഗുണം ഇപ്പൊഴും ഉണ്ട് എന്ന ഈ പഴയവരുടെ അഹംകാരം വേറെ. ഇപ്പൊഴുള്ളവര്‍ക്കെന്തറിയാം എന്ന പുച്ഛം. പക്ഷെ, എന്താ കാര്യം- പരീക്ഷാഹാളില്‍ പഠിച്ചതെല്ലാം മറന്നു പോകുന്നു. ഇനി മറക്കാതെ അവക്ഷിപ്തപ്പെട്ടവ പരീക്ഷാ ഹാളില്‍ നിന്ന് പുറത്തുകടക്കുന്നതോടെ വെള്ളം പോലെ ഒഴുകിപ്പോകും. ഒഴിഞ്ഞ പുട്ടുകുറ്റിപോലെ കുട്ടി സ്കൂളില്‍ നിന്ന് രക്ഷപ്രാപിക്കും.പിന്നെ രണ്ടുമാസം സ്വന്തം! ‘അനധ്യായത്തിന്റെ ദേവത‘ യെന്നാണ് വൈലോപ്പിള്ളി സമ്മര്‍ വെക്കേഷനെ വിശേഷിപ്പിച്ചത്.

എന്നാല്‍ ഇപ്പൊഴത്തെ കുട്ടികള്‍ക്ക് ഈ വേവലാതിയാവശ്യമില്ല. ക്ലാസ് മുറിയിലും വീട്ടിലും കൂട്ടുകാരോടൊത്തും ഒക്കെ നിരന്തമായി ചെയ്ത പ്രവര്‍ത്തനങ്ങളുടെ തുടര്‍ച്ചയാണ് പരീക്ഷയും. ചെയ്ത പ്രവര്‍ത്തനങ്ങളാണെന്നതുകൊണ്ട് മറക്കുന്ന പ്രശ്നമില്ല.

(പ്രവര്‍ത്തനങ്ങള്‍ ചെയ്യിക്കാന്‍ മറന്ന മാഷമ്മരുടെ കാര്യം വേറെ ചര്‍ച്ച ചെയ്യണം.കേരളത്തിലെ എല്ലാ കുട്ടിക്കും ഒരു പാഠപുസ്തകവും അധ്യാപകര്‍ക്കൊക്കെ ഒരേ ഹാന്‍ഡ്ബുക്കും-പരിശീലനവും ആണെന്നാണല്ലോ സര്‍ക്കാര്‍ മനസ്സിലാക്കുക. അപ്പോള്‍- [ഉദാ]പത്രവാര്‍ത്ത, ആസ്വാദനക്കുറിപ്പ്, അന്തര്‍വൃത്തം എന്നിവയുടെ പഠനപ്രവര്‍ത്തനങ്ങള്‍ ചെയ്യാന്‍ ‘മറന്ന’- ‘തിരക്കി‘ല്‍ പെട്ടുപോയതിനാല്‍ പിന്നെയാവാം എന്നു വെച്ചതിന്റെ ശിക്ഷ കുട്ടിക്കാവും- സ്കോര്‍ കുറയും.ഉത്തരമെഴുതാന്‍ കഴിയാതെ പോകുന്നതിന്റെ യഥാര്‍ഥ കാരണം-കാരണക്കാരന്‍ കുട്ടി മാത്രമല്ലെന്ന് ഏതു മാഷക്കാ ഇപ്പോ അറിയാത്തത്. )

എന്നാല്‍ ഒന്നും ഓര്‍ക്കാനില്ലെന്നും(ഓര്‍മ്മ-മന:പ്പാഠമല്ല) കരുതരുത്. മൂന്നു കാര്യങ്ങളേ ഓര്‍ക്കാനുള്ളൂ-എല്ലാ വിഷയങ്ങള്‍ക്കും കൂടി!
  1. പാഠത്തിലെ ഉള്ളടക്കം
  2. (ഭാഷകളില്‍) പ്രയോഗിക്കേണ്ട വ്യവഹാരം
  3. പാഠഭാഗത്തില്‍ ചര്‍ച്ച ചെയ്യപ്പെടുന്ന സാമൂഹ്യപ്രശ്നം

ഇതില്‍ ഉള്ളടക്കം മിക്കവാറും ചോദ്യങ്ങളില്‍ തന്നെ ഉള്‍പ്പെട്ടിരിക്കും. ‘ചോദ്യം’ എന്നല്ല-‘ചോദ്യപാഠം’ എന്ന പ്രയോഗം അന്വര്‍ഥം! ഉള്ളടക്ക സൂചനകളില്ലാത്ത ചോദ്യങ്ങള്‍ ഉണ്ടാവാറില്ല.അതു മനസ്സിലാക്കാനുള്ള എല്ലാ ശേഷികളും ക്ലാസില്‍ നിന്നു നേരത്തെ ലഭിച്ചിട്ടും ഉണ്ടല്ലോ.

ഭാഷാവിഷയങ്ങളില്‍ ഉത്തരങ്ങളൊക്കെ ഏതെങ്കിലും വ്യവഹാരത്തെ – ഉപന്യാസം, ആസ്വാദനക്കുറിപ്പ്, പ്രതികരണക്കുറിപ്പ്,ആമുഖപ്രഭാഷണം, വാര്‍ത്ത…അടിസ്ഥാനമാക്കിയായിരിക്കും. ഈ വ്യവഹാരരൂപങ്ങളുടെ ഘടന ധാരണയിലുണ്ടാകണം. അടിസ്ഥാന ഘടന പാലിക്കാന്‍ കഴിയണം എന്ന ഓര്‍മ്മ മതി. മാത്രമല്ല ഘടനയില്‍ വരുത്തുന്ന സര്‍ഗ്ഗത്മകമായ മാറ്റങ്ങള്‍ക്ക് പരിഗണനയും ലഭിക്കും. ഉള്ളടക്കത്തിലും-നിരീക്ഷണങ്ങള്‍, വിശകലങ്ങള്‍, വിമര്‍ശനങ്ങള്‍ തുടങ്ങിയവ- വ്യവഹാരത്തിലുമുള്ള യുക്തിക്കും സര്‍ഗ്ഗത്മകതക്കും ഒക്കെയാണ് –‘മൌലികത’ എന്നു മൂല്യനിര്‍ണ്ണയനത്തില്‍ വിവക്ഷിക്കപ്പെടുന്നത്.

ഉള്ളടക്കത്തിലെ ഒരംശം തന്നെയാണ് അതിലടങ്ങിയ സാമൂഹ്യപ്രശ്നങ്ങള്‍. അധികവായനയും, ദൈനംദിന പത്രപാരായണവും, ക്ലാസിലും പുറത്തുമുള്ള ചര്‍ച്ചകളും,നമ്മുടെ സാമൂഹ്യമായ ഇടപെടലുകളും ഒക്കെക്കൊണ്ടാണ് ഇതു തിരിച്ചറിയുകയും നമ്മെ പ്രതികരിക്കാന്‍ ശേഷിയുള്ളവരുമാക്കുന്നത്. എല്ലാ വിഷയങ്ങളിലും ഈ ഒരംശം ഉണ്ടാവാം. ഇതും നമ്മുടെ ഉത്തരങ്ങളില്‍ ഉള്‍പ്പെടുത്തേണ്ടതുണ്ട്. ആ മട്ടിലുള്ള ചോദ്യങ്ങള്‍ മിക്ക വിഷയങ്ങളിലും ഉണ്ടാവും.

ക്ലാസ് റൂം പ്രവര്‍ത്തനങ്ങളുടെ തുടര്‍ച്ച എന്ന നിലയിലാണ് പരീക്ഷ സംഭവിക്കുന്നത്. അതുകൊണ്ടുതന്നെ പരീക്ഷയും ‘പഠനം’ തന്നെ. പരീക്ഷയുടെ ഒരു ഘടകം എന്തു പഠിച്ചു എന്നന്വേഷണമാണെങ്കിലും മറ്റൊരു ഘടകം കുറേ പുതിയ സംഗതികള്‍ ‘പഠിച്ചു’ എന്നു കൂടിയാണ്. ഇനി എന്തെല്ലാം കാര്യങ്ങളില്‍ തന്റെ ശേഷി വര്‍ദ്ധിപ്പിക്കേണ്ടതുണ്ട് എന്നു കൂടി പരീക്ഷ ‘പഠിപ്പി‘ക്കുന്നുണ്ട്.

ആയതിനാല്‍ പ്രിയപ്പെട്ട എല്ലാ കുട്ടികള്‍ക്കും നല്ലൊരു പരീക്ഷാക്കാലം ആശംസിക്കുന്നു.


Read More | തുടര്‍ന്നു വായിക്കുക

ഇങ്ക് ജറ്റ് പ്രിന്ററില്‍ മഷി നിറക്കുന്ന വിധം

>> Friday, February 11, 2011

ഐസിടി പദ്ധതി പ്രകാരം സ്കൂളുകളില്‍ വിതരണം ചെയ്യപ്പെട്ട ഇങ്ക്ജെറ്റ് പ്രിന്ററുകള്‍ (F2488) പലതും ഇപ്പോള്‍ മഷി കഴിഞ്ഞ് മൂലക്കിരിക്കുകയോ അതല്ലെങ്കില്‍ സ്കാനര്‍ എന്ന രീതിയില്‍ മാത്രം ഉപയോഗിക്കുകയോ ചെയ്യുകയാണ്. എന്നാല്‍ ഈ പ്രിന്ററുകള്‍ ഒരു പക്ഷേ, ലേസര്‍ പ്രിന്ററുകളേക്കാള്‍ ലാഭകരമായി ഉപയോഗിക്കാനാകും. ഇതിലെ കാട്രിഡ്ജില്‍ മഷി നിറക്കുകയാണ് വിദ്യ. ചിലപ്പോള്‍ കുറെയധികം എസ് ഐ ടി സി മാര്‍ക്ക് മഷി നിറക്കാന്‍ അറിയാമായിരിക്കും, അവര്‍ക്കു വേണ്ടി ഈ തരികിട മാര്‍ഗം ഞാന്‍ പറഞ്ഞിട്ടേയില്ല! (അല്ലാത്തവരും ഉള്ളതു കൊണ്ടാണല്ലോ കുറെയെണ്ണം ഉപയോഗിക്കാതിരിക്കുന്നത്.)


1.ഓഫായി ഇരിക്കുന്ന പ്രിന്ററില്‍ നിന്ന് കാട്രിഡ്ജ് ഊരിയെടുക്കുക. ഇത് സാധാരണ ഗതിയില്‍ 818 നമ്പരുള്ളതായിരിക്കും. വിപണിയില്‍ ഇതിന്റെ ഒറിജിനല്‍ എന്നു പറയപ്പെടുന്നതിന് 850 രൂപയ്ക്കടുത്ത് വിലയുണ്ട്. പക്ഷേ, ഇതിന്റെ തന്നെ കോംപാറ്റിബ്ള്‍ സെക്കന്റും കിട്ടും. വില 450 – 500 രൂപ. നമ്മുടെ ആവശ്യത്തിന് ഇതു ധാരാളം മതിയാകും. ഈ കാട്രിഡ്ജിനു മുകളിലുള്ള സ്റ്റിക്കര്‍ പറിച്ചു മാറ്റുക. ഇപ്പോള്‍ മഷിനിറക്കാനുള്ള ദ്വാരം കാണും.
2.ഇനി മഷി വേണം. BKP 80 നമ്പരുള്ള OCP മഷിയാണ് നമുക്ക് വേണ്ടത്. ഒരു കുപ്പി മഷികൊണ്ട് ആയിരക്കണക്കിന് കോപ്പികള്‍ പ്രിന്റ് ചെയ്തെടുക്കാം. വില കുപ്പിക്ക് 150 – 200 രൂപ.

3.ഇനി വേണ്ടത് ഒരു 20 ml സിറിഞ്ചാണ്. ഈ സിറിഞ്ചില്‍ കുപ്പിയില്‍ നിന്ന് ഉദ്ദേശം 10 ml മഷി എടുക്കുക. സിറിഞ്ചില്‍ വായു കുമിളകളുണ്ടെങ്കില്‍ നെഴ്സുമാര്‍ ചെയ്യുന്നതു പോലെ പിസ്റ്റണ്‍ അമര്‍ത്തി പുറത്തു കളയുക. കാട്രിഡ്ജില്‍ 10 ml ല്‍ കൂടുതല്‍ നിറക്കാനാകും. പക്ഷേ, മഷി വളരെ കൂടുതല്‍ ഒഴിച്ച് പുറത്ത് ഒഴുകുന്ന അവസ്ഥയുണ്ടാകുന്നത് അപകടമാണ്. മഷി കയ്യിലുണ്ടെങ്കില്‍ നമുക്ക് പറ്റെ തീരുന്നതിനു മുന്‍പു തന്നെ ഇടക്കിടക്ക് ഒഴിച്ചു കൊടുക്കാമല്ലോ.

4.കാട്രിജിനകത്ത് ഒരു സ്പോഞ്ജാണുള്ളത്. സിറിഞ്ചിന്റെ സൂചി പതുക്കെ ഇതിലേക്ക് കുറച്ചു മാത്രം താഴ്ത്തി മഷി 10 ml അതിലേക്ക് വീഴ്ത്തുക. സൂചി സ്പോഞ്ചില്‍ തട്ടിയാല്‍ നമുക്ക് അറിയാന്‍ സാധിക്കുമല്ലോ. കൂടുതല്‍ താഴ്ത്തരുത്.

5.ഇനി ഈ ദ്വാരത്തില്‍ ഒരു സെല്ലോടേപ്പ് ഒട്ടിക്കാം. കാട്രിഡ്ജ് തിരിച്ചു വെച്ചു സ്റ്റാര്‍ട്ടു ചെയ്തു പ്രിന്റിങ് തുടങ്ങിക്കോളൂ. വായു കുമിളകളുണ്ട് എന്നു തോന്നിയാല്‍ ദ്വാരത്തില്‍, മഷി താഴെ ഹെഡില്‍ കുറച്ചു കിനിഞ്ഞു വരത്തക്കവിധം വായമര്‍ത്തി ഊതുക. അതു കഴിഞ്ഞ് മഷി കട്ട പിടിച്ച് ഇരിക്കാത്തവിധം ഹെഡ് നന്നായി ക്ലീന്‍ ചെയ്യണം. തുടര്‍ന്നുപയോഗിക്കാന്‍ സിറിഞ്ച് മഷി കട്ട കെട്ടാതെ സൂക്ഷിച്ചു വെക്കണം.

കടപ്പാട് : എനിക്ക് ഈ വിദ്യ വിശദമായി ഡെമോ ചെയ്തു തന്നെ വേങ്ങൂര്‍ ഹൈസ്കൂളിലെ അജിത്ത് മാസ്റ്റര്‍ക്ക്.
അനുബന്ധം:
ലേസര്‍ ജെറ്റ് പ്രിന്ററുകള്‍ 3000 പേജുകള്‍ കഴിഞ്ഞ് പ്രിന്റെടുക്കാന്‍ കഴിയാതെ ബ്ലോക്കായിരിക്കുന്നതും നമുക്ക് എളുപ്പത്തില്‍ ശരിയാക്കിയെടുക്കാം.

1.വിന്‍ഡോസ് ഉള്ള ഒരു സിസ്റ്റത്തില്‍ പ്രിന്റര്‍ ഇന്‍സ്റ്റാള്‍ ചെയ്യുക.
2.ഇനി മാത്സ് ബ്ലോഗിന്റെ ഡൗണ്‍ലോഡ്സില്‍ നിന്നും ഇതു സംബന്ധിച്ച ഫോള്‍ഡര്‍ എടുക്കുക. ഇതിലെ ഉള്ളടക്കം മാത്രം വിന്‍ഡോസ് ഡെസ്ക്ക്ടോപ്പില്‍ പേസ്റ്റു ചെയ്തു അതിലുള്ള .dat ഫയലിനെ .exe ആയി പുനര്‍നാമകരണം ചെയ്യുക.
3.ഇനി ഈ ഫയലുകളുടെ കൂടെയുള്ള നിര്‍ദ്ദേശങ്ങള്‍ മുഴുവന്‍ ഒരു തവണ വായിച്ചു കഴിഞ്ഞ ശേഷം മാത്രം ഓരോന്നായി ചെയ്തു നോക്കുക. പതുക്കെ എന്നതു മറക്കരുത്. വിജയിക്കും തീര്‍ച്ച. ഹോ, കഴിഞ്ഞതോ കഴിഞ്ഞു, ഇനി ഒരു തവണ കൂടെ വിന്‍ഡോസ് ഉപയോഗിക്കാതിരിക്കുക. ആ സിസ്റ്റം ഫോര്‍മാറ്റു ചെയ്തു ശുദ്ധി വരുത്തിയാല്‍ വളരെ നന്നായി.
പ്രദീപ് മാട്ടറ


Read More | തുടര്‍ന്നു വായിക്കുക

മലയാളം പരീക്ഷയെ നേരിടാം..............പേടിയില്ലാതെ !!!

>> Thursday, February 10, 2011


പരീക്ഷാ ഹാളിലേക്ക് നടന്നെത്താന്‍ ഇനി ഏതാനും ദിവസങ്ങള്‍ മാത്രമല്ലേയുള്ളൂ. ആദ്യമായി പൊതുപരീക്ഷയെഴുതുവാന്‍ പോകയല്ലേ. അങ്കലാപ്പ് നിസ്സാരമല്ലെന്നറിയാം. എന്താണ് ചോദിക്കുക?. എങ്ങനെയാണ് ഉത്തരമെഴുതുക?. ഇതിനിടെ പഠിച്ചു തീര്‍ക്കാന്‍ എത്ര വിഷയങ്ങളാണുള്ളത്. ഓരോന്നും ഓരോ തരമാണ്. മലയാളം പോലെയല്ല ഇംഗ്ലീഷും ഹിന്ദിയും. ഇവയൊന്നും പോലെയല്ല കണക്കും സയന്‍സും. സോഷ്യല്‍ സയന്‍സ് മറ്റൊരു വഴി. ആകെക്കൂടി ഒരു കുഴമറിച്ചിലാണ്. ചോദ്യങ്ങള്‍ ഏതു തരത്തിലുള്ളതായിരിക്കുമെന്നും ഉത്തരമെഴുതേണ്ടത് എങ്ങനെയാണെന്നും ആരെങ്കിലും പറഞ്ഞു തന്നിരുന്നെങ്കില്‍ ആശ്വാസമായേനെ. അല്ലേ.......... തുടക്കം നന്നായാല്‍ മറ്റെല്ലാം നന്നാവുമെന്നല്ലേ കാരണവന്മാര്‍ പറയാറ്. ആദ്യപരീക്ഷയായ മലയാളത്തെക്കുറിച്ച് കുറച്ചു കാര്യങ്ങളറിഞ്ഞാല്‍ നല്ലതല്ലേ. നമുക്ക് ഒന്നു ശ്രമിച്ചാലോ. മലയാളം പരീക്ഷയുടെ റിവിഷന്‍ നടത്തേണ്ടതെങ്ങനെയെന്നതിനെക്കുറിച്ച് വരാപ്പുഴ എച്ച്.ഐ.ബി.എച്ച്.എസിലെ മലയാളം അധ്യാപകനും സംസ്ഥാന റിസോഴ്സ് ഗ്രൂപ്പില്‍ അംഗവുമായ ജോസ് ഫിലിപ്പ് സാര്‍ തയ്യാറാക്കിയ ലേഖനം വിദ്യാര്‍ത്ഥികള്‍ക്ക് വളരെ ഗുണം ചെയ്യും. വര്‍ഷങ്ങളായി പാഠപുസ്തകത്തിന്റേയും അധ്യാപകസഹായിയുടേയും ചോദ്യപേപ്പറുകളുടേയുമൊക്കെ നിര്‍മ്മാണത്തില്‍ സഹകരിക്കുന്നയാളാണ് അദ്ദേഹം. താഴെയുള്ള ലിങ്കില്‍ അദ്ദേഹം തയ്യാറാക്കിയ ഒരു മാതൃകാ ചോദ്യപേപ്പറും നല്‍കിയിട്ടുണ്ട്.

ഓരോ പാഠവും ആവര്‍ത്തിച്ച് പഠിക്കുന്നതിനേക്കാള്‍ കുറച്ചുകൂടി എളുപ്പമല്ലേ സമാന സ്വഭാവമുള്ള പാഠങ്ങള്‍ താരതമ്യപ്പെടുത്തി പഠിക്കുന്നത്. ഒന്നു പരീക്ഷിച്ചാലോ. രാവണന്‍, മൂന്നു പണ്ഡിതന്മാര്‍, മഗ്ദലന മറിയം, ജോഗി, ഇന്ദ്രദ്യുമ്‌നന്‍ എന്നിവരെല്ലാം ആപത്തില്‍ പെട്ടവരല്ലേ. ഒന്നു താരതമ്യപ്പെടുത്തി നോക്കൂ. ആരോടെല്ലാമാണ് നമുക്ക് അനുകമ്പ തോന്നുന്നത്.? ആരോടെല്ലാം ദേഷ്യം തോന്നുന്നു.? മരണത്തെ മുന്നില്‍കാണുന്ന ജോഗിയുടെയും, ഇന്ദ്രദ്യുമ്‌നന്റെയും പ്രതികരണങ്ങളെങ്ങനെയാണ് ? സമാനമായ അവസ്ഥയില്‍ പെട്ട രാവണനോ ? ഒന്നു കുറിച്ചു നോക്കുക. ജോഗിയെയും മഗ്ദലനമറിയത്തെയും അപകടത്തില്‍ പെടുത്തിയതാരാണ്?

കാവലും ലോകാവസാനവും തമ്മില്‍ താരതമ്യപ്പെടുത്തി നോക്കൂ.? അവതരണരീതി, ഭാഷ, കഥാപാത്രങ്ങള്‍, പ്രമേയം എന്നിവയില്‍ സാമ്യമുണ്ടോ? മുണ്ടശ്ശേരിയുടെ ഹിമാലയവും, അഴീക്കോടിന്റെ ഹിമാലയവും ഒന്നാണോ.? വിന്ധ്യഹിമാലയങ്ങള്‍ക്കിടയില്‍, അന്നത്തെ നാടകം, പിന്‍നിലാവില്‍ എന്നിവ അനുഭവക്കുറിപ്പുകളാണ്. ആദ്യത്തേത് യാത്രാനുഭവക്കുറിപ്പ്. മറ്റു രണ്ടും ജീവിതാനുഭവ കുറിപ്പകള്‍. ഇവ ഏതെല്ലാം കാര്യങ്ങളിലാണ് വ്യത്യാസപ്പെട്ടിരിക്കുന്നത്.?

അന്നും ഇന്നും പഴയ കാലത്തിന്റെ മഹത്വത്തെക്കുറിച്ച് അഭിമാനിക്കുന്ന കവിതയാണ്. ഓര്‍മ്മയുടെ മാധുര്യത്തില്‍ പഴയതിന്റെ തുടര്‍ച്ചയായി തന്റെ ജീവിതം തുടരണമെന്ന് ആഗ്രഹിക്കുന്ന നളിനിയുടെ ചിന്തകളും വാക്കുകളുമാണ്. പഴയകാലം തെറ്റായിരുന്നു,അതൊരിക്കലും തിരിച്ചുവരല്ലേ എന്ന് പ്രാര്‍ത്ഥിക്കുന്ന മഗ്ദലന മറിയത്തെയാണ് നാം കാണുന്നത്. മൂന്നു കവിതകളും താരതമ്യപ്പെടുത്തിയാല്‍ എളുപ്പമാവില്ലേ. നമ്മുടെ ജീവിതത്തിലും ഈ മൂന്നു കാര്യങ്ങളല്ലേയുള്ളൂ. അഭിമാനം തോന്നുന്ന ഇന്നലെകള്‍.! ആവര്‍ത്തിക്കണമെന്നാഗ്രഹിക്കുന്ന ഇന്നെലകള്‍ !. ഒരിക്കലും ആവര്‍ത്തിക്കരുതെന്നാഗ്രഹിക്കുന്ന ഇന്നലെകള്‍.!.

മൂന്നു പണ്ഡിതന്മാരിലെ വിദൂഷകനും, അന്നത്തെ നാടകത്തിലെ വിദൂഷകനും തമ്മില്‍ ഒന്നു താരതമ്യപ്പെടുത്തിയാല്‍ പോരേ നാടകവേദിയുടെ വളര്‍ച്ചയും വികാസവും ബോധ്യപ്പെടാന്‍? എഴുത്തച്ഛന്‍, എം ആര്‍ ബി, വിതയ്ക്കാം മാനവികതയുടെ വിത്തുകള്‍ എന്നിവ ഒരുമിച്ചു വിലയിരുത്തിയാല്‍ പഠിക്കാനും ഓര്‍ത്തിരിക്കാനും എളുപ്പമാവും.

പുതപ്പാട്ടിലെ പൂതവും, കലിയും തമ്മില്‍ ഏതെല്ലാം കാര്യങ്ങളിലാണ് സാമ്യമുള്ളത് ?. പൂതവും കലിയും മൂന്നു പണ്ഡിതന്മാരും ചേര്‍ന്നാണോ പഥികന്റെ പാട്ടിലെ അവസ്ഥ നാട്ടിലുണ്ടാക്കിയത്? ഈ അവസ്ഥയില്‍ നിന്ന് രക്ഷനേടാന്‍ വിഷുക്കണിയിലെ സന്ദേശം നമ്മെ സഹായിക്കുമോ? വിഷുക്കണിയും ഗജേന്ദ്രമോക്ഷവും തമ്മില്‍ എന്താണ് ബന്ധം? ഗജേന്ദ്രമോക്ഷം എങ്ങനെയാണ് ആധുനിക കവിതയായത്. പരിസ്ഥിതിക്കവിതയെന്ന നിലയില്‍ അതിനെ വിലയിരുത്താന്‍ കഴിയുമോ ?

നോവലിന്റെ ചരിത്രവും കവിതയുടെ ചരിത്രവും തമ്മില്‍ താരതമ്യപ്പെടുത്താനാവുമോ. ഇനി ബാക്കി രണ്ടു മൂന്നു പാഠങ്ങളല്ലേയുള്ളൂ. ചന്ദനം നേരായിത്തീര്‍ന്ന കിനാവുകള്‍, വെണ്ണക്കല്ലിന്റെ കഥ, പ്രലോഭനം, മേഘരൂപന്‍, എന്നിവ. പാഠങ്ങള്‍ ശരിയായി മനസ്സിലാക്കിയ ശേഷം ഈ രീതിയില്‍ റിവിഷന്‍ നടത്തിയാല്‍ പരീക്ഷ വളരെയെളുപ്പമാകും. ശ്രമിച്ചു നോക്കൂ. പാഠങ്ങള്‍ കൃത്യമായി ഓര്‍ത്തിരിക്കാനും വ്യത്യസ്ത സാഹചര്യങ്ങളില്‍ അനുയോജ്യമായ വിധത്തില്‍ ഉപയോഗിക്കാനും ഈ രീതി പ്രയോജനപ്പെട്ടേക്കും. ഇനിയൊരു ചോദ്യപേപ്പര്‍ മാതൃക കൂടിയാവാം അല്ലേ.! താഴെയുള്ള ലിങ്കില്‍ നിന്നും ഡൗണ്‍ലോഡ് ചെയ്തെടുത്തോളൂ.

Click here to download the steps to answer a question
Click here to download the SSLC Malayalam Model Question Paper


Read More | തുടര്‍ന്നു വായിക്കുക

SSLCquestionpaper 2012

>> Wednesday, February 9, 2011

STD X Maths Questions

SSLC Model Questions
ഓരോ ലേഖനത്തിനും ഒടുവിലായി ചോദ്യപേപ്പറുകള്‍ കാണാം.



Tags : SSLC Question Paper * SCERT Model Question Paper * SCERT Question Bank*
എസ്.എസ്.എല്‍.സി ചോദ്യപേപ്പര്‍ * എസ്.ഇ.ആര്‍.ടി.മോഡല്‍ ചോദ്യപേപ്പര്‍ * Malayalam English Hindi Physics Chemistry Biology Social Science Mathematics Information Technology IT Practical Theory * Christmas Question Paper 2012 * Work sheet * DIET * Questions and Answers High School HS Question Paper SSLCQUESTIONPAPER sslcquestionpaper
SSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaper


Read More | തുടര്‍ന്നു വായിക്കുക

SSLC Question Paper 2012

STD X Maths Questions

SSLC Model Questions
ഓരോ ലേഖനത്തിനും ഒടുവിലായി ചോദ്യപേപ്പറുകള്‍ കാണാം.



Tags : SSLC Question Paper * SCERT Model Question Paper * SCERT Question Bank*
എസ്.എസ്.എല്‍.സി ചോദ്യപേപ്പര്‍ * എസ്.ഇ.ആര്‍.ടി.മോഡല്‍ ചോദ്യപേപ്പര്‍ * Malayalam English Hindi Physics Chemistry Biology Social Science Mathematics Information Technology IT Practical Theory * Christmas Question Paper 2012 * Work sheet * DIET * Questions and Answers High School HS Question Paper SSLCQUESTIONPAPER sslcquestionpaper
SSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaperSSLCQUESTIONPAPER sslcquestionpaper


Read More | തുടര്‍ന്നു വായിക്കുക

റോഡ് ഷോ എന്ത്? എങ്ങനെ? വീഡിയോയും ചിത്രങ്ങളും

>> Thursday, February 3, 2011




അധ്യാപകര്‍ക്ക് സൗജന്യനിരക്കില്‍ ലാപ്​ടോപ് / നെറ്റ്ബുക്ക് വിതരണം ചെയ്യുന്നതിനു മുന്നോടിയായുള്ള 'റോഡ്ഷോ' (പ്രദര്‍ശനം) എന്താണെന്നും എങ്ങനെയാണെന്നും കണ്ട് മനസ്സിലാക്കാനാകുന്ന രണ്ടര മിനിറ്റ് ദൈര്‍ഘ്യമുള്ള വീഡിയോയാണ് മുകളില്‍ നല്‍കിയിരിക്കുന്നത്. പ്ലേ ബട്ടണില്‍ ക്ലിക്ക് ചെയ്ത് ഈ വിഡീയോ കാണാന്‍ കഴിയും. ഫെബ്രുവരി നാലാം തീയതി വെള്ളിയാഴ്ച എറണാകുളം ജില്ലക്കാര്‍ക്കു വേണ്ടിയുള്ള ബുക്കിങ്ങോടുകൂടെ ഇടപ്പള്ളി റീജിയണല്‍ റിസര്‍ച്ച് സെന്ററില്‍ (ആര്‍ട്ടിസ്റ്റ് ഹാള്‍) ഉത്ഘാടനം ചെയ്യപ്പെട്ടു. തുടര്‍ന്നുള്ള ദിവസങ്ങളില്‍ മറ്റു ജില്ലക്കാര്‍ക്കും അവരുടെ ജില്ലാ ആസ്ഥാനങ്ങളില്‍ വെച്ച് പ്രദര്‍ശനവും ബുക്കിങ്ങും നടക്കും. പ്രദര്‍ശന ഷെഡ്യൂളിനെക്കുറിച്ചും റോഡ്ഷോയിലേക്ക് ബുക്കിങ്ങിനായി പോകുന്ന അധ്യാപകര്‍ കൊണ്ടു പോകേണ്ട രേഖകളെപ്പറ്റിയും താഴെ സൂചിപ്പിട്ടുണ്ട്. വായിച്ചു നോക്കുമല്ലോ. റോഡ് ഷോയുടെ ചിത്രങ്ങളും താഴെ നല്‍കിയിരിക്കുന്നു.

എന്താണ് റോഡ് ഷോ?

ഐടി@സ്ക്കൂള്‍ സര്‍ക്കുലറില്‍ പറഞ്ഞിട്ടുള്ള ലാപ്​ടോപും നെറ്റ്ബുക്കും നമുക്ക് നേരിട്ട് കണ്ട് ബോധ്യപ്പെടുന്നതിന് അവസരമൊരുക്കുന്ന പ്രദര്‍ശനമാണ് റോഡ് ഷോ. എല്ലാ ജില്ലയിലും എവിടെയെങ്കിലും ഒരിടത്തായിരിക്കും പ്രദര്‍ശനം സംഘടിപ്പിക്കുക. എറണാകുളത്ത് ഓരോ സബ്​ജില്ലയിലേയും അധ്യാപകര്‍ക്ക് സമയക്രമം തീരുമാനിച്ചിട്ടുണ്ടായിരുന്നു. ടൈം ഷെഡ്യൂള്‍ അനുസരിച്ച് ഓരോ സബ്​ജില്ലയിലേയും അധ്യാപകര്‍ റോഡ്ഷോ (പ്രദര്‍ശനസ്ഥലം) നടക്കുന്ന സ്ഥലത്ത് എത്തുകയായിരുന്നു. എറണാകുളം ജില്ലയിലെ എല്ലാ സബ്​ജില്ലയിലെയും അധ്യാപകര്‍ക്കു വേണ്ടി ഐടി@സ്ക്കൂളിന്റെ പ്രൊജക്ട് ഓഫീസില്‍ ആയിരുന്നു റോഡ്ഷോ സംഘടിപ്പിക്കപ്പെട്ടത്. പ്രദര്‍ശനഹാളിനു മുന്നിലെ ഐടി@സ്ക്കൂളിന്റെ രജിസ്ട്രേഷന്‍ കൗണ്ടറില്‍ ഫോം നല്‍കി ജില്ലാ കോഡിനേറ്ററെക്കൊണ്ട് അപേക്ഷയില്‍ (അനെക്സര്‍ 3) സാക്ഷ്യപ്പടുത്തി ടോക്കണ്‍ വാങ്ങി. വിപ്രോ, ചിരാഗ്, എച്ച്.സി.എല്‍ തുടങ്ങിയ കമ്പനികളുടെ ലാപ്​ടോപ്പും നെറ്റ്ബുക്കും പ്രദര്‍ശനത്തിന് വെച്ചിരുന്നു. ഓരോ കമ്പനികളുടേയും സ്റ്റാള്‍ സന്ദര്‍ശിക്കുന്നതിനും സര്‍ക്കുലറില്‍ പറഞ്ഞിട്ടുള്ള സ്പെസിഫിക്കേഷനിലുള്ള അവരുടെ ഉല്പന്നം ഉപയോഗിച്ചു നോക്കുന്നതിനും കമ്പനിയുടെ റെപ്രസന്റേറ്റീവുകളോട് സംസാരിച്ച് അതേക്കുറിച്ച് കൂടുതല്‍ മനസ്സിലാക്കുന്നതിനും അവസരമുണ്ടായിരുന്നു. അവരുടെ സ്പെസിഫിക്കേഷന്‍ പ്രിന്റ് ചെയ്തത് നമുക്ക് നല്‍കുകയും ചെയ്യും. ഐടി@സ്ക്കൂളുമായി ഉടമ്പടിയുള്ളതു കൊണ്ടു തന്നെ മൂന്ന് കമ്പനികളുടേയും ഉല്പന്നത്തിന് ഒരേ വിലയായിരിക്കും. ലാപ്​ടോപ്പിലും നെറ്റ് ബുക്കിലും എഡ്യു-ഉബുണ്ടു ലോഡ്ചെയ്തിട്ടുണ്ടാകും. കണ്ട് ഇഷ്ടപ്പെട്ട ഉല്പന്നം ഏത് കമ്പനിയുടേതാണോ അവരുടെ കൗണ്ടറില്‍ 1500 രൂപ അടച്ച് ഉല്പന്നം ബുക്കു ചെയ്യാം. ഓണ്‍ലൈനായി ബുക്കു ചെയ്തപ്പോള്‍ ഉള്ള ഉല്പന്നം തന്നെ വാങ്ങണമെന്ന് യാതൊരു നിര്‍ബന്ധവുമില്ല. നമുക്ക് ഏതൊന്ന് വേണമെങ്കിലും തെരഞ്ഞെടുക്കാന്‍ അവസരമുണ്ട്.



ശ്രദ്ധിക്കേണ്ട കാര്യങ്ങള്‍

  • ഉല്പന്നം ആരുടെ പേരിലാണോ വാങ്ങുന്നത് അവര്‍ നേരിട്ട് ചെന്ന് ഒപ്പിട്ടു കൊടുക്കണം. പകരക്കാരനെ വിടാന്‍ സാധിക്കില്ലെന്ന് ചുരുക്കം. അതു കൊണ്ട് തന്നെ ഒരു സ്ക്കൂളിലെ എല്ലാ അപേക്ഷകളുമായി ഒരാള്‍ ചെന്നാല്‍ സമ്മതിക്കുകയുമില്ല.
  • സര്‍ക്കുലറിലെ അനക്സര്‍ 3) പ്രധാനാധ്യാപകന്‍ സാക്ഷ്യപ്പെടുത്തിയതും അതിന്റെ രണ്ട് കോപ്പിയും, നിങ്ങളുടെ ഫോട്ടോ പതിച്ച ഏതെങ്കിലും ഐഡി കാര്‍ഡിന്റെ കോപ്പിയും റോഡ്ഷോയ്ക്ക് വരുമ്പോള്‍ നിര്‍ബന്ധമായും കൊണ്ടുവരണം.
  • അപേക്ഷ ഐടി@സ്ക്കൂളിന്റെ രജിസ്ട്രേഷന്‍ കൗണ്ടറില്‍ നല്‍കി ജില്ലാ കോഡിനേറ്ററുടെ സാക്ഷ്യപ്പെടുത്തലോടെ ഒപ്പിട്ട് ടോക്കണ്‍ വാങ്ങുകയും വേണം.
  • ഓണ്‍ലൈനില്‍ ബുക്കു ചെയ്യാത്തവര്‍ക്കും ഈ രജിസ്ട്രേഷന്‍ കൗണ്ടറില്‍ അപേക്ഷ നല്‍കി ഡോക്കിറ്റ് നമ്പര്‍ വാങ്ങാം.
  • എല്ലാം കണ്ട് ബോധ്യപ്പെട്ട് ബുക്കു ചെയ്യണമെന്നു തോന്നിയാല്‍ 1500 രൂപ കമ്പനിയുടെ ക്യാഷ് കൗണ്ടറില്‍ അടച്ച് രശീത് വാങ്ങണം. ഉല്പന്നം നമുക്കു ലഭിക്കുന്ന സമയം (മാര്‍ച്ച് മാസത്തോടെയായിരിക്കുമെന്നു കരുതാം) ബാക്കി നല്‍കേണ്ട തുകയുടെ ഡി.ഡിയോടൊപ്പം ഈ രശീത് കൂടി കാണിക്കണമത്രേ. അത് കൊണ്ട് രശീതി സൂക്ഷിച്ചു വെച്ചേ പറ്റൂ.
  • ഒരാള്‍ക്ക് നെറ്റ്​ബുക്ക്, ലാപ്​ടോപ്പ് ഇവയില്‍ ഏതെങ്കിലും ഒന്ന് മാത്രമേ ബുക്കു ചെയ്യാന്‍ കഴിയൂ.
  • ബുക്ക് ചെയ്ത ശേഷം ഉത്പ്പന്നം വേണ്ടെന്നു വെച്ചാല്‍ 1500 രൂപ തിരികേ ലഭിക്കുന്നതല്ല

പ്രദര്‍ശന ഷെഡ്യൂള്‍

    8,9,10 ന് മലപ്പുറം,പത്തനംതിട്ട,കാസര്‍കോഡ്
  • മലപ്പുറം ജില്ലയിലെ റോഡ്ഷോ-സബ്​ജില്ല, സമയക്രമം അനുസരിച്ച്
    Venue : DRC, Malappuram

    8-2-11
    MELATTUR - 10 AM.
    WANDOOR - 11.30 AM
    NILAMBUR - 2 PM
    TANUR - 3 PM
    AREACODE 4 PM

    9-2-11
    TIRUR - 9.30 AM.
    PARAPPANANGADI - 11 AM.
    KUTTIPPURAM - 12 AM.
    EDAPPAL - 2 PM
    PONNANI - 3 PM
    VENGARA - 4 PM

    10-2-11
    PERINTHALMANNA - 9.30 AM
    MANKADA - 11 AM.
    MANJERI - 12 AM.
    KIZHSEERI - 2 PM
    KUNDOTTY - 3 PM.
    MALAPPURAM - 4 PM

  • 12,13,14 ന് തിരുവനന്തപുരം, പാലക്കാട്, കോഴിക്കോട്
  • കോഴിക്കോട് ജില്ലയിലെ റോഡ്ഷോ-സബ്​ജില്ല, സമയക്രമം അനുസരിച്ച്
    Venue :IT@SCHOOL PROJECT OFFICE,CIVIL STATION, CALICUT

    12-02-2011 SATURDAY

    KOYILADY                    09.30 AM
    MELADI                        09.30 AM
    VATAKARA                   11.30 AM
    CHOMBALA                  11.30 AM
    THODANNUR               11.30 AM
    NADAPURAM               02.00 PM
    KUNNUMMEL              02.00 PM

    13-02-2011 SUNDAY

    KUNNAMANGALAM     09.30 AM
    MUKKAM                       09.30 AM
    PERAMBRA                   12.00 NOON
    THAMARASSERI           12.00 NOON
    BALUSSERI                   02.30 PM
    KODUVALLY                  02.30 PM

    14-02-2011 MONDAY

    KOZHIKODE CITY         09.30 AM
    KOZHIKODE RURAL     12.00 NOON
    FEROKE                         12.00 NOON
    CHEVAYUR                    02.30 PM

  • 16,17,18 ന് കൊല്ലം, ഇടുക്കി, തൃശ്ശൂര്‍, കണ്ണൂര്‍
  • 19,20,21 ന് ആലപ്പുഴ, കോട്ടയം, വയനാട്
സമയക്രമം പ്രിന്റെടുക്കാന്‍ പാകത്തില്‍ ഇവിടെയുണ്ട് ഓണ്‍ലൈനായി രജിസ്റ്റര്‍ ചെയ്തപ്പോള്‍ കിട്ടിയ ഡോക്കറ്റ് നമ്പര്‍ രേഖപ്പെടുത്തിയ സര്‍ട്ടിഫിക്കറ്റ് (സര്‍ക്കുലറിലെ അനക്സര്‍ 3) പ്രധാനാധ്യാപകന്‍ സാക്ഷ്യപ്പെടുത്തിയതും അതിന്റെ രണ്ട് കോപ്പിയും, നിങ്ങളുടെ ഫോട്ടോ പതിച്ച ഏതെങ്കിലും ഐഡി കാര്‍ഡിന്റെ കോപ്പിയും റോഡ്ഷോയ്ക്ക് വരുമ്പോള്‍ നിര്‍ബന്ധമായും കൊണ്ടുവരണമെന്നത് മറക്കരുതേ. മലയാളത്തിലുള്ള സര്‍ക്കുലര്‍ ഇവിടെ. നെറ്റ്ബുക്കിന്റേയും ലാപ്​ടോപ്പിന്റേയും സ്പെസിഫിക്കേഷനുകളും മറ്റുള്ള വിശദാംശങ്ങളും സര്‍ക്കുലറില്‍ വിശദമായി ഉണ്ട്.)


Read More | തുടര്‍ന്നു വായിക്കുക

സെന്‍സസ് ഡ്യൂട്ടിയുള്ളവര്‍ക്ക് വേണ്ടി (updated)

>> Wednesday, February 2, 2011


ഫെബ്രുവരി അഞ്ചു മുതല്‍ സെന്‍സസിന്റെ രണ്ടാം ഘട്ടം തുടങ്ങുകയാണല്ലോ. ഇതേക്കുറിച്ചുള്ള സര്‍ക്കുലര്‍ നമ്മുടെ ഡൗണ്‍ലോഡ്സ് പേജിലെ 31-01-2010 എന്ന തീയതിയില്‍ നല്‍കിയിരുന്നത് കണ്ടിരിക്കുമല്ലോ. അതില്‍ സെന്‍സസ് ഡ്യൂട്ടി സമയത്തെക്കുറിച്ചെല്ലാം സൂചിപ്പിച്ചിട്ടുണ്ട്. സെന്‍സസ് ഡ്യൂട്ടിയ്ക്ക് നിയോഗിക്കപ്പട്ടവരില്‍ മറ്റു വകുപ്പുകളില്‍ നിന്നുള്ളവരും ഉണ്ടെങ്കിലും ഭുരിപക്ഷവും അദ്ധ്യാപകര്‍ തന്നെയാണ്. "സെന്‍സസിന്റെ ആദ്യഘട്ടം മധ്യവേനലവധിക്കാലത്തായിരുന്നു. അതു കൊണ്ടു തന്നെ ബുക്കു വായിച്ചു പഠിക്കാന്‍ നേരമുണ്ടായിരുന്നു. ഇത് പക്ഷെ പരീക്ഷക്കാലത്താണ്. പോര്‍ഷന്‍ തീര്‍ക്കാന്‍ നെട്ടോട്ടമോടുന്ന ഈ സമയത്ത് സെന്‍സസ് ബുക്കൊക്കെ നോക്കി പഠിക്കാന്‍ സമയം കിട്ടുമോ എന്തോ..?" സെന്‍സസ് ട്രെയിനിങ്ങില്‍ പങ്കെടുക്കവ ഉയര്‍ന്നു കേട്ട ഈ അഭിപ്രായമാണ് ഈ പോസ്റ്റ് തയാറാക്കവെ മനസ്സിലേക്കോടിയെത്തുന്നത്. സെന്‍സസിന്റെ ഭാഗമായ 'സംക്ഷിപ്തവീടുപട്ടിക (AHL) പുതുക്കല്‍', കുടുംബവിവരപ്പട്ടിക (Household Schedule) എന്നിവയുമായി ബന്ധപ്പെട്ട ഒരു സെന്‍സസ് ക്യാപസ്യൂളാണ് ഇന്ന്. കൊല്ലം ജില്ലയിലെ വാളത്തുങ്കല്‍ ഗവണ്‍വെന്റ് ഗവ.വി.എച്ച്.എസ്.എസിലെ ഗണിതാധ്യാപകനായ ഷാജിദാസ് സാര്‍ ഏറെ സമയമെടുത്ത് ഇത് തയാറാക്കി അയച്ചിരിക്കുന്നത്. താഴെയുള്ള ലിങ്കില്‍ നിന്നും അത്യാവശ്യം ശ്രദ്ധിക്കേണ്ട കാര്യങ്ങള്‍ ഉള്‍ക്കൊള്ളിച്ചു കൊണ്ടുള്ള സെന്‍സസ് ടിപ്സിന്റെ പി.ഡി.എഫ് കോപ്പി ഡൌണ്‍ലോഡ് ചെയ്തെടുക്കാം. കൂടാതെ കോട്ടയം ജില്ലയിലെ രാമപുരം സെന്റ് അഗസ്റ്റിന്‍സ് എച്ച്.എസ്.എസിലെ ഫിസിക്സ് വിഭാഗം അധ്യാപകനായ ഷാജി സി. ചെറുകാട് അയച്ചു തന്ന ഹെല്‍പ്പുകളും ഉള്‍പ്പെടുത്തിയിട്ടുണ്ട്.

സംക്ഷിപ്തവീടുപട്ടിക (AHL) പുതുക്കല്‍


1. ഭാഗം 2 ലെ ഒരു കുടുംബം താമസം മാറിയാല്‍ 5 മുതല്‍ 8 വരെയുള്ള വിവരങ്ങള്‍ വെട്ടി റിമാര്‍ക്‌സില്‍ “കുടുംബം ഒഴിഞ്ഞുപോയി”എന്ന് രേഖപ്പെടുത്തണം.

2. ഒരു കെട്ടിടം അല്ലെങ്കില്‍ സെന്‍സസ് വീട് ഇപ്പോള്‍ നിലവിലില്ലെങ്കില്‍ 3 മുതല്‍ 8 വരെയുള്ളവിവരങ്ങള്‍ വെട്ടിക്കളയുക.

3. ഒരു കുടുംബം മാറി മറ്റൊരു കുടുംബം താമസം തുടങ്ങിയാല്‍ 7ാംകോളത്തില്‍ കുടുംബനാഥന്റെ പേര് മാറ്റുക.

4. ഒരു സെന്‍സസ് വീടിന്റെ ഉപയോഗം മാറിയാല്‍ 5ാം കോളത്തില്‍ മാറ്റം വരുത്തുക. കുടുംബനാഥന്‍ മാറിയാല്‍ 7ാം കോളത്തില്‍ മാറ്റം വരുത്തുക.

5. ഒഴിഞ്ഞുകിടന്നതോ താമസേതര ഉപയോഗത്തിലുള്ളതോ ആയ ഒരുസെന്‍സസ് വീട്ടില്‍പുതിയകുടുംബം താമസമായാല്‍ 4,5 കോളങ്ങള്‍ വെട്ടി റിമാര്‍ക്‌സില്‍ സൂചിപ്പിച്ച് ഭാഗം 3-ല്‍ ഉള്‍പ്പെടുത്തുക.

6. ഭാഗം 2ല്‍ ഉള്‍പ്പെട്ടിട്ടില്ലാത്ത ഒരു പുതിയ കെട്ടിടം 15 നും16നുമിടയില്‍ ഉണ്ടായാല്‍ ഭാഗം 3-ല്‍ 15/1 എന്ന് നമ്പര്‍ നല്‍കി ഉള്‍പ്പെടുത്തണം.

7. ഭാഗം 2ലെ ഒരു കെട്ടിടത്തില്‍ പുതിയ ഒരു സെന്‍സസ് വീട് കൂടി വന്നാല്‍ 4ാംകോളത്തില്‍ മാറ്റംവരുത്തി പുതിയസെന്‍സസ് വീടിന്റെ വിവരം ഭാഗം 3ല്‍രേഖപ്പെടുത്തണം.പുതിയ സെന്‍സസ്‌വീടിന് നമ്പര്‍ കൊടുക്കുമ്പോള്‍ ബ്രാക്കറ്റ് ഉപയോഗിക്കണം.(Eg:-35(1),35(2) etc.)

8. ആള്‍താമസമുള്ള ഒരു സെന്‍സസ് വീട്ടിലേക്ക്പുതിയൊരു കുടുംബം വരികയോ നിലവിലുള്ള കുടുംബം രണ്ടാവുകയോ ചെയ്താല്‍ റിമാര്‍ക്‌സില്‍സൂചിപ്പിച്ച് ഭാഗം 3-ല്‍ ഉള്‍പ്പെടുത്തുക.

9. ഭാഗം 3ലെ 1,8 എന്നീകോളങ്ങള്‍ യഥാക്രമം ഭാഗം 2ലെ 1,8 എന്നീ കോളങ്ങളുടെ തുടര്‍ച്ചയാകണം.

10.ഭവന രഹിതര്‍ നിങ്ങളുടെ എന്യൂമറേഷന്‍ ബ്ലോക്കില്‍ തങ്ങുന്നതായി മനസിലാക്കിയാല്‍ ഭാഗം 4ല്‍ നാലു കോളങ്ങള്‍ പൂരിപ്പിക്കാം.എന്നാല്‍ ഒന്നാം കോളത്തില്‍ ക്രമനമ്പര്‍ 1 എന്ന് തുടങ്ങണം.കൂടാതെ 2011ഫെബ്രുവരി 28ാംതീയതി രാത്രി 7നും11നുമിടയ്ക്ക് അവിടെക്കണ്ടാല്‍ 5ാം കോളത്തില്‍ “കണ്ടു” എന്നെഴുതി 6ാംകോളത്തില്‍കുടുംബത്തിന്റെ ക്രമനമ്പര്‍ ഭാഗം 3ലെ 8ാംകോളത്തിന്റെ തുടര്‍ച്ചയായി നല്‍കുക. കണ്ടില്ല എങ്കില്‍ 5ാം കോളത്തില്‍ “ഇല്ല”എന്നെഴുതി 6ാംകോളത്തില്‍ “-” ഇടുക.

11.ഭാഗം 5 കണക്കെടുപ്പിന്‌ശേഷം എന്യൂമറേറ്റര്‍ സംഗ്രഹത്തില്‍ നിന്നും പൂരിപ്പിക്കണം.

കുടുംബവിവരപ്പട്ടിക (Household Schedule)


12. ഒരുകുടുംബത്തിലെ ഓരോവ്യക്തിയെസംബന്ധിച്ചും1മുതല്‍6വരെയുള്ള ചോദ്യങ്ങള്‍ക്ക് പൊതുവായ വിവരങ്ങള്‍ ശേഖരിച്ചശേഷം മാത്രം മറ്റ് ചോദ്യങ്ങളിലേയ്ക്ക് കടന്നാല്‍ മതി.

13. Q.4(a) യില്‍ ജനനത്തീയതി അറിയില്ല എങ്കില്‍ “00” എന്ന് കൊടുത്ത് മാസവും വര്‍ഷവും എഴുതിയാല്‍ മതി.

14. Q.4(b) യില്‍ 1/3/2010 നോ അതിന് ശേഷമോ ജനിച്ച ശിശുക്കള്‍ക്ക് ഒരു വയസ്സുപോലും തികയാത്തതിനാല്‍ “000”എന്ന് രേഖപ്പെടുത്തുക.

15. Q.6 ല്‍ അവിവാഹിതര്‍ക്ക് രണ്ട് ചതുരത്തിലും“-”കൊടുക്കുക.

16. Q.7 ല്‍ ലിസ്റ്റില്‍ പെടാത്ത മതമാണെങ്കില്‍ മതത്തിന്റെ പേരെഴുതി ചതുരം 'blank' ആക്കിയിട്ടാല്‍ മതി. “മതമില്ല”എങ്കിലും 'മതമില്ല' എന്നെഴുതി ചതുരം 'blank' ആക്കിയിട്ടാല്‍ മതി..

17. Q.8(a) യില്‍ കോഡ് “1” വന്നാല്‍ Q.7 ല്‍ കോഡ് “1,4,5”ഇതിലേതെങ്കിലും ഒന്നായിരിക്കണം.

18. Q.8(a) യില്‍ കോഡ് “3” വന്നാല്‍ 8(b) യില്‍ “-”ഇടുക.

19. Q.9(a) യില്‍ കോഡ് “1” വന്നാല്‍ 9(b) യില്‍ കോഡ് എഴുതുക-അത് “8” ആണെങ്കില്‍ 9(c) യില്‍ രണ്ട് കോഡൊ പരമാവധി മൂന്ന് കോഡൊ ചേര്‍ക്കാം.രണ്ടാണെങ്കില്‍ മൂന്നാമത്തെ ചതുരത്തില്‍ “-”ഇടുക.

20. Q.12ല്‍ 6 വയസ്സോ അതിന് താഴെപ്രായമുള്ള എല്ലാ കുട്ടികളേയും നിരക്ഷരരായി കണക്കാക്കണം.

21. Q.15ല്‍ കോഡ് “4” വന്നാല്‍ Q.16 മുതല്‍ Q.19 വരെ ബാധകമല്ലാത്തതിനാല്‍“-”ഇടുക

22. Q.15ല്‍ കോഡ് “1,2,3”ഇതിലേതെങ്കിലും ഒന്നായാല്‍ Q.16 മുതല്‍ Q.19വരെ പൂരിപ്പിക്കുമ്പോള്‍ സ്ത്രീകളുടേയും കുട്ടികളുടേയും ജോലിയെപ്പറ്റി വളരെവിശദമായി അന്വഷിക്കണം.

23. Q.18ല്‍ സായുധസേനയില്‍ ജോലിചെയ്യുന്നവര്‍ക്കും അതുപോലുള്ള മറ്റാളുകള്‍ക്കും “സേവനം” എന്നെഴുതിയാല്‍ മതി.

24. Q.23 ജനനസ്ഥലം എന്യൂമറേറ്റ് ചെയ്യപ്പെടുന്ന വില്ലേജ്/പട്ടണത്തിന് പുറത്തുള്ളവരോട് മാത്രം ചോദിച്ചാല്‍ മതി.

25. എന്യൂമറേഷന്‍ ചെയ്യുന്ന വില്ലേജിനോ പട്ടണത്തിനോ പുറത്തുനിന്നും വന്നു താമസിക്കുന്ന എല്ലാ വരോടും 24(a) ഉം 24(b) ഉം ചോദിക്കണം.

26. Q.5 ല്‍ കോഡ്“1”അല്ലാത്ത എല്ലാ സ്ത്രീകളോടും Q.27,28 എന്നിവ ചോദിക്കണം.ഇല്ലഎങ്കില്‍ “0” എന്നും ബാധകമല്ലാത്തവര്‍ക്ക് “-”എന്നും രേഖപ്പെടുത്തണം.

27. Q.5 ല്‍ കോഡ് “2”ആയ സ്ത്രീകളോട് മാത്രം Q.29 ചോദിച്ചാല്‍ മതി.

28. Q.3,4,12 ഇവയുടെ Page total കാണുമ്പോള്‍ “0”കൊടുക്കാതെ ആവശ്യമെങ്കില്‍“-”കൊടുക്കണം.

29. March 1 മുതല്‍ 5 വരെയുള്ള അവസാന പരിശോധനയില്‍ March 1 “00.00”മണിക്ക് മുന്‍പ് നടന്ന ജനനമോ മരണമോ മറ്റെന്തെങ്കിലും മാറ്റമോ മാത്രം പരിഗണിച്ചാല്‍ മതി.

30. Working Sheet പൂരിപ്പിക്കുമ്പോള്‍ സാധാരണ,സ്ഥാപന, ഭവനരഹിത കുടുംബങ്ങള്‍ക്ക് ക്രമനമ്പര്‍ “1”ല്‍ തന്നെ തുടങ്ങണം.

Census Tips(prepared by Shajidas, Kollam)

Census Tips - Malayalam (prepared by Shaji C Cherukadu, Kottayam)
Census Tips - English (prepared by Shaji C Cherukadu, Kottayam)


Read More | തുടര്‍ന്നു വായിക്കുക

മാത്​സ് ബ്ലോഗ് ഇന്നത്തെ രാഷ്ട്രദീപികയില്‍

>> Tuesday, February 1, 2011


(7-2-2011 Page 8 & 9)


വാര്‍ത്ത വ്യക്തമായി വായിക്കുന്നതിന് ചിത്രത്തില്‍ ഡബിള്‍ ക്ലിക്ക് ചെയ്യുക.


Read More | തുടര്‍ന്നു വായിക്കുക

മാത്​സ് ബ്ലോഗിന്റെ ജന്മദിന പസില്‍


ആയിരത്തോളം വരുന്ന ഫോളോവേഴ്സും പതിനാല് ലക്ഷത്തോളം ഹിറ്റുകളും 3500 നോടടുത്ത് അംഗങ്ങളുള്ള SMS ഗ്രൂപ്പും ആയി അധ്യാപകര്‍ക്കൊപ്പം വര്‍ദ്ധിതവീര്യത്തോടെ ചരിക്കുകയാണ് മാത്‍സ് ബ്ലോഗ് ഇന്നും. എന്താണ് ഈ ഊര്‍ജ്ജത്തിന് കാരണം? സമാനചിന്താഗതിക്കാരായ അധ്യാപകര്‍ ഈ സംരംഭത്തിനോട് സഹകരിച്ചതുകൊണ്ട് തുടക്കത്തിലുള്ള ആവേശം പതിന്മടങ്ങ് വര്‍ദ്ധിച്ചിരിക്കുകയാണ് അശ്രാന്തപരിശ്രമികളായ ഞങ്ങളുടെ ടീമംഗങ്ങള്‍ക്ക്. പ്രതിഭാധനരായ ഒട്ടേറെ അധ്യാപക-അധ്യാപകേതര സഹചാരികള്‍. പലരും ഒരു ദിനചര്യപോലെ ഇടപെടുന്നു. വിദേശരാജ്യങ്ങളില്‍ അധ്യാപകര്‍ക്കുള്ളതുപോലെ നമ്മുടെ നാട്ടിലും വിദ്യാഭ്യാസവിഷയം ചര്‍ച്ച ചെയ്യാന്‍ ഒരു സങ്കേതം; അതായിരുന്നു ബ്ലോഗിന്റെ പ്രധാന ഉദ്ദേശം. കേരളത്തിലെ അധ്യാപകര്‍ എന്താണോ ആഗ്രഹിക്കുന്നത്, എന്താണോ അവരറിയേണ്ടത്, അതെല്ലാം സമയാസമയങ്ങളില്‍ നല്‍കുന്നതിന് ഞങ്ങളിന്നോളം ശ്രമിച്ചിട്ടുണ്ട്. അതുതന്നെയാണ് നമ്മുടെ വിജയരഹസ്യവും. ഇതിന് പകരം ഞങ്ങളെന്താണ് ആഗ്രഹിക്കുന്നതെന്ന് അറിയാമല്ലോ. ബ്ലോഗിനെ കൂടുതല്‍ പേരിലേക്കെത്തിക്കുക. അതിനുള്ള സഹകരണം ഏവരില്‍ നിന്നും പ്രതീക്ഷിക്കുന്നു. നന്ദിയും കടപ്പാടും വാക്കുകളില്‍ ഒതുങ്ങുന്നതല്ല. കേവലം ഒരു ആശംസാ പോസ്റ്റ് മാത്രമാക്കാന്‍ ഇന്നത്തെ ദിവസം വിനിയോഗിക്കുന്നില്ല. ഒരു പസില്‍ കൂടിയായാലോ? നോക്കാം.
(തയ്യാറാക്കി അയച്ചു തന്നത് ബ്ലോഗ് ടീമംഗം വിജയന്‍ ലാര്‍വ)

    സാധാരണ കാണാത്ത തിരക്ക് അടുക്കളയില്‍ കണ്ടു കൊണ്ടാണ് മകന്‍ അപ്പു അമ്മയുടെ അടുത്തെത്തിയത്. പതിവില്‍ കവി‍ഞ്ഞ ഒരുക്കം കണ്ടപ്പോള്‍ അപ്പു അമ്പരന്നു. "ഇന്നെന്താണ് വിശേഷം?" അപ്പു ചോദിച്ചു. "എനിക്കുമറിയില്ല. അച്ഛന്റെ നിര്‍ബന്ധമാണ്, ഇന്നൊരു സര്‍പ്രൈസ് ഉണ്ടാക്കണമത്രെ” ! അമ്മ മറുപടിഞ്ഞു. ഭക്ഷണം ഏല്ലാം ഡൈനിംഗ് ടേബിളില്‍ നിരന്നു. അപ്പുവിനെ വിളിച്ചു. അവന്‍ വിളികേട്ടതല്ലാതെ വന്നില്ല. "ഒരുക്കത്തിന്റെ കാരണമറിയാതെ ഏനിക്കുഭക്ഷണം വേണ്ട. അവന്‍ വാശി പിടിച്ചു”. പാവം ..........അനുസരിച്ചുമാത്രം ശീലമുള്ള ഒന്നുമറിയാത്ത..... അമ്മ എന്തുപറയും? ഒടുക്കം അച്ഛന്‍ ‍ഇടപെട്ടു. ഇന്നു ജന്മദിനമാണ്. അതിന്റെ ഒരുക്കമാണ്. "ആവു.......... ഉത്തരം കിട്ടിയല്ലൊ”. വിശന്ന് പൊരിയുന്ന അപ്പു ഭക്ഷണത്തിന് തയ്യാറായി. "ആരുടെ ജന്മദിനം എന്നുപറയാതെ ഞാനും കഴിക്കുന്നില്ല” . അമ്മ നൊടി‌ഞ്ഞു.

"ശരി.ഞാന്‍ ജന്മദിനത്തിന്റെ കാര്യം സൂചിപ്പിക്കുന്ന ഒരു ഗണിതപ്രശ്നം അവതരിപ്പിക്കാം. ആരുടെ ജന്മദിനമെന്ന് ആരെങ്കിലും കണ്ടുപിടിച്ചശേ‍ഷം നമുക്ക് ഒന്നിച്ച് ഭക്ഷണം കഴിക്കാം”.
പ്രശ്നം ഇതാണ് .

"എന്റെപ്രായത്തിന്റെ ആറിലൊന്നാണ് അപ്പുവിന്റെ പ്രായം. ഇന്ന് നമ്മള്‍ മൂന്ന് പേരുടേയും വയസ്സിന്റെ തുക 70. എന്റെപ്രായം അപ്പുവിന്റെ പ്രായത്തിന്റെ ഇരട്ടിയാകുന്ന ദിവസം മൂന്ന് പേരുടേയും വയസ്സിന്റെ തുക ഇന്നത്തെ തുകയുടെ ഇരട്ടിയാകും.”

പൊതുവേ ഗണിതത്തില്‍ മോശമായ അമ്മയും വാശിപിടിച്ച മകനും ഉത്തരം കിട്ടാതെ വിശന്ന് നില്‍ക്കുകയാണ്. അവരെ ആര് സഹായിക്കും?


Read More | തുടര്‍ന്നു വായിക്കുക
♡Copy the contents with due courtsey | Disclaimer