I.T Exam Software Installation

ഐ.ടി പരീക്ഷ ഈ മാസം പതിനേഴാം തീയതി ആരംഭിച്ചിരിക്കുകയാണല്ലൊ.. ഐ.ടി പരീക്ഷയുടെ ഇന്‍സ്റ്റലേഷനുമായി ബന്ധപ്പെട്ട് പല സംശയങ്ങളും ബ്ലോഗിന്‍റെ മെയില്‍ ഐ.ഡി യിലേക്കു വരുന്നുണ്ട്. മുന്‍ പരീക്ഷാ സിഡികളിലെ ഇന്‍സ്റ്റലേഷന്‍ രീതികള്‍ തന്നെയാണ് ഈ വര്‍ഷവും പിന്തുടരുന്നത് എന്നതുകൊണ്ട് ഒരു പ്രത്യേക പോസ്റ്റിന്റെ ആവശ്യമില്ലെന്നാണ് കരുതിയിരുന്നത്. ചില സിസ്റ്റങ്ങളില്‍, യൂസര്‍നാമവും പാസ്‌വേഡും കയറുന്നില്ലെന്നുള്ള പരാതിയാണ് വ്യാപകമായി കണ്ടുവരുന്നത്. പരീക്ഷാ ഇന്‍സ്റ്റലേഷനുശേഷം, സിസ്റ്റം നിര്‍ബന്ധമായും റീബൂട്ട് ചെയ്യണമെന്നോര്‍ക്കുക. എന്നിട്ടും ശരിയായില്ലെങ്കില്‍ ഹോം ഫോള്‍ഡര്‍ തുറന്ന് Controle കീയും h ഉം അടിച്ച് .gconf(ഡോട്ട് ജികോണ്‍ഫ്) എന്ന ഫോള്‍ഡര്‍ ഡിലീറ്റ് ചെയ്ത് സിസ്റ്റം റീബൂട്ട് ചെയ്ത് ശ്രമിക്കാവുന്നതാണ്. Lampp നകത്തെ ആക്ടീവ് ഫോള്‍ഡര്‍ itexamന്റേതുതന്നെയാണോയെന്ന് ഉറപ്പുവരുത്തണം.(OPT യിലെ lampp ഫോള്‍ഡറിനകത്ത് വേര്‍ഷന്‍ എന്നൊരു ഫയല്‍ ഉണ്ട്. അത് തുറന്ന് ഇപ്പോഴത്തെ പരീക്ഷയുടേതാണോ എന്ന് ചെക്കു ചെയ്യാം.) ഇതൊന്നും ശരിയായില്ലെങ്കില്‍, ഉബുണ്ടു 10.04 പുതുതായി ഇന്‍സ്റ്റാള്‍ ചെയ്തു ശ്രമിച്ചാല്‍ ഉറപ്പായും ശരിയാകും.

വിവിധ ഓപ്പറെറ്റിംഗ് സിസ്റ്റങ്ങള്‍ ഉപയോഗിക്കുമ്പോളുള്ള പ്രശ്നങ്ങളാണ് പ്രധാനമായും കണ്ട മറ്റു സംശയങ്ങളുടെ അടിസ്ഥാനം. പരീക്ഷാ സിഡിയോടൊപ്പം ലഭിച്ച യൂസര്‍ മാനുവല്‍ ശരിയായി വായിച്ചാല്‍ തന്നെ പരിഹരിക്കാവുന്ന പ്രശ്നങ്ങള്‍ തന്നെയാണു സംശയങ്ങളില്‍ ഭൂരിഭാഗവും.

താഴെ കൊടുത്തിരിക്കുന്ന ലിങ്കില്‍ നിന്നും യൂസര്‍ മാനുവല്‍ ഡൌണ്‍ലോഡു ചെയ്യാം. ഒപ്പം പരീക്ഷാ സിഡി ഇന്‍സ്റ്റലേഷനുമായി ബന്ധപ്പെട്ട സംശയങ്ങള്‍ ചര്‍ച്ച ചെയ്യുകയുമാവാം.

Click Here to download IT Exam User Guide

Read More | തുടര്‍ന്നു വായിക്കുക

Ubuntu based Kalolsavam Software for School Level

ഒട്ടേറെ പേര്‍ കാലങ്ങളായി ആവശ്യപ്പെട്ടു കൊണ്ടിരിക്കുന്ന കാര്യമാണ് സ്ക്കൂള്‍ തലത്തില്‍ കലോത്സവം നടത്താനൊരു സോഫ്റ്റ്​വെയര്‍ വേണമെന്നത്! ഇപ്പോഴിതാ അതിനൊരു അവസരം വന്നിരിക്കുന്നു. സാങ്കേതികതല്പരരും പരീക്ഷണങ്ങള്‍ നടത്താന്‍ തയ്യാറുള്ളവരുമായ അധ്യാപകരില്‍ നിന്നും ഒരു ഫീഡ്ബാക്ക് പ്രതീക്ഷിച്ചു കൊണ്ടാണ് ഈ പോസ്റ്റ് പ്രസിദ്ധീകരിക്കുന്നത്. സ്ക്കൂള്‍ കലോത്സവവുമായി ബന്ധപ്പെട്ട് ഗാമ്പസില്‍ തയ്യാറാക്കിയ ഒരു സോഫ്റ്റ്​വെയറിന്റെ ട്രയല്‍ വേര്‍ഷന്‍ പ്രസിദ്ധീകരിക്കാനൊരുങ്ങുകയാണ് സോഫ്റ്റ്​വെയര്‍ ഡിസൈനറും നല്ലൊരു വയലിനിസ്റ്റും കൂടിയായ കുണ്ടൂര്‍കുന്ന് ടി.എസ്.എന്‍.എം.എച്ച്.എസിലെ അധ്യാപകന്‍ പ്രമോദ് മൂര്‍ത്തി സാര്‍. ട്രയല്‍ വേര്‍ഷനാകുമ്പോഴുള്ള പ്രത്യേകതകള്‍ നമുക്കറിയാമല്ലോ; പരീക്ഷണാടിസ്ഥാനത്തില്‍ ഒരു സോഫ്റ്റ്​വെയര്‍ പുറത്തിറക്കുമ്പോള്‍, അതിലെ പിഴവുകളും കുറവുകളും എല്ലാം പരിഹരിക്കുകയും കൂട്ടിച്ചേര്‍ക്കലുകളുണ്ടെങ്കില്‍ അതു വരുത്താനുമെല്ലാം രൂപകല്പന ചെയ്യുന്നയാള്‍ കാത്തിരിക്കുന്നുണ്ടാകും. സ്ക്കൂള്‍ കലോത്സവം നടത്താന്‍ സോഫ്റ്റ്​വെയര്‍ ഉണ്ടോ എന്നു ചോദിച്ച അധ്യാപകര്‍ക്ക് വേണ്ടി ഇത് സമര്‍പ്പിക്കുന്നു. ഈ വര്‍ഷം ഒരു ട്രയല്‍ റണ്‍ നടത്തുന്നതിലൂടെ അത്തരമൊരു സുവര്‍ണാവസരമാണ് നമ്മെത്തേടി എത്തുന്നത്. സോഫ്റ്റ്​വെയറും അതിന്റെ ഇന്‍സ്റ്റലേഷനും ചുവടെ നല്‍കിയിരിക്കുന്നു.

Guidelines

• ഐടി പരീക്ഷ ഇന്‍സ്റ്റാള്‍ ചെയ്യാത്തതും ഉബുണ്ടു ഓപ്പറേറ്റിങ് സിസ്റ്റം ഉള്ളതുമായ ഒരു കമ്പ്യൂട്ടറില്‍ കലോത്സവം സോഫ്റ്റ്​വെയര്‍ ഇന്‍സ്റ്റാള്‍ ചെയ്യാം.
• ഇവിടെ നിന്നും കലോത്സവം സോഫ്റ്റ്​വെയര്‍ ഡെസ്കോപ്പിലേക്ക് കോപ്പി ചെയ്തിട്ട ശേഷം Gdebi Package Manager ഉപയോഗിച്ച് ഇന്‍സ്റ്റാള്‍ ചെയ്യുക. ഇന്‍സ്റ്റാള്‍ ചെയ്യുന്നതിനു മുന്നോടിയായി നമ്മുടെ Admin പാസ്സ് വേര്‍ഡ് സിസ്റ്റം ആവശ്യപ്പെട്ടേക്കാം. അത് കൃത്യമായി നല്‍കുക.
• ഇന്‍സ്റ്റലേഷനു ശേഷം Application→Education→Kalolsavam1.0 എന്ന ക്രമത്തില്‍ സോഫ്റ്റ്​വെയര്‍ തുറക്കാം.

Database Connectivity

• ഒരു ഡാറ്റാബേസ് സൃഷ്ടിക്കുന്നതിനും സോഫ്റ്റ്​വെയറുമായി ബന്ധിപ്പിച്ചു നിര്‍ത്തുന്നതിനും വേണ്ടിയാണ് MySql ഉപയോഗിക്കുന്നത്
• ഇന്റര്‍നെറ്റ് വഴി MySql ഇന്‍സ്റ്റാള്‍ ചെയ്യുകയോ ചുവടെ നിന്നും Mysql ന്റെ പാക്കേജുകള്‍ ഇന്‍സ്റ്റാള്‍ ചെയ്യുകയോ ആകാം.
Click here for download Mysql part - I | Part -II
• Part-I, Part-II ലിങ്കുകളിലുള്ള rar ഫയല്‍ right click ചെയ്ത് എക്സ്ട്രാക്ട് ചെയ്യുക. രണ്ട് ഫോള്‍ഡറിലേയും ഫയലുകള്‍ ഒരു ഫോള്‍ഡറിലേക്ക് ഇടുക. ഇപ്പോള്‍ ഈ ഫോള്‍ഡറില്‍ ആകെ 12 deb പാക്കേജുകള്‍ കാണും. ആ ഫോള്‍ഡറില്‍ right click ചെയ്ത് Open in terminal എടുത്ത ശേഷം sudo dpkg -i *.* എന്ന കമാന്റ് ടെപ്പ് ചെയ്യുക. (ഇവിടെ നിന്ന് കമാന്റ് കോപ്പി പേസ്റ്റ് ചെയ്താലും മതി)
• ഇന്‍സ്റ്റലേഷനിടെ വരുന്ന വിന്‍ഡോയില്‍ Mysql പാസ് വേര്‍ഡ് root എന്നു തന്നെ നല്‍കുക. retype ചെയ്യുമ്പോഴും root എന്നു തന്നെ പാസ്​വേഡ് നല്‍കുക. ഇല്ലെങ്കില്‍ ചിലപ്പോള്‍ ഡാറ്റാബേസ് കണക്ട് ചെയ്യാന്‍ സാധിച്ചെന്നു വരില്ല.
• ഇനി Applications-Education-kalolsavam 1.0 എന്ന ക്രമത്തില്‍ ഇനി സോഫ്റ്റ്​വെയര്‍ തുറക്കാം

Certificates and Reports :
സര്‍ട്ടിഫിക്കറ്റുകളും റിപ്പോര്‍ട്ടുകളുമെല്ലാം നമ്മുടെ സിസ്റ്റത്തിലെ ഡെസ്കോടോപ്പിലുള്ള "കലോത്സവം" എന്ന ഫോള്‍ഡറിലാകും വരുന്നത്. ഈ സോഫ്റ്റ്​വെയറിന്റെ ഇന്‍സ്റ്റലേഷന്‍ വിശദമാക്കുന്ന ഹെല്‍പ്പ് ഫയല്‍ ഇവിടെ നിന്നും ഡൗണ്‍ലോഡ് ചെയ്തെടുക്കാം. സ്ക്കൂള്‍ തല കലോത്സവ നടത്തിപ്പിനു വേണ്ടിയുള്ള ഒരു സോഫ്റ്റ്​വെയറിന്റെ ട്രയല്‍ വേര്‍ഷനാണ് ഈ പോസ്റ്റിലൂടെ പ്രസിദ്ധീകരിക്കുന്നത് എന്നത് ഓര്‍ക്കുമല്ലോ. അതുകൊണ്ട് തന്നെ ഈ സോഫ്റ്റ്​വെയര്‍ ഉപയോഗിച്ച ശേഷം ലഭിക്കുന്ന നിങ്ങളുടെ ഫീഡ്ബാക്കുകള്‍ക്ക് പ്രാധാന്യമേറെയാണ്. അത് കമന്റായി പോസ്റ്റ് ചെയ്യുമല്ലോ.

Read More | തുടര്‍ന്നു വായിക്കുക

അനാവശ്യ സെര്‍ച്ചിങ്ങ് നിയന്ത്രിക്കാം

വീട്ടിലും സ്കൂളിലുമൊക്കെ ഇന്റര്‍നെറ്റ് ഉപയോഗം വ്യാപിക്കുന്നതിലെ സന്തോഷത്തോടൊപ്പം രക്ഷിതാക്കളുടേയും അധ്യാപകരുടേയും ഉറക്കംകെടുത്തുന്ന ഒന്നായി മാറുകയാണ്, അതിന്റെ ദുരുപയോഗം. സെര്‍ച്ച് എഞ്ചിനുകളുടെ സെര്‍ച്ച് ബോക്സില്‍ എന്ത് ടൈപ്പ് ചെയ്ത് കൊടുത്താലും വിവരങ്ങളായും ഇമേജുകളായും വീഡിയോകളായും നിമിഷത്തിനുള്ളില്‍ നിരന്നു കിടക്കുന്ന തമ്പ് നേലുകളില്‍ പലതും പരിസരത്തേക്കുപോലും അടുപ്പിക്കാന്‍ കൊള്ളാവുന്നവയല്ലെന്നത് ഒരു സത്യം മാത്രമാണ്. എല്‍സിഡി പ്രൊജക്ടര്‍ വെച്ച് ലൈവായി യൂട്യൂബിലും മറ്റും ചില തിരച്ചിലുകള്‍ നടത്തി കുട്ടികളുടെ മുന്നില്‍ വഷളായ അപൂര്‍വ്വം പേരെങ്കിലും അനുഭവം പങ്കുവെച്ചിട്ടുണ്ട്. 'പാരന്റല്‍ കണ്ട്രോള്‍' എന്നൊക്കെ കേട്ടിട്ടുണ്ടെങ്കിലും നമ്മുടെ ഉബുണ്ടുവിലും മറ്റും ഇന്‍സ്റ്റാള്‍ ചെയ്യാവുന്ന സൗജന്യമായ ഒന്നിനു വേണ്ടി വിഫലമായി ഏറെ തിരഞ്ഞിരുന്നു. എന്നാല്‍ ഫയര്‍ഫോക്സ് മോസില്ല ഉപയോഗിക്കുന്നവര്‍ക്ക് (ഉബുണ്ടുവായാലും വിന്റോസായാലും)ഒരു മിനുറ്റില്‍ താഴെ സമയം കൊണ്ട് ഇന്‍സ്റ്റാള്‍ ചെയ്യാവുന്ന ഒരു 'ആഡ് ഓണ്‍ 'ആയ Foxfilter നെയാണ് ഇന്ന് പരിചയപ്പെടുത്തുന്നത്. ആലപ്പുഴ കുട്ടനാട് മാസ്റ്റര്‍ ട്രൈനര്‍ കോ-ഓര്‍ഡിനേഷന്‍ ശ്രീ. കെ.ഒ. രാജേഷിന്റെ പഴയ ഒരു മെയിലില്‍ നിന്നാണ് ഇത് കണ്ടുകിട്ടിയത്. ഇവിടെ ക്ലിക്ക് ചെയ്തോ Tools -> Add-ons -> Search ->Foxfilter വഴിയോ ചുരുങ്ങിയ സമയം കൊണ്ട് ഇത് ഇന്‍സ്റ്റാള്‍ ചെയ്യാം.

Installation പൂര്‍ത്തിയാകുമ്പോള്‍ Firefox റീസ്റ്റാര്‍ട്ട് ചെയ്താല്‍ മതി. കൂടുതല്‍ പദങ്ങള്‍ ഫില്‍ട്ടറിംഗിന് ഉള്‍പ്പെടുത്തണമെങ്കില്‍ Firefox ന്റെ Tools മെനുവില്‍ നിന്നും Foxfilter settings എടുത്ത് Blocked എന്ന മെനുവില്‍ ക്ലിക്ക് ചെയ്യുക. തുടര്‍ന്ന് ലഭിക്കുന്ന പേജില്‍ നല്‍കിയിരിക്കുന്ന പദങ്ങളുടെ കൂടെ Type ചെയ്ത് സേവ് ചെയ്യുക.

പിന്‍കുറി:
കൂടുതല്‍ പദങ്ങള്‍ ഫില്‍ട്ടറിംഗിന് ഉള്‍പ്പെടുത്തണമെങ്കില്‍ Firefox ന്റെ Tools മെനുവില്‍ നിന്നും Foxfilter settings എടുത്ത് Blocked എന്ന മെനുവില്‍ ക്ലിക്ക് ചെയ്യുക. തുടര്‍ന്ന് ലഭിക്കുന്ന പേജില്‍ നല്‍കിയിരിക്കുന്ന പദങ്ങളുടെ കൂടെ ഒഴിവാക്കേണ്ട പദങ്ങളൊക്കെ Type ചെയ്ത് ചേര്‍ത്ത് സേവ് ചെയ്യുക. ഇത് പാസ്​വേഡ് വെച്ച് പ്രൊട്ടക്ട് ചെയ്യുകയുമാകാം. പക്ഷേ കുറച്ച് പണം മുടക്കേണ്ടി വരുമെന്നാണ് മനസ്സിലാകുന്നത്!

Read More | തുടര്‍ന്നു വായിക്കുക

നമുക്ക് ഒരുമിച്ച് ലേടെക്ക് പഠിക്കാം. പാഠം 1

കൃഷ്ണന്‍സാര്‍ പറഞ്ഞുതന്ന പാഠങ്ങള്‍ ഓര്‍ത്തുകൊണ്ട് ലാടെക് എന്ന സോഫ്റ്റ്‍വെയറിനെ നിങ്ങള്‍ക്കു മുമ്പാകെ ഒന്നു പരിചയപ്പെടുത്തട്ടെ. തുടര്‍പഠനം കൃഷ്ണന്‍ സാര്‍ തന്നെ മുന്നോട്ടു കൊണ്ടുപോകുമെന്ന് പ്രതീക്ഷിക്കാം. കഴിഞ്ഞദിവസം വിളിച്ചപ്പോള്‍ അദ്ദേഹം സന്തോഷത്തോടെ സമ്മതിച്ചിട്ടുള്ളതാണ്. ഇന്‍ഡ്യയിലെ ടെക്ക് പ്രചാരകരില്‍ ഒന്നാം നിരയിലാണ് കൃഷ്ണന്‍ സാര്‍. മറ്റൊരാളെക്കൂടി ഓര്‍ക്കേണ്ടതുണ്ട് . കഴിഞ്ഞവര്‍ഷം 'ഇന്ത്യന്‍ ലിബ്രെ യൂസേഴ്സ് ഗ്രൂപ്പ് കൊച്ചി'(ILUG) എന്ന ഫ്രീ സോഫ്റ്റ്വെയര്‍ ഗ്രൂപ്പിന്റെ എറണാകളത്തുനടന്ന മീറ്റില്‍ ആദ്യമായി ലേ ടെക്കിനെ കാണിച്ചുതന്നെ സമീര്‍ മുഹമ്മദ് താഹിര്‍ സാറിനെ.

അതിരിക്കട്ടെ, ലാടെക് എന്നു കേട്ടിട്ടുണ്ടോ? ഇതൊരു പേജ് സെറ്റിങ് സോഫ്റ്റ്‌വെയറാണ്. ഇതെങ്ങനെയാണ് പ്രയോഗിക്കുകയെന്നല്ലേ? വിദേശപ്രസിദ്ധീകൃതങ്ങളായ പല പുസ്തകങ്ങളും ചെയ്തിരിക്കുന്നത് തന്നെ ലാടെകിലാണ്. ഈ ഗണിതശാസ്ത്ര പുസ്തകം നോക്കൂ. ഇതിന്റെ പ്രത്യേകത കണ്ടില്ലേ? അതിന്റെ ഭംഗി കണ്ടില്ലേ? വ്യക്തമായില്ലെങ്കില്‍ എന്തായാലും ഒന്നു കൂടി വിശദമാക്കാം. ഗണിതത്തിലാണ് ലാടെക്കിന്റെ അപാരമായ സാധ്യതകള്‍ എളുപ്പത്തില്‍ ദര്‍ശിക്കാനാകുന്നത്. സാധാരണ ഗതിയില്‍ 1 divided by 2 എന്ന് കമ്പ്യൂട്ടറില്‍ നാം എങ്ങിനെയാണ് എഴുതുന്നത്? 1/2 എന്നല്ലേ? എന്നാല്‍ ലാടെക് ഉപയോഗിച്ച് ഇതിനെ $\frac{1}{2}$ എന്നെഴുതാം. LaTeX എന്നാണ് ഇംഗ്ലീഷിലെഴുതുന്നതെങ്കിലും അതിന്റെ ഉച്ചാരണം ലാടെക് എന്നും ലാടെക് രീതിയില്‍ എഴുതുന്നത് $\LaTeX$ എന്നുമാണ്. HTML കോഡുകള്‍ എഴുതുന്നത് പോലെയാണ് അക്ഷരങ്ങളുടെ സ്ഥാനം, കാണേണ്ട രീതി എന്നിവ തീരുമാനിക്കുന്നതിനായി ലാടെക്കിലും കോഡുകള്‍ എഴുതുന്നത്. ചുവടെ കൊടുത്തിരിക്കുന്ന ഉദാഹരണം നോക്കൂ. ലാടെകിന്റെ കോഡും അത് റണ്‍ ചെയ്യുമ്പോള്‍ ദൃശ്യമാകുന്ന രീതിയും കാണാം.





ഇംഗ്ലീഷില്‍ ലാടെക് ചെയ്യാം

താല്പര്യമുണ്ടെങ്കില്‍ നമുക്ക് വളരെയെളുപ്പം ലാടെക് പഠിക്കാം. ആദ്യം ഇംഗ്ലീഷില്‍ ഒരു പ്രോഗ്രാം എഴുതാം. ഉബുണ്ടുവില്‍ ടെക്റ്റ് എഡിറ്ററിലാണ് എഴുതേണ്ടത്. ടെക്സ്റ്റ് എഡിറ്ററില്‍ ടൈപ്പ് ചെയ്തതിന്റെ മാതൃക ഇതാ. First latex file.
ഈ ഫയലിലുള്ളത് പോലെ ടെക്സ്റ്റ് എഡിറ്ററില്‍ എഴുതി .tex എന്ന Extension നല്‍കി Desktop ല്‍ സേവ് ചെയ്യുക. (ഡൗണ്‍ലോഡ് ചെയ്തത് ഡബിള്‍ ക്ലിക്ക് ചെയ്യുമ്പോള്‍ TEXMAKER ല്‍ തുറന്നുവരുകയാണെങ്കില്‍ ക്ലോസ് ചെയ്ത് OPEN WITH GEDIT ആക്കണം) ഇനി ഡസ്ക്ക്ടോപ്പില്‍ സേവ് ചെയ്ത് 2.tex എന്ന പ്രോഗ്രാമിനെ റണ്‍ചെയ്യിക്കണം. ഇതിനായി ടെര്‍മിനല്‍ തുറന്ന് താഴെയുള്ള കമാന്റുകള്‍ ടൈപ്പ് ചെയ്ത് എന്റെര്‍ ചെയ്യുക.

cd Desktop
texi2pdf 2.tex

ഏതാനും ഫയലുകള്‍ ഡസ്ക്ക് ടോപ്പില്‍ രൂപപ്പെടും. അതില്‍ 2.pdf ഉണ്ടാകും . അത് തുറന്നുനോക്കുക.പ്രോഗ്രാം തെറ്റിയാല്‍ 2.tex തുറന്ന് തിരുത്തുമല്ലോ. ചിലപ്പോള്‍ Texmaker തുറന്നുവരം . ഇത് പെര്‍മിഷന്‍ മാറ്റിയാല്‍ മതി .(rt click --properties . open with--gedit ..add)
ഇനി ഇതൊന്നു നോക്കുക. അക്ഷരവലുപ്പം മാറുന്നത് കണ്ടല്ലോ. ഇതിനായുള്ള സോഴ്സ് ഫയലും പി.ഡി എഫ് ഫയലും തന്നിട്ടുണ്ട്

pdf output file
Source

(രണ്ട് ബാക്ക് സ്ലാഷുകള്‍ (\\) ചേര്‍ത്താല്‍ അടുത്ത വരി വരും)

മലയാളത്തില്‍ ലാടെക് ചെയ്യാം

ഇനി മലയാളം ലാടെക് ചെയ്യുന്നതിനായി നമ്മുടെ കമ്പ്യുട്ടറിനെയൊന്ന് സജ്ജമാക്കാം. തിരുവനന്തപുരം സ്വദേശിയായ അലക്സ് A.J യാണ് ഒമേഗ എന്ന പാക്കേജ് തയ്യാറാക്കി ഇന്‍സ്ക്രിപ്റ്റ് രീതിയില്‍ ടെക് ചെയ്യുന്നതിന് പര്യാപ്തമാക്കിയത്. ഈ പാക്കേജ് ഇല്ലായിരുന്നെങ്കില്‍ ഫൊണറ്റിക് രീതി (മംഗ്ലീഷ്) മാത്രമേ ഇന്നും ഉപയോഗിക്കാന്‍ കഴിയുമായിരുന്നുള്ളു. 2007 ലായിരുന്നു ഒമേഗ പാക്കേജിന്റെ അവസാന വേര്‍ഷന്‍ പുറത്തിറക്കിയത്. അദ്ദേഹവും ഞങ്ങളെ ടെക് പഠനത്തിന്റെ ആരംഭദശയില്‍ ഏറെ സഹായിച്ചിട്ടുണ്ട്. ഉബുണ്ടുവില്‍ ഇന്‍സ്ക്രിപ്റ്റ് രീതിയില്‍ മലയാളം ടെക് ചെയ്യുന്നതെങ്ങനെയെന്ന് താഴെ വിശദമാക്കിയിരിക്കുന്നു.

സരോവര്‍ മലയാളം ടെക് പ്രോജക്ട് ‍ എന്ന സൈറ്റില്‍ പ്രവേശിക്കുക. അതില്‍ നിന്ന് മൂന്നു കാര്യങ്ങള്‍ ഡൗണ്‍ലോഡ് ചെയ്തെടുക്കണം.
1) malayalam-0.9.6 .tar.gz
2) ildc-cdac-malayalam-1.0.tar.gz
3) malayalam- omega-1.0.2
ഇവ മൂന്നും ഡെസ്ക്ക് ടോപ്പില്‍ കോപ്പി എടുത്ത് ഇടുന്നു.

ഇനി ഓരോന്നായി ഇന്‍സ്റ്റാള്‍ ചെയ്യാം . ആദ്യത്തേത് Extract ചെയ്യുക
malayalam-0.9.6 .tar.gz എന്നത് Extract ചെയ്യുമ്പോള്‍ കിട്ടുന്നത് malayalam-0.9.6 എന്ന ഫോള്‍ഡര്‍ ആണല്ലോ. ഇന്‍സ്റ്റാള്‍ ചെയ്യുന്നതിനായി ടെര്‍മിനലില്‍ പ്രവേശിക്കുക

cd Desktop
cd malayalam-0.9.6
sudo ./install.sh

അപ്പോള്‍ TEXMF root directory (Press 'Enter' if the default is ok)
(/usr/share/texmf):

എന്നുവരും . എന്റര്‍ ചെയ്താല്‍ installation ആരംഭിക്കും ചിലപ്പോള്‍ മൂന്നുസ്റ്റെപ്പുകള്‍ എന്റര്‍ ചെയ്യേണ്ടി വരും .
ഇതുപോലെ തന്നെ ildc-cdac-malayalam-1.0.tar.gz, malayalam- omega-1.0.2 എന്നിവയും ഇപ്രകാരം തന്നെ ചെയ്യുക

ഇനി ചെയ്യേണ്ടത് texlive-omega സിനാപ്റ്റിക്ക് പാക്കേജ് മാനേജര്‍ വഴി ഇന്‍സ്റ്റാള്‍ ചെയ്യണം . അത് മിക്കവാറും ചെയ്തിട്ടുണ്ടാകും. ഇനി നമ്മുടെ സ്വന്തം മലയാളത്തില്‍ എഴുതി നോക്കാം . അതാണല്ലോ ആവശ്യം . ആദ്യം നമ്മള്‍ സരോവറില്‍ നിന്നും ചിലത് എടുത്ത് ഇന്‍സ്റ്റാള്‍ ചെയ്തല്ലോ. താഴെയുള്ള സോഴ്സ് ഡൗണ്‍ലോഡ് ചെയ്ത് കോപ്പിയെടുത്ത് gedit ല്‍ പേസ്റ്റ് ചെയ്ത് Desktop ല്‍ സേവ് ചെയ്യുക . ഞാന്‍ ചെയ്തത് mal.tex എന്നാണ്.

മലയാളത്തിന്റെ ഒരു സോഴ്സ് ഫയല്‍

ഇനി ടെര്‍മിനല്‍ തുറന്ന് താഴെ നല്‍കിയിരിക്കുന്ന കമാന്റുകള്‍ നല്‍കി എന്റര്‍ ചെയ്യുക.

cd Desktop
lamed mal.tex
dvips mal.dvi
ps2pdf mal.ps
xpdf mal.pdf
ഒമേഗ വഴിയോ അല്ലാതെയോ ഇപ്പോള്‍ ഒരു ടെക് ഫയലിനെ നേരിട്ട് pdf ആക്കി മാറ്റാന്‍ സാധിക്കില്ല. അതാണ് വിവിധ കമാന്റുകള്‍ ഉപയോഗിച്ച് പല ഫോര്‍മാറ്റുകളിലേക്ക് മാറ്റി മാറ്റി ഒടുവില്‍ pdf ലേക്ക് ആക്കി മാറ്റുന്നു.

cd Desktop
ആദ്യം cd (Change Directory) എന്ന കമാന്റ് വഴി
ടെക് ഫയല്‍ കിടക്കുന്ന Desktop ലേക്ക് പ്രോഗ്രാമിനെ കൊണ്ടു വരുന്നു.

lamed mal.tex
പിന്നീട് lamed എന്ന കമാന്റിലൂടെ ഡെസ്ക്ടോപ്പിലുള്ള ടെക് ഫയലിനെ ഡിഫോള്‍ട്ട് ഔട്ട്പുട്ടായ Dvi (Device Independent) ഫോര്‍മാറ്റിലേക്ക് കണ്‍വര്‍ട്ട് ചെയ്തെടുക്കുന്നു.

dvips mal.dvi
രണ്ടാം കമാന്റില്‍ dvi ഫയലിനെ PDF ന്റെ തന്നെ ബന്ധുവായ ps (Post script) ഫോര്‍മാറ്റിലേക്ക് മാറ്റുന്നു.

ps2pdf mal.ps
മൂന്നാം കമാന്റില്‍ ps ഫയലിനെ pdf ആക്കി മാറ്റുന്നു.

xpdf mal.pdf
നാലാം കമാന്റ് xpdf ല്‍ ഈ പി.ഡി.എഫ് ഫയലിനെ തുറന്നു കാണുന്നതിനുള്ളതാണ്.

മറ്റൊന്നു കൂടി സൂചിപ്പിക്കട്ടെ. ചിലപ്പോള്‍ lamed mal.tex എന്ന് ചെയ്യുമ്പോള്‍ ആദ്യം മാത്രം ഒരു ഫയല്‍ ഇന്‍സ്റ്റാള്‍ ചെയ്യാന്‍ പറയും . നിര്‍ദ്ദേശമനുസരിച്ച് ടെര്‍മിനലില്‍ അതു ചെയ്യണം . എന്തു ചെയ്യണമെന്ന് ടെര്‍മിനിലില്‍ത്തന്നെ വ്യക്തമായ നിര്‍ദ്ദേശമുണ്ടാകും. നമുക്കു ലഭിക്കുന്ന OUTPUT ഇതായിരിക്കും.

ഏറെ നാളായുള്ള എന്റെ സ്വപ്നം

---

മലയാളം ടെക്ക് ചെയ്യാന്‍ മേല്‍കാണിച്ച എല്ലാ കമാന്റുകളും കൂടി ഒറ്റക്കമാന്റിലൊതുക്കി കൃഷ്ണന്‍ സാര്‍ ഒരു വിദ്യ പറഞ്ഞു തന്നിരുന്നല്ലോ. ഹസൈനാര്‍ സാര്‍ ഈ സ്ക്രിപ്റ്റിനെ ഒരു ഡെബിയന്‍ പാക്കേജ് ആക്കി അയച്ചു തന്നിട്ടുണ്ട്. ഈ പാക്കേജ് Gdebi Package Installer ഉപയോഗിച്ച് ഇന്‍സ്റ്റാള്‍ ചെയ്തു കഴിഞ്ഞാല്‍ Desktopല്‍ ഉള്ള ഒരു tex ഫയലിന്റെ പി.ഡി.എഫ് ഔട്ട്പുട്ട് കിട്ടാന്‍ ഒരേയൊരു കമാന്റ് ഉപയോഗിച്ചാല്‍ മതി. ഇങ്ങനെ ചെയ്യുമ്പോള്‍ pdf ഫയല്‍ മാത്രമേ ഉണ്ടാവുകയും ചെയ്യുകയുള്ളൂ. ആദ്യം ടെര്‍മിനലിനെ ഫയല്‍ കിടക്കുന്ന Desktop ലേക്ക് ലൊക്കേറ്റ് ചെയ്യിക്കുക.
cd Desktop
maltex filename
(ഫയല്‍ നെയിം നല്‍കുമ്പോള്‍ എക്സെന്‍ഷനായ .tex എന്നു ചേര്‍ക്കേണ്ടതില്ല.)

പരീക്ഷിച്ചു നോക്കൂ. ഗണിതാധ്യാപകന്‍ ലേ ടെക്കിന്റെ സൗന്ദര്യവും ഉപയോഗവും തിരിച്ചറിയുന്നത് കണക്കെഴുതുമ്പോഴാണ് . അത് വഴിയെ കാണാം. കുടുതല്‍ ടാഗുകളും പരീക്ഷണങ്ങളുമായി പിന്നെ കാണാം. ഇനിയും കാണും വരെ വണക്കം. നിങ്ങളുടെ അഭിപ്രായങ്ങള്‍ താഴെ കുറിക്കുമല്ലോ.

Read More | തുടര്‍ന്നു വായിക്കുക

വിന്‍ഡോസിലും ലിനക്സിലും ഫോള്‍ഡറുകളും ഫയലുകളും പാസ്​വേഡ് ഉപയോഗിച്ച് പ്രൊട്ടക്ട് ചെയ്യാം

സ്കൂളുകളില്‍ ഇപ്പോള്‍ ലാപ്​ടോപ്പുകളുടെ കാലമാണ്. അധ്യാപകര്‍ പലരും സ്വന്തമായി ഇവ വാങ്ങിക്കഴിഞ്ഞു. പഠനവിഭവങ്ങള്‍ നിറച്ച ലാപ്​ടോപ്പുകള്‍ ക്ലാസ് മുറികളെ ഭരിക്കാന്‍ തുടങ്ങിക്കൊണ്ടിരിക്കുന്നു. പൊതുവായി ഉപയോഗിക്കുന്നതും വ്യക്തിപരമായി ഉപയോഗിക്കുന്നതുമായ നിരവധി ലാപ്​ടോപ്പുകള്‍ സ്കൂളുകളിലുണ്ട്. അധ്യാപകരും മനുഷ്യരാണ്. എല്ലാവര്‍ക്കും വ്യക്തിപരമായ കാര്യങ്ങളുണ്ട്. വ്യക്തിപരമായ വിവരങ്ങള്‍ സൂക്ഷിച്ചു വയ്കാന്‍ ഈ ലാപ്​ടോപ്പുകള്‍ ചിലപ്പോള്‍ ഉപയോഗിക്കേണ്ടി വരും. അതില്‍ മറ്റുള്ളവര്‍ കൈകടത്തുന്നത് പലര്‍ക്കും ഇഷ്ടമല്ല താനും. ഈ പ്രശ്നം പരിഹരിക്കേണ്ടത് എങ്ങനെയെന്ന് പലര്‍ക്കും അറിയാം. അറിയില്ലാത്തവര്‍ക്കായി ഒരു സോഫ്ടുവെയര്‍ പരിചയപ്പെടുത്താന്‍ ആഗ്രഹിക്കുന്നു -
“Truecrypt”. തികച്ചും സ്വതന്ത്രമായ ഒരു മള്‍ട്ടി പ്ലാറ്റ്ഫോം സോഫ്ട് വെയര്‍. ക്രിപ്റ്റോഗ്രാഫിക്ക് പ്രിന്‍സിപ്പിള്‍ ഉപയോഗിച്ച് നിര്‍മിച്ചിരിക്കുന്ന ഈ സോഫ്ട് വെയര്‍ വിവിധ തരത്തിലുള്ള എന്‍ക്രിപ്ഷന്‍ അല്‍ഗോരിതങ്ങള്‍ സപ്പോര്‍ട്ട് ചെയ്യുകയും ഇഷ്ടമുള്ളത് തെരെഞ്ഞെടുക്കാന്‍ സ്വാതന്ത്ര്യം തരുകയും ചെയ്യുന്നു.

ഇതിന്റെ ഏറ്റവും വലിയ സവിശേഷത ഒണ്‍-ദി-ഫ്ലൈ ആയിട്ടാണ് ഇത് പ്രവര്‍ത്തിക്കുന്നത് എന്നതാണ്. അതായത് എന്‍ക്രിപ്റ്റ് ചെയ്തിരിക്കുന്ന ഡാറ്റയെ പൂര്‍മായി ഡീക്രിപ്റ്റ് ചെയ്യാതെ ആവശ്യമുള്ള ഡാറ്റ അപ്പാപ്പോള്‍ റാമിലേക്ക് ഡീക്രിപ്റ്റ് ചെയ്ത് റണ്‍ ചെയ്യുന്നു. ഇത് പ്രവര്‍ത്തനവേഗം കൂട്ടുന്നു കൂടാതെ നീണ്ട കാത്തിരുപ്പുകള്‍ ഒഴിവാക്കുന്നു. സോഫ്റ്റ്​വെയര്‍ ഇന്‍സ്റ്റാള്‍ ചെയ്യുന്ന വിധം താഴെ നല്‍കിയിരിക്കുന്നു.

പലരീതിയില്‍ ഈ സോഫ്ട് വെയര്‍ ഉപയൊഗിക്കാം. ഏറ്റവും ലളിതമായ ഉപയോഗരീതിയാണ് ഇവിടെ വിവരിക്കാന്‍ പോകുന്നത്. ആദ്യം സോഫ്ട് വെയര്‍ ഇന്‍സ്റ്റോള്‍ ചെയ്യുക. അതിനുശേഷം സോഫ്ട് വെയര്‍ ഉപയോഗിച്ച് ഒരു എന്‍ക്രിപ്റ്റെഡ് ഫയല്‍ കണ്ടെയ്നര്‍ ഉണ്ടാക്കുക.( ഇഷ്ടമുള്ള സൈസില്‍). ഈ ഫയല്‍ കണ്ടൈനറിന് ഒരു പാസ് വേഡ് സെറ്റ് ചെയ്തിട്ടുണ്ടാകു. ( അല്ലെങ്കില്‍ കീ ഫയല്‍ ഉപയോഗിക്കാം). ഈ ഫയല്‍ കണ്ടെയ്നര്‍ നമ്മുടെ ഇഷ്ടാനുസരണം ഒരു വിര്‍ച്ച്വല്‍ ഡ്രൈവായി മൗണ്ട് ചെയ്യാം. ഈ ഡൈവിലേക്ക് സ്വകാര്യ ഫയലുകള്‍ കോപ്പി ചെയ്ത് ഡിസ് മൗണ്ട് ചെയ്താല്‍ ആ ഫയലുകള്‍ മറ്റാര്‍ക്കും തുറക്കാനാവില്ല. ഒരോതവണ മൗണ്ട് ചെയ്യുമ്പോഴും പാസ് വേഡ് കൊടുക്കേണ്ടി വരും. അങ്ങനെ ഡാറ്റയെ സെക്യുവര്‍ ആയി സംരക്ഷിക്കാം.

ഉപകാരപ്പെടുമെന്ന് ഉറപ്പുണ്ടെങ്കില്‍ അത് ഇന്‍സ്റ്റോള്‍ ചെയ്യുന്ന രീതിയും ഉപയോഗിക്കുന്നരീതിയും എങ്ങനെയെന്ന് നോക്കാം.


ഇന്‍സ്റ്റോള്‍ ചെയ്യുന്ന വിധം.

1. www.truecrypt.org എന്ന സൈറ്റില്‍ ചെല്ലുക.
2. ഡൗണ്‍ലോഡ്സില്‍ നിന്ന് നിങ്ങളുടെ ഒപ്പറേറ്റിംഗ് സിസ്റ്റത്തിന് അനുയോജ്യമായ ഇന്‍സ്റ്റാള്‍ പാക്കേജ് തെരെഞ്ഞെടുത്ത് ഡൗണ്‍ലോഡ്ചെയ്യുക. (IT@School ഉബുണ്ടുവിന് standard - 32 bit (x86) തെരെഞ്ഞെടുക്കുക)
3. ഡൗണ്‍ലോഡ് ചെയ്ത പാക്കേജ് എക്സ്ട്രാക്റ്റ് ചെയ്യുക
4. ലഭിക്കുന്ന ഫയലില്‍ ഡബിള്‍ ക്ലിക്ക് ചെയ്യുക. (Aministrative പ്രിവിലേജുള്ള യുസറായി വേണം ഇത് ചെയ്യാന്‍.)
5. ‌ തെളിഞ്ഞു വരുന്ന ഡയലോഗ് ബോക്സുകളില്‍ Install Truecrypt, I accept,ok എന്നിങ്ങനെ യൊക്കെ നല്‍കി ഈസിയായിട്ട് അങ്ങ് ഇന്‍സ്റ്റോള്‍ ചെയ്യുക. അത്രതന്നെ. (Aministrative പാസ് വേര്‍ഡ് ആവശ്യപ്പെടുമ്പോള്‍ നല്‍കണം)

ഉപയോഗിക്കുന്ന വിധം

A. ആദ്യം ഒരു പുതിയ എന്‍ക്രിപ്റ്റഡ് ഫയല്‍ കണ്ടൈനര്‍ ഉണ്ടാക്കാം

1. Applications->Accessories->Truecrypt എടുക്കുക
2. സോഫ്ട്വെയര്‍ ജി.യു.ഐ യിലെ Create Volume ബട്ടന്‍ അമര്‍ത്തുക.
3. ലഭിക്കുന്ന ട്രൂക്രിപ്പ്റ്റ് വോളിയം ക്രിയേഷന്‍ വിസാഡില്‍ Create encrypted file container സെലക്ട് ചെയ്ത് Next ബട്ടന്‍ അമര്‍ത്തുക.
4. അടുത്ത വിന്‍ഡോയില്‍ Standard True crypt volume സെലക്ട് ചെയ്ത് Next ബട്ടന്‍ അമര്‍ത്തുക.
5. അടുത്ത വിന്‍ഡൊയില്‍ sellect file ബട്ടന്‍ അമര്‍ത്തുക. file container നിര്‍മിക്കാനുള്ള നുള്ള ലോക്കെഷനും പേരും നല്‍കുക. (ഫയല്‍ നാമത്തിന് .tc “eg : vol1.tc" എന്ന എക്സ്റ്റെന്‍ഷന്‍ നല്‍കിയാല്‍ ഓട്ടോമാറ്റിക്കായി Truecrypt സോഫ്ട്വെയറുമായി ബന്ധിപ്പിച്ചുകൊള്ളും. അതായത് ഈസിയായി ഡബിള്‍ ക്ലിക്ക് ചെയ്ത് ഫയല്‍ കണ്ടൈനര്‍ മൗണ്ട് ചെയ്യാം.)
6. Save ബട്ടന്‍ അമര്‍ത്തുക.
7. Nextബട്ടന്‍ അമര്‍ത്തുക.
8. Nextബട്ടന്‍ അമര്‍ത്തുക. (എന്‍ക്രിപ്ഷന്‍ അല്‍ഗോരിതങ്ങള്‍ തെരെഞ്ഞടുക്കണമെങ്കില്‍ അതുമാവാം)
9. ഫയല്‍ സൈസ് എത്രവേണമെന്ന് കൊടുത്ത് Nextബട്ടന്‍ അമര്‍ത്തുക.
10. Password കൊടുത്ത് Nextബട്ടന്‍ അമര്‍ത്തുക.
11. File system type സ്പെസിഫൈ ചെയ്തുകൊടുത്ത് Nextബട്ടന്‍ അമര്‍ത്തുക.
12. Fromat ബട്ടന്‍ അമര്‍ത്തുക. പ്രോസസ് തീരുന്നതു വരെ കാത്തരിക്കുക.
13. എന്‍ക്രിപ്റ്റഡ് ഫയല്‍ കണ്ടൈനര്‍ തയ്യാറായി.
14. ട്രൂക്രിപപ്പ് വോളിയം ക്രിയേഷന്‍ വിസാഡ് ക്ലോസ് ചെയ്യുക.

B. എന്‍ക്രിപ്റ്റഡ് ഫയല്‍ കണ്ടൈനര്‍ ഉപയോഗിക്കുന്നതെങ്ങനെയെന്ന് നോക്കാം.

1. Truecryptജി.യു.ഐ യിലെ sellect file ബട്ടന്‍ അമര്‍ത്തി നേരത്തേ ഉണ്ടാക്കിയ ഫയല്‍ കണ്ടൈനര്‍ ബൗസ് ചെയ്ത് സെലക്ട് ചെയ്യുക.
2. ഒരു ഡ്രൈവ് സ്ലോട്ട് സെലക്ട് ചെയ്യുക.
3. Mount ബട്ടന്‍ അമര്‍ത്തുക.
4. ഫയല്‍ കണ്ടൈനറിന് കോടുത്ത് പാസ് വേര്‍ഡ് കൃത്യമായി നല്‍കുക.(administrator password ചോദിച്ചാല്‍ അതും കൊടുക്കുക)
5. ഡ്രൈവ് മൗണ്ട് ചെയ്യപ്പെടും.
6. പ്രൈവറ്റ് ഫയലുകള്‍ ഈ ഡൈവില്‍ സൂക്ഷിക്കുക. അവശ്യം കഴിഞ്ഞാല്‍ ഡിസ് മൗണ്ട് ചെയ്യുക.
7. ഇനി നിങ്ങളുടെ വ്യക്തിപരമായ ഡാറ്റാ നിങ്ങള്‍ക്ക് മാത്രം.

മറ്റ് പല ഓപഷനുകളും ഈ സോഫ്​റ്റ്​​​വെയറിലുണ്ട് കൂടുതല്‍ കാര്യങ്ങള്‍ കമന്റിലൂടെ ചര്‍ച്ച ചെയ്യാം......

Read More | തുടര്‍ന്നു വായിക്കുക

അജ്മലും അവന്റെയൊരു ഡെല്ലും..!

കോഴിക്കോട് മെഡിക്കല്‍ കോളേജിലെ നാലാം വര്‍ഷ എം.ബി.ബി.എസ് വിദ്യാര്‍ഥിയായ അജ്മല്‍ തന്റെ പുതിയ 'ഡെല്‍ ഇന്‍സ്പിരോണ്‍' ലാപ്​ടോപുമായി എത്തിയത് ഒരുപാട് സംശയങ്ങളുമായാണ്. ജെനുവിന്‍ 'വിന്റോസ് 7' ഇന്‍സ്റ്റാള്‍ ചെയ്തിട്ടുള്ള ലാപില്‍ ഈയിടെയായി ഇന്റര്‍നെറ്റ് വളരേ സ്ലോയാകുകയും സൈറ്റുകള്‍ റീ-ഡയറക്ട് ചെയ്യപ്പെടുകയും ചെയ്യുന്നു. പണം മുടക്കി, ആന്റി വൈറസ് പ്രോഗ്രാം ഇന്‍സ്റ്റാള്‍ ചെയ്തെങ്കിലും ആഡ്​വെയറുകളും സ്പാംവെയറുകളും നീക്കുന്നതില്‍ വേണ്ടത്ര ഫലം കണ്ടില്ലെന്നുമാത്രമല്ലാ, കൂടുതല്‍ സ്ലോ ആകുകയും ചെയ്തു. അപ്പോഴാണ് ആരോ പറഞ്ഞ് ലിനക്സിന്റേയും ഉബുണ്ടുവിന്റെ ഗുണങ്ങള്‍ മനസ്സിലാക്കിയത്. ശേഖരിച്ചു സൂക്ഷിച്ചിരിക്കുന്ന പ്രധാനപ്പെട്ട പഠന ഫയലുകളൊന്നും നഷ്ടപ്പെടുത്താതെ, വിന്റോസ് നിലനിര്‍ത്തിക്കൊണ്ടുതന്നെ അതൊന്ന് ഇന്‍സ്റ്റാള്‍ ചെയ്തുതരണമെന്ന മിനിമം ആവശ്യമേ മരുമകന്‍ കൂടിയായ അവനുള്ളൂ..!

അതിനെന്താ പ്രയാസം? കഴിഞ്ഞ ആറേഴു കൊല്ലങ്ങളായി എത്രയെത്ര സിസ്റ്റങ്ങളില്‍ ഞാനിത് ചെയ്തിരിക്കുന്നു! എങ്കിലും, ഒരു മുന്‍കരുതലെന്ന നിലയില്‍ ആദ്യം അവന്റെ പ്രധാനപ്പെട്ട ഫയലുകളെല്ലാം ഒരു എക്സ്ടേണല്‍ ഹാര്‍ഡ് ഡിസ്കിലേക്ക് പകര്‍ത്തിവെച്ചു. ഐടി@സ്കൂളിനു വേണ്ടി മലപ്പുറത്തെ ഹക്കീം മാസ്റ്റര്‍ കസ്റ്റമൈസ് ചെയ്തെടുത്ത ഉബുണ്ടുവിന്റെ ഏറ്റവും പുതിയ വേര്‍ഷനടങ്ങിയ പെന്‍ ഡ്രൈവില്‍ നിന്നും ബൂട്ട് ചെയ്ത് പണിയാരംഭിച്ചു. പ്രശ്നങ്ങളൊന്നുമില്ലാതെ 25 മിനിറ്റുകൊണ്ട് സംഗതി റെഡി! ബൂട്ട് ചെയ്ത് വന്ന ഉബുണ്ടുവിന്റെ അപ്ലിക്കേഷനുകളൊന്നൊന്നായെടുത്ത് ഗുണഗണങ്ങളെക്കുറിച്ച് വാചാലനായി. ഇനി, തന്റെ വിന്റോസ് നഷ്ടപ്പെട്ടിട്ടില്ലെന്ന് അവനെ ബോധ്യപ്പെടുത്താന്‍ സിസ്റ്റം റീബൂട്ട് ചെയ്തു. പടച്ചോനേ..! ബൂട്ട് ചെയ്ത് വന്ന് നില്ക്കുന്നത് .no module found.അജ്മലിന്റെ മുഖത്തെ പ്രസന്നത മാഞ്ഞു, എന്റേയും. എന്താ പ്രശ്നമെന്ന് മനസ്സിലാകുന്നില്ല. ഒരിക്കല്‍ കൂടി ചെയ്തു നോക്കാമെന്നു തീരുമാനിച്ചു. ഇന്‍സ്റ്റലേഷനു ശേഷം ഇത്തവണ ബൂട്ടു ചെയ്ത് നേരെ വിന്റോസില്‍ കയറി. ഹാവൂ, കുഴപ്പമൊന്നുമില്ല! എന്നാല്‍ തിരിച്ചിറങ്ങി റീബൂട്ടില്‍ വീണ്ടും .no module found.

ആദ്യം വിളിച്ചത് ശ്രീനാഥിനെ. ബയോസില്‍ ചില്ലറ മിനുക്കു പണികള്‍ പറഞ്ഞുതന്നത് പരീക്ഷിച്ചു, രക്ഷയില്ല. പിന്നീട് വിളിച്ച ഹസൈനാര്‍ മാഷാണ് ചില സൂചനകള്‍ തന്നത്. പുതുതായിറങ്ങുന്ന ചില കമ്പനി ലാപ്​ടോപുകാരുടെ പോക്രിത്തരം! തങ്ങള്‍ തന്നിരിക്കുന്ന വിന്റോസിനോടൊപ്പം മറ്റു ഓപറേറ്റിങ് സിസ്റ്റങ്ങളൊന്നും ഇന്‍സ്റ്റാള്‍ ചെയ്യാതിരിക്കാന്‍ ഏതോ പ്രോഗ്രാമുകള്‍ വിന്യസിച്ചിരിക്കുമത്ര! ഓരോ റീസ്റ്റാര്‍ട്ടിലും അവന്‍ MBR (മാസ്റ്റര്‍ ബൂട്ട് റെക്കോഡ്)മാറ്റിയെഴുതും!!

എന്നാല്‍ അതൊന്നു കണ്ടുപിടിക്കണമല്ലോ..! അരദിവസം മുഴുവന്‍ കുത്തിയിരുന്നു. ഉബുണ്ടു ഫോറം പരതി. ഗ്രബ് മാത്രം റീ ഇന്‍സ്റ്റാള്‍ ചെയ്ത് വിന്റോസില്‍ കയറി നോക്കി. മുഴുവന്‍ പ്രോഗ്രാമുകളുടേയും കൂട്ടത്തില്‍ ഡെല്‍ സ്പെഷ്യല്‍ മൂന്നെണ്ണം, അണ്‍ ഇന്‍സ്റ്റാള്‍ വഴി കളഞ്ഞൂ മൂന്നും. വീണ്ടും ഗ്രബ് റീ ഇന്‍സ്റ്റാള്‍ ചെയ്തു.

(ഗ്രബ് Re-install ചെയ്യാനായി ഹസൈനാര്‍ മങ്കട സാറിന്റെ പഴയൊരു പോസ്റ്റിന്റെ പ്രസക്ത ഭാഗങ്ങളിലേക്ക്,,...........
ഉബുണ്ടു സി.ഡി. ഉപയോഗിച്ച് സിസ്റ്റം ബൂട്ട് ചെയ്യുക. Try Ubuntu ഉപയോഗിച്ച് ലൈവ് ആയി ബൂട്ട് ചെയ്ത് Desktop ലെത്തുക. ഇനി ഉബുണ്ടു/ഗ്രബ് നഷ്ടപ്പെട്ട OS ന്റെ റൂട്ട് പാര്‍ട്ടീഷ്യന്‍ ഏതെന്ന് മനസ്സിലാക്കുക. അതിനായി ടെര്‍മിനല്‍ തുറന്ന് താഴെ പറയുന്ന കമാന്റ് ടൈപ്പ് ചെയ്യുക.
sudo fdisk -l
OR
sudo blkid

sudo fdisk -l എന്ന കമാന്റിന് താഴെയുള്ള രീതിയില്‍ റിസള്‍ട്ട് ലഭിക്കുന്നു.

/dev/sda1 * 1 1976 15872188+ c W95 FAT32 (LBA)
/dev/sda2 1977 9729 62275972+ f W95 Ext'd (LBA)
/dev/sda5 1977 3800 14651248+ b W95 FAT32
/dev/sda6 3801 5546 14024713+ b W95 FAT32
/dev/sda7 5547 5801 2048256 82 Linux swap / Solaris
/dev/sda8 5802 9729 31551628+ 83 Linux

ഇതില്‍ നിന്നും size ലൂടെ പാര്‍ട്ടീഷ്യന്‍ തിരിച്ചറിയാം. റൂട്ട് പാര്‍ട്ടീഷ്യന്‍ sda8 ആണെന്നിരിക്കട്ടെ.. ഈ പാര്‍ട്ടീഷ്യനെ ലൈവ് സി.ഡി യുടെ ഫയല്‍ സിസ്റ്റത്തിലെ mnt എന്ന ഫോള്‍ഡറിലേക്ക് താഴെയുള്ള കമാന്റിലൂടെ മൗണ്ട് ചെയ്യിക്കുക.

sudo mount /dev/sda8 /mnt
ഫയല്‍ സിസ്റ്റത്തിലെ mnt എന്ന ഫോള്‍ഡര്‍ തുറന്ന് മൗണ്ട് ചെയ്തിരിക്കുന്നത് ശരിയായ പാര്‍ട്ടീഷ്യന്‍ തന്നെയാണോ എന്ന് ഉറപ്പ് വരുത്താവുന്നതാണ്. ഇനി ഫയല്‍ സിസ്റ്റത്തിലെ(ലൈവ്) dev,proc,sys എന്നിവയേയും താഴെയുള്ള കമാന്റിലൂടെ ഓരോന്നായി mnt എന്ന ഫോള്‍ഡറിലേക്ക് മൗണ്ട് ചെയ്യിക്കാം.
sudo mount --bind /dev /mnt/dev
sudo mount --bind /proc /mnt/proc
sudo mount --bind /sys /mnt/sys

ഇപ്പോള്‍ mnt എന്ന ഫോള്‍ഡറില്‍ ഒരു ചെറിയ 'വിര്‍ച്ച്വല്‍ ഫയല്‍ സിസ്റ്റം' തയ്യാറായി. പ്രസ്തുത ഫയല്‍ സിസ്റ്റത്തില്‍ അഡ്മിനിസ്ട്രേറ്റീവ് പ്രിവിലേജോടെ (chroot)പ്രവേശിക്കാന്‍ താഴെയുള്ള കമാന്റ് ഉപയോഗിക്കുക.
sudo chroot /mnt

ശേഷം ഗ്രബ് ഇന്‍സ്റ്റാള്‍ ചെയ്യാനായി താഴെയുള്ള കമാന്റ് ഉപയോഗിക്കാം.ഇവിടെ sudo ആവശ്യമില്ല.
grub-install --recheck /dev/sda (sda എന്നത് ഹാര്‍ഡ് ഡിസ്ക് ടൈപ്പിനെക്കുറിക്കുന്നു)

Ctrl+D അമര്‍ത്തി chroot നെ ക്സോസ് ചെയ്യാം.ഇനി മൗണ്ട് ചെയ്ത എല്ലാ ഫോള്‍ഡറുകളേയും unmount ചെയ്യിക്കാം.
sudo umount /mnt/dev
sudo umount /mnt/sys
sudo umount /mnt/proc
sudo umount /mnt
സിസ്റ്റം റീബൂട്ട് ചെയ്യുക.
sudo reboot)
ഭാഗ്യം സംഗതി റെഡി!
പിന്‍കുറിപ്പ്:
ഡെല്ലിന്റേതില്‍ മാത്രമല്ലാ, സോണി വയോ, ഏസര്‍,...തുടങ്ങിയവകളിലും ഈ പ്രശ്നമുണ്ട്. ഇന്‍സ്റ്റലേഷനു മുമ്പ് വിന്റോസില്‍ കയറി കുഴപ്പക്കാരെ പുറത്താക്കിയാല്‍ പിന്നെ യാതൊരു പ്രശ്നവുമില്ല.
കഴിഞ്ഞ ദിവസം ഇടപ്പള്ളിയില്‍ വെച്ച് ഹക്കീം മാഷോട് ഈ വിവരം പറഞ്ഞപ്പോള്‍ അദ്ദേഹമാണ് ഇതൊരു പോസ്റ്റാക്കണമെന്നും ധാരാളം പേര്‍ക്ക് ഉപകാരപ്പെടുമെന്നും പറഞ്ഞത്. സാങ്കേതികമായി വലിയ ധാരണകളൊന്നുമില്ലാത്തതിനാല്‍ പോസ്റ്റിലുള്ള പിശകുകള്‍ അറിവുള്ളവര്‍ കമന്റുവഴി തിരുത്തണം. ഇതുപോലുള്ള പ്രശ്നങ്ങള്‍ ശ്രദ്ധയില്‍ പെടുത്തുകയും വേണം.

Read More | തുടര്‍ന്നു വായിക്കുക

ഡിലീറ്റായ ഫയലുകള്‍ വീണ്ടെടുക്കാം

ഐടി@സ്കൂള്‍ ഉബുണ്ടു കസ്റ്റമൈസ്ഡ് വേര്‍ഷന്‍ വ്യാപകമായതോടെ, മികച്ച ഒരു ഓപ്പറേറ്റിങ്സിസ്റ്റം ലഭിച്ച ചാരിതാര്‍ത്ഥ്യത്തിലാണ് നാടു നഗരവും. വിദ്യാലയങ്ങളില്‍ നിന്നും ഈ ഡിവിഡി പതുക്കെപ്പതുക്കെ സ്വാതന്ത്ര്യസ്നേഹികളുടെ കൈകളിലേക്ക് എത്തിപ്പെട്ടുകൊണ്ടിരിക്കുകയാണ്. ഇതിന്റെ പിറവിക്കുപിന്നിലെ ഏറ്റവും ഓര്‍ക്കപ്പെടേണ്ട പേരാണ് മലപ്പുറത്തെ ഹക്കീം മാഷിന്റേത്. അദ്ദേഹത്തിന്റെ കൂട്ടുകാരന്‍ ഹസൈനാര്‍ മങ്കടയാകട്ടെ, തിരക്കിട്ട ഗവേഷണങ്ങളിലും! ആ ഗവേഷണങ്ങളില്‍ നിന്നും ഇടക്കിടെ വീണുകിട്ടുന്ന രത്നങ്ങള്‍ എത്രയാണ് അദ്ദേഹം നമ്മുടെ ബ്ലോഗിലൂടെ പങ്കുവെച്ചുകഴിഞ്ഞത്? ഇത്തരത്തിലുള്ള മറ്റൊരു അമൂല്യമായ അറിവുമായാണ് ഇദ്ദേഹം ഇത്തവണയെത്തുന്നത്. അതെന്താണെന്നല്ലേ..? വായിച്ചോളൂ..

Read More | തുടര്‍ന്നു വായിക്കുക

Read More | തുടര്‍ന്നു വായിക്കുക

പരീക്ഷാ സിഡി ഇന്‍സ്റ്റലേഷന്‍ ഒറ്റ സ്ക്രിപ്റ്റിലൂടെ

ഈ വര്‍ഷത്തെ അര്‍ദ്ധവാര്‍ഷിക ഐടി പ്രാക്ടിക്കല്‍ പരീക്ഷ നവമ്പര്‍ ഒന്നിന് ആരംഭിച്ച് നവമ്പര്‍ 30 നകം തീര്‍ക്കണമെന്നാണല്ലോ നമുക്കു ലഭിച്ച നിര്‍ദ്ദേശം. സി.ഡി പലയിടത്തും എത്തിത്തുടങ്ങുന്നേയുള്ളു. ഇത്തവണ ഉബുണ്ടുവിലടക്കം പ്രാക്ടിക്കല്‍ പരീക്ഷ നടത്താം. സി.ഡി ഇന്‍സ്റ്റലേഷനെക്കുറിച്ചാണ് ഇന്നത്തെ പോസ്റ്റ്. കഴിഞ്ഞ തവണത്തെ ഐ.ടി പ്രാക്ടിക്കല്‍ പരീക്ഷകളിലുടനീളം ശക്തമായ സഹായമായിരുന്നു മലപ്പുറത്തെ മാസ്റ്റര്‍ട്രെയിനറായ ഹസൈനാര്‍ മങ്കടയുടെ ഇന്‍സ്റ്റലേഷന്‍ സ്ക്രിപ്റ്റുകള്‍. ഐ.ടി പ്രാക്ടിക്കല്‍ പരീക്ഷാ ഇന്‍സ്റ്റാള്‍ ചെയ്യുന്നതിന് സ്റ്റെപ്പ ബൈ സ്റ്റെപ്പായി ചെയ്യുന്ന എല്ലാ കാര്യങ്ങളും കൂടി ഒരൊറ്റ സ്ക്രിപ്റ്റില്‍ ഒതുക്കിയതോടെ പരീക്ഷാ സി.ഡി ഇന്‍സ്റ്റലേഷന്‍ സാങ്കേതിക പരിജ്ഞാനമില്ലാത്തവര്‍ക്കു പോലും വളരെ എളുപ്പത്തില്‍ ചെയ്യാന്‍ കഴിയുന്ന ഒന്നായി മാറി. സി.ഡി ഡ്രൈവ് ഇല്ലാത്ത സിസ്റ്റങ്ങളില്‍പ്പോലും പരീക്ഷ ഇന്‍സ്റ്റാള്‍ ചെയ്യുകയെന്ന ഉദ്ദേശത്തോടെയായിരുന്നു ഹസൈനാര്‍ സാര്‍ ഈ സ്ക്രിപ്റ്റുകള്‍ തയ്യാറാക്കിയത്. ഈ സ്ക്രിപ്റ്റ് നിര്‍ദ്ദിഷ്ട രീതിയില്‍ റണ്‍ ചെയ്യിക്കുമ്പോഴേക്കും നേരത്തേ ഇന്‍സ്റ്റാള്‍ ചെയ്തിട്ടുള്ള പഴയ പരീക്ഷകള്‍ ഓട്ടോമാറ്റിക് ആയി അണ്‍ ഇന്‍സ്റ്റാള്‍ ആകുന്നതും പുതിയ പരീക്ഷ ഇന്‍സ്റ്റാളാകുന്നതും നാം കണ്ടു. ഈ വര്‍ഷവും ഐടി പരീക്ഷയുടെ 6.5 വേര്‍ഷനു വേണ്ടിയുള്ള സ്ക്രിപ്റ്റ് അദ്ദേഹം അയച്ചു തന്നിട്ടുണ്ട്. സ്ക്കൂള്‍ ഗ്നു/ലിനക്സ് lite, 3.0, 3.2, 3.8, ഉബുണ്ടുവിന്റെ 9.10, 10.04 വേര്‍ഷനുകള്‍ക്കു വേണ്ടിയുള്ള സ്ക്രിപ്റ്റുകള്‍ താഴെയുള്ള ലിങ്കില്‍ നിന്നും ഡൗണ്‍ലോഡ് ചെയ്തെടുക്കാം.

3.0, 3.2, lite വേര്‍ഷനുകള്‍ക്ക് വേണ്ടിയുള്ള Script

• പരീക്ഷ root ല്‍ ചെയ്യരുത്. ഒരു പുതിയ യൂസറെ create ചെയ്ത് അതില്‍ പരീക്ഷ നടത്തുകയാണ് ഉചിതം.
• സി.ഡിയിലുള്ള itexam-debs എന്ന ഫോള്‍ഡര്‍ പെന്‍​ഡ്രൈവ് വഴിയോ, മറ്റോ കോപ്പി ചെയ്ത് Home ഫോള്‍ഡറില്‍ പേസ്റ്റ് ചെയ്യുക. (പുതിയ യൂസറെ ക്രിയേറ്റ് ചെയ്യാതെ നേരത്തെയുള്ള യൂസര്നെയിമും പാസ്വേഡും ഉപയോഗിച്ചാണ് ലോഗിന്‍ ചെയ്യുന്നതെങ്കില്‍ ഒരു കാര്യം പ്രത്യേകം ശ്രദ്ധിക്കണം. Home ഫോള്‍ഡറില്‍ images, Documents, exam, itexam debs എന്നീ പഴയ പരീക്ഷകളുടെ ഫയലുകളുണ്ടെങ്കില്‍ അവ നിര്‍ബന്ധമായും delete ചെയ്യണം)
• ഇവിടെ നിന്നും Command for Midterm 2010 എന്ന ഫയല്‍ ഡെസ്ക്ടോപ്പിലേക്ക് ഡൌണ്‍ലോഡ് ചെയ്ത് ടെക്സ്റ്റ് എഡിറ്ററില്‍ തുറന്ന് അതിലുള്ള command കോപ്പി ചെയ്ത് Applications-Accessories വഴി Root Terminal ല്‍ പേസ്റ്റ് ചെയ്ത് എന്റര്‍ ചെയ്യുക. Exam റണ്‍ ചെയ്യിക്കാനായി Applications-Accessories-IT Practical Exam ക്ലിക്ക് ചെയ്യുക.
• (itexam-debs ഫോള്‍ഡര്‍ Paste ചെയ്ത user ല്‍ നിന്ന് തന്നെ വേണം command execute ചെയ്യാന്‍.

ഗ്നു ലിനക്സ് 3.8 നു വേണ്ടിയുള്ള Command

• റൂട്ട് ആയി ലോഗിന്‍ ചെയ്യരുത്. യൂസറായി തന്നെ വേണം ലോഗിന്‍ ചെയ്യാന്‍. പുതിയ യൂസറെ ക്രിയേറ്റ് ചെയ്യുന്നതാണ് ഉചിതം.
• CD യിലുള്ള install_files_ITExam3.8 എന്ന ഫോള്‍ഡര്‍ Home ഫോള്‍ഡറിലേക്ക് കോപ്പി ചെയ്യുക.
• ഇവിടെ നിന്നും for SGL 3.8 എന്ന ഫയല്‍ ഡൗണ്‍ലോഡ് ചെയ്ത് അത് ടെക്സ്റ്റ് എഡിറ്ററില്‍ തുറന്ന് അതിലെ കമാന്റ് കോപ്പി ചെയ്ത് Root Terminal ല്‍ പേസ്റ്റ് ചെയ്യുക.
• Exam റണ്‍ ചെയ്യിക്കാനായി Applications-Accessories-IT Practical Exam ക്ലിക്ക് ചെയ്യുക
• 3.8 ല്‍ പരീക്ഷ ഇന്‍സ്റ്റാള്‍ ചെയ്തതിന് ശേഷം Exam റണ്‍ ചെയ്യുമ്പോള്‍ Desktop ല്‍ പരീക്ഷാ സംബന്ധമായ ഫോള്‍ഡറുകളില്‍ Image കളും documents കളും കാണുന്നില്ലെങ്കില്‍ പ്രസ്തുത ഫോള്‍ഡറുകളെല്ലാം ഡീലിറ്റ് ചെയ്ത് Root Terminal ല്‍ താഴെ പറയുന്ന കമാന്റ് റണ്‍ ചെയ്യുക. ശേഷം Exam റണ്‍ ചെയ്യുക
chmod -R 777 /usr/share/itexam/Resources

ഉബുണ്ടു 9.10 / 10.04 നു വേണ്ടിയുള്ള Script

• നിലവിലുള്ള യൂസറില്‍ തന്നെ പരീക്ഷാ സി.ഡി ഇന്‍സ്റ്റാള്‍ ചെയ്താല്‍ മതിയാകും. പക്ഷെ Home ഫോള്‍ഡറിനകത്തുള്ള Documents എന്ന ഫോള്‍ഡര്‍ Rename ചെയ്യണമെന്നു മാത്രം. (My Documents എന്നോ മറ്റോ മതിയാകും, കാരണം Documents എന്നത് ഉബുണ്ടുവില്‍ Default ആയി ഉള്ള ഫോള്‍ഡറാണ്. പരീക്ഷാ സോഫ്റ്റ്​വെയര്‍ ഇന്‍സ്റ്റാള്‍ ചെയ്യുമ്പോള്‍ അതിനും വേണം ഒരു Documents എന്ന ഫോള്‍ഡര്‍.പ്രസ്തുത ഫോള്‍ഡറില്‍ പരീക്ഷയ്ക്കാവശ്യമായ കുറെ ഫയലുകള്‍ അടങ്ങിയിട്ടുണ്ട്. ഈ ഫോള്‍ഡര്‍ ലോഡ് ചെയ്യണമെങ്കില്‍ ഉബുണ്ടുവിന്റെ ഡിഫോള്‍ട്ട് ഫോള്‍ഡറിന്റെ പേര് മാറ്റണം.)
• CD യിലുള്ള install_files_UBUNTU_9.10_10.04 എന്ന ഫോള്‍ഡര്‍ Home ലേക്ക് പേസ്റ്റ് ചെയ്യുക.
• Home ല്‍ പേസ്റ്റ് ചെയ്ത install_files_UBUNTU_9.10_10.04 എന്ന ഫോള്‍ഡറില്‍ Right Click- Open in Terminal വഴി ടെര്‍മിനല്‍ തുറക്കുക.
• തുടര്‍ന്ന് ഇവിടെ നിന്നും for Ubuntu എന്ന ഫയല്‍ ഡൗണ്‍ലോഡ് ചെയ്ത് അത് ടെക്സ്റ്റ് എഡിറ്ററില്‍ തുറന്ന് അതിലെ കമാന്റ് കോപ്പി ചെയ്ത് പ്രസ്തുത Terminal ല്‍ പേസ്റ്റ് ചെയ്യുക.
• Exam റണ്‍ ചെയ്യിക്കാനായി Applications-Accessories-IT Practical Exam ക്ലിക്ക് ചെയ്യുക.
• IT Practical എക്സാം സോഫ്റ്റ്‌വെയര്‍ ഉബുണ്ടുവില്‍ ഇന്‍സ്റ്റാള്‍ ചെയ്തതിന് ശേഷം Desktop ല്‍ പ്രത്യക്ഷപ്പെടുന്ന itexam-3.desktop (പരീക്ഷയുടെ Short Cut) എന്ന ഫയലിന് Right Click-Properties-Permissions വഴി Execute Permission നല്കേണ്ടതാണ്.

മറ്റു ചില വിവരങ്ങള്‍

• SGL 3.8 ഉപയോഗിക്കുന്നവര്‍ Root ആയി ലോഗിന്‍ ചെയ്ത് പരീക്ഷ ഇന്‍സ്റ്റാള്‍ ചെയ്യരുത്. സിഡിയിലുള്ള .sh ഫയലിന് root ല്‍ റണ്‍ ചെയ്യാനുള്ള permission നല്‍കിയിട്ടില്ല എന്നതു തന്നെ കാരണം.
• കൂടാതെ SGL 3.8/Ubuntu എന്നിവയില്‍ പരീക്ഷ ഇന്‍സ്റ്റാള്‍ ചെയ്യുമ്പോള്‍ Home ല്‍ Documents, Images8, Images9, Images10, exam8, exam9, exam10, itexam debs എന്നീ ഫയലുകള്‍ ഉണ്ടെങ്കില്‍ അവ നിര്‍ബന്ധമായും delete ചെയ്യണം.(ഇവ പഴയ പരീക്ഷ ഇന്‍സ്റ്റാള്‍ ചെയ്തിട്ടുണ്ടെങ്കില്‍ അതിലെ ഫയലുകളായിരിക്കും) പഴയ IT Exam ഉണ്ടെങ്കില്‍ അത് കൂടി Synaptic Package Manager വഴി Complete remove ചെയ്യുകയും വേണം.
• ഉബുണ്ടുവില്‍ പുതിയ യൂസറില്‍ പരീക്ഷ ഇന്‍സ്റ്റാള്‍ ചെയ്യുന്നവര്‍ Users and Groups വഴി User privileges ല്‍ പ്രവേശിച്ച് പുതിയ യൂസര്‍ക്ക് Administrator the System എന്ന പ്രിവിലേജ് നല്‍കേണ്ടതാണ്.

സി.ഡി ഡ്രൈവ് ഇല്ലാത്തതോ പ്രവര്‍ത്തിക്കാത്തതോ ആയ സിസ്റ്റങ്ങളില്‍ പരീക്ഷ ഇന്‍സ്റ്റാള്‍ ചെയ്യാന്‍ പെന്‍ഡ്രൈവിലേക്ക് സി.ഡിയില്‍ നിന്നും കണ്ടന്റുകള്‍ കോപ്പി ചെയ്തെടുത്ത് മുകളില്‍ പറഞ്ഞ പ്രകാരമുള്ള സ്റ്റെപ്പുകള്‍ അനുവര്‍ത്തിച്ചാല്‍ മതിയാകും. അഭിപ്രായങ്ങളും സംശയങ്ങളും പങ്കുവെക്കാന്‍ മടിക്കരുതേ! നിങ്ങളുടെ അഭിപ്രായങ്ങളാണ് ഇത്തരം പോസ്റ്റുകള്‍ പ്രസിദ്ധീകരിക്കാന്‍ ഞങ്ങളെ പ്രചോദിപ്പിക്കുന്നത്.

Read More | തുടര്‍ന്നു വായിക്കുക

ഒമ്പതാം ക്ലാസ്സ് ഗണിത ഡെബിയന്‍ പാക്കേജ്.

സംസ്ഥാനത്തെ 140 നിയോജകമണ്ഡലങ്ങളിലും ഓരോ സര്‍ക്കാര്‍ സ്കൂളുകള്‍ മോഡല്‍ ഐസിടി സ്കൂളുകളായി പ്രഖ്യാപിച്ച് അവിടങ്ങളില്‍ അഞ്ചു ക്ലാസ്​മുറികള്‍ വീതം സ്മാര്‍ട്ട് റൂമുകളാക്കിയിരിക്കുകയാണല്ലോ? ഇത്തരം രണ്ട് സകൂളുകളില്‍ ഔദ്യോഗികസന്ദര്‍ശനത്തിനിടയില്‍ അധ്യാപകരുടെ പ്രധാന ആവശ്യമായി പൊന്തിവന്നത്, 'മതിയായ കണ്ടന്റുകളുടെ അഭാവ'മായിരുന്നു.പാഠഭാഗങ്ങളുടെ ചെറിയ പ്രസന്റേഷനുകള്‍ സ്വന്തമായി ഉണ്ടാക്കിയാല്‍ പോരേയെന്നു ചോദിച്ച് തല്കാലം തടിതപ്പിയെങ്കിലും ബ്ലോഗിലൂടെ കൂടുതലെന്തെങ്കിലും നല്‍കാമെന്നേറ്റിരുന്നു.

എറണാകുളത്തു നടന്ന മാസ്റ്റര്‍ട്രൈനര്‍മാരുടെ ഏകദിനമീറ്റില്‍ വെച്ച് മുരളിസാര്‍, അങ്ങോട്ട് ആവശ്യപ്പെടാതെ തന്നെ കൈമാറിയ പാക്കേജാണ് ഈ പോസ്റ്റിന്റെ കൂടെ നല്‍കിയിരിക്കുന്നത്.
ഒമ്പതാംക്ലാസിലെ ഗണിതപഠനം ഐസിടി സാധ്യതകളിലൂടെ മികവുറ്റതാക്കാന്‍ സഹായകരമായ ഈ പാക്കേജിനെപ്പറ്റി ഇന്നത്തെ ക്ലസ്റ്റര്‍ മീറ്റിങ്ങില്‍ സുഹൃത്തുക്കളോട് പറയുവാന്‍ മറക്കരുതേ..!

ഗണിതാധ്യാപന രംഗത്ത് ചരിത്രം രചിക്കുകയാണ് ജിയോജെബ്ര. ഈ സോഫ്റ്റ്​വെയര്‍ ഉപയോഗിച്ച് നിര്‍മ്മിക്കുന്ന ഇന്ററാക്ടീവ് അപ്​ലെറ്റുകള്‍ , അമൂര്‍ത്തങ്ങളായ ഗണിതാശയങ്ങള്‍ ശരാശരിക്കാരേക്കാള്‍ പിന്നോക്കം നില്ക്കുന്ന കുട്ടികള്‍ക്കുപോലും പാല്പായസം പോലെ മധുരതരമാക്കുന്നുവെന്നതിന് അനുഭവസാക്ഷ്യം പറയാന്‍ ക്ലാസ് മുറികളിലും മള്‍ട്ടിമീഡിയാ റൂമുകളിലും ഐസിടി സാധ്യതകള്‍ ഉപയോഗിച്ചുകൊണ്ടിരിക്കുന്ന അനേകം അധ്യാപകര്‍ തന്നെ ധാരാളം.ജര്‍മ്മന്‍കാരനായ മാര്‍ക്കസ് (Markus Hohenwarter)നിര്‍മ്മിച്ചെടുത്ത ഈ സോഫ്റ്റ്​വെയറിനെ തന്റെ മാസങ്ങള്‍ നീണ്ട തപസ്യയിലൂടെ കേരളത്തിലെ അധ്യാപകര്‍ക്ക് പരിചയപ്പെടുത്തിയ എം.എന്‍. മുരളീകൃഷ്ണന്‍ എന്ന പാലക്കാട്ടുകാരനായ ഐ.ടി@സ്കൂള്‍ മാസ്റ്റര്‍ ട്രൈനറെ നമ്മുടെ ബ്ലോഗ് ടീമിലേക്ക് ലഭിച്ചത് ഞങ്ങള്‍ എന്നും വലിയ ഭാഗ്യമായിത്തന്നെ കരുതുകയാണ്. "കേരള മാര്‍ക്കസ്" എന്ന അപരനാമധേയത്തിലറിയപ്പെടുന്ന മുരളിസാര്‍ നിര്‍മ്മിച്ച്, മലപ്പുറത്തെ ഹക്കീം മാഷിന്റെ സഹായത്താല്‍ പാക്കുചെയ്തെടുത്ത ഒന്‍പതാം ക്ലാസ്സിലെ ഗണിത പാഠപുസ്തകത്തിലെ ഏതാണ്ടെല്ലാ ആശയങ്ങളുമുള്‍ക്കൊള്ളുന്ന ഡെബിയന്‍ പാക്കേജ് ആണ് ഇന്ന് നല്‍കുന്നത്. ഈ പാക്കേജ് ഡൗണ്‍ലോഡ് ചെയ്തെടുത്ത് ഉബുണ്ടുവിലോ, സ്കൂള്‍ ഗ്നൂ/ലിനക്സിലോ ഇന്‍സ്റ്റാള്‍ ചെയ്ത് ഉപയോഗിക്കാം.

മുഴുവന്‍ പാക്കേജും ഇവിടെ നിന്നും ഡൗണ്‍ലോഡ് ചെയ്തെടുക്കാം.
ശേഷം അതില്‍ റൈറ്റ്ക്ലിക്ക് ചെയ്ത് open with Gdebi package instaler വഴി ഇന്‍സ്റ്റാള്‍ ചെയ്താല്‍ Application->Education->ITS Mathematics IX എന്ന രീതിയില്‍ തുറക്കാം.

Read More | തുടര്‍ന്നു വായിക്കുക

എ ലിസ്റ്റ് ഡാറ്റ അപ്​ലോഡ് ചെയ്യുന്നത് എങ്ങിനെ?

എസ്.എസ്.എല്‍.സി യുടെ ഡാറ്റാ അപ്​ലോഡിന് ഔദ്യോഗിക പോര്‍ട്ടല്‍ ലിങ്ക് വഴി പ്രവേശിക്കാം. School GNU Linux 3.2 ലെ മോസില്ല വഴി പോര്‍ട്ടലില്‍ പ്രവേശിച്ചിട്ട് യൂസര്‍ നെയിമും പാസ്​വേഡും കൊടുത്തു കയറാന്‍ ശ്രമിച്ചിട്ട് പാസ്​വേര്‍ഡ് എറര്‍ കാണിക്കുന്നുവെന്ന് കാണിച്ച് പലരും ഞങ്ങള്‍ക്കു മെയിലുകള്‍ അയച്ചിരുന്നു. മറ്റൊരു സംശയം കൂടി. "ഡാറ്റ അപ്​ലോഡ് ചെയ്തിട്ട് രണ്ട് ഫയലേ അപ്​ലോഡ് ആയുള്ളു. എന്തെങ്കിലും കുഴപ്പമുണ്ടോ?" ഈ രണ്ടു ചോദ്യങ്ങള്‍ക്കുമുള്ള മറുപടി കഴിഞ്ഞ വര്‍ഷം പറഞ്ഞതു തന്നെ. ലോഗിന്‍ പേജ് തുറക്കുന്ന ബ്രൗസര്‍ മോസില്ലയാണെങ്കില്‍ ഫയര്‍ ഫോക്സ് 3 യോ, അതിന്നു മേലേയുള്ള വേര്‍ഷനുകളോ തന്നെ ആയിരിക്കണം. നമ്മുടെ ഐ.ടി @സ്ക്കൂള്‍ 3.2 ഗ്നു/ലിനക്സിലെ മോസില്ല ഫയര്‍ഫോക്സ് 2.0.0.16 ആണ്. അതുകൊണ്ടാണ് സ്ക്കൂള്‍ ലിനക്സ് 3.2 വഴി അപ്​ലോഡ് ചെയ്യാന്‍ ശ്രമിച്ച പലര്‍ക്കും അത് പറ്റാതിരുന്നത്. ഇനി അതല്ല സ്ക്കൂള്‍ ഗ്നു/ലിനക്സ് 3.2 മാത്രമേ സ്ക്കൂളിലുള്ളുവെങ്കില്‍ എന്താ ചെയ്യുക? എപ്രകാരം മോസില്ല അപ് ഗ്രേഡ് ചെയ്യാമെന്ന് താഴെ പറഞ്ഞിട്ടുണ്ട്.

സ്കൂള്‍ ഗ്നൂ/ലിനക്സ് 3.2 വില്‍ മോസില്ല 3 ഇന്‍സ്റ്റാള്‍ ചെയ്യുന്ന വിധം

ഇവിടെ നിന്ന് ഫയര്‍ഫോക്സ് 3 ഡൗണ്‍ലോഡ് ചെയ്യാം

1. Install Files എന്ന Zip file നിങ്ങളുടെ Desktop ലേക്ക് കോപ്പി ചെയ്തിടുക.
2. ആ സിപ് ഫോള്‍ഡറില്‍ റൈറ്റ് ക്ലിക്ക് ചെയ്ത് Extract here വഴി Desktop ലേക്ക് എക്സ്ട്രാക്ട് ചെയ്യുക.
3. എക്സ്ട്രാക്ട് ചെയ്തു കിട്ടിയ Install Files ല്‍ Right click ചെയ്ത് Open in Terminalവഴി ടെര്‍മിനല്‍ തുറക്കുക. (debian:~/Desktop/Install Files# എന്നായിരിക്കും ടെര്‍മിനലില്‍ കാണുക)
4. ഇനി Terminalല്‍ ./fire.sh എന്ന് ടൈപ്പ് ചെയ്ത് ​എന്റര്‍ അടിക്കുക. ഇന്‍സ്റ്റലേഷന്‍ നടക്കുന്നുണ്ടാകും.
5. അടുത്തതായി Desktopല്‍ ഉള്ള Install Files ന് അകത്തുള്ള Firefox 3 എന്ന ഐക്കണില്‍ ക്ലിക്ക് ചെയ്ത് ഓപ്പണ്‍ ചെയ്യാം. ഓപ്പണ്‍ ചെയ്ത് വരുമ്പോള്‍ത്തന്നെ ബ്രൗസറിന്റെ രൂപത്തിലെ വ്യത്യാസം തിരിച്ചറിയാമല്ലോ?

ആദ്യമായിട്ടാണ് ഔദ്യോഗിക പോര്‍ട്ടലിലേക്ക്കയറാന്‍ ശ്രമിക്കുന്നതെങ്കില്‍ യൂസര്‍ നെയിമും പാസ്​വേഡും സ്ക്കൂള്‍ കോഡ് തന്നെയായിരിക്കും എന്നറിയാമല്ലോ. ഉടനെ തന്നെ സുരക്ഷയ്ക്കായി പാസ്​വേഡ് മാറ്റുകയും വേണം. മാറ്റിയ പാസ്​വേഡ് എഴുതി വെക്കുമല്ലോ. എപ്പോഴും യൂസര്‍ നെയിം സ്ക്കൂള്‍ കോഡ് തന്നെയായിരിക്കും.

ഡാറ്റ എക്സ്പോര്‍ട്ട് ചെയ്യുന്നതെങ്ങനെ

ഡാറ്റാ എന്റ്റിക്കു ശേഷം പ്രിന്റ് റിപ്പോര്‍ട്ട് ക്ലിക്ക് ചെയ്ത് Inkjet/Laser സെലക്ട് ചെയ്യുക. ന്യൂ സ്കീമിന് N (പി.സി.എന്‍ ന് P) അടിച്ച് ഡിവിഷന്‍ എന്റര്‍ ചെയ്ത് പ്രൊസീഡ് ചെയ്താല്‍ കുറച്ചധികം സമയത്തെ കാത്തിരിപ്പിനു ശേഷം, പ്രിന്റ് റിപ്പോര്‍ട്ട് പി.ഡി.എഫ് ആയി ജനറേറ്റു ചെയ്യപ്പെടും. ഡിവിഷന്‍ എന്റര്‍ ചെയ്യ​ണമെന്നു നിര്‍ബന്ധമൊന്നുമില്ല. (ക്ലാസ്സ്​വൈസായി ചെക്കു ചെയ്യാന്‍ ഉപകാരപ്പെടും.) ഈ ഫയല്‍ പെന്‍ഡ്രൈവിലോ മറ്റോ എടുത്ത് പ്രിന്റെടുക്കാമല്ലോ? ഉബുണ്ടുവില്‍ പ്രത്യേകിച്ച് ഇന്‍സ്റ്റലേഷനൊന്നും ഇല്ലാതെ തന്നെ മിക്ക പ്രിന്ററുകളും സ്വയം എടുക്കുന്നുണ്ട്. പ്രിന്റ് നന്നായി പരിശോധിച്ച് തെറ്റുകള്‍ തിരുത്തി, എല്ലാം ഭദ്രമായെന്നുറപ്പുവരുത്തിയ ശേഷം മാത്രമേ, export ചെയ്യാവൂ. ചെയ്തു കഴിഞ്ഞാല്‍, Dist ഫോള്‍ഡറിനകത്തെ Upload എന്ന ഫോള്‍ഡറില്‍ 4 ഫയലുകള്‍ ഉ​ണ്ടാകും. ഇവയാണ് അപ്​ലോഡ് ചെയ്യേണ്ടത്. (ഉബുണ്ടുവില്‍ Home ന് അകത്തായിരിക്കും upload എന്ന ഫോള്‍ഡര്‍ വരിക)

ഡാറ്റ അപ്​ലോഡ് ചെയ്യുന്നതെങ്ങന
ഡാറ്റ അപ്​ലോഡ് ചെയ്യാന്‍ ഏത് ഓപ്പറേറ്റിങ് സിസ്റ്റവും ഉപയോഗിക്കാം. പക്ഷെ സ്ക്കൂള്‍ ലിനക്സ് 3.2 ആണെങ്കില്‍ മാത്രം ഏറ്റവും മുകളില്‍ പറഞ്ഞതു പോലെ വേര്‍ഷന്‍ അപ്​ഡേറ്റ് ചെയ്യണം. 4 ഫയലുകലും ഓരോന്നായി അപ്​ലോഡ് ചെയ്യണം. അപ്​ലോഡ് ചെയ്തതിനു ശേഷം, ഡൌണ്‍ലോഡ് ലിങ്കില്‍ നിന്നും ചെക്ക്ലിസ്റ്റ് എടുക്കാന്‍ സംവിധാനമുണ്ടാകും.

ഈ പോര്‍ട്ടലില്‍ കയറിക്കഴിയുമ്പോള്‍ മുകളില്‍ Upload എന്ന മെനുകാണും. അവിടെ മൗസ് പോയിന്റര്‍ വെക്കുമ്പോള്‍ Candidate data upload എന്നു കാണും. ക്ലിക്ക് ചെയ്യുക.

• ഇടതു വശത്ത് ബോക്സില്‍ നോക്കൂ. Files to be uploaded ഈ ഫയലുകളാണ് അപ്​ലോഡ് ചെയ്യേണ്ടത്.
• Export ചെയ്തപ്പോള്‍ Dist ഫോള്‍ഡറില്‍ ഉള്ള Upload എന്ന ഫോള്‍ഡറില്‍ ഈ നാലുഫയലുകളും ഉണ്ട്.
• താഴെയുള്ള Browser ല്‍ ക്ലിക്ക് ചെയ്ത് ഓരോ ഫയലുകളുടേയും Path കാണിച്ച് കൊടുത്ത് upload File എന്ന ബട്ടണില്‍ ക്ലിക്ക് ചെയ്യുക. ഇങ്ങനെ നാലു ഫയലുകളും കാട്ടിക്കൊടുക്കുക.
• Private candidate ഇല്ലെങ്കില്‍ 2 ഫയലുകള്‍ മാത്രമേ അപ്​ലോഡ് ആകുകയുള്ളു. sslc<>cns.txt, sslc<>sum.txt എന്നിവയായിരിക്കും ആ ഫയലുകള്‍.
• ഈ സമയം കൃത്യമായി നമ്മുടെ സ്ക്കൂളില്‍ നിന്ന് എത്രകുട്ടികള്‍ School going വിഭാഗത്തില്‍ പരീക്ഷയെഴുതുന്നു എന്ന വിന്റോ ചെറിയൊരു ബോക്സില്‍ പ്രത്യക്ഷപ്പെടും.
• Private Candidate ഇല്ലാത്തതിനാല്‍ sslc<>cps.txt,sslc<>reg.txt എന്നിവ Blank ആണെന്ന് കാണിച്ച് നില്‍ക്കുകയും ചെയ്യും.
• ചുരുക്കത്തില്‍ Private candidate ഇല്ലെങ്കില്‍ 2 ഫയലുകളേ Upload ആവുകയുള്ളുവെന്ന് സാരം.
• തൊട്ടടുത്ത Reportല്‍ നിന്നും Upload Statusഉം ചെക്ക്ലിസ്റ്റും അപ്പോള്‍തന്നെ കിട്ടും.

ചെക്ക്ലിസ്റ്റ് പ്രിന്റെടുത്ത് നോക്കിയാല്‍, അതെങ്ങിനെ പരീക്ഷാഭവനില്‍ എത്തിയിട്ടുണ്ടാകുമെന്ന് കാണാം. ഡിസംബറില്‍ പ്രിന്റൗട്ട് സ്കൂളിലെത്തുമ്പോള്‍ വരുത്തേണ്ട തിരുത്തലുകള്‍ മുന്‍കൂട്ടി റെഡിയാക്കുകയും ചെയ്യാം! ധൈര്യമായി Signout ചെയ്ത് ഇറങ്ങിപ്പോരുക. പിന്നെ Dist ഫോള്‍ഡറിലെ Upload ഫോള്‍ഡര്‍ ഒരു CD യില്‍ Copy ചെയ്തെടുക്കാന്‍ മറക്കല്ലേ.

മാസ്റ്റര്‍ ട്രെയിനര്‍മാരില്‍ നിന്നും ഐടി കോഡിനേറ്റര്‍മാരില്‍ നിന്നും കമന്റുകള്‍ വഴി കൂട്ടിച്ചേര്‍ക്കലുകള്‍ പ്രതീക്ഷിക്കുന്നു.

Read More | തുടര്‍ന്നു വായിക്കുക

ടി.പി.എഫ്.പി - SSLC എ ലിസ്റ്റ് ഡാറ്റ

സമ്പൂര്‍ണ കായികക്ഷമതാ പരിപാടി (TOTAL PHYSICAL FITNESS PROGRAMME) ഇന്‍സ്റ്റാള്‍ ചെയ്ത സിസ്റ്റങ്ങളില്‍ എസ്.എസ്.എല്‍.സി എ ലിസ്റ്റ് ഡാറ്റാ എന്‍ട്രി സോഫ്റ്റ്​വെയര്‍ ഇന്‍സ്റ്റാള്‍ ചെയ്യരുതെന്ന് ആദ്യമേ അറിയിപ്പുണ്ടായിരുന്നതാണ്. അത് ഞങ്ങളും ആവര്‍ത്തിക്കുന്നു. ഇതറിയാതെ ഒട്ടേറെപ്പേര്‍ TPFP ഡാറ്റാ എന്‍ട്രി നടക്കുന്നതിനിടക്ക് എ ലിസ്റ്റ് സോഫ്റ്റ്​വെയര്‍ ഇന്‍സ്റ്റാള്‍ ചെയ്യാന്‍ ശ്രമിച്ചു. അതോടെ ടി.പി.എഫ്.പി ഡാറ്റകളൊന്നും കിട്ടാത്ത അവസ്ഥയായി. ഒട്ടേറെ കുട്ടികളുള്ള സ്ക്കൂളുകളില്‍ വീണ്ടുമൊരു ഡാറ്റാ എന്‍ട്രിക്ക് പ്രായോഗികബുദ്ധിമുട്ടുണ്ടെന്ന് നമുക്കറിയാമല്ലോ. അപ്രകാരം ഡാറ്റ നഷ്ടപ്പെട്ടെന്നു കരുതിയ പലരും ഞങ്ങളെ ഫോണിലും ഇ-മെയില്‍ വഴിയും കമന്റിലൂടെയുമെല്ലാം കോണ്ടാക്ട് ചെയ്തു. ഇതിനൊരു പരിഹാരം വേണമെന്ന ഘട്ടത്തില്‍ ഞങ്ങള്‍ ഈ വിവരം നമുക്ക് സാങ്കേതിക സഹായം നല്‍കുന്ന നമ്മുടെ അധ്യാപകര്‍ക്ക് കൈമാറി. നഷ്ടപ്പെട്ടുവെന്നു കരുതിയ ഡാറ്റകള്‍ തിരിച്ചെടുക്കാനുള്ള കമാന്റുകളുമായി നമ്മളെ സഹായിക്കാനെത്തിയത് ആലപ്പുഴ ജില്ലയിലെ മാവേലിക്കര സെന്റ് ജോസഫ് ഹയര്‍ സെക്കന്ററി സ്ക്കൂളിലെ അധ്യാപകനായ സച്ചിന്‍ സാറാണ്. അദ്ദേഹത്തിന്റെ നിര്‍ദ്ദേശമനുസരിച്ച് ഡാറ്റ റിക്കവര്‍ ചെയ്തെടുത്ത എല്ലാവരും തന്നെ സന്തോഷത്തിലാണ്. അത് പറഞ്ഞറിയിക്കാനാവില്ലെന്നുള്ള ശ്രീകല ടീച്ചറുടെ കമന്റ് മാത്​സ് ബ്ലോഗ് കുടുംബാംഗങ്ങളുടെ പൊതുവികാരമായിത്തന്നെ ഞങ്ങള്‍ കാണുന്നു. രണ്ടു കമാന്റുകളിലൂടെ സ്വിച്ചിങ് നടത്തി ടി.പി.എഫ്.പിയും എസ്.എസ്.എല്‍.സി എ ലിസ്റ്റ് സോഫ്റ്റ്​വെയറും മാറി മാറി ഉപയോഗിക്കാനുള്ള കമാന്റുകള്‍ താഴെ നല്‍കുന്നു. അതോടൊപ്പം തന്നെ SSLC എ ലിസ്റ്റ് സോഫ്റ്റ്​വെയറില്‍ നിന്നും എക്സ്പോര്‍ട്ട് ചെയ്ത ഡാറ്റ സ്പ്രെഡ്ഷീറ്റിലേക്ക് കൊണ്ടു വരുന്ന വിധത്തെപ്പറ്റി ഹസൈനാര്‍ സാറിന്റെ നിര്‍ദ്ദേശങ്ങളും നല്‍കിയിരിക്കുന്നു. സോഫ്റ്റ്​വെയര്‍ ഇന്‍സ്റ്റലേഷനുകള്‍ക്കിടയിലോ ഡാറ്റാ എന്‍ട്രിയിലോ വരുന്ന സംശയങ്ങളും കമന്റുകളായി ചോദിക്കുമെന്നു പ്രതീക്ഷിക്കട്ടെ.

ടി.പി.എഫ്.പിയ്ക്കും എ ലിസ്റ്റ് ഡാറ്റാ എന്‍ട്രിക്കുമായി രണ്ടു തരം mysql കളാണ് ഉപയോഗിക്കുന്നത്. ഒന്ന് സ്റ്റോപ്പ് ചെയ്ത ശേഷമേ അടുത്ത mysql ഉപയോഗിക്കാനാവൂ. അതു തന്നെയാണ് ഇതിനു പിന്നിലെ ലോജിക്കും. സച്ചിന്‍ സാര്‍ കമന്റായി നല്‍കിയ ഈ കമാന്റുകള്‍ പ്രാധാന്യം കണക്കിലെടുത്താണ് ഒരു പോസ്റ്റായി പ്രസിദ്ധീകരിക്കുന്നത്.

Step-1

ടി.പി.എഫ്.പി ഡാറ്റ തിരിച്ചെടുക്കാന്‍ ആദ്യം എ ലിസ്റ്റ് സോഫ്റ്റ്​വെയര്‍ സ്റ്റോപ്പ് ചെയ്യണം. അതിനായി ടെര്‍മിനലില്‍
sudo /etc/init.d/mysql stop എന്ന് ടൈപ്പ് ചെയ്യുക.
(ഇവിടെ നിന്ന് കോപ്പി പേസ്റ്റ് ചെയ്യുന്നതാകും ഉചിതം)
ഈ സമയം താഴെ കാണുന്ന പോലൊരു മെസ്സേജ് വരുന്നത് കാണാം.
* Stopping MySQL database server mysqld [ OK ]

Step-2

ഇനി നമുക്ക് ടി.പി.എഫ്.പി സോഫ്റ്റ്​വെയര്‍ തുറക്കാന്‍ വേണ്ടി ടെര്‍മിനലില്‍
sudo /opt/lampp/lampp start ടൈപ്പ് ചെയ്യുക.

ഇപ്പോള്‍ ടെര്‍മിനലില്‍ താഴെ കാണുന്നതു പോലെ വിവരങ്ങള്‍ പ്രത്യക്ഷപ്പെട്ടു തുടങ്ങും.
Starting XAMPP for Linux 1.7.3a...
XAMPP: Starting Apache with SSL (and PHP5)...
XAMPP: Starting MySQL...
XAMPP: Starting ProFTPD...
XAMPP for Linux started.

തുടര്‍ന്ന് ബ്രൗസര്‍ തുറന്ന് അഡ്രസ് ബാറില്‍ http://localhost/sports/config.php എന്ന വരി ടൈപ്പ് ചെയ്ത് എന്റര്‍ കീ അമര്‍ത്തിയാല്‍ ടി.പി.എഫ്.പിയുടെ ഹോം പേജ് തുറന്നു വരും. login ചെയ്താല്‍ കായികക്ഷമതാ പരിപാടിക്കു വേണ്ടി നാം ടൈപ്പ് ചെയ്ത മുഴുവന്‍ ഡാറ്റയും കാണാനാകും.

തിരിച്ച് എങ്ങനെ നമുക്ക് എ ലിസ്റ്റ് സോഫ്റ്റ്​വെയറില്‍ പ്രവേശിക്കണമെങ്കിലോ?
അതിനായി ആദ്യം ടി.പി.എഫ്.പിയുമായി ബന്ധപ്പെട്ട mysql പ്രോഗ്രാം ക്ലോസ് ചെയ്യേണ്ടേ? ടെര്‍മിനലില്‍ താഴെ കാണുന്ന കമാന്റ് ടൈപ്പ് ചെയ്യുക.

sudo /opt/lampp/lampp stop

താഴെ കാണുന്ന പോലെയായിരിക്കും പ്രവര്‍ത്തനങ്ങള്‍ നടക്കുന്നത് ടെര്‍മിനലില്‍ പ്രദര്‍ശിപ്പിക്കുക.
Stopping XAMPP for Linux 1.7.3a...
XAMPP: Stopping Apache with SSL...
XAMPP: Stopping MySQL...
XAMPP: Stopping ProFTPD...
XAMPP stopped.

SSLC Data entry സോഫ്റ്റ്​വെയര്‍ പ്രവര്‍ത്തിപ്പിക്കാന്‍ ടെര്‍മിനലില്‍ താഴെ കാണുന്ന കമാന്റ് നല്‍കണം.

sudo /etc/init.d/mysql start

ഈ സമയം ടെര്‍മിനലില്‍ ഇങ്ങനെ കാണാന്‍ കഴിയും
* Starting MySQL database server mysqld [ OK ]
* Checking for corrupt, not cleanly closed and upgrade needing tables.

ഇനി Desktopലുള്ള Dist ഫോള്‍ഡറിലെ SSLCApp.jar എന്ന ഫയലില്‍ Right click ചെയ്ത് Open with Sun Java 6 Runtime -ല്‍ click ചെയ്ത് പ്രോഗ്രാം റണ്‍ ചെയ്യാവുന്നതേയുള്ളു.വീണ്ടും കായികക്ഷമതാ സോഫ്റ്റ്​വെയര്‍ തുറക്കണമെങ്കില്‍ പ്രക്രിയ ആദ്യം മുതല്‍ ആരംഭിക്കാം.

SSLC എ ലിസ്റ്റ് സോഫ്റ്റ്​വെയറില്‍ നിന്നും എക്സ്പോര്‍ട്ട് ചെയ്ത ഡാറ്റ സ്പ്രെഡ്ഷീറ്റിലേക്ക് കൊണ്ടു വരുന്ന വിധത്തെപ്പറ്റി ഹസൈനാര്‍ സാറിന്റെ കമന്റ്

• Export (sslc​xxxxxcns.txt)ചെയ്ത ഫയലിനെ Gnumeric ല്‍ ഓപ്പണ്‍ ചെയ്യാന്‍ പറ്റുന്നത് പോലെ ഉബുണ്ടുവിലെ calc (open office 3.2 വേര്‍ഷന്‍) ലും സാധിക്കും.
• എക്സ്പോര്‍ട്ട് ചെയ്യുമ്പോള്‍ കിട്ടുന്ന text ഫയലില്‍ Rightclick ചെയ്യുക.
• >Open with- other Application-Openoffice.org spreadsheet എന്ന ക്രമത്തില്‍ തുറക്കുക
• അപ്പോള്‍ കാണുന്ന text import വിന്‍ഡോയില്‍ Seperated by എന്നതില്‍ എല്ലാ ടിക്ക് മാര്‍ക്കുകളും കളഞ്ഞ് Other ടിക്ക് ചെയ്ത് $ ചിഹ്നം നല്‍കി OK നല്കുക.
• ചില സെല്ലുകളില്‍ കോഡുകള്‍ കാണാം. ഈ കോഡിനെ Find & Replace (Cntrl+F) വഴി ആവശ്യമായവ Replace ചെയ്യാം.
• സ്പ്രെഡ് ഷീറ്റായിത്തന്നെ സേവ് ചെയ്യുക

ഇതുപോലെ ഒട്ടേറെ പ്രധാനപ്പെട്ട കമന്റുകള്‍ ഓരോ പോസ്റ്റിനൊപ്പവും വരാറുണ്ട്. പക്ഷെ, ജോലിത്തിരക്കു മൂലമാകാം എല്ലാവരും അത് വേണ്ടവിധം ശ്രദ്ധിക്കാറില്ലെന്ന് തോന്നുന്നു. എന്നാല്‍ കുറേ അധ്യാപകരെങ്കിലും സജീവമായി ചര്‍ച്ചകളില്‍ പങ്കെടുക്കുകയും ഓരോ പോസ്റ്റിനേയും സമ്പുഷ്ടമാക്കാന്‍ ശ്രമിക്കാറുമുണ്ട്. കൂടുതല്‍ പേരില്‍ നിന്ന് അഭിപ്രായങ്ങള്‍, സംശയങ്ങള്‍, അറിവുകള്‍ എന്നിവ കമന്റിലൂടെ പ്രതീക്ഷിക്കുന്നു.

Read More | തുടര്‍ന്നു വായിക്കുക

എ-ലിസ്റ്റ് ഡാറ്റാ എന്റ്റി !

എസ്.എസ്.എല്‍.സി എ-ലിസ്റ്റ് ഡാറ്റാ-എന്റ്റി സോഫ്റ്റ്​വെയര്‍ ഇന്‍സ്റ്റലേഷന്റെ സമയമായിരിക്കുകയാണല്ലോ..?
സോഫ്റ്റ് ​വെയര്‍ ഇന്‍സ്റ്റാള്‍ ചെയ്ത് ഡാറ്റാ എന്റ്റി തീര്‍ത്ത് കുറ്റമറ്റതാക്കി അപ്​ലോഡ് ചെയ്യേണ്ടത് നവംബര്‍ ഒന്നിനു മുമ്പാണ്. ഇതുമായി ബന്ധപ്പെട്ട് കഴിഞ്ഞവര്‍ഷം നാം നല്കിയ സഹായം ഒരുപാട് പേര്‍ക്ക് ഉപകാരപ്പെട്ടതായി അറിയിച്ചിരുന്നു. ഇത്തവണയും സ്കൂള്‍ ഗ്നൂ-ലിനക്സ് 3.2 വിലാണ് ഇന്‍സ്റ്റാള്‍ ചെയ്യാന്‍ നിര്‍ദ്ദേശം ലഭിച്ചിരുന്നത്.എന്നാല്‍, പിന്നീട് ഉബുണ്ടുവിലും ചെയ്യാന്‍ സമ്മതം ലഭിച്ചു. സ്കൂള്‍ ഗ്നൂ-ലിനക്സ് 3.2 ല്‍ കഴിഞ്ഞവര്‍ഷത്തേതില്‍ നിന്ന് കാര്യമായ യാതൊരു മാറ്റവും ഇന്‍സ്റ്റലേഷന്‍ സംബന്ധമായി ഇല്ലതന്നെ! എങ്കിലും സംശയങ്ങള്‍ സ്വാഭാവികം തന്നെ. ഭാഗ്യത്തിന്, നമ്മുടെ രണ്ടു ബ്ലോഗ് ടീമംഗങ്ങളായ മാസ്റ്റര്‍ ട്രൈനേഴ്സ് ( നിസാര്‍ മാഷും ശങ്കരന്‍ മാഷും) യഥാക്രമം എറണാകുളം, കാസര്‍ഗോഡ് എന്നീ വിദ്യാഭ്യാസ ജില്ലകളെ പ്രതിനിധീകരിച്ചും, ജയദേവന്‍ മാഷ് ആലുവയെ പ്രതിനിധീകരിച്ചും ഇതിന്റെ ട്രൈനര്‍മാരായുണ്ട്. കൂടാതെ,ഹസൈനാര്‍ സാര്‍, പ്രദീപ് മാട്ടറ, സജിമോന്‍ തുടങ്ങിയ മാസ്റ്റര്‍ ട്രെയിനേഴ്സും എന്നും നമ്മോടൊപ്പമുണ്ടല്ലോ..? ഈ ലേഖനവുമായി ബന്ധപ്പെട്ടുള്ള സംശയങ്ങളോ തിരുത്തുകളോ ആവശ്യമെങ്കില്‍ കമന്റ് ചെയ്യുമല്ലോ. ഇനി സ്കൂള്‍ ഗ്നൂ-ലിനക്സ് 3.2 വില്‍ ഇത് ഇന്‍സ്റ്റാള്‍ ചെയ്യുന്ന വിധം നോക്കൂ........

Step 1

MySql ഇന്‍സ്റ്റാള്‍ ചെയ്തിട്ടുള്ള കമ്പ്യൂട്ടറിലേ നമുക്ക് ഈ SSLC A-LIst ഡാറ്റാ എന്‍ട്രി സോഫ്റ്റ്​വെയര്‍ ഇന്‍സ്റ്റാള്‍ ചെയ്യാനാകൂ. അത് ലോഡ് ചെയ്തിട്ടുണ്ടോയെന്ന് ചെക്കു ചെയ്യാം.

Root ആയി മാത്രം ഇന്‍സ്റ്റലേഷന്‍ നടത്താനാണ് സോഫ്റ്റ്​വെയര്‍ നിര്‍ദ്ദേശിക്കുന്നത്. അതുകൊണ്ട് റൂട്ടായി Login ചെയ്താല്‍ മതി.

1.Desktop-Administration-Synaptic Package Manager എടുക്കുക.
2.Control Key യും f ബട്ടണും ഒരേ സമയം അമര്‍ത്തുക.
3.ഇപ്പോള്‍ വരുന്ന Search Box ല്‍ mysql എന്ന് Type ചെയ്ത് Enter അടിക്കുക.
4.റിസല്‍ട്ടായി വരുന്ന ഫയലുകളില്‍ mysql എന്ന് പേര് തുടങ്ങുന്ന ഫയലുകള്‍ നോക്കുക.

mysql ഇന്‍സ്റ്റാള്‍ ചെയ്തിട്ടുണ്ടെങ്കില്‍ ആ ഫയലുകളുടെയെല്ലാം ഇടതുവശത്ത് ഒരു പച്ച ചതുരം കാണാം.

ഇന്‍സ്റ്റാള്‍ ചെയ്തിട്ടില്ലെങ്കില്‍ വെള്ള ചതുരമായിരിക്കും കാണുക. എങ്കില്‍ നമുക്ക് mysql ഇന്‍സ്റ്റാള്‍ ചെയ്യണം.
ലിനക്സ് 3.2 വിന്റെ സെക്കന്റ് സിഡി ഡ്രൈവിലിട്ട് Edit-Add CD Rom വഴി add ചെയ്യണം.
ശേഷം mysql ല്‍ തുടങ്ങുന്ന ആ ഫയലുകളുടടെയെല്ലാം ഇടതുവശത്തെ വെളുത്ത ചതുരത്തില്‍ ക്ലിക്ക് (Left click) ചെയ്യുമ്പോള്‍ വരുന്ന വിന്റോയില്‍ നിന്നും Mark for installation സെലക്ട് ചെയ്ത് മെനുബാറിന് താഴെയുള്ള Apply ബട്ടണില്‍ ക്ലിക്ക് ചെയ്യുക. ഇന്‍സ്റ്റലേഷന്‍ നടക്കും.

Step 2

സോഫ്റ്റ്​വെയര്‍ സി.ഡിയില്‍ നിന്നും dist എന്ന ഫോള്‍ഡര്‍ copy എടുത്ത് Root ന്റെ Desktop ലേക്ക് Paste ചെയ്യുക.

ഇനി mysql പ്രോഗ്രാമിലേക്ക് ലോഗിന്‍ ചെയ്യേണ്ടേ?
Applications-System Tools-Terminalഎന്ന ക്രമത്തില്‍ ടെര്‍മിനല്‍ തുറന്ന്
mysql -u root mysql; എന്ന് ടൈപ്പ് ചെയ്ത് Enter അടിക്കുക.
(ഏത് mysql കമാന്റിന് ശേഷവും Semicolon ഇടാന്‍ മറക്കരുത്)
പിന്നീടെപ്പോഴെങ്കിലും mysql കമാന്റുകളെപ്പറ്റി അറിയണമെന്നുണ്ടോ?
ഇതാ ഡൗണ്‍ലോഡ് ചെയ്ത് വെച്ചോളൂ

ആ സമയം ഇങ്ങനെയായിരിക്കും output ലഭിക്കുക
Type 'help;' or '\h' for help. Type '\c' to clear the buffer.
mysql>

പാസ്​വേഡ് കൊടുക്കാം

SET PASSWORD FOR root@localhost=PASSWORD('root');എന്ന് ടൈപ്പ് ചെയ്ത് Enter അടിക്കുക.
ആ സമയം ഇങ്ങനെയായിരിക്കും output ലഭിക്കുക
mysql> SET PASSWORD FOR root@localhost=PASSWORD('root');
Query OK, 0 rows affected (0.00 sec)
mysql>
ഇതിന് മുന്‍പെങ്ങാന്‍ sslc എന്ന പേരില്‍ ഒരു Database Mysql ല്‍ ഉണ്ടെങ്കില്‍ Deleteചെയ്തേ പറ്റൂ

drop database sslc; എന്ന് ടൈപ്പ് ചെയ്ത് Enter അടിക്കുക.
ഇനി പുതിയ Database നിര്‍മ്മിക്കണം
create database sslc; എന്ന് ടൈപ്പ് ചെയ്ത് Enter അടിക്കുക.
ആ സമയം ഇങ്ങനെയായിരിക്കും output ലഭിക്കുക

mysql> create database sslc;
Query OK, 1 row affected (0.02 sec)
mysql>

ഇനി നമുക്ക് എ-ലിസ്റ്റിന്റെ ടേബിള്‍ ഡാറ്റ Database ലേക്ക് കോപ്പി ചെയ്യുന്ന പ്രവര്‍ത്തനമാണ് നടത്തേണ്ടത്.
അതു കൊണ്ട് തന്നെ mysql പ്രവര്‍ത്തനം തല്‍ക്കാലത്തേക്ക് Abort ചെയ്യാം

ഇതിനായി കണ്‍ട്രോള്‍ C അമര്‍ത്തുക
output ആയി aborted എന്നു വന്നിട്ടുണ്ടാകും.

ഇനി Dist ഫോള്‍ഡറില്‍ Right Click ചെയ്യുക. ഇപ്പോള്‍ വരുന്ന വിന്റോയിലെ run in Terminal ക്ലിക്ക് ചെയ്യുക.
ഇപ്പോള്‍ ടെര്‍മിനലില്‍ Debain:~/Desktop/dist# എന്നു വന്നിട്ടുണ്ടാകും.
അവിടെ mysql -u root -proot sslc<sslc_db.sql
അല്പം സമയം കാത്തിരിക്കുക. ഇവിടെ ടേബിള്‍ ഡാറ്റ Create ചെയ്യപ്പെടുകയാണ്
ഈ പ്രവര്‍ത്തനം കഴിയുമ്പോള്‍ Automatic ആയി Debain:~/Desktop/dist# എന്നു വന്നു നില്‍ക്കും.

സ്റ്റെപ്പ് 3
ഇനി നമുക്ക് ജാവ ഇന്‍സ്റ്റാള്‍ ചെയ്യണം. (Java നേരത്തെ Install ചെയ്ത സിസ്റ്റത്തില്‍ 3 ഉം 4 ഉം steps ആവശ്യമില്ല. പിന്നീട് programme run ചെയ്യിക്കാനായി (step: 5) SSLCApp.sh എന്ന ഫയല്‍ ഡബിള്‍ ക്ലിക്ക് ചെയ്ത് run ചെയ്യിക്കുന്നതിന് പകരം Desktop ല്‍ ഉള്ള Dist ഫോള്‍ഡറിലെ തന്നെ SSLCApp.jar എന്ന ഫയലില്‍ right click ചെയ്ത് open with sun java 6 run time എന്നതില്‍ ക്ലിക്ക് ചെയ്താല്‍ മതി.)
dist ഫോള്‍ഡറിലെ jdk-6u7-linux-i586.bin
എന്ന ഫയല്‍ കോപ്പി ചെയ്ത് റൂട്ടിന്റെ home folder ല്‍ പേസ്റ്റു ചെയ്യുക.
ആ ഫയലില്‍ റൈറ്റ് ബട്ടണ്‍ ക്ലിക്ക് ചെയ്ത് Properties ല്‍ Permission കൊടുക്ക​ണം. File Owner ആയി Root തന്നെ ആക്കിക്കൊടുക്കണം. Owner ക്ക് Read,Write & Execute എല്ലാം ടിക് ചെയ്ത് കൊടുക്കുക. (സര്‍വ്വാധികാരം നല്‍കുന്നു)

ആ ഫയലില്‍ Right click ചെയ്ത് Open in terminal സെലക്ട് ചെയ്യുക. ഈ സമയം ജാവയുടെ ഉപയോഗം സംബന്ധിച്ച ഒരു നെടുനീളന്‍ Terms& conditions വരും. തീരുന്ന വരെ Enter കീ അടിച്ചു കൊണ്ടിരിക്കുക.
ജാവയുമായി ബന്ധപ്പെട്ട Terms & Conditions ആണ്.
വെറുതെ ഇരിക്കുമ്പോള്‍ അത് മുഴുവന്‍ വായിച്ചു നോക്കാം കേട്ടോ. ഇതാണ് ആ നിയമാവലി
അവസാനം Do you agree to the above license terms? [yes or no] എന്ന ഒരു ചോദ്യം വരും.
മറുപടി Yes എന്ന് ടൈപ്പ് ചെയ്ത് എന്റര്‍ അടിക്കുക. ഇനി ഫയലുകള്‍ എക്സ്ട്രാക്ട് ചെയ്യുന്നതടക്കമുള്ള കുറച്ചു പ്രവര്‍ത്തനങ്ങള്‍ കാണാം.
ആ സമയം ഇങ്ങനെയായിരിക്കും output ലഭിക്കുക
Unpacking...
Checksumming...
Extracting...

കുറച്ചു കൂടി കഴിയുമ്പോള്‍ ഇങ്ങനെ കാണാം.
Java(TM) SE Development Kit 6 successfully installed.
..
For more information on what data Registration collects and
how it is managed and used, see:
http://java.sun.com/javase/registration/JDKRegistrationPrivacy.html
Press Enter to continue.....
output ലെ അവസാന വരിയില്‍ പറഞ്ഞ പോലെ Enter അടിച്ചോളൂ. വിന്റോ Close ആയി പോകുന്നു.
മേല്‍ കാണിച്ച പ്രവര്‍ത്തനങ്ങളുടെ ഫലമായി ഇപ്പോള്‍ Root ന്റെ Home ല്‍ jdk1.6.0_07എന്ന പേരില്‍ ഒരു ഫോള്‍ഡര്‍ പുതുതായി ഉണ്ടായിട്ടുണ്ട്.

സ്റ്റെപ്പ് 4

ജാവയും My sqlഉം തമ്മില്‍ ലിങ്ക് ചെയ്യുന്ന ലൈബ്രറി കണക്ഷനാണ് അടുത്ത സ്റ്റെപ്പ്.
Desktop ല്‍ ഉള്ള Dist ലെ lib ഫോള്‍ഡര്‍ Open ചെയ്യുക. ഇതില്‍ 3 ഫയലുകളുണ്ട്.
iText-2.1.3.jar,
iText-rtf-2.1.3.jar,
mysql-connector-java-3.1.14-bin.jar

ഇവ ഇവിടെ നിന്നും Copy എടുത്ത് Root ന്റെ Home ലെ jdk1.6.0_07 ലെ jre ലെ lib ലെ extഎന്ന ഫോള്‍ഡറില്‍ Paste ചെയ്യുക.

സ്റ്റെപ്പ് 5

Desktop ല്‍ ഉള്ള Dist ഫോള്‍ഡര്‍ തുറന്ന് അതിലെ SSLCApp.sh എന്ന ഫയലിന് പെര്‍മിഷന്‍ കൊടുക്കുക.
എങ്ങിനെ? മേല്‍പ്പറഞ്ഞ ഫയലില്‍ റൈറ്റ് ക്ലിക്ക് ചെയ്ത് Properties എടുത്ത് Permissions ലെ Owner Root ആക്കി മാറ്റി Read,Write& Execute ഇവ ടിക് ചെയ്ത് കൊടുക്കുക
തുടര്‍ന്ന് SSLCApp.sh ഡബിള്‍ക്ലിക്ക് ചെയ്താല്‍ വരുന്ന വിന്റോയിലെ Run ല്‍ ക്ലിക്ക് ചെയ്യുക.
ഏതാനും സെക്കന്റുകള്‍ കഴിയുമ്പോള്‍ SSLC Management Information System എന്ന തലക്കെട്ടോടെ ഒരു വിന്റോ വരും ഇതിലെ username നിങ്ങളുടെ സ്ക്കൂള്‍ കോഡാണ്. എന്റര്‍ അടിക്കുക password തല്‍ക്കാലം നിങ്ങളുടെ സ്ക്കൂള്‍ കോഡ് തന്നെ. എന്റര്‍ അടിച്ചാല്‍ ഇനി login ചെയ്യാം.
ബാക്ക് അപ്
ഓരോ ദിവസവും എന്റര്‍ ചെയ്യുന്ന data യുടെ backup താഴെ പറയുന്ന രീതിയില്‍ എടുത്ത് വക്കാവുന്നതാണ്. ഒരു ഫോള്‍ഡര്‍ create ചെയ്ത് അത് ടെര്‍മിനലില്‍ തുറന്ന് താഴെ പറയുന്ന command type ചെയ്താല്‍ മതി. Ex:- day1 എന്ന ഫോള്‍ഡറിലേക്ക് backup എടുക്കണമെങ്കില്‍ Right Click on the Folder - open in terminal- ല്‍ താഴേ കാണുന്ന command type ചെയ്യുക.

mysqldump -u root -proot sslc>day1.sql എന്റര്‍ അടിക്കുക.

ഉബുണ്ടുവില്‍
സ്ക്രീന്‍ ഷോട്ടുകള്‍ സഹിതം മുവാറ്റുപുഴ എം.ടി.സി. സജിമോന്‍ സാറിന്റെ ഫയലിനായി ഇവിടെ ക്ലിക്ക് ചെയ്യുക.
ഗീതാസുധി ടീച്ചറുടെ മാര്‍ഗം ഇവിടെ

Read More | തുടര്‍ന്നു വായിക്കുക

സത്യമായ സ്വാതന്ത്യത്തിന്റെ പതിമൂന്നു വര്‍ഷങ്ങള്‍

നമ്മുടെ ടീമിലെ കുറച്ചുപേര്‍ ഇന്ന് രാവിലെ ഒമ്പതുമണിമുതല്‍ എറണാകുളം അധ്യാപക ഭവനിലുണ്ടാകും.ശ്രീനാഥ്, ഹരി, നിസാര്‍, ജോമോന്‍ .....ചിലപ്പോള്‍ ജോണ്‍സാറും. എന്താ കാര്യമെന്നാകും, അല്ലേ..? കൊച്ചിയിലെ ഐലഗ് ;അതിന്റെ വിജയകരമായ പതിമൂന്നു വര്‍ഷം പിന്നിട്ടതിന്റെ സന്തോഷസൂചകമായുള്ള സ്വതന്ത്ര സോഫ്റ്റ്​വെയര്‍ കൂട്ടായ്മയാണവിടെ. പല മേഖലകളിലും നിന്നുള്ള നിസ്വാര്‍ഥരായ ഒരുപിടി ചെറുപ്പക്കാര്‍ ജെ.ജെ.എന്നറിയപ്പെടുന്ന ജേക്കബ്സാറിന്റെ മറൈന്‍ഡ്രൈവിലുള്ള 'ജേസ് ഇന്റര്‍നെറ്റ് കഫേ'യില്‍ എല്ലാ മാസത്തിലേയും അവസാന ഞായറാഴ്ച ഒത്തുചേരാന്‍ തുടങ്ങിയിട്ട് നീണ്ട പതിമൂന്നു വര്‍ഷങ്ങളായെന്നു സാരം.
ഐലഗിന്റെ മീറ്റിംഗിനായിയാണ് ഇവരെത്തുന്നത് എന്നു സൂചിപ്പിച്ചു.... എന്താണ് ഐലഗ് എന്നറിയണ്ടേ..?

ഇന്ത്യന്‍ ലിബ്രെ യൂസേഴ്‌സ് ഗ്രൂപ്പ് ആണ് ഐലഗ്. 1997 -ല്‍ കൊച്ചിയില്‍ രൂപം കൊണ്ട ഈ സംഘടന ഇന്നേറെ ശ്രദ്ധ പിടിച്ചുപറ്റി കഴിഞ്ഞു.
കൊച്ചി ഐലഗിന്റെ തുടക്കം
1997 സെപ്റ്റംബര്‍ മാസത്തിലാണ് കൊച്ചിയില്‍ ഇന്ത്യന്‍ ലിനക്സ് യൂസര്‍ ഗ്രൂപ്പ് (ഐലഗ് )രൂപീകരിക്കപ്പെടുന്നത്.ഈയടുത്ത് പേര് ഇന്ത്യന്‍ ലിബ്രെ യൂസര്‍ ഗ്രൂപ്പ് എന്നാക്കി മാറ്റുകയുണ്ടായി. ഐ.ടി മേഖലയില്‍ ജോലി ചെയ്യുന്ന ഏഴു സുഹൃത്തുക്കള്‍,1997 സെപ്‌റ്റംബര്‍ മാസത്തില്‍ എറണാകുളം നഗരത്തില്‍ ഒത്തു കൂടി. അവരുടെ ആദ്യ ഒത്തു ചേരലില്‍ ലിനക്‍സ് എന്ന പുത്തന്‍ ആശയമാണ് ചര്‍ച്ച ചെയ്‌തത്.
ആ ഒത്തുചേരലില്‍ ഏഴു പേരായിരുന്നെങ്കില്‍ ഇതിന്റെ രണ്ടാമത്തെ ഒത്തു ചേരലില്‍ പങ്കെടുത്തത് ഇരുപതു പേരാണ്. ഒരു പുതിയ സംരംഭത്തിന്റെ തുടക്കമാവുകയായിരുന്നു ആ ഒത്തു ചേരലുകള്‍.

വളര്‍ച്ച
സ്വതന്ത്ര സോഫ്‌റ്റ് വെയര്‍ ഉപയോഗിക്കുന്നവര്‍ അവരുടെ അനുഭവങ്ങള്‍ പങ്കു വെയ‌ക്കാനും അറിവുകള്‍ കൈമാറാനും അവര്‍ നേരിടുന്ന പ്രശ്‌നങ്ങള്‍ പരിഹരിക്കാന്‍ സഹായിക്കാനുമായിരുന്നു തുടക്കത്തില്‍ സംഘടന ലക്ഷ്യം വച്ചിരുന്നത്. ഇന്റെര്‍നെറ്റ് എന്നത് ഏറെ ചെലവേറിയതും അപൂര്‍വ്വവും ആയിരുന്ന ആ കാലത്ത് സ്വതന്ത്ര സോഫ്‌റ്റ് വെയറുമായി ബന്ധപ്പെട്ട പ്രശ്‌നങ്ങള്‍ പരിഹരിക്കാനുള്ള ഏക മാര്‍ഗവും ഇതായിരുന്നു.

ഒട്ടേറെ പ്രതിസന്ധികളെ തരണം ചെയ്‌താണ് ഈ നീക്കം മുന്നോട്ടു പോയത്. ആദ്യ കാലത്തെ ഹൃസ്വമായ മീറ്റിംഗുകള്‍ ഒരു ദിവസം മുഴുവന്‍ നീണ്ടു നില്‍ക്കുന്ന മീറ്റിംഗുകള്‍ക്ക് വഴിമാറി .ഇന്റെര്‍നെറ്റ് കണക്‍ഷന്‍ ഏറെ ചെലവേറിയതായിരുന്ന ആ കാലത്ത് ഗ്നു ലിനക്‍സ് വീട്ടില്‍ ഇന്‍സ്‌റ്റാള്‍ ചെയ്യാന്‍ ശ്രമിച്ച് പരാജപ്പെട്ടവര്‍ ഈ മീറ്റിംഗില്‍ എത്തിയിരുന്നു.

എന്നാല്‍ പിന്നീട് ഈ മീറ്റിംഗുകളില്‍ പങ്കെടുക്കുന്നവരുടെ എണ്ണം വര്‍ദ്ധിച്ചു. വിവിധ വിഷയങ്ങളെ കുറിച്ചുള്ള പ്രഭാഷണങ്ങള്‍, പ്രദര്‍ശനങ്ങള്‍, വര്‍ക്ക് ഷോപ്പുകള്‍ തുടങ്ങിയവ കേരളത്തിന്റെ വിവിധ ഭാഗങ്ങളില്‍ സംഘടിപ്പിച്ചു ഐലഗ് വളരുകയായിരുന്നു.

കടലു കടന്ന് സ്വതന്ത്ര സോഫ്റ്റ് വെയര്‍ പ്രസ്ഥാനത്തിന്റെ അമരക്കാരനായ റിച്ചാഡ് സ്റ്റാള്‍മാന്റെ വരെ ശ്രദ്ധ പിടിച്ചുപറ്റാന്‍ കൊച്ചിയിലെ ഐലഗ് പ്രവര്‍ത്തകര്‍ക്കായി. റിച്ചാഡ് സ്‌റ്റാള്‍മാനോടൊപ്പം കൊച്ചിയിലെ ഐലഗ് പ്രവര്‍ത്തകര്‍ നില്‍ക്കുന്ന ചിത്രം കാണാന്‍ ഇവിടെ ക്ലിക്ക് ചെയ്യുക.

ഇന്നത്തെ മീറ്റിംഗ്
സ്വതന്ത്ര സോഫ്‌റ്റ് വെയറുമായി ബന്ധപ്പെട്ട പ്രഭാഷണങ്ങള്‍, അതുമായി ബന്ധപ്പെട്ട പ്രശ്‌നങ്ങള്‍ പരിഹരിക്കാനുള്ള അവസരം, സ്വതന്ത്ര സോഫ്‌റ്റ് വെയറിലെ മലയാളം കംപ്യൂട്ടിംഗിനെ കുറിച്ചുള്ള അവതരണം , ലൈബ്രറി മാനേജ്മെന്റ് , ലേണീംഗ് മാനേജ്മെന്റ്, ഗ്നു ലിനക്സ് ഇന്‍സ്റ്റാലേഷന്‍, ഗ്രാഫിക് ഡിസൈനിംഗ് എന്നിവയുമായി ബന്ധപ്പെട്ട അവതരണങ്ങള്‍ , പോസ്‌റ്റര്‍ പ്രദര്‍ശനം കൂടാതെ നിങ്ങളുടെ ലാപ്ടോപ്പില്‍ സൗജന്യമായി ഗ്നൂ ലിനക്‌സ് ഇന്‍സ്‌റ്റാള്‍ ചെയ്‌തു തരുന്ന ഇന്‍സ്‌റ്റാള്‍ ബൂത്തും ഇവിടെയുണ്ട്.
പ്രവേശനം സൗജന്യമാണ് കേട്ടോ..വരുന്നോ എറണാകുളത്തേക്ക്?

Read More | തുടര്‍ന്നു വായിക്കുക

STD IX വൃത്തങ്ങള്‍ - ഉദാഹരണങ്ങള്‍ ജിയോജിബ്രയിലൂടെ

കേരളത്തിലെ സ്ക്കൂളുകള്‍ക്കായി ഐ.ടി@സ്ക്കൂള്‍ ഇപ്പോള്‍ വിതരണം ചെയ്തുകൊണ്ടിരിക്കുന്ന ഇ-വിദ്യ എന്ന പുസ്തകത്തിലെ 100-ം പേജില്‍ മാത്​സ് ബ്ലോഗിനെ പരാമര്‍ശിച്ചതിന് ഐ.ടി@സ്ക്കൂള്‍ ഡയറക്ടര്‍ അന്‍വര്‍ സാദത്ത് സാറിനോടും ആ പ്രൊജക്ടില്‍ പങ്കാളികളായ എല്ലാവരോടും മാത്​സ് ബ്ലോഗ് നന്ദി പറയട്ടെ. ഇത്തരമൊരു ബ്ലോഗൊരുക്കുന്നതിനും മറ്റും ഐടി@സ്ക്കൂളില്‍ നിന്ന് ലഭിച്ച പരിശീലനങ്ങള്‍ ഞങ്ങള്‍ക്ക് ഏറെ സഹായകമായിയെന്നത് തുറന്നു പറയാതെ വയ്യ. പാഠ്യവിഷയത്തെ കമ്പ്യൂട്ടറിന്റെ സഹായത്തോടെ കുട്ടികള്‍ക്ക് മുന്നിലേക്കെത്തിക്കാനുള്ള ഒരു ശ്രമമാണ് ഇന്ന് നടന്നു കൊണ്ടിരിക്കുന്നത്. ഈ ലക്ഷ്യത്തോടെ ഐടി@സ്ക്കൂള്‍ പ്രൊജക്ടിന്റെ ആഭിമുഖ്യത്തില്‍ നടക്കുന്ന ഐ.സി.ടി പഠന പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്നവരില്‍ ഒരാളായ തൃശൂരിലെ മാസ്റ്റര്‍ ട്രെയിനറായ വാസുദേവന്‍ സാറിന് മാത്​സ് ബ്ലോഗിലൂടെ ഒരു പരിചയപ്പെടുത്തലിന്റെ ആവശ്യമേയില്ല. പുതുതായി മാറിയെത്തിയ ഒന്‍പതാം ക്ലാസ് ഗണിതപാഠപുസ്തകത്തെ ജിയോജിബ്രയിലേക്ക് ആവാഹിച്ചെടുക്കുന്നതിന് അദ്ദേഹം അടക്കമുള്ള അധ്യാപകര്‍ ചെയ്ത പ്രവര്‍ത്തനങ്ങളെ എത്ര അഭിനന്ദിച്ചാലും മതിയാവുകയില്ല. ഒന്‍പതാം ക്ലാസിലെ വൃത്തങ്ങള്‍ എന്ന പാഠഭാഗം പഠിപ്പിക്കാനാവശ്യമായ ജിയോജിബ്ര വര്‍ക്കുകളാണ് ഇതോടൊപ്പം ഡൗണ്‍ലോഡായി നല്‍കുന്നത്. ഒപ്പം 3.2, 3.8 ഗ്നു ലിനക്സ് വേര്‍ഷനുകള്‍ക്കാവശ്യമായ ജിയോജിബ്ര സോഫ്റ്റ്​വെയറും നല്‍കിയിരിക്കുന്നു.

നേരത്തേ ഐ.ടി@സ്ക്കൂളിനു വേണ്ടി മാസ്റ്റര്‍ ട്രെയിനേഴ്സ് ചെയ്ത മേല്‍പ്പറഞ്ഞ ഒന്‍പതാം ക്ലാസിലെ ഐ.സി.ടി പാക്കേജ് മാത്​സ് ബ്ലോഗിലൂടെ അധ്യാപകര്‍ക്ക് മുന്നിലേക്കെത്തിക്കാന്‍ നാം ശ്രമിച്ചിട്ടുണ്ട്. നമ്മുടെ ബ്ലോഗ് ടീം അംഗവും പാലക്കാട്ടെ മാസ്റ്റര്‍ട്രെയിനറുമായ മുരളീകൃഷ്ണന്‍ മാഷും വാസുദേവന്‍ സാറിനോടൊപ്പം ഈ പ്രവര്‍ത്തനത്തില്‍ പങ്കാളിയായിരുന്നു എന്ന കാര്യവും സന്തോഷത്തോടെ സൂചിപ്പിക്കട്ടെ. ഒപ്പം പ്രദീപ് മാട്ടറ, സുരേഷ് ബാബു.ടി.പി, അബ്ദുള്‍ ഹക്കീം, കരുണാകരന്‍, ജഗദീശവര്‍മ്മത്തമ്പാന്‍, ഉണ്ണികൃഷ്ണന്‍, പോള്‍.കെ.ജെ, സുരേഷ് എസ്.ആര്‍, തുടങ്ങിയ മാസ്റ്റര്‍ട്രെയിനര്‍മാരടക്കമുള്ള അധ്യാപകരും തുല്യപങ്കാളികളായിരുന്നു. നൂറുകണക്കിന് പേര്‍ നമ്മുടെ ബ്ലോഗില്‍ നിന്നും ഈ പാക്കേജുകളുകള്‍ ഡൗണ്‍ലോഡ് ചെയ്തെടുത്തെങ്കിലും ഇന്റര്‍നെറ്റുമായി ബന്ധപ്പെട്ട പ്രശ്നങ്ങള്‍ മൂലം ചിലര്‍ക്കെങ്കിലും അതിനു സാധിച്ചിട്ടിസ്സ. അവരില്‍ ചില അധ്യാപകര്‍ ഓരോ പാഠത്തിനുമൊപ്പം അതാത് ജിയോജിബ്ര വര്‍ക്കുകള്‍ വേണമെന്ന് ആവശ്യപ്പെട്ടിരുന്നു. ഇതു പ്രകാരമാണ് വാസുദേവന്‍ സാറിന്റെ സഹകരണത്തോടെ മാത്​സ് ബ്ലോഗ് ആ പാക്കേജിനെ പാഠഭാഗങ്ങളായി മുറിച്ച് മാത്​സ് ബ്ലോഗിലൂടെ നല്‍കുന്നത്. അതിന്റെ ആദ്യപടിയായി താഴെയുള്ള ലിങ്കില്‍ നിന്ന് ഒന്‍പതാം ക്ലാസിലെ വൃത്തങ്ങള്‍ എന്ന പാഠം പഠിപ്പിക്കാനാവശ്യമായ ജിയോജിബ്ര വര്‍ക്കുകള്‍ ഡൗണ്‍ലോഡ് ചെയ്ചെടുക്കാം.

ആകെ 13 MB മാത്രമേ ഈ ഫയലിന് വലിപ്പമുള്ളു. ബ്ലോഡ്ബാന്റ് കണക്ഷനില്‍ ഡൗണ്‍ലോഡ്ചെയ്യാന്‍ പരമാവധി 10 മിനിറ്റോളം മതിയാകും. ഡൌണ്‍ലോഡ് ചെയ്യുമ്പോള്‍ ലഭിക്കുന്ന deb ഫയലില്‍ റൈറ്റ് ക്ലിക്ക് ചെയ്ത് Open with Gdebi Package Manager തെരഞ്ഞെടുത്ത് ഇന്‍സ്റ്റാള്‍ ചെയ്യുക. ഇന്‍സ്റ്റലേഷന്‍ കഴിയുമ്പോള്‍ Applications-Education-Std IX 3rd chapter എന്ന സബ് മെനുവിലായിരിക്കും ഇത് കാണുക.

Click here to download the Geogebra works of Circles (Std IX)

ജിയോജിബ്ര സോഫ്റ്റ്​വെയര്‍

മുകളില്‍ തന്നിരിക്കുന്ന ഐ.സി.ടി പ്രവര്‍ത്തനങ്ങള്‍ കാണണമെങ്കില്‍ സിസ്റ്റത്തില്‍ ജിയോജിബ്ര ആവശ്യമാണ്. ജിയോജിബ്ര ഡൗണ്‍ലോഡ് ചെയ്തെടുക്കാന്‍ താഴെ പറയുന്ന നിര്‍ദ്ദേശങ്ങള്‍ അനുസരിക്കുക. മാത്തമാറ്റിക്സുമായി ബന്ധപ്പെട്ട ട്രെയിനിങ്ങ് കോഴ്സുകളില്‍ നിന്നും ഏറ്റവും കൂടുതല്‍ ആവശ്യപ്പെട്ട ഒരു സോഫ്റ്റ്‍വെയറായിരുന്നു ജിയോജിബ്ര. അധ്യാപകരുടെ പ്രത്യേക ആവശ്യപ്രകാരം ഹസൈനാര്‍ മങ്കട സാറാണ് ഈ പാക്കേജ് തയ്യാറാക്കിയിരിക്കുന്നത്. താഴെ തന്നിരിക്കുന്ന ലിങ്കില്‍ നിന്നും ജിയോജിബ്ര ഡൌണ്‍ലോഡ് ചെയ്തെടുത്ത് home ലേക്ക് extract ചെയ്തിടുക. എന്നിട്ട് ഈ കമാന്‍റ് Root Terminalല്‍ പേസ്റ്റ് ചെയ്താല്‍ ജിയോജിബ്ര ഓട്ടോമാറ്റിക്ക് ആയി ഇന്‍സ്റ്റാള്‍ ആകും. ഏതാണ്ട് 35 MB യോളം വലിപ്പമുണ്ട് ഈ സോഫ്റ്റ്‍വെയറിന്. ബ്രോഡ്ബാന്‍റ് ഇന്‍റര്‍നെറ്റ് കണക്ഷനുള്ള സിസ്റ്റത്തില്‍ ഏകദേശം 15 മിനിറ്റിനുള്ളില്‍ ഡൌണ്‍ലോഡ് പൂര്‍ത്തിയാകും.

Click here to download Geogebra for Gnu/Linux 3.2 (35 MB)
(NB: Extracted ഫോള്‍ഡര്‍ ഹോം ഫോള്‍ഡറില്‍ തന്നെ പേസ്റ്റ് ചെയ്യണം. കമാന്റ് text editor ല്‍ നിന്ന് തന്നെ കോപ്പി ചെയ്യണം.)

Click here to download Geogebra for Gnu/Linux 3.8 (67 MB)
(Gnu/Linux 3.8 നു വേണ്ടിയുള്ള Geogebra പാക്കേജ് സിഡിയുടെ iso ഇമേജ് Right click- write to disk വഴി CD യിലേക്ക് write ചെയ്യുക. ആ സി.ഡി. സിനാപ്റ്റിക്ക് ഉപയോഗിച്ച് ഇന്‍സ്റ്റാള്‍ ചെയ്യാം.
)നേരത്തെ എജുസോഫ്റ്റ് സി.ഡി. Add ചെയ്തവര്‍ Synaptic Package Manager ലെ Settings-Repositories തുറന്ന്, അവിടെ കാണുന്ന ലൈനുകളുടെ മുമ്പിലുള്ള എല്ലാ ടിക് മാര്‍ക്കുകളും കളഞ്ഞ് window ക്ലോസ് ചെയ്ത് Reload (Edit-Reload Package information ) ക്ലിക്ക് ചെയ്യേണ്ടതാണ്.

ഡൌണ്‍ലോഡ് ചെയ്യുന്നതിനും ഇന്‍സ്റ്റാള്‍ ചെയ്യുന്നതിനും ഇടയ്ക്ക് നിങ്ങള്‍ക്കുണ്ടാകുന്ന പ്രശ്നങ്ങള്‍ പങ്കുവെക്കാന്‍ കമന്‍റ് ബോക്സ് ഉപയോഗിക്കുമല്ലോ. ഒപ്പം കൂടുതല്‍ അറിവുകള്‍ പങ്കുവെക്കുന്നതിനും.

Read More | തുടര്‍ന്നു വായിക്കുക

ഗ്രബ്ബ് നഷ്ടപ്പെട്ടാല്‍..!

നമ്മുടെ ബ്ലോഗിന്റെ വായനക്കാരില്‍ ഭൂരിഭാഗം പേരും ലിനക്സ് സംബന്ധമായ പോസ്റ്റുകള്‍ക്കുവേണ്ടി കാത്തിരിക്കുന്നവരാണ്. സ്കൂളുകളിലും വീടുകളിലും സ്വതന്ത്ര സോഫ്റ്റ്​വെയറിന്റെ ഉപയോഗം വ്യാപകമായതോടുകൂടി തത്സംബന്ധമായ സംശയങ്ങളും കൂടിവരികയാണ്. അതൊക്കെ പരിഹരിക്കുവാന്‍ ഒരു പരിധിവരെ നമുക്ക് സാധിക്കുന്നത്, നമ്മുടെ 'ലിനക്സ് കണ്‍സല്‍ട്ടന്റ്' ആയി വര്‍ത്തിക്കുന്ന ശ്രീ. ഹസൈനാര്‍ മങ്കടയുടെ സജീവസാന്നിദ്ധ്യം കൊണ്ടു മാത്രമാണ്. ഇത്തവണ അദ്ദേഹം നമ്മോടു പറയുന്നത് ഗ്രബ്ബ് നഷ്ടപ്പെട്ടാല്‍ എന്തു ചെയ്യണമെന്നതിനെക്കുറിച്ചാണ്. പല ഓപ്പറേറ്റിങ്ങ് സിസ്റ്റങ്ങള്‍ ഇട്ടിരിക്കുന്ന ഒരു സിസ്റ്റത്തില്‍ ഏതെങ്കിലുമൊരു ഓ.എസ്. റീഇന്‍സ്റ്റാള്‍ ചെയ്യുകയോ പുതുതായി ഇന്‍സ്റ്റാള്‍ ചെയ്യേണ്ടി വരുമ്പോഴോ ആണ് സാധാരണഗതിയില്‍ ഗ്രബ്ബ് ഇന്‍സ്റ്റാള്‍ ചെയ്യേണ്ടി വരിക. ഇതിനായി വീണ്ടും ലിനക്സ് ഇന്‍സ്റ്റാള്‍ ചെയ്യേണ്ടതില്ല. അതിനുള്ള മാര്‍ഗത്തെക്കുറിച്ച് അദ്ദേഹം പറയുന്നത് ശ്രദ്ധിക്കൂ...

Read More | തുടര്‍ന്നു വായിക്കുക

പൈത്തണ്‍ പ്രോഗ്രാമിങ്- മൂന്നാംഭാഗം

പൈത്തണ്‍ എന്ന പ്രോഗ്രാമിങ് ഭാഷയെ അങ്ങേയറ്റം ലളിതമായി കൈകാര്യം ചെയ്യുന്ന ഫിലിപ്പ് മാഷിന്‍റെ പോസ്റ്റുകള്‍ ഇതിനോടകം അധ്യാപക സമൂഹത്തിന്‍റെ ശ്രദ്ധ പിടിച്ചു പറ്റിക്കഴിഞ്ഞു. എട്ടാം ക്ലാസിലെ ഐ.ടി പുസ്തകത്തില്‍ ആറാം അധ്യായമായ 'കളിയല്ല കാര്യം', ഒന്‍പതാം അധ്യായമായ 'കണക്കുകൂട്ടലുകള്‍ക്കപ്പുറം' എന്നിവയിലൂടെയാണ് ഈ വര്‍ഷം പൈത്തണ്‍ രംഗപ്രവേശനം ചെയ്യുന്നത്. ഇപ്രകാരം ഹൈസ്ക്കൂള്‍ ക്ലാസുകളില്‍ ആരംഭിക്കുന്ന പൈത്തണ്‍ ഒന്‍പതും പത്തും ക്ലാസുകളില്‍ കുറേക്കൂടി ആഴത്തിലെത്തുമ്പോള്‍ വിഷണ്ണരാവാതിരിക്കാന്‍ നാമിന്നേ ശ്രമിക്കണം. അധ്യാപകനെക്കാള്‍ മികച്ച ടെക്നിക്ക് സ്ക്കില്‍ ഉള്ളവരാണ് കുട്ടികളെന്ന് മുമ്പാരോ കമന്‍റായി എഴുതിയത് ഇവിടെ പ്രസക്തമാണ്. നമ്മുടെ ക്ലാസിനിടയില്‍ ഒരു കൊച്ചു മിടുക്കനൊരു സംശയം ചോദിച്ചാല്‍ അവന് മുന്നില്‍ നിശബ്ദരായിപ്പോകാതിരിക്കേണ്ടേ നമുക്ക്? അന്നിതെല്ലാം സധൈര്യം പഠിപ്പിക്കാന്‍ ഇന്നേ നമ്മള്‍ ഹരിശ്രീ കുറിക്കണം. പാഠങ്ങളെഴുതുന്നതിനിടെ ഫിലിപ്പ് സാര്‍ പ്രയോഗിക്കന്ന വരികളും ചില പദങ്ങളുടെ മലയാളപരിഭാഷയുമെല്ലാം ലേഖനം വിഭവസമൃദ്ധമായ ഒരു സദ്യ തന്നെയാക്കി മാറ്റുന്നുണ്ടെന്നാണ് പൊതുവിലുള്ള അഭിപ്രായം. എന്നാണ് പൈത്തണ്‍ പാഠങ്ങളുടെ തുടര്‍ച്ച പ്രസിദ്ധീകരിക്കുന്നത് എന്നറിയാന്‍ പോലും ഇപ്പോള്‍ അധ്യാപകര്‍ വിളിക്കുന്നുണ്ടെന്നുള്ളത് ഞങ്ങള്‍ക്കേറെ സന്തോഷം പകരുന്നു. രണ്ട് പാഠങ്ങളാണല്ലോ നേരത്തേ പ്രസിദ്ധീകരിച്ചിരുന്നത്. ഒന്നാം പാഠത്തില്‍ എന്താണ് കംപ്യൂട്ടര്‍ പ്രോഗ്രാമിംഗ്, എന്താണ്/എന്തുകൊണ്ട് പൈത്തണ്‍, ഇതാര്‍ക്കൊക്കെയാണ് പഠിക്കാന്‍ പറ്റുക, ഈ പാഠനപദ്ധതി ഉപയോഗപ്പെടുത്താന്‍ എന്തൊക്കെ സജ്ജീകരണങ്ങളാണ് വേണ്ടത് എന്നിവയെപ്പറ്റിയാണ് പറഞ്ഞിരുന്നത്. ഒപ്പം ആദ്യത്തെ പൈത്തണ്‍ പ്രോഗ്രാം എഴുതി പ്രവര്‍ത്തിപ്പിച്ചുനോക്കുകയും ചെയ്തു. രണ്ടാം പാഠത്തിലാകട്ടെ ആദ്യ പ്രോഗ്രാമിന്റെ മലയാളം പതിപ്പ് പരീക്ഷിക്കുകയും, പൈത്തണുപയോഗിച്ച് ഗണിതക്രിയകള്‍ ചെയ്തു നോക്കുകയും ചെയ്തു. ഈ പോസ്റ്റിനോടൊപ്പം പ്രസിദ്ധീകരിച്ചിരിക്കുന്ന മൂന്നാം പാഠത്തില്‍ പൈത്തണ്‍ ഷെല്‍, IDLE, ചരങ്ങളും പ്രോഗ്രാമിലേക്ക് ഇന്‍പുട്ട് എടുക്കാനുള്ള ഒരു രീതി എന്നിവയെപ്പറ്റിയൊക്കെയാണ് പറഞ്ഞിരിക്കുന്നത്. ഇനി നേരേ മൂന്നാം പാഠത്തിലേക്ക് പ്രവേശിക്കാം.

Read More | തുടര്‍ന്നു വായിക്കുക

"പൈത്തണ്‍" പാഠങ്ങള്‍

ഈ വര്‍ഷം എട്ടാം ക്ലാസിലെ ഐ.ടി പാഠപുസ്തകം മാറിയത് കണ്ടിരിക്കുമല്ലോ. അതില്‍ ഈ വര്‍ഷം മുതല്‍ പൈത്തണ്‍ എന്ന കമ്പ്യൂട്ടര്‍ പ്രോഗ്രാമിങ്ങ് ഭാഷ കുട്ടികളെ പഠിപ്പിക്കാനുണ്ട്. ആറാം അധ്യായമായ 'കളിയല്ല കാര്യം', ഒന്‍പതാം അധ്യായമായ 'കണക്കുകൂട്ടലുകള്‍ക്കപ്പുറം' എന്നിവയിലൂടെയാണ് എട്ടാം ക്ലാസിലെ ഐ.ടി പുസ്തകത്തില്‍ പൈത്തണ്‍ അവതരിപ്പിക്കുന്നത്. അടുത്ത വര്‍ഷം ഒന്‍പതാം ക്ലാസിലും തൊട്ടടുത്ത വര്‍ഷം പത്താം ക്ലാസിലും പൈത്തണ്‍ പ്രോഗ്രാമിങ്ങിന്റെ കൂടുതല്‍ സാധ്യതകള്‍ അവതരിപ്പിക്കപ്പെടും. അതിനുമുമ്പേ നമുക്കീ പൈത്തണ്‍ പ്രോഗ്രാം പഠിച്ചു തുടങ്ങേണ്ടതല്ലേ? ചെന്നൈയിലുള്ള The Institute of Mathematical Sciences (IMSc) യില്‍ Theoretical Computer Science ല്‍ Ph.D ചെയ്തു കൊണ്ടിരിക്കുന്ന ഫിലിപ്പ് സാര്‍ ഒട്ടേറെ തിരക്കുകള്‍ക്കിടയിലും നമ്മുടെ അധ്യാപകര്‍ക്കും വിദ്യാര്‍ത്ഥികള്‍ക്കും വേണ്ടി പൈത്തണ്‍ പ്രോഗ്രാമിങ്ങിന്‍റെ ബാലപാഠങ്ങള്‍ പറഞ്ഞു തരാന്‍ മുന്നോട്ടു വന്നിരിക്കുകയാണ്. (അദ്ദേഹത്തിന്‍റെ വെബ്പേജ് ഇവിടെ) ഉമേഷ് സാറിനെപ്പോലെ തന്നെ, മാത്‍സ് ബ്ലോഗിന് ലഭിച്ച സൌഭാഗ്യമാണ് ഫിലിപ്പ് സാര്‍ എന്ന് ഏറെ അഭിമാനത്തോടെ തന്നെയാണ് ഞങ്ങള്‍ പറയുന്നത്. അല്ലെങ്കില്‍ നമ്മുടെ സ്ക്കൂള്‍ വിദ്യാഭ്യാസമേഖലയോട് പ്രത്യക്ഷമായി യാതൊരു ബന്ധവുമില്ലാതിരുന്നിട്ടു കൂടി കേരളത്തിലെ അധ്യാപകര്‍ക്ക് വേണ്ടി ഇവരെല്ലാം എന്തിനു സമയം ചെലവഴിക്കണം? ഇവരെയെല്ലാം വേണ്ടവിധം വിനിയോഗിക്കേണ്ട കടമ നിങ്ങളുടേത് കൂടിയാണ്. ഈ ആത്മാര്‍ത്ഥമായ സ്നേഹത്തിന് മറുപടി നല്ല പ്രതികരണങ്ങളാണ്. നല്ല സംശയങ്ങള്‍ ചോദിക്കലാണ്. ഐ.ടി അധ്യാപകര്‍ പഠിച്ചിരിക്കേണ്ട പൈത്തണ്‍ പ്രോഗ്രാമിന്റെ ബാലപാഠങ്ങളിലേക്ക് നമുക്ക് കടക്കാം. അല്ലേ?

Read More | തുടര്‍ന്നു വായിക്കുക

ICT softwares-full package

എട്ടാം ക്ലാസിലെ ഐ.ടി പഠനത്തിന് പുതിയ മുഖം കൈവന്നിരിക്കുകയാണ്. മുന്‍വര്‍ഷങ്ങളില്‍ ഓഫീസ്, ഗ്രാഫിക്സ്, ബേസിക് പഠനങ്ങളില്‍ മാത്രം ഒതുങ്ങിയിരുന്ന ഐ,ടി പഠനം ഇനി മുതല്‍ പഠന സഹായിയായി മാറുകയാണ്. പത്തോളം സോഫ്റ്റ്‍വെയറുകളാണ് ഈ വര്‍ഷം മുതല്‍ കുട്ടികളിലേക്കെത്തുന്നത്. മലപ്പുറം ടീം തയ്യാറാക്കിയ എഡ്യൂസോഫ്റ്റ്‍ സി.ഡിയില്‍ ഈ സോഫ്റ്റ്‍വെയറുകളുണ്ടെങ്കിലും പല അധ്യാപകര്‍ക്കും ഇപ്പോഴും ആ സി.ഡി ലഭിച്ചിട്ടില്ലായെന്ന് ഞങ്ങള്‍ക്ക് ലഭിക്കുന്ന അന്വേഷണങ്ങളില്‍ നിന്നും മനസ്സിലായി. പലരും ഈ വര്‍ഷത്തേക്ക് ആവശ്യമായ സോഫ്റ്റ്‍വെയറുകള്‍ മാത്രം നെറ്റ് വഴി ലഭ്യമാക്കിത്തരാന്‍ ആവശ്യപ്പെട്ടിരുന്നു. അക്കൂട്ടത്തില്‍ ഏറ്റവും കൂടുതല്‍ പേര്‍ ആവശ്യപ്പെട്ട മൂന്ന് സോഫ്റ്റ്‍വെയര്‍ പാക്കേജുകള്‍ ഇതോടൊപ്പം നല്‍കുന്നു. അധ്യാപകര്‍ക്കായി ഇവ ലഭ്യമാക്കിത്തന്ന മാസ്റ്റര്‍ട്രെയിനര്‍മാരായ മലപ്പുറത്തെ ഹസൈനാര്‍ മങ്കട സാറിനും തൃശൂരിലെ കെ.പി.വാസുദേവന്‍ സാറിനും പ്രത്യേക നന്ദി രേഖപ്പെടുത്തട്ടെ. താഴെയുള്ള ലിങ്കില്‍ നിന്നും അവ ഡൌണ്‍ലോഡ് ചെയ്തെടുക്കാം.

ഡൌണ്‍ലോഡുകള്‍ ആരംഭിക്കുന്നതിന് മുന്‍പ് ഒരു കാര്യം. ലിനക്സ് ആണ് ഉപയോഗിക്കുന്നതെങ്കില്‍ പാനലില്‍ നിന്നും Desktop-Preferences-Screen saver എന്ന ക്രമത്തില്‍ തുറന്ന് ചെക്ബോക്സില്‍ ടിക് മാര്‍ക്കുകളുണ്ടെങ്കില്‍ അവ കളയുക. ഇല്ലെങ്കില്‍ ഡൌണ്‍ലോഡിനിടെ സ്ക്രീന്‍ സേവര്‍ ആക്ടീവാകുകയും നമുക്ക് ഡൌണ്‍ലോഡ് ചെയ്യുന്നതടക്കം കമ്പ്യൂട്ടറില്‍ മറ്റൊന്നും ചെയ്യാന്‍ കഴിയാതാവുകയും ചെയ്യും. Screen Saver ഡീ ആക്ടിവേറ്റ് ചെയ്തെങ്കില്‍ ഇനി നമുക്ക് ആവശ്യമായ ഡൌണ്‍ലോഡുകളിലേക്ക് നീങ്ങാം.

4shared എന്ന അപ്‍ലോഡിങ്ങ് വെബ്സൈറ്റിലേക്കാണ് ഈ സോഫ്റ്റ്‍വെയര്‍ പാക്കേജുകള്‍ അപ്‍ലോഡ് ചെയ്തിരിക്കുന്നത്. തന്നിരിക്കുന്ന ലിങ്കില്‍ ക്ലിക്ക് ചെയ്താല്‍ ഏതാനും സെക്കന്‍റുകള്‍ 90, 89, 88 .... എന്ന ക്രമത്തില്‍ കൌണ്ട് ചെയ്യുന്ന ഒരു വിന്‍ഡോ കാണാനാകും. അവ കൌണ്ട് ചെയ്ത് പൂജ്യത്തിലേക്കെത്തുമ്പോഴായിരിക്കും ഡൌണ്‍ലോഡ് ലിങ്ക് പ്രത്യക്ഷമാകുക. ഇനി ഇവിടെ ക്ലിക്ക് ചെയ്ത് പാക്കേജുകള്‍ ഡൌണ്‍ലോഡ് ചെയ്തെടുക്കാം.( ഡൗണ്‍ലോഡ് ചെയ്യുന്നതിന് മുമ്പ് ആവശ്യത്തിന് freespace ഉണ്ടോ എന്നാണ് ചെക്ക് ചെയ്യേണ്ടതു​​ണ്ട്)

ജിയോജിബ്ര സോഫ്റ്റ്‍വെയര്‍

മാത്തമാറ്റിക്സുമായി ബന്ധപ്പെട്ട ട്രെയിനിങ്ങ് കോഴ്സുകളില്‍ നിന്നും ഏറ്റവും കൂടുതല്‍ ആവശ്യപ്പെട്ട ഒരു സോഫ്റ്റ്‍വെയറായിരുന്നു ജിയോജിബ്ര. അധ്യാപകരുടെ പ്രത്യേക ആവശ്യപ്രകാരം ഹസൈനാര്‍ മങ്കട സാറാണ് ഈ പാക്കേജ് തയ്യാറാക്കിയിരിക്കുന്നത്. താഴെ തന്നിരിക്കുന്ന ലിങ്കില്‍ നിന്നും ജിയോജിബ്ര ഡൌണ്‍ലോഡ് ചെയ്തെടുത്ത് home ലേക്ക് extract ചെയ്തിടുക. എന്നിട്ട് ഈ കമാന്‍റ് Root Terminalല്‍ പേസ്റ്റ് ചെയ്താല്‍ ജിയോജിബ്ര ഓട്ടോമാറ്റിക്ക് ആയി ഇന്‍സ്റ്റാള്‍ ആകും. ഏതാണ്ട് 35 MB യോളം വലിപ്പമുണ്ട് ഈ സോഫ്റ്റ്‍വെയറിന്. ബ്രോഡ്ബാന്‍റ് ഇന്‍റര്‍നെറ്റ് കണക്ഷനുള്ള സിസ്റ്റത്തില്‍ ഏകദേശം 15 മിനിറ്റിനുള്ളില്‍ ഡൌണ്‍ലോഡ് പൂര്‍ത്തിയാകും.

Click here to download Geogebra for Gnu/Linux 3.2 (35 MB)
(NB: Extracted ഫോള്‍ഡര്‍ ഹോം ഫോള്‍ഡറില്‍ തന്നെ പേസ്റ്റ് ചെയ്യണം. കമാന്റ് text editor ല്‍ നിന്ന് തന്നെ കോപ്പി ചെയ്യണം.)

Click here to download Geogebra for Gnu/Linux 3.8 (67 MB)
(Gnu/Linux 3.8 നു വേണ്ടിയുള്ള Geogebra പാക്കേജ് സിഡിയുടെ iso ഇമേജ്Right click- write to disk വഴി CD യിലേക്ക് write ചെയ്യുക. ആ സി.ഡി. സിനാപ്റ്റിക്ക് ഉപയോഗിച്ച് ഇന്‍സ്റ്റാള്‍ ചെയ്യാം.
)നേരത്തെ എജുസോഫ്റ്റ് സി.ഡി. Add ചെയ്തവര്‍ Synaptic Package Manager ലെ Settings-Repositories തുറന്ന്, അവിടെ കാണുന്ന ലൈനുകളുടെ മുമ്പിലുള്ള എല്ലാ ടിക് മാര്‍ക്കുകളും കളഞ്ഞ് window ക്ലോസ് ചെയ്ത് Reload (Edit-Reload Package information ) ക്ലിക്ക് ചെയ്യേണ്ടതാണ്.


എട്ടാം ക്ലാസ് ICT സോഫ്റ്റ്‍വെയറുകള്‍

തൃശൂരിലെ മാസ്റ്റര്‍ട്രെയിനറായ കെ.പി വാസുദേവന്‍ സാറാണ് എഡ്യൂസോഫ്റ്റ് സി.ഡിയില്‍ നിന്നും എട്ടാം ക്ലാസിലേക്ക് ആവശ്യമായ സോഫ്റ്റ്‍വെയറുകള്‍ തെരഞ്ഞെടുത്ത് ഒരു പാക്കേജാക്കി മാറ്റിയത്. ജിയോജിബ്ര, ഗെമിക്കല്‍, കെജ്യോഗ്രഫി, കെ സ്റ്റാര്‍സ്, മാര്‍ബിള്‍, സണ്‍ക്ലോക്ക്, Xrമാപ്പ്, കളിയല്ല കാര്യം തുടങ്ങിയ സോഫ്റ്റ്‍വെയറുകള്‍ കൂടാതെ ഫ്ലാഷ്, മോസില്ല പ്ലഗ്ഇന്നുകള്‍, ജാവ, കെ സ്നാപ് ഷോട്ട്, കമ്പോസര്‍ തുടങ്ങിയ സോഫ്റ്റ്‍വെയറുകളും ഈ പാക്കേജില്‍ ഉള്‍പ്പെടുത്തിയിരിക്കുന്നു. സി.ഡി കസ്റ്റമൈസിങ്ങിനോടൊപ്പം തന്നെ വിവിധ മെനുകളിലായി ചിതറിക്കിടന്ന പല സോഫ്റ്റ്‍വെയറുകളെയും Education എന്ന മെനുവിലേക്ക് കൊണ്ടുവരുന്നതിനും അദ്ദേഹം പ്രത്യേകം ശ്രദ്ധിച്ചു. തൃശൂര്‍ ജില്ലയിലെ ട്രെയിനിങ്ങുകളില്‍ ഉബുണ്ടു ഇന്‍സ്റ്റാള്‍ ചെയ്യാത്ത ഗ്നു/ലിനക്സ് 3.2 ഉള്ള സിസ്റ്റങ്ങളില്‍ ട്രെയിനിങ്ങ് നടത്തിയത് ഈ പാക്കേജുകള്‍ ഉപയോഗിച്ചുകൊണ്ടാണ്. എഡ്യൂസോഫ്റ്റ്‍ സി.ഡി ലഭിക്കാത്ത കേരളം ഒട്ടുക്കുള്ള അധ്യാപകര്‍ക്ക് ഈ പാക്കേജ് ഒരു അനുഗ്രഹമാകുമെന്നതില്‍ സംശയമില്ല. 154 MB യോളം വലിപ്പമുള്ള ഈ പാക്കേജ് ബ്രോഡ്ബാന്‍റ് കണക്ഷനുള്ള സിസ്റ്റങ്ങള്‍ വഴി ഡൌണ്‍ലോഡ് ചെയ്തെടുക്കാന്‍ ഏതാണ്ട് 50 മിനിറ്റോളം സമയം വേണ്ടിവരും.

കോപ്പി ചെയ്തെടുത്ത Packages.tar എന്ന ഫയല്‍ ഡെസ്ക്ടോപ്പിലേക്ക് Extract ചെയ്തിടുക
ഈ ഫോള്‍ഡര്‍ തുറന്ന് അതിലെ install.sh എന്ന ഫയലില്‍ റൈറ്റ് ക്ലിക്ക് ചെയ്ത് അതിന്‍റെ Properties ലെ Permissions എന്ന മെനുവിലെ Read-Write-Execute പെര്‍മിഷനുകള്‍ നല്‍കുക
(Rght click on install.sh -> Properties -> Permissions -> give all Execute permissions -> close)
ഇനി install.sh ല്‍ Double click ചെയ്യുക. തുറന്നു വരുന്ന വിന്‍ഡോയിലെ Run in terminal ല്‍ ക്ലിക് ചെയ്യുക.
Installation സമയത്ത് ഒരു നീല നിറത്തിലുള്ള സ്ക്രീന്‍ വന്നാല്‍ Tab key ഉപയോഗിച്ച് ok സെലക്ട് ചെയ്യുക. Enter അടിച്ച് ഇതേ രീതിയില്‍ yes സെലക്ട് ചെയ്യുക yes ല്‍ Enter അടിക്കുക.
Installation ന് ശേഷം Terminal അപ്രത്യക്ഷമായാല്‍ Applications -> Education ല std 8 – ല്‍ Gimp ഒഴികെയുള്ള എല്ലാ Application കളും ഉണ്ടാകും. Gimp ലഭിക്കുന്നതിന് Appliction ->Graphics എന്ന ക്രമത്തില്‍ തുറന്നാല്‍ മതിയാകും.

Click here to download Full software package for STD VIII (162 MB)

ICT Software std VIII for 3.8 OS ( edusoft4_8_lenny.iso എന്ന ഇമേജ് package CD ആണ്. cd യിലേക്ക് write ചെയ്ത് സിനാപ്റ്റിക്ക് വഴി ഇന്‍സ്റ്റാള്‍ ചെയ്യാം... 298 MB ഉണ്ട്. ICT പാക്കേജുകളെക്കൂടാതെ 3.8 ലേക്കുള്ള അത്യാവശ്യം പാക്കേജുകളും ഉണ്ട് )

ജിയോജിബ്രയില്‍ ചെയ്ത ഒന്‍പതാം ക്ലാസ് ഗണിത പഠനപ്രവര്‍ത്തനങ്ങള്‍

ഈ അധ്യയനവര്‍ഷം ഒന്‍പതാം ക്ലാസില്‍ പുതിയ ഗണിതപാഠപുസ്തകമാണല്ലോ. ട്രെയിനിങ് കോഴ്സുകളില്‍ ഓരോ പാഠവുമായി ബന്ധപ്പെട്ട ജിയോജിബ്രയില്‍ ചെയ്ത ഒട്ടേറെ പ്രവര്‍ത്തനങ്ങള്‍ ലാബ് പ്രവര്‍ത്തനമായി കാണിക്കുകയുണ്ടായി. പലരും ഇത് ലഭ്യമാക്കാനാകുമോയെന്ന് ചോദിച്ചിരുന്നു. തൃശൂരിലെ മാസ്റ്റര്‍ട്രെയിനറായ വാസുദേവന്‍ സാര്‍ ഈ പാക്കേജ് തയ്യാറാക്കുന്നതിലും സഹകരിച്ചിട്ടുണ്ട്. നേരത്തേ ബ്ലോഗിലൂടെ ഈ പാക്കേജ് ലിങ്ക് നല്‍കിയിരുന്നു. ട്രെയിനിങ്ങ് കോഴ്സുകളില്‍ നിന്നും ലഭിച്ച ഫീഡ്ബാക്കുകളുടെ അടിസ്ഥാനത്തില്‍ അപ്ഡേറ്റ് ചെയ്ത ഏറ്റവും പുതിയ പാക്കേജ് മാത്‍സ് ബ്ലോഗിനു വേണ്ടി അദ്ദേഹം അപ്‍ലോഡ് ചെയ്തിരിക്കുന്നു. 75 MB യോളം വലിപ്പമുള്ള ഈ പാക്കേജ് ഡൌണ്‍ലോഡ് ചെയ്തെടുക്കാന്‍ ഏതാണ്ട് 20-25 മിനിറ്റോളം വേണ്ടിവരും.

Click here to download the ICT Maths for standard IX

ഡൌണ്‍ലോഡ് ചെയ്യുമ്പോള്‍ ലഭിക്കുന്ന deb ഫയലില്‍ റൈറ്റ് ക്ലിക്ക് ചെയ്ത് Open with Gdebi Package Manager തെരഞ്ഞെടുത്ത് ഇന്‍സ്റ്റാള്‍ ചെയ്യുക.

ഡൌണ്‍ലോഡ് ചെയ്യുന്നതിനും ഇന്‍സ്റ്റാള്‍ ചെയ്യുന്നതിനും ഇടയ്ക്ക് നിങ്ങള്‍ക്കുണ്ടാകുന്ന പ്രശ്നങ്ങള്‍ പങ്കുവെക്കാന്‍ കമന്‍റ് ബോക്സ് ഉപയോഗിക്കുമല്ലോ. ഒപ്പം കൂടുതല്‍ അറിവുകള്‍ പങ്കുവെക്കുന്നതിനും.

Read More | തുടര്‍ന്നു വായിക്കുക

എട്ടാം ക്ലാസ് ICT സോഫ്റ്റ്‍വെയറുകള്‍

പുതുതായി എത്തിയിരിക്കുന്ന എട്ടാം ക്ലാസ് ഐ.സി.ടി പാഠപുസ്തകത്തിലും പരിശീലനപരിപാടികളിലും ജിമ്പ്, ഓപ്പണ്‍ ഓഫീസ് റൈറ്റര്‍, കാല്‍ക്ക്, ഇംപ്രസ്, കാത്സ്യം, ജിയോജിബ്ര, പൈത്തണ്‍, മാര്‍ബിള്‍, സണ്‍‍ക്ലോക്ക്, കെസ്റ്റാര്‍സ്, എന്നീ സോഫ്റ്റ്‍വെയറുകളാണല്ലോ ഉള്‍പ്പെടുത്തിയിരിക്കുന്നത്. ഈ വര്‍ഷം മുതല്‍ ഐ.ടി പഠിപ്പിക്കുന്നതിന് എട്ടാം ക്ലാസില്‍ അതാത് വിഷയം പഠിപ്പിക്കുന്ന അധ്യാപകരുടെ സേവനവും തേടുന്നുണ്ട്.(സര്‍ക്കുലര്‍ കാണുക). കാരണം, ഒരു സോഷ്യല്‍ സ്റ്റഡീസ് ടീച്ചര്‍ക്കാണ് എട്ടാം ക്ലാസ് ഐ.ടിയുടെ ചുമതലയെങ്കില്‍ ഗണിതസോഫ്റ്റ്‍വെയറായ ജിയോജിബ്ര കുട്ടികളെ പഠിപ്പിക്കാന്‍ ഗണിതാധ്യാപികയുടെ സഹായം കൂടി ഉണ്ടായാലേ കാര്യങ്ങള്‍ സുഗമമാവൂ. ഈ സോഫ്റ്റ്‍വെയറുകളെല്ലാം ഡിഫോള്‍ട്ടായി ഉള്ള സ്വതന്ത്രസോഫ്റ്റ്‍വെയറായ ഉബുണ്ടു 9.10 ന്റെ കസ്റ്റമൈസ്ഡ് വേര്‍ഷന്‍ ഐ.ടി അറ്റ് സ്ക്കൂള്‍ പുറത്തിറക്കിക്കഴിഞ്ഞു. അപ്പോള്‍ പലര്‍ക്കും സംശയം വരും. ഉബുണ്ടു ഇന്‍സ്റ്റാള്‍ ചെയ്യാത്ത സിസ്റ്റങ്ങളാണല്ലോ നമ്മുടെ സ്ക്കൂളുകളില്‍ അധികവും. ഗ്നു/ ലിനക്സ് 3.0, 3.2 വേര്‍ഷനുകള്‍ ഉപയോഗിക്കുന്നവര്‍ എട്ടാം ക്ലാസിലെ പഠനപ്രവര്‍ത്തനങ്ങള്‍ എങ്ങനെ കുട്ടികള്‍ക്ക് മുന്നില്‍ അവതരിപ്പിക്കും? അതിനെന്താണ് ചെയ്യുക? വഴിയുണ്ട്. ഗ്നു/ലിനക്സ് 3.0, 3.2 വേര്‍ഷനുകളില്‍ ഉപയോഗിക്കുന്നതിനായി മലപ്പുറം ഐടി@സ്ക്കൂള്‍ പ്രൊജക്ട് ജനുവരിയില്‍ പുറത്തിറക്കിയ എഡ്യൂസോഫ്റ്റിന്‍റെ ഏറ്റവും പുതിയ സി.ഡിയില്‍ ഉബുണ്ടുവില്‍ ഉണ്ടെന്ന് പറഞ്ഞ മേല്‍പ്പറഞ്ഞ സോഫ്റ്റ്‍വെയറുകളെല്ലാം ഉണ്ട്. കാത്സ്യം, ജിയോജിബ്ര, പൈത്തണ്‍, കെസ്റ്റാര്‍സ് എന്നിവയെല്ലാം ഈ സി.ഡി ഉപയോഗിച്ച് ഇന്‍സ്റ്റാള്‍ ചെയ്യാം. പക്ഷേ മാപ്പുകള്‍ ഉള്ള മാര്‍ബിള്‍, സണ്‍ക്ലോക്ക്, കെജ്യോമെട്രി എന്നീ സോഫ്റ്റുവെയറുകള്‍ ചില്ലറ അപ്ഡേഷന്‍ വര്‍ക്കുകളോടെ വേണം ഇന്‍സ്റ്റാള്‍ ചെയ്യാന്‍. അതേക്കുറിച്ചാണ് ഈ പോസ്റ്റ്. ഈ പാക്കേജുകള്‍ ഇന്‍സ്റ്റാള്‍ ചെയ്യേണ്ടി വരുമ്പോള്‍ നമുക്കുണ്ടാകുന്ന സംശയങ്ങളും പ്രശ്നങ്ങളും ഇവിടെ കമന്‍റുകളായി പങ്കു വെക്കുകയുമാകാം.

Read More | തുടര്‍ന്നു വായിക്കുക

INTEL 41 RQ മദര്‍ബോര്‍ഡും ലിനക്സും

ഇന്റലിന്റെ 41 RQ മദര്‍ബോഡ് ഉള്ള പുതിയ ചില സിസ്റ്റങ്ങളില്‍ നമ്മുടെ ഐടി സ്കൂള്‍ ലിനക്സ് 3.2 വേര്‍ഷന്‍ ഇന്‍സ്റ്റാള്‍ ചെയ്തു കഴിഞ്ഞാല്‍, ഗ്രാഫിക്കലായി (GUI) കയറാന്‍ കഴിയുന്നില്ലെന്ന് പരാതിപ്പെട്ടുകൊണ്ടിരിക്കുന്നവരുടെ എണ്ണം വര്‍ദ്ധിച്ചുവരുന്നതായി കണ്ടപ്പോഴാണ് ഒരു പരിഹാരത്തിനായി വിദഗ്ദരുടെ സഹായം തേടിയത്. കിട്ടിയ പരിഹാരം, 'സ്കൂള്‍ ലിനക്സ് 3.8' ന്റേയും 'എഡ്യൂസോഫ്റ്റ് ലെന്നി'യുടേയും രണ്ടു ഡിവിഡികള്‍ സഹിതം കൊടുങ്ങല്ലൂരില്‍ 'ആരോ സിസ്റ്റംസ്' എന്ന സ്ഥാപനം നടത്തുന്ന സുനീതിന് കൈമാറി ഫലപ്രദമാണെന്നുറപ്പു വരുത്തിയതിനു ശേഷമാണ് ഇതു പോസ്റ്റ് ചെയ്യുന്നത്. ആ പരിഹാരമെന്തെന്നല്ലേ?....വായിക്കുക.

Read More | തുടര്‍ന്നു വായിക്കുക