Showing posts with label maths 2016. Show all posts
Showing posts with label maths 2016. Show all posts

Geogebra 5.0 - Resources mentioned in Maths Text Books

>> Saturday, June 18, 2016


ഗണിതാധ്യാപകര്‍ക്ക് ഇനിമുതല്‍ മള്‍ട്ടിമീഡിയ സൗകര്യങ്ങള്‍ ഉപയോഗപ്പെടുത്താതെ മുമ്പോട്ടുപോകാനാകില്ല.കാരണം ഗണിതശാസ്ത്രത്തിലെ മിക്ക പാഠഭാഗങ്ങളിലും ജിയോജെബ്ര സോഫ്‌റ്റവെയര്‍ ഉപയോഗപ്പെടുത്തിക്കൊണ്ട് ധാരാളം പ്രവര്‍ത്തനങ്ങള്‍ ചെയ്യേണ്ടതായുണ്ട്. പാഠപുസ്‌തകത്തില്‍ തന്നെ ഒരോ പ്രവര്‍ത്തനവും ചെയ്യേണ്ടതെങ്ങനെയെന്ന് വളരെ വിശദമായി പ്രതിപാദിച്ചിട്ടുണ്ട്.എറണാകുളത്തെ ഐടി@സ്കൂളിലെ സുരേഷ്‌ബാബു സാറും, കോഴിക്കോട് കായക്കൊടി കെപിഇഎച്ച്എസിലെ സുരേഷ് പണിക്കര്‍ സാറും ഒരുക്കുന്ന വിഭവങ്ങളാണ് ഇന്നത്തെ പോസ്റ്റ് വൈപ്പിന്‍ ഓച്ചന്തുരുത്ത് സാന്താക്രൂസ് ഹൈസ്കൂളിലെ ജോളി അഗസ്റ്റിന്‍ സാറിന്റെ വിഭവങ്ങള്‍ തുടര്‍ന്ന് ഈ പോസ്റ്റില്‍ അപ്‌ലോഡ് ചെയ്യുന്നതാണ്.


സമചതുരസ്‌തംഭം, ചതുരസ്‌തംഭം, വൃത്തസ്‌തംഭം, സമചതുരസ്‌തൂപിക, വൃത്തസ്‌തൂപിക, ഗോളം, അര്‍ധഗോളം ഇവയെല്ലാം ത്രിമാന രൂപങ്ങളാണല്ലോ. എന്നാല്‍ ഇവ നമ്മുടെ നോട്ട്ബുക്കില്‍ വരയ്‌ക്കാന്‍ എളുപ്പം കഴിയുമോ‍ ? ത്രിമാന രൂപങ്ങളായ സമചതുരസ്‌തംഭം, ചതുരസ്‌തംഭം, വൃത്തസ്‌തംഭം, സമചതുരസ്‌തൂപിക, വൃത്തസ്‌തൂപിക, ഗോളം , അര്‍ധഗോളം ഇവയെല്ലാം ജിയോജിബ്രയിലെ 3D Graphics ല്‍ എളുപ്പത്തില്‍ നിര്‍മ്മിക്കുവാനും , അവയുടെ ഉപരിതല വിസ്‌തീര്‍ണ്ണങ്ങവും വ്യാപ്‌തവും കണ്ടെത്താനും അവയുടെ പ്രത്യേകതകള്‍ താരതമ്യം ചെയ്യുവാനും കഴിയും. ജിയോജിബ്രയുടെ പുതിയ സോഫ്‌റ്റ്‌വെയര്‍ (Geogebra 5) ഒന്നു പരീക്ഷിച്ചുനോക്കൂ. (Download , install and open Geogeba5 or IT@School കസ്റ്റമൈസ് ഏറ്റവും പുതിയ (IT@School Gnu/Linux 14.04 Based on Ubuntu) ഉപയോഗിക്കുക.)
View മെനുവില്‍ Algebra, Spreadsheet, CAS, Graphics, Graphics 2, 3D Graphics, Construction Protocol, Probability Calculator, Keyboard, Input Bar തുടങ്ങിയവ കാണാം.Geogeba5 ന്റെ ഏറ്റവും വലിയ പ്രത്യേകത അതിലെ 3D Graphics ആണ്.
View മെനുവില്‍ നിന്നും 3D Graphics ഉള്‍പ്പെടുത്താം. അപ്പോള്‍ ജിയോജിബ്ര ജാലകത്തില്‍ Algebra, Graphics, 3d Graphics എന്നിവ ദൃശ്യമാകും. അല്ലെങ്കില്‍ ജാലകത്തിന്റെ വലതുഭാഗത്തുള്ള അരികില്‍ കാണുന്ന ആരോ ചിഹ്നത്തില്‍ (Perspectives) നിന്നും സെലക്‌ട് ചെയ്യാം.

3D Graphics ജാലകത്തില്‍ ക്ലിക്ക് ചെയ്യുമ്പോള്‍ ദൃശ്യമാകുന്ന ടൂളുകള്‍ നിരീക്ഷിക്കൂ.

3D Graphics ല്‍ X-axis (Red colour), Y-axis (Green colour), Z-axis (Blue colour) എന്നിവയും xy-plane ഉം കാണാം. ടൂള്‍ ബാറിലെ അവസാന ബോക്‌സില്‍ കാണുന്ന Rotate 3D Graphics View ടൂളുപയോഗിച്ചുനോക്കൂ.
Point ടൂളുപയോഗിച്ചുകൊണ്ട് 3D Graphicsല്‍ പുതിയ ബിന്ദുക്കള്‍ അടയാളപ്പെടുത്തിനോക്കൂ. X-axis , Y-axis , Z-axis , xy-plane എന്നിവിടങ്ങളിലല്ലാതെ മറ്റെവിടെയെങ്കിലും ബിന്ദുക്കള്‍ അടയാളപ്പെടുത്താന്‍ സാധിക്കുന്നുണ്ടോ ?
ജിയോജിബ്ര ജാലകത്തിന്റെ താഴെയുള്ള Input Bar ല്‍ (1,3,4) എന്ന് ടൈപ്പ് ചെയ്‌ത് Enter Key പ്രസ്സ് ചെയ്‌തു നോക്കൂ. ഇങ്ങനെ നമുക്ക് 3D Graphics (Space) ല്‍ എവിടെ വേണമെങ്കിലും ബിന്ദുക്കള്‍ അടയാളപ്പെടുത്താന്‍ സാധിക്കും.
3D Graphics ല്‍ വ്യത്യസ്‌ത ബിന്ദുക്കള്‍ അടയാളപ്പെടുത്തിയതിനു ശേഷം ഇവ തമ്മില്‍ യോജിപ്പിച്ചുകൊണ്ട് വരകള്‍ (രേഖകള്‍) വരയ്ക്കാം.
ടൂള്‍ ബോക്‌സിലെ Line ടൂളുപയോഗിച്ചോ, Input Bar ല്‍ Line[A,B] അല്ലെങ്കില്‍ Line[(1,3,4),(-1,2,1)] എന്നോ ടൈപ്പ് ചെയ്‌ത് Enter Key പ്രസ്സ് ചെയ്‌താല്‍ മതി.
എട്ടാമത്തെ ടൂള്‍ ബോക്‌സില്‍ നിന്നും Plane through 3 Points ടൂളെടുത്തതിനു ശേഷം 3D Graphics ലെ ഏതെങ്കിലും മൂന്നു ബിന്ദുക്കളില്‍ ക്ലിക്കു ചെയ്‌തതിനു ശേഷം Rotate ചെയ്‍തു നോക്കൂ.

മെനു ബാറിലെ Options --> Labelling --> No New Object നല്‍കിയാല്‍ വരയ്ക്കുന്ന രൂപങ്ങളുടെ പേര് എഴുതിവരുന്നത് ഒഴിവാക്കാം. 3D Graphics ല്‍ Right click ചെയ്യുമ്പോള്‍ ലഭിക്കുന്ന drop down മെനുവിലെ Graphics എന്നതില്‍ ക്ലിക്ക് ചെയ്യുമ്പോള്‍ ലഭിക്കുന്ന Preferences ജാലകത്തില്‍ Show Axes, Use clipping, Show clipping എന്നിവ hide ചെയ്യാം.
പ്രവര്‍ത്തനം 1: ഒരു സമചതുര സ്തംഭത്തെ പൊളിച്ച് നിവര്‍ത്തിവയ്ക്കുന്ന പ്രവര്‍ത്തനം Step 1.ജിയോജിബ്ര സോഫ്‌റ്റ്‌വെയര്‍ തുറന്ന് അതിന്റെ Graphics വിന്‍ഡോയില്‍ ഒരു സമചതുരം വരയ്ക്കുക. (Regular Polygon )

Step 2. 3D Graphics വിന്‍ഡോയില്‍ ക്ലിക്ക് ചെയ്‌തതിനു ശേഷം Extrude to Prism or Cylinder ടൂള്‍ സെലക്‌ട് ചെയ്തതിനുശേഷം 3D Graphics വിന്‍ഡോയില്‍ ലഭ്യമായിരിക്കുന്ന സമചതുരത്തില്‍ എവിടെയെങ്കിലും ക്ലിക്കു ചെയ്യുക. (3D Graphics വിന്‍ഡോയില്‍ ക്ലിക്ക് ചെയ്യുമ്പോള്‍ മാത്രമേ ഈ വിന്‍ഡോയിലെ ടൂളുകള്‍ കിട്ടുകയുള്ളൂ) അപ്പോള്‍ വരുന്ന Prism എന്ന പേരോടുകൂടി വരുന്ന ഡയലോഗ് ബോക്സില്‍ Altitude എന്നതില്‍ സ്തംഭത്തിന്റെ ഉയരം ( 10 ) നല്‍കുക.

അപ്പോള്‍ സമചതുര സ്തംഭം ലഭ്യമാകും. മൗസിന്റെ വലതു ബട്ടണ്‍ അമര്‍ത്തി 3D Graphics വിന്‍ഡോയില്‍ മൗസ് പോയിന്റര്‍ ചലിപ്പിച്ചു നോക്കൂ.

Step 3. 3D Graphics ലെ Net എന്ന ടൂള്‍ സെലക്‌ട് ചെയ്തതിനുശേഷം 3D Graphics വിന്‍ഡോയില്‍ ലഭ്യമായിരിക്കുന്ന സമചതുര സ്തംഭത്തില്‍ എവിടെയെങ്കിലും ക്ലിക്കു ചെയ്തു നോക്കൂ. അപ്പോള്‍ നമ്മള്‍ ഉണ്ടാക്കിയ സ്‌തംഭത്തിന്റെ തുറന്നുവെച്ച രൂപം കിട്ടിയല്ലോ ? ഇതിനോടൊപ്പം Graphics ല്‍ ഒരു സ്ലൈഡറും കിട്ടും. സ്ലൈഡര്‍ നീക്കുന്നതിനനുസരിച്ച് സ്തംഭം രൂപപ്പെട്ട് വരുന്നത് കാണാം. ആദ്യം വരച്ച സ്തംഭവും ബിന്ദുക്കളും മറച്ച് വയ്ക്കണമെങ്കില്‍ Algebra View ലെ Point, Prism എന്നിവ hide ചെയ്‌താല്‍ മതി. (Algebra View --> Right Click on Point / Prism--> Show Object (Uncheck the tick mark)
പ്രവര്‍ത്തനം 2:
കടലാസ് മുറിച്ച് ഒരു സമചതുര സ്തൂപിക ഉണ്ടാക്കണം. പാദവക്ക് 8 സെ. മീ., ഉയരം 10 സെ. മീ. വേണം. ജിയോജിബ്രയിലെ 3D Graphics ല്‍ നമുക്ക് ഒരു സ്‌തൂപിക നിര്‍മ്മിക്കാം.
Step 1. ജിയോജിബ്ര സോഫ്‌റ്റ്‌വെയര്‍ തുറന്ന് അതിന്റെ Graphics വിന്‍ഡോയില്‍ 8 സെ. മീ. വശമുള്ള ഒരു സമചതുരം വരയ്ക്കുക.

Step 2. 3D Graphics വിന്‍ഡോയില്‍ ക്ലിക്ക് ചെയ്‌തതിനു ശേഷം Extrude to Pyramid or Cone ടൂള്‍ സെലക്‌ട് ചെയ്തതിനുശേഷം 3D Graphics വിന്‍ഡോയില്‍ ലഭ്യമായിരിക്കുന്ന സമചതുരത്തില്‍ എവിടെയെങ്കിലും ക്ലിക്കു ചെയ്യുക. (3D Graphics വിന്‍ഡോയില്‍ ക്ലിക്ക് ചെയ്യുമ്പോള്‍ മാത്രമേ ഈ വിന്‍ഡോയിലെ ടൂളുകള്‍ കിട്ടുകയുള്ളൂ) അപ്പോള്‍ വരുന്ന Pyramid എന്ന പേരോടുകൂടി വരുന്ന ഡയലോഗ് ബോക്സില്‍ Altitude എന്നതില്‍ സ്‌തൂപികയുടെ ഉയരം 10 എന്ന് നല്‍കുക.

അപ്പോള്‍ സമചതുര സ്‌തൂപിക ലഭ്യമാകും. മൗസിന്റെ വലതു ബട്ടണ്‍ അമര്‍ത്തി 3D Graphics വിന്‍ഡോയില്‍ മൗസ് പോയിന്റര്‍ ചലിപ്പിച്ചു നോക്കൂ.

Step 3.3D Graphics ലെ Net എന്ന ടൂള്‍ സെലക്‌ട് ചെയ്തതിനുശേഷം 3D Graphics വിന്‍ഡോയില്‍ ലഭ്യമായിരിക്കുന്ന സമചതുരസ്‌തൂപികയില്‍ എവിടെയെങ്കിലും ക്ലിക്കു ചെയ്തു നോക്കൂ. അപ്പോള്‍ നമ്മള്‍ ഉണ്ടാക്കിയ സ്‌തൂപികയുടെ തുറന്നുവെച്ച രൂപം കിട്ടിയല്ലോ ? അപ്പോള്‍ Graphics വിന്‍ഡോയില്‍ ലഭിച്ച സ്ലൈഡര്‍ നീക്കി മാറ്റങ്ങള്‍ നിരീക്ഷിക്കുക. സ്‌തൂപിക പൊളിച്ചപ്പോള്‍ ലഭിച്ച ത്രികോണങ്ങളുടെ പ്രത്യേകത, ത്രികോണങ്ങളുടെ പരപ്പളവ്, സ്‌തൂപികയുടെ പരപ്പളവ് തുടങ്ങിയവ കണ്ടെത്താമല്ലോ ?

.............................................................................................................
സുരേഷ് പണിക്കര്‍ സാറിന്റെ പഠന വിഭവങ്ങള്‍(ഒൻപതാം ക്ലാസിലെ ഒന്നാം പാഠത്തിലെ ഫസ്റ്റ് പാർട്ട്‌ geogebra ഉൾപ്പെടുത്തി തയ്യാറാക്കിയത്)


Read More | തുടര്‍ന്നു വായിക്കുക

SSLC Examination - March 2016 :
All Question Papers
and English, Physics, Chemistry, Social Science & Maths Answers

>> Wednesday, March 23, 2016

Updated on 31.03.2016 at 11.30pm  : SSLC പരീക്ഷ കഴിഞ്ഞു.....ഇനി പരീക്ഷയെക്കുറിച്ചുള്ള വിശകലനങ്ങള്‍ നമുക്കു നടത്താം... എസ്.എസ്.എല്‍.സി മൂല്യനിര്‍ണ്ണയത്തിനു പോകുന്നവര്‍ ആവശ്യപ്പെടുന്ന ഒന്നാണ് എസ്.എസ്.എല്‍.സി പരീക്ഷകളുടെ ഉത്തരസൂചികകള്‍. മുന്‍വര്‍ഷങ്ങളിലേതു പോലെ തന്നെ പല വിഷയങ്ങളുടേയും ഉത്തരങ്ങള്‍ മാത്സ് ബ്ലോഗിന് ലഭിച്ചിട്ടുണ്ട്. ചില വിഷയങ്ങളുടെ ഉത്തരസൂചികകളുടെ പണിപ്പുരയിലാണ് അദ്ധ്യാപകരെന്ന് ഞങ്ങളെ അറിയിച്ചിട്ടുണ്ട്. ലഭ്യമാകുന്ന മുറയ്ക്ക് ഉത്തരസൂചികകള്‍ ഈ പോസ്റ്റില്‍ അപ്‌ഡേറ്റ് ചെയ്യുന്നതായിരിക്കും.ഒരവസരത്തില്‍, സജീവമായ ഇടപെടലുകള്‍ കൊണ്ട് നമ്മെ വിസ്മയിപ്പിച്ചിരുന്ന ഹിതയുടേയും കണ്ണന്‍മാഷിന്റെയും പാലക്കാട് ബ്ലോഗ് ടീം തിരിച്ചെത്തുന്നുവെന്ന സന്തോഷവും മറച്ചുവെയ്ക്കുന്നില്ല. ഈ പോസ്റ്റിന്റെകൂടെ, ഇംഗ്ലീഷ്, ഫിസിക്‌സ്, സാമൂഹ്യശാസ്ത്രം, ഗണിതം, കെമിസ്ട്രി തുടങ്ങിയ വിഷയങ്ങളുടെ ഉത്തരസൂചികകളുംഗണിതപരീക്ഷയെക്കുറിച്ചുള്ള പാലക്കാട് ബ്ലോഗ് ടീമിലെ കണ്ണന്‍മാഷിന്റെ അവലോകനവും ആണുള്ളത്.ചുവടെയുള്ള ലിങ്കില്‍ നിന്നും ഉത്തരസൂചിക ഡൗണ്‍ലോഡ് ചെയ്‌തെടുക്കാം. കൂടാതെ പരീക്ഷയെക്കുറിച്ചുള്ള വിശദമായ അവലോകനവും വായിക്കാവുന്നതാണ്. അഭിപ്രായങ്ങള്‍ ചുവടെ നല്‍കാന്‍ മറക്കരുതേ.


  • SSLC 2016 English Answers Prepared by ANILKUMAR.P, A.V.H.S.S, PONANI, MALAPPURAM


  • SSLC 2016 Physics Answers Prepared by Shaji. A, Govt HSS Pallickal

  • SSLC March 2016 - Social Science - Answers
    Prepared by Prepared By, Bindumol P.R, Govt. Girls HSS Vaikom and K.S Deepu, HSS& VHSS Brahmamangalam

    SSLC March 2016 - Mathematics - Answers
    Prepared by Maths Blog Team, Palakkad

    SSLC 2016 Maths Answers Prepared by Baburaj P, PHSS, Pandaloor, Malappuram

    SSLC 2016 Maths AnswersPrepared by BINOYI PHILIP, GHSS KOTTODI

    SSLC 2016 Maths AnswersPrepared by PRABHAKARAN.P.R, GHSS MATHAMANGALAM, KANNUR

    SSLC 2016 Chemistry Answers Prepared by Ravi P., Deepa C. and Nisha K.K. , H.S. Peringode.
    കണ്ണന്‍ സാറിന്റെ അവലോകനം

    എല്ലാ വിഭാഗത്തില്‍പ്പെട്ട കുട്ടികളേയും പരിഗണിക്കുവാന്‍ ശ്രമം നടത്തിയ ചോദ്യപ്പേപ്പര്‍ ആയിരുന്നു ഇത്തവണത്തേത്. സാധാരണയായി കുട്ടികള്‍ പറഞ്ഞുകേള്‍ക്കാറുള്ള സമയം തികഞ്ഞില്ല എന്ന പരാതിയും ഇത്തവണ കേള്‍ക്കാന്‍ സാദ്ധ്യതയില്ല. കുട്ടികളുടെ ചിന്താശേഷി അളക്കുന്നതിലും ചോദ്യങ്ങള്‍ നീതിബോധത്തോടെ തയ്യാറാക്കുന്നതിലും ചോദ്യകര്‍ത്താവ് പ്രത്യേകം ശ്രദ്ധിച്ചിട്ടുണ്ട്.
    • ചോദ്യം 1, 11, 16 എന്നിവ സമാന്തര ശ്രേണിയില്‍ നിന്നായിരുന്നു. 1, 16 ചോദ്യങ്ങള്‍ കുട്ടികള്‍ ചെയ്ത് ശീലിച്ചവയാണ്. ചോദ്യം 11 ന് സമാനമായ ഒരു ചോദ്യം പാഠപുസ്തകത്തില്‍ ഉണ്ടെങ്കിലും n = 6 എന്ന് എഴുതി മുഴുവന്‍ സ്കോറും നേടാന്‍ എല്ലാവര്‍ക്കും കഴിയണമെന്നില്ല.
    • ചോദ്യം 15, 19 എന്നിവ കുട്ടികള്‍ പ്രതീക്ഷിച്ചവ തന്നെയാണ്. ശരാശരി നിലവാരത്തില്‍ താഴെ നില്ക്കുന്നവര്‍ക്കു പോലും മുഴുവന്‍ സ്കോറും നേടാന്‍ കഴിയുന്ന നിര്‍മ്മിതികളാണിവ.
    • 2, 6 ചോദ്യങ്ങള്‍ വൃത്തങ്ങള്‍, തൊടുവരകള്‍ എന്നീ പാഠഭാഗങ്ങളെ ആസ്പദമാക്കിയാണ്. ഇവ രണ്ടും കുട്ടികള്‍ക്ക് വളരെ എളുപ്പം ഉത്തരമെഴുതാന്‍ കഴിയുന്നവയാണ്.
    • 13, 20 ചോദ്യങ്ങള്‍ രണ്ടാം കൃതി സമവാക്യത്തില്‍ നിന്നാണ്. ചോദ്യം 13 താരതമ്യേന ലളിതമാണ്. കുട്ടികള്‍ ചെയ്ത് ശീലിച്ച ചോദ്യമാണിത്. എന്നാല്‍ ചോദ്യം 20 എ പ്ളസ്സ് നിലവാരത്തിലുള്ളതാണ്. രണ്ടാം കൃതി സമവാക്യം രൂപീകരിച്ച്, സംഖ്യ = 26 എന്ന ഉത്തരത്തില്‍ എത്താന്‍ മിടുക്കര്‍ വരെ വലഞ്ഞു കാണും. യുക്തി ചിന്തയിലൂടെ, രണ്ട് അക്കങ്ങളുടെ ഗുണനഫലം 12 ആകുമ്പോള്‍ (2,6), (3,4) എന്നീ സംഖ്യാ ജോടികള്‍ പരിഗണിച്ച് ഉണ്ടാക്കാവുന്ന രണ്ടക്ക സംഖ്യകളായ 26, 62, 34, 43 എന്നിവ പരിഗണിച്ച് ഉത്തരത്തില്‍ എത്തിയ കുട്ടികളും ഉണ്ടാവാം.
    • ചോദ്യം 14, 22 എന്നിവ ത്രികോണമിതിയില്‍ നിന്നാണ്. ഇവ രണ്ടും കുട്ടികള്‍ പ്രതീക്ഷിച്ചവ തന്നെയാണ്. മുന്‍ വര്‍ഷങ്ങളിലെ ചോദ്യപ്പേപ്പറുകള്‍ വിശകലനം ചെയ്ത കുട്ടികള്‍ ഇവ നിഷ്പ്രയാസം ചെയ്തുകാണും എന്നതില്‍ സംശയമില്ല.
    • അക്ഷങ്ങള്‍ വരച്ച് ബിന്ദുക്കള്‍ അടയാളപ്പെടുത്താനുള്ള പത്താമത്തെ ചോദ്യം എല്ലാ തരം കുട്ടികളേയും സന്തോഷിപ്പിക്കുന്നതാണ്.
    • സാധ്യതയുടെ ഗണിതത്തില്‍ നിന്നും വന്ന ചോദ്യം 7, താരതമ്യേന എളുപ്പമായിരുന്നു.
    • ബഹുപദങ്ങള്‍ എന്ന യൂണിറ്റില്‍ നിന്നും വന്ന ചോദ്യം 5, കുട്ടികള്‍ ചെയ്ത് ശീലിച്ചതാണ്. എന്നാല്‍ ചോദ്യം 17 പ്രതീക്ഷിച്ച ചോദ്യം തന്നെയാണെങ്കിലും മുഴുവന്‍ സ്കോറും നേടാന്‍ എല്ലാവര്‍ക്കും കഴിയണമെന്നില്ല.
    • ജ്യാമിതിയും ബീജഗണിതവും എന്ന യൂണിറ്റില്‍ നിന്നും വന്ന ചോദ്യം 3 ലളിതമാണ്. ഒന്‍പതാം ചോദ്യം പാഠപുസ്തകത്തില്‍ ചെയ്ത് ശീലിച്ചതാണ്. പതിനെട്ടാം ചോദ്യത്തിന് സമാനമായ ഒരു ചോദ്യം പുസ്തകത്തില്‍ ഉള്ളതിനാല്‍ ഈ ചോദ്യവും കുട്ടികള്‍ക്ക് എളുപ്പം ചെയ്യാവുന്നതാണ്.
    • മാധ്യം (ചോദ്യം 12), മധ്യമം (ചോദ്യം 21) എന്നിവ കുട്ടികള്‍ ഏറെ തവണ ചെയ്ത് ശീലിച്ചതാണ്. എല്ലാ കുട്ടികള്‍ക്കും ഒരുപോലെ സന്തോഷം നല്കുന്ന രണ്ട് ചോദ്യങ്ങളാണിവ.
    • 4, 8, 23 ചോദ്യങ്ങള്‍ ഘനരൂപങ്ങളില്‍ നിന്നുമാണ്. ചോദ്യം 4, 8 എന്നിവ പാഠപുസ്തകത്തില്‍ നിന്ന് നേരിട്ട് ഉള്ളവയാണ്. ചോദ്യം 23 വളരെ ലളിതവുമായിരുന്നു. മിടുക്കര്‍ ഏറെ ആസ്വദിച്ച് ചെയ്ത ഒരു ചോദ്യമായിരിക്കും ഇത്.
    തന്റെ ബുദ്ധിവൈഭവം ചോദ്യങ്ങളില്‍ കുത്തിനിറയ്ക്കാതെ എല്ലാത്തരം കുട്ടികളേയും പരിഗണിച്ചുകൊണ്ട് ഗണിതത്തിന്റെ നൈസര്‍ഗികമായ നന്മകള്‍ നഷ്ടപ്പെടുത്താതെ ചോദ്യപ്പേപ്പര്‍ തയ്യാറാക്കാന്‍ ചോദ്യകര്‍ത്താവ് ശ്രമിച്ചിട്ടുണ്ട് എന്നത് ശ്രദ്ധേയമാണ്. കുട്ടികള്‍ കണ്ണു നിറഞ്ഞ് പരീക്ഷാഹാള്‍ വിട്ടിറങ്ങേണ്ട ഒരു സ്ഥിതിവിശേഷം ഉണ്ടാകുന്നില്ല. ഇങ്ങനെ ചോദ്യപ്പേപ്പര്‍ തയ്യാറാക്കിയ ചോദ്യകര്‍ത്താവ് തീര്‍ച്ചയായും അഭിനന്ദനം അര്‍ഹിക്കുന്നു.
    ALL SSLC -2016 Question Papers are available below
    SSLC March 2016 - Malayalam I

    SSLC March 2016 - Malayalam II

    SSLC March 2016 - English

    SSLC March 2016 - Hindi

    SSLC March 2016 - Maths (Mal.)

    SSLC March 2016 - Maths (Eng.)

    SSLC March 2016 - Social Scie. (Mal.)

    SSLC March 2016 - Social Scie. (Eng.)

    SSLC March 2016 - Physics (Mal.)

    SSLC March 2016 - Physics (Eng.)

    SSLC March 2016 - Chemistry (Mal.)

    SSLC March 2016 - Chemistry (Eng.)

    SSLC March 2016 - Biology (Mal.)

    SSLC March 2016 - Biology (Eng.)


  • Read More | തുടര്‍ന്നു വായിക്കുക

    പത്താംക്ലാസ് റിവിഷന്‍

    >> Saturday, March 12, 2016

    Updated on 12.03.2016 at 9.26pm അടുത്തുവരുന്ന പത്താംക്ലാസ് പരീക്ഷയ്ക്കുള്ള റിവിഷന്‍ ചോദ്യങ്ങള്‍ പ്രസിദ്ധീകരിക്കുകയാണ് . എല്ലാത്തരം ചോദ്യങ്ങളും ഇതില്‍ ചേര്‍ത്തിട്ടുണ്ട് . സമയബന്ധിതമായി പൂര്‍ത്തിയാക്കി വിജയം ഉറപ്പാക്കുകയാണ് കുട്ടികള്‍ ചെയ്യേണ്ടത് . എളുപ്പത്തില്‍ പരീക്ഷ പാസാകാനുള്ള മാര്‍ഗ്ഗങ്ങള്‍ തേടി കുറച്ച് പ്രധാനചോദ്യങ്ങള്‍ മാത്രം ചെയ്യാതിരിക്കുക. കണക്കുപരീക്ഷ ബുദ്ധിമുട്ടുള്ള പരീക്ഷയല്ല. ചിട്ടയായ പഠനങ്ങള്‍ കൊണ്ട് നല്ല ഗ്രേഡ് വാങ്ങാവുന്നതാണ്. ഈ ചോദ്യങ്ങള്‍ ഇതിന് ഉപകരിക്കും .40 പഠന മേഖലകളു​ണ്ട് പാഠപുസ്തകത്തില്‍ ഇവ എല്ലാംതന്നെ ചേര്‍ത്തുകൊണ്ടാണ് ഈ മെറ്റീരിയല്‍ തയ്യാറാക്കിയിരിക്കുന്നത് .

    ഇംഗ്ലീഷ്, മലയാളം മീഡിയലുകള്‍ക്കുള്ള രണ്ടു വീതം പി.ഡി.എഫ് ഫോര്‍മാറ്റിലുള്ള ഫയലുകളാണ് ചുവടെയുള്ളത്. ചോദ്യങ്ങളിലോ ഉത്തരങ്ങളിലോ സംശയങ്ങളുണ്ടെങ്കില്‍ അവ കമന്റായി രേഖപ്പെടുത്തുന്നത് മറ്റുള്ളവര്‍ക്കു കൂടി ഉപകാരപ്പെടും.
    റിവിഷന്‍ ചോദ്യങ്ങള്‍ (മലയാളം മീഡിയം )
    റിവിഷന്‍ ചോദ്യങ്ങള്‍ ( ഇംഗ്ലീഷ് മീഡിയം )‍
    Special Package (Mal/ Eng Media)

    Special Package (Malayalam only)


    Read More | തുടര്‍ന്നു വായിക്കുക

    ഗണിതാശയങ്ങള്‍ക്കായി ജിഫ് ഫയലുകള്‍

    >> Saturday, November 14, 2015

    വിദ്യാഭ്യാസവകുപ്പ് അദ്ധ്യാപകരോട് ഐടിയുടെ സഹായത്തോടെ ഗണിതശാസ്ത്ര അദ്ധ്യയനം മുന്നോട്ടു കൊണ്ടുപോകാന്‍ നിരന്തരം ആവശ്യപ്പെട്ടു കൊണ്ടിരിക്കുകയാണ്. എന്നാല്‍ നമ്മളില്‍ എത്രപേര്‍ അത്തരത്തില്‍ കമ്പ്യൂട്ടറിന്റെ സഹായത്തോടെ പഠനം മുന്നോട്ടു കൊണ്ടുപോകുന്നുണ്ടെന്ന ചോദ്യം പ്രസക്തമാണ്. കുണ്ടൂര്‍ക്കുന്ന്‌ ടി.എസ്.എന്‍.എം.എച്ച്.എസിലെ പ്രമോദ് മൂര്‍ത്തി സാര്‍ തികച്ചും വ്യത്യസ്തനായ ഒരു അദ്ധ്യാപകനാണ്. വ്യത്യസ്തമായ കമ്പ്യൂട്ടര്‍ സങ്കേതങ്ങള്‍ ഉപയോഗിച്ച് ക്ലാസ് റൂമിലെ ആശയവിനിമയം നടത്തുന്നതില്‍ അദ്ദേഹത്തിന്റെ നൈപുണ്യം സ്തുത്യര്‍ഹമാണ്. ഇതാ ചില ഗണിത ആശയങ്ങള്‍ കുട്ടികളിലേക്കെത്തിക്കാന്‍ അദ്ദേഹം തയ്യാറാക്കിയ ചില ജിഫ് ഫയലുകള്‍. നോക്കി അഭിപ്രായം കുറിക്കുമല്ലോ.

    ഗണിതാശയങ്ങള്‍ അവതരിപ്പിക്കുന്ന ജിഫ് (Gif) ഫയലുകള്‍ (ചിത്രങ്ങള്‍ കാണുന്നതിനായി ഓരോ സിദ്ധാന്തങ്ങളിലും ക്ലിക്ക് ചെയ്യുക)


    Click here for download the GIF files (പ്രമോദ് മൂര്‍ത്തി സാര്‍ ഇതേ വരെ തയ്യാറാക്കിയ ജിഫ് ഫയലുകള്‍)


    Read More | തുടര്‍ന്നു വായിക്കുക

    SETICalc - ഓപ്പണ്‍ ഓഫീസ് കാല്‍ക്കില്‍ ഒരു പരീക്ഷയെഴുതാം

    >> Monday, July 13, 2015

    പുതുമ നിറഞ്ഞതും വ്യത്യസ്തവുമായ പഠന പ്രോഗ്രാമുകളിലൂടെ ശ്രദ്ധേയനാണ് കുണ്ടൂര്‍ക്കുന്ന് ടി.എസ്.എന്‍.എം.എച്ച്.എസിലെ പ്രമോദ് മൂര്‍ത്തി സാര്‍. സെറ്റിഗാം എന്ന പ്രോഗ്രാമിലൂടെ കഴിഞ്ഞ വര്‍ഷം ഒട്ടേറെ കുട്ടികള്‍ക്ക് പഠനം എളുപ്പമാക്കിക്കൊടുക്കാന്‍ അദ്ദേഹത്തിന് കഴിഞ്ഞു. ഗണിതശാസ്ത്രവും ഫിസിക്സും ഇംഗ്ലീഷുമെല്ലാം അദ്ദേഹം സെറ്റിഗാമിന്റെ വരുതിയിലാക്കി. നമ്മുടെ അദ്ധ്യാപകര്‍ക്ക് ഒരു സോഫ്റ്റ് വെയര്‍ എന്‍ജിനീയറുടെ റോളിനും തിളങ്ങാന്‍ സാധിക്കുമെന്ന് തെളിയിച്ചതിന് അദ്ധ്യാപക ലോകം അദ്ദേഹത്തോട് കടപ്പെട്ടിരിക്കുന്നു. തികച്ചും പുതുമയാര്‍ന്ന ഒരു ഓപ്പണ്‍ ഓഫീസ് കാല്‍ക്ക് പ്രോഗ്രാമുമായാണ് അദ്ദേഹം നമ്മുടെ മുന്നിലെത്തിയിരിക്കുന്നത്. രണ്ടാം യൂണിറ്റായ വൃത്തങ്ങള്‍ ആണ് അദ്ദേഹം തിരഞ്ഞെടുത്തിരിക്കുന്നത്. ചുവടെയുള്ള ലിങ്കില്‍ നിന്നും ചോദ്യങ്ങള്‍ക്ക് ഉത്തരം എഴുതാം.

    പ്രോഗ്രാം ഡൗണ്‍ലോഡ് ചെയ്ത് ഡെസ്ക്ടോപ്പില്‍ ഇടുക. തുടര്‍ന്ന് ഓപ്പണ്‍ ഓഫീസ് കാല്‍ക്ക് വഴി ഈ ഫയല്‍ തുറക്കുക. ഫയലില്‍ ഷീറ്റുകളായാണ് പരീക്ഷ നല്‍കിയിരിക്കുന്നത്. ആമുഖം വായിച്ചു നോക്കിയാല്‍ കാര്യങ്ങള്‍ എളുപ്പം മനസ്സിലാകും. മഞ്ഞക്കള്ളികളില്‍ മാത്രം ചോദ്യത്തിന് ഉത്തരം എഴുതുക. ആകെ മാര്‍ക്ക് എത്ര ലഭിച്ചുവെന്ന് മാര്‍ക്ക് ഷീറ്റ് എന്ന ഫയലില്‍ നിന്ന് ലഭിക്കും.

    Click here to download SETICalc - Circles
    Designed by Pramod Moorthy, TSNMHS Kundoorkunnu


    Read More | തുടര്‍ന്നു വായിക്കുക

    അഞ്ചുകോടി സന്ദര്‍ശനങ്ങള്‍...!
    മറ്റൊരു നാഴികക്കല്ല്.

    >> Friday, June 26, 2015


    അഞ്ചുകോടി സന്ദര്‍ശനങ്ങളെന്ന മലയാളബ്ലോഗിംഗ് രംഗത്തെ അസൂയാര്‍ഹവും അനന്യവുമായ നാഴികക്കല്ല് താണ്ടിയ മാത്‌സ് ബ്ലോഗിനെ, ഈ നിലയിലേക്കെത്തിച്ച എല്ലാ വായനക്കാരോടും ഒട്ടുവളരേ അഭിമാനത്തോടെ ഞങ്ങള്‍ ഹൃദ്യമായി കൃതജ്ഞത പ്രകടിപ്പിക്കുന്നു.കഴിഞ്ഞ ആറുവര്‍ഷത്തിലധികമായി, പൊതുവിദ്യാലയങ്ങളിലെ ഗൂഗിളായി പരിണമിച്ചുവെന്നത് ഞങ്ങള്‍ക്കുണ്ടാക്കിയ സന്തോഷവും അഭിമാനവും പറഞ്ഞറിയിക്കാനാവില്ല, ഒപ്പം ഒരുപാട് ഉത്തരവാദിത്തബോധവും അതുമൂലമുള്ള പിരിമുറുക്കങ്ങളും.

    ഇക്കഴിഞ്ഞദിവസം ഞങ്ങള്‍ക്ക് വിലമതിക്കാനാകാത്ത ഒരു അവാര്‍ഡ് കിട്ടി! തൃശൂര്‍ ജില്ലയിലെ സെന്റ് ആന്‍സ് ജി എച്ച് എസ് എടത്തിരുത്തിയില്‍ നിന്നും ഈ വര്‍ഷം മുഴുവന്‍ വിഷയങ്ങള്‍ക്കും A+ നേടി പത്താംക്ലാസ് പൂര്‍ത്തിയാക്കിയ അഞ്ജന എസ് എന്ന മിടുക്കിക്കുട്ടിയാണ് ഈ അവാര്‍ഡ് സമ്മാനിച്ചത്. മാത്‌സ് ബ്ലോഗിന് കിട്ടിയതും കിട്ടാനിരിക്കുന്നതുമായ എല്ലാ അംഗീകാരങ്ങളില്‍നിന്നും മാറ്റിനിര്‍ത്തി ഇതിനെ നെഞ്ചോട് ചേര്‍ത്തുനിര്‍ത്താന്‍ ഞങ്ങളാഗ്രഹിക്കുന്നു. അഞ്ജനയുടെ മെയില്‍ താഴേ വായിക്കുക.

    "ബഹുമാനപ്പെട്ട മാത്‌സ് ബ്ലോഗിന്,എന്റെ പേര് അഞ്ജന എസ്..
    തൃശൂര്‍ ജില്ലയിലെ സെന്റ് ആന്‍സ് ജി എച്ച് എസ് എടത്തിരുത്തിയില്‍ നിന്നും കഴിഞ്ഞവര്‍ഷം എസ്എസ്എല്‍സി പൂര്‍ത്തിയാക്കി. (ഫുള്‍ A+ കിട്ടീട്ടോ!).ഇപ്പോള്‍ ചെന്ത്രാപ്പിന്നി HSS ല്‍ +1 ല്‍ ചേര്‍ന്നു. ജൂലായ് 8ന് ക്ലാസ്സുകള്‍ ആരംഭിക്കും. ഹൈസ്കൂള്‍ പഠനകാലയളവില്‍ മാത്‌സ് ബ്ലോഗ് പകര്‍ന്നുതന്ന ആത്മവിശ്വാസം ചെറുതായിരുന്നില്ല. ആ സഹായത്തിനൊരു പ്രതിഫലം എന്ന് കൂട്ടിക്കോളൂ...."


    എന്താണ് ആ ഗുരുദക്ഷിണയെന്നല്ലേ...
    എട്ടാം ക്ലാസ്സിലെ മാറിയ ഗണിതപുസ്തകത്തിലെ ഐസിടി സാധ്യതകള്‍ ശ്രദ്ധയില്‍പ്പെട്ടുകാണുമല്ലോ? ഒന്നാമത്തെ യൂണിറ്റില്‍ത്തന്നെ 8,13,20,23,24,25 എന്നീ പേജുകളിലെ സൈഡ്ബോക്സുകളിലായാണ് ഈ പ്രവര്‍ത്തനങ്ങളുള്ളത്. ഇവയെല്ലാം ജിയോജെബ്ര ഉപയോഗിച്ച് ചെയ്ത്, വീഡിയോ രൂപത്തിലാക്കി ഒരു മഹാത്മസ്റ്റൈല്‍ ട്യൂട്ടോറിയലുകളാക്കി അയച്ചുതന്നിരിക്കുകയാണ് ഈ മിടുക്കി. ഒപ്പം, അറിയാതെ വന്നിരിക്കുന്ന പിഴവുകളെന്തേലുമുണ്ടെങ്കില്‍, പ്രിയ അധ്യാപകരും കൂട്ടുകാരും കമന്റില്‍ വന്ന് ചൂണ്ടിക്കാട്ടണമെന്നൊരപേക്ഷയും.
    ഓരോ പ്രവര്‍ത്തനങ്ങളും താഴേ കാണുകയും ഡൗണ്‍ലോഡ് ചെയ്തെടുക്കുകയും ചെയ്യാം.
    Page 8 (1)


    Page 8 (2)


    Page 13


    Page 20


    Page 23


    Page 24


    Page 25



    Read More | തുടര്‍ന്നു വായിക്കുക

    Arithmetic Progression English Medium Questions (Updated)

    >> Wednesday, June 24, 2015

    പത്താം ക്ലാസിലെ ഗണിതശാസ്ത്രം ഒന്നാം യൂണിറ്റായ സമാന്തരശ്രേണികള്‍ (Arithmetic Progression) ഇതിനോടകം എല്ലാ ഗണിത ശാസ്ത്രാദ്ധ്യാപകരും പിന്നിട്ടു കഴിഞ്ഞിരിക്കും. ബ്ലോഗിലെ ലേബലുകള്‍ ഫലപ്രദമായി ഉപയോഗിച്ചാല്‍ എല്ലാ വിദ്യാര്‍ത്ഥികള്‍ക്കും അദ്ധ്യാപകര്‍ക്കും മുന്‍പ് പ്രസിദ്ധീകരിച്ച ചോദ്യങ്ങള്‍ കണ്ടെത്താവുന്നതേയുള്ളു. അവിടെയെല്ലാം കാണുന്ന ഒരു പരാതി ഇംഗ്ലീഷ് മീഡിയം കുട്ടികളെ പരിഗണിക്കുന്നില്ല എന്നതായിരുന്നു. എന്നാല്‍ ഇന്ന് ഇംഗ്ലീഷ് മീഡിയം കുട്ടികള്‍ക്കായി ഏതാനും ചില ചോദ്യങ്ങള്‍ തയ്യാറാക്കി നല്‍കിയിരിക്കുകയാണ് കൊല്ലം ഈസ്റ്റ് കല്ലടയിലെ മതിലകം മൗണ്ട് കാര്‍മല്‍ ഇംഗ്ലീഷ് മീഡിയം ഹയര്‍സെക്കന്ററി സ്ക്കൂളിലെ ഗണിതശാസ്ത്രാദ്ധ്യാപകനായ നിധിന്‍രാജ് ആര്‍. അദ്ദേഹം തയ്യാറാക്കിയ ചോദ്യങ്ങള്‍ ചുവടെയുള്ള ലിങ്കില്‍ നിന്നും ഡൗണ്‍ലോഡ് ചെയ്തെടുക്കാം.

    സമാന്തരശ്രേണികള്‍ എന്ന യൂണിറ്റ് ശ്രേണികളിലെ പ്രത്യേക വിഭാഗമായ സമാന്തരശ്രേണികളെ കുറിക്കുന്നതാണ്. ഒരു പദത്തോട് നിശ്ചിത പദം കൂട്ടി അടുത്ത പദം കാണുന്നു. അതിനോട് നേരത്തേ കൂട്ടിയ പദം കൂട്ടി തൊട്ടടുത്ത പദം കണ്ടെത്തുന്നു. ഇങ്ങനെയാണ് സമാന്തരശ്രേണിയിലെ പദങ്ങളുടെ വിന്യാസം. ഒന്നു കൂടി ലളിതമാക്കി പറഞ്ഞാല്‍ ഒരു സമാന്തരശ്രേണിയിലെ ഏതു പദത്തില്‍ നിന്നും തൊട്ടു മുന്‍പിലെ പദം കുറച്ചാല്‍ ഒരു നിശ്ചിത സംഖ്യയായിരിക്കും ലഭിക്കുക. സംഖ്യകള്‍ തമ്മിലുള്ള ഈ വ്യത്യാസം പൊതുവായതിനാല്‍ ഈ സംഖ്യ പൊതുവ്യത്യാസം എന്നാണ് അറിയപ്പെടുന്നത്.

    ഒരു ശ്രേണിയിലെ ആദ്യപദവും പൊതുവ്യത്യാസവും കയ്യിലുണ്ടെങ്കില്‍ ശ്രേണിയിലെ എത്രാമത്തെ പദവും കണ്ടെത്താന്‍ നമുക്കു കഴിയും. പത്താം പദമാണ് കാണേണ്ടതെങ്കില്‍ അദ്യത്തെ സംഖ്യയും ഒന്‍പത് പൊതുവ്യത്യാസവും കൂടി കൂട്ടിയാല്‍ മതി. നൂറാം പദമാണ് കാണേണ്ടതെങ്കില്‍ ആദ്യത്തെ പദത്തോടൊപ്പം തൊണ്ണൂമ്പത് പൊതുവ്യത്യാസം കൂട്ടിയാല്‍ മതി. ഇത്തരത്തില്‍ വികസിക്കുന്ന പാഠത്തില്‍ ശ്രേണിയിലെ നിശ്ചിത പദങ്ങളുടെ തുക കണ്ടുപിടിക്കാനും കൂടി പഠിപ്പിക്കുന്നുണ്ട്. എത്ര സംഖ്യകളുടെ തുകയാണോ കണ്ടുപിടിക്കേണ്ടത്, അതിന്റെ പകുതിയെ തുക കണ്ടുപിടിക്കേണ്ട ശ്രേണിയിലെ ആദ്യപദവും അവസാനപദവും തമ്മില്‍ കൂട്ടി കിട്ടുന്ന സംഖ്യ കൊണ്ടു ഗുണിച്ചാല്‍ ശ്രേണിയുടെ തുക കിട്ടും.

    കൂടുതല്‍ ലളിതമായ വിശദീകരണങ്ങളുണ്ടെങ്കില്‍ ചുവടെ കമന്റ് ചെയ്യുമല്ലോ. കുട്ടികളില്‍ സംശയമുണ്ടാക്കുന്ന ചോദ്യങ്ങളും ഇവിടെ ഉന്നയിക്കാവുന്നതാണ്. നിധിന്‍രാജ് തയ്യാറാക്കിയ ചോദ്യങ്ങള്‍ ചുവടെ നിന്നും ഡൗണ്‍ലോഡ് ചെയ്തെടുത്തോളൂ. അഭിപ്രായങ്ങള്‍ കമന്റ് ചെയ്യുമ്പോള്‍ ഇത്തരം മെറ്റീരിയലുകള്‍ തയ്യാറാക്കുന്നവര്‍ക്ക് ഇനിയും ചെയ്യാന്‍ പ്രേരണയാകും.


    Click here to download AP-EM medium questions


    Click here to download one word Questions from AP


    Arithmetic Progression -3


    Read More | തുടര്‍ന്നു വായിക്കുക
    ♡Copy the contents with due courtsey. Admins: Harikumar K G, SDPY KPMHS Edavanakad, V K Nizar. HIHSS Edavanakad | Disclaimer