SSLC പരീക്ഷാഫലം മെയ് 5ന്...ലിങ്കുകളും അനാലിസിസ് സൈറ്റും തയാറാകുന്ന മുറയ്ക്ക് താഴെ അപ്‌ഡേറ്റ് ചെയ്യപ്പെടും..
പാഠപുസ്തക വിലകള്‍ "Downloads" കാണുക

Noon Meal Data Entry

ചിത്രത്തില്‍ സൂചിപ്പിച്ചിരിക്കുന്ന പ്രശ്നത്തിന് ഉത്തരം കണ്ടെത്താമോ?

>> Friday, July 31, 2009


ഹൈസ്ക്കൂള്‍ വിദ്യാര്‍ത്ഥികള്‍ക്കും അദ്ധ്യാപകര്‍ക്കും വേണ്ടിയുള്ള ഒരു ഗണിതപ്രശ്നമാണ് നിങ്ങള്‍ക്കു മുന്നിലേക്ക് ഇന്ന് ഞങ്ങള്‍ അവതരിപ്പിക്കുന്നത്. അഞ്ച് സെന്റീമീറ്റര്‍ ആരമുള്ള മൂന്നു റിങ്ങുകളെ ഒരു ചരടുപയോഗിച്ച് കെട്ടിയിരിക്കുന്നു. റിങ്ങുകളെ കെട്ടാനുപയോഗിച്ച ചരടിന്റെ നീളമെന്താണെന്നാണ് നിങ്ങള്‍ കണ്ടെത്തേണ്ടത്.
ഇതിനായി തികച്ചും ഗണിതശാസ്ത്രപരമായ മാര്‍ഗ്ഗങ്ങള്‍ തന്നെയാണ് ഉപയോഗിക്കേണ്ടത്. ഉത്തരങ്ങള്‍ നിങ്ങള്‍ക്ക് ഈ പോസ്റ്റിനു താഴെയുള്ള കമന്‍റ്സില്‍ രേഖപ്പെടുത്താം. എങ്ങനെ കമന്‍റു ചെയ്യാമെന്ന് വലതു വശത്തുള്ള ഗാഡ്ജറ്റുകളില്‍ സൂചിപ്പിച്ചിട്ടുണ്ട്.

ഇത്തരത്തിലുള്ള ചോദ്യങ്ങള്‍ നിങ്ങള്‍ക്ക് ബ്ലോഗിലൂടെ ചോദിക്കാം. അതിനായി എഴുതി തയ്യാറാക്കിയ ആ ചോദ്യങ്ങള്‍ 'എഡിറ്റര്‍, ബ്ലോഗ് വിശേഷം, എടവനക്കാട്, 682502, എറണാകുളം' എന്ന വിലാസത്തില്‍ അയക്കാം.
അല്ലെങ്കില്‍ mathsekm@gmail.com എന്ന വിലാസത്തിലേക്ക് മെയില്‍ ചെയ്യാം.


Read More | തുടര്‍ന്നു വായിക്കുക

അപര്‍ണയ്ക്ക് ഉത്തരം കിട്ടി

>> Tuesday, July 28, 2009

പ്രതീക്ഷിച്ച പോലെ അവള്‍ക്കു ഫോണിലൂടെ മറുപടി കിട്ടി. എന്നാല്‍ അവരോട് ഉത്തരം കമന്റ് ചെയ്യാനാവശ്യപ്പെട്ടെങ്കിലും അതുണ്ടായില്ല. ഉത്തരം ഇതായിരുന്നു.
ഇടയ്ക് സ്ഥാനം മാറ്റിയ നടുവിലെ സംഖ്യകളുടെ വ്യത്യാസത്തെ 9 കൊണ്ട് ഗുണിച്ച് ഒറ്റയുടെ സ്ഥാനത്ത് 0 ചേര്‍ത്തു കൊടുക്കുക. അപര്‍ണ സ്ഥാനം മാറ്റിയ സംഖ്യകള്‍ 38 ആണ്. 8-3=5 ആണല്ലോ. ഈ 5 നെ 9 കൊണ്ട് ഗുണിച്ച് ഒറ്റയുടെ സ്ഥാനത്ത് 0 ചേര്‍ത്താല്‍ 450. ഇതു തന്നെ ഉത്തരം.
മറ്റൊരു ഉദാഹരണം നോക്കാം. സംഖ്യ = 8641 നടുവിലെ സംഖ്യകള്‍ മറിച്ചിട്ടാല്‍ 8461. വലുതില്‍ നിന്ന് ചെറുതു കുറച്ചാല്‍ 8641-8461=180
ഇവിടെ നോക്കൂ. സ്ഥാനം മാറ്റിയ 64 ലെ 6-4=2. 2x9=18 പൂജ്യം ചേര്‍ത്താല്‍ 180
എന്താണ് ഇതിലെ ഗണിത തത്വം? ഒരു രണ്ടക്ക സംഖ്യയുടേയും അതിന്റെ അക്കങ്ങള്‍ സ്ഥാനം മാറ്റിക്കിട്ടുന്ന സംഖ്യയുടേയും വ്യത്യാസം എപ്പോഴും 9 ന്റെ ഗുണിതമായിരിക്കും. മാത്രമല്ല സംഖ്യയിലെ രണ്ട് അക്കങ്ങള്‍ തമ്മിലുള്ള വ്യത്യാസത്തെ 9 കൊണ്ട് ഗുണിച്ചാല്‍ ഉത്തരവും കണ്ടെത്താം. 72-27=(7-2)X9=45


365 ദിവസങ്ങള്‍ ചേരുന്നതാണ് രു വര്‍ഷം. 365 നെ തുടര്‍ച്ചയായ സംഖ്യകളുടെ വര്‍ഗങ്ങളുടെ തുകയാക്കി എഴുതാനാകുമോ?
സാധിക്കും. 365=(13)2+(14)2
ഇതിനെത്തന്നെ 365=(10)2+(11)2+(12)2
എങ്ങനെയുണ്ട്? ഗണിതരസം അത്ഭുതാവഹം തന്നെ. അല്ലേ?


Read More | തുടര്‍ന്നു വായിക്കുക

അപര്‍ണയെ സഹായിക്കാമോ?


വീടിന്റെ വരാന്തയില്‍ തന്റെ ഉറ്റകൂട്ടുകാരിയായ കുറിഞ്ഞിപ്പൂച്ചയോട് കൊഞ്ചിക്കളിച്ചിരിക്കുകയാണ് അപര്‍ണ. അസ്തമയ സൂര്യന്‍ നിഴലുകള്‍ക്ക് നീളം കൂട്ടി പടിഞ്ഞാറേക്കുളത്തില്‍ കുങ്കുമം വിതറി മുങ്ങിക്കുളിക്കാനൊരുങ്ങുകയാണ്. ഈച്ചെറു വേര്‍പാടു പോലും താങ്ങാനാവാതെ പറവകള്‍ ചേക്കേറലുകള്‍ക്ക് തുടക്കമിട്ടു. പക്ഷെ അപര്‍ണയുടെ മുഖത്ത് ഒരു അസ്വസ്ഥത നിഴലിക്കുന്നുണ്ട്. എന്തായിരിക്കും ഇപ്പോള്‍ അവളുടെ മനസ്സിലെ ചിന്ത? രണ്ടു കാലുള്ള മനുഷ്യനും നാലുകാലുള്ള പൂച്ചയും ആറുകാലുള്ള വണ്ടും കാലെട്ടുള്ള എട്ടുകാലിയും ഒക്കെയുള്ള ഭൂമുഖത്ത് എന്തേ പ്രകൃതി മൂന്നും അഞ്ചും ഏഴും ഒമ്പതും കാലുള്ള ജീവികളെയൊന്നും സൃഷ്ടിച്ചില്ലെന്നാണോ അവള്‍ ചിന്തിക്കുന്നത്? പ്രകൃതിയുടെ ഈ 'ഇരട്ട' പക്ഷപാതിത്വത്തോട് തന്റെ ഭാഷയില്‍ കുറിഞ്ഞിയോട് പായാരം ചൊല്ലുകയാണോ അവള്‍? അതൊന്നുമല്ല. അവള്‍ തന്റെ അമ്മാവനെയും പ്രതീക്ഷിച്ചാണിരിക്കുന്നത്. ഇന്നവള്‍ക്ക് അദ്ദേഹമൊരു ഗണിതമാജിക്ക് കാണിച്ചു കൊടുക്കാമെന്നേറ്റിട്ടുണ്ട്.
അധികം വൈകിയില്ല. അദ്ദേഹത്തെക്കണ്ടതും അവള്‍ ഓടിച്ചെന്ന് ആ വിരലില്‍ത്തൂങ്ങി. വരാന്തയിലെ ചാരുകസേരയില്‍ അമ്മ കൊടുത്ത വെള്ളവും കുടിച്ചിരിക്കവേ അദ്ദേഹം തന്റെ മാജിക് ആരംഭിച്ചു.
"ഒരു നാലക്ക സംഖ്യ എഴുതിക്കോളൂ, അപര്‍ണാ"
"ഉം" അവള്‍ തലകുലുക്കി. (4837)
"ഇനി അതിന്റെ ഇടയ്ക്കുള്ള രണ്ട് അക്കങ്ങള്‍ പരസ്പരം സ്ഥാനം മാറ്റിയെഴുതുക."​
"ഉം, എഴുതി." (4387)
"ഇപ്പോള്‍ മോള്‍ടെ കയ്യിലുള്ള രണ്ടു നാലക്ക സംഖ്യകളില്‍ വലുതില്‍ നിന്ന് ചെറുതു കുറക്കുക"
"കുറച്ചൂ, അമ്മാവാ" (4837-4387)
"ഉത്തരം കിട്ടിയോ മോള്‍ക്ക്?, എങ്കില്‍, അതിലെ ചെറിയ സംഖ്യയിലെ നടുവിലെ സംഖ്യ പറഞ്ഞേ"
"38"
"എങ്കില്‍,ഉത്തരം 450 അല്ലേ?" ഒരു നിമിഷം പോലും വൈകാതെ അദ്ദേഹം അവളോട് ആരാഞ്ഞു.
"ഇതെങ്ങനെ കിട്ടി അമ്മാവാ?" അമ്മാവന്‍ ഒന്നും കുറക്കാനോ കൂട്ടാനോയുള്ള സമയം എടുത്തിട്ടില്ല. ഈ വിദ്യ പഠിക്കണമല്ലോ. അവള്‍ വിടാന്‍ ഭാവമില്ല. പക്ഷെ അവളുടെ അന്വേഷണബുദ്ധി വളര്‍ത്താനായിരിക്കണം, അത്ര മിടുക്കിയാണെങ്കില്‍ നാളെ ഉത്തരം കണ്ടെത്തി വരാനാണ് അദ്ദേഹം ആവശ്യപ്പെട്ടിരിക്കുന്നത്. വെല്ലുവിളി സ്വീകരിച്ചു കൊണ്ട് മെല്ലെ ആലോചനാ നിമഗ്നമായ ഒരു ചിരിയും പാസ്സാക്കി അവള്‍ എഴുന്നേറ്റു. നാളെ അപര്‍ണ ഉത്തരം കണ്ടെത്തി വരുമോ, അതോ തോറ്റു മടങ്ങുമോ? എന്തായാലും നമുക്ക് കാത്തിരിക്കാം. നിങ്ങളിലാര്‍ക്കും അവളെ സഹായിക്കാം. ഉത്തരം കമന്റു ചെയ്യാം...


Read More | തുടര്‍ന്നു വായിക്കുക

കാള്‍ ഫ്രെഡറിക് ഗോസ്സ്

Carl Friedrich Gauss, painted by Christian Albrecht Jensen
Carl Friedrich Gauss

ജനനം30 ഏപ്രില്‍ 1777(1777-04-30)
Braunschweig, Electorate of Brunswick-Lüneburg, Holy Roman Empire
മരണംഫെബ്രുവരി 23 1855 (പ്രായം 77)
Göttingen, Kingdom of Hanover
സ്ഥിരതാമസംHanover
ദേശീയതGerman
മേഖലMathematician and physicist
Alma materUniversity of Helmstedt
Academic advisorJohann Friedrich Pfaff
പ്രശസ്തരായ ശിഷ്യന്മാര്‍Friedrich Bessel
Christoph Gudermann
Christian Ludwig Gerling
Richard Dedekind
Johann Encke
Johann Listing
Bernhard Riemann
Christian Heinrich Friedrich Peters
പ്രധാന പ്രശസ്തിNumber theory
The Gaussian
Magnetism
പ്രധാന പുരസ്കാരങ്ങള്‍Copley Medal (1838)


രു ജര്‍മന്‍ ഗണിതശാസ്ത്രജ്ഞനാണ് കാള്‍ ഫ്രെഡറിക് ഗോസ്സ്. "ഗണിതശാസ്ത്രത്തിലെ രാജകുമാരന്‍" എന്നാണ് ഇദ്ദേഹം അറിയപ്പെടുന്നത്. ജനനം: 1777 ഏപ്രില്‍ 30 ജര്‍‌മ്മനിയിലെ ബ്രണ്‍‌സ്‌വിക്കില്‍.
ബാല്യകാലം
അസന്തുഷ്ടമായ കുടുംബാന്തരീക്ഷത്തിലായിരുന്നു ബാല്യകാലം.എങ്കില്‍‌പോലും അസാധാരണമായ കഴിവ് ഇദ്ദേഹം പ്രകടിപ്പിച്ചിരുന്നു.ഏഴാമത്തെ വയസ്സില്‍തന്നെ തന്റെ വൈദഗ്ദ്ധ്യം തെളിയിച്ചു.അദ്ധ്യാപകരെ അത്ഭുതപ്പെടുത്തി 1 മുതല്‍ 100 വരെയുള്ള സംഖ്യകളുടെ തുക ഇദ്ദേഹം നിഷ്പ്രയാസം കണ്ടെത്തി.അതിപ്രകാരമായിരുന്നു. 1+100=101,2+99=101 തുടങ്ങി സംഖ്യകളെ 50 ജോടികളാക്കി.ശേഷം 50 × 101 = 5050 എന്ന വഴി സ്വീകരിച്ചു.ഈ സംഭവമാണ് അദ്ധ്യാപകരായ ജെ.ജി.ബട്ണറേയും മാര്‍റ്റിന്‍ ബാര്‍‌റ്റെല്‍‌സിനേയും അമ്പരപ്പെടുത്തിയത്.പിതാവാകട്ടെ,തന്റെ പുത്രനെ കുലത്തൊഴില്‍ അഭ്യസിപ്പിയ്ക്കാനായിരുന്നു ഇഷ്ടപ്പെട്ടത്.ആയതിനാല്‍തന്നെ പുത്രന്റെ കഴിവുകളും സിദ്ധികളും പിതാവിനാല്‍ പരിപോഷിപ്പിയ്ക്കപ്പെട്ടില്ല.എന്നാല്‍ മാതാവ് ഇദ്ദേഹത്തിന്റെ ആഗ്രഹത്തിനനുസരിച്ച് പ്രവര്‍‌ത്തിയ്കുകയും ബ്രൗണ്‍‌ഷ്‌വീഗിലെ പ്രഭുവിനാല്‍ വിശിഷ്ടാംഗത്വം നേടുകയും ഉണ്ടായി.സ്വന്തന്ത്രമായി ഇദ്ദേഹം നടത്തിയ പഠനങ്ങള്‍ പ്രധാനപ്പെട്ടവയാണ്.വശങ്ങളുടെ എണ്ണം ഫെര്‍‌മാറ്റ് അഭാജ്യം ആയ ഏതൊരു ബഹുഭുജവും കോം‌പസ്സുപയോഗിച്ച് നിര്‍‌മ്മിയ്ക്കാന്‍ സാധിയ്ക്കുമെന്ന് തെളിയിച്ചു.17വശങ്ങളുള്ള ബഹുഭുജത്തെ തന്റെ ശവകുടീരത്തില്‍ വരയ്ക്കണമെന്ന് ഇദ്ദേഹം അഭ്യര്‍‌ത്ഥിച്ചിരുന്നത്രേ.
ഗണിതശാസ്ത്രവും ഗോസ്സും
അഭാജ്യസം‌ഖ്യാസിദ്ധാന്തം വളരേ വിലയേറിയ ഒരു സംഭാവനയാണ്.ഈ സിദ്ധാന്തം പൂ‌ര്‍‌ണ്ണസം‌ഖ്യകള്‍ക്കിടയില്‍ അഭാജ്യസം‌ഖ്യകള്‍ എപ്രകാരമാണ് വിതരണം ചെയ്യപ്പെട്ടിരിയ്ക്കുന്നത് എന്ന് തെളിയിച്ചു.ബീജഗണിതത്തിലെ അടിസ്ഥാനസിദ്ധാന്തം തെളിയിച്ചു.


Read More | തുടര്‍ന്നു വായിക്കുക

ഗണിതം രസകരമാക്കിക്കൂടേ?


കുട്ടികള്‍ക്ക് ഏറ്റവും വിഷമം പിടിച്ച രണ്ട് വിഷയങ്ങള്‍ എഴുതാന്‍ പറഞ്ഞാല്‍ കുറേയേങ്കിലും കുട്ടികള്‍ മാത്തമാറ്റിക്സ് എഴുതുമെന്നതില്‍ സംശയം വേണ്ട. അവര്‍ക്ക് രസകരമായ ഒരു വിഷയമായി കണക്ക് അനുഭവപ്പെടുന്നില്ല എന്നതാണ് വാസ്തവം. എന്നാല്‍ ഏറ്റവും ജനകീയമാക്കി മാറ്റാന്‍ കഴിയുന്ന ഏറ്റവും നല്ല വിഷയമാണ് ഗണിതമെന്നതില്‍ നമ്മളില്‍ ആര്‍​ക്കെങ്കിലും സംശയമുണ്ടാകാനും ഇടയില്ല. ഗണിതശാസ്ത്ര വിഷയവുമായി ബന്ധപ്പെട്ട പസിലുകള്‍ കുട്ടികള്‍ക്ക് നല്‍കുകയാണെങ്കില്‍, അതുവഴി അവരെ നമുക്ക് അത്ഭുതപ്പെടുത്താനാകുമെങ്കില്‍, അതു മാത്രം മതി അവന്റെ ശ്രദ്ധയെ നമ്മുടെ വിഷയത്തിലേക്ക് ആകര്‍ഷിക്കാന്‍. കാരണം, തനിക്കൊപ്പമുള്ളവരെ അത്ഭുതപ്പെടുത്താന്‍ അവന്റെ മനസ്സ് എപ്പോഴും ആഗ്രഹിക്കുന്നു. ഈയൊരവസ്ഥയിലേക്ക് കുട്ടിയെ നയിക്കാന്‍ നമുക്കാവണം. ഒരു മാജിക് കാണുന്ന കുട്ടിയുടെ കണ്ണുകളില്‍ വിടരുന്ന ആകാംക്ഷയാകട്ടെ നമ്മുടെ ഓരോരുത്തരുടേയും ലക്ഷ്യം.

ഒരു പ്രൈമറി ക്ലാസില്‍ കുട്ടികള്‍ ബഹളമുണ്ടാക്കിക്കൊണ്ടിരിക്കുകയാണ്. അദ്ധ്യാപകന്‍ എത്ര പറഞ്ഞിട്ടും കുട്ടികള്‍ സംസാരം നിര്‍ത്തിയതേയില്ല. ഉടനെ അദ്ധ്യാപകന്‍ അവര്‍ക്കൊരു 'പണി' കൊടുത്തു. 1 മുതല്‍ 100 വരെ എഴുതി കൂട്ടിക്കോളൂ. അങ്ങനെയെങ്കിലും ക്ലാസിലെ ബഹളം അടങ്ങുമല്ലോ എന്നാണ് അദ്ദേഹം കരുതിയത്. പക്ഷെ നിമിഷങ്ങള്‍ക്കകം ഉത്തരം കണ്ടുപിടിച്ചു കൊണ്ട് ഒരു വിദ്യാര്‍ത്ഥി എഴുന്നേറ്റു. 5050. അദ്ധ്യാപകന്‍ അമ്പരന്നു പോയി. അദ്ദേഹം അവനെയൊന്നു പരീക്ഷിക്കാന്‍ മറ്റൊരു ചോദ്യം കൊടുത്തു. 1 മുതല്‍ 150 വരെ എഴുതി കൂട്ടി വേഗം ഉത്തരം കണ്ടുപിടിക്ക്. നിമിഷങ്ങള്‍ക്കകം എന്തൊക്കെയോ കുത്തിക്കുറിച്ച് അവന്‍ അദ്ധ്യാപകന് ഉത്തരം നല്‍കി. 11325. വെറുമൊരു പ്രൈമറി ക്ലാസില്‍ നിന്ന് ഒരു അദ്ധ്യാപകന്‍ അസാമാന്യ പ്രതിഭാശാലിയായ ഒരു ശാസ്ത്രജ്ഞനെ കണ്ടെത്തുകയായിരുന്നു. ആരായിരുന്നു ആ മിടുക്കന്‍ വിദ്യാര്‍ത്ഥിയെന്നറിയാമോ? 'ഗണിത ശാസ്ത്രത്തിലെ രാജകുമാരന്‍' എന്നറിയപ്പെട്ട കാള്‍ ഫ്രെഡറിക് ഗൗസ് (1777-1855) ആയിരുന്നു അത്.

ഇവിടെ അദ്ദേഹം പ്രയോഗിച്ച ടെക്നിക് എന്തെന്ന് നമുക്കെല്ലാവര്‍ക്കും അറിയാം. ആദ്യത്തെ n എണ്ണല്‍ സംഖ്യകളുടെ തുക കണ്ടെത്താന്‍ n(n+1)/2 എന്ന സൂത്രവാക്യം പ്രയോഗിക്കാറുണ്ടല്ലോ. അതു പോലെ 1 മുതല്‍ 150 വരെയുള്ള എണ്ണല്‍ സംഖ്യകളുടെ തുക കണ്ടെത്താന്‍ (150X151)/2 = 75x151 എന്ന ക്രമത്തില്‍ ഗുണിച്ചെടുത്താല്‍ മതി. ഇവിടെ പഠിപ്പിക്കുക എന്ന ഒരേയൊരു ഉദ്ദേശത്തോടെ മാത്രമാകരുത് നമ്മള്‍ ക്ലാസുകളിലേക്ക് പോകേണ്ടത്. അവനെ രസിപ്പിക്കാന്‍ ശ്രമിക്കുക. അതിനാണ് ചില രസക്കുടുക്കുകള്‍ നമ്മള്‍ ഉണ്ടാക്കുന്നത്. ഉദാഹരണത്തിന് ഇതോടൊപ്പമുള്ള ലിങ്കില്‍ നിന്ന് വിന്റോസില്‍ മാത്രം വര്‍ക്കു ചെയ്യുന്ന ഈ ഒരു മാജിക്ക് ഫയല്‍ തുറന്നു നോക്കൂ. ഇതിനു പിന്നിലെ ഗണിത തത്വം പലവുരു ഈ ബ്ലോഗിലൂടെ നമ്മള്‍ ചര്‍ച്ച ചെയ്തിട്ടുണ്ട്. എങ്കിലും ആ തത്വം കണ്ടെത്തി കമന്റു ചെയ്യുമല്ലോ.

Click here to download the Magic File


Read More | തുടര്‍ന്നു വായിക്കുക

ലിനക്സ് - പാനലുകള്‍ പോയാല്‍ എന്തു ചെയ്യും?



ചില സമയങ്ങളില്‍ ഏതൊക്കെയോ കാരണങ്ങളാല്‍ ഐ.ടി@സ്ക്കൂള്‍ ഗ്നു/ലിനക്സ് Desktop ലെ panel കള്‍ അപ്രത്യക്ഷമാകാറുണ്ട്. Desktop ന്റെ മുകളിലെ പാനല്‍ കാണാനില്ലെങ്കിലോ. Applications, Places, Desktop എന്നിവയൊന്നും കാണാനാകില്ല. ഇനിയെങ്ങനെ സോഫ്റ്റ്​വെയറുകള്‍ തിരഞ്ഞെടുക്കും? Open office Writer വേണമെങ്കിലോ Gimp വേണമെങ്കിലോ അവ തെരഞ്ഞെടുക്കാന്‍ Menu വേണമല്ലോ. പരിഹാരമുണ്ട്. കേട്ടോ.

പരിഹാരം:

1.ആദ്യം യൂസറുടെ Home ഫോള്‍ഡര്‍ തുറക്കുക.
2.Hidden Files കാണുന്നതിന് Control കീയും H ഉം അമര്‍ത്തുക.
3.ഈ സമയം ആ ഫോള്‍ഡറില്‍ Dotല്‍ ആരംഭിക്കുന്ന ചില ഫോള്‍ഡറുകള്‍ കാണാന്‍ കഴിയും.
4.അവ ഓരോന്നും Delete ചെയ്യുക. (എന്നാല്‍ .Trash എന്ന ഫോള്‍ഡര്‍ Delete ചെയ്യേണ്ട)
ഇനി ലോഗ് ഔട്ട് ചെയ്തോളൂ. login ചെയ്യുമ്പോള്‍ പ്രശ്നത്തിന് പരിഹാരമായിട്ടുണ്ടാകും കേട്ടോ.
താഴെയുള്ള പാനല്‍ (bottom panel) പോയാലോ? ഇതു തന്നെ പരിഹാരമാര്‍ഗം.

Click here to download the Screenshot pdf


Read More | തുടര്‍ന്നു വായിക്കുക

ഒരു സമചതുരാകൃതിയിലുള്ള പേപ്പറിനെ എങ്ങനെ മൂന്നായി മടക്കാം?


ഴിഞ്ഞ ദിവസം സുനില്‍ പ്രഭാകര്‍ സാര്‍ ചോദിച്ച ചോദ്യത്തിന് ഉത്തരം കിട്ടിയോ? ഒരു സമചതുരപേപ്പറിനെ കൃത്യം മൂന്നാക്കി മടക്കാനാകുമോ എന്നായിരുന്നു ചോദ്യം. ആരും അതിന് ഉത്തരം പറഞ്ഞു കണ്ടില്ല. അതു കൊണ്ട് നമുക്ക് ആ പ്രശ്നത്തിന്റെ പരിഹാരത്തിലേക്ക് കടക്കാം. ഒരു സമചതുരപേപ്പറിനെ കൃത്യം രണ്ടാക്കി മടക്കി ഒരു വശത്ത് മാര്‍ക്ക് ചെയ്യുക. എന്നിട്ട് ആ വശത്തിന്റെ എതിര്‍ മൂലയെ ആ മാര്‍ക്കില്‍ മുട്ടിച്ച് മടക്കുക. അതിന്റെ ഇടതുവശത്തുള്ള വശത്ത് എവിടെയാണോ ഈ മടക്കിയവശം മുട്ടുന്നത് അതായിരിക്കും കൃത്യം മൂന്നിലൊന്ന് ഭാഗം. അത്രയ്ക്ക് മനസ്സിലായില്ല അല്ലേ. താഴെയുള്ള ലിങ്കില്‍ ക്ലിക്ക് ചെയ്ത് നോക്കൂ.തീര്‍ന്നില്ല, ഇതിന്റെ പിന്നിലുള്ള ഗണിതം ആര്‍ക്കെങ്കിലും പറയാമോ?

Click here for the origami technic in Square paper

ശതം എന്ന വാക്കിന് അര്‍ത്ഥമറിയാമല്ലോ. നൂറ്. അപ്പോള്‍ മാനമോ? ഗണിതവുമായി ബന്ധപ്പെട്ട് മാനത്തിന് ഉള്ള അര്‍ത്ഥം അളവ് എന്നാണ്. അപ്പോള്‍ ശതമാനം എന്നാല്‍ നൂറിനെ ആധാരമാക്കിയുള്ള അളവ് എന്നാണ്. അപ്പോള്‍ ശതമാനവുമായി ബന്ധപ്പെട്ട ഒരു ചോദ്യം കൂടി. 200 ന്റെ 75 ശതമാനത്തിന്റെ 50 ശതമാനത്തിന്റെ 25 ശതമാനം എത്രയാണ്?


Read More | തുടര്‍ന്നു വായിക്കുക

വിലപ്പെട്ട ഒരു കമന്റ്


ണിതശാസ്ത്ര അദ്ധ്യാപകര്‍ക്കിടയില്‍ പ്രത്യേകിച്ചൊരു പരിചയപ്പെടുത്തല്‍ ആവശ്യമില്ലാത്ത വ്യക്തിത്വമാണ് പള്ളിയറ ശ്രീധരന്‍ സാറിന്റേത്. ഇന്‍ഡ്യന്‍ ഭാഷകളില്‍ത്തന്നെ ഏറ്റവും കൂടുതല്‍ ഗണിതപുസ്തകങ്ങള്‍ രചിച്ചിട്ടുള്ള ഒരു അസാമാന്യ പണ്ഡിതനാണ് അദ്ദേഹം. മലയാളത്തിലും ഇംഗ്ലീഷിലുമായി ഏതാണ്ട് നൂറുകണക്കിന് പുസ്തകങ്ങള്‍ അദ്ദേഹത്തിന്റേതായിട്ടുണ്ട്. സംസ്ഥാന സര്‍ക്കാരിന്റേതുള്‍പ്പടെയുള്ള പാഠപുസ്തക രചനകളിലെ സ്ഥിരം പങ്കാളിയായ അദ്ദേഹത്തിന് നിരവധി പുരസ്ക്കാരങ്ങള്‍ ലഭിച്ചിട്ടുണ്ട്. ഗണിതശാസ്ത്രപുസ്തകങ്ങള്‍ എന്ന് കേള്‍ക്കുമ്പോള്‍ മലയാളി എന്നും ഓര്‍മ്മിക്കുന്ന അപൂര്‍വ്വങ്ങളില്‍ അപൂര്‍വ്വ വ്യക്തിത്വമായ പളളിയറ ശ്രീധരന്‍ സാറിനെപ്പോലുള്ളവരുടെ പിന്തുണ നമുക്ക് കൂടുതല്‍ ആവേശമേകുമെന്നതില്‍ സംശയമില്ല. നമ്മുടെ സംശയങ്ങള്‍ പങ്കുവെക്കാനും ചര്‍ച്ച ചെയ്യാനും ഇത്രയേറെ വിഷയപരിജ്ഞാനമുള്ളവര്‍ നമുക്കൊപ്പമുണ്ടെങ്കില്‍ യാത്ര കൂടുതല്‍ എളുമാക്കുകയേ ഉള്ളു. മാത്രമല്ല അദ്ദേഹം നമ്മുടെ ബ്ലോഗിലെ ഒരു Follower കൂടിയായത് വലിയൊരു അഭിമാനകരമായ കാര്യമായി ഞങ്ങള്‍ കാണുന്നു. അദ്ദേഹം ഈ ബ്ലോഗിനയച്ച ഒരു പോസ്റ്റില്‍ നിന്ന്.
---------------------------------------------------------------------------------------------------------------------------------------
"ഗണിതശാസ്ത്രത്തെക്കുറിച്ചുള്ള മലയാളത്തിലെ ആദ്യത്തെ ബ്ലോഗ് കണ്ടു. ഒരു ഗണിതശാസ്ത്ര സ്നേഹി എന്ന നിലയില്‍ ഈ ബ്ലോഗ് കണ്ടപ്പോള്‍ വളരെ സന്തോഷം തോന്നി. കഥയ്ക്കും കവിതയ്ക്കുമൊക്കെ ധാരാളം ബ്ലോഗുകള്‍ മലയാളത്തില്‍ ഉണ്ടെങ്കിലും ഗണിതത്തിന് ഒരു ബ്ലോഗ് മാത്രമേ കാണുന്നുള്ളു. പൈതഗോറസ് പറഞ്ഞതു പോലെ സംഖ്യകളാണ് ലോകം ഭരിക്കുന്നത്. ഗണിതശാസ്ത്രത്തിന്റെ സ്വാധീനമില്ലാതെ ഒരു കാര്യം പോലും നമുക്ക് ചൂണ്ടിക്കാണിക്കാന്‍ സാധ്യമല്ല. കവിത എഴുതാന്‍ ഏതെങ്കിലുമൊരു വൃത്തം വേണം. രണ്ടും മൂന്നും മൂന്നും രണ്ടും രണ്ടെന്നെഴുത്തുകള്‍ എന്നല്ലേ ഒരു വൃത്തത്തിന്റെ ലക്ഷണം? വെറുമൊരു കല്ല് എടുത്താല്‍​പ്പോലും അതിന് ഗണിതബന്ധം ഉണ്ടെന്ന് നമുക്കേവര്‍ക്കും അറിയാം. അതിന് ഉപരിതലവിസ്തീര്‍ണ്ണം ഉണ്ട്. വ്യാപ്തം ഉണ്ട്. ഇങ്ങനെ പലതും..... നാം കമ്പ്യൂട്ടറിന്റെ ലോകത്തിലാണ് ജീവിക്കുന്നത്. കമ്പ്യൂട്ടര്‍ എന്നാല്‍ കണക്കു കൂട്ടുക എന്നാണ് അര്‍ത്ഥം. കമ്പ്യൂട്ടര്‍ ഇല്ലാത്ത ഒരു ലോകത്തെപ്പറ്റി ഇന്ന് നമുക്ക് ചിന്തിക്കാന്‍ പറ്റില്ല. ഇപ്പോള്‍ എല്ലാം ഡിജിറ്റല്‍ അല്ലേ? സിനിമ, ടി.വി എന്നു വേണ്ട സര്‍വ്വതും ഡിജിറ്റല്‍ മയം ആയി. അതിന്റെ ഭാഗമായുള്ള ഒരു പുതിയ ചുവടുവെപ്പായിട്ടാണ് ഞാനീ ബ്ലോഗിനെ കാണുന്നത്. ഇത്രയും സര്‍വ്വ വ്യാപിയായ ഗണിതത്തിനു വേണ്ടി ഒരു ബ്ലോഗ് തുടങ്ങാന്‍ തീരുമാനിച്ച ഇതിന്റെ പിന്നില്‍ പ്രവര്‍ത്തിച്ച എല്ലാവരേയും ഹാര്‍ദ്ദമായി അനുമോദിക്കുന്നു ബ്ലോഗിന് എല്ലാവിധ ആശംസകളും."
---------സ്നേഹപൂര്‍വ്വം
പള്ളിയറ ശ്രീധരന്‍

അദ്ദേഹം നമ്മുടെ ബ്ലോഗിനായി അയച്ചു തന്ന ഒരു മാജിക് ക്യാറ്റിനെ നിങ്ങള്‍ക്കു മുന്നിലേക്ക് സമര്‍പ്പിക്കുന്നു. ഇതിന്റെ പിന്നിലെ ടെക്നിക് എന്താണ്? കമന്റ് ചെയ്യുമോ?
Click here for Download the Magic Cat

പള്ളിയറ ശ്രീധരന്‍ സാറിന്റെ വെബ്സൈറ്റിലേക്ക്


Read More | തുടര്‍ന്നു വായിക്കുക

പ്രശ്നം,....പരിഹാരമുണ്ടോ?



ഴിഞ്ഞ ദിവസം ആതിര എന്ന ഒരു പത്താം ക്ലാസ് വിദ്യാര്‍ത്ഥിനി ചിത്രത്തില്‍ സൂചിപ്പിച്ചിരിക്കുന്ന ഒരു പ്രശ്നവുമായി വന്നു. ആ കുട്ടി എത്ര ശ്രമിച്ചിട്ടും ഈ പ്രശ്നത്തിനൊരു പരിഹാരം കണ്ടെത്താനായില്ലത്രേ. ഞാനും ഒന്നു പരിശ്രമിച്ചെങ്കിലും എനിക്കും അതിനൊരു വഴി കണ്ടെത്താനായില്ല. ഒരു പേപ്പറില്‍ അവളോട് ഞാനാ ചോദ്യം എഴുതി വാങ്ങി. അതിങ്ങനെയായിരുന്നു.

ചിത്രത്തില്‍ AB അര്‍ദ്ധവൃത്തത്തിന്റെ വ്യാസമാണ്. A യില്‍ കൂടിയുള്ള ഒരു രേഖ അര്‍ദ്ധവൃത്തത്തെ C യിലും B യില്‍ കൂടിയുള്ള ഒരു രേഖ അര്‍ദ്ധവൃത്തത്തെ D യിലും ഖണ്ഡിക്കുന്നു. ഈ രേഖകള്‍ E യില്‍ ഖണ്ഡിക്കുന്നു. (AC X AE) + (BD X BE) = (AB)2 എന്നു തെളിയിക്കുക

കേരളത്തിലെ നിരവധി പ്രഗത്ഭരായ അദ്ധ്യാപകരുടെ പങ്കാളിത്തവും പിന്തുണയും ഉള്ള ഈ ബ്ലോഗിലൂടെ ഞാന്‍ ഈ പ്രശ്നം സമര്‍പ്പിക്കുകയാണ്. ഈ പ്രശ്നത്തിന് ഒരു പരിഹാരം ഉണ്ടോ? അതോ, ചോദ്യം പ്രശ്നമാണോ? ഉത്തരത്തിനായി കാത്തിരിക്കുന്നു. Comment ചെയ്യുക.
പോസ്റ്റിനു താഴെയുള്ള Comments ല്‍ ക്ലിക്ക് ചെയ്യുമ്പോള്‍ വരുന്ന വെളുത്ത പ്രതലത്തില്‍ ഉത്തരം Type ചെയ്യാം. Comment as എന്ന ബോക്സില്‍ നിന്നും Anonymous തെരഞ്ഞെടുത്ത് Enter ചെയ്യുക. പ്രതികരണങ്ങളില്‍ പേരും സ്ക്കൂളും ജില്ലയും ചേര്‍ക്കുമല്ലോ


Read More | തുടര്‍ന്നു വായിക്കുക

ജ്യോമെട്രി ബ്രൗസര്‍

>> Friday, July 24, 2009



പ്രിയ ഗണിത ശാസ്ത്ര, ഫിസിക്സ് അദ്ധ്യാപകരേ,

Dr.Geo, Kig ഇവ ഉപയോഗിച്ച് ഗണിതപ്രവര്‍ത്തനങ്ങള്‍ മാത്രമല്ല, ഫിസിക്സിലെ ലെന്‍സ്, മിറര്‍, ഉത്തോലകങ്ങള്‍, പ്രൊജക്ടൈലുകള്‍,പ്രകാശം എന്നിവയടക്കമുള്ള പല പ്രവര്‍ത്തനങ്ങളും ചെയ്യാവുന്നതേയുള്ളു. അവ നിങ്ങള്‍ Dr.Geo യിലുള്ള Default ഉദാഹരണങ്ങളില്‍ കണ്ടു കാണുമല്ലോ. നോക്കൂ... Dr.Geo,Kig എന്നിവയില്‍ നിര്‍മ്മിച്ച ഫയലുകള്‍ ഓപ്പണ്‍ ചെയ്ത് കാണുന്നതിന് പലപ്പോഴും നമുക്ക് ഓരോന്നിലും റൈറ്റ് ക്ലിക്ക് ചെയ്ത് ഓപ്പണ്‍ ചെയ്യേണ്ടി വരും. അതിന് നമുക്ക് ഒരു ബ്രൗസര്‍ ഉണ്ടായിരുന്നെങ്കിലോ? ഒരു സി.ഡിയിലെ പാട്ടുകള്‍ മാറി മാറി പ്ലേ ചെയ്യുന്ന ലാഘവത്തോടെ നമുക്കതു കൈകാര്യം ചെയ്യാമായിരുന്നു. അല്ലേ ? എന്നാല്‍ അതിനു പറ്റിയ ഒരു ബ്രൗസര്‍, IT@School ഗ്നു/ലിനക്സ് സി.ഡി കസ്റ്റമൈസ് ചെയ്തിറക്കിയ Space-Kerala എന്ന ഓര്‍ഗനൈസേഷനില്‍​പ്പെട്ട Vibeesh P എന്ന വ്യക്തി 2007 ല്‍ തന്നെ തയ്യാറാക്കിയിട്ടുണ്ടായിരുന്നു. കേരളത്തിലെ അദ്ധ്യാപകസമൂഹത്തിന് വേണ്ടി നമുക്ക് അദ്ദേഹത്തിന് നന്ദി പറയാം. ഇത്തരമൊരു സൗകര്യം ലഭിച്ചതിനാല്‍ നമുക്ക് കുട്ടികളെ മുഴുവന്‍ വിളിച്ചു വരുത്തി കമ്പ്യൂട്ടറിനു മുന്നിലിരുത്തി നമ്മള്‍ ചെയ്ത Dr.Geo, Kig പ്രവര്‍ത്തനങ്ങള്‍ ഈസിയായി പ്രദര്‍ശിപ്പിക്കാം. സമയലാഭം എത്രയാണെന്നറിയാമോ ? ഇനി എങ്ങനെയാണ് ഇത് നമ്മുടെ കമ്പ്യൂട്ടറില്‍ പ്രവര്‍ത്തിപ്പിക്കുന്നതെന്നു നോക്കാം.

1.താഴെ തന്നിരിക്കുന്ന ലിങ്കില്‍ നിന്നും Geometry Browser.tar.gz എന്ന ഫയല്‍ IT@School Gnu/Linux 3.2ന്റെ Desktop ല്‍ Save ചെയ്യുക
2.അതില്‍ Right Click ചെയ്യുമ്പോള്‍ വരുന്ന window യില്‍ നിന്നും Open with"Archive Manager" തെരഞ്ഞെടുക്കുക
3 ഇപ്പോള്‍ വരുന്ന പുതിയ വിന്റോയിലെ മെനുവിനു താഴെയുള്ള Extract എന്ന ബട്ടണില്‍ Click ചെയ്യുക
4. ഇപ്പോള്‍ വരുന്ന പുതിയ വിന്റോയില്‍ നിന്നും Extract in folder: എന്നത് Desktop ആക്കുക. വിന്റോയുടെ താഴെയുള്ള Extract ബട്ടണില്‍ ക്ലിക്ക് ചെയ്യുക.
5. ഇപ്പോള്‍ താങ്കളുടെ Desktopല്‍ Geometry Browser എന്ന പേരില്‍ ഒരു പുതിയ Folder വന്നിട്ടുണ്ടാകും.
6. അത് Open ചെയ്താല്‍ അതില്‍ Browser_drgeo, Browser_kig, DR.GEO,gui,KIG എന്നിങ്ങനെയുള്ള അഞ്ച് ഫയലുകള്‍ കാണാന്‍ കഴിയും.
7. അതില്‍ Browser_drgeo യില്‍ ഡബിള്‍ ക്ലിക്ക് ചെയ്താല്‍ വരുന്ന വിന്റോയിലെ 4 ബട്ടണുകളില്‍ അവസാനത്തേതായ Run ല്‍ ക്ലിക്ക് ചെയ്യുക.
8. അപ്പോള്‍ വരുന്ന Window യില്‍ ഇടതു വശത്ത് DR.GEO, KIG എന്ന പേരില്‍ രണ്ടു ഫോള്‍ഡറുകള്‍ കാണാം.
9. അതില്‍ DR.GEO എന്ന ഫയലിന് ഇടതു വശത്ത് കാണുന്ന കറുത്ത ത്രികോണത്തില്‍ ക്ലിക്ക് ചെയ്യുക. അപ്പോള്‍ 84 ഓളം ഉദാഹരണങ്ങള്‍ കാണാന്‍ കഴിയും. ഇവ നമ്മുടെ Desktop ല്‍ Extract ചെയ്തു കിട്ടിയ Geometry Browser എന്ന Folder ലെ DR.GEO എന്ന ഫയലില്‍ Save ചെയ്തിട്ടിരിക്കുന്ന ഫയലുകളാണ്.
10. ഇനി മുതല്‍ നിങ്ങള്‍ DR.Geo യില്‍ വരക്കുന്ന ഓരോ ചിത്രങ്ങളും ഈ Folder ല്‍ Save ചെയ്തിട്ടാല്‍ Browser_drgeo തുറന്നാല്‍ അതു വഴി കാണാനാകും. ഇനി ഇതു പോലെ Physics എന്ന Folder ന് ഇടതു വശത്തുള്ള ത്രികോണത്തില്‍ Click ചെയ്യൂ.
11. ഇനി KIG ഫയലുകള്‍ കാണാനോ? Browser_kig എന്ന File ല്‍ Double Click ചെയ്ത് Run കൊടുത്ത് Dr.Geo യില്‍ ചെയ്ത പോലെ KIG എന്ന ഫയലില്‍ Save ചെയ്തിട്ട ഫയലുകള്‍ തുറന്നു കാണാന്‍ ശ്രമിക്കില്ലേ?
12. ഇതിലെ DR.GEO, KIG ഫയലുകളിലെ ചിത്രങ്ങള്‍ ഉദാഹരണത്തിനു വേണ്ടി മാത്രം ലോഡ് ചെയ്തിരിക്കുന്നവയാണ്. നമുക്കാവശ്യമായ പ്രവര്‍ത്തനങ്ങള്‍ GEO,KIG സോഫ്റ്റ് വെയറുകളില്‍ നിര്‍മ്മിച്ച് മേല്‍പ്പറഞ്ഞ ഫയലുകളില്‍ സേവ് ചെയ്യുകയും വേണം.
13. ബ്രൗസര്‍ ഓപ്പണ്‍ ചെയ്യുന്ന പ്രവര്‍ത്തനങ്ങളുടെ Screenshot ഉം താഴെ ലഭ്യമാണ്.

Click here to download Geomtry Browser

Geometry Browser installation-Screenshot.pdf

ജ്യോമെട്രി ബ്രൗസറിനെക്കുറിച്ച് നമുക്ക് തോമാസ് എന്ന അദ്ധ്യാപകന്‍ കമന്റ്

while using geometry browser there should be
(1) no space or special charectors in the file name or in the folder name

thomasvt62@com


Read More | തുടര്‍ന്നു വായിക്കുക

ഒരു സമചതുരക്കടലാസിനെ മടക്കി കൃത്യം മൂന്നായി ഭാഗിക്കാമോ?



ഇത്തരമൊരു ബ്ലോഗില്‍ ദിനം പ്രതി പോസ്റ്റുകളിടുന്നതിനും Update ചെയ്യുന്നതിനും പിന്നില്‍ നിങ്ങളുടെ പിന്തുണയാണ് പ്രചോദനം എന്ന് പലവട്ടം ഞങ്ങള്‍ സൂചിപ്പിച്ചിട്ടുണ്ടല്ലോ. എന്നാല്‍ കേരളത്തിലെ അദ്ധ്യാപക സമൂഹത്തിന് അപ്പുറത്തേക്ക് നിരവധി അദ്ധ്യാപകേതരരായ പ്രമുഖ വ്യക്തിത്വങ്ങളുടെ നിര്‍ലോഭമായ പിന്തുണയും ഞങ്ങളുടെ ഈ ആവേശത്തിന് കാരണമാകുന്നുണ്ടെന്ന് അറിയിക്കട്ടെ. അത്തരത്തിലൊരു പ്രമുഖവ്യക്തിയാണ് സുനില്‍ പ്രഭാകര്‍ സാര്‍. മൈക്രോസോഫ്റ്റ് അംഗീകരിച്ചിട്ടുള്ള ഇന്ത്യയിലെ തന്നെ വിരലിലെണ്ണാവുന്ന വ്യക്തികളില്‍​പ്പെട്ട അദ്ദേഹത്തിന്റെ ഒരു പിന്തുണ ഈ ബ്ലോഗിന് ലഭിച്ചത് വലിയൊരു അംഗീകാരമായിത്തന്നെ ഞങ്ങള്‍ക്കു തോന്നുന്നു. കൂടുതല്‍ പഠിക്കണം എന്ന ചിന്ത ഞങ്ങളില്‍ ജനിപ്പിച്ചതിന് അദ്ദേഹത്തിന് എത്ര നന്ദി പറഞ്ഞാലും മതിയാവില്ല. അദ്ദേഹം ഞങ്ങളുടെ തലത്തിലേക്ക് ഇറങ്ങി വന്ന് ധാരാളം അറിവുകള്‍ ഞങ്ങള്‍ക്കു പകര്‍ന്നു തന്നിട്ടുണ്ട്. അക്കൂട്ടത്തില്‍ അദ്ദേഹത്തെ നേരിട്ടു കാണാനിടയായ ഒരു ദിവസത്തെ ചര്‍ച്ചയില്‍ അദ്ദേഹം അവതരിപ്പിച്ച ഒറിഗാമിയുമായി ബന്ധപ്പെട്ട ഒരു കൊച്ചു ചോദ്യം നിങ്ങളുമായി ഞങ്ങള്‍ പങ്കു വെക്കുന്നു.

ഒരു നോട്ട് ബുക്ക് പേപ്പറിനെ സമചതുരക്കടലാസാക്കി മുറിച്ചെടുക്കണം. ആ പേപ്പറിനെ കൃത്യം പകുതിയാക്കി മടക്കി കീറിയാല്‍ നമുക്ക് ഒരേ വലിപ്പമുള്ള രണ്ട് കഷണം പേപ്പറുകള്‍ കിട്ടും. എന്നാല്‍ ആദ്യമെടുത്ത സമചതുരക്കടലാസിനെ സ്കെയിലോ കോമ്പസോ മറ്റൊന്നും ഉപയോഗിക്കാതെ മൂന്നു കഷണങ്ങളാക്കാമോ? സംഗതി നിസ്സാരമാണല്ലേ? ഒന്നു പരീക്ഷിച്ചു നോക്കാമോ? ഇത്തരം നിരവധി പ്രശ്നങ്ങള്‍ എട്ടാം ക്ലാസിലെ ഗണിത ശാസ്ത്ര പുസ്തകത്തില്‍ നിങ്ങള്‍ കണ്ടിട്ടുണ്ടാകുമല്ലോ. ഉത്തരം കമന്റ് ചെയ്യുമല്ലോ....


Read More | തുടര്‍ന്നു വായിക്കുക

Frog Dissection

>> Thursday, July 23, 2009

പ്രിയ അദ്ധ്യാപകരേ,

ബ്ലോഗ് ഗണിതശാസ്ത്രത്തെ ഉദ്ദേശിച്ചു കൊണ്ടാണ് ആരംഭിച്ചതെങ്കിലും വായനക്കാരില്‍ വലിയൊരു ഭാഗവും ഗണിതേതര അദ്ധ്യാപകരാണെന്നുള്ളതാണ് ഞങ്ങളെ ഫിസിക്സും കെമിസ്ട്രിയും അടക്കമുള്ള മറ്റു വിഷയങ്ങളിലെ പോസ്റ്റുകള്‍ പ്രസിദ്ധീകരിക്കാന്‍ പ്രേരിപ്പിച്ചത്. എങ്കിലും അദ്ധ്യാപകരുടെ ഭാഗത്തു നിന്ന് കമന്റുകള്‍ വരാത്തതില്‍ ഞങ്ങള്‍ക്ക് തെല്ലൊരു വിഷമം ഇല്ലാതിരുന്നതുമില്ല. ദിനം പ്രതി ഞങ്ങള്‍ക്കു വരുന്ന പ്രതികരണങ്ങളില്‍ നിന്നും അതിനുള്ള കാരണവും ഞങ്ങള്‍ക്കു മനസ്സിലായി. ബ്ലോഗില്‍ കമന്റു ചെയ്യുന്നതെങ്ങനെയെന്ന് പലര്‍ക്കുമറിയില്ല എന്നതായിരുന്നു ഇതിലെ പ്രധാന തടസ്സം. ഇതിനായി, എങ്ങനെ ബ്ലോഗ് ആരംഭിക്കാം, എങ്ങനെ ബ്ലോഗ് പോസ്റ്റിങ്ങ് നടത്താം എങ്ങനെ ബ്ലോഗില്‍ കമന്റ് ചെയ്യാമെന്നെല്ലാം പരിചയപ്പെടുത്തുന്ന ബ്ലോഗ് സംബന്ധമായ പംക്തികള്‍ ആരംഭിക്കുവാനുള്ള ശ്രമത്തിലാണ്. ഇതിനായി ബ്ലോഗിങ്ങില്‍ ഏറെ നാളത്തെ പരിചയമുള്ള 'ഇക്കാസ്'' നമുക്ക് ബ്ലോഗ് പരിശീലന പാഠങ്ങള്‍ നല്‍കാമെന്ന് സമ്മതിച്ചിട്ടുണ്ട്. ഇതു പോലെ വിദ്യാഭ്യാസ സംബന്ധിയായ നിങ്ങളുടെ ഏത് വിഷയത്തിലുള്ള രചനകളും നമുക്ക് ബ്ലോഗിലൂടെ പ്രസിദ്ധീകരിക്കാവുന്നതേയുള്ളു.

Frog Dissection

കൂടാതെ ബയോളജിക്കാര്‍ക്കു വേണ്ടി ഇതു വരെ ബ്ലോഗില്‍ ഒന്നും ചെയ്തില്ല എന്ന ഒരു പരാതിയോടെ നാസര്‍ അഴിവേലിക്കകത്ത് എന്ന ഒരു അദ്ധ്യാപകന്‍ ഒരു മെയില്‍ അയച്ചിരുന്നു. അതിനോടൊപ്പം Frog Dissection എന്ന പേരില്‍ അദ്ദേഹം അയച്ചു തന്ന ഒരു ഫ്ലാഷ് മൂവി ഫയല്‍ (വിന്റോസില്‍ മാത്രം വര്‍ക്കു ചെയ്യുന്നത്) ഇതോടൊപ്പമുള്ള ലിങ്കില്‍ നല്‍കിയിരിക്കുന്നു. ഒരു തവളയുടെ ശരീരം കീറി മുറിക്കുന്നതും അതിലെ ശരീരഭാഗങ്ങള്‍ ഓരോന്നും പരിചയപ്പെടുത്തുന്നതുമായ ഒരു മൂവി ഫയലാണിത്.

Click here for the Frog Dissection File

.


Read More | തുടര്‍ന്നു വായിക്കുക

ഉത്തരം കിട്ടിപ്പോയി...!!!


താഴെയുള്ള പോസ്റ്റില്‍ അപര്‍ണയുടെ അമ്മാവന്‍ ഉന്നയിച്ച ചോദ്യത്തിന് ചിലര്‍ മെയിലിലൂടെയും ഫോണിലൂടെയുമെല്ലാം കൃത്യമായ ഉത്തരം പറഞ്ഞിരുന്നു. പക്ഷെ അവരോടെല്ലാം ഉത്തരങ്ങള്‍ Comment ല്‍ രേഖപ്പെടുത്താനാവശ്യപ്പെട്ടെങ്കിലും കാര്യമായ Comments ഒന്നും കണ്ടില്ല. പ്രിയപ്പെട്ടവരേ, നിങ്ങളുടെ Commentകളാണ് ഞങ്ങള്‍ക്ക് പ്രചോദനമേകുന്നത്. നമുക്ക് ഈ ബ്ലോഗിന്റെ എല്ലാ സാധ്യതകളേയും പരിചയപ്പെടുത്താം. നാളെ നിങ്ങള്‍ക്കും ഇത്തരമൊരു ബ്ലോഗ് തുടങ്ങാനാവുന്നതല്ലേയുള്ളു? ആ സാധ്യതകളെ ഇപ്പോഴേ പ്രയോജനപ്പെടുത്തുക. ഒരു ബ്ലോഗ് എങ്ങനെ നിയന്ത്രിക്കാമെന്നതടക്കമുള്ള കാര്യങ്ങള്‍ തുടര്‍ന്നുള്ള Post കളിലൂടെ നമുക്കു ചര്‍ച്ച ചെയ്യാന്‍ കഴിയും. അതിന്റെ ആദ്യഘട്ടമെന്ന നിലയില്‍ Comment ചെയ്യാന്‍ ശ്രമിച്ചു നോക്കൂ.

അപര്‍ണയുടെ ഒരു സുഹൃത്ത് അവളെ സഹായിച്ചു. അതിന്റെ പിന്നിലെ രഹസ്യം വളരെ ലളിതമാണെന്നറിഞ്ഞപ്പോള്‍ അവള്‍ക്ക് ഗണിതരസം കൂടുതല്‍ മാധുര്യമുള്ളതായിത്തോന്നി. കാരണം, അപര്‍ണ്ണ അമ്മാവനോട് ഏറ്റവുമൊടുവില്‍ പറഞ്ഞുകൊടുത്ത സംഖ്യയിലെ അക്കങ്ങള്‍ തമ്മില്‍ കൂട്ടി തൊട്ടു മുകളിലുള്ള 9 ന്റെ ഗുണിതത്തില്‍ നിന്നും കുറച്ചാല്‍ വെട്ടിക്കളഞ്ഞ സംഖ്യ കണ്ടു പിടിക്കാനാകുമത്രേ.
അപര്‍ണക്ക് ഉത്തരമായി കിട്ടിയ 7219620 എന്ന സംഖ്യയിലെ 6 വെട്ടിക്കളയുന്നു. ബാക്കിയുള്ള 721920 എന്ന സംഖ്യ അമ്മാവനോട് പറഞ്ഞപ്പോള്‍ ഉടനെ അദ്ദേഹം അതിലെ അക്കങ്ങള്‍ കൂട്ടി. 7+2+1+9+2+0=21. ഈ 21 നു മുകളിലെ 9 ന്റെ ഗുണിതമായ 27 ല്‍ നിന്നും 21 കുറക്കുന്നു 27-21=6 ഇത്രേ ഉള്ളു കാര്യം. അമ്മാവന്‍ ഒരു യാത്രക്കിറങ്ങുന്നതിനാല്‍ വിശദമായ ഒരു ചര്‍ച്ചയ്ക്ക് സമയം കിട്ടിയില്ല. എന്തായാലും തൊട്ടടുത്ത ഒരു ദിവസം വരാനും മറ്റൊരു മാജിക്ക് അവതരിപ്പിക്കാമെന്നും പറഞ്ഞ് അദ്ദേഹം പുറത്തേക്കിറങ്ങി. എന്തായാലും അപര്‍ണയും അമ്മാവനും ഗണിത മാജിക്കുകളുമായി നിങ്ങളിലേക്ക് ഇനി ഇടക്കിടെ വന്നെത്തി നോക്കും. വിവിധ വിഷയങ്ങളുമായി എന്നും നമുക്ക് കണ്ടു മുട്ടാം.

മേല്‍പ്പറഞ്ഞ മാജിക്കിലെ ഗണിതതത്വം=ഏതൊരു സംഖ്യയില്‍ നിന്നും അതിലെ അക്കങ്ങള്‍ കൂട്ടിയ സംഖ്യ കുറച്ചാല്‍ കിട്ടുന്ന സംഖ്യ ഒന്‍പതിന്റെ ഒരു ഗുണിതമായിരിക്കും.


Read More | തുടര്‍ന്നു വായിക്കുക

അമ്മാവന്റെ മാജിക്ക്...!

>> Wednesday, July 22, 2009



ഴിഞ്ഞ ദിവസം ബ്ലോഗിലൂടെ നമ്മള്‍ ചര്‍ച്ച ചെയ്ത മാത്തമാറ്റിക്സ് മാജിക്കുമായി പലരെയും അത്ഭുതപ്പെടുത്തിയ അപര്‍ണ്ണ എന്ന കൊച്ചു മിടുക്കി ആ വിദ്യയുമായി അവളുടെ അമ്മാവന്റെ അടുത്തും ചെന്നു. അമ്മാവന്‍ പലവട്ടം ഇതെങ്ങനെ സാധിച്ചു എന്നു ചോദിച്ചിട്ടും അവളതിന്റെ പിന്നിലെ 'ഗണിത രഹസ്യം' പുറത്തു വിടാന്‍ തയ്യാറായില്ല. ഏറെ പരിചയ സമ്പന്നയായ ഒരു മജീഷ്യന്റെ ഭാവത്തില്‍ അവള്‍ ഒരു ചിരി പാസ്സാക്കുകയും ചെയ്തു. പക്ഷെ അമ്മാവനാകട്ടെ വിട്ടു കൊടുക്കാന്‍ തയ്യാറായില്ല. അദ്ദേഹം അവളോട് പല അക്കങ്ങളുള്ള ഏതെങ്കിലും ഒരു സംഖ്യ മനസ്സില്‍ വിചാരിക്കാനാവശ്യപ്പെട്ടു. പക്ഷെ ആ സംഖ്യ പൂജ്യത്തില്‍ അവസാനിക്കരുത് എന്നൊരു നിബന്ധനയേയുണ്ടായിരുന്നു കേട്ടോ.
അവള്‍ മനസ്സില്‍ 7219653 എന്ന സംഖ്യ വിചാരിച്ചു.
അതിലെ എല്ലാ സംഖ്യകളും തമ്മില്‍ കൂട്ടിക്കിട്ടുന്ന തുക ആദ്യം വിചാരിച്ച സംഖ്യയില്‍ നിന്ന് കുറക്കാനാവശ്യപ്പെട്ടു.
7+2+1+9+6+5+3=33 അപ്പോള്‍ 7219620 എന്നു കിട്ടി (7219653-33=7219620)
കിട്ടിയ ഉത്തരത്തിലെ ഒരു സംഖ്യ വെട്ടിക്കളയാനാന്‍ അമ്മാവന്‍ ആവശ്യപ്പെട്ടു. അപര്‍ണ്ണ അതില്‍ നിന്നും 6 വെട്ടിക്കളഞ്ഞ് ബാക്കിയുള്ള 721920 എന്നു പറഞ്ഞു. ഉടനെ വെട്ടിക്കളഞ്ഞത് 6 അല്ലേ എന്ന് അമ്മാവന്‍ അവളോട് ചോദിച്ചു. അപര്‍ണ്ണ അത്ഭുതപ്പെട്ടു പോയി. കാരണം ആദ്യം വിചാരിച്ച സംഖ്യയോ കൂട്ടിക്കിട്ടിയ സംഖ്യയോ വെട്ടിക്കളഞ്ഞ അക്കമോ അവള്‍ അദ്ദേഹത്തോട് പറഞ്ഞിരുന്നില്ല. പക്ഷെ ഇതൊന്നും അറിയാതെ തന്നെ അവള്‍ വെട്ടിക്കളഞ്ഞ സംഖ്യ പറഞ്ഞത് നമ്മളെയും ഞെട്ടിച്ചില്ലേ..?
അപര്‍ണ അതിന്റെ പിന്നിലെ ഗണിത രഹസ്യമറിയാന്‍ അമ്മാവന്റെ ചുറ്റും കൂടി. ഇത്തരം കുറച്ചു ക്രിയകള്‍ ചെയ്തു നോക്കി ഇതിന്റെ പിന്നിലെ രഹസ്യം സ്വയം കണ്ടു പിടിച്ചു വരാന്‍ അദ്ദേഹം അവളോട് ആവശ്യപ്പെട്ടു. നാളെ ഇതേ സമയം അതിന് ഉത്തരം നല്‍കണമെന്നും അവള്‍ തോല്‍വി സമ്മതിച്ചാല്‍ അപ്പോള്‍ത്തന്നെ ആ ടെക്​നിക് പറഞ്ഞുകൊടുക്കാമെന്നുമാണ് അദ്ദേഹം പറഞ്ഞിരിക്കുന്നത്. അപര്‍ണയ്ക്കു വാശിയായി. തോല്‍ക്കാന്‍ താന്‍ റെഡിയല്ല. നാളെ ഇതേ സമയം അമ്മാവനു മുന്നില്‍ താനിതിന്റെ ഉത്തരം പറഞ്ഞു കൊടുത്തിരിക്കും എന്നു മനസ്സില്‍ പറഞ്ഞു കൊണ്ട് അവള്‍ വീട്ടിലേക്ക് നടന്നു.
പ്രിയ കൂട്ടുകാരേ, ഉത്തരം തേടി അപര്‍ണ നിങ്ങളുടെ അടുത്തേക്ക് വരികയാണ്. അവള്‍ നിങ്ങളുടെ കൂട്ടുകാരിയായിരിക്കാം.. ഒരു പക്ഷേ വിദ്യാര്‍ത്ഥിയായിരിക്കാം. പറയൂ, നാളെ ഇതേ സമയത്തിന് മുന്‍പ് നിങ്ങള്‍ക്കവളെ സഹായിക്കാമോ..? അവള്‍ക്ക് ഉത്തരം കണ്ടെത്താനായോ എന്നറിയാന്‍ നാളെ ഈ പോസ്റ്റിനു മുകളില്‍ നോക്കുമല്ലോ.
നിങ്ങളുടെ ഉത്തരങ്ങളും അഭിപ്രായങ്ങളും Comments ല്‍ രേഖപ്പെടുത്താം. അതിനായി ഈ ബ്ലോഗ് പോസ്റ്റിനു താഴെ Comments എന്ന വാക്കില്‍ ക്ലിക്ക് ചെയ്യുക. അപ്പോള്‍ വരുന്ന വെളുത്ത പ്രതലത്തില്‍ നിങ്ങള്‍ക്കെഴുതേണ്ടത് മംഗ്ലീഷിലോ ഇംഗ്ലീഷിലോ മലയാളത്തിലോ ടൈപ്പ് ചെയ്യുക. അവിടെ Comment as എന്നു കാണുന്നിടത്ത് Anonymous എന്നോ നിങ്ങളുടെ G-mail ID യോ കൊടുത്ത് Enter അടിക്കുക.


Read More | തുടര്‍ന്നു വായിക്കുക

സംഖ്യകള്‍ ക്രമം തെറ്റാതെ

>> Monday, July 20, 2009


ന്നലത്തെ ചോദ്യത്തിന് ഉത്തരം കിട്ടിയോ?
1,2,3,4,5,6,7,8,9 ഈ സംഖ്യകളെ ഗണിത ക്രിയകള്‍ ഉപയോഗിച്ചു കൊണ്ട് ക്രമം തെറ്റാതെ ഉത്തരം 100 കിട്ടത്തക്കവിധം ക്രമീകരിക്കാം.
ഒന്നാമത്തെ മാര്‍ഗ്ഗം 123-45-67+89 =100
രണ്ടാമത്തെ മാര്‍ഗ്ഗം 1+2+3+4+5+6+7+8X9=100
ഉത്തരം കമന്റായി രേഖപ്പെടുത്തിയ സത്യഭാമയ്ക് അഭിനന്ദനങ്ങള്‍!!


Read More | തുടര്‍ന്നു വായിക്കുക

സൂര്യഗ്രഹണം ബുധനാഴ്ച രാവിലെ


സൂര്യഗ്രഹണം എന്ന വാക്കിന്റെ അര്‍ത്ഥം 'സൂര്യനെ വിഴുങ്ങുക' എന്നാണ്. ചന്ദ്രന്‍ സൂര്യനെ വിഴുങ്ങുന്നുവെന്നാണ് കാവ്യഭാവന. സൂര്യനില്‍ നിന്നുള്ള പ്രകാശം ചന്ദ്രന്‍ പ്രതിഫലിപ്പിക്കുന്നതാണ് നിലാവെളിച്ചം എന്ന് നമുക്കേവര്‍ക്കും അറിയാം. ചന്ദ്രന്‍ സൂര്യന്റെയും ഭൂമിയുടെയും മധ്യത്തില്‍ വന്നാല്‍ സൂര്യപ്രകാശം ചന്ദ്രനില്‍ തട്ടി ഭൂമിയിലേക്ക് യാതൊരു കാരണവശാലും പ്രതിഫലിപ്പിക്കപ്പെടുകയില്ലല്ലോ. ഒരു വിളക്കും (സൂര്യന്‍) കണ്ണാടിയും (ചന്ദ്രന്‍) ബോളും (ഭൂമി) മനസ്സില്‍ സങ്കല്‍പ്പിച്ചോളൂ. ചന്ദ്രന്റെ സ്ഥാനം മധ്യത്തിലാണെങ്കിലോ? സമയം സൂര്യകിരണങ്ങള്‍ ഭൂമിയിലേക്ക് പതിപ്പിക്കപ്പെടുന്നത് ചന്ദ്രന്‍ തടുക്കുകയും ചെയ്യുന്നു. ചന്ദ്രന്‍ മുന്നില്‍ നില്‍ക്കുന്നതിനാല്‍ ചിലഭാഗങ്ങളില്‍ നില്‍ക്കുന്നവര്‍ക്ക് ചന്ദ്രന്റെ നിഴല്‍ മൂലം സൂര്യനെ കാണാന്‍ കഴിയാതെ വരും. അപ്പോള്‍ ഒരര്‍ത്ഥത്തില്‍ ചന്ദ്രന്‍ സൂര്യനെ വിഴുങ്ങുകയല്ലേ ചെയ്യുന്നത്. ഇതാണ് കറുത്തവാവ് ദിവസം തന്നെ സൂര്യഗ്രഹണം നടക്കാന്‍ കാരണം. എന്നാല്‍ സൂര്യചന്ദ്രന്മാരുടെ സഞ്ചാരപഥം വ്യത്യാസപ്പെട്ടിരിക്കുന്നതിനാല്‍ എല്ലാ കറുത്ത വാവിലും സൂര്യനും ചന്ദ്രനും ഭൂമിയും ഒരേ നിരയില്‍ വരണമെന്നില്ല. അതു കൊണ്ട് തന്നെ ചന്ദ്രന് സൂര്യകിരണങ്ങള്‍ ഭൂമിയില്‍ പതിക്കാതിരിക്കത്തക്കവണ്ണം മധ്യത്തില്‍ വരാനാവുകയുമില്ല. സമയം സൂര്യനു മുന്നില്‍പ്പെടുന്ന ചന്ദ്രന്റെ നിഴലുകള്‍ ശൂന്യാകാശത്തായിരിക്കും വീഴുക.

2009
ജൂലൈ മാസം 22 ബുധനാഴ്ച രാവിലെ അഞ്ചര മുതല്‍ ഏതാണ്ട് ഏഴേകാല്‍ വരെയുള്ള സമയത്ത് സൂര്യഗ്രഹണം നടക്കുകയാണ്. ഭൂമിയിലെല്ലായിടത്തും ഒരു പോലെ ഗ്രഹണം കാണാനാവില്ല. ഇന്‍ഡ്യയില്‍ ഇന്‍ഡോര്‍, ഭോപ്പാല്‍, പാറ്റ്ന എന്നിവടങ്ങളില്‍ സമ്പൂര്‍ണ്ണ സൂര്യഗ്രഹണം കാണാന്‍ കഴിയും. കേരളത്തില്‍ ഭാഗിക സൂര്യഗ്രഹണമാണ്. മാത്രമല്ല കേരളത്തിലെ സൂര്യോദയം ആറേകാലോടെയാണെന്നതിനാല്‍ ആരംഭം മുതല്‍ നമുക്കീ സൂര്യഗ്രഹണം കാണാനുമാവില്ല. നമുക്ക് സൂര്യഗ്രഹണം ദര്‍ശിക്കാനാകുമ്പോള്‍ സൂര്യനെ ചന്ദ്രന്‍ പകുതിയോളം മറച്ചിരിക്കും. പിന്നീട് ഗ്രഹണം കുറഞ്ഞുവരും. ചന്ദ്രന്‍ സൂര്യന് മുന്നിലൂടെ വളരെ വേഗത്തില്‍ സഞ്ചരിക്കുന്നതിനാല്‍ പരമാവധി പത്തുമിനിറ്റില്‍ താഴെ മാത്രമേ പൂര്‍ണ സൂര്യഗ്രഹണം നീണ്ടു നില്‍ക്കുകയുള്ളു. ഗ്രഹണ സമയം, സൂര്യനെ പൂര്‍ണമായും ചന്ദ്രന്‍ മറക്കുമ്പോള്‍ ഭൂമിയുടെ ഒരു ഭാഗത്തു് പൂര്‍ണ്ണമായും ചന്ദ്രന്റെ നിഴല്‍ വീഴുകയും അതു വഴി ഇരുട്ടു പരക്കുകയും ചെയ്യും. ഇതാണ് സമ്പൂര്‍ണ്ണ സൂര്യഗ്രഹണം. പിന്നെ സൂര്യനുമുന്നില്‍ നിന്നും ചന്ദ്രന്‍ പതിയെ നീങ്ങുമ്പോള്‍ ആദ്യമായി ഭൂമിയില്‍ നിന്നു കാണപ്പെടുന്ന സൂര്യന്‍ വജ്രമോതിരം പോലെയായിരിക്കും തിളങ്ങുക. കേരളത്തിലെ നിലവിലെ കാലാവസ്ഥ അനുസരിച്ച് ആകാശം കാര്‍മേഘങ്ങളാല്‍ മൂടപ്പെട്ടിരിക്കുന്നതിനാല്‍ ഗ്രഹണസൂര്യനെ കാണാനായി എക്സറേ ഫിലിമുകളും സണ്‍ഫില്‍ട്ടര്‍ പേപ്പറുമായിരിക്കുന്നവരൊട്ടാകെ ആശങ്കാകുലരാണ്.

നിങ്ങള്‍ക്ക് രസകരമായ ഒരു കാര്യം അറിയണോ? 1995 ഒക്ടോബര്‍ 24 ന് സമ്പൂര്‍ണ്ണ സൂര്യഗ്രഹണമുണ്ടായപ്പോള്‍ സാക്ഷരകേരളത്തിലെ പല പ്രദേശത്തും ജനങ്ങള്‍ ജനലുകളും വാതിലുകളും കൊട്ടിയടച്ച് വീടിനുള്ളിലിരുന്നു. അതേ സമയം വടക്കേ ഇന്‍ഡ്യയില്‍ ഗ്രാമവാസികള്‍ പോലും ശാസ്ത്രജ്ഞരുടെ സഹായത്തോടെ സോളാര്‍ ഫില്‍റ്റര്‍ ഉപയോഗിച്ച് സൂര്യഗ്രഹണം കണ്ടു. പ്രബുദ്ധ കേരളത്തില്‍ ഇനിയും ഇത്തരം സംഭവങ്ങള്‍ ആവര്‍ത്തിച്ചു കൂടാ. എന്നാല്‍ എക്സറേ ഫിലിമുകളോ സണ്‍ഫില്‍ട്ടറുകളോ ഉപയോഗിക്കാതെ സമയത്ത് യാതൊരു കാരണവശാലും ഗ്രഹണം വീക്ഷിക്കാന്‍ പാടില്ല കേട്ടോ. നഗ്നനേത്രങ്ങള്‍ കൊണ്ടുള്ള സൗരവീക്ഷണം കണ്ണിന്റെ കാഴ്ച നശിപ്പിക്കുമെന്നറിയാമല്ലോ. 1980 ഫെബ്രുവരി മാസത്തിലെ ഒരു സമ്പൂര്‍ണ്ണ സൂര്യഗ്രഹണദിവസം ഇന്ത്യ-ഇംഗ്ലണ്ട് മത്സരത്തിന്റെ ഉച്ചക്കു ശേഷമുള്ള സെഷന്‍ പോലും മാറ്റിവെച്ചിരുന്നു. കാണികള്‍ സൂര്യനെ നോക്കിയാലോ എന്നു ഭയന്നായിരുന്നു അത്।

കുട്ടികളെ കാണിക്കുന്നതിനു വേണ്ടിയുള്ള സൂര്യഗ്രഹണത്തിന്റെ പവര്‍ പോയിന്റ്/ഇംപ്രസ് പ്രസന്റേഷന് വേണ്ടി ഇവിടെ ക്ലിക്ക് ചെയ്യുക


Read More | തുടര്‍ന്നു വായിക്കുക

ലണ്ടനിലെ Monument of great fire !



ന്നലെ ചിത്രത്തില്‍ കാണിച്ചിരുന്നത് ലണ്ടനിലെ Monument ആയിരുന്നു. അത് സ്ഥാപിച്ചിരിക്കുന്ന വര്‍ഷം രേഖപ്പെടുത്തിയിരിക്കുന്നത് MDCLXVI എന്നാണ്. ഏതാണാ വര്‍ഷം എന്നു കണ്ടുപിടിച്ചു പറയാമോയെന്നായിരുന്നു ഇന്നലത്തെ ചോദ്യം. ദാ, ഉത്തരം പിടിച്ചോളൂ....
റോമന്‍ലിപിയില്‍ M=1000 D=500 C=100 L=50 X=10 VI=6 ആണല്ലോ.
ഇതെല്ലാം തമ്മില്‍ കൂട്ടുമ്പോള്‍ 1666 എന്നാണ് ഉത്തരം കിട്ടുന്നത്.
കൃത്യമായ ഉത്തരം തന്ന ബീററ്സ് ബാസ്ററിന് അഭിനന്ദനങ്ങള്‍!"Anonymous" മാര്‍ തങ്ങളുടെ പേരെങ്കിലും വെച്ചില്ലെങ്കില്‍ എങ്ങീനെ അഭിനന്ദിക്കും?

ലണ്ടനിലെ Monument നെപ്പറ്റി അറിയാന്‍ ഇവിടെ ക്ലിക്ക് ചെയ്യുക

ഇനി നമുക്ക് ഗണിതത്തിന്റെ മറ്റൊരു രസഭംഗി നുകരാം...
1 മുതല്‍ 10 വരെയുള്ള സംഖ്യകളുടെ എണ്ണല്‍ സംഖ്യകളുടെ തുക പറയാമോ?
പത്തും പതിനൊന്നും തമ്മില്‍ ഗുണിച്ച് പകുതി കണ്ടാല്‍പ്പോരേ? (10X11)/2= 110/2=55
ഒന്നു മുതല്‍ 100 വരെയുള്ള എണ്ണല്‍ സംഖ്യകളുടെ തുകയോ? (100​X101)/2 =10100/2 =5050
ഒന്നു മുതല്‍ 1000 വരെയുള്ള എണ്ണല്‍ സംഖ്യകളുടെ തുക? (1000X1001)/2 =1001000/2 =500500
ഒന്നു മുതല്‍ 10000 വരെയുള്ള എണ്ണല്‍ സംഖ്യകളുടെ തുക? (10000X10001)/2 =100010000/2 =50005000
ഇനി 1 മുതല്‍ 100000 വരെയുള്ള എണ്ണല്‍ സംഖ്യകളുടെ തുക കണ്ണടച്ചു പറഞ്ഞു കൂടേ? 5000050000
എന്താ, ഗണിതത്തിന്റെ മനോഹാരിത ആസ്വദിക്കാനാകുന്നില്ലേ?
എണ്ണല്‍ സംഖ്യകള്‍ ഏതെല്ലാം എന്നു ചോദിച്ചാല്‍ ഇനി കണ്ണടച്ച് എണ്ണിത്തുടങ്ങുമല്ലോ 1,2,3,4...
ഒരു ചോദ്യം കൂടി ഒന്നു മുതല്‍ 9 വരെയുള്ള അക്കങ്ങളെ നൂറ് കിട്ടത്തക്കവിധം ക്രമം തെറ്റാതെ ഗണിതക്രിയകള്‍ ഉപയോഗിച്ച് കൊണ്ട് ഇടത്തുനിന്നും വലത്തോട്ട് ക്രമീകരിക്കാമോ? 12-3+45+6-7...ഇങ്ങനെ ക്രമം തെറ്റാതെ വേണം എഴുതാന്‍. ഉത്തരത്തിനായി നാളെ വരെ കാത്തിരിക്കുകയാണോ അതോ Comment ചെയ്യുന്നോ?


Read More | തുടര്‍ന്നു വായിക്കുക

റോമന്‍ ലിപി

>> Sunday, July 19, 2009



നിസര്‍ഗ്ഗ സംഖ്യകള്‍ എന്നാല്‍ എണ്ണല്‍ സംഖ്യകള്‍ എന്നര്‍ത്ഥം. 1,2,3,4.... ഒളിച്ചു കളിക്കുമ്പോള്‍ കുട്ടികളാരും പൂജ്യം മുതല്‍ എണ്ണാറില്ലല്ലോ. അപ്പോള്‍ എണ്ണല്‍ സംഖ്യകളേപ്പറ്റി കൂടുതല്‍ പറയേണ്ടല്ലോ. അത് ഒന്ന് മുതല്‍ ആരംഭിക്കുന്നു. എണ്ണല്‍ സംഖ്യകളോട് പൂജ്യം കൂടെ ചേര്‍ത്താല്‍ അഖണ്ഡസംഖ്യകള്‍ (Whole numbers) കിട്ടും. ഏറ്റവും ചെറിയ എണ്ണല്‍ സംഖ്യ ഏതാണ്? ഒന്ന്. അല്ലേ? അപ്പോള്‍ ഏറ്റവും ചെറിയ അഖണ്ഡസംഖ്യ ഏതാണ്? സംശയമില്ല പൂജ്യം. ഈ പൂജ്യം കണ്ടു പിടിച്ചതാരാണെന്നറിയുമോ? എന്തായാലും അതിന്റെ ക്രെഡിറ്റ് നമ്മള്‍ ഭാരതീയര്‍ക്കു തന്നെയാണ്. അറിയപ്പെടുന്ന എല്ലാ പ്രധാനഭാഷകളിലും പൂജ്യം ഉണ്ട്. എന്നാല്‍ പൂജ്യം ഉപയോഗിക്കാത്ത സംഖ്യാരീതിയുള്ള ഒരു സമ്പ്രദായമുണ്ട്. ഏതാണെന്നറിയാമോ? റോമന്‍ ലിപി. ഇത് ചെറിയ ക്ലാസ് മുതലേ നാം പഠിക്കുന്നുണ്ട്? Std VIII, IX അല്ലേ? റോമന്‍ ലിപിയില്‍ 10 എങ്ങനെയാണ് എഴുതുന്നത്? X അതെ. ഇവിടെ പൂജ്യം ഉപയോഗിക്കുന്നേയില്ല.

മുകളില്‍ ചിത്രത്തില്‍ കാണിച്ചിട്ടുള്ളത് ലണ്ടനിലെ ഒരു ചരിത്രസ്മാരകമാണ്. സ്ഥാപിച്ചിരിക്കുന്ന വര്‍ഷം രേഖപ്പെടുത്തിയിരിക്കുന്നത് MDCLXVI എന്നാണ്. ഉത്തരം നാളെ ബ്ലോഗില്‍ പ്രസിദ്ധീകരിക്കുന്നതിന് മുന്‍പ് ഏതാണാ വര്‍ഷം എന്നു കണ്ടുപിടിച്ചു പറയാമോ? ഏതാണാ ചരിത്ര സ്മാരകം എന്നു പറയാമോ?


Read More | തുടര്‍ന്നു വായിക്കുക

പ്രസംഗങ്ങള്‍...!!

>> Saturday, July 18, 2009


പ്രസംഗങ്ങള്‍ ഹൃദയത്തില്‍ നിന്നാകുമ്പോള്‍ അവയ്ക്ക് കല്പാന്ത കാലത്തോളം ആയുസ്സുണ്ടാകുന്നു. അവയുടെ പരിച്ഛേദങ്ങള്‍ മനസ്സിന്റെ അകത്തളങ്ങളില്‍ ഇടക്കിടെ പ്രതിദ്ധ്വനികളുയര്‍ത്തുന്നു. വിശുദ്ധഗ്രന്ഥങ്ങളില്‍ ഇത്തരം നിരവധി പ്രസംഗശകലങ്ങള്‍ നമുക്ക് കാണാനാകും. പുരാണകാലം മുതല്‍ക്കിങ്ങോട്ട് ആനുകാലികമായ നിരവധി വശ്യവചസ്സുകള്‍ നാം കേട്ടിട്ടുണ്ട്. അവ ഉള്‍​ക്കൊള്ളുന്ന ചില ചോദ്യങ്ങള്‍ ഒരു അദ്ധ്യാപകന്‍ (?) നമുക്ക് അയച്ചു തരികയുണ്ടായി. നിങ്ങള്‍​ക്കേവര്‍ക്കും അത് ഉപകരിക്കും എന്ന വിശ്വാസത്തോടെ ആ ചോദ്യങ്ങള്‍ നമുക്ക് പങ്കുവെക്കാം.

1 "ആ വെളിച്ചം നമ്മുടെ ഇടയില്‍ നിന്നും പൊലിഞ്ഞു പോയി. എവിടെയും അന്ധകാരം മാത്രം" (The light has gone out our lives, and there is darkness everywhere) ഈ വാക്കുകള്‍ ആരുടേതാണ്? ആരെക്കുറിച്ചായിരുന്നു ഇത്?
2 "നിങ്ങള്‍ക്കായി രാജ്യം എന്തു ചെയ്തെന്നല്ല, മറിച്ച് നിങ്ങള്‍ക്ക് രാജ്യത്തിനു വേണ്ടി എന്തു ചെയ്യാനാവും എന്നാണ് ചിന്തിക്കേണ്ടത്" ആരുടെ പ്രസംഗത്തില്‍ നിന്നുമുള്ള വരികളാണിത്?
3 "പ്രവര്‍ത്തിക്കുക, അല്ലെങ്കില്‍ മരിക്കുക" എന്നുള്ള പ്രസിദ്ധ ആഹ്വാനം ആരുടേതായിരുന്നു?
4 "എനിക്കൊരു സ്വപ്നമുണ്ട് "(I have a dream) എന്നു തുടങ്ങുന്ന പ്രസിദ്ധമായ പ്രസംഗം ആരുടേതാണ്?
5 "വളരെയേറെ വൃക്ഷങ്ങള്‍ വളര്‍ന്നുയര്‍ന്നു; ഒട്ടധികം പൊന്തക്കാടുകളും വളര്‍ന്നിരിക്കുന്നു. അതിനാല്‍ തടികള്‍ കാണാനാവാതായി. പൊന്തക്കാടുകള്‍ തെളിച്ച് തടികളെ കാട്ടാന്‍ ശ്രമിക്കുകയാണ് ഞാന്‍ " ആരുടെ വാക്കുകളാണിത്? എന്തിനെക്കുറിച്ചായിരുന്നു ഈ പരാമര്‍ശം?
6 "രക്തവും കണ്ണുനീരും വിയര്‍പ്പും കഠിനാദ്ധ്വാനവുമല്ലാതെ മറ്റൊന്നും എനിക്ക് നിങ്ങള്‍ക്കു വേണ്ടി നല്‍കാനില്ല" രണ്ടാം ലോകമഹായുദ്ധക്കാലത്ത് പ്രസിദ്ധമായ ഈ പ്രസംഗം പാര്‍ലിമെന്റില്‍ നടത്തിയ ബ്രിട്ടീഷ് പ്രധാനമന്ത്രി ആര്?
7 കേരളത്തിലെ ഒന്നാം മന്ത്രിസഭയെ പിരിച്ചുവിടാനിടയാക്കിയ വിമോചനസമരത്തിന് ആ പേര് കിട്ടിയത് ആര് നടത്തിയ പ്രസംഗത്തില്‍ നിന്ന്?
8 കേരള നിയമസഭയില്‍ ആദ്യമായി പ്രസംഗിച്ച രാഷ്ട്രപതിയാര്?
9 ഐക്യരാഷ്ട്രസഭയില്‍ മലയാളത്തില്‍ പ്രസംഗിച്ചതാര്?
10 വിധിയുമായുള്ള മുഖാമുഖം (Trusty with Destiny) എന്നറിയപ്പെടുന്ന പ്രസംഗം ആരുടേതായിരുന്നു?

ഉത്തരങ്ങള്‍
1 1948 ജനുവരി 30ന് ഗാന്ധിജിയുടെ വധത്തില്‍ അനുശോചിച്ചു കൊണ്ട് നെഹ്റു നടത്തിയത്
2 1961 ജനുവരി 20 ന് അമേരിക്കന്‍ പ്രസിഡന്റ് ജോണ്‍.എഫ്.കെന്നഡി നടത്തിയത്
3 1942 ആഗസ്റ്റ് 8 ന്റെ ക്വിറ്റ് ഇന്‍ഡ്യ സമരത്തോടനുബന്ധിച്ച് ഗാന്ധിജി നടത്തിയത്
4 1963 ആഗസ്റ്റ് 28 ന് വാഷിങ്ടണില്‍ വെച്ച് മാര്‍ട്ടിന്‍ ലൂതര്‍ കിംങ് ജൂനിയര്‍ നടത്തിയത്
5 1957 ജനുവരി 23 ന് വി.കെ കൃഷ്ണമേനോന്‍ കാശ്മീര്‍ പ്രശ്നം ഉന്നയിച്ചു കൊണ്ട് UNല്‍ നടത്തിയത്
6 1940 മെയ് 13 ന് വിന്‍സ്റ്റണ്‍ ചര്‍ച്ചില്‍ നടത്തിയത്
7 1959 ല്‍ മന്നത്തു പത്മനാഭന്‍ നടത്തിയ പ്രസംഗത്തില്‍ നിന്നും
8 1997 സെപ്തംബര്‍ 18 ന് കെ.ആര്‍ നാരായണന്‍
9 അമൃതാനന്ദമയി
10 1947 ആഗസ്റ്റ് 14 ന് അര്‍ദ്ധരാത്രിയില്‍ നിയമനിര്‍മ്മാണസഭയില്‍ നെഹ്രു നടത്തിയത്


Read More | തുടര്‍ന്നു വായിക്കുക

ഗണിത ഭംഗി

>> Friday, July 17, 2009

1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 = 987654321
1 x 9 + 2 = 11
12 x 9 + 3 = 111
123 x 9 + 4 = 1111
1234 x 9 + 5 = 11111
12345 x 9 + 6 = 111111
123456 x 9 + 7 = 1111111
1234567 x 9 + 8 = 11111111
12345678 x 9 + 9 = 111111111
123456789 x 9 +10 = 1111111111
9 x 9 + 7 = 88
98 x 9 + 6 =888
987 x 9 + 5 = 8888
9876 x 9 + 4 = 88888
98765 x 9 + 3 = 888888
987654 x 9 + 2 = 8888888
9876543 x 9 + 1 = 88888888
98765432 x 9 + 0 = 888888888
മനോഹരം, അല്ലേ?
ഇനി....ഇതെങ്ങിനെ?
1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321
*******************************************************************


Read More | തുടര്‍ന്നു വായിക്കുക

10000 ന്റെ നിറവില്‍.....






Read More | തുടര്‍ന്നു വായിക്കുക

കളിമണ്‍ ടോക്കണുകള്‍!

>> Thursday, July 16, 2009


11000 വര്‍ഷങ്ങള്‍ക്ക് മുന്‍പ് സുമേറിയക്കാര്‍ ഉപയോഗിച്ചിരുന്ന കളിമണ്‍ ടോക്കണുകള്‍!
വായന, എഴുത്ത്, ഗണിതം (Reading, Writing, Arithmetic) എന്നിവയുടെ മുന്‍ഗാമിയായികണക്കാക്കപ്പെടുന്നു.


Read More | തുടര്‍ന്നു വായിക്കുക

സംഖ്യാ മാജിക്


പ്രിയപ്പെട്ട കുട്ടികളേ,
ഏതാനും ദിവസങ്ങള്‍ക്കു മുമ്പ് നിങ്ങള്‍ക്കായി ഒരു സംഖ്യാ മാജിക്ക് അവതരിപ്പിച്ചിരുന്നു. ഇതാ വീണ്ടും ഒരെണ്ണം. കൂട്ടുകാര്‍ക്കിടയില്‍ അവതരിപ്പിച്ച് ശരിക്ക് വിലസിക്കോളൂ. മാജിക്ക് എന്താണെന്നല്ലേ? നോക്കൂ..

കൂട്ടുകാരോട് ഒരു മൂന്നക്ക സംഖ്യ ആരും കാണാതെ എഴുതാനാവശ്യപ്പെടുക.
ഇതിലെ അക്കങ്ങള്‍ സ്ഥാനം മാറ്റി നമുക്കാകെ എത്ര മൂന്നക്കസംഖ്യകളെഴുതാം. ആറ് അല്ലേ? ഇതില്‍ നിന്നും ഏതെങ്കിലും ഒരു സംഖ്യയുടെ അക്കങ്ങളുടെ തുക പറയാനാവശ്യപ്പെടുക. ആ ആറ് മൂന്നക്കസംഖ്യകളും കൂടി മറ്റാരും കാണാതെ കൂട്ടാനാവശ്യപ്പെടുക. നിങ്ങള്‍ക്ക് അതിന്റെ തുക നിഷ്​പ്രയാസം പറഞ്ഞു കൊടുക്കാം.

ഉദാഹരണത്തിന് ഒരു മൂന്നക്ക സംഖ്യ= 732
അതിലെ അക്കങ്ങളുടെ തുക = 7+3+2=12
732 നെ എതെല്ലാം വിധത്തില്‍ അക്കങ്ങളുടെ സ്ഥാനം മാറ്റി എഴുതാം?
(1)732 (2)723 (3)372 (4)327 (5)237 (6)273

ഇനി ഇവയുടെ തുക നമുക്ക് കൂട്ടാനാവശ്യപ്പെടണം 732+723+372+327+237+273
ഉത്തരം നിങ്ങള്‍ പറഞ്ഞു കൊടുക്കും 2664. എങ്ങനെയെന്നല്ലേ?
മൂന്നക്കസംഖ്യയിലെ അക്കങ്ങളുടെ തുക ആദ്യമേ ചോദിച്ചിരുന്നില്ലേ? അതിനെ 222 കൊണ്ട് ഗുണിച്ചാല്‍ മതി. ഇവിടെ ഈ ഉദാഹരണത്തില്‍ 12 ആയിരുന്നു അക്കങ്ങളുടെ തുക. അതുകൊണ്ട് ഉത്തരം 12X22=2664.

എങ്ങനെയുണ്ട് ഈ വിദ്യ? പുതിയ പുതിയ മറ്റെന്തെങ്കിലും ഗണിത ശാസ്ത്ര കടംകഥകളോ പ്രശ്നങ്ങളോ ഉണ്ടെങ്കില്‍ mathsekm@gmail.com എന്ന വിലാസത്തില്‍ അയക്കുമല്ലോ.


Read More | തുടര്‍ന്നു വായിക്കുക

ബ്ലോഗ് ഹിറ്റുകള്‍ പതിനായിരത്തിലേക്ക്...

>> Wednesday, July 15, 2009


പ്രിയപ്പെട്ട വായനക്കാരേ,

നിങ്ങളേവരുടേയും സഹകരണത്തോടെ ഈ മാത്തമാറ്റിക്സ് ബ്ലോഗ് പതിനായിരം ഹിറ്റുകളിലേക്ക് അടുത്തു കൊണ്ടിരിക്കുകയാണ്. അതിന് ധാരാളം പേരോട് നന്ദി പറയേണ്ടതുണ്ട്. ആദ്യമായി സര്‍വ്വചരാചരങ്ങളേയും നിയന്ത്രിക്കുന്ന ജഗദീശ്വരനോട് അകൈതവമായ നന്ദി ഞങ്ങള്‍ രേഖപ്പെടുത്തുകയാണ്. ബ്ലോഗിന്‍റെ ആരംഭകാലം മുതല്‍ ഞങ്ങള്‍ക്ക് നാനാവിധ പിന്തുണകള്‍ തന്ന ഐ.ടി@സ്ക്കൂള്‍ പ്രൊജക്ടിന്റെ എക്സിക്യുട്ടീവ് ഡയറക്ടര്‍ അന്‍വര്‍ സാറിനോട്, ഇത്തരമൊരു ആശയം ആദ്യം ഞങ്ങളില്‍ വിതച്ച എറണാകുളം ഡി.സി ജോസഫ് ആന്റണി സാറിനോട്, ഞങ്ങളിലൊരാളായി കൂടെ നിന്ന് തെറ്റുകുറ്റങ്ങള്‍ ചൂണ്ടിക്കാട്ടിത്തരുന്ന എറണാകുളം എം.ടി ജയദേവന്‍ സാറിനോട്, സ്ക്കൂളുകളില്‍ ഈ ബ്ലോഗ് പരിചയപ്പെടുത്തിയ വിവിധ ജില്ലകളിലെ ഐ.ടി@സ്ക്കൂള്‍ മാസ്റ്റര്‍​ട്രെയിനര്‍മാരോട്, മാതൃഭൂമി 'നഗര'ത്തിലൂടെ ബ്ലോഗ് വാര്‍ത്ത പ്രസിദ്ധീകരിക്കുകയും അതുവഴി കേരളജനതയ്ക്ക് ഈ ബ്ലോഗ് പരിചയപ്പെടുത്താനും സഹായിച്ച മാതൃഭൂമിയിലെ സുനില്‍ പ്രഭാകര്‍ സാറിനോട്, കേരളത്തിലെ വിവിധ ജില്ലകളിലെ ഗണിതശാസ്ത്ര ഡി.ആര്‍.ജി മാരോട്, ഗണിതശാസ്ത്ര-ഇതര അദ്ധ്യാപകരോട്, വിദ്യാര്‍ത്ഥികളോട്..... നന്ദി... നന്ദി...

Click here to read the Blog news in Mathrubhumi


Read More | തുടര്‍ന്നു വായിക്കുക

Linux Second CD Installation


ഐ.ടി@സ്ക്കൂള്‍ ഗ്നു/ലിനക്സ് സെക്കന്റ് സി.ഡി ഇന്‍സ്റ്റാള്‍ ചെയ്യാനുള്ള മാര്‍ഗ്ഗം

വിദ്യാഭ്യാസ വകുപ്പും ഐ.ടി@സ്ക്കൂളും സംയുക്തമായി സഹകരിച്ചുകൊണ്ട് നടപ്പാക്കുന്ന ഐ.ടി ഇനേബിള്‍ഡ് എജ്യൂക്കേഷന്റെ ഭാഗമായി ശാസ്ത്രവിഷയങ്ങളുടെ സഹായികളായ ചില സോഫ്റ്റ്​വെയറുകള്‍ ഇന്‍സ്റ്റാള്‍ ചെയ്തിട്ടും അവ പ്രവര്‍ത്തിച്ചു കണ്ടില്ല എന്ന് ചിലര്‍ പറഞ്ഞിരുന്നു. ഒരുപക്ഷേ ഇന്‍സ്ററലേഷന്റെ ഭാഗമായി ആ സോഫ്റ്റ്​വെയറുകള്‍ മാത്രമേ ഇന്‍സ്റ്റാള്‍ ചെയ്തിട്ടുണ്ടാകൂ എന്നതായിരിക്കണം ഈ പ്രശ്നത്തിനു കാരണം. ഉദാഹരണത്തിന് നമ്മുടെ ബ്ലോഗില്‍ തന്നെ ഫിസിക്സ് കെ-ടെക് ലാബ് ഇന്‍സ്റ്റാള്‍ ചെയ്യുന്ന വിധം വിശദീകരിച്ചിരുന്നുവല്ലോ. കെ.ടെക് ലാബിനോടൊപ്പം ഇന്‍സ്റ്റാള്‍ ചെയ്യേണ്ട സപ്പോര്‍ട്ടിങ് പ്രോഗ്രാമുകളെപ്പറ്റി ആ പോസ്റ്റില്‍ വിശദമാക്കിയിരുന്നു. (ആ പോസ്റ്റ് കാണുന്നതിനായി ബ്ലോഗിന്റെ വലതു വശത്തുള്ള 'Archives' എന്ന ഗാഡ്ജറ്റ് നോക്കുക)

ഈ പ്രശ്നത്തിന് ഒരു പരിഹാരം നിര്‍​ദ്ദേശിച്ചു കൊണ്ട് കാസര്‍കോഡ് ജില്ലയിലെ കാഞ്ഞങ്ങാട് വിദ്യാഭ്യാസജില്ലയിലെ മാസ്ററര്‍ ട്രെയിനറായ ശങ്കരന്‍ സാര്‍ നമുക്ക് ഒരു മെയില്‍ അയച്ചിരുന്നു. ഓരോ പ്രോഗ്രാമുകള്‍ക്കും ആവശ്യമായ സപ്പോര്‍ട്ടിങ്ങ് പ്രോഗ്രാമുകള്‍ തെരഞ്ഞ് പിടിച്ച് ഇന്‍സ്റ്റാള്‍ ചെയ്യുന്നതിനേക്കാളും ഏറെ ഫലപ്രദം സെക്കന്റ് സി.ഡി മുഴുവനായി ഇന്‍സ്റ്റാള്‍ ചെയ്യുകയാണെന്നാണ് അദ്ദേഹത്തിന്റെ അഭിപ്രായം. ഭാവിയിലും മറ്റെന്തെങ്കിലും സോഫ്റ്റ്​വെയര്‍ ഇന്‍സ്റ്റാള്‍ ചെയ്യുമ്പോള്‍ അതിന്റെ പ്രവര്‍ത്തനത്തെ സെക്കന്റ് സി.ഡി ഫുള്‍ ഇന്‍സ്റ്റലേഷന്‍ സഹായിക്കും.

സിനാപ്റ്റിക്ക് പാക്കേജ് മാനേജര്‍ വഴിയും tasksel കമാന്റിലൂടെയുമൊക്കെ ഐ.ടി@സ്ക്കൂള്‍ ഗ്നു/ലിനക്സ് 3.2 സെക്കന്റ് സി.ഡി ഇന്‍സ്റ്റാള്‍ ചെയ്യാന്‍ സാധിക്കാത്തവര്‍ക്ക് പത്തു മിനിറ്റിനുള്ളില്‍ സെക്കന്റ് സി.ഡി ഇന്‍സ്റ്റലേഷന്‍ പൂര്‍ത്തിയാക്കാനുള്ള മാര്‍ഗ്ഗം ഇതാ...
1 CD Drive ല്‍ സെക്കന്റ് CD ഇന്‍സര്‍ട്ട് ചെയ്യുക
2 അതിലെ debian എന്ന ഫോള്‍ഡര്‍ Copy ചെയ്ത് Desktop ല്‍ Paste ചെയ്യുക
3 root terminal തുറക്കുക (Applications-System tools-root terminal)
4 താഴെ പറയുന്ന command ടൈപ്പ് ചെയ്ത് Enter കീ അടിക്കുക
cd /root/Desktop/debian
(അപ്പോള്‍ debian:~/Desktop/debian# എന്ന് കാണാനാകും. ഡയറക്ടറി Change ആയി)
5 വീണ്ടും താഴെ പറഞ്ഞിരിക്കുന്ന പോലെ Type ചെയ്യുക
dpkg(space)-i(space)*.*
((space) എന്നാല്‍ ഒരു സ്പേസ് വിടുക എന്നാണര്‍ത്ഥം. നോക്കൂ. ഇത്രേയുള്ളു dpkg -i *.*)
6 ഇടക്കു വരുന്ന windowകള്‍ Enter അടിച്ച് മുന്നോട്ട് പോകുകയോ അനുയോജ്യമായി Set ചെയ്തു കൊടുക്കുയോ ചെയ്യുക. ഒരു പത്തു മിനിറ്റ് നീളുന്ന Process..
7 debian:~/Desktop/debian# ഇവിടെ വന്ന് Process അവസാനിക്കും. Exit അടിക്കുക
8 ഇപ്പോള്‍ Second CD ഇന്‍സ്റ്റാള്‍ ചെയ്യപ്പെട്ടിട്ടുണ്ടാകും. ഇന്‍സ്റ്റലേഷന്‍ കഴിഞ്ഞതല്ലേ. എപ്പോഴും ഏതെങ്കിലും Programme install ചെയ്തു കഴിഞ്ഞാല്‍ ഉടനെ System Restart ചെയ്യണം.

Special thanks to Sankaran master, MT, IT@School, Kanjangad


Read More | തുടര്‍ന്നു വായിക്കുക

9 മാത്രം കൊണ്ടൊരു ക്ളോക്ക്...!!!

>> Tuesday, July 14, 2009

ഇതാ നോക്കൂ. മനോഹരമായൊരു ക്ലോക്ക്.. അല്ലേ? ഈ ക്ലോക്കിന് എന്തെങ്കിലും പ്രത്യേകതകളുണ്ടോ? 9 നെ മാത്രം ഉള്‍​പ്പെടുത്തിക്കൊണ്ടാണ് ഈ ക്ലോക്ക് നിര്‍മ്മിച്ചിരിക്കുന്നത്. ഇത്തരത്തില്‍ എന്തെങ്കിലും വ്യത്യസ്തകള്‍ നിറഞ്ഞ ചിത്രങ്ങളോ പ്രശ്നങ്ങളോ ഉണ്ടെങ്കില്‍ അവ ഞങ്ങള്‍ക്കയച്ചു തരുമല്ലോ.
വിലാസം: mathsekm@gmail.com.

This Clock is mailed to us by
Sri. Nasib Mepurath,
Head, UAE Exchange Centre- Raz-Al-Qaima...

Thank You Sir!


Read More | തുടര്‍ന്നു വായിക്കുക

>> Monday, July 13, 2009



ഹയര്‍സെക്കന്ററി പ്രവേശനം നേടിയ വിദ്യാര്‍ത്ഥികള്‍ക്ക് സ്ക്കൂളും കോംബിനേഷനും മാറാന്‍ അവസരം...!

ഏകജാലകരീതിയിലൂടെ സ്ഥിരപ്രവേശനം നേടിയ വിദ്യാര്‍ത്ഥികള്‍ക്ക് വീണ്ടും സ്ക്കൂള്‍ മാറുന്നതിനും കോംബിനേഷന്‍ മാറുന്നതിനും അവസരം. ജൂലൈ 16 ന് 5 മണിവരെ അപേക്ഷ നല്‍കേണ്ടത്.ഓരോ സ്ക്കൂളിലുമുള്ള ഒഴിവുകളുടെ വിവരങ്ങള്‍ ജൂലൈ 14 ചൊവ്വാഴ്ച വൈകീട്ട് 6 മണിക്ക് പ്രസിദ്ധീകരിക്കും വിദ്യാര്‍ത്ഥികള്‍ക്ക് പ്രവേശനം നേടിയ സ്ക്കൂളില്‍ തന്നെ മറ്റൊരു കോംബിനേഷനിലേക്കോ, മറ്റൊരു സ്ക്കൂളിലെ അതേ കോംബിനേഷനിലേക്കോ, മറ്റൊരു സ്ക്കൂളിലെ മറ്റൊരു കോംബിനേഷനിലേക്കോ അപേക്ഷ നല്‍കാം. വിദ്യാര്‍ത്ഥികള്‍ ഇപ്പോള്‍ പ്രവേശനം ലഭിച്ച സ്ക്കൂളിലെ പ്രിന്‍സിപ്പലിനാണ് അപേക്ഷ സമര്‍പ്പിക്കേണ്ടത്. മാറ്റം ആവശ്യപ്പെടുന്ന സ്ക്കൂളോ കോംബിനേഷനോ വിദ്യാര്‍ത്ഥി പ്രവേശനത്തിനായി ആദ്യം സമര്‍പ്പിച്ച അപേക്ഷയില്‍ ഓപ്ഷനായി നല്‍കിയിരിക്കണമെന്നില്ല. സ്ക്കൂള്‍ മാറ്റം അതേ ജില്ലയിലെ മറ്റൊരു സ്ക്കൂളിലേക്ക് മാത്രമേ അനുവദിക്കൂ. ഒന്നിലധികം സ്ക്കൂളുകളിലേക്കും കോംബിനേഷനുകളിലേക്കും മാറ്റത്തിനായി ഓപ്ഷന്‍ നല്‍കാവുന്നതാണ്. മുന്‍ഗണനാക്രമത്തിലാണ് ഓപ്ഷന്‍ നല്‍കേണ്ടത്. മാറ്റം ലഭിച്ചാല്‍ പ്രവേശനം നേടാന്‍ താല്പര്യമുള്ള സ്ക്കൂളുകളും കോംബിനേഷനുകളും മാത്രം വിദ്യാര്‍ത്ഥികള്‍ ഓപ്ഷനായി നല്‍കുക. സ്ക്കൂള്‍ മാറ്റം ലഭിച്ചാല്‍ വിദ്യാര്‍ത്ഥി നിര്‍ബന്ധമായും പുതിയ സ്ക്കൂളിലേക്ക് മാറണം. സ്ക്കൂള്‍ മാറ്റത്തിന്റെ മാനദണ്ഡങ്ങള്‍ സ്ക്കൂള്‍ അധികൃതരില്‍ നിന്നും വിദ്യാര്‍ത്ഥികള്‍ക്ക് ലഭിക്കും. വെബ്സൈറ്റില്‍ പ്രസിദ്ധീകരിക്കുന്ന ഒഴിവുകളുടെ വിശദാംശങ്ങള്‍ സ്ക്കൂള്‍ നോട്ടീസ് ബോര്‍ഡില്‍ പ്രദര്‍ശിപ്പിച്ചിട്ടുമുണ്ടാകും.


ഈ ഘട്ടത്തില്‍ അപേക്ഷ നല്‍കിയ വിദ്യാര്‍ത്ഥികള്‍ക്ക് സ്ക്കൂള്‍/കോംബിനേഷന്‍ മാറ്റങ്ങള്‍ അനുവദിച്ച ശേഷം നിലവിലുള്ള ഒഴിവുകളുടെ വിശദാംശങ്ങള്‍ വെബ്സൈറ്റില്‍ പ്രസിദ്ധീകരിക്കും. ഈ ഒഴിവുകളിലേക്ക് സേ പരീക്ഷ പാസ്സായവരുള്‍പ്പടെയുള്ള ഇതുവരെ അപേക്ഷ നല്‍കാന്‍ കഴിയാത്തവര്‍ക്ക് പുതിയ അപേക്ഷകള്‍ നല്‍കാം. അപേക്ഷ നല്‍കിയിട്ടും അലോട്മെന്റ് ലഭിക്കാത്തവര്‍ക്ക് വീണ്ടും പരിഗണിക്കപ്പെടുന്നതിനായി അപേക്ഷ പുതുക്കി നല്‍കാം. അപേക്ഷ പുതുക്കുന്നതിനോടൊപ്പം നിലവിലുള്ള ഒഴിവുകളുടെ അടിസ്ഥാനത്തില്‍ ഓപ്ഷനുകളും പുതുക്കി നല്‍കാം. അപേക്ഷ പുതുക്കുന്നതിനുള്ള ഫാറവും സപ്ലിമെന്ററി അലോട്മെന്റ് സംബന്ധിക്കുന്ന കൂടുതല്‍ വിവരങ്ങളും പിന്നീടായിരിക്കും പ്രസിദ്ധീകരിക്കപ്പെടുക. സപ്ലിമെന്ററി അലോട്മെന്റിനായി പുതിയ റാങ്ക്ലിസ്റ്റ് തയ്യാറാക്കി ഈ അപേക്ഷകര്‍ക്ക് അലോട്മെന്റ് നല്‍കും.
കൂടുതല്‍ വിവരങ്ങള്‍ക്ക് ഹയര്‍സെക്കന്ററി പ്രവേശനത്തിനുള്ള വെബ്സൈറ്റ് കാണുക

Circular:Supplementary Lists

Circular:School Transfer
Differently Abled: Re-Allotment List


Read More | തുടര്‍ന്നു വായിക്കുക

മക്കളെയോര്‍ത്ത്.....

>> Sunday, July 12, 2009



ഇക്കഴിഞ്ഞ ജൂണ്‍ 19ന് പതിവുകളെല്ലാം തെററിച്ചാണ് ആഷ്മിത്. കെ. സുരേഷ് എന്ന യുകെജി ക്കാരന്‍ സ്കൂളിലേക്ക് പുറപ്പെട്ടത്.സ്കൂള്‍ വാനില്‍ നിന്നും തിരിച്ചിറങ്ങിവന്ന് അമ്മയ്കും കുഞ്ഞനുജത്തിക്കും ഉമ്മ കൊടുത്തു.

തൃശൂര്‍ ജില്ലയിലെ കുഴിക്കാട്ടുശ്ശേരി സ്വദേശി സുനിലിന്റേയും ശുഭയുടേയും ഈ മകന്‍ 15 കി.മീ അകലെ തൃപ്രയാറില്‍ അണ്‍എയിഡഡ് സ്കൂളിലാണ് പഠിക്കുന്നത്.
രാവിലെ 8.30. സ്കൂള്‍ മുറ്റം നിറയെ വാഹനങ്ങള്‍. കരാറടിസ്ഥാനത്തില്‍ കുട്ടികളെ കൊണ്ടുവരുന്ന 40 വാനുകള്‍. രക്ഷാകര്‍ത്താക്കള്‍ സ്വയം ഏര്‍പ്പാടാക്കിയവയും സ്കൂട്ടറുകളും കാറുകളുമായി സ്വകാര്യ വാഹനങ്ങളും.അവിടെയാണ് ആഷ്മിതും കൂട്ടുകാരും നിവര്‍ത്തിപ്പിടിച്ച വര്‍ണ്ണക്കുടകളുമായി വാനിറങ്ങി ക്ളാസ്സിലേക്ക് നടന്നത്. അശ്രദ്ധമായി പുറകോട്ടെടുത്ത വാന്‍ ആഷ്മിതിനെ തട്ടിയിട്ട് തലയിലൂടെ കയറിയിറങ്ങി.സ്കൂള്‍ മുറ്റം അവന്റെ കുഞ്ഞിച്ചോരയില്‍ നനഞ്ഞു.....
കഴിഞ്ഞ കുറെ വര്‍ഷമായി നമ്മുടെ അദ്ധ്യന വര്‍ഷങ്ങള്‍ ആരംഭിക്കുന്നത് ഇങ്ങനെ കുരുന്ന് രക്തം കണ്ടുകൊണ്ടാണ്...ഓരോ സംഭവങ്ങള്‍ക്കു ശേഷവും, കുറ്റം ഓരോരുത്തരിലായി ആരോപിച്ച് ചര്‍ച്ച ചെയ്യാം. ഡ്രൈവറുടെ അശ്രദ്ധ, മാനേജ്മെന്റിന്റെയും അധ്യാപകരുടെയും വീഴ്ച, റോഡുകളുടെ തകരാറ്.....കാരണങ്ങള്‍ ഒട്ടേറെ പറയാനാകും. അപ്പോഴും പ്രധാന വിഷയത്തിലേക്ക് നാമാരും കടന്നു ചെല്ലുന്നില്ല.
ഒന്നു വാലാട്ടാന്‍ പോലും കഴിയാത്തവണ്ണം വാഹനങ്ങളില്‍ കുത്തിനിറച്ച് അറവുശാലയിലേക്ക് കൊണ്ട്പോകുന്ന മാടുകളോട് കാണിക്കുന്ന അനുകമ്പയും നാം കുട്ടികളോട് കാണിക്കുന്നില്ല.വീട്ടുമുറ്റത്തെ സ്കൂളുകളെ മറന്നാണ് നാം പത്തും ഇരുപതും മൈല്‍ അകലെ "നിലവാരമുള്ള" സ്കൂളുകളിലേക്ക് കുഞ്ഞുങ്ങളെ അയക്കുന്നത്.

12/7/2009 ലെ ദേശാഭിമാനി വാരാന്ത്യപ്പതിപ്പില്‍ കെ.ഗിരീഷ്എഴുതിയ ലേഖനത്തില്‍ നിന്നും എടുത്ത ഒരു ഭാഗമാണ് മേല്‍ കൊടുത്തത്.
പ്രതികരിക്കുമല്ലോ?


Read More | തുടര്‍ന്നു വായിക്കുക

വളരെ വിലപ്പെട്ട ഒരു കമന്റ്...

Congrats..I have seen the news about your blog in Mathrubhumi daily today from KILA, Thrissur. Kindly ensure
continuity and I hope u can make it a grant success.

Shall write later..
Rgds,

Anvar (From mobile )

K Anvar Sadath
Executive Director, IT @ School Project


Read More | തുടര്‍ന്നു വായിക്കുക

ഇന്ന് ജൂലൈ 11 ലോക ജനസംഖ്യാദിനം

>> Friday, July 10, 2009



ജൂലൈ 11 ആണ് ലോക ജനസംഖ്യാ ദിനമായി ആചരിക്കുന്നത്. 1987 ജൂലൈ 11 ആണ് ലോക ജനസംഖ്യ 500 കോടിയിലെത്തിയത്. അതിനു ശേഷം ജൂലൈ 11 World Population Day ആയി ആചരിച്ചു പോരുന്നു. അടുത്ത 50 വര്‍ഷം കൊണ്ട് ലോകജനസംഖ്യ ഇരട്ടിച്ച് 1100 കോടിയിലെത്തുമെന്നാണ് ജനസംഖ്യാ വിദഗ്ധരുടെ കണക്കുകൂട്ടല്‍. ഐക്യരാഷ്ട്രസഭയുടെ മില്ലേനിയം വികസനലക്ഷ്യങ്ങളിലൊന്ന് 2015-ഓടെ ദാരിദ്ര്യവും പട്ടിണിയും പകുതിയായി കുറയ്ക്കുകയാണ്. ഈ ലക്ഷ്യം സാധ്യമാകണമെങ്കില്‍ ജനസംഖ്യയുടെ സ്ഫോടനാത്മകമായ വളര്‍ച്ച തടഞ്ഞേ മതിയാകൂ.
ദാരിദ്ര്യത്തിന് ആനുപാതികമായി ജനസംഖ്യയും ജനസംഖ്യയ്ക്ക് ആനുപാതികമായി ദാരിദ്ര്യവും വര്‍ദ്ധിക്കുന്നു എന്നതാണ് പോയ നൂറ്റാണ്ടുകള്‍ ലോകത്തിനു നല്‍കിയ പാഠം. ജനസംഖ്യയ്ക്കൊപ്പം ദാരിദ്ര്യവും കുറയ്ക്കാമെന്ന തിരിച്ചറിവിന്റെ ഓര്‍മ്മപ്പെടുത്തലാണ് ലോക ജനസംഖ്യാ ദിനാചരണത്തിന്റെ ലക്ഷ്യം. 1991 ലെ സെന്‍സസ് പ്രകാരം 84 കോടിയായിരുന്നു ഇന്‍ഡ്യയിലെ ജനസംഖ്യ. എന്നാല്‍ 2000 മേയ് 11 ന് നമ്മുടെ രാജ്യത്തെ ജനസംഖ്യ 100 കോടി തൊട്ടു. ഇങ്ങനെ പോയാല്‍ താമസിക്കുന്നതിനുള്ള സ്ഥലവും ഭക്ഷണവും എവിടെ നിന്ന് ലഭിക്കും..? ഭൂമിക്കടിയിലും ചന്ദ്രനിലും അന്യഗ്രഹങ്ങളിലുമൊക്കെ പോയി താമസിക്കേണ്ട അവസ്ഥ അതിവിദൂരമല്ല എന്ന് ഈ പോപ്പുലേഷന്‍ ഡേ നമ്മെ ഓര്‍മ്മിപ്പിക്കുന്നു.


Read More | തുടര്‍ന്നു വായിക്കുക

പാലിന്‍ഡ്രോം സംഖ്യകള്‍


രണ്ടു വശത്തു നിന്നും വായിക്കാന്‍ കഴിയുന്ന പദം, സംഖ്യ, പദ സമൂഹം, അതു പോലെയുള്ള യൂണിറ്റുകളാണ് പാലിന്‍ഡ്രം അഥവാ അനുലോമവിലോമപദം (സാധാരണയായി കുത്ത്, കോമ എന്നിവയും വിടവ് എന്നിവയും അനുവദിക്കപ്പെടുന്നു), പാലിന്ഡ്രത്തിലുള്ള സാഹിത്യ രചന constrained writing ന് ഉദാഹരണമാണ്.പിറക് എന്നര്‍ത്ഥമുള്ള palin, വഴി, മാര്‍ഗ്ഗം എന്നര്‍ത് ഥമുള്ള dromos എന്നീ ഗ്രീക്കു പദങ്ങളില്‍ നിന്ന് ബെന്‍ ജോണ്‍സണ്‍ എന്ന ഇംഗ്ലീഷ് എഴുത്തുകാരന്‍ 1600 കളിലാണ് പാലിന്ഡ്രം എന്ന പദം രൂപപ്പെടുത്തിയത്.ഈ പ്രതിഭാസത്തെ വിവരിക്കാനുള്ള യഥാര്‍ത്ഥ ഗ്രീക്കു പദ സമൂഹം ’ഞണ്ട് ലിഖിതം’ ( karkinikê epigrafê) അല്ലെങ്കില്‍ വെറും ‘ഞണ്ട്’(karkiniêoi) എന്നാണ് ഞണ്ടിന്റെ പിറകോട്ടുള്ള ചലനം പരാമര്‍ശിച്ചു കൊണ്ടാണ് . ഞണ്ടിന്റെ പിറകോട്ടുള്ള ചലനം പോലെ പാലിന്‍ഡ്രത്തില്‍ ലിഖിതങ്ങള്‍ പിറകോട്ട് വായിക്കപ്പെടുന്നു

മലയാളത്തിലെ പാലിന്‍ഡ്രങ്ങള്‍
* കരുതല വിറ്റ് വില തരുക.
* വികടകവി
* ജലജ
* കത്രിക
* മോരു തരുമോ
* പോത്തു ചത്തു പോ

മഹിമ കണിക കറുക കലിക കക്കുക കത്തുക കപ്പുക
ആംഗലേയത്തിലെ പാലിന്‍ഡ്രങ്ങള്‍
* malayalam
* amma

സംഖ്യകള്‍
മുന്‍പോട്ടു വായിച്ചാലും പിന്നോട്ടു വായിച്ചാലും ഒരുപോലെ തോന്നുന്ന സംഖ്യകളാണ് പാലിന്‍ഡ്രോം സംഖ്യകള്‍.
*12321,
*94549,

Click here for know more about Palindrome
അപൂര്‍വ്വം ചില പാനിന്‍ഡ്രോം സംഖ്യകള്‍ക്ക് പിന്നെയും പ്രത്യേകതകളുണ്ട്.
11, 101, 1001 എഴുതി നോക്കാം.
112 = 121
1012 = 10201
10012 = 1002001
ഇവയ്ക്കുമില്ലേ നേരത്തേ പറഞ്ഞ പ്രത്യേകത
?
121, 10201, 1002001
ഇവ രണ്ടു ഭാഗത്തേക്ക് വായിച്ചാലും ഒരേ സംഖ്യ തന്നെ.
ഇവയുടെ ഘനങ്ങള്‍
(Cube) എഴുതി നോക്കാം
113 = 1331
1013 = 1030301
10013 = 1003003001
1331, 1030301, 1003003001
ഇവയും ഇടത്തോട്ടും വലത്തോട്ടും വായിച്ചാല്‍ ഒരേപോലെ വരുന്ന സംഖ്യകളാണ്.

    (എല്ലാ പാലിന്‍ഡ്രോം സംഖ്യകള്‍ക്കും ഇതവകാശപ്പെടാനാവില്ല, കേട്ടോ) ഇതു പോലുള്ള സംഖ്യകള്‍ മറ്റെന്തെങ്കിലുമുണ്ടോയെന്ന് കണ്ടുപിടിക്കാമോ?


Read More | തുടര്‍ന്നു വായിക്കുക

ഒരു കോണിനെ സ്കെയിലും കോമ്പസും ഉപയോഗിച്ച് 3 സമഭാഗങ്ങളാക്കാമോ?



പ്രിയപ്പെട്ട കുട്ടികളേ, ഇതാ നിങ്ങള്‍ക്കൊരു അസൈന്‍മെന്റ്.. ഒരു കോണിനെ സ്കെയിലും കോമ്പസ്സും മാത്രം ഉപയോഗിച്ചു കൊണ്ട് രണ്ട് തുല്യഭാഗങ്ങളാക്കി മാറ്റാന്‍ ഇപ്പോഴത്തെ പത്താം ക്ലാസ് പാഠപുസ്തകത്തിലും പുതിയ എട്ടാം ക്ലാസ് പാഠപുസ്തകത്തിലുമൊക്കെ നിങ്ങള്‍ പഠിക്കുന്നുണ്ട്. എന്നാല്‍ നമ്മുടെ അസൈന്‍മെന്റ് അതല്ല. തന്നിരിക്കുന്ന ഒരു കോണിനെ സ്കെയിലും കോമ്പസ്സും മാത്രം ഉപയോഗിച്ചു കൊണ്ട് 3 തുല്യഭാഗങ്ങാക്കി മാറ്റണം. ഉദാഹരണത്തിന് നിങ്ങള്‍ക്ക് തന്നിരിക്കുന്നത് 72 ഡിഗ്രി കോണാണെങ്കില്‍ നിങ്ങളതിനെ 24 ഡിഗ്രി വീതമുള്ള 3 സമഭാഗങ്ങളാക്കി മാറ്റണം. നിങ്ങള്‍ക്കൊരു ഗണിതശാസ്ത്രജ്ഞനാകാനുള്ള അവസരമാണ് ഈ ബ്ലോഗിലൂടെ ഞങ്ങളൊരുക്കുന്നത്. എന്താണെന്നറിയേണ്ടേ? അതിനായി Comments ല്‍ നോക്കുക



Read More | തുടര്‍ന്നു വായിക്കുക

ഈസിയായി ഫ്ലാഷ് പ്ലേയര്‍ ഇന്‍സ്റ്റാള്‍ ചെയ്യാം

>> Wednesday, July 8, 2009


മുന്‍പൊരിക്കല്‍ ലിനക്സില്‍ ഫ്ലാഷ് പ്ലേയര്‍ ഇന്‍സ്റ്റാള്‍ ചെയ്യുന്നതിനുള്ള മാര്‍ഗം ഒരു പോസ്റ്റിലൂടെ വിശദീകരിച്ചിരുന്നു. എന്നാല്‍ അതു പ്രകാരം പലര്‍ക്കും നമ്മുടെ ഐ.ടി അറ്റ് സ്ക്കൂള്‍ Gnu/Linux ല്‍ ഇന്‍സ്റ്റാള്‍ ചെയ്യാന്‍ കഴിഞ്ഞില്ലെന്ന് പറഞ്ഞിരുന്നു. ഇതിനെപ്പറ്റി ധാരാളം പേരോട് ഞങ്ങള്‍ അന്വേഷിക്കുകയുണ്ടായി. ഒടുവില്‍ എറണാകുളത്തെ വളരെ പ്രഗത്ഭനായ PHP/പൈത്തണ്‍ പ്രോഗ്രാമറും ILUG Cochin Community യിലെ പ്രമുഖ സംഘാടകനുമായ ശ്രീനാഥില്‍ നിന്ന് ആ പ്രശ്നത്തിന് ഒരു പരിഹാരം ലഭിക്കുകയും ചെയ്തു. ഫ്ലാഷ് പ്ലേയര്‍ 10 ഐ.ടിഅറ്റ് സ്ക്കൂള്‍ ഗ്നു/ലിനക്സില്‍ വര്‍ക്കു ചെയ്യില്ലെന്നും അത് ഡെബിയന്റെ ഏറ്റവും പുതിയ വേര്‍ഷനായ ലെനിയിലേക്ക് അപ്ഗ്രേഡ് ചെയ്താല്‍ മാത്രമേ ഇന്‍സ്റ്റാള്‍ ചെയ്യാനാകൂയെന്നും അദ്ദേഹം പറഞ്ഞു. (ഈ വിവരം ശ്രീനാഥിന്റെ www.hackingwithdebian.blogspot.com എന്ന ബ്ലോഗില്‍ ലഭ്യമാണ്) അപ് ഗ്രേഡ് ഐ.ടിഅറ്റ് സ്ക്കൂള്‍ ലിനക്സില്‍ ഫ്ലാഷ് പ്ലേയര്‍ വര്‍ക്കു ചെയ്യിക്കുന്ന വിധവും അദ്ദേഹം ഞങ്ങള്‍ക്കു പറഞ്ഞു തന്നു

താഴെയുള്ള ലിങ്കില്‍ നിന്നും Flash Playerന്റെ ഡെബിയന്‍ പാക്കേജ് കമ്പ്യൂട്ടറിന്റെ Desktop ലേക്ക് Download ചെയ്തിടുക

ഫ്ലാഷ് പ്ലേയറിന് വേണ്ടി ഇവിടെ ക്ലിക്ക് ചെയ്യുക.

ഈ ഫയല്‍ Desktop ല്‍ Extract ചെയ്ചിടുക
Extract ചെയ്യപ്പെട്ട Folder Open ചെയ്ത് അതിലെ flashplayer-installer എന്ന ഫയലില്‍ Double click ചെയ്യുക
Run in Terminal
Enter അടിക്കുക (ഇന്‍സ്റ്റലേഷന്‍ ആരംഭിക്കാന്‍)
Enter അടിക്കുക (Work ചെയ്യുന്ന മറ്റ് Browser കള്‍ Close ചെയ്തശേഷം)
/usr/lib/iceweasel എന്ന് ടൈപ്പ് ചെയ്ത് Enter അടിക്കുക (ബ്രൗസറിന്റെ Path കാണിക്കാന്‍)
y എന്ന് Type ചെയ്ത് Enter അടിക്കുക (ഫ്ലാഷ് പ്ലേയര്‍ ഇന്‍സ്റ്റാള്‍ ചെയ്യാന്‍)
n എന്ന് Type ചെയ്ത് Enter അടിക്കുക (മറ്റെന്തെങ്കിലും ഇന്‍സ്റ്റാള്‍ ചെയ്യാനുണ്ടോ?)
ഫ്ലാഷ് പ്ലേയര്‍ ഇന്‍സ്റ്റാള്‍ ആയോ? ടെസ്റ്റ് ചെയ്യാം...
Applications-internet-Iceweasel തുറന്ന് Address Bar ല്‍ About:Plugins എന്ന് Type ചെയ്ത് Enter അടിക്കുക
ബ്രൗസറില്‍ Shockwave Flash - Enabled “Yes” എന്നു കണ്ടാല്‍ ഉറപ്പിച്ചോളൂ.
Flash Player Installation Success!!!!!!!!!!!!!!!!!!!!

മുന്‍പ് സ്ക്കൂള്‍ ലിനക്സില്‍ മറ്റൊന്നും ഇന്‍സ്റ്റാള്‍ ചെയ്ത് പരിചയമില്ലാത്തവര്‍ Help File നുവേണ്ടി ഇവിടെ ക്ലിക്ക് ചെയ്യുക


Read More | തുടര്‍ന്നു വായിക്കുക

ഐ.ടി@സ്ക്കൂള്‍ ലിനക്സിലെ Dr.Geo യോടൊപ്പം നല്‍കിയിട്ടുള്ള ഉദാഹരണങ്ങള്‍ കാണുന്ന വിധം

>> Tuesday, July 7, 2009




Dr.Geo തുറന്ന് എങ്ങനെ ഉദാഹരണങ്ങള്‍ കാണാന്‍ കഴിയും എന്നതിനെപ്പറ്റി ഒരു അദ്ധ്യാപിക അറിയാനാഗ്രഹം പ്രകടിപ്പിച്ചിരുന്നു. ഡ്രോയിങ്ങ് ജ്യോമെട്രി (Drawing Geometry) എന്നതിന്റെ ചുരുക്കരൂപമാണ് Dr.Geo എന്നറിയാമല്ലോ. Mathematics നും Physics നും ഏറെ ഉപകാരപ്രദമായ നിരവധി ഉദാഹരണങ്ങള്‍ ഐ.ടി@സ്ക്കൂള്‍ ഗ്നു/ലിനക്സില്‍ പ്രവര്‍ത്തിക്കുന്ന Dr.Geoല്‍ ഉണ്ട്. അന്തര്‍വൃത്തവും പരിവൃത്തവും സദൃശത്രികോണങ്ങളും തുടങ്ങി പരാബൊളയും എലിപ്സും ലെന്‍സ് ഫോക്കസിങ്ങുമെല്ലാം ഇതിലുണ്ട്. എങ്ങനെ അത് പ്രവര്‍ത്തിപ്പിക്കാമെന്നു നോക്കാം.

.ടി@സ്ക്കൂള്‍ ഗ്നു/ലിനക്സ് Applications എന്ന മെനുവില്‍ നിന്നും Education എന്ന സബ്മെനുവിലെ Dr.Geo ല്‍ ക്ലിക്ക് ചെയ്യുക.
ഈ സമയം തുറന്നു വരുന്ന Dr.Geoയുടെ മെനുബാറിലെ File മെനുവില്‍ നിന്നും Open ക്ലിക്ക് ചെയ്യുക.
ഈ വിന്റോയിലെ Homeല്‍ ക്ലിക്ക് ചെയ്യുമ്പോള്‍ വരുന്ന ../ ല്‍ ഡബിള്‍ ക്ലിക്ക് ചെയ്യുക.
../ നു താഴേക്ക് Scroll ചെയ്ത് usr ല്‍ ഡബിള്‍ ക്ലിക്ക് ചെയ്യുക
അതിലെ share/ ല്‍ ഡബിള്‍ ക്ലിക്ക് ചെയ്യുക
താഴേക്ക് Scroll ചെയ്യുമ്പോള്‍ drgeo/ കാണാം. താഴേക്ക് Scroll ചെയ്യുമ്പോള്‍ examples/ കാണാം.
അതിലെ Figures/ ല്‍ ക്ലിക്ക് ചെയ്തു നോക്കൂ...
നമുക്കാവശ്യമായ നിരവധി ചിത്രങ്ങള്‍ ഇതില്‍ കാണാം.
ഉദാഹരണത്തിന്
cercle-inscrit.fgeo യില്‍ ഡബിള്‍ ക്ലിക്ക് ചെയ്തു നോക്കുക. അന്തര്‍വൃത്തവും കോണിന്റെ സമഭാജിയുമെല്ലാം കാണാം.
Control കീയും W യും കൂടി ഒരേ സമയം അമര്‍ത്തിയാല്‍ ഈ ചിത്രം Close ചെയ്യാം.
വീണ്ടും File-Open എടുത്താല്‍ ഉദാഹരണങ്ങള്‍ ഓരോന്നും ഇതേ ക്രമത്തില്‍ കാണാം. ഫിസിക്സിലെ ലെന്‍സ് ഫോക്കസിങ്ങും ഈ ഉദാഹരണങ്ങളുടെ കൂട്ടത്തിലുണ്ട്.

Examples Path: usr/share/drgeo/examples/figures


Read More | തുടര്‍ന്നു വായിക്കുക
♡ Copying is an act of love. Love is not subject to law. - 2016 | Disclaimer