ടാക്സ് കണക്കുകൂട്ടുമ്പോള്‍ പേ റിവിഷന്‍ അരിയര് മുഴുവനും കൂട്ടേണ്ടെന്നോ?
>> Wednesday, February 29, 2012
“ന്റെ ദാക്ഷായണിട്ടീച്ചറേ.......... ഇങ്ങനൊരു കൊലച്ചതി എന്നോട് ചെയ്യാന് പാടുണ്ടോ..? ആകെ കയ്യീ കിട്ടിയ കാശ് വട്ടച്ചെലവിന് മുട്ട്ണില്ല്യ, അപ്പോഴാ ടാക്സ്ന്ന് പറഞ്ഞ് രൂപ 9200 ഈ മാസം ശമ്പളത്തീന്ന് പിടിക്കൂത്രേ. സംഗതി അരിയറ്ന്ന് പറഞ്ഞിട്ട് രൂപ 55000 പോന്നിട്ടുണ്ട്. എന്താ കാര്യം ..!! പത്ത് പൈസ കയ്യില് കിട്ടീട്ടില്ല്യ, പി.എഫ്.ലേക്കാ പോയേ, ഇപ്പോ അതിനും കൊടുക്കണത്രേ ടാക്സ്". ലോനപ്പന്‍ നായരുടെ ശബ്ദം ഉച്ചത്തിലായപ്പോ എച്ച്.എം. ഉം വിട്ടില്ല്യ. “ അല്ല നായരേ, 10 E വെച്ച് ഒരു പിടിപിടിച്ച് റിലീഫിന് പയറ്റി നോക്കാലോ”. “10 E .... കുന്തം, അത് വായിച്ചോക്കി, ഒരക്ഷരം എനിക്ക് മനസ്സിലായില്ല്യ” വിദ്യാലയങ്ങളില്‍ ഫെബ്രുവരി മാസങ്ങളില്‍ പൊതുവേ ഉയര്‍ന്നു കേള്‍ക്കാറുള്ള രോദനത്തിന്റെ മുറിക്കഷ്ണമാണ് (ക്ളിപ്പിങ്ങ്സ്) മേലെ കേട്ടത്.സാധാരണയായി ലഭിക്കുന്ന 12 മാസത്തെ ശമ്പളവും മറ്റു ആനുകൂല്യങ്ങളും, പിന്നെ കുടിശികയും ചേര്‍ന്നതാണ് ഒരു സാമ്പത്തിക വര്‍ഷത്തെ മൊത്തം വരുമാനം. ഇതില്‍ കുടിശിക ലഭിച്ചതില്‍ മുന്‍ സാമ്പത്തിക വര്‍ഷങ്ങളില്‍ ലഭിക്കേണ്ടിയിരുന്ന തുകകളുണ്ടെങ്കില്‍, സ്വാഭാവികമായും നടപ്പു സാമ്പത്തിക വര്‍ഷത്തെ നികുതി ബാധ്യത കൂടുതലായിരിക്കും. [ഉദാ - 01-07-2009 മുതലുള്ള ശമ്പള പരിഷ്ക്കരണത്തിന്റെ കുടിശിക 2011-12 സാമ്പത്തിക വര്‍ഷത്തിലാണ് എല്ലാവര്‍ക്കും ലഭിച്ചത് (ഇനിയും ലഭിക്കാത്തവര്‍ സദയം ക്ഷമിക്കുക)]. ലഭിക്കുവാനുള്ള തുകകള്‍ അതാതു സാമ്പത്തിക വര്ഷം തന്നെ ലഭിച്ചിരുന്നെങ്കില്‍ കുടിശികയും അതോടനുബന്ധിച്ചുണ്ടാകുന്ന നികുതി പ്രശ്നങ്ങളും ഉദിക്കുമായിരുന്നില്ല. ഇക്കാരണത്താല്‍ തന്നെ ഇങ്ങനെയുള്ളവര്‍ക്ക് ഇന്‍കം ടാക്സ് നിയമത്തിന്റെ 89(1) വകുപ്പുപ്രകാരം റിലീഫ് അനുവദിക്കുന്നുണ്ട്. ഇങ്ങനെ ലഭിക്കുന്ന റിലീഫ് നടപ്പു സാമ്പത്തിക വര്ഷം കൊടുക്കാനുള്ള മൊത്തം ടാക്സില്‍ നിന്നും കുറച്ച് ബാക്കി തുക ടാക്സായി നല്കിയാല്‍ മതി. അതിനെക്കുറിച്ച് വിശദീകരിക്കുന്ന ഈ ലേഖനം തയ്യാറാക്കി നല്‍കിയത് തൃശൂര്‍ വാടാനപ്പിള്ളി KNMVHS ലെ കൊമേഴ്സ് വിഭാഗം അധ്യാപകനായ വി.എ ബാബു സാറും അദ്ദേഹത്തിന്റെ സുഹൃത്തായ റാംജി സാറും കൂടിയാണ്. ടാക്സ് കാല്‍ക്കുലേറ്റ് ചെയ്യുന്നതിനായി ബാബു സാര്‍ (ബാബു വടക്കുംചേരി) തയ്യാറാക്കിയ ഇന്‍കം ടാക്സ് കാല്‍ക്കുലേറ്റര്‍ ബ്ലോഗില്‍ നിന്ന് നേരത്തേ ഡൗണ്‍ലോഡ് ചെയ്തിട്ടുണ്ടാകുമല്ലോ.
റിലീഫ് എങ്ങിനെ കണക്കാക്കാം എന്നതാണ് താഴെ ഉദാഹരണ സഹിതം വിവരിക്കാന്‍ ശ്രമിക്കുന്നത്. ഈ വിവരണങ്ങളൊന്നും ആധികാരികമായി കണക്കാക്കരുത്. ഒരു വഴികാട്ടി എന്ന നിലയില്‍ മാത്രം കണ്ടാല്‍ മതി. തീര്‍ച്ചയായും സംശയങ്ങള്‍ ഉണ്ടാകണം. സംശയങ്ങള്‍ ഉണ്ടായില്ലെങ്കില്‍ ഈ റോക്കറ്റ് ലക്ഷ്യം കാണാതെ എതെങ്കിലും കടലില്‍ പതിച്ചു എന്ന് കരുതാം. എന്തൊക്കെയായാലും കൂടുതല്‍ അറിവുള്ളവരോട് കൂടി ചര്‍ച്ച ചെയ്ത ശേഷം മാത്രമേ നമ്മുടെ ഇന്‍കം ടാക്സ് കാല്‍ക്കുലേറ്റ് ചെയ്തു നല്‍കാവൂ എന്ന കാര്യം അടിവരയിട്ട് ഓരോ വായനക്കാരേയും ഓര്‍മ്മിപ്പിക്കുന്നു. ചില ഉദാഹരണങ്ങള്‍ സഹിതം നമുക്കിത് വിശദമാക്കാന്‍ ശ്രമിക്കാം. (ഈ പോസ്റ്റിന്റെ പി.ഡി.എഫും ചുവടെ നല്‍കിയിട്ടുണ്ട്.)
ശ്രീ. ലോനപ്പന്‍ നായര്‍ക്ക് 2011-12 സാമ്പത്തിക വര്‍ഷത്തില്‍ (നടപ്പു സാമ്പത്തിക വര്ഷം) 01-07-2009 മുതലുള്ള ശമ്പള പരിഷ്ക്കരണ കുടിശികയായ 55,973/- രൂപയടക്കം 3,71,844/- രൂപ ലഭിച്ചു. കുടിശികയുടെ സാമ്പത്തിക വര്‍ഷാടിസ്ഥാനത്തിലുള്ള കണക്ക് താഴെ കാണും വിധമാണ്.
ശ്രീ.ലോനപ്പന്‍ നായര്‍ നല്‍കേണ്ട നികുതിയും, കുടിശികയുമായി ബന്ധപ്പെട്ടുള്ള സെക്ഷന്‍ 89(1) പ്രകാരമുള്ള നികുതിയിളവും കാണുന്നതെങ്ങിനെയെന്നു നോക്കാം.
(വലുതായി കാണാന്‍ ചിത്രത്തില്‍ ക്ലിക്ക് ചെയ്യുക)
9,202/- രൂപ നികുതിയായി നല്കണമെന്ന് കണ്ട് ലോനപ്പന്‍ നായര്‍ ഞെട്ടാനും വിയര്‍ക്കാനുമിടയുണ്ട്. കറങ്ങുന്ന ഒരു ഫാനിന് കീഴെ അദ്ദേഹത്തെ ഇരുത്തി നമുക്ക് ഇന്‍കംടാക്സിന്റെ 10 E മന്ത്രം ചൊല്ലി കേള്‍പ്പിക്കാം. ഇനിയെന്തുണ്ടാകുമെന്ന് അകലെ നിന്ന് നിരീക്ഷിക്കാം.
നടപടി 2 : മുന്‍ സാമ്പത്തിക വര്‍ഷങ്ങളുമായി ബന്ധപ്പെട്ട കുടിശികയായ 53,479/- രൂപ ഒഴിവാക്കി നടപ്പു സാമ്പത്തിക വര്‍ഷത്തെ നികുതി കണക്കാക്കുക
മുകളില്‍ കാണിച്ച രണ്ട് നടപടികളില്‍ നിന്നും ലോനപ്പന്‍ നായര്‍ക്ക് ഒരു കാര്യം പിടികിട്ടി. 53,479/- രൂപ നടപ്പു സാമ്പത്തിക വര്ഷം (2011-12) ലഭിച്ചതുകൊണ്ടാണ് തനിക്ക് 9202/- രൂപയുടെ നികുതി വന്നത്. അല്ലെങ്കില്‍ ആകെ അടക്കേണ്ടി വരിക 3695/- രൂപ മാത്രമാകുമായിരുന്നു. എന്ന് വെച്ച് 3695/- രൂപ മാത്രം നികുതിയായടച്ച് തടി തപ്പാമെന്ന് കരുതിയാല്‍ തെറ്റി. കാരണം ഇതിന് ഒരു മറുവശം കൂടിയുണ്ട്. പൂള്ളിക്കാരന്റെ 2009-10, 2010-11 വര്‍ഷങ്ങിലെ വരുമാനം താരതമ്യേന കുറവും, നികുതിയടവ് യഥാക്രമം പൂജ്യവും, 2297/- രൂപയുമായിരുന്നു. പക്ഷേ ഇപ്പോള്‍ കൂടിശികയായി ലഭിച്ച തുക അതതു സാമ്പത്തിക വര്‍ഷങ്ങളില്‍ ലഭിച്ചിരുന്നെങ്കിലോ ? കഥ മാറിയതു തന്നെ സസ്പെന്‍സ് നീങ്ങുവാന്‍ തുടര്‍ന്നുള്ള നടപടി 3,4 എന്നിവ കാണുക.
നടപടി 3 : 2009-10, 2010-11 എന്നീ വര്‍ഷങ്ങളില്‍ ശ്രീ. ലോനപ്പന്‍ നായര്‍ നല്കിയ ഇന്‍കംടാക്സ് സ്റേറ്റ്മെന്റുകള്‍ പൊടി തട്ടിയെടുത്തു (അലര്‍ജിയുള്ളവര്‍ ഇല്ലാത്തവരെക്കൊണ്ട് ചെയ്യിക്കുക) നോക്കാം. ഈ വര്‍ഷങ്ങളിലെ സ്റേറ്റ്മെന്റ് അതേപടി പകര്‍ത്തുക
നടപടി 4 : ഇനി നടപ്പു സാമ്പത്തിക വര്‍ഷത്തില്‍ (2011-12) ലഭിച്ച കുടിശികകള്‍ അതതു വര്‍ഷങ്ങളിലെ വരുമാനത്തോട് ചേര്‍ത്ത് നികുതി പുനര്‍നിര്‍ണ്ണയിച്ചാലോ
ഇതെന്താപ്പ കഥ ! ഇപ്പോള്‍ കുടിശികയായി ലഭിച്ച തുകകള്‍ സമയാസമയങ്ങളില്‍ ലഭിച്ചിരുന്നെങ്കില്‍ ലോനപ്പന്‍ നായര്‍ 3686/ രൂപ [(0+5983) – (0+2297)] കഴിഞ്ഞ രണ്ട് വര്‍ഷങ്ങളിലും കൂടി കൂടുതലായി നല്കണമായിരുന്നു. ഈ നികുതി അപ്പോള്‍ നല്കാത്തതുകൊണ്ട് (നമ്മുടെ കുറ്റംകൊണ്ടല്ല) ഇപ്പോള്‍ കൊടുക്കേണ്ടതായിട്ടുണ്ട്. ഈ വസ്തുത കൂടി കണക്കിലെടുത്താണ് ലോനപ്പന്‍ നായരുടെ ഈ സാമ്പത്തിക വര്ഷം ലഭിക്കാവുന്ന റിലീഫ് കണ്ടെത്തുന്നത്.
# കുടിശികയായി ലഭിച്ച തുകയായ 53,479/- രൂപ പി.എഫ്. ലേക്കാണ് പോയിരിക്കുന്നത്. ഇത് 2011-12 സാമ്പത്തിക വര്‍ഷത്തെ ചാപ്റ്റര്‍ 6 എ യില്‍ വരുന്ന ആകെ കിഴിവില്‍ ഉള്‍പ്പെട്ടിട്ടുണ്ട്. എന്നാല്‍ ഈ തുക 2009-10, 2010-11 എന്നീ സാമ്പത്തിക വര്‍ഷങ്ങളില്‍ ലഭിച്ചിരുന്നെങ്കില്‍, ആ സാമ്പത്തിക വര്‍ഷത്തെ ചാപ്റ്റര്‍ 6എ യില്‍ കിഴിവായി വരുമായിരുന്നില്ലേ എന്ന ചോദ്യം പ്രസക്തമാണ്. എന്നാല്‍ ഈ തുക മുന്‍ വര്‍ഷങ്ങിലെ പി.എഫ്. അക്കൌണ്ടിലേക്ക് ഒരു വിധത്തിലും വരവു വെക്കുവാന്‍ സാധിക്കുകയില്ല. എന്തെന്നാല്‍ ഇത് ലഭിച്ചത് ഈ സാമ്പത്തിക വര്‍ഷമാണ്; അത് ഈ വര്‍ഷത്തെ പി.എഫ് അക്കൌണ്ടില്‍ വരവു വെച്ചിട്ടുമുണ്ട്. (നിങ്ങളുടെ ബാങ്ക് അക്കൌണ്ടില്‍ 16-02-2010 തിയ്യതിയില്‍ 5000/- രൂപ നിക്ഷേപിച്ചതായി കാണിക്കണമെന്ന് ആവശ്യപ്പെട്ട് 30-03-2012ല്‍ പൈസയുമായി ബാങ്കില്‍ ചെന്നാല്‍, ബാങ്ക് അധികൃതര്‍ സമ്മതിക്കുമോ എന്നാലോചിച്ചാല്‍ മതി) അതുകൊണ്ടാണ്, മേല്‍ ടേബിളില്‍, 6എ പ്രകാരമുള്ള കിഴിവില്‍ ഈ തുക ചേര്‍ക്കാതിരിക്കുന്നത്.
നടപടി 5 : റിലീഫ്, അതിനുള്ള ഫോമുകളുപയോഗിച്ച് താഴെ കാണുവിധം കണക്കാക്കുക.
(ഫോമില്‍ മലയാളത്തില്‍ കാണിച്ചിരിക്കുന്നത് ഫോമിന്റെ ഭാഗമല്ല; എളുപ്പത്തില്‍ മനസ്സിലാകുവാന്‍ ഉദ്ദേശിച്ചുള്ളതാണ്)
അതായത് ആകെ 7,381/- രൂപയേ (9202-1821) ലോനപ്പന്‍ നായര്‍ ടാക്സായി 2011-12 ല്‍ നല്കേണ്ടതുള്ളൂ.
മേല്‍കാണിച്ച കണക്കുകൂട്ടലുകള്‍ ശ്രദ്ധയോടെ വായിച്ചു നോക്കിയല്ലോ. ചുരുക്കത്തില്‍ പറഞ്ഞാല്‍, കുടിശിക മുന്‍ സാമ്പത്തിക വര്‍ഷങ്ങളിലേക്ക് എടുക്കുമ്പോള്‍, ആ സാമ്പത്തിക വര്‍ഷങ്ങളില്‍ ടാക്സ് വരികയാണെങ്കില്‍, ആ ടാക്സ് ഒരു വിധത്തിലും ഒഴിവാക്കാന്‍ സാധിക്കുകയില്ല.
ശമ്പളം മുന്‍കൂറായി ലഭിച്ചാലും (ഒരു സാമ്പത്തിക വര്ഷം 12ല്‍ കൂടുതല്‍ മാസത്തെ ശമ്പളം ലഭിച്ചാല്‍ - 2010-11 സാമ്പത്തിക വര്‍ഷത്തില്‍ മാര്ച്ച് 2011ലെ ശമ്പളം ആ മാസം തന്നെ ലഭിച്ചതുകൊണ്ട്, മൊത്തം 13 മാസത്തെ ശമ്പളം ലഭിച്ചിരുന്നു) റിലീഫ് കണക്കു കൂട്ടുന്നത് ഇപ്രകാരം തന്നെയാണ്.
പ്രത്യേക അറിവിലേക്കായി
എതെല്ലാം സാമ്പത്തിക വര്‍ഷങ്ങിലേക്കാണോ കുടിശിക അഡ്ജസ്റ് ചെയ്യുന്നത്, ആ സാമ്പത്തിക വര്‍ഷങ്ങളില്‍ നിലവിലുണ്ടായിരുന്ന നികുതി നിരക്കുകളെയും, വിവിധ സെക്ഷനുകള്‍ പ്രകാരമുള്ള കിഴിവുകളെയും കുറിച്ചുള്ള അവബോധം ഉണ്ടായിരിക്കണം. പരിഭ്രമിക്കേണ്ട; ഇവയെല്ലാം www.incometaxindia.gov.in എന്ന വെബ്സൈറ്റില്‍ ലഭ്യമാണ്. 2009-10 മുതലുള്ള സാമ്പത്തിക വര്‍ഷങ്ങളിലെ നികുതി നിരക്കുകള്‍ അറിവിലേക്കായി ഇവിടെ ചേര്‍ത്തിരിക്കുന്നു.
മേല്‍ സാമ്പത്തിക വര്‍ഷങ്ങളിലെല്ലാം Education Cess ആയി നികുതിയുടെ 3 ശതമാനം കൂടി കൂട്ടി നല്കണം.
മേല്‍ചൂണ്ടിക്കാണിച്ച കാര്യങ്ങള്‍ വ്യക്തമായി വായിക്കാനായില്ലെങ്കില്‍ ഇവിടെ നിന്നും പി.ഡി.എഫ് ഫയല്‍ ഡൗണ്‍ലോഡ് ചെയ്ത് വായിക്കുകയും ചെയ്യാം.
Income Tax Form No. 10E
ബാബു സാര്‍ തയ്യാറാക്കിയ ഇന്‍കംടാക്സ് കാല്‍ക്കുലേറ്റര്‍ ഇതേ വരെ ഉപയോഗിച്ചിട്ടില്ലാത്തവര്‍ക്ക് ചുവടെ നിന്നും ഡൗണ്‍ലോഡ് ചെയ്തെടുക്കാം.
Directions | EC Tax - Excel Program (Windows based)
Relief Calculator (Reduce Tax on arrear) 10E forms made simple - Prepared by Abdurahiman, HSST (Senior) in Commerce, Govt Girls HSS, BP Angadi, Tirur
Tax Relief Calculator:Prepared by Sudheer Kumar T K, Headmaster, KCALPS School, Eramangalam, Balussery and Rajan E, Headmaster, A M L P School, Balussery
ഓരോരുത്തരുടേയും വരവും ചെലവും നിക്ഷേപങ്ങളുമെല്ലാം വ്യത്യസ്തങ്ങളായിരിക്കും. പൊതുവായ ഒരു മാര്‍ഗരേഖയ്ക്കോ നിര്‍ദ്ദേശത്തിനോ കീഴില്‍ അതിനെയൊരിക്കലും കൊണ്ടുവരാനാകില്ല. അതുകൊണ്ടു തന്നെ അവരവരുടെ കാര്യങ്ങളില്‍ അവരവര്‍ക്കു തന്നെ പരിപൂര്‍ണ ഉത്തരവാദിത്വം. മേല്‍ ചൂണ്ടിക്കാണിച്ചവയെല്ലാം ചില ചില ഉദാഹരണങ്ങള്‍ മാത്രം. കൂടുതല്‍ അറിവുള്ളവരോട് കൂടി ചര്‍ച്ച ചെയ്ത ശേഷം മാത്രമേ നമ്മുടെ ഇന്‍കം ടാക്സ് കാല്‍ക്കുലേറ്റ് ചെയ്തു നല്‍കാവൂ എന്ന കാര്യം വീണ്ടുമൊരിക്കല്‍ക്കൂടി ഓരോ വായനക്കാരേയും ഓര്‍മ്മിപ്പിക്കുന്നു.
182 comments:
krishi bhoomi vangiyathinte stamp paper amount varumanathil ninnu kurakkumo?
ടാക്സ് കണക്കു കൂട്ടുമ്പോള്‍ പേ റിവിഷന്റെ ഭാഗമായി ലഭിച്ച മുന്‍ വര്‍ഷങ്ങളിലെ അരിയറുകള്‍ ഈ വര്‍ഷത്തില്‍ കൂട്ടേണ്ടതില്ലെന്ന അറിവ് എനിക്ക് പുതിയതാണ്. എന്റെ ധാരണ പേ റിവിഷന്‍ അരിയറായി പി.എഫിലേക്കു പോയ തുക മുഴുവന്‍ ഈ വര്‍ഷത്തെ വരവായി കൂട്ടണമെന്നായിരുന്നു. ഇങ്ങനെയൊരു പോസ്റ്റ് ബാബു സാര്‍ തയ്യാറാക്കുന്നുവെന്നു പറഞ്ഞപ്പോഴും ഒരു പുതിയ അറിവായിരിക്കും അതെന്നു തോന്നിയിരുന്നില്ല. ഇതെക്കുറിച്ച് പലര്‍ക്കും അറിയില്ലായെന്നു തീര്‍ച്ച. കാരണം, സ്പാര്‍ക്ക് ബില്‍ ചെയ്തപ്പോള്‍ അഡ്വാന്‍സായി ഇന്‍കം ടാക്സ് അടക്കണമെന്നു പറഞ്ഞു കൊണ്ട് കഴിഞ്ഞ മാസം മുതല്‍ 10000 രൂപയുടെ ഗഡുക്കളായി ടാക്സ് അടച്ചു തുടങ്ങിയവരെ എനിക്കറിയാം. വളരെ ലളിതമായി ഒരു കഥ പോലെ ഈ വസ്തുത അവതരിപ്പിച്ചതിന് ബാബു സാറിന് പ്രത്യേക നന്ദി.
ഒരു ടാക്സ് കണ്‍സല്‍റ്റന്റിന്റെ അടുത്തു ചെന്നാല്‍ ആയിരങ്ങള്‍ ഫീസ് വാങ്ങി മാത്രം ചെയ്തു കിട്ടുന്ന സേവനം നിസ്വാര്‍ത്ഥമായി(വളരെ വിശദാംശങ്ങളോടെ) പങ്കുവെയ്ക്കുന്ന മഹാമനസ്സിന് ബാബുസാറിനും മാത്സ് ബ്ലോഗിനു ഒരായിരം നന്ദി.
1)മുന്‍വര്‍ഷങ്ങളില്‍ 80cയിലെ സാധ്യതകളുപയോഗിച്ചശേഷം നികുതി അടച്ചിട്ടുള്ള ഒരാള്‍ക്ക് 10 E കൊണ്ട് പ്രയോജനമില്ല..am i rt sir.?
2) ചില ഫോമുകളില്‍ education cess[ @3% +1%]of 14 (ie tax + surcharge) എന്ന് കാണുന്നു.postല്‍ 3% എന്നാണ്.ഒരു വിശദീകരണം തരുമോ.?
കേരളത്തിലെ ഏതാണ്ടെല്ലാ അദ്ധ്യാപകര്‍ക്കും സഹായമാകും ഇത്. വിദ്യാഭ്യാസ കാര്യങ്ങളിലും ഐടി കാര്യങ്ങളിലും നല്‍കുന്ന ഉപദേശം പോലെ വിലപ്പെട്ടതാണ് ഈ 10E ഫാറത്തെ പരിചയപ്പെടുത്തലും. ഞങ്ങളുടെയൊക്കെ അജ്ഞതയുടെ ആഴം അറിയാന്‍ മാത്സ് ബ്ലോഗ് എപ്പോഴും സഹായിക്കുന്നു.
ഒരു സർക്കാർ ജീവനക്കാരനാണ്. ഇരിപ്പിടം വാരിക വഴി ഇവിടെയെത്തി. ഇൻകം ടാക്സ് സംബന്ധിച്ച പോസ്റ്റ് ഉപകാരപ്രദം..നന്ദി
ഇതാണു മാഷെ അറിവു കൈമാറാനുള്ളതാണെന്നതിന്റെ ഏറ്റം മികച്ച ഉദാഹരണം
വളരെ ഉപകാരപ്രദമായ പോസ്റ്റ്
ബാബു കെ യു
ഒരിയ്ക്കല്‍കൂടി ഒന്ന് പ്രതികരിച്ചോട്ടെ..
എന്റെ ഈ മാസത്തെ ശമ്പളത്തിന്റെ കാല്‍ഭാഗത്തിലധികവും ഇന്‍കം ടാക്സിനത്തില്‍ പിടിക്കപ്പെടും.
മദ്യഭീമന്‍ വിജയ് മല്ല്യയ്ക്ക് വരെ ഇന്‍കം ടാക്സ് ഇളവ്..
നമ്മുടെ ടാക്സ് പിടിച്ച് ആ കാശ് മുഴുവന്‍ 2G, 3G, (ഒലക്കേടെ മൂട്..)പുട്ടടിക്കുന്ന കേന്ദ്രപുംഗവന്‍മാര്‍!!
നന്നാവില്ലെടോ...ഈ നാട് നന്നാവില്ല.
ഞാന് ഒരു വീട്ടില്‍ പ്രതിമാസം 4500 രൂപ വാടകയ്ക്ക് താമസിച്ചുവരികയാണ്. വീട്ടുടമയ്ക്ക് വാടക കൊടുത്തതിന്റെ റസീപ്റ്റ് വെച്ചാല്‍ ടാക്സബിള്‍ ഇന്‍കത്തില്‍ നിന്നും ആ തുക കുറയ്ക്കാമോ..?
ഹരിക്കും, മറ്റു ടീം അംഗങള്‍ക്കും,
താങ്ങള്‍ നല്‍കുന്ന സഹകരണത്തിന്നും, പ്രോത്സാഹനത്തിനും വളരെ നന്ദി. സമയോചിതമായി ലേഖനങള്‍ പോസ്റ്റു ചെയ്യുന്നതിനും അവ മികച്ച പ്രൊഫഷണല്‍ ചിട്ടയോടെ അവതരിപ്പിക്കുന്നതിനുമുള്ള പാടവം അഭിനന്തനാര്‍ഹം തന്നെ.
ബാബു വടുക്കുംചേരി
Sir,
We receive Hill tract allowance in every month.Is this taxable?if yes, where I add this in our software?
Dear Sukumash,
Any sums paid by You for the purpose of purchase or
construction of a residential house property, (The stamp duty, registration fee and other expenses incurred for the purpose
of transfer shall also be covered.) gets exemption under section 80C
babu vadukkumchery
Thank you chempakasseril
താങ്കള്‍ക്ക് ലേഖനം പ്രയോജനപ്രദമായി എന്നറിയുന്നതില്‍ വളരെ സന്തോഷമുണ്ട്.
ബാബു. വടുക്കുംചേരി
പ്രിയ തോമസ് സാര്‍,
1. മുന്‍ വര്‍ഷങളില്‍ തുടര്‍ച്ചയായി ടാക്സ് കൊടുക്കേണ്ടി വന്നിട്ടുള്ള ഒരാള്‍ക്ക്, അക്കാലങളിലേതുമായി ബന്ധമുള്ള അരിയറാണു ലഭിച്ചതെങ്കില്‍ 10-E യുടെ പ്രയോജനം ലഭിക്കില്ല.
2. നികുതി കണ്ടശേഷം അതിന്റെ(നികുതിയുടെ) 3% അതായത് (2+1)ശതമാനം ആണു എഡ്യൂക്കേഷന്‍ സെസ് എന്നതാണു ശരിയായിട്ടുള്ളത്.
ബാബു. വടുക്കുംചേരി.
നന്ദി സോമലതാ ഷേണായി
ബാബു. വടുക്കുംചേരി
Dear Viddiman,
Thank you.
BABU VADUKKUMCHERY
Dear Sajith sir,
താങ്കള്‍ വാക്കുകളില്ലൂടെ പകരുന്ന ഊര്‍ജ്ജം അളവറ്റതാണു.
ബാബു. വടുക്കുംചേരി.
ആദ്യമായി ബാബുസാര്‍ക്ക് നന്ദി,
ഞാന് ഈ സോഫ്റ്റ് വെയര്‍ ഉപയോഗിച്ച് എന്റെ ടാക്സ് കണക്കാക്കി.2000ത്തിലധികം രൂപ ടാക്സ് വരും എന്നറിഞ്ഞു. 10E സാധ്യതയെപ്പറ്റിയുള്ള കേട്ടുകേള്‍വി ഒന്ന് ഉറപ്പാക്കാന്‍ ശ്രീ ബാബൂ സാറെ ഫോണിലൊന്നു വിളിച്ചു,കൂടെ ഒരു സുഹൃത്തും ഉണ്ടായിരുന്നു.വിഷയം അവതരിപ്പിച്ചതും മറുപടി വളരെ വ്യക്തമായി ഒട്ടും അലോസരമില്ലാതെ.മറുപടിയില്‍ തന്നെ മനം നിറഞ്ഞു.ടാക്സ് അടക്കോണ്ടി വന്നാലും കുഴപ്പമില്ല,ഇത്രയും നല്ല മാഷെ പരിചയപ്പെടാനായല്ലോ.കൂട്ടുകാരന്റെ കമന്റ് ഇപ്പോഴും ഇത്രക്കും ക്ഷമയുള്ള ആള്‍ക്കാരുണ്ടോ?
അതാണ് അദ്ധ്യാപകന് ഒരു അമ്മ കുഞ്ഞിനോടെന്നപോലാണ് എപ്പോഴും അറിവ് കാംക്ഷിക്കുന്ന ഓരോരുത്തരോടും അദ്ധ്യാപകന്റെ സമീപനം.
10E സംബന്ധിച്ച ലേഖനം അതിമനോഹരമായിട്ടുണ്ട്.
അഭിനന്ദനങ്ങള്‍ മാഷെ
Dear Babu. K.U sir,
Thank you for the comment
Babu vadukkumchery
പ്രിയ ഹോംസ് സാര്‍,
താങ്കളുടെ പ്രതികരണത്തിന്റെ സ്ഫോടകശക്തി തിരിച്ചറിയാന്‍ അധികാര തലങള്‍ക്ക് കഴിയട്ടെ.
ബാബു. വടുക്കുംചേരി.
ശ്രീ ബാബൂ സാറെ ഫോണിലൊന്നു വിളിച്ചു.വിഷയം അവതരിപ്പിച്ചതും മറുപടി വളരെ വ്യക്തമായി ഒട്ടും അലോസരമില്ലാതെ.മറുപടിയില്‍ തന്നെ മനം നിറഞ്ഞു.ടാക്സ് അടക്കോണ്ടി വന്നാലും കുഴപ്പമില്ല,ഇത്രയും നല്ല മാഷെ പരിചയപ്പെടാനായല്ലോ.കൂട്ടുകാരന്റെ കമന്റ് ഇപ്പോഴും ഇത്രക്കും ക്ഷമയുള്ള ആള്‍ക്കാരുണ്ടോ?
പ്രിയ നിര്‍മ്മല്‍, എനിക്ക് ബാബു സാറിനെക്കുറിച്ച് പറയാനുള്ളതും അതു തന്നെയാണ്. "ഇത്രയും ക്ഷമയുള്ള ആളുകളുണ്ടോ?" എനിക്ക് എഴുതാനുള്ളത് മുഴുവന്‍ താങ്കളെഴുതിക്കഴിഞ്ഞു. "ടാക്സ് അടക്കോണ്ടി വന്നാലും കുഴപ്പമില്ല,ഇത്രയും നല്ല മാഷെ പരിചയപ്പെടാനായല്ലോ." താങ്കളുടെ കമന്റിന് എന്റെ വക ഒരു കയ്യൊപ്പ്.
Dear Sunil V Paul sir,
HILL TRACK ALLOWANCE IS TAXABLE.
IT IS TO BE ENTERED JUST NEAR TO PAY/DA/HRA IN SEPARATE COLUMN, WHERE "?" IS SHOWN AS HEADING.
SPECIAL NOTES IS GIVEN IN PAGE NO.2 OF OUR SOFTWARE ABOUT IT
BABU VADUKKUMCHERY
പ്രിയ നിര്‍മമല്‍,
പേരു പോലെ നിര്‍മ്മലമാണു താങ്കളുടെ മനസ്സും എന്ന് ഉറപ്പ്.
താങ്കള്‍ക്കും സുഹ്രുത്തിന്നും നന്ദി.
ബാബു. വടുക്കുംചേരി.
പ്രിയ ഗീതാസുധി മാഡം,
In respect of payment of House rent, the maximum amount of exemption in your case will be the total amount of HRA received by you in the year (including arrears of HRA if any)
The following are terms related with it:-
The quantum of exemption allowable on account of grant of special allowance to meet expenditure on payment of rent shall be the least among the following:-
(a) The actual amount of such allowance received by you in
respect of the relevant period; (ACTUAL HRA RECEIVED) or
(b) The actual expenditure incurred in payment of rent in excess of
1/10 of the salary due for the relevant period; or
(d) Where such accommodation is situated in a place (other than Bombay, Calcutta,Delhi or Madras) 40% of the salary(Basic +DA) due to the employee for the relevant period,
Babu. vadukkumchery
നികുതി കണക്കുകൂട്ടുമ്പോള്‍ 80D പ്രകാരം ഇന്‍ഷുറന്‍സ് തുക ഡിഡക്ട് ചെയ്യാം എന്നു കേട്ടു. അങ്ങിനെയുണ്ടെങ്കില്‍ കാറിന്റേയും ബൈക്കിന്റേയുമെല്ലാം ഇന്‍ഷുറന്‍സ് തുക ഇതുപോലെ തന്നെ ഡിഡക്ട് ചെയ്യാമോ? 10E സംബന്ധിച്ചുള്ള ഈ ലേഖനം വളരെ നന്നായി. മനസ്സിലായി.
വളരെ ഉപകാരപ്രദമായ പോസ്റ്റ്. മാഷിന് അഭിനന്ദനം.
ടാക്സ് കണക്കാക്കാന്‍ മറ്റൊരു സോഫ്റ്റ് വെയര്‍ കൂടിയുണ്ട്. അത് താഴെ കാണുന്ന ലിങ്കില്‍ നിന്ന് ഡൌണ്‍ലോഡ് ചെയ്യാം. വളരെ സിമ്പിളാണിത്.
4. Auto tax 2011-12 P-2
കാര്‍ഷികവായ്പ എടുത്തിട്ടുണ്ടെങ്കില്‍ അതിന്റെ തിരിച്ചടവോ പലിശയോ കാണിച്ചാല്‍ ഏതെങ്കിലും തരത്തില്‍ ടാക്സ് ഇളവ് ലഭിക്കുമോ?
നല്ല ലേഖനം. മാത്സ് ബ്ലോഗിനും ബാബു മാഷിനും നന്ദി. ഈ സാധ്യത അറി‌ഞ്ഞിരുന്നില്ലെങ്കില്‍ പിഎഫില്‍ അടച്ച തുകയ്ക്കു കൂടി നികുതി നല്‍കേണ്ടി വരുമായിരുന്നു.
ബാബു സാർ,
താങ്കളുടെ ഈസിടാക്സ് വളരെ നാന്നായിട്ടുണ്ട്. പക്ഷെ ഒരു ചെറിയ പ്രശ്നം Aided School Teachers ന്റെ എം‌പ്ലോയർ മനേജർ ആണ് ,ഫോം 16 ൽ അത് വരുന്നില്ല.
P.Krishnan Namboodiri
maths blog is useful;tax directions
are much more useful
പ്രിയ PHC THIRUVANKULAM,
താങ്കള്‍ക്കു നന്ദി.
താങ്കള്‍ അയച്ചുതന്ന പ്രോഗ്രാമും വളരെ നന്നായിട്ടുണ്ട്.
ഞാന് ECTAX ഉണ്ടാക്കുന്നതിനു എത്രയോ വര്ഷം മുന്‍പ് അദ്ദേഹം ഇത്തരം പ്രോഗ്രാം ഉണ്ടാക്കിയതു കണ്ടിട്ടുണ്ട്. നേരിട്ട് കണ്ടിട്ടില്ലെങ്കിലും അദ്ദേഹം ഇക്കാര്യത്തില്‍ എനിക്ക് ഗുരുതുല്ല്യനാണു.
ബാബു. വടുക്കുംചേരി
പ്രിയ ഫസല്‍ സര്‍,
80-ഡി യുടെ ഇങ്കംടാക്സ് ഇളവ് മെഡിക്കല്‍ ഇന്‍ഷൂറന്‍സിനു മാത്രമേ ലഭിക്കൂ. കാറിന്റെയും മറ്റും പോളിസികള്‍ എടുത്താല്‍ പോര.
10-e യുടെ ലേഖനവുമായി ബന്ധപ്പെട്ട പരാമര്‍ശങള്‍ക്ക് വളരെ നന്ദി
ബാബു. വടുക്കുംചേരി.
Dear christy,
നിര്‍ഭാഗ്യവശാല്‍ അങനെ ഒരു ഇളവ് നിലവിലില്ല.
നിര്‍ഭാഗ്യം അല്ലാതെന്തു പറയാന്‍.
ബാബു. വടുക്കുംചേരി
പ്രിയ ഉണ്ണിക്രിഷ്ണന്‍,
താങ്കളുടെ പരാമര്‍ശനത്തിനു നന്ദി.
ശമ്പളം കൊടുക്കുന്ന വ്യക്തിയും Employer ഉം.ഒരളല്ലാതെ വരുന്ന അപൂര്‍വ്വ ചട്ടക്കൂടാണു കേരളത്തിലെ aided school മേഖല.
Aided school ലെ എമ്പ്ലോയര്‍ മാനേജരാണെങ്കിലും Form 16 ല്‍ അത് പരാമര്‍ശിച്ചിട്ടുള്ളത് ശമ്പളത്തിന്റെ ഉറവിടം എന്ന രീതിയിലാണു. ഈ വിഷയം Form 16 ഉണ്ടായ കാലം തൊട്ടേ കേരളത്തില്‍ തര്‍ക്കവിഷയമാണു,
ഒരിക്കല്‍ക്കൂടി നന്ദി.
ബാബു. വടുക്കുംചേരി
P.Krishnan Namboodiri സര്‍,
താങ്കള്‍ക്കു വളരെ നന്ദി.
ബാബു വടുക്കുംചേരി
പേ റിവിഷന്‍ അരിയര് ലഭിച്ചത് കാരണം ടാക്സ് ബാധ്യത കൂടുന്നുണ്ടോ…..? എങ്കില്‍ അത് കുറയ്ക്കാന്‍ മാര്‍ഗ്ഗങ്ങളുണ്ട്
.... ഈ പോസ്റ്റ് കൂടി ചേര്‍ത്ത് വായിക്കുക....
sir,
please sent me babu sir's mobile no.
DEAR KPHS
MOBILE NO. 9947009559
BABU VADUKKUMCHERY
50000 രൂപ അരിയർ ആയി ലഭിച്ച ജീവനക്കാരിയ്ക്ക് ഫോം 10 ഇ വച്ച് അരിയർ മുൻ വർഷത്തെ വരുമാനത്തിലേയ്ക്ക് മാറ്റുന്നു. എന്നാൽ ഈ വരുമാനം മുൻ വർഷത്തെ പി.എഫ്. ക്രെഡിറ്റിലേയ്ക്ക് ചെർക്കുകയില്ലല്ലോ. അപ്പോൾ പ്രസ്തുത വരുമാനം 2011-12 ലെ പി. എഫ് വരുമാനത്തിലേയ്ക്ക് പരിഗണിക്കുമോ ?
ട്രാക്കിങ്
എന്റെ വിദ്യാലയത്തിലെ ഒരു അദ്ധ്യാപകന് 1,50,000 രൂപയായിരുന്നു 2010-2011 സാമ്പത്തിക വര്‍ഷത്തിലെ ടാക്സബിള്‍ ഇന്‍കം. ആ വര്ഷം45180 രൂപയുടെ ഡിഡക്ഷനാണ് വന്നിട്ടുള്ളത്. അതായത് പരമാവധി ഒരു ലക്ഷം രൂപ വരെ ഡിഡക്ട് ചെയ്യാവുന്നിടത്ത് 54820 രൂപ കൂടി ഡിഡക്ട് ചെയ്യാമായിരുന്നു. ഈ വര്ഷം അരിയറായി ലഭിച്ചതില്‍ 39254 രൂപ 2010-11 വര്‍ഷത്തെ പി.എഫിലേക്ക് വകയിരുത്താമോ? അതോ ടാക്സബിള്‍ ഇന്‍കം 1,89,254 രൂപയായി മാറുമോ?
Sir,
We called two of our Tax return offices,Thrissur.The chartered accountants of these offices told us Hill tract allowance is nontaxable.
Sir,If you have any order regarding the tax exemption ,please post here or sent it to sunilvpaul@gmail.com
Dear Arun Bhaskaran sir,
“50000 രൂപ അരിയർ ആയി ലഭിച്ച ജീവനക്കാരിയ്ക്ക് ഫോം 10 ഇ വച്ച് അരിയർ മുൻ വർഷത്തെ വരുമാനത്തിലേയ്ക്ക് മാറ്റുന്നു“. എന്നു ലളിതമായി പറഞ്ഞു പോയാല്‍ നടപടിക്രമങള്‍ വേണ്ട വിധത്തിലാവതെ വരും ഈ ബ്ലൊഗില്‍ നല്‍കിയിരിക്കുന്ന 10-e guide line ശ്രദ്ധാപൂര്‍വ്വം വായിക്കുക. അതിലെ നടപടി1 ലും 2ലും 2011-12 ല്‍ പ്.എഫ് ലേക്ക് ആ സംഖ്യ ചേര്‍ത്തിരിക്കുന്നത് അരുണ്‍ സാര്‍ ശ്രദ്ധിക്കുക.
ബാബു. വടുക്കുംചേരി
Dear Vijayan master,
ഈ വര്ഷം അരിയറായി ലഭിച്ചതില്‍ 39254 രൂപ 2010-11 വര്‍ഷത്തെ പി.എഫിലേക്ക് വകയിരുത്താന്‍ കഴിയുകയില്ല.
പൊതുവെ ഉയരാറുള്ള ഒരു സംശയമാണു ഇത്.
കൂടുതല്‍ വ്യക്തതക്കായി ഈ ബ്ലോഗില്‍ പൊസ്റ്റ് ചെയ്ത ലേഖനം വായിക്കുമല്ലോ.
ബാബു വടുക്കുംചേരി.
Sir,
We called two of our Tax return offices,Thrissur.The chartered accountants of these offices told us Hill tract allowance is nontaxable.
Sir,If you have any order regarding the tax exemption ,please post here or sent it to sunilvpaul@gmail.com
Dear Sunil V Paul,
I need some expert advice regarding this. Please wait
Sorry for the inconvenience
Babu vadukkumchery
babu sir എന്റെ doubt 2010-2011 ഇല് feb, march മാസങ്ങളിലെ കാഷ് അരിയര് ആ വര്ഷത്തിലേക്കു deduct ചെയ്യാന് പറ്റുമോ?
Dear Sarigama,
Financial year 2011-12 എന്നു പറയുന്നത് 2011 ഏപ്രില്‍ മുതല്‍ 2012 മാര്ച്ച് വരെ യാണല്ലോ. ഈ കാലഖട്ടങളിലേതല്ലാത്ത സംഖ്യയാണു 2011-12 നെ സംബന്ധിച്ചിടത്തോളം അരിയര്. നമ്മുടെ ഉദാഹരണത്തില്‍ കാണുന്ന 2494 രൂപ(കാഷ്) 2011-12 ലേതാണു. അതുകൊണ്ട് അതിനെ സാങ്കേതികമായി അരിയര് എന്നു പറയേണ്ടതില്ല.
വിശദമായില്ല എങ്കില്‍ ഫോണില്‍ വിളിക്കുക.
ബാബു. വടുക്കുംചേരി
ഡിയര്‍ എന്റെ ബ്ലോഗുക്ക്,
താങ്കളുടെ സഹായത്തിനു നന്ദി.
ബാബു. വടുക്കുംചേരി
sir, ഞാന് പറഞ്ഞത് 2010-2011 ലെ FEB & MARCH ലെ AREARS കാഷ് ആയി ഈ FIXATION AREAR ഇല് കയ്യില് കിട്ടിയല്ലൊ . അത് DEDUCT ചെയ്യാന് പറ്റുമോ എന്നാണ്. POST ഇല് കണ്ടില്ല
I express my heartfelt gratitude to Maths blog for giving us the minute details regarding income tax .
Thank you Thank you
very much
Dineshan Puthur
I express my heartfelt gratitude to Maths blog for giving us the minute details regarding income tax .
Thank you Thank you
very much
Dineshan Puthur
In the FY 2009-10 & 2010-11 I have no tax. This FY (2011-12)due to pay fixation arrear my income exceed the limit. After tax calculation, I have to pay around Rs.1,000/ as tax. My question is can I get the benefit of 10E. Since previous two years I am within the tax limit, If i put the arrears to previous years i m became within the limit. Is it possible ?
ajith
പ്രിയ അജിത് സര്‍,
താങ്കള്‍ക്ക് S-89(1) പ്രകാരമുള്ള റിലീഫിനു എത്രത്തോളം അര്‍ഹതയുണ്ടെന്നറിയാന്‍ താങ്കളുടെ കഴിഞ 2 വര്‍ഷങളുടെ Taxable Income എത്രയാണെന്ന് അറിഞിരിക്കണം. താങ്കള്‍ ആ വര്‍ഷങളില്‍ ടാക്സ് പരിധിയില്‍ നിന്ന് എത്രത്തോളം താഴെയായിരുന്നുവോ അത്രത്തോളം താങ്കള്‍ക്ക് അത് അനുകൂലമായിരിക്കും.
ലേഖനത്തിലെ 4 നടപടിക്രമങള്‍ വായിച്ചുകാണുമല്ലോ?
ബാബു. വടുക്കുംചേരി.
Tank you Dinesh Puthoor.
Babu vadukkumchery (For maths blog team)
ഹരി സാറിന് ആശംസകള്.2494 രൂപ 2010-2011 വര്ഷത്തിലേത് തന്നെയല്ലെ എന്നൊരു തോന്നല് സരിഗമ സൂചിപ്പിച്ചപ്പഴേ തോന്നിത്തുടങ്ങി. ശമ്പളം കിട്ടാതെ വര്ഷങ്ങള് കഴിഞ്ഞ് കിട്ടിയാലും 10E ഉപയോഗിക്കാറുണ്ട്. സാറിന്റെ വിശദീകരണം കണ്ടപ്പോള് തോന്നിയത് വെറും പി.എഫിലേക്ക് പോയ പൈസക്കാണ് ഈ 10E എന്നാണ്. സംശയം തീര്ത്ത് തരുമല്ലോ.എല്ലാ വിധ മംഗളാശംസകളും നേരുന്നു.
ബാബു സാറിന് ആയിരം ആയിരം നന്ദിയും ആശംസകളും നേരുന്നു.കഴിഞ്ഞ കമന്റില് ബാബു എന്നതിന് പകരം തെറ്റി ഹരിസാറ് എന്നെഴുതിയതാണ്. ക്ഷമിക്കുക
ബാബുസാര്‍
2009-2010 ല്‍ കുറവുചെയ്യാത്ത LIC തുക ഇപ്പോഴത്തെ സ്റ്റേറ്റ്മെന്റില്‍ കുറവുചെയ്യാന്‍ പറ്റുമോ? അന്ന് അത് കുറവുചെയ്തില്ലെങ്കിലും ടാക്സ് വരുമായിരുന്നില്ല.
Dear duhsschootha,
തീര്‍ച്ചയായും താങ്കള്‍ നന്ദി പറയേണ്ടത് ഹരിയോടും മാത്സ് ബ്ലോഗിന്നോടുമാണു. കാരണം 10-E സംബന്ധമായ ലേഖനം ഞാന് എഴുതിയില്ലെങ്കിലും മറ്റാരെങ്കിലും ഇവിടെ എഴുതുമായിരുന്നു. അതുകൊണ്ടുതന്നെ ഇത്തരം പോസ്റ്റ് ഈ സന്ദര്‍ഭത്തില്‍ അവതരിപ്പിക്കണം എന്ന് തീരുമാനിച്ച മാത്സ് ബ്ലോഗ് ടീമിനു തന്നെ നന്ദി നേരുക.
കുടിശികയായ ശമ്പളം (pf or cash)നമ്മുടെ tax liability വര്‍ധിപ്പിക്കുന്നുവെങ്കില്‍ പ്രയോഗിക്കേണ്ട ഒരു മരുന്നാണ്‍ ഇത്. (എല്ലാവര്‍ക്കും ഗുണപ്രദമാകണമെന്നില്ല) അതില്‍ pf ലെക്കാണോ, കാഷ് ആണോ എന്നത് വിഷയമല്ല.
താങ്കള്‍ക്ക വ്യക്തമായിട്ടില്ലെങ്കില്‍ തീര്‍ച്ചയായും ഫോണില്‍ വിളിക്കുക.
ബാബു. വടുക്കുംചേരി.
പ്രിയ ജോണ്‍ സര്‍,
2009-2010 ല്‍ കുറവുചെയ്യാത്ത LIC തുക ഇപ്പോഴത്തെ സ്റ്റേറ്റ്മെന്റില്‍ കുറവുചെയ്യാന്‍ ഓഫീസ് മേലധികാരിയെ ബോധ്യപ്പെടുത്തുന്ന രേഖകള്‍ നല്‍കിക്കൊണ്ട് സാധിക്കും.
അദ്ദേഹത്തെ ബോധ്യപ്പെടുത്തുക.
ബാബു. വടുക്കുംചേരി
സര്‍,
ഉബണ്ടുവില്‍ ECTAX2012 ഇന്‍സ്റ്റാളാവുന്നില്ല.സഹായിക്കുമല്ലോ.
സര്‍,
ഉബണ്ടുവില്‍ ECTAX2012 ഇന്‍സ്റ്റാളാവുന്നില്ല.സഹായിക്കുമല്ലോ.
ബാബുസാര്‍,
താങ്കള്‍ ഗൌരവമുള്ള വിഷയത്തെ തമാശയായി എടുത്ത് അതിന്റെ പ്രാധാന്യത്തെ കുറച്ചുകാട്ടുന്നില്ലേ. മാത്തമാറ്റിക്സ് ഒരു തമാശയാണൊ
അബ്ബുടി
Dear Kesaveeyam sir,
ECTAX2012 നിര്‍മ്മിച്ചിരിക്കുന്നത് Windows base ല്‍ ആണു.
പ്രവര്‍ത്തനങള്‍ ലളിതമാക്കാന്‍ അതില്‍ ഉപയോഗിച്ചിരിക്കുന്ന "Macro" കള്‍ ലിനക്സുമായി പൊരുത്തപ്പെടുന്നില്ല.
താങ്കള്‍ക്ക് വന്ന ബുദ്ധിമുട്ടിന്ന് ക്ഷമ ചോദിക്കുന്നു.
ബാബു വടുക്കുംചേരി
പ്രിയ അബുസാര്‍,
താങ്കള്‍ക്ക് യോജിക്കാത്ത സമീപനമാണു ലേഖനത്തില്‍ സ്വീകരിച്ചുവന്നിരിക്കുന്നത് എന്നതില്‍ ഖേതം പ്രകടിപ്പിക്കുന്നു.
Mathematics എനിക്ക് ഏറ്റവും ഇഷ്ടപ്പെട്ട വിഷയം തന്നെ. എന്നാല്‍ അതിനെ സമീക്കേണ്ടത് തികഞ ഗൌരവത്തിലാണെന്ന കാര്യത്തില്‍ വിയോജിപ്പുണ്ട്.
എന്റെ mathematics അറിവിന്റെ (പരിമിതമായ) എല്ലാ credit ഉം tuition നല്കിയ സഹോദരിമാരായ 2 അധ്യാപകര്‍ക്കണു.
അവരുടെ mathematics സമീപനരീതി എനിക്ക് ഈ വിഷയത്തെ സ്നേഹിക്കാന്‍ വളരെ സഹായിച്ചിട്ടുണ്ട്. അതുകൊണ്ടുതന്നെ എന്നിലും ആ approach കണ്ടേക്കാം
താങ്കല്‍ക്കു നന്ദി.
ബാബു. വടുക്കുംചേരി
സര്‍,
ECTAX-ല്‍ TDS Quarterly കൊടുക്കുന്നവരുടെ കാര്യം പരിഗണിക്കുന്നുണ്ട്.എന്നാല്‍ കഴിഞ്ഞ മാസം മാത്രം ശമ്പളത്തില്‍ നിന്ന് ഒരു തുക advance-യി tax ലേയ്ക്ക് പിടിച്ചു.ആ തുക ECTAX-ല്‍ എങ്ങനെ ഉള്‍ക്കൊള്ളിക്കും.
അബ്ബുടി മാഷേ,
ന്യായമായ ഒരു സംശയമാണ് താങ്കള്‍ ഉന്നയിച്ചിരിക്കുന്നത്. ഈ ദശകം മുതല്‍ പുറത്തിറങ്ങിയിട്ടുള്ള പാഠപുസ്തകങ്ങളില്‍, പ്രത്യേകിച്ച് ഗണിതശാസ്ത്രപുസ്തകങ്ങളില്‍, പതിവില്‍ നിന്നു വ്യത്യസ്ത ഗൗരവകരമായ സമീപന രീതി കൈവെടിഞ്ഞ് അല്പസ്വല്പം ജീവിതഗന്ധിയായ രീതിയിലാണ് വിഷയാവതരണം നടത്തിയിരിക്കുന്നതെന്ന് നമുക്കു നന്നായറിയാവുന്ന കാര്യമാണ്. കടുകട്ടിയായ ഗണിതത്തെ കുട്ടികളിലേക്ക് എത്തിക്കാന്‍ അധ്യാപകര്‍ക്ക് ഈ രീതി സഹായകമായിട്ടുണ്ട്. പാഠപുസ്തകങ്ങളില്‍ കാര്‍ട്ടൂണുകള്‍ . അത് കൈകാര്യം ചെയ്യുന്ന രീതി ഹാസ്യരസപ്രധാനമാണെങ്കിലും അത് പകരുന്ന വിജ്ഞാനകൗതുകം ചെറുതല്ല. അതുകൊണ്ടു തന്നെ ആ രീതി അധ്യാപകരുടെ സ്വാഭാവികരീതിയുടെ ഭാഗമാകുന്നതിലും തെറ്റുപറയാനാകില്ല. എന്തായാലും ഗൗരവകരമായി വിഷയത്തെ കൈകാര്യം ചെയ്യേണ്ടിടത്തെല്ലാം ബാബു സാര്‍ വേണ്ട ഗൗരവം നല്‍കിയിട്ടുണ്ടെന്ന് ലേഖനത്തിലെ ഫോമുകളും മറ്റും കണ്ടാലറിയാം. വിഷയാവതരണം നടത്തിയ ആമുഖഭാഗത്ത് മാത്രം അല്പം തമാശ, അതു നമുക്ക് ആസ്വദിക്കാമെന്നേ. അബു മാഷും എന്റെ അഭിപ്രായത്തോട് യോജിക്കുമെന്നു കരുതുന്നു. വ്യത്യസ്തമാണെങ്കിലും അബുമാഷിന്റെ അഭിപ്രായത്തെ മാനിക്കുകയും ചെയ്യുന്നു.
Dear chempakasseril sir,
സര്‍ ഉദ്ദേശിച്ച ടാക്സ് പിടിച്ച തുക(കഴിഞ മാസം ശമ്പളത്തില്‍ നിന്നു പിടിച്ചത്)TDS തന്നെയാണു. TDS (TAX DEDUCTED AT SOURCE) എന്നത് വര്‍ഷത്തിന്റെ അവസാനമാസത്തില്‍ പിടിക്കേണ്ടതുകയല്ല. വാസ്തവത്തില്‍ ഒരു തൊഴിലാളി തന്റെ വരാന്‍ പോകുന്ന ഒരു വര്‍ഷത്തെ ശമ്പളം മുന്‍ കൂട്ടി കണക്കാക്കി ഒരു വര്‍ഷത്തെ estimated tax മുന്‍പേ കണ്ട് അതിനെ 12 മാസ ഗഡുക്കളാക്കി മാസം തോറും നല്‍ക്കേണ്ട തുകയാണു. നിര്‍ഭാഗ്യവശാല്‍ ഭൂരിപക്ഷം വിദ്യാലയങളും അത് മൊത്തം അവസാന മാ‍സ്ത്തില്‍ ആ‍ാണു നല്‍കുന്ന്ത്. നമ്മുടെ ECtax programme ല്‍ 2-പേജില്‍ TDS എന്ന head ല്‍ ഇത് മാസം തോറും രേഖപ്പെടുത്താനുള്ള സംവിധാനമുണ്ട്. സര്‍ നു കഴിഞ മാസ്ത്തെ column ല്‍ അത് ഉള്‍പ്പെടുത്താം.
ബാബു. വടുക്കുംചേരി
In lonappans nadapadi 2,less under 6A,given 100000.Is it 108651-53479=55172?
Dear jayarajan sir,
Your doubt is normal, but the amount taken at there must be same as the amount that is taken in Step No. 1(Chapter VI-A) that is the maximum possible amount of Rs.1 Lakh.
It is because that 1). Really we made the investment in that date as PF
2) That PF investment cannot be transferred to previous years for 80-c deductions.
THIS DOUBT IS NORMAL, OUR LOGIC MAY NOT BE READY TO ACCEPT IT, BUT IT IS A FACT.
THE EXAMPLE SHOWN IN THE CASE IS TRUE
THANK YOU SIR,
BABU VADUKKUMCHERY
സാര്‍.
ടാക്സ് കാല്‍കുലേറ്റ് ചെയ്യുന്നതിനുള്ള ഒരു സോഫ്റ്റവെയരി ഉണ്ടാക്കിയാല്‍ പാവപ്പെട്ട അദ്ധ്യാപകര്‍ക്ക് ഗുണകരമായിരിക്കും
സര്‍,
ഈ പോസ്റ്റിന്റെ ഏറ്റവും താഴെ താങ്കള്‍ ആവശ്യപ്പെട്ട പ്രകാരമുള്ള പ്രോഗ്രാമുകള്‍ ഡൗണ്‍ലോഡ് ചെയ്തെടുക്കാനാകും വിധം നല്‍കിയിട്ടുണ്ട്. നോക്കുമല്ലോ.
10E പ്രകാരം അറിയരുകള്‍ മുന്‍വര്‍ഷം ചേര്‍ക്കുമ്പോള്‍ ആ വര്ഷം ടാക്സ് വന്നാല്‍ അതും അടക്കെണ്ടേ?
Dear Rakhunathan sir,
10-E ഫൊം എന്നു പറയുന്നത് 10-E, Annexure 1 , Table A എന്നിവയടങിയ ഒരു set of form ആണു. അവ വേണ്ടവിധത്തില്‍ പൂരിപ്പിക്കുമ്പോള്‍ (അതിന്റെ guideline അടങിയതാണു ഈ പോസ്റ്റ്) സര്‍ സൂചിപ്പിച്ചപോലെ മുന്‍ വര്‍ഷങളിലെ നികുതി കൂടി പരിഗണിക്കപ്പെടും.
ബാബു വടുക്കുംചേരി.
സര്‍,
അരിയര് കിട്ടിയവര്‍ 10-എ വക്കണമെന്ന് നിര്‍ബന്ധമുണ്ടോ
എന്തൊക്കെ സാധനങള്‍ അതിന്റെ കൂടെ വക്കണം, കണക്കുകൂട്ടല്‍ വക്കണോ?
അബ്ബുട്ടി
Abbutty sir,
അരിയര് കിട്ടിയവര്‍ ടാക്സ് ഇളവിനു ആഗ്രഹിക്കുന്നുവെങ്കിലും ഇളവിനു അര്‍ഹത കാണുന്നുവെങ്കിലും മാത്രമേ 10-E set വക്കേണ്ടതുള്ളു. അബുട്ടിസര്‍, അതു വക്കണമെന്നാണു തീരുമാനിച്ചതെങ്കില്‍ ഇനി പറയുന്ന കാര്യങള്‍ ക്രമത്തില്‍ ചെയ്യുക.
1.ECTAX ഓ, മറ്റേതെങ്കിലും പ്രോഗ്രാമുകളോ ഉപയോഗിച്ച അരിയറടക്കമുള്ള നികുതി കാണുക.
2.അരിയറില്ലാതെ നികുതി കാണുക.
3. മുന്‍ വര്‍ഷങളിലെ (ആവശ്യമുള്ള) നികുതിസ്റ്റേറ്റുമെന്റുകള്‍ കരുതിവക്കുക.
4.മുന്‍ വര്‍ഷങളിലേക്കു യഥാകാലങളിലെ അരിയറികള്‍ ചേര്‍ത്തു നികുതി കാണുക
5. മേല്‍പ്പറഞവ കിട്ടിയാല്‍ ടേബിള്‍ A (one document in 10-e set)തയ്യാറക്കാം
6. Annexure I (one document in 10-e set)തയ്യാറാക്കുക.
7. Annexure I ലെ 8-point ലെ സംഖ്യ(നികുതി ആശ്വാസ തുക 89-1 relief)സംഖ്യ കണ്ടുകഴിഞു.
8. ഈ സംഖ്യ ECTAX PROGRAMME ലെ 3-പേജിലെ 14 -ആം കോളത്തില്‍ മറ്റുവിവരങളോടൊപ്പം ചേര്‍ക്കുക
9. ബാക്കി നികുതി ശംബളത്തില്‍ നിന്നു ക്ലാര്‍ക്ക് കുറച്ചു കാണിക്കട്ടെ.
10-E set നൊപ്പം അതിന്റെ കണക്കുകൂട്ടലുകള്‍ ഭംഗിയായി തയ്യ്യാറാക്കി വക്കുന്നതു നമുക്കും അധികാരികള്‍ക്കും സൌകര്യപ്രദമായിരിക്കും.
ബാബു വടുക്കുംചേരി
DEAR SUNIL V PAUL SIR,
REGARDING HILL TRACK ALLOWANCE(HTA)PROBLEM (COMMENT DATED 13-2) THE DETAILED REPLY REPORT IS AVAILABLE , IT IS SO DETAILED AND HENCE NOT ATTACHING HERE. PL. CHECK YOUR MAIL FOR DETAILS
SORRY FOR DELAY
BABU VADUKKUMCHERY
sir,
Arrears from 11/2009 to 2/2011 adjusted to P.F.2/11to 5/11 cashed.can i adjust my arrears to previous years?
Dear krishnan sir,
In order to calculate 89(1) relief, we have to strictly follow 4 steps as mentioned in this post (Pl. read).
Among these steps, the forth step is adding the arrears received now to concerned years. While adding it all the arrears that you mentioned in the query can be added.
Babu vadukkumcery
Dear Babu sir
ഇവിടെ പലരോടും ചോദിച്ചു . ഉറപ്പുള്ള ഉത്തരം കിട്ടുന്നില്ല. Housing loan ന്റെ PRINCIPAL AMOUNT എത്രത്തോളം കുറക്കാം?
Dear John P.A sir,
Housing Loan തിരിച്ചടക്കുംപോള്‍ ഒരു സാമ്പത്തിക വര്ഷം തിരിച്ചടച്ച സംഖ്യ principal ആയും Interest ആയും തരം തിര്‍ച്ച രേഖ ബാങ്കുകാര്‍ തരും. അതിലെ പലിശക്കും, മുതലിനും വേറേ വേറേ ഇളവുണ്ടെന്ന് സാര്‍നു അറിയാമല്ലോ.
മുതല്‍ തിരിച്ചടവു സംഖ്യ മറ്റു നിക്ഷേപങളായ LIC, PF, NSC,MUTUAL FUND,tuition fee ,ETC. എന്നിവയെല്ലം ചേര്‍ന്നു വരുന്ന ഗ്രൂപ്പില്‍ ഉള്‍പ്പെടുത്തി 1 lakh രൂപ വരെ ഇളവുണ്ട്.
Housing loan principal amount നു മാത്രമായി ഒരു പ്രത്യേക ഇളവില്ല.
babu vadukkumchery
Hari sir,
I prepared my tax statement and
10E and I am getting a relief of Rs 2500. Some one said some declarations also should be given with 10E..what is that? please inform .....
2010-2011 വര്ഷം ടാക്സബിള്‍ ഇന്‍കം ഇല്ല.80DD വകുപ്പിലെ disabled വകുപ്പ് ഉപയോഗപ്പെടുത്താനര്‍ഹതയുള്ളയാളാണു ഞാന്. കഴിഞ്ഞ വര്ഷം ഈ വകുപ്പ് ഉപയോഗിക്കേണ്ട സാഹചര്യം വന്നില്ല. (ഈ വര്‍ഷംഅരിയര്‍ കിട്ടിയിട്ടില്ല ) ഈ വര്ഷം പക്ഷെ 80DD ഉപയോഗപ്പെടുത്തിയിട്ടും taxable income ഉണ്ട് . ഇത് പരിഹരിക്കാന്‍ 10- E ഉപയോഗിച്ച് ടാക്സ് കുറക്കാന്‍ പറ്റുമോ സാര്‍.. അരിയര് ഉണ്ടെങ്കില്‍ അതു മാത്രമേ 10- E ഉപയോഗിച്ചു കുറയ്ക്കാന്‍ പറ്റുകയുള്ളോ സാര്‍...
Babu Sir,
Thank You for Helping Me
Dear Nazeer sir,
10-E ഫോം വക്കുന്നതിലൂടെ 2500 രൂപയുടെ റിലീഫ് കിട്ടുന്നതിന്റെ സന്തോഷത്തില്‍ ഞാനും പങ്കു ചേരുന്നു.
10-E ഫോം ഒരു സെറ്റ് ഫോം ആണെന്ന് അറിയാമല്ലോ. അതില്‍ 10-E , Annexure 1, Table A എന്നിവ അടങിയിരിക്കുന്നു. ഇവ സമര്‍പ്പിച്ചിരിക്കണം. പരിശോധകരുടെ സൌകര്യത്തിനു വേണ്ടി റിലീഫ് കണ്ടെത്താന്‍ ഉപയോഗിച്ച നടപടിക്രമങളായ 1,2,3,4 എന്നിവ ഭംഗിയായി ഒതുക്കി തയ്യാറാക്കി വക്കുന്നതും നല്ലതാണു.
ബാബു വടുക്കുംചേരി.
പ്രിയ പ്രകാശം സര്‍,
ഈ വകുപ്പ് ഉപയോഗിച്ച് നികുതി ആനുകൂല്യം നേടുന്ന ആള്‍ ആ‍ാണു താങ്കളെന്നു പറയുമ്പോള്‍ താങ്കള്‍ ശാരീരികമായി അനുഭവിക്കുന്ന പരാധീനതകളെ പ്പറ്റി ഊഹിക്കാ‍ന്‍ കഴിയും. ദുഖത്തില്‍ പങ്കു ചേരുന്നു.
അരിയറായി ലഭിച്ച ശമ്പളം മൂലമാണു നികുതിയടക്കേണ്ടി വരുന്നതെങ്കില്‍ മാത്രമേ 10-E യുടെ ആനുകൂല്യം നേടാ‍ന്‍ കഴിയൂ. താങ്കള്‍ക്കും ഇതിന്റെ ആനുകൂല്യം കിട്ടുമെന്നാണു കത്തില്‍ നിന്നു മനസ്സിലാക്കുന്നത്.
കൂടുതല്‍ വിവരങള്‍ അറിയണമെന്നുണ്ടെങ്കില്‍ തീര്‍ച്ചയായും കമന്റ് എഴുതുകയോ വിളിക്കുകയോ ചെയ്യുക. എന്റെ അറിവുകള്‍ വച്ച് താങ്കളെ സഹായിക്കേണ്ടത് ഒരു കടപ്പാടായി കാണുന്നു.
ബാബു വടുക്കുംചേരി.
പ്രിയ സുനില്‍ വി. പോള്‍ സര്‍,
എന്റെ മെയില്‍ താങ്കള്‍ക്കു ഉപകാരപ്രെട്ടെന്ന് അറിയുന്നതില്‍ സന്തോഷം.
ബാബു വടുക്കുംചേരി.
ശ്രീ ബാബുവിന്റെ ആത്മാര്‍ത്ഥതയും സഹായമനോഭാവവും മാതൃകയാക്കേണ്ടതുതന്നെ. പ്രത്യേകിച്ചും 'ഞാനും എന്റെ ലോകവും മാത്രം' എന്ന കാഴ്ചപ്പാടിലേക്ക് ചുരുങ്ങിക്കൊണ്ടിരിക്കുന്ന ഇക്കാലത്ത്. മാത്സ് ബ്ലോഗ് തുടക്കമിട്ട നിസ്വാര്‍ത്ഥ സേവനരംഗത്തേക്ക് കൂടുതലാളുകള്‍ എത്തിച്ചേരുന്നതുകാണുമ്പോള്‍ നിറഞ്ഞ സന്തോഷം.
@ babu sir
Thanks
Nazeer
പ്രിയ ഹോംസ് സാര്‍,
താങ്കള്‍ നല്‍കുന്ന എല്ലാ പ്രോത്സാഹനങള്‍ക്കും നന്ദി.
മാത്സ് ബ്ലോഗിനും
ബാബു. വടുക്കുംചേരി
വളരെ നന്ദി ആശ്വാസ വാക്കുകള്‍ക്ക്... ഇനി പറയട്ടെ... സാധാരണയുള്ള ഒരു ലക്ഷം വരെയുള്ള ഡിഡക്ഷന്‍ കഴിച്ചാലും ടാക്സബിള്‍ ഇന്‍കം ഉണ്ട് ഈ വര്‍ഷത്തെ ശമ്പളം മാത്രം. അരിയറൊന്നും കിട്ടിയിട്ടില്ല. സിവിയര്‍ ഡിസബിലിറ്റിയില്ലാത്തതു കൊണ്ട് 80DD പ്രകാരം കുറക്കാനുള്ള തുക കുറച്ചാലും ടാക്സബിള്‍ ഇന്‍കം ഉള്ളതുകൊണ്ടാണ് സംശയം ചോദിച്ചത് . ഇങ്ങിനെ മിച്ചമുള്ള തുക കഴിഞ്ഞ വര്‍ഷത്തേയ്ക്ക് അഡ്ജസ്റ്റ് ചെയ്യാനാകുമോയെന്നാണറിയേണ്ടിയിരുന്നത്.ഇതിന് 10 E യുടെ പ്രയോജനം ലഭിക്കുകയില്ലെന്ന് മനസ്സിലായി .. ഒത്തിരി നന്ദി..സ്നേഹപൂര്‍ണ്ണമായ വാക്കുകള്‍ക്ക്.. കേട്ടോ ബാബു സാര്‍...
ബാബു സാര്‍
10 E form ലെ ANNEXURE I ല്‍ 4 ഉം 5 ഉം കോളത്തില്‍ Tax on Total Income എന്ന സ്ഥലത്ത് സെസ്സുള്‍പ്പെടെയുള്ള ടാക്സ് amount ആണോ അതോ സെസ്സ് കൂട്ടാത്ത സംഖ്യയാണോ ചേര്‍ക്കേണ്ടത്.
അതായത് എന്റെ സംശയം റിലീഫ് കിട്ടുന്നത് സെസ്സുള്‍പ്പെടെയുള്ള ടാക്സ് amount നാണോ അതോ സെസ്സ് കൂട്ടാത്ത സംഖ്യക്കാണോ..
Dear Sabah sir,
10-e പൂരിപ്പിക്കാനായി 4 നടപടികളിലായി നികുതി കണക്കു കൂട്ടേണ്ടതുണ്ടല്ലോ.
ഈ നടപടികളിലെല്ലാം സെസ്സ്3% അടക്കമുള്ള നികുതിയാണു കാണേണ്ടതു. അതുകൊണ്ടു തന്നെ അനക്ഷ്വര്‍ -1 ലും സെസ്സ് അടക്കമുള്ള നികുതിയാണു ഉള്‍പ്പെടുത്തേണ്ടത.
ബാബു വടുക്കുംചേരി.
നന്നായിട്ടുണ്ട്
There is an installation Software Package available in CSKollam Blog
that Calculates and generates Income Tax and statements.
The main feature of this s/w is it has database support.That means it is not necessary to keep different excel files for each of the employees working in an establishment.Please Go To
http://cskollam.blogspot.in/
To locate and download the S/w
വികലാംഗരായ ആശ്രിതർ ഉള്ളവർക്ക് ഇൻകം ടാക്സ് പരിധിയിൽ 5000/75000 ഇളവുണ്ട് എന്ന് കേട്ടു. സെക്ഷൻ 80 ഡിഡി. ഇത്തരം ഇളവുകൾക്കായി ചികിത്സാച്ചെലവുകൾ സംബന്ധിച്ച രേഖകൾക്കൊപ്പം ആകെ ചെലവായ തുക മാത്രമാണോ ഇളവു നൽകുന്നത് ?
2009 - 2010 ആനുകൂല്യം വേണ്ട എന്നു വയ്ക്കികയും 2010 -2011 ആനുകൂല്യം വേണം എന്നു വയ്ക്കികയും 10E യിലൂടെ ചേയ്യാമോ ? g.mony alappuzha
DPS BOS SIR,
താങ്കള്‍ക്കു നന്ദി.
ബാബു. വടുക്കുംചേരി
Dear software sir,
Thank you for the information
babu
Dear Arunbhaskaran sir,
താങ്കള്‍ക്കുള്ള വിശദമായ മറുപടി ഇന്നു വയ്കീട്ടു നല്‍കുന്നതാണു.
ബാബു വടുക്കുംചേരി
GVHSS ARYAD,
10-ഈ യുടെ ആനുകൂല്യം ഭാഗീക മായി മാത്രം സ്വീകരിക്കുക ചില പ്രദേശങളില്‍ നമുക്ക് അനുകൂലമല്ലാതെ വരുമ്പോള്‍ അവിടെ വേണ്ടെന്നു വക്കുക എന്നിവ ചെയ്യാന് പാടില്ല.
ഒന്നുകില്‍ 10-ഈ യുടെ ആ‍ാനുകൂല്യം പൂര്‍ണ്ണമായും വേണ്ടെന്നു വക്കുക, അല്ലെങ്കില്‍ പൂര്‍ണ്ണമായും നടപടിക്രമങള്‍ പാലിക്കുക.
ബാബു വടുക്കുംചേരി
Babu Sir,
താങ്കളുടെ പോസ്റ്റിലൂടെ 10 E എന്താണെന്നും Tax എന്താണെന്നും ഏറെ കുറെ മനസ്സിലാക്കാന് പറ്റി. മാത്രമല്ല ഞാന് 2 പേര്ക്ക് 10E പൂരിപ്പിച്ചു കൊടുക്കുകയും ചെയ്തു. അവരാരും പിന്നെ എന്നെ തിരഞ്ഞു വന്നിട്ടില്ല. അപ്പൊള് സംഗതി success ആയി എന്നു സാരം...താങ്കളുടെ പ്രയത്നത്തിനു അഭിനന്ദനങ്ങൾ....
Dear Arun bhasker,
80DD പ്രകാരം ഫിക്സഡ് ഇളവായ 50000 -1 ലക്ഷം ആനുകൂല്യമാണു ഉള്ളത്.ചികിത്സാ ചെലവുമാത്രമല്ല നല്‍കുന്നത്. എന്നാല്‍ ഇതിനു അര്‍ഹരായിട്ടുള്ള വിഭാഗക്കാര്‍ എന്നിവയെപ്പറ്റിയും മറ്റും വിശദമാക്കേണ്ടതുണ്ട്. ഇതു സംബന്ധമായ് വിശദാംശങള്‍ താങള്‍ക്കു നല്‍കാനയി തയ്യാറാക്കിയിട്ടുണ്ട്.ഒരുപാടു legal explanations ആവശ്യമായതിനാല്‍ ഇവിടെ നല്‍കുക പ്രായോഗികമല്ല. താങള്‍ mail address നല്‍കുന്ന പക്ഷം ഉടനെ അയച്ചുതരുന്നതാണു.
അസൌകര്യം ഉണ്ടാക്കിയതില്‍ ക്ഷമിക്കുക.
ബാബു വടുക്കുംചേരി.
arun.arunb@gmail.com
thank You
Sir, If TotalDeduction is less than 1 Lakh then is there any advantage producing 10E
MY HEARTY THANKS TO YOU IN THIS VENTURE;KEEP IT!PLEASE GIVE INSTRUCTIONS AS EARLY AS POSSIBLE. JACOB TVM
MY HEARTY THANKS FOR THIS EFFORT;PLEASE GIVE INSTRUCTIONS AS EARLY AS POSSIBLE. JACOB TVM
HRA etra vare kurakkam?
HRA etra vare kurakkam?
എന്റെ സുഹൃത്തിന്റെ സംശയം.
ഏതെങ്കിലും കോഴ്സിന് പഠിക്കുന്ന മക്കളുണ്ടെങ്കില്‍ അവരുെട ഫീസ് 80cc യില്‍ ട്യൂഷന്‍ ഫീസ് എന്ന ഇനത്തില്‍ പെടുത്താമോ? ഏതെല്ലാം കോഴ്സുകള്‍ക്കാണ് ഈ ഇളവു ലഭിക്കുക?
Dear Sunny sir,
Preparing 10-E will be beneficial only to those parties to whom Total Incomes of previous years were less than the tax slab. The gap between tax slab and their Total income is an important factor.
babu vadukkumchery
Dear shaimans sir,
If you are living in a rented home, you can enjoy the benefit of it.
sorry sir, Pl. explain details of your problem to make a sharp reply.
babu vadukkumchery
മന്‍ മോഹന്‍ സാര്‍,
ട്യൂഷന്‍ ഫീ കുറവിന്റെ സെക്ഷന്‍ 80 -സി ആണു. All full time courses (Including lower standards)ന്റെ tuition fee ക്കും ഈ അംഗീകാരം ലഭിക്കും
ബാബു.
ബാബുസാറിന്റെ ക്ഷമയോടെയുളള മറുപടി അനുഭവിക്കുകയും ആസ്വദിക്കുകയും ചെയ്ത ഒരാളാണു ഞാനും......സാറിനും ബ്ലോഗിനും ഒരായിരം സ്നേഹാശംസകൾ...........
Dear sir
what are the documents to be produced along with tax statement when we deduct HRA ?
Which are the documents to be produced when we deduct HRA in the tax statement?
Dear sir
what are the documents to be produced along with tax statement when we deduct HRA ?
Dear Ramesh sir,
If a person is living in rented home, the particular deduction is available. (Actually to find out the deduction amount, 3 values are compared and the lest amount is allowed as deduction. Normally in Kerala community, the HRA amount will be the least).
To get benefit of the deduction you have to produce Rent agreement/Revenue stamped receipt of rent by the house owner showing details of home, address, Ward No. house No. Etc.
Babu vadukkumchery
പ്രിയ സുരേഷ് സര്‍,
വാസ്തവത്തില്‍ താങ്കളെപ്പോലുള്ളവരുടെ കരുണയും വാത്സല്യവും നിറഞ്ഞ അഭിപ്രായങളും പ്രജോതകങളും ഞങളെപ്പോലുള്ളവരെ അത്തരത്തില്‍ ആക്കി മാറ്റിയെടുക്കുന്നതല്ലേ സുരേഷ് സര്‍..?
നന്ദി പറയുന്നു.
മാത്സ് ബ്ലൊഗിനും സുരേഷ് സാറിനും.
ബാബു. വടുക്കുംചേരി.
Very useful.Sir..specialy de tax calculator.
Thank u
Very useful.Sir..specialy de tax calculator.
Thank u
Dear sheelamables,
Thank you sir/madam
BABU VADUKKUMCHERY
THANKS,
VILLAGE L THAMASIKKUNNA ENIKU (RENDEDHOUSE) KODUKKUNNA HRA YANO 40%SALARY YANO KURAKKEDATH?....PLZ HELP ME
TUTION FEES,MEDICINE, EVAYUDE ORIGINAL RECEIPT VENAMO?
KSFE SAVING DEPOSIT KURAKKAMO?
I WILL EXPECT YOUR REPLAY.
പ്രിയ ഷെയ്മാന്‍സ് സാര്‍,
ഉത്തരങള്‍ ക്രമത്തില്‍ പറയട്ടെ.
1. വീട്ടു വാടക നല്‍കി താമസിക്കുന്ന ഒരാള്‍ക്ക് ഇനി പറയുന്ന സംഖ്യകളില്‍ ചെറിയ സംഖ്യ ഇളവായി കിട്ടും[actual HRA paid or Excess of rent paid over 10%of salary, or 40% of salary ]. ഇവിടെ സാലറി എന്നു പറയുന്നത് pay+DA മാത്രം ചേര്‍ത്തതാണെന്ന് ഓര്‍ക്കുക. സാധാരണ ഗതിയില്‍ മൊത്തം വാങിയ HRA ആണു ഇളവായി കിട്ടുക.
2. നികുതി ഇളവിനു വക്കുന്ന എല്ലാ രേഖകളും കോപ്പിയെടുത്ത് അറ്റ്സ്റ്റ് ചെയ്തു വക്കുക.
3. KSFE അടക്കമുള്ള ഒരു saving deposit നും നികുതി ഇളവില്ല.
ബാബു വടുക്കുംചേരി
2009-10:2010-11 varshangalil Tax vannittilla. 80C deduction Rs.75000 veetham maathrame kaanichirunnulloo.Aa varshangalil LIC Rs.30000 veetham atachathu kaanikkendi vannirunnilla.2011-12 il 10E upayogichu Arrears kanakkakkumpol 2010-11 varshathil TAX varunnundu.2010-11 varshathil Officeilsamarpicha Income Tax calculation statementil LIC premium aayi atachirunna thukayaaya Rs.30000 koodi cherthirunnenkil TAX varumaayirunnilla.ini aa statement revice cheythu nalkaan kazhiyumo.
marupadi pratheekshikkunnu.
sukumash
2009-10;2010-11 varshangalil Tax vannirunnilla.Aa varshangalil samarpichirunna Income Tax Calculation statementil 80C Deduction Rs. 75000 maathrame kaanikkendi vannirunnulloo.Aa varshangalil LIC premium Rs 30000 veetham atachittundu. 2011-12 il 10E upayogichu Arrears maattumpol 2010-11 varshathil TAX atakkendivarum. 2010-11 il annu atachirunna LIC premium Rs.30000 koodi kaanichu maximum amount aaya Rs.100000 aakkiyirunnenkil TAX ozhivaakumaayirunnu. 2010-11 le statement Revise cheythu nalkaan vakuppundo. marupadi pratheekshikkunnu.
പ്രിയ സുകുമാഷ്,
Income tax സംബന്ധമായ കണക്കുകള്‍ (ITR)ജൂലായ്, ആഗസ്ത് മാസങളില്‍ നല്‍കാരുണ്ടല്ലോ, മാഷ് അത് സമര്‍പ്പിച്ചപ്പോളും ഇതുപോലെ തന്നെയാണു ചെയ്തതെങ്കില്‍ അത് പ്രശ്നം സ്രുഷ്ടിച്ചേക്കാം.
അതല്ല, മാഷ് (ITR)ജൂലായ്, ആഗസ്ത് മാസങളില്‍ സമര്‍പ്പിച്ചിരുന്നില്ലായിരുന്നെങ്കില്‍ നമുക്ക് അനുയോജ്യമാകുന്ന രീതിയില്‍ കൂടുതലായി വക്കേണ്ട രേഖകള്‍ വച്ച് കാര്യം നടത്തുന്നതില്‍ തെറ്റില്ല.
ബാബു വടുക്കുംചേരി
DEAR BABU SIR,
THANKS A LOT FOR YOUR KIND REPLY.
I APPRICIATE YOUR WORK WITHOUT EXPECTING ANY GAIN..................
..........THANKS A LOT........
BABUSIR, MARUPADIKKU VALARE NANDI.
dear babu sir
can d pay revision and da arrears b included in d deductions as per 80(C) if the total does not exceed d maximum of Rs.1 lakh
pramod
Dear shaimans sir,
THANK YOU
BABU VADUKKUMCHERY
DEAR PRAMOD DG SIR,
SORRY SIR, YOUR QUESTION IS NOT CLEAR. PL. CLEAR THE FOLLOWING THINGS:
1. WHETHER YOUR AIM IS TO PREPARE FORM 10-E..?
IF SO, PF INVESTMENT CANNOT BE BROUGHT BACK TO PREVIOUS YEARS. PL. READ THE WRITEUP.
2. IF YOU ARE JUST PREPARING CURRENT YEAR INCOME TAX CALCULATION STATEMENT,WITHOUT THE 10-E CALCULATION WORK, THE PF INVESTMENT OF CURRENT YEAR INCLUDING ARREARS MERGED IN PF CAN BE CONSIDERED FOR 80-C DEDUCTION.
BABU VADUKKUMCHERY
പ്രിയ ബാബു സര്‍
വികലാങ്കര്‍ക്ക് professional tax ഒഴിവാണല്ലോ ...
അത് പോലെ income tax അടക്കേണ്ടി വരുമോ?
10E ല്‍ table A പൂരിപ്പിക്കുമ്പോള്‍ ജനുവരി 2011 മുതല്‍ മാര്ച്ച് 2011 വരെയുള്ള DA arrear ല്‍ ജനുവരി 2011 മുതല്‍ ഫെബ്രുവരി 2011 വരെയുള്ള തുക 2010 - 2011 ലെ period ല്‍ ചേര്‍ക്കാമോ ?
01 / 07 / 2009 - മുതല്‍ 31 / 05 / 2011 വരെയാണ് Pay Revision arrear ലഭിച്ചത് . ഇതില്‍, 07 / 2009 മുതല്‍ 01 / 2011 വരെ PF ലും 02 /2011 മുതല്‍ 05 / 2011 വരെ cash ആയും കിട്ടി.
10E ല്‍ table A പൂരിപ്പിക്കാനായി 2010 -2011 ലെ arrear കാണുമ്പോള്‍ ഏപ്രില്‍ 2010 മുതല്‍ ജനുവരി 2011 വരെ PF ലേയ്ക്ക് പോയ തുകയും ഫെബ്രുവരി 2011 ലെ cash ആയി ലഭിച്ച തുകയും കൂടിയതല്ലേ ?
അറിവ് പകരുന്ന പ്രിയ ബാബു സാറിന് ഏല്ലാവിധ ആശംസകളും നേരുന്നു
Dear sir,
വികലാങ്കര്‍ക്ക് income tax നല്‍കുന്ന പ്രത്യേക ഇളവുകള്‍ (80-u) പ്രകാരം ശ്രദ്ധിച്ചിരിക്കുമല്ലോ. അതല്ലാതെ ടാക്സ് അടക്കാതിരിക്കാന്‍ നിര്‍ഭാഗ്യവശാല്‍ വഴിയൊന്നുമില്ല.
89-(1) റിലീഫ് കാണുന്നതിനുള്ള നടപടിയുടെ ലേഖനം വായിച്ചിരിക്കുമല്ലോ. അതു പ്രകാരം ചെയ്യുക. സാര്‍ സൂചിപ്പിച്ചിരിക്കുന്ന സംശയം ഒന്നുകൂടി വ്യക്തമാക്കിയാല്‍ കൊള്ളാം. അല്ലെങ്കില്‍ ഞാന് എഴുതുന്ന മറുപടി പൂര്‍ണ്ണതയിലെത്തില്ല.
ബാബു വടുക്കുംചേരി.
പ്രിയ സതാത് സര്‍,
10-E പൂരിപ്പിക്കുമ്പോള്‍ അരിയര് സംഖ്യകളെ കാലഖട്ടതിന്റെ അടിസ്ധാനത്തില്‍ തിരിച്ചാല്‍ മതി.അതായത്, എപ്രില്‍ 1- മുതല്‍ അടുത്ത മാര്ച്ച് 31 വരെയുള്ള എല്ലാ തരം അരിയറും ആ കാലത്തിലേതാണു., കാഷ് ആണോ, പി.എഫ് ആണൊ എന്ന് ആലോചിച്ച് നോക്കേണ്ട കാര്യമില്ല.
ബാബു വടുക്കുംചേരി.
സതാത് സാറിന്റെ ആശംസകള്‍ക്കു വളരെ നന്ദി, എതെങ്കിലും കാര്യത്തില്‍ ഇനിയും സംശ്യയം നില്‍ക്കുന്നുവെങ്കില്‍ വിളിക്കുക.
ബാബു വടുക്കുംചേരി
Thank you Babu sir.
ramachandrannediyanga
Thank you Babu sir.
ramachandrannediyanga
DEAR RAMACHANDRAN SIR,
താങ്കളുടെ അനുഗ്രഹാശംസകള്‍ക്ക് നന്ദി
ബാബു വടുക്കുംചേരി.
please send me your telephone number for clarifying some doubts ...
പ്രിയ ബാബുസാര്‍
അടച്ച ടാക്സ് റീഫണ്ട് ചെയ്യാന് എന്താണ് ചെയ്യേണ്ടത്. വന്‍ ടാക്സ് വരുമെന്ന് കരുതി കഴിങ്ങമാസം കുറച്ച് അടച്ചു. 10ഇ പ്രകാരം നോക്കിയപ്പോള്‍ അത്രയും വരില്ല. എന്ത് ചെയ്യും തിരിച്ചുകിട്ടുമോ............
sir enikku pay revision arrear ulpede tax 5024 ayi.ennal pay revision arrear mattumpol deduction 100000-thil kuravayathukondu annexure-1 le 4-amathe column tax on total income 7172 akunnu.5-amathe colomn 3816 anu.apool 6th colomn aya tax on salary received in arrear or advance kanan 7172-3816 kanano atho 5024-3816 kanano? sir please answer me
Dear Sukumash,
Phone No. 9947009559
babu vadukkumchery
പ്രിയ സനു സര്‍,
നികുതി കൂടുതലായി അടച്ചിട്ടുണ്ടെങ്കില്‍ ജൂലായ് ആഗസ്ത് മാസങളില്‍ ITR (INCOME TAX RETURN) സമര്‍പ്പിക്കുക.(ചില വിഭാഗക്കാരെ ഇത് സമര്‍പ്പിക്കുന്നതില്‍ നിന്നു ഒഴിവാക്കിയിട്ടുണ്ടെങ്കിലും താങ്കള്‍ സമര്‍പ്പിക്കുക) അതില്‍ കൂടുതലായി അടച്ച തുക റീ ഫണ്ട് ആയി കാ‍ണിക്കാം. കണക്കുകള്‍ ശരിയാണെങ്കില്‍ തീര്‍ച്ചയായും തിരികെ ലഭിക്കും
ബാബു വടുക്കുംചേരി
പ്രിയ ജയാമാഡം,
താങ്കളുടെ കുറിപ്പ് ആശയക്കുഴപ്പം ഉണ്ടാക്കുന്നു. കാരണം Annexure 1 ലെ 4 th column Tax on Total income as per item 3 എന്നാണു. അതായത് അരിയര് ഉള്‍പ്പെടെയുള്ള വരുമാനത്തിന്റെ ടാക്സ്. പക്ഷെ അത് താങ്കള്‍ 5024 ആണെന്നും 7172 ആണെന്നും മാറിമാറി പറയുന്നതിനാല്‍ കണക്കില്‍ കാര്യമായ തെറ്റു പറ്റിക്കാണണം. സഹായിക്കുന്നതില്‍ സന്തോഷമേയുള്ളു. കൂടുതല്‍ വിവരങള്‍ക്ക് വിളിക്കുന്നത് നന്നായിരിക്കും.
ബാബു വടുക്കുംച്ചേരി
Babu sir please send your phone number
Babu sir,
I was transferred on June 1,2011 and not getting salary since. In this assessment year I got a total of Rs 69975/- as salary and DA arrear. Of this 21660/- is credited to PF.
I expect my arrear salary next year and I have taken NSC for Rs.75000/- this February with the hope of using form 10 E next year.
I haven't submitted IT return this year. Must I do it for using 10 E next year?
പ്രിയപ്പെട്ട ബാബു സാര്‍,
താങ്കളുടെ ഈ മഹത്തായ സംഭാവനക്ക് ആദ്യമായി നന്ദി പറയട്ടെ.
പാന്‍ കാര്‍ഡ് ഇല്ലാത്തവര്‍ക്ക് 20 ശതമാനം ടാക്സു നല്കണമെന്ന് പറയുന്നത് ശരിയാണോ ?
രാഷ്ട്രീയ പാര്‍ട്ടികള്‍ക്ക് നല്കിയ സംഭാവന ഇപ്പോള്‍ total income- ത്തില്‍ നിന്നും minus ചെയ്യാന് കഴിയില്ലേ ?
അത്തരം തുകകള്‍ക്ക് എത്രയാണ് പരിധി ?
Dear Jayamadam,
Please note my phone number
Phone No. 9947009559
babu vadukkumchery
Dear Tom sir,
Congratulations...!
Actually you are taking right decisions of tax planning.
1. Regarding investment, the investment needed by you is the difference between 1 lakh and the actual investment you made in fields like, PF, Lic, NSC etc. I think the investment of 75000 is matching with it.
2. ITR (INCOME TAX RETURN) is the statement to be submitted by us during july Aug. months.(Not this statement). ITR SUBMISSION IS not compulsory thing.(See latest directions). but it is better to submit papers to Treasury and dept. offices(That is what we are just doing now) for future references.
Same time note that it is not a MUST THING in your case.
babu vadukkumchery
പ്രിയ ഗണിതപ്രിയന്‍ സര്‍,
TDS(TAX DEDUCTED AT SOURCE)എന്നത് ശമ്പളം നല്‍കുന്നവരും, പലിശ നല്‍കുന്നവരും മറ്റും കാലാകാലങളിലുള്ള നിരക്കനുസരിച്ചു ചെയ്യേണ്ട ഒന്നാണു. താങ്കള്‍ ഉദ്ദേശിച്ച 20% ടാക്സ്, പലിശ നല്‍കുന്ന ബാങ്കുകാര്‍ ചെയ്യേണ്ട ഒന്നാണു.
രാഷ്ട്രീയ പാര്‍ട്ടികള്‍ക്ക് നല്കിയ സംഭാവന ഇപ്പോള്‍ total income- ത്തില്‍ നിന്നും minus ചെയ്യാന് കഴിയില്ല. മറിച്ച് അത് നല്‍കിയിട്ടില്ല എന്നു കരുതി നികുതി നല്‍കുക, എന്നിട്ട്, ജുലായ് മാസത്തില്‍ income tax return നല്‍കുമ്പോള്‍ കൂടുതല്‍ നികുതി അടച്ചു എന്നു കാണിച്ച് refund നു അപേക്ഷിക്കാവുന്നതാണു.
അത്തരം തുകകള്‍ക്ക് അതിന്റെ റസീപ്റ്റില്‍ പറയും പ്രകാരമുള്ള ശതമാനം ഇളവാണു ലഭിക്കുക (അടച്ച തുകയുടെ നിശ്ചിത %)
ബാബു. വടുക്കുംചേരി
Thank you Babu sir:)
പ്രിയ ബാബു സാര്‍,
ഉടന്‍ തന്നെ ഒരു മറുപടി തന്ന താങ്കള്‍ക്കു ആദ്യമായി നന്ദി.
ഓരോ ഫോം എഴുതാന്‍ എടുക്കുമ്പോള്‍ ആണ് സംശയങ്ങള്‍ ഉണ്ടാകുന്നത്.
10 E യുടെ Annexure I,Table A ഇവ തയ്യാറാക്കുമ്പോള്‍ ഈ വര്ഷം വാങ്ങിയ പേ റിവിഷന്‍ അറിയരിന്റെ കൂടെ ഡി.എ അറിയര്‍ കൂടി കൂട്ടെണ്ടേ ?
GPAIS മെഡിക്ലെയിം ആയി കണക്കാക്കാമെന്ന്(80ഡി) ഒരു ടാക് കണ്സല്‍ട്ടന്‍്റ് പറയുന്നു. ഇങ്ങിനെ ചെയ്ത് ട്രഷറിയില്‍ ബില്ല് പാസാക്കിയിട്ടുമുണ്ട്. ഇങ്ങിനെ ചെയ്ത ഞങ്ങളുടെ ബില്ലിന് A.E.O. ഓഫീസ് ചുവപ്പുകൊടി കാട്ടി. ബില്ല് മാറ്റി നല്‍കേണ്ടി വന്നു. GPAIS-ന്‍്റെ കാര്യം ഒന്നു വ്യക്തമാക്കി തരാമോ?
പ്രിയ ഗണിതപ്രിയന്‍ സാര്‍,
മറുപടി വൈകിയതിനു ക്ഷമിക്കുക.
അരിയര് തുകകള്‍ Pay revision arrear/Da arrear/Arrear received in cash/Arrear as PF എന്നീ രീതിയില്‍ തരം തിരിക്കരുത്,എല്ലാ തരം അരിയറും കൂട്ടുക, എന്നിട്ട് 2009-10 സാമ്പ്ത്തിക വര്‍ഷത്തിലെ, 2010-11 വര്‍ഷത്തിലെ, 2011-12 വര്‍ഷത്തിലെ എന്ന അടിസ്താനത്തില്‍ തരം തിരിക്കുക. എന്നിട്ട് 2011-12 വര്‍ഷത്തിലൊഴികെയുള്ള തുകകള്‍ ലേഖനത്തില്‍ പറയും പ്രകാരം നടപടി /2/3/4 എന്നിവയില്‍ ഉള്‍പ്പെടുത്തിയതിനു ശേഷമേ Annexure-1, Table A എന്നിവ തയ്യാറാക്കാവൂ.
ബാബു വടുക്കുംചേരി
GPAIS മെഡിക്ലെയിം ആയി കണക്കാക്കാമെന്നു കരുതുന്നില്ല. കാരണം അത് 80-D section പ്രകാരം വരുന്നതല്ല. മെഡിക്ലെയിം പോളിസികള്‍ക്ക് ആശുപത്രി ചികിത്സാ സഹായം ലഭിക്കും എന്നാല്‍ GPAIS നു അപകടമരണം തന്നെ ശരണം എന്നു പറയാം. സാദാ മരണം പോലും അനുഗ്രഹം തരില്ല.
AEO OFFICE ശരിയായ നടപടിയാണു എടുത്തത്.
ബാബു വടുക്കുംചേരി
സര്‍
പാന്‍ കാര്‍ഡ് ഇല്ലാത്തവര്‍ ടാക്സ് കൂടുതല്‍ നല്കണമെന്ന് പറയുന്നു.വാസ്തവമുണ്ടോ
സര്‍
പാന്‍ കാര്‍ഡ് ഇല്ലാത്തവര്‍ ടാക്സ് കൂടുതല്‍ നല്കണമെന്ന് പറയുന്നു.വാസ്തവമുണ്ടോ
സര്‍
പാന്‍ കാര്‍ഡ് ഇല്ലാത്തവര്‍ ടാക്സ് കൂടുതല്‍ നല്കണമെന്ന് പറയുന്നു.വാസ്തവമുണ്ടോ
സോമന്‍ സാര്‍,
എന്തായാലും PAN എടുത്തിരിക്കുന്നതാണു ഈ കാലത്ത് യുക്തി. ഇതു സംബന്ധമായ income tax നിയമങള്‍ മുഴുവന്‍ പറഞാ‍ലേ ഉത്തരം ശാസ്തീയമാകൂ എങ്കിലും ചുരുക്കി പറയുന്നു.
നിക്ഷേപങള്‍ക്ക് പലിശ നല്‍കുന്ന ബാങ്കുകളും മറ്റും പലിശയിന്മേല്‍ TDS (ഉദ്ഭവത്തില്‍നിന്നും നികുതി ചുമത്തല്‍)ഈടാക്കേണ്ടതുണ്ട്. pan ഉള്ളവര്‍ അതു ഹാജരാക്കിയാല്‍ ഈ “ പലിശകുറവില്‍“ നിന്നും ആ സമയത്ത് രക്ഷപ്പെടാന്‍ കഴിയും
pan എടുക്കേണ്ടവര്‍ അത് എടുക്കേണ്ടത് നിയമ പരമായ കടമയാണു. അതു എടുക്കുന്നതിലൂടെ നികുതി ഇടപാടുകള്‍ സുതാര്യവും ലളിതമാകുന്നു എന്നതാണു സത്യം. അല്ലാതെ pan ലൂടെ നികുതി കൂടുതലോ കുറവോ നല്‍കേണ്ടതായി വരുന്നില്ല.
ബാബു വടുക്കുംചേരി.
പ്രിയപ്പെട്ട ബാബു സര്‍,
1. Annexure 1 ലെ മൂന്നാമത്തെ ഐറ്റം എന്റെ ഈ വര്‍ഷത്തെ statement -ന്റെ ഐറ്റം
13ലെ തുകയായ Total Taxable income
തന്നെയല്ലേ?(അതായത്,Gross Total
Income - Savings)
2. annexure 1ലെ ഒന്നാം കോളത്തില്‍ നിന്നും മൂന്നാം കോളത്തില്‍ നിന്നും minus ചെയ്യേണ്ട തുക
പുരുഷന്മാര്‍ക്ക് 180000,സ്ത്രീകള്‍ക്ക് 190000 എന്ന ക്രമത്തില്‍ തന്നെയല്ലേ ?
എന്റെ സ്ഥാപനത്തിലെ ക്ലാര്‍ക്ക് പറയുന്നത് പുരുഷന്മാര്‍ക്ക് 160000,സ്ത്രീകള്‍ക്ക് 190000 എന്ന ക്രമത്തില്‍ ആണെന്ന്.
ശരിയായ വിവരം സാര്‍ ഉടന്‍ തന്നെ നല്‍കുമെന്ന്
പ്രതീക്ഷിക്കട്ടെ.
പ്രിയപ്പെട്ട ബാബു സര്‍,
1. Annexure 1 ലെ മൂന്നാമത്തെ ഐറ്റം എന്റെ ഈ വര്‍ഷത്തെ statement -ന്റെ ഐറ്റം
13ലെ തുകയായ Total Taxable income
തന്നെയല്ലേ?(അതായത്,Gross Total
Income - Savings)
2. annexure 1ലെ ഒന്നാം കോളത്തില്‍ നിന്നും മൂന്നാം കോളത്തില്‍ നിന്നും minus ചെയ്യേണ്ട തുക
പുരുഷന്മാര്‍ക്ക് 180000,സ്ത്രീകള്‍ക്ക് 190000 എന്ന ക്രമത്തില്‍ തന്നെയല്ലേ ?
എന്റെ സ്ഥാപനത്തിലെ ക്ലാര്‍ക്ക് പറയുന്നത് പുരുഷന്മാര്‍ക്ക് 160000,സ്ത്രീകള്‍ക്ക് 190000 എന്ന ക്രമത്തില്‍ ആണെന്ന്.
ശരിയായ വിവരം സാര്‍ ഉടന്‍ തന്നെ നല്‍കുമെന്ന്
പ്രതീക്ഷിക്കട്ടെ.
ബാബു സാര്‍ ,
നടപടി 4 ലെ തുകകള്‍ (2009,2010) പത്തിന്റെ ഗുണിതങ്ങളാക്കിയ ശേഷമാണോ ടാക്സ് കണ്ടെത്തണ്ടത് ????
income tax assessing office's ward no
ഇത് എങ്ങനെ അറിയാം
ഗണിതപ്രിയന്‍ സാര്‍,
Taxable Income (or Total income) നു Income tax Dept. നല്‍കുന്ന നിര്‍വചനം അടിസ്ഥാന കിഴിവായ 1,80000 കുറക്കുന്നതിനു തൊട്ടുമുന്‍പുള്ള ഇങ്കം എന്നാണു.
“ annexure 1ലെ ഒന്നാം കോളത്തില്‍ നിന്നും മൂന്നാം കോളത്തില്‍ നിന്നും minus ചെയ്യേണ്ട തുക പുരുഷന്മാര്‍ക്ക് 180000,സ്ത്രീകള്‍ക്ക് 190000 എന്ന ക്രമത്തില്‍ തന്നെയല്ലേ ?“ എന്ന സാറിന്റെ ചോദ്യം അതുകൊണ്ടുതന്നെ ആശയക്കുഴപ്പം ഉണ്ടാക്കുന്ന ഒന്നാണു.കാരണം അവിടെ 1.8 ലക്ഷം കുറക്കാന്‍ പാടില്ല. എന്നാല്‍ സാര്‍ ഉദ്ദേശിച്ചത് Annexure I ലെ 4,5 point കളിലെ നികുതി കാണുന്ന സന്ദര്‍ഭത്തിലേതാണെങ്കില്‍, നികുതി കാണാനായി പുരുഷന്‍ 1.8 ലക്ഷവും,സ്തീ 1.9 ലക്ഷവും കുറച്ചിട്ടാകണം.
എന്നാല്‍ Table A യില്‍ 2009-10,2010-11 വര്‍ഷത്തിലെ നികുതി കണക്കാക്കുമ്പോള്‍ നിരക്കുകള്‍ വേറേയായിരുന്നതിനാല്‍ 1.6 ലക്ഷമാണു പുരുഷനു കുറക്കേണ്ടതു.
ബാബു വടുക്കുംചേരി
പ്രിയ സനു സാര്‍,
Total Income (Taxable Income)കാണുമ്പോള്‍ സംഖ്യ 10 ലേക്ക് round ചെയ്തു കാണുകയാ‍ണു നല്ലത്.(അങനെ ചെയ്തില്ലെങ്കിലും അവസാനം നികുതി രൂപയിലേക്ക് round ചെയ്യുമ്പോള്‍ സംഗതി ശരിയാകും)
നമ്മള്‍ നല്കിയ ഉദാഹരണത്തില്‍ round ചെയ്യാത്ത സംഖ്യയാണു ഉള്‍പ്പെടുത്തിയിരിക്കുന്നത്. അത് round ചെയ്യുന്നതോടെ കണക്കു കൂട്ടലുകള്‍ കൂടുതല്‍ ലളിതമാകും
ബാബു വടുക്കുംചേരി
പ്രിയ ദിവ്യ മാഡം,
income tax assessing office's ward no. തുടങിയവ മുന്‍ കാലങളില്‍ ITR(INCOME TAX RETURN , JULY/AUG മാസങളില്‍ നല്‍കുന്നത്)ന്റെ acknowledgment seal പരിശോദിച്ചാല്‍ അറിയാന്‍ കഴിയും.
ഈ സാഹചര്യത്തില്‍ അത് എഴുതിയില്ലെങ്കിലും കുഴപ്പമൊന്നുമില്ല.
ബാബു വടുക്കുംചേരി
Income tax Return സമര്‍പ്പിയ്ക്കാനുള്ള അവസാന തിയ്യതി July 31 അല്ലേ? അതിനുള്ള ഫോറം site-ല്‍ നിന്ന് ലഭിയ്ക്കുമോ? ഇത് എല്ലാവരും സമര്‍പ്പിയ്ക്കേണ്ടതുണ്ടോ?
ഗിരീഷ് സര്‍, റിട്ടേണ്‍ സമര്‍പ്പിക്കാനുള്ള ഫോം ഇങ്കം ടാക്സ് വകുപ്പിന്റെ ഓഫീസില്‍ നിന്നും സൌജന്യമായി ലഭിക്കും. താങ്കള്‍ക്ക് ശ്മ്പളത്തിനുപുറമേ മറ്റു വരുമാനങള്‍ ഉണ്ടെങ്കില്‍ ( ഫിക്സഡ് ഡെപ്പോസിറ്റ് പലിശ, ഹോസിങ് ലോണ്‍, മുതലായവ) ഉണ്ടെങ്കില്‍ നിര്‍ബന്ധ്മായായും റിട്ടേണ്‍ നല്‍കിയിരിക്കണം. കൂടാതെ നികുതി കണക്കാക്കുന്നതിനുള്ള വരുമാനം (ഗ്രൊസ് വരുമാനമല്ല, മറിച്ച് ടാക്സബിള്‍ ഇങ്കം) 5 ലക്ഷത്തിനു മുകളിലാണെങ്കില്‍ ഈ ഫയലിങ് നല്‍കിയിരിക്കണം
pfil loan edukkunnathengane?>
Post a Comment