INCOME TAX 2019-20

2019-20 വർഷത്തെ ആദായനികുതി അടയ്ക്കാൻ നാല് തവണകൾ കൂടിയാണ് ബാക്കിയുള്ളത്. കിഴിവുകൾ കുറച്ച ശേഷം Taxable Income 5 ലക്ഷം വരെയുള്ളവർക്ക് ആദായനികുതി നൽകേണ്ടതില്ല. എന്നാൽ Taxable Income 5 ലക്ഷത്തിൽ കൂടുമ്പോൾ ചുരുങ്ങിയ ടാക്സ് 12,500 രൂപയെങ്കിലും ഉണ്ടാകും. അതിനാൽ ഉണ്ടാവില്ല എന്ന് കരുതി ടാക്സ് കുറയ്ക്കാതിരുന്നവർ ഇപ്പോൾ ഒരിക്കൽ കൂടി ടാക്സ് കണക്കാക്കി നോക്കുന്നത് നന്നാവും. Taxable Income 5 ലക്ഷത്തിനു തൊട്ടു മുകളിൽ ഉള്ളതിനാൽ ടാക്സ് വരുന്നു എങ്കിൽ 80 D പ്രകാരമുള്ള മെഡിക്കൽ ഇൻഷുറൻസ് വഴിയോ 10 E റിലീഫിനു സാധ്യത ഉണ്ടെങ്കിൽ അത് വഴിയോ ടാക്സ് നൽകുന്നതിൽ നിന്നും ഒഴിവാകാൻ പറ്റുമോ എന്നും പരിശോധിക്കാം. അടച്ചു കൊണ്ടിരിക്കുന്നവർക്ക് മാസം തോറും അടയ്ക്കുന്ന തുക പുനർ നിർണയിക്കുകയും ആവാം.
ടാക്സ് കണക്കാക്കുന്നതിനും Income Tax Anticipatory Statement, Final Statement, Form 10 E, Form 12 BB എന്നിവ തയ്യാറാക്കുന്നതിനും സോഫ്റ്റ്‌വെയർ ഉപയോഗിക്കാം.

• EASY TAX 2020 by Sudheer Kumar T K & Rajan N///EASY TAX 2020 Ubuntu Version
  
• HONEST TAX PREMIUM (Can fetch data from SPARK Income Tax Statement by Anson Fransis///You tube video help file
  
• ECTAX 2020 Tax Calculator by Babu Vadukkumchery
  
• Anticipatory Income Tax Statement by Alrahman
  
• Tax Consultant Unlimited by Saffeque M P
  
• Calcnprint Anticipatory by Krishnadas N P
  
• Income tax Calculator 2020 by Gigi Varghese///Help File
  

ആദായ നികുതി കണക്കാക്കുന്നത് എങ്ങിനെ എന്നും കിഴിവുകൾ എന്തൊക്കെ എന്നും അറിയാൻ ഈ ലിങ്കിൽ ക്ലിക്ക് ചെയ്യൂ.

INCOME TAX 2019-20 Notes///Download PDF copy of the Note
ചിലർക്കെങ്കിലും അല്പമൊന്നു ശ്രദ്ധിച്ചാൽ ടാക്സിൽ വലിയ കുറവ് വരുത്താൻ ഈ വർഷം സാധിക്കും.

ഒരു ഉദാഹരണം നോക്കാം. 80 C കിഴിവുകൾ 1,50,000 കുറച്ച ശേഷം ഒരാളുടെ Taxable Income 5,15,000 ആണെങ്കിൽ അടയ്‌ക്കേണ്ട ടാക്സ് 16,120 രൂപയാണ്. ഇദ്ദേഹം 15,000 രൂപ മെഡിക്കൽ ഇൻഷുറൻസ് പ്രീമിയം (ചെക്ക് വഴി) അടച്ചാൽ ടാക്സ് നൽകേണ്ടി വരില്ല. ഇതേയാൾ മെഡിക്കൽ ഇൻഷുറൻസ് അടയ്ക്കാതെ 15,000 രൂപ അരിയർ ഫോം 10 E ഉപയോഗിച്ച് 2018-19 വർഷത്തേക്ക് മാറ്റുന്നു എന്ന് കരുതുക. അയാൾക്ക് 2018-19 ലെ Taxable Income 4,80,000 ആയിരുന്നെങ്കിൽ റിലീഫ് 15,340 രൂപ ലഭിക്കുന്നു. Taxable Income 3,50,000 രൂപ ആയിരുന്നെങ്കിൽ 12,740 രൂപ റിലീഫ് ലഭിക്കുന്നു.
ശ്രദ്ധിക്കേണ്ട മറ്റൊരു കാര്യം, ടാക്സ് ഉണ്ടാവില്ല എന്ന് കരുതി തവണകളായി കുറച്ചിട്ടില്ലാത്ത ഒരാൾക്ക് Final Statement ൽ 12,500 രൂപ ടാക്സ് വന്നുവെങ്കിൽ അത് അവസാന ശമ്പളത്തിൽ നിന്നും കുറയ്ക്കുക മാത്രമേ നിർവാഹമുള്ളൂ. ടാക്സ് പന്ത്രണ്ട് തവണകളായി കുറയ്ക്കാൻ ഇവിടെ DDO വീഴ്ച വരുത്തുന്നു. ഒരു ശമ്പള വരുമാനക്കാരൻ നൽകേണ്ട ടാക്സ് എത്ര ആയിരുന്നാലും അതിന്റെ വിഹിതം ഓരോ മാസവും ശമ്പളത്തിൽ നിന്നും കുറച്ച ശേഷമാണ് DDO ശമ്പളം നൽകേണ്ടത്. 10,000 രൂപയിൽ കൂടുതൽ ടാക്സ് ഉള്ള ഏതൊരാളും Advance Tax അടയ്ക്കുവാനും ബാധ്യസ്ഥനാണ്. ഇതിലും വീഴ്ച വരുന്നു. ഒരു വർഷത്തെ ആകെ ടാക്‌സിന്റെ 15 % ത്തിൽ കുറയാത്ത സംഖ്യ ജൂൺ 15 നു മുമ്പും, 45 % ത്തിൽ കുറയാത്ത സംഖ്യ സെപ്റ്റംബർ 15 നു മുമ്പും 75 % ത്തിൽ കുറയാത്ത സംഖ്യ ഡിസംബർ 15 നു മുമ്പും മുഴുവൻ തുകയും മാർച്ച് 15 നു മുമ്പും അടച്ചിരിക്കണമെന്നു സെക്ഷൻ 211 ൽ പറയുന്നു.

Read More | തുടര്‍ന്നു വായിക്കുക

കേരളപ്പിറവി വിവരശേഖരണം

കേരള പിറവിയോടനുബന്ധിച്ച് സംസ്ഥാനവുമായി ബന്ധപ്പെട്ട വസ്തുതകളുടെ ഒരു വിവരശേഖരണം പോസ്റ്റർ രൂപത്തിൽ  (50 എണ്ണം ) കലാപരമായ രീതിയിലൂടെ  അവതരിപ്പിക്കുകയാണ് മലപ്പുറം ജില്ലയിലെ കാട്ടിലങ്ങാടി ഗവ.ഹയർ സെക്കന്ററി സ്കൂളിലെ ചിത്രകലാധ്യാപകനും കലാവിദ്യാഭ്യാസം സ്റ്റേറ്റ് റിസോഴ്സ് പേഴ്സണുമായ സുരേഷ് കാട്ടിലങ്ങാടി

കാണുവാനായി Click Here 

Read More | തുടര്‍ന്നു വായിക്കുക

ഓർബിറ്റർ വിക്രമിനോട്

 .                                            ജനാർദ്ദനൻ. സി. എം                                       

പൊന്നുണ്ണീ നിന്നെക്കാണാതുഴറും മനസ്സോടെ-

യെണ്ണുന്നൂ ദിനങ്ങളങ്ങാഴ്ചകളേറേയായി

മാതൃഗർഭത്തിൽ നിന്നങ്ങൊരുമിച്ചിറങ്ങിയോർ

ഭ്രാതൃഭാവത്തിലല്പം മൂത്തവൻ ഞാനാണല്ലോ

അതിനാലമ്മ യാത്ര പിരിയും നേരമെന്നെ-

യരികിൽ വിളിച്ചിത്രമാത്രമേ പറഞ്ഞുള്ളൂ

ചന്ദ്രനെ വലംവെക്കുന്നേരമീ കുഞ്ഞോമന-

യ്ക്കാരുനീയല്ലാതില്ലമറ്റൊരാളെന്നോമനേ

പോകുന്ന പോക്കിൽ വീഴാതെയിവനെനീ-

യാവുന്ന പോലെ രക്ഷിച്ചേറ്റണമിന്ദുക്ഷേത്രേ

കുസൃതിക്കുറുമ്പനാമിവനേ പിടിവിട്ടാൽ

കുതറിപ്പായും തീർച്ച,യോർക്കണം നീയും,മോനും

ചെവിയിൽ സദാനേരമതുതന്നോതി ഞാനും

പതിയെ യാത്രയാക്കി,പ്പതിയെപ്പോയീടുവാൻ

പുറകേ വരുവാനീച്ചേട്ടനു സ്വാതന്ത്ര്യമി-

ല്ലറിക,യല്ലാതെ ഞാൻ തനിച്ചു വിടില്ലല്ലോ

കിട്ടിയ സ്വാതന്ത്ര്യത്തിൽ മത്തനായ്പോയോ നിന്റെ

പൊട്ടിയ ചെവിയതിൽക്കേറാതെപോയോ കുട്ടീ

ഇത്തിരിദൂരം മാത്രം താണ്ടുവാനുള്ള നേരം

ഒത്തിരി ധൃതി കാട്ടിച്ചാടിയോ മരങ്ങോടാ

നിന്നുടെ വിവരങ്ങളൊന്നുമേയറിയാത്തോ-

രെന്നുടെ കണ്ണിൽ പെടാതെങ്ങുപോയുണ്ണീ നീയും.

ഒരുപ്രാവശ്യം നിന്നെയൊരു പ്രാവശ്യം മാത്രം

ചെറുതായൊന്നു കണ്ടു അക്കഥയോർക്കാൻ വയ്യ

ആരെ നീ കാണാൻ ചെന്നോരായൊരു മാമൻ തന്റെ

മാറിലായെല്ലുപൊട്ടിച്ചരിഞ്ഞു കിടക്കുന്നു

ഇരുളിൻ കരിമ്പടപ്പുതപ്പാലാരോ നിന്നെ-

യഴലിൻ കഥപാടി ഉറക്കിക്കിടത്തുന്നു

അലറിത്തൊണ്ടപൊട്ടിയുറക്കെക്കരഞ്ഞു ഞാൻ

അറിഞ്ഞീലൊന്നും പക്ഷെ കിടന്ന കിടപ്പിൽ നീ

ഇരുളിൻ മറമാറാൻ ദിനങ്ങളെത്ര വേണം

കരളിൽ നീയല്ലാതെയാരുമേയില്ലാ വിക്രം.

Read More | തുടര്‍ന്നു വായിക്കുക

ഫേസ്‍ക്രോപ്പര്‍

സ്‍കൂളിലെ ഹെഡ്‍മാസ്റ്റര്‍ അഥവാ വൈസ് പ്രിന്‍സിപ്പലായി കഴിഞ്ഞ ജൂണില്‍ സ്ഥാനമേറ്റതാണ്. സമ്പൂര്‍ണ, സമഗ്ര, സമന്വയാദി പേരുകളിലുള്ള ഒട്ടനേകം ഓണ്‍ലൈന്‍ സംവിധാനങ്ങളുമായി പടപൊരുതി വരികയാണ്. അതോടൊപ്പംതന്നെ വിദ്യാഭ്യാസ വകുപ്പിന്റെ ഇത്തരം കടലാസുരഹിത ജോലി ലഘൂകരണപ്രവര്‍ത്തനങ്ങളുടെ അന്തസ്സത്ത മനസ്സിലാകാത്ത ചില വിഭാഗങ്ങളുടെ പഴയരീതിയിലുള്ള പ്രവര്‍ത്തനങ്ങളും ആവശ്യങ്ങളും ജോലി ഇരട്ടിയാക്കുന്നുമുണ്ട്. ഇതിനിടയിലാണ് ഇന്നലെ സ്കൂളിലെ കായികാധ്യാപകന്‍ ഗെയിംസിന് സ്കൂളില്‍ നിന്നും രജിസ്റ്റര്‍ ചെയ്യേണ്ട, 54 കുട്ടികളുടെ ഫോട്ടോകളടങ്ങുന്ന വിവരങ്ങള്‍‍ എത്രയുംവേഗം ഓണ്‍ലൈനായി http://schoolsports.in എന്ന വെബ്‍സൈറ്റില്‍ അപ്‍ലോഡ് ചെയ്യേണ്ടതുണ്ടെന്ന ആവശ്യവുമായി എത്തുന്നത്. കുട്ടികളെ ഓരോരുത്തരായി വിളിച്ച്, ചേമ്പറില്‍ നിര്‍ത്തി പടമെടുത്തു. ഇനി അവ ഓരോന്നിനേയും 150x200 സൈസില്‍ 50കെബി ക്ക് താഴെയായി പരിവര്‍ത്തിപ്പിച്ചാലേ അവ സൈറ്റില്‍ കയറുകയുള്ളൂ. ഓരോന്നെടുത്ത് അപ്പണി മുഴുവന്‍ ചെയ്യുന്നത് മൂന്നുനാലുദിവസത്തെ പണിയാകും. അപ്പോഴാണ് കോട്ടയം ജില്ലയില്‍ നിന്നുള്ള കൈറ്റ് മാസ്റ്റര്‍ ട്രെയിനറും മാത്‍സ് ബ്ലോഗ് അഡ്‍മിനും സുഹൃത്തുമായ നിധിന്‍ ജോസ് തയാറാക്കിയ facecropper എന്ന മികച്ചൊരു സോഫ്റ്റ്‍വെയര്‍ ഓര്‍മവന്നത്! മൊബൈലില്‍, പല വലുപ്പത്തിലെടുത്ത എല്ലാ ചിത്രങ്ങളും കേബിള്‍ വഴി ലാപ്‍ടോപ്പിലെ ഒരു ഫോള്‍ഡറിലേക്ക് മാറ്റി. ഇവിടെ നിന്നും facecropper1.0എന്ന ഏറ്റവും പുതിയ വേര്‍ഷന്‍ ഡൗണ്‍ലോഡ് ചെയ്തു. നമുക്കു പരിചിതമായ ഡെബ് ഫയല്‍ അനായാസം ഇന്‍സ്റ്റാള്‍ ചെയ്തു. Applications -> Graphics > face-cropper എന്ന രീതിയില്‍ തുറന്നു. Select Folderഎന്നതില്‍ ക്ലിക്കി ഫോള്‍ഡര്‍ തെരഞ്ഞെടുത്തു. Width, Height എന്നിവ വേണ്ടതുപോലെ ആക്കി. Crop facesഎന്നതില്‍ ക്ലിക്ക് ചെയ്ത് ഒരു മൂന്നു മിനിറ്റ് കാത്തിരുന്നു. അതേ ഫോള്‍ഡറില്‍, facesഎന്ന ഉപഫോള്‍ഡര്‍ തനിയേ ഉണ്ടാക്കി 54കുട്ടികളുടെയും ആവശ്യമായ അളവുകളിലുള്ള ചിത്രങ്ങള്‍ ഒരു തളികയിലെന്നതുപോലെ റെഡി! ലിറ്റില്‍ കൈറ്റ്‍സിലെ മിടുക്കര്‍ കേവലം അരമണിക്കൂര്‍കൊണ്ട് മുഴുവന്‍ പണിയും തീര്‍ത്തു. ഇനി സ്‍പോര്‍ട്സും കലോത്സവവുമൊക്കെ വരുമ്പോള്‍ ഇജ്ജാതി പണി ഞങ്ങള്‍ പൊളിക്കും.

Read More | തുടര്‍ന്നു വായിക്കുക

Sasthrolsavam Manual 2019

കേരള സ്കൂൾ ശാസ്‍ത്രോത്സവ മാന്വൽ പത്ത് വർഷങ്ങൾക്ക് ശേഷം പരിഷ്കരിച്ച് പുറത്തിറങ്ങിയിരിക്കുകയാണല്ലോ. 2019-20 വർഷം മുതലുള്ള മേളകൾ ഈ മാന്വൽ പ്രകാരമായിരിക്കും നടത്തപ്പെടുക. ഒട്ടേറെ പുതുമകളും മാറ്റങ്ങളുമായാണ് പുതിയ മാന്വലിന്റെ കടന്നുവരവ്.

പുതിയ മാന്വൽ (2019) ഇവിടെയും
റഫറൻസ് ആവശ്യങ്ങൾക്കായി മാത്രം പഴയ മാന്വൽ (2009) ഇവിടെയും നല്കുന്നു.

പഴയതിൽ നിന്നുള്ള പ്രധാനപ്പെട്ട മാറ്റങ്ങൾ എന്തെല്ലാമാണെന്ന് ചർച്ച ചെയ്യാനായി ഈ കുറിപ്പ് പ്രയോജനപ്പെടുമെന്ന് കരുതുന്നു.

പ്രധാനപ്പെട്ട മാറ്റങ്ങൾ ചുവടെ നല്കുന്നു:

ശാസ്‍ത്രോത്സവം പൂർണമായും ഹരിത പെരുമാറ്റചട്ടത്തിനു വിധേയമായിരിക്കും.

LP, UP വിഭാഗം മത്സരങ്ങൾ ഉപജില്ലാ തലത്തിൽ അവസാനിക്കും.

ഉപജില്ലാ/ജില്ലാ തലത്തിൽ A ഗ്രേഡ് സഹിതം ഒന്നും രണ്ടും സ്ഥാനം നേടുന്ന HS, HSS വിഭാഗം വിദ്യാർത്ഥികൾക്ക്‌ അടുത്ത ലെവലിൽ (ജില്ലാ/സംസ്ഥാന തല മത്സരത്തിൽ) പങ്കെടുക്കാം.

ഗ്രേഡ് കണക്കാക്കുന്ന സ്ലാബിലും മാറ്റമുണ്ട്.
80% - 100% : A Grade
70 - 79 : B
60 - 69 : C

പഴയതിൽ ഇത് 70 – 100, 60 – 69, 50 – 59 എന്നിങ്ങനെ ആയിരുന്നു.
പുതിയ മാന്വൽ പ്രകാരം 60% ൽ താഴെയുള്ള സ്കോർ, ഗ്രേഡ് ചെയ്യുന്നതല്ല.

ശാസ്‍ത്രോത്സവത്തിൽ ഒരു ഇനത്തിൽ മാത്രമേ ഒരു വിദ്യാർത്ഥിക്ക് പങ്കെടുക്കാൻ അവസരമുള്ളു.
ഇത് കൂടാതെ ഏതെങ്കിലും ക്വിസ് മത്സരത്തിലും പങ്കെടുക്കാം.

സംസ്ഥാന മേളയിൽ കുട്ടികൾ അവരുടെ ഇനത്തേക്കുറിച്ച് മത്സര സമയത്ത് ലഘു കുറിപ്പ് തയ്യാറാക്കി നൽകണം. ഈ വിവരണത്തോടൊപ്പം ഫോട്ടോകളും ഉൾപ്പെടുത്താം.

അദ്ധ്യാപകർക്കായി Teacher’s Project എന്ന പുതിയ മത്സര ഇനം കൂടി ഉൾപ്പെടുത്തിയിട്ടുണ്ട്

അപ്പീൽ കമ്മറ്റിയ്ക്കായി പുതിയ മാന്വലിൽ ഒരു അധ്യായം തന്നെയുണ്ട്. അപ്പീൽ ഫീസും വർദ്ധിപ്പിച്ചിട്ടുണ്ട്.(പഴയ ഫീസ് ബ്രാക്കറ്റിൽ)

സ്കൂൾ തലത്തിൽ അപ്പീൽ ഫീസ് ഇല്ല.
ഉപജില്ലാ തലത്തിൽ 500 രൂപ.(പഴയ ഫീസ് 250 രൂപ.)
റവന്യൂജില്ലാ തലത്തിൽ 1500 രൂപ. (500 രൂപ.)
സംസ്ഥാന തലത്തിൽ 2000 രൂപ. (1000 രൂപ.)

  9,10,11,12 ക്ലാസ്സുകളിൽ പഠിക്കുന്ന, മത്സരത്തിൽ പങ്കെടുക്കുന്ന ഓരോ വിദ്യാർത്ഥിയും 20 രൂപ രജിസ്‍ട്രേഷൻ ഫീസ് നല്കണം.

ഒരു മേളയുടേയും അദ്ധ്യാപക മത്സരങ്ങൾ, Talent Search Examination, മാഗസിൻ മത്സരം എന്നിവ ചാമ്പ്യൻഷിപ്പിന് പരിഗണിക്കുന്നതല്ല.

ശാസ്‍ത്രമേളയിലെ മത്സര ഇനങ്ങളിൽ മാറ്റമൊന്നുമില്ല. എങ്കിലും അവയുടെ മൂല്യ നിർണയ ഉപാധികളിൽ ചെറിയ പരിഷ്കാരങ്ങളുണ്ട്.

ഗണിതശാസ്‍ത്രമേളയിൽ എൽ. പി. വിഭാഗത്തിൽ നമ്പർ ചാർട്ട് എന്ന മത്സര ഇനം കൂടുതലായി ഉൾപ്പെടുത്തി.
യു. പി. വിഭാഗത്തിൽ ഗെയിം കൂടുതലായി ഉൾപ്പെടുത്തി.
എൽ. പി. ഒഴികെയുള്ള വിഭാഗങ്ങളിൽ Talent Search Examination എന്ന മത്സര ഇനം പുതുതായി ഉൾപ്പെടുത്തി.

സാമൂഹ്യശാസ്‍ത്രമേളയിൽ ക്വിസ് മത്സരത്തിൽ രണ്ട് കുട്ടികൾ അടങ്ങിയ ടീമിന് പകരം ഒരു കുട്ടി എന്നതാണ് മാറ്റം.

പ്രവൃത്തിപരിചയമേളയിൽ തത്‍സമയ നിർമ്മാണ മത്സരത്തിൽ
എൽ. പി., യു. പി. വിഭാഗങ്ങളിൽ മാറ്റമൊന്നുമില്ല.
HS, HSS വിഭാഗങ്ങളിൽ പച്ചക്കറി പഴവർഗ സംസ്കരണം എന്ന മത്സര ഇനവും ചെലവു ചുരുങ്ങിയ പോഷകാഹാര വിഭവങ്ങൾ എന്ന മത്സര ഇനവും ചേർത്ത് ഒറ്റ മത്സര ഇനമാക്കി മാറ്റി.

ഐ.ടി. മേള ആദ്യമായി മാന്വലിന്റെ ഭാഗമാകുന്നുവെന്ന അർത്ഥത്തിൽ എല്ലാ മത്സര ഇനങ്ങളും പുതിയ മത്സര ഇനങ്ങളാണ്. എങ്കിലും മുൻ കാല ഐ.ടി. മേളയുമായി താരതമ്യപ്പെടുത്തുമ്പോൾ
യു. പി. വിഭാഗം മത്സര ഇനങ്ങളിൽ മാറ്റമൊന്നുമില്ല.
HS, HSS വിഭാഗങ്ങളിൽ സ്‍ക്രാച്ച് പ്രോഗ്രാമിംഗ്, ആനിമേഷൻ എന്നീ മത്സര ഇനങ്ങൾ പുതുതായി ഉൾപ്പെടുത്തി.
മൾട്ടി മീഡിയ പ്രസന്റേഷന്‍ എന്നത് രചനയും അവതരണവും (പ്രസന്റേഷൻ)‍ എന്നാക്കി മാറ്റിയിട്ടുണ്ട്. അതുപോലെ മലയാളം ടൈപ്പിംഗ് എന്നത് മലയാളം ടൈപ്പിങ്ങും രൂപകല്പനയും എന്നും മാറ്റിയിട്ടുണ്ട്.
ഐ.ടി. പ്രോജക്ട് മത്സരം ഒഴിവാക്കി.

ഈ അഞ്ച് മേളകളും ഒന്നിച്ച് ഒരു മാന്വലിന്റെ കീഴിൽ, കേരള സ്കൂൾ ശാസ്‍ത്രോത്സവം എന്ന പേരിലാണ് ഇനി അറിയപ്പെടുക.

വിദ്യാർത്ഥികളിൽ അന്തർലീനമായ ശാസ്‍ത്ര കഴിവുകളെ സ്കൂൾ തലത്തിൽ തന്നെ കണ്ടെത്തി, പ്രോത്സാഹിപ്പിച്ച് കേരളത്തിന് അഭിമാനമായി ലോകത്തിന് മുമ്പിൽ ഭാരതത്തിന്റെ യശസ്സ് ഉയർത്തിപ്പിടിക്കുന്ന പ്രതിഭകളെ വാർത്തെടുക്കുക എന്നതാണ് ശാസ്‍ത്രോത്സവത്തിന്റെ ലക്ഷ്യമെന്ന് പൊതു വിദ്യാഭ്യാസ ഡയറക്ടർ മാന്വലിന്റെ ആമുഖത്തിൽ വ്യക്തമാക്കുന്നുണ്ട്.
ഈ ലക്ഷ്യത്തിലേക്കായി നമുക്കും പ്രയത്നിക്കാം.....

Read More | തുടര്‍ന്നു വായിക്കുക

Geogebra Resources - Class 10 : Circles

Internet ലഭ്യമലാത്ത ക്ലസ്സില്‍ GEOGEBRA (.ggb) applet ഡൌണ്‍ലോഡ് ചെയ്യത് കാണിക്കാവുന്നതാണ്.

Click here to download GEOGEBRA (.ggb) applet

Read More | തുടര്‍ന്നു വായിക്കുക

Geogebra Resources - Class 10 : Circles

Internet ലഭ്യമലാത്ത ക്ലസ്സില്‍ GEOGEBRA (.ggb) applet ഡൌണ്‍ലോഡ് ചെയ്യത് കാണിക്കാവുന്നതാണ്.
Click here to download GEOGEBRA (.ggb) applet

Read More | തുടര്‍ന്നു വായിക്കുക

ഐ.സി.ടി. തിയറി ചോദ്യങ്ങള്‍

IT Quiz

  

1 / 20

1. ഇങ്ക്സ്കേപ്പില്‍ തയ്യാറാക്കിയ ഒരു കപ്പിന്റെ ചിത്രം എക്സ്പോര്‍ട്ട് ചെയ്തപ്പോള്‍ കിട്ടിയ ഫയല്‍ താഴെപ്പറയുന്നവയില്‍ ഏതാണ്?
   1.   Cup.png
   2.   Cup.gif
   3.   Cup.svg
   4.   Cup.xcf
2. ചുവടെ തന്നിരിക്കുന്നവയിലെ തെറ്റായ പ്രസ്ഥാവന ഏത്?
   1.   ഇങ്ക്സ്കേപ്പില്‍ വരച്ച ചിത്രങ്ങള്‍ png ഫോര്‍മാറ്റിലേക്ക് എക്സ്പോര്‍ട്ട് ചെയ്യാം.
   2.   ഇങ്ക്സ്കേപ്പില്‍ വരച്ച ചിത്രങ്ങള്‍ svg ഫോര്‍മാറ്റിലേക്ക് എക്സ്പോര്‍ട്ട് ചെയ്യാം.
   3.   ഇങ്ക്സ്കേപ്പില്‍ വരച്ച ചിത്രങ്ങള്‍ xcf ഫോര്‍മാറ്റിലേക്ക് എക്സ്പോര്‍ട്ട് ചെയ്യാം.
   4.   ഇങ്ക്സ്കേപ്പില്‍ ഒബ്‍ജക്ടുകള്‍ക്ക് ത്രിമാന പ്രതീതി നല്‍കാം.
3. ഇങ്ക്സ്കേപ്പില്‍ ക്രിക്കറ്റ് പന്തിന്റെ ചിത്രം വരയ്ക്കുകയാണ് ദക്ഷ. പന്തിന് ത്രിമാന ആകൃതി വരുത്താനായി ചുവടെ നല്‍കിയവയില്‍ ഏത് ഗ്രേഡിയന്റാണ് ഉപയേഗിക്കേണ്ടത്?
   1.   റേഡിയല്‍ ഗ്രേഡിയന്റ്
   2.   റെക്ടാംഗുലര്‍ ഗ്രേഡിയന്റ്
   3.   സര്‍ക്കുലാര്‍ ഗ്രേഡിയന്റ്
   4.   സ്പൈറല്‍ ഗ്രേഡിയന്റ്
4. ചിത്രത്തിന്റെ വ്യക്തത നഷ്ടപ്പെടാത്ത ഫയല്‍ ഫോര്‍മാറ്റ് ഏത്?
   1.   PNG
   2.   JPG
   3.   SVG
   4.   GIF
5. ചുവടെ തന്നിട്ടുള്ളവയില്‍ സ്വതന്ത്ര വെക്ടര്‍ ഗ്രാഫിക്സ് എഡിറ്റിംഗ് സോഫ്‍റ്റ്‍വെയര്‍ ഏത്?
   1.   Inkscape
   2.   GIMP
   3.   Adobe Illustrator
   4.   CorelDRAW
6. ഒരു ചിത്രത്തിന്റെ dpi കൂടുമ്പോള്‍ അതിന്റെ സൂക്ഷ്മതയ്ക്കും ഭംഗിക്കും എന്ത് മാറ്റമാണ് സംഭവിക്കുക?
   1.   വര്‍ദ്ധിക്കുന്നു
   2.   കുറയുന്നു
   3.   മങ്ങലുണ്ടാകുന്നു
   4.   ഒന്നും സംഭവിക്കുന്നില്ല
7. വെക്ടര്‍ ചിത്രങ്ങള്‍ നിര്‍മ്മിക്കാനുപയോഗിക്കുന്ന സോഫ്റ്റ്‍വെയറുകളാണ് ചുവടെ തന്നിരിക്കുന്നത്. എന്നാല്‍ ഇവയില്‍ ഒന്ന് ഓപ്പണ്‍ സോഴ്സ് സോഫ്‍റ്റ്‍വെയറല്ല. ഏത്?
   1.   ഓപ്പണ്‍ ഓഫീസ് ഡ്രോ
   2.   ഡയ
   3.   അഡോബ് ഇല്ലസ്ട്രേറ്റര്
   4.   ഇങ്ക്സ്കേപ്പ്
8. ഇങ്ക്സ്കേപ്പില്‍ വരച്ച വൃത്തത്തിന്റെ അരികുകള്‍ക്ക് നിറം നല്‍കാന്‍ ചുവടെ കൊടുത്തിരിക്കുന്നതില്‍ ഏത് സങ്കേതമാണ് ഉപയോഗിക്കേണ്ടത്.
   1.   Edit -> Duplicate
   2.   Edit -> Clone
   3.   Object -> Fill and Stroke
   4.   Object -> Object Properties
9. ഇങ്ക്സ്കേപ്പില്‍ വരച്ച ചിത്രത്തെ റാസ്റ്റര്‍ ചിത്രമാക്കുന്നതെങ്ങനെ?
   1.   Edit -> Bitmap
   2.   File -> Save as Bitmap
   3.   File -> Export Bitmap
   4.   File -> Insert Bitmap
10. ഇങ്ക്സ്കേപ്പില്‍ വരച്ച ചിത്രത്തിന്റെ പകര്‍പ്പെടുക്കുന്നതെങ്ങനെ?
    1.   Path -> Difference
    2.   Edit paths by nodes
    3.   Path -> Union
    4.   Edit -> Duplicate
11. ഇങ്ക്സ്കേപ്പില്‍ വരക്കുന്ന ചിത്രങ്ങള്‍ വലുതാക്കിയാലും മിഴിവ് നഷ്ടപ്പെടാതിരിക്കുന്നതിന് കാരണമെന്ത്?
    1.   ചിത്രങ്ങളെ അനേകം സമചതുരങ്ങളായി വിഭജിച്ചിട്ടുള്ളതുകൊണ്ട്
    2.   ചിത്രങ്ങള്‍ ഗണിത സമവാക്യങ്ങളുടെ രൂപത്തില്‍ ഓര്‍ത്തുവയ്ക്കുന്നത്കൊണ്ട്
    3.   ചിത്രങ്ങളെ പിക്സലുകളുടെ സമൂഹമായി പരിഗണിക്കുന്നത്കൊണ്ട്
    4.   ചിത്രത്തിലെ സമചതുരങ്ങള്‍ക്ക് നിറം നല്‍കുന്നത്കൊണ്ട്
12. svg എന്നതിന്റെ പൂര്‍ണ്ണരൂപമെന്ത്?
    1.   Scalable Velocity Graphics
    2.   Scalar Volume Graphics
    3.   Scalable Vector Graphics
    4.   Sector Vector Graphics
13. ഇങ്ക്സ്കേപ്പില്‍ ഒരേ ക്യാന്‍വാസിലുള്ള മൂന്ന് ചിത്രങ്ങളെ ഒരുമിച്ച് ചേര്‍ക്കുന്നതിനുള്ള സങ്കേതം ഏത്?
    1.   Object -> Group
    2.   Edit -> Clone
    3.   Object -> Fill and Stroke
    4.   Edit -> Copy
14. വൃത്തത്തെ അര്‍ദ്ധവൃത്തമാക്കാന്‍ ഉപയോഗിക്കുന്ന ടൂള്‍ ചുവടെ കൊടുത്തിരിക്കുന്നതില്‍ ഏതാണ്
    1.   Draw Bezier curves and stright lines
    2.   Create Circle
    3.   Zoom
    4.   Edit paths by nodes
15. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   ഇങ്ക്സ്കേപ്പ് ഒരു റാസ്റ്റര്‍ ചിത്ര നിര്‍മ്മാണ സോഫ്‍റ്റ്‍വെയറാണ്
    2.   ഇങ്ക്സ്കേപ്പ് ഒരു വെക്ടര്‍ ചിത്ര നിര്‍മ്മാണ സോഫ്‍റ്റ്‍വെയറാണ്
    3.   ഇങ്ക്സ്കേപ്പ് ഒരു 3D അനിമേഷന്‍ നിര്‍മ്മാണ സോഫ്‍റ്റ്‍വെയറാണ്
    4.   ഇങ്ക്സ്കേപ്പ് ഒരു അറ്റ്‍ലസ് നിര്‍മ്മാണ സോഫ്‍റ്റ്‍വെയറാണ്
16. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   ഇങ്ക്സ്കേപ്പില്‍ നിശ്ചിത വലിപ്പത്തിലുള്ള കാന്‍വാസ് നിര്‍മ്മിക്കാന്‍ Open->New Canvas എന്ന രീതിയില്‍ ക്ലിക്ക് ചെയ്യുന്നു
    2.   ഇങ്ക്സ്കേപ്പില്‍ നിശ്ചിത വലിപ്പത്തിലുള്ള കാന്‍വാസ് നിര്‍മ്മിക്കാന്‍ Layer-> Add Layer എന്ന രീതിയില്‍ ക്ലിക്ക് ചെയ്യുന്നു
    3.   ഇങ്ക്സ്കേപ്പില്‍ നിശ്ചിത വലിപ്പത്തിലുള്ള കാന്‍വാസ് നിര്‍മ്മിക്കാന്‍ File->Document Properties എന്ന രീതിയില്‍ ക്ലിക്ക് ചെയ്യുന്നു
    4.   ഇങ്ക്സ്കേപ്പില്‍ നിശ്ചിത വലിപ്പത്തിലുള്ള കാന്‍വാസ് നിര്‍മ്മിക്കാന്‍ Create->New Document എന്ന രീതിയില്‍ ക്ലിക്ക് ചെയ്യുന്നു
17. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   ഇങ്ക്സ്കേപ്പില്‍ Move Tool ഉപയോഗിച്ചാണ് ചിത്രങ്ങളുടെ സ്ഥാനം, വലുപ്പം എന്നിവ ക്രമീകരിക്കുന്നത്
    2.   ഇങ്ക്സ്കേപ്പില്‍ Select and Transform Object Tool ഉപയോഗിച്ചാണ് ചിത്രങ്ങളുടെ സ്ഥാനം, വലുപ്പം എന്നിവ ക്രമീകരിക്കുന്നത്
    3.   ഇങ്ക്സ്കേപ്പില്‍ Edit Pats by Nodes Tool ഉപയോഗിച്ചാണ് ചിത്രങ്ങളുടെ സ്ഥാനം, വലുപ്പം എന്നിവ ക്രമീകരിക്കുന്നത്
    4.   ഇങ്ക്സ്കേപ്പില്‍ Zoom in or out Tool ഉപയോഗിച്ചാണ് ചിത്രങ്ങളുടെ സ്ഥാനം, വലുപ്പം എന്നിവ ക്രമീകരിക്കുന്നത്
18. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   ഇങ്ക്സ്കേപ്പില്‍ നിര്‍മ്മിക്കുന്ന ചിത്രങ്ങളുടെ സ്വാഭാവിക ഫയല്‍ ഫോര്‍മാറ്റ് .jpg ആണ്
    2.   ഇങ്ക്സ്കേപ്പില്‍ നിര്‍മ്മിക്കുന്ന ചിത്രങ്ങളുടെ സ്വാഭാവിക ഫയല്‍ ഫോര്‍മാറ്റ് .xcf ആണ്
    3.   ഇങ്ക്സ്കേപ്പില്‍ നിര്‍മ്മിക്കുന്ന ചിത്രങ്ങളുടെ സ്വാഭാവിക ഫയല്‍ ഫോര്‍മാറ്റ് .svg ആണ്
    4.   ഇങ്ക്സ്കേപ്പില്‍ നിര്‍മ്മിക്കുന്ന ചിത്രങ്ങളുടെ സ്വാഭാവിക ഫയല്‍ ഫോര്‍മാറ്റ് .gif ആണ്
19. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   വെക്ടര്‍ ചിത്രങ്ങള്‍ വലുതാക്കുമ്പോള്‍ വ്യക്തത നഷ്ടപ്പെടുന്നു
    2.   വെക്ടര്‍ ചിത്രങ്ങള്‍ വലുതാക്കുമ്പോള്‍ നിറം മാറുന്നു
    3.   വെക്ടര്‍ ചിത്രങ്ങള്‍ വലുതാക്കുമ്പോള്‍ വ്യക്തത കുറയുന്നില്ല
    4.   വെക്ടര്‍ ചിത്രങ്ങള്‍ വലുതാക്കുമ്പോള്‍ ആകൃതി നഷ്ടപ്പെടുന്നു
20. ചുവടെ തന്നിരിക്കുന്നവയിലെ തെറ്റായ പ്രസ്താവന ഏതാണ്?
    1.   റാസ്റ്റര്‍ ഫയലുകള്‍ മാത്രം നിര്‍മ്മിക്കാന്‍ കഴിയുന്ന ഒരു സോഫ്‍റ്റ്‍വെയറാണ് ഇങ്ക്സ്കേപ്പ്
    2.   റാസ്റ്റര്‍ ഫയലുകള്‍ മാത്രം നിര്‍മ്മിക്കാന്‍ കഴിയുന്ന ഒരു സോഫ്‍റ്റ്‍വെയറാണ് ഡയ
    3.   റാസ്റ്റര്‍ ഫയലുകള്‍ മാത്രം നിര്‍മ്മിക്കാന്‍ കഴിയുന്ന ഒരു സോഫ്‍റ്റ്‍വെയറാണ് ഓപ്പണ്‍ ഓഫീസ് ഡ്രോ
    4.   റാസ്റ്റര്‍ ഫയലുകള്‍ മാത്രം നിര്‍മ്മിക്കാന്‍ കഴിയുന്ന ഒരു സോഫ്‍റ്റ്‍വെയറാണ് ജിമ്പ്

Read More | തുടര്‍ന്നു വായിക്കുക