അര്‍ഹര്‍ക്ക് 'അക്ഷയ' തുണ..!

ആഗോളപ്രശസ്തമായ ഇന്‍ഫോസിസ് എന്ന ഐടി ഭീമനെക്കുറിച്ച് കേള്‍ക്കാത്തവരാരാണ്? അതിന്റെ ഇപ്പോഴത്തെ സിഇഒ (ചീഫ് എക്സിക്യൂട്ടീവ് ഓഫീസര്‍) എസ് ഡി ഷിബുലാലിനെക്കുറിച്ചും കേള്‍ക്കാത്തവര്‍ ചുരുങ്ങും. എന്നാല്‍ ബാംഗ്ലൂര്‍ ആസ്ഥാനമായി പ്രവര്‍ത്തിക്കുന്ന സരോജിനി-ദാമോദരന്‍ ഫൗണ്ടേഷനെന്നോ, അക്ഷയ സ്കോളര്‍ഷിപ്പെന്നോ കേള്‍ക്കാത്തവരായിരിക്കും അധികപേരും. പാലക്കാട് ബ്ലോഗ് ടീമിന്റെ നായകന്‍ കണ്ണന്‍സാറാണ് ഈ വിലപ്പെട്ട വിവരം പങ്കുവെക്കുന്നത്. സാമ്പത്തികമായി പിന്നോക്കം നില്‍ക്കുന്ന മിടുക്കരായ വിദ്യാര്‍ത്ഥികള്‍ക്ക് അപേക്ഷിക്കാവുന്ന, പ്ലസ് ടു വിന് ശേഷവും മികച്ച നിലവാരം തുടരുന്നുണ്ടെങ്കില്‍ തുടര്‍ന്നും ലഭിക്കുന്ന ഒരു സ്കോളര്‍ഷിപ്പിന് ഇപ്പോള്‍ അപേക്ഷിക്കാം. അര്‍ഹരായ കുട്ടികള്‍ക്ക് വലിയൊരു കൈത്താങ്ങായേക്കാവുന്ന ഈ സംരംഭത്തില്‍ തങ്ങളുടെ അര്‍ഹതയുള്ള 'മക്കളെ' രജിസ്റ്റര്‍ ചെയ്യിക്കാന്‍ എല്ലാ അധ്യാപകരും ശ്രദ്ധിക്കണേ.

ഇന്‍ഫോസിസ് സിഇഒ ശ്രീ ഷിബുലാലിന്റെ മാതാപിതാക്കളുടെ സ്മരണയ്ക്കായി ഏര്‍പ്പെടുത്തിയ അക്ഷയ സ്കോളര്‍ഷിപ്പ്, 2011-12 അധ്യയനവര്‍ഷം എസ് എസ് എല്‍ സിയ്ക്ക് എ+, എ ഗ്രേഡുകള്‍ കിട്ടിയ സാമ്പത്തികമായി പിന്നോക്കം നില്‍ക്കുന്ന കുട്ടികള്‍ക്ക് അപേക്ഷിക്കാം. തെരഞ്ഞെടുക്കപ്പെടുന്ന കുട്ടികള്‍ക്ക് പ്ലസ് വണ്‍, പ്ലസ് ടു ക്ലാസ്സുകളില്‍ സ്കോളര്‍ഷിപ്പായി 4000 രൂപാവീതം ലഭിയ്ക്കും. ആ കുട്ടികള്‍ക്ക് പ്ലസ് ടുവിന് 85% മാര്‍ക്ക് ലഭിയ്ക്കുകയാണെങ്കില്‍ തുടര്‍ വിദ്യാഭ്യാസത്തിന് സാമാന്യം വലിയ തുക വര്‍ഷം തോറും ലഭിച്ചുകൊണ്ടിരിക്കുമെന്നതാണ് ഈ സ്കോളര്‍ഷിപ്പിന്റെ പ്രത്യേകത.
അപേക്ഷിക്കേണ്ട വിധം
ഈ വെബ്​സൈറ്റിലെ Register New Account എന്ന ലിങ്കില്‍ ക്ലിക്ക് ചെയ്ത് Username, Password, email id എന്നിവ നല്‍കി രജിസ്റ്റര്‍ ചെയ്യണം. (അപേക്ഷക(ന്)യ്ക്ക് സ്വന്തമായി ഇ മെയില്‍ ഐഡി വേണം, കേട്ടോ..! അപേക്ഷ പൂര്‍ണ്ണമാണോയെന്നറിയാനും മറ്റും ഇമെയില്‍ ഇടയ്ക്കിടെ ചെക്കുചെയ്യണം.)

സ്കോളര്‍ഷിപ്പ് നല്‍കുന്നത് കൂടിക്കാഴ്ചയുടെകൂടി അടിസ്ഥാനത്തിലാണ്.
അപേക്ഷ മെയ് 31 ന് മുമ്പ് സൈറ്റില്‍ രജിസ്റ്റര്‍ ചെയ്യാന്‍, ചെയ്യിക്കാന്‍ എല്ലാവരും ഉത്സാഹിക്കുമല്ലോ..?
കൂടുതല്‍ അന്വേഷണങ്ങള്‍ക്ക്..
ഡോ. ജയചന്ദ്രബാബു 9446424617
ബി രാധാകൃഷ്ണന്‍ 9446469046.

Read More | തുടര്‍ന്നു വായിക്കുക

ഇന്ന് ലോക മാതൃദിനം

പല രാജ്യങ്ങളിലും മെയ് മാസത്തിലെ രണ്ടാം ഞായറാഴ്ച, അതായത് മെയ് 13 ന് മാതൃദിനം (Mothers' Day) ആഘോഷിക്കുകയാണ്. ഇന്ന് വിപണിയില്‍ ആഘോഷിക്കപ്പെടുന്ന പല ദിനങ്ങളും കച്ചവട മനസ്ഥിതിയോടെ തന്നെയാണ് കലണ്ടര്‍ താളുകളില്‍ സ്ഥാനം പിടിച്ചതെങ്കിലും മാതൃദിനം അക്കൂട്ടത്തില്‍ വേറിട്ടു നില്‍ക്കുന്നു. വര്‍ഷത്തില്‍ മുന്നൂറ്ററുപത്തെഞ്ചേകാല്‍ ദിവസവും വിസ്മരിപ്പിക്കപ്പെടാന്‍ പാടില്ലാത്ത നാമമാണ് മാതാപിതാക്കളുടേത്. പക്ഷെ ജീവിതത്തിരക്കുകളാലും സ്വാര്‍ത്ഥതകളാലും മനുഷ്യന്‍ ഏറ്റവും കൂടുതല്‍ മറന്നു പോകുന്നതും അവരെത്തന്നെയാണ്. നാടെങ്ങും ഉയര്‍ന്നു വരുന്ന വൃദ്ധസദനങ്ങള്‍ ബോധപൂര്‍വം വിസ്മരിപ്പിക്കപ്പെടുന്ന ആ സത്യത്തെ ഓര്‍മ്മിപ്പിക്കുന്നു. അതെ, ആഘോഷപൂര്‍വം തന്നെ ആ ദിനം കൊണ്ടാടണം. ഓരോ വാക്കുകളും അമ്മയ്ക്കും അച്ഛനുമുള്ള സമ്മാനങ്ങളാകണമെങ്കിലും ഒരു സ്നേഹസമ്മാനം അവര്‍ക്ക് കൈമാറാനാകുമെങ്കില്‍! ആ സമയത്തുള്ള ആ ചിരി നമുക്കൊന്നു കാണാനാകുമെങ്കില്‍, നമ്മുടെ ജീവിതം ധന്യമായി. 'മനുഷ്യാ, നീ മൂലം നിന്റെ മാതാപിതാക്കളുടെ കണ്ണനിറയുമ്പോള്‍ നിന്റെ നാശത്തിലേക്കുള്ള ആദ്യ പടി നീ ചവിട്ടുന്നുവെന്നോര്‍മ്മിക്കുക'യെന്ന കവിതാ ശകലം ഈ വേളയില്‍ അര്‍ത്ഥവത്താണ്. അധ്യാപകര്‍ക്കു മുന്നില്‍ നിഷ്ക്കളങ്കമായ കണ്ണുകളോടെ, നിഷ്ക്കളങ്കമായ മനസ്സോടെ ഇരിക്കുന്ന കുട്ടികളോട് രക്ഷിതാക്കളുടെ സ്നേഹത്തെക്കുറിച്ച് വിശദീകരിക്കാനാകുമെങ്കില്‍, സമൂഹത്തിനു ദ്രോഹമുണ്ടാക്കുന്ന പ്രവര്‍ത്തികളിലേക്ക് പോകാത്ത വിധം അവരെ നേര്‍വഴിക്ക് നയിക്കാനാകും. റാംബോയേയും മറ്റു സിനിമകളില്‍ ജീവിക്കുന്ന കഥാപാത്രങ്ങളേയുമെല്ലാം അനുകരിച്ച് വാളെടുക്കുന്ന ബുദ്ധിശൂന്യതയില്‍ നിന്നും അവരെ നമുക്ക് പിന്തിരിപ്പിക്കാന്‍ കഴിയും. അമ്മമാരെ ആദരിക്കുന്നതിനായി കുറേനാളുകള്‍ക്ക് മുമ്പ് നടന്ന ഒരു ചടങ്ങില്‍ മാതൃസ്നേഹത്തെക്കുറിച്ച് അബ്ദുള്‍ സമദ് സമദാനി പ്രൗഢഗംഭീരമായൊരു പ്രസംഗം നടത്തുകയുണ്ടായി. അയത്നലളിതവും ചിന്തോദ്ദീപകവുമായ ആ പ്രസംഗം ചടങ്ങില്‍ സന്നിഹിതനായിരുന്ന മോഹന്‍ലാന്‍ അടക്കമുള്ള പലരുടേയും കണ്ണുകളെ ഈറനണിയിച്ചു. ഇരുപതു മിനിറ്റ് നീണ്ട മനോഹരമായ പ്രസംഗം. അമ്മ. ലോകമാതൃദിനത്തില്‍ ആ വീഡിയോ വായനക്കാരുടെ ശ്രദ്ധയില്‍പ്പെടുത്തട്ടെ.

വീഡിയോ - ഒന്നാം ഭാഗം

വീഡിയോ - രണ്ടാം ഭാഗം


അമ്മ വിവിധ ഭാഷകളില്‍
അമ്മ (Mother) എന്ന വാക്ക് വിവിധ ഭാഷങ്ങളില്‍ കൊടുത്തിരിക്കുന്നത് നോക്കൂ. M എന്ന അക്ഷരം ബഹുഭൂരിപക്ഷം ഭാഷകളിലും കാണാനാകും. വായതുറക്കുമ്പോഴുള്ള 'അ'യും വായ അടക്കുമ്പോഴുള്ള മൃദു അക്ഷരമായ 'മ'യും ചേര്‍ന്നാണ് അമ്മ എന്ന വാക്കിന്റെ നിഷ്പത്തിയെന്ന് ഭാഷാശാസ്ത്രം പറയുന്നുണ്ടെങ്കിലും രസകരവും വസ്തുതാപരവുമായ ഈ ഏകത മാതൃസ്നേഹം പോലെ ഭാഷാതീതമാണ്.

Language	Mother
Afrikaans	Moeder, Ma
Albanian	Nënë, Mëmë
Arabic	Ahm
Aragones	Mai
Asturian	Ma
Aymara	Taica
Azeri (Latin Script)	Ana
Basque	Ama
Belarusan	Matka
Bergamasco	Màder
Bolognese	Mèder
Bosnian	Majka
Brazilian Portuguese	Mãe
Bresciano	Madèr
Breton	Mamm
Bulgarian	Majka
Byelorussian	Macii
Calabrese	Matre, Mamma
Caló	Bata, Dai
Catalan	Mare
Cebuano	Inahan, Nanay
Chechen	Nana
Croatian	Mati, Majka
Czech	Abatyse
Danish	Mor
Dutch	Moeder, Moer
Dzoratâi	Mére
English	Mother, Mama, Mom
Esperanto	Patrino, Panjo
Estonian	Ema
Faeroese	Móðir
Finnish	Äiti
Flemish	Moeder
French	Mère, Maman
Frisian	Emo, Emä, Kantaäiti, Äiti
Furlan	Mari
Galician	Nai
German	Mutter
Greek	Màna
Griko	Salentino, Mána
Hawaiian	Makuahine
Hindi -	Ma, Maji
Hungarian	Anya, Fu
Icelandic	Móðir
Ilongo	Iloy, Nanay, Nay
Indonesian	Induk, Ibu, Biang, Nyokap
Irish	Máthair
Italian	Madre, Mamma
Japanese	Okaasan, Haha
Judeo Spanish	Madre
Kannada	Amma
Kurdish Kurmanji	Daya
Ladino	Uma
Latin	Mater
Leonese	Mai
Ligurian	Maire
Limburgian	Moder, Mojer, Mam
Lingala	Mama
Lithuanian	Motina
Lombardo Occidentale	Madar
Lunfardo	Vieja
Macedonian	Majka
Malagasy	Reny
Malay	Emak
Malayalam	Amma
Maltese	Omm
Mantuan	Madar
Maori	Ewe, Haakui
Mapunzugun	Ñuke, Ñuque
Marathi	Aayi
Mongolian	`eh
Mudnés	Medra, mama
Neapolitan	Mamma
Norwegian	Madre
Occitan	Maire
Old Greek	Mytyr
Parmigiano	Mädra
Persian	Madr, Maman
Piemontese	Mare
Polish	Matka, Mama
Portuguese	Mãe
Punjabi	Mai, Mataji, Pabo
Quechua	Mama
Rapanui	Matu'a Vahine
Reggiano	Mèdra
Romagnolo	Mèder
Romanian	Mama, Maica
Romansh	Mamma
Russian	Mat'
Saami	Eadni
Samoan	Tina
Sardinian (Limba Sarda Unificada)	Mama
Sardinian Campidanesu	mamai
Sardinian Logudoresu	Madre, Mamma
Serbian	Majka
Shona	Amai
Sicilian	Matri
Slovak	Mama, Matka
Slovenian	Máti
Spanish	Madre, Mamá, Mami
Swahili	Mama, Mzazi, Mzaa
Swedish	Mamma, Mor, Morsa
Swiss German	Mueter
Telegu	Amma
Triestino	Mare
Turkish	Anne, Ana, Valide
Turkmen	Eje
Ukrainian	Mati
Urdu	Ammee
Valencian	Mare
Venetian	Mare
Viestano	Mamm'
Vietnamese	me
Wallon	Mére
Welsh	Mam
Yiddish	Muter
Zeneize	Moæ

നിങ്ങളുടെ അനുഭവങ്ങള്‍, ചിന്തകള്‍ ഇവിടെ പങ്കുവെക്കുമല്ലോ.

Read More | തുടര്‍ന്നു വായിക്കുക

സ്ക്കൂള്‍ ടൈം ടേബിള്‍ സമ്പൂര്‍ണയിലൂടെ

റിട്ടയര്‍മെന്റ്, ന്യൂ ഡിവിഷന്‍, സബ്ജക്ട് ചേഞ്ച് തുടങ്ങിയ കാരണങ്ങളില്‍ മിക്കവാറും സ്ക്കൂളുകളില്‍ എല്ലാവര്‍ഷവും ടൈംടേബിളില്‍ മാറ്റം വരുത്തേണ്ടി വരും. മാറ്റം വരുത്തുകയെന്നാല്‍ പുതുതായി ടൈംടേബിള്‍ തയ്യാറാക്കുകയെന്നു തന്നെയര്‍ത്ഥം. അതിനായി പലരും പല സോഫ്റ്റ്‌വെയറുകളും എക്സെല്‍/സ്പ്രെഡ് ഷീറ്റ് പ്രോഗ്രാമുകളുമെല്ലാം പ്രയോഗിക്കുകയും ചെയ്യാറുണ്ട്. പക്ഷെ അതിന്റെയെല്ലാം സാറ്റിസ്‌ഫാക്ഷന്‍ ലവല്‍ അത്രയൊന്നും ഉയര്‍ന്നു കാണണമെന്നില്ല. എന്നാല്‍ സമ്പൂര്‍ണയില്‍ ടൈംടേബിള്‍ ചെയ്ത് വിജയിച്ചുവെന്ന് പലരും പറ‌ഞ്ഞു കേട്ടു. ഒട്ടേറെ പേര്‍ അതിനെക്കുറിച്ചൊരു പോസ്റ്റ് മാത്​സ് ബ്ലോഗില്‍ പ്രസിദ്ധീകരിക്കണമെന്നാവശ്യപ്പെട്ടപ്പോള്‍ ശനിയാഴ്ച രാത്രിയോടെ നമ്മുടെ ബ്ലോഗില്‍ ഒരു കമന്റിട്ടു. ഒട്ടും വൈകാതെ തന്നെ ബ്ലോഗ് ടീമംഗവും പൂങ്കുന്നം ജി.എച്ച്.എസ്.എസിലെ ഗണിതശാസ്ത്ര അധ്യാപികയുമായ സത്യഭാമ ടീച്ചര്‍ അതേക്കുറിച്ചുള്ള പോസ്റ്റ് തയ്യാറാക്കി അയച്ചു തന്നു. 'ഈ പ്രായത്തില്‍ നമുക്കൊക്കെ ഐടി വഴങ്ങുമോ' എന്ന അധ്യാപകരുടെ ചോദ്യങ്ങള്‍ക്കു മുന്നില്‍ അഭിമാന പുരസ്സരം ചൂണ്ടിക്കാണിക്കാനാകുന്ന വ്യക്തിത്വമാണ് ടീച്ചറുടേത്. ഫിലിപ്പ് സാറിന്റെ പൈത്തണ്‍ പാഠങ്ങളില്‍ ആവേശമുള്‍ക്കൊണ്ട് എം.എസ്.സി ഐടി ചെയ്തു കൊണ്ടിരിക്കുകയാണ് ഭാമ ടീച്ചറിപ്പോള്‍. സമ്പൂര്‍ണയില്‍ എങ്ങിനെ ടൈംടേബിള്‍ ചെയ്യാം എന്നതിനെക്കുറിച്ചുള്ള സ്റ്റെപ്പുകള്‍ ചുവടെ വിശദീകരിച്ചിരിക്കുന്നു. സംശയങ്ങള്‍ കമന്റ് ബോക്സില്‍ ഉന്നയിക്കാവുന്നതേയുള്ളു.

ഓഫ്‌ലൈന്‍ സോഫ്റ്റ്‌വെയര്‍ ചെയ്യുന്നതിന് മുന്‍പേ ചില ഹോംവര്‍ക്കുകള്‍ നാം നടത്തേണ്ടതുണ്ട്. പുതിയ വര്‍ഷത്തേക്കാവശ്യമായ ക്ലാസ്സുകളും ഡിവിഷനുകളും ഉണ്ടാക്കിയിരിക്കണം. Human Resources മെനുവില്‍ മുഴുവന്‍ അദ്ധ്യാപകരേയും ചേര്‍ത്തിരിക്കണം. അദ്ധ്യാപകരുടെ വിവരങ്ങള്‍ നല്കുമ്പോള്‍ തന്നെ ആ അദ്ധ്യാപകന് പിരിയഡ് അലോട്ട്മെന്റ് പ്രകാരം ഒരാഴ്ചയില്‍ വരുന്ന പിരിയഡുകളുടെ എണ്ണവും ഒരു ദിവസം ആ അദ്ധ്യാപകന് വരാവുന്ന പരമാവധി പിരിയഡുകളുടെ എണ്ണവും നല്കിയാല്‍ പിന്നീട് സൗകര്യമായിരിക്കും. ഒരു സ്ക്കൂളിലെ എല്ലാ ഡിവഷനുകള്‍ക്കും വേണ്ടി വരുന്ന ആകെ പിരീയഡുകളുടെ എണ്ണവും എല്ലാ അധ്യാപകര്‍ക്കും കൂടി അലോട് ചെയ്യുന്ന ആകെ പിരിയഡുകളുടെ എണ്ണവും ടാലിയാക്കാന്‍ ശ്രദ്ധിക്കണം. (ഭാഷാ വിഷയങ്ങള്‍ക്ക് വേണ്ടി ക്ലാസുകള്‍ കംപെയ്ന്‍ ചെയ്യുകയാണെങ്കില്‍ ഡിവിഷനുകളുടെ എണ്ണവും ക്ലാസുകള്‍ കൈകാര്യം ചെയ്യുന്ന അധ്യാപകരുടെ എണ്ണവും തുല്യമല്ലെങ്കില്‍ എണ്ണങ്ങള്‍ തമ്മില്‍ ടാലിയാകില്ല.)

സമ്പൂര്‍ണയുടെ ഓണ്‍ലൈന്‍ പോര്‍ട്ടലില്‍ നിന്ന് ഓഫ് ലൈന്‍ സോഫ്റ്റ് വെയര്‍ ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്തിരിക്കണം. (യൂസര്‍ ഗൈഡ് പേജ് 27)
ഓണ്‍ ലൈനിലുള്ള ഡാറ്റ Dump ചെയ്ത് ഓഫ് ലൈന്‍ സോഫ്റ്റ് വെയറിലേക്ക് Synchronise ചെയ്തിരിക്കണം. (യൂസര്‍ഗൈഡ് പേജ് 31)


1. ആവശ്യമായ വിഷയങ്ങള്‍ ചേര്‍ക്കുന്നതിന്

ഇതിന് Dashboard --> Settings --> Manage class / Divisions --> Manage classes ഇവിടെ നിന്നും ഒരു ക്ലാസ്സില്‍ ക്ലിക്ക് ചെയ്യുക .
വരുന്ന വിന്‍ഡോയില്‍ നിന്നും ആവശ്യമായ ഡിവിഷനുകളില്‍ മാത്രം ടിക് മാര്‍ക്ക് നല്കി മുകളില്‍ കാണുന്ന Add Subjects ല്‍ ക്ലിക്ക് ചെയ്യുക.
Name നു നേര്‍ക്ക് വിഷയത്തിന്റെ പേര് , code നു നേരേ വിഷയത്തിനു നല്കാവുന്ന ചുരുക്കപേര് ഇവ നല്കുക. Maximum weekly classes ല്‍ ഒരാഴ്ചയില്‍ ആവിഷയത്തിനുള്ള പരമാവധി പിരിയഡുകളുടെ എണ്ണം നല്കുക. പരീക്ഷയുള്ള വിഷയങ്ങള്‍ക്ക് exam ല്‍ ടിക്ക് മാര്‍ക്ക് നല്കുക. അടുത്തടുത്ത പിരിയഡുകള്‍ വേണമെങ്കില്‍ അതില്‍ ടിക്ക് നല്കുക.

താഴെയുള്ള Add Subjects ല്‍ ക്ലിക്ക് ചെയ്ത് ഇതേരീതിയില്‍ എല്ലാ വിഷയങ്ങളും ചേര്‍ക്കുക. പി.ടി., മ്യൂസിക് ‌, തുന്നല്‍ , ഡ്രോയിങ് തുടങ്ങി എല്ലാ സ്പെഷലിസ്റ്റ് വിഷയങ്ങളും നല്കണം. ഐ ടി പ്രാക്ടിക്കലിന് രണ്ടു പിരിയഡുകള്‍ അടുത്തടുത്ത് വേണ്ടതിനാല്‍ ഐടി പ്രാക്ടിക്കല്‍, തിയറി ഇവ രണ്ടു വിഷയങ്ങളായി നല്കിയാല്‍ നന്നായിരിക്കും. എല്ലാ വിഷയങ്ങളും ചേര്‍ത്തുകഴിഞ്ഞാല്‍ താഴെയുള്ള Save ബട്ടണ്‍ അമര്‍ത്തുക.

2 എല്ലാ ക്ലാസ്സിനും എല്ലാ ഡിവിഷനുകളിലും ഇതുപോലെ വിഷയങ്ങള്‍ ചേര്‍ക്കുക

3 പ്രവൃത്തിദിവസങ്ങള്‍ നല്കുന്നതിന്

Dashboard --> Timetable --> Create weekdays
ഇവിടെ പ്രവൃത്തിദിവസങ്ങള്‍ക്കുനേരെ മാത്രം ടിക്ക് മാര്‍ക്ക് നല്കുക.

4 ക്ലാസ്സ് ടൈമിങ്സ് നല്കാന്‍
Dashboard --> Timetable --> Set class timings --> Name, Start time , End time ഇവ നല്കുക (ഉദാ Name 1 , Start time 10.00 , End time 10.45) interval time ആണെങ്കില്‍ isbreak എന്നതില്‍ ടിക് നല്കുക.

5 class teacher assign ചെയ്യല്‍
Dashboard --> Timetable --> Assign class teacher

വരുന്ന വിന്‍ഡോയില്‍ ഓരോക്ലാസ്സിനും നേരെയുള്ള പോപ് അപ് വിന്‍ഡോയില്‍ നിന്നും ക്ലാസ് അദ്ധ്യാപകനെ സെലക്ട് ചെയ്തു നല്കി update ചെയ്യുക. എങ്ങിനെയുണ്ടെന്ന് നോക്കൂ. അഭിപ്രായങ്ങള്‍ കമന്റ് ചെയ്യൂ.

6 work allotment നല്കല്‍

Dashboard --> Timetable -->work allotment

ടൈടേബിള്‍ ഇടേണ്ടതായ എല്ലാ ക്ലാസ്സുകളും ആ ക്ലാസ്സുകളിലെ വിഷയങ്ങളും കാണിക്കുന്ന ജാലകം കാണാം. ഓരോക്ലാസ്സിലും വിഷയത്തിനു നേരെയുള്ള പോപ് അപ് ജാലകത്തില്‍ നിന്നും ആവിഷയം ആ ക്ലാസ്സില്‍ എടുക്കുന്ന അദ്ധ്യാപകരെ തെരഞ്ഞെടുക്കുക
എല്ലാ ക്ലാസ്സിലും എല്ലാ വിഷയത്തിനും അദ്ധ്യാപകരെ നല്കി കഴിഞ്ഞാല്‍ update ചെയ്യുക

7 ടൈംടേബിള്‍ generate ചെയ്യാന്‍
Dashboard --> Timetable --> Auto generate timetable --> start auto generation --> Refresh
no pending jobs വരുന്നതുവരെ ഇടയ്കിടെ refresh ചെയ്യുക

8. ടൈടേബിള്‍ കാണാന്‍

Dashboard --> Timetable --> view school timetable
Dashboard --> Timetable --> view teachers timetable
Dashboard --> Timetable --> view timetable

Read More | തുടര്‍ന്നു വായിക്കുക

ദൃശ്യ - പൈത്തണില്‍ ഒരു പെയിന്റ് സോഫ്റ്റ്​വെയര്‍

ആലപ്പുഴ ജില്ലയിലെ കുട്ടനാട് ഐടി@സ്കൂള്‍ മാസ്റ്റര്‍ ട്രെയിനര്‍ കോ ഓര്‍ഡിനേറ്ററാണ് ശ്രീ രാജേഷ് സാര്‍. പൈത്തണ്‍ ഭാഷ പഠിച്ച് ചെറിയ പ്രോഗ്രാമുകളൊക്കെ തയ്യാറാക്കാനുള്ള നമ്മുടെ അധ്യാപകരുടെ ശ്രമങ്ങളില്‍ വിജയം കൈവരിച്ച അധ്യാപകരില്‍ അദ്ദേഹത്തിന്റെ സംഭാവന ഒരു പെയിന്റ് പ്രോഗ്രാമാണ്. ദൃശ്യ എന്ന് പേരിട്ടിരിക്കുന്ന ഈ സോഫ്റ്റ്​വെയര്‍ വളരെ എളുപ്പത്തില്‍ നമ്മുടെ ഉബുണ്ടുവില്‍ ഇന്‍സ്റ്റാള്‍ ചെയ്യാം. താഴെനിന്ന് ഡൗണ്‍ലോഡ് ചെയ്തെടുത്ത് ഈ സോഫ്റ്റ്​വെയര്‍ ഇന്‍സ്റ്റാള്‍ ചെയ്ത് പ്രവര്‍ത്തിപ്പിക്കാന്‍ മിനുറ്റുകള്‍ മതി.

• ഇവിടെ നിന്നും ഈ സോഫ്റ്റ്​വെയര്‍ ഡൗണ്‍ലോഡ് ചെയ്തെടുക്കുക.
• DrisyaA എന്ന സിപ്പ്ഡ് ഫോള്‍ഡര്‍ റൈറ്റ് ക്ലിക്ക് ചെയ്ത് Extract Here ക്ലിക്ക് ചെയ്യുക.
• DhrisyA എന്ന ഫോള്‍ഡര്‍ തുറന്ന് DhrisyA_12.01_all.deb എന്ന ഫയല്‍ ഡബിള്‍ക്ലിക്ക് ചെയ്ത് ഇന്‍സ്റ്റാള്‍ ചെയ്യുക.
• ഇനി Applications-Graphics - DhrisyA എന്നമട്ടില്‍ തുറന്ന് പടം വരച്ചു തുടങ്ങിക്കോളൂ..!
• ഒരു ഹെല്‍പ്പ് ഫയല്‍ ഇവിടെ നിന്നും ഡൗണ്‍ലോഡ് ചെയ്തെടുക്കാം.

നിങ്ങള്‍ വരച്ച ആദ്യ പടം കമന്റ് ബോക്സിലൂടെ ഷെയര്‍ ചെയ്യൂ. സോഫ്റ്റ്​വെയറിന്റെ പ്രശ്നങ്ങളും മറ്റും അറിയാന്‍ രാജേഷ് മാഷ് കാത്തിരിപ്പുണ്ട്. എന്താ, റെഡിയല്ലേ..?
(കെമിസ്ട്രിയിലെ ആറ്റംമോഡല്‍ പഠിപ്പിക്കുമ്പോള്‍ ഏറെ ഉപകാരപ്രദമായ രാജേഷ് മാഷ് തന്നെ പൈത്തണില്‍ തയ്യാറാക്കിയ സോഫ്റ്റ്​വെയര്‍ അടുത്ത ഒരു പോസ്റ്റായി പിന്നീട് പങ്കുവെയ്ക്കാം!)

Read More | തുടര്‍ന്നു വായിക്കുക