Physics - Geogebra Animations
>> Tuesday, November 18, 2014
Read More | തുടര്‍ന്നു വായിക്കുക
Showing posts with label physics 2014. Show all posts
Showing posts with label physics 2014. Show all posts
Read More | തുടര്‍ന്നു വായിക്കുക
STD X Physics Unit 1 and 2
Video Lessons
>> Friday, August 8, 2014
എസ്.എസ്.എല്‍.സി ഫിസിക്സ് വിദ്യാര്‍ത്ഥികള്‍ക്കു വേണ്ടി ഇബ്രാഹിം സാര്‍ തയ്യാറാക്കിയ നോട്സ് ഏവരും കണ്ടിരിക്കുമല്ലോ. ഈ പാഠങ്ങളെ അടിസ്ഥാനമാക്കി കുളത്തൂപ്പുഴ ടെക്നിക്കല്‍ ഹൈസ്ക്കൂളിലെ ഭൗതികശാസ്ത്രവിഭാഗം അധ്യാപകനായ നസീര്‍ സാര്‍ തയ്യാറാക്കിയ വീഡിയോ പാഠങ്ങളാണ് ചുവടെയുള്ളത്. വൈദ്യുത പ്രവാഹത്തിന്റെ ഫലങ്ങള്‍, വൈദ്യുതകാന്തിക പ്രേരണം എന്നീ യൂണിറ്റുകളെ ആധാരമാക്കിയാണ് ഇവ തയ്യാറാക്കിയിരിക്കുന്നത്. ഒന്നാം പാദവാര്‍ഷിക പരീക്ഷയ്ക്കു വേണ്ടി തയ്യാറെടുക്കുന്ന വിദ്യാര്‍ത്ഥികള്‍ക്കും അധ്യാപകര്‍ക്കും ഇത് പ്രയോജനം ചെയ്യും. സ്വന്തം അധ്യാപകരില്‍ നിന്നു ലഭിക്കുന്നതു കൂടാതെ മറ്റൊരു അധ്യാപകനില്‍ നിന്നു കൂടി കാര്യങ്ങള്‍ കണ്ടും കേട്ടും മനസ്സിലാക്കുമ്പോള്‍ പരീക്ഷാറിവിഷന്‍ മികച്ച രീതിയില്‍ പൂര്‍ത്തിയാക്കാവുന്നതേയുള്ളു. തങ്ങള്‍ പറയുന്ന കാര്യങ്ങള്‍, മറ്റൊരാള്‍ എപ്രകാരം അവതരിപ്പിക്കുന്നു എന്ന് അധ്യാപകര്‍ക്കും വിലയിരുത്താം. വിദേശരാജ്യങ്ങളിലെ സ്ക്കൂളുകളില്‍ പഠിപ്പിച്ച്, അവിടെ നിന്ന് ഉയര്‍ന്ന തലം വരെയെത്തി പേരെടുത്ത നസീര്‍ സാറിന്റെ അവതരണം നിങ്ങള്‍ക്ക് ഇഷ്ടപ്പെടുമെന്നു തീര്‍ച്ച. ഇവ കൂടാതെ രണ്ടാമത്തെ യൂണിറ്റിലെ ചോദ്യോത്തരങ്ങളും ചുവടെ നിന്ന് ഡൗണ്‍ലോഡ് ചെയ്തെടുക്കാം.
Read More | തുടര്‍ന്നു വായിക്കുക
ഫിസിക്സ് ഒന്ന്, രണ്ട് യൂണിറ്റുകളുടെ പഠനക്കുറിപ്പുകള്‍
>> Tuesday, July 22, 2014
മുടിക്കല്‍ ഗവണ്‍മെന്റ് ഹൈസ്ക്കൂളിലെ ഇബ്രാഹീം സാര്‍ തയ്യാറാക്കി അയച്ചുതന്ന ഭൗതീകശാസ്ത്രപ്രശ്നമാണ് ഇന്നത്തെ പോസ്റ്റ്. ഇബ്രാഹിം സാറിന്റെ പഠനവിഭവങ്ങള്‍ ബ്ലോഗ് സന്ദര്‍ശകര്‍ക്ക് സുപരിചിതമാണ്. ഫ്യൂസ് വയറിന്റെ പ്രവര്‍ത്തനവുമായി ബന്ധപ്പെട്ട ഒരു സൈദ്ധാന്തികവിശകലനമാണ് ഉള്ളടക്കം. ഫ്യൂസ് വയറിന്റെ സവിശേഷതകളിലൊന്നായി ഉയര്‍ന്ന റെസിസ്റ്റിവിറ്റി അഥവാ ഉയര്‍ന്ന റെസിസ്റ്റന്‍സ് എന്ന് വ്യാപകമായി തെറ്റിദ്ധരിക്കപ്പെടുന്നതായി ശ്രദ്ധയില്‍പ്പെട്ടതിന്റെ അടിസ്ഥാനത്തിലാണ് ഈ കുറിപ്പ്. വണ്ണം കൂടിയ ഫ്യൂസ് വയര്‍ ഉപയോഗിക്കുന്നത് ശരിയല്ല എന്ന വസ്തുതയില്‍ നിന്നും ഉരുത്തിരിഞ്ഞതാണ് ഈ തെറ്റിദ്ധാരണ എന്നാണ് മനസ്സിലാകുന്നത്. ഇതേക്കുറിച്ച് ഇബ്രാഹിം സാര്‍ തയ്യാറാക്കിയ നോട്ട് ചുവടെ കാണാം. കൂടാതെ പത്താം ക്ലാസ് ഫിസിക്സിലെ ഒന്ന്, രണ്ട് യൂണിറ്റുകളായ വൈദ്യുത പ്രവാഹത്തിന്റെ ഫലങ്ങള്‍, വൈദ്യുതകാന്തികപ്രേരണം എന്നീ യൂണിറ്റുകളുടെ നോട്ടുകള്‍ ചുവടെ നിന്നും ഡൗണ്‍ലോഡ് ചെയ്തെടുക്കാം.
Read More | തുടര്‍ന്നു വായിക്കുക
ഒരുക്കം 2014
>> Sunday, April 20, 2014
പത്താം ക്ലാസ് വിദ്യാര്‍ത്ഥികള്‍ക്ക് എന്നും ഉപകാരപ്രദമാകുന്ന ഒരു മെറ്റീരിയലാണ് വിദ്യാഭ്യാസ വകുപ്പ് പ്രസിദ്ധീകരിക്കുന്ന ഒരുക്കം. ഈ അധ്യയന വര്‍ഷത്തെ (2014) എല്ലാ വിഷയങ്ങളുടേയും ഒരുക്കം പ്രസിദ്ധീകരിച്ചു. താഴെ കൊടുത്തിട്ടുള്ള ലിങ്കില്‍ നിന്നും വിവിധ വിഷയങ്ങളുടെ പഠന സഹായികള്‍ ഡൌണ്‍ലോഡ് ചെയ്തെടുക്കാം. ഒപ്പം നിങ്ങളുടെ സംശയങ്ങള്‍ ചുവടെ കമന്റായി ചോദിക്കുകയും ചെയ്യാം.
Read More | തുടര്‍ന്നു വായിക്കുക
SSLC 2014 Revision Series - Science
Physics, Chemistry & Biology
>> Wednesday, March 12, 2014
സയന്‍സ് വിഷങ്ങളുടെ പഠനസഹായികളടങ്ങിയ പോസ്റ്റാണ് ഇന്ന്.
ഫിസിക്സ്, കെമിസ്ട്രി, ബയോളജി എന്നീ വിഷയങ്ങളുടെ പഠനസഹായികള്‍ ഈ പോസ്റ്റില്‍ ഉള്‍ക്കൊള്ളിച്ചിരിക്കുന്നു.
സ്വകാര്യ സ്ഥാപനത്തിലെ ട്യൂട്ടറായ സണ്ണി തോമസ് സാര്‍ തയാറാക്കി അയച്ചു തന്ന ഫിസിക്സ് കെമിസ്ട്രി നോട്ടുകളും ബയോളജിയുമായി ബന്ധപ്പെട്ട ഒരു വീഡിയോയുമാണ് ഇന്നത്തെ പോസ്റ്റില്‍ ഉള്‍പ്പെടുത്തിയിരിക്കുന്നത്.
കൂടാതെ തൃശൂരു നിന്നുള്ള രേണുക ടീച്ചര്‍ തയാറാക്കി അയച്ച ഫിസിക്സ് നോട്ടുകളുമുണ്ട്. ചുവടെ നല്‍കിയിട്ടുള്ള ലിങ്കുകളില്‍ നിന്നും ഇവ ഡൗണ്‍ലോഡ് ചെയ്‌തെടുക്കാവുന്നതാണ്.
സ്വകാര്യ സ്ഥാപനത്തിലെ ട്യൂട്ടറായ സണ്ണി തോമസ് സാര്‍ തയാറാക്കി അയച്ചു തന്ന ഫിസിക്സ് കെമിസ്ട്രി നോട്ടുകളും ബയോളജിയുമായി ബന്ധപ്പെട്ട ഒരു വീഡിയോയുമാണ് ഇന്നത്തെ പോസ്റ്റില്‍ ഉള്‍പ്പെടുത്തിയിരിക്കുന്നത്.
കൂടാതെ തൃശൂരു നിന്നുള്ള രേണുക ടീച്ചര്‍ തയാറാക്കി അയച്ച ഫിസിക്സ് നോട്ടുകളുമുണ്ട്. ചുവടെ നല്‍കിയിട്ടുള്ള ലിങ്കുകളില്‍ നിന്നും ഇവ ഡൗണ്‍ലോഡ് ചെയ്‌തെടുക്കാവുന്നതാണ്.
Read More | തുടര്‍ന്നു വായിക്കുക
SS Module and Physics Concept Map
ഇംഗ്ലീഷ് മീഡിയം കുട്ടികളെ അവഗണിക്കുന്നുവെന്ന സ്ഥിരം പരാതിക്ക് ഇനി അറുതിയുണ്ടാകുമെന്ന് തോന്നുന്നു. മലപ്പുറം പരപ്പനങ്ങാടിക്കാരനായ ശ്രീ നൗഷാദ്സാറിന്റെ, അവസാനവട്ട റിവിഷനുകള്‍ക്കുള്ള സോഷ്യല്‍ സയന്‍സ്, ഫിസിക്സ് എന്നിവയുടെ ഷോര്‍ട്ട്നോട്ടുകളാണ് പ്രസിദ്ധീകരിക്കുന്നത്.ഡൗണ്‍ലോഡ് ചെയ്തെടുത്ത് വായിച്ച് സംശയങ്ങള്‍ പങ്കുവെക്കുവാന്‍ എല്ലാവരോടും അഭ്യര്‍ത്ഥിക്കുന്നു.
Read More | തുടര്‍ന്നു വായിക്കുക
Physics-Chemistry
>> Wednesday, December 18, 2013
ഇബ്രാഹിം സാറിന്റെ ഫിസിക്കല്‍ സയന്‍സ് നോട്ടുകള്‍ ഒരു തരംഗമാവുകയാണ് എന്നാണ് മനസ്സിലാകുന്നത്... ഒട്ടേറെ മെയിലുകള്‍ ഞങ്ങളുടെ മെയില്‍ ഐ.ഡി യിലേക്കും സാറിന്റെ മെയിലിലേക്കുമായി പുതിയ പാഠഭാഗങ്ങള്‍ ആവശ്യപ്പെട്ടു കൊണ്ട് വരുന്നുണ്ട്. അധ്യാപകര്‍ക്കും വിദ്യാര്‍ത്ഥികള്‍ക്കും ഏറെ ഉപകാരപ്രദമായ നോട്ടുകള്‍ ലഭ്യമാക്കാന്‍ സാധിച്ചതിലുള്ള ഞങ്ങളുടെ സന്തോഷം ഈ അവസരത്തില്‍ പങ്കു വയ്ക്കട്ടെ.. മാത്സ് ബ്ലോഗ് അവതരിപ്പിച്ചിട്ടുള്ള പഠനസഹായികളില്‍ ഗുണനിലവാരം കൊണ്ടും അവതരണത്തിലെ മേന്മ കൊണ്ടും ഏറ്റവും മുന്‍പന്തിയില്‍ നില്‍ക്കുന്ന പഠനസഹായികളില്‍ ഒന്നാണ് ഇബ്രാഹിം സാറിന്റെ നോട്സ് എന്ന് നിസ്സംശയം പറയാം.
Read More | തുടര്‍ന്നു വായിക്കുക
SETIGAM Exam Series Maths & Physics
>> Wednesday, December 11, 2013
കുട്ടികള്‍ക്ക് സ്വയം പരീക്ഷയെഴുതാനും കമ്പ്യൂട്ടര്‍ തന്നെ മാര്‍ക്കിടുകയും ചെയ്യുന്ന SETIGam സോഫ്‌റ്റ്‌വെയര്‍ ഈ വര്‍ഷം മാത്സ് ബ്ലോഗ് അവതരിപ്പിച്ചത് ഏറെ അഭിമാനത്തോടെയായിരുന്നു. കാരണം, സ്വന്തമായി തന്നെ വിലയിരുത്താന്‍ ഒരു കുട്ടിക്ക് സാധിക്കുന്നുവെന്നത് ചെറിയൊരു കാര്യമല്ലല്ലോ. പ്രമോദ് മൂര്‍ത്തി സാര്‍ ഗാമ്പസില്‍ തയ്യാറാക്കിയ ഈ പരീക്ഷാ സോഫ്റ്റ്വെയറിലൂടെ ഗണിതം മാത്രമല്ല, മറ്റു വിഷയങ്ങളും വിലയിരുത്താന്‍ കഴിയും. ഈ പരീക്ഷാ സോഫ്റ്റ്വെയറുമായി ബന്ധപ്പെട്ട പഴയ പോസ്റ്റുകള്‍ നിങ്ങള്‍ പ്രയോജനപ്പെടുത്തിക്കാണുമല്ലോ. ഈ പോസ്റ്റിലൂടെ മാത്സ് ബ്ലോഗ് സമ്മാനിക്കുന്നത് അഞ്ചു മുതല്‍ പതിനൊന്നു വരെയുള്ള ഗണിതപാഠങ്ങളുടെ പരീക്ഷകളും ഭൗതികശാസ്ത്രത്തിലെ ഇലക്ട്രോണിക്സ് എന്ന യൂണിറ്റിന്റെ പരീക്ഷയുമാണ്. അധ്യാപകരും വിദ്യാര്‍ത്ഥികളും ഫലപ്രദമായി ഈ സംരംഭം പ്രയോജനപ്പെടുത്തുമല്ലോ. ചുവടെയുള്ള ലിങ്കില്‍ നിന്നും പരീക്ഷകള്‍ ഡൗണ്‍ലോഡ് ചെയ്തെടുക്കാം.
Read More | തുടര്‍ന്നു വായിക്കുക
SETIGam Exam Physics and Chemistry
>> Thursday, October 10, 2013
വിവരവിനിമയ സാങ്കേതികവിദ്യയുടെ സാക്ഷാത്കാരമാണ് ഇതെന്നാണ് നമ്മുടെ പൊതുവിദ്യാഭ്യാസഡയറക്ടറായ ബിജു പ്രഭാകര്‍ സാര്‍ മാത്സ് ബ്ലോഗിനെക്കുറിച്ച് ഈയിടെ അഭിപ്രായപ്പെട്ടത്. അക്ഷരാര്‍ത്ഥത്തില്‍ മാത്സ് ബ്ലോഗ് കൂട്ടായ്മയുടെ ഭാഗമായ അധ്യാപകസമൂഹത്തിന് ഒന്നടങ്കം അഭിമാനിക്കാനുള്ള വാക്കുകളാണ് അദ്ദേഹത്തില്‍ നിന്നും നമുക്ക് ലഭിച്ചത്. ഔദ്യോഗികത്തിരക്കുകള്‍ക്കു ശേഷം വീട്ടിലെത്തുന്ന അധ്യാപകര്‍ ഈ സമൂഹത്തിനു വേണ്ടി ചെയ്യുന്ന നിസ്വാര്‍ത്ഥ സേവനമാണ് മാത്സ് ബ്ലോഗിലൂടെ പ്രസിദ്ധീകരിക്കപ്പെടുന്ന ഓരോ പോസ്റ്റുകളും. മാത്സ് ബ്ലോഗിന്റെ പിന്നണിയിലുള്ളവര്‍ അവസരോചിതമായി ഈ പോസ്റ്റുകളെ അധ്യാപകസമൂഹത്തിലേക്കെത്തിക്കുന്നുവെന്നേയുള്ളു. അതുകൊണ്ടു തന്നെ മാത്സ് ബ്ലോഗ് കൂട്ടായ്മയ്ക്കു കിട്ടുന്ന ഓരോ അഭിനന്ദനവും അധ്യാപകസമൂഹത്തിനു കൂടി അവകാശപ്പെട്ടതാണ്. അക്കൂട്ടത്തില്‍ എടുത്തു പറയേണ്ട ഒന്നാണ് നിസ്വാര്‍ത്ഥമതിയായ ഒരു അധ്യാപകന്റെ പരിശ്രമമായ സെറ്റിഗാം സോഫ്‌റ്റ്‌വെയര്‍. കുട്ടിക്ക് സ്വന്തമായി പരീക്ഷയെഴുതി നോക്കാനും അതുവഴി സ്വയം വിലയിരുത്താനുമൊക്കെയുള്ള അവസരം നല്‍കുന്ന ഈയാണ്ടിലെ വിപ്ലവമാണത്. തല്‍പ്പരരായ വിദ്യാര്‍ത്ഥികളെക്കൊണ്ട് സെറ്റിഗാം പരീക്ഷകളെഴുതിക്കാന്‍ നമ്മുടെ അധ്യാപകര്‍ നിര്‍ദ്ദേശിക്കാറുണ്ട്. കുട്ടിക്ക് ഈ സോഫ്റ്റ്വെയറിലേക്കുള്ള ഒരു ചൂണ്ടിക്കാട്ടല്‍ മാത്രം മതിയാകും. ആവേശത്തോടെ ഈ പുതിയ രീതിയില്‍ പരീക്ഷകളെഴുതാന്‍ അവന്‍ സ്വയം സന്നദ്ധനായിക്കോളും. ഇത്തവണ പ്രമോദ് മൂര്‍ത്തിസാര്‍ നമുക്ക് അയച്ചു തന്നിരിക്കുന്നത് ഇബ്രാഹിം സാര്‍ തയ്യാറാക്കിയ ഫിസിക്സ് നാല്, അഞ്ച് യൂണിറ്റുകളുടേയും കെമിസ്ട്രി നാലാം യൂണിറ്റിന്റേയും നോട്ടുകളെ അടിസ്ഥാനമാക്കിയുള്ള സെറ്റിഗാം പരീക്ഷകളാണ്. ചുവടെയുള്ള ലിങ്കില്‍ നിന്നും അവ നിങ്ങള്‍ക്ക് ഡൗണ്‍ലോഡ് ചെയ്തെടുക്കാം.
Read More | തുടര്‍ന്നു വായിക്കുക
Physics Unit 4 & 5
Chemistry Unit 4
>> Monday, September 30, 2013
ഇബ്രാഹിം സാറിന്റെ നോട്ടുകള്‍ നമ്മുടെ അധ്യാപകര്‍ക്കിടയിലും വിദ്യാര്‍ത്ഥികള്‍ക്കിടയിലും ഏറെ പരിചിതമായിക്കഴിഞ്ഞു. പത്താം ക്ലാസിലെ ഫിസിക്സ്, കെമിസ്ട്രി പാഠഭാഗങ്ങള്‍ നീങ്ങുന്നതിനനുസരിച്ച് അദ്ദേഹം കൃത്യമായി അതിന്റെ നോട്ടുകള്‍ മാത്സ് ബ്ലോഗിനു വേണ്ടി തയ്യാറാക്കി അയച്ചു തരാറുണ്ട്. അതുകൊണ്ടു തന്നെ ഈ പോസ്റ്റുകള്‍ സമയബന്ധിതമായി പ്രസിദ്ധീകരിച്ചില്ലെങ്കില്‍ മാത്സ് ബ്ലോഗ് ടീമിന്റെ മെയിലിലേക്ക് ഇതാവശ്യപ്പെട്ടു കൊണ്ടുള്ള മെയിലുകള്‍ വരികയും ചെയ്യും. വിശദമായ നോട്ടുകള്‍ എന്നതു തന്നെയാണ് അദ്ദേഹം തയ്യാറാക്കുന്ന പഠനക്കുറിപ്പുകളുടെ ഏറ്റവും വലിയ പ്രത്യേകത. താന്‍ തയ്യാറാക്കുന്ന നോട്ടുകളില്‍ നിന്നും ഒരു പോയിന്റ് പോലും വിട്ടു പോകരുത് എന്ന നിര്‍ബന്ധബുദ്ധി അദ്ദേഹം പ്രകടിപ്പിക്കാറുണ്ടെന്ന് ആ നോട്ടുകള്‍ കാണുന്നതു കൊണ്ടു തന്നെ തിരിച്ചറിയാം. ഇത്തവണ അദ്ദേഹം തയ്യാറാക്കി മാത്സ് ബ്ലോഗിന് അയച്ചു തന്നിരിക്കുന്നത് പത്താം ക്ലാസിലെ ഫിസിക്സ് 4, 5 യൂണിറ്റുകളുടേയും കെമിസ്ട്രി നാലാം യൂണിറ്റിന്റേയും നോട്ടുകളാണ്. ചുവടെയുള്ള ലിങ്കില്‍ നിന്നും അവ ഡൌണ്‍ലോഡ് ചെയ്തെടുക്കാം. സംശയങ്ങള്‍, അഭിപ്രായങ്ങള്‍, ആവശ്യങ്ങള്‍ എന്നിവ കമന്റായി എഴുതുമല്ലോ.
Read More | തുടര്‍ന്നു വായിക്കുക
Onam Exam Answer Keys
>> Friday, September 13, 2013
സെപ്റ്റംബര്‍ 23 നുള്ള പരീക്ഷകള്‍ കൂടി കഴിയുന്നതോടെ ഈ വര്‍ഷത്തെ ഓണപ്പരീക്ഷയുടെ കൊടിയിറങ്ങും. പരീക്ഷകള്‍ കഴിയുന്നതോടെ ഉത്തരങ്ങള്‍ മാത്സ് ബ്ലോഗില്‍ പ്രസിദ്ധീകരിക്കും എന്നുള്ളതു കൊണ്ടു തന്നെ അതു പ്രതീക്ഷിച്ച് കാത്തിരുന്നവരുണ്ടാകുമെന്നു ഞങ്ങള്‍ക്കറിയാം. എന്നാല്‍ ഈ സംരംഭങ്ങള്‍ വിജയിക്കണമെങ്കില്‍ അതത് വിഷയങ്ങള്‍ കൈകാര്യം ചെയ്യുന്ന അധ്യാപകരുടെ അധ്യാപകരുടെ സഹകരണം കൂടിയേ തീരൂ. അക്കൂട്ടത്തില്‍ ഏറ്റവും കൂടുതല്‍ നന്ദി പറയേണ്ടത് ചുവടെ വിവിധ വിഷയങ്ങളുടെ ഉത്തരങ്ങള്‍ അയച്ചു തന്ന സുമനസുകളായ അധ്യാപകര്‍ക്കാണ്. പരീക്ഷ തീരുന്ന മുറയ്ക്ക് രാത്രി ഒരു മണി വരെയിരുന്ന് ഉത്തരങ്ങളെഴുതി അയച്ചു തന്ന അധ്യാപകര്‍ ഈ കൂട്ടത്തിലുണ്ട്. തന്റെ അറിവ് ഒരു സമൂഹത്തിന് വേണ്ടി പ്രദാനം ചെയ്യാന്‍ മടിയില്ലാത്ത ഇവരുടെയെല്ലാം നല്ല മനസ്സിനെ മാത്സ് ബ്ലോഗ് കൂട്ടായ്മയുടെ പേരില്‍ അഭിനന്ദിക്കുന്നു. പത്താം ക്ലാസിലെ ഇംഗ്ലീഷ്, ഫിസിക്സ്, കെമിസ്ട്രി, ഗണിതശാസ്ത്രം, ഒന്‍പതാം ക്ലാസിലെ ഗണിതശാസ്ത്രം, ഫിസിക്സ്, എട്ടാം ക്ലാസിലെ ഇംഗ്ലീഷ് എന്നിവയുടെ ഉത്തരസൂചികകള്‍ ചുവടെ നല്‍കിയിരിക്കുന്നു.
Read More | തുടര്‍ന്നു വായിക്കുക
Std X - Physics & Chemistry - Unit 3
>> Monday, August 19, 2013
ഫിസിക്സ്, കെമിസ്ട്രി വിഷയങ്ങള്‍ക്ക് അധ്യാപകരും വിദ്യാര്‍ത്ഥികളും ആശ്രയിക്കുന്ന നോട്ടുകളായി ഇബ്രാഹിം സാര്‍ ഒരുക്കുന്ന പഠനസഹായികള്‍ മാറുന്നു എന്നത് ഏറെ ചാരിതാര്‍ത്ഥ്യത്തോടെയാണ് മാത്സ് ബ്ലോഗ് ടീം കാണുന്നത്. എല്ലാ വിഷയങ്ങളിലെയും ഓരോ പാഠങ്ങളും തിരിച്ച് അതാതു സമയം പഠനസഹായികള്‍ ഒരുക്കി ബ്ലോഗു വഴി ലഭ്യമാക്കണമെന്ന ഒരു ആഗ്രഹം ഞങ്ങള്‍ക്കുണ്ടായിരുന്നു. കഴിഞ്ഞ വേനലവധിക്കാലത്ത് ഓരോ വിഷയത്തിനും പ്രത്യേകം ടീം നിര്‍മ്മിക്കാമെന്നും അതാതു വിഷയത്തിന്റെ നോട്ടുകള്‍ അവരെ കൊണ്ട് ചെയ്യിപ്പിക്കാമെന്നും എല്ലാം ചിന്തിച്ചു... എന്നാല്‍ പിന്നീട് വിവിധ തിരക്കുകളില്‍ പെട്ടതിനാല്‍ ആ ആശയം പൂര്‍ണ്ണതയിലേക്കെത്തിക്കാന്‍ സാധിച്ചില്ല..
മെയിലിലേക്ക് സാധാരണ വരാറുള്ള അനേകം പഠനസഹായികളില്‍ ഒന്ന് എന്നേ ആദ്യം ഇബ്രാഹിം സാറിന്റെ നോട്സിനെ കണ്ടുള്ളു. എന്നാല്‍ അതിന്റെ നിലവാരത്തിലെ മികവും അവ ഒരുക്കുന്നതിനായി സാര്‍ എടുക്കുന്ന പ്രയത്നവും കേരളത്തിലെ അധ്യാപകര്‍ മനസ്സിലാക്കുകയും അതിനെ പിന്തുണയ്ക്കുകയും ചെയ്യുന്ന കാഴ്ചയായിരുന്നു പിന്നീട്. ഓരോ പാഠഭാഗങ്ങളും അധ്യാപകര്‍ക്ക് അധ്യയനത്തിനും വിദ്യാര്‍ത്ഥികള്‍ക്ക് പഠനസമയത്തും സഹായകമായി മാറുന്ന പഠനസഹായികള്‍ ഒരുക്കണം എന്ന ഞങ്ങളുടെ മനസ്സിലുണ്ടായിരുന്ന ചിന്ത വായിച്ചെടുത്ത പോലെ കൃത്യമായി സാര്‍ നോട്സ് ഒരുക്കുകയും അധ്യാപകര്‍ സ്വീകരിക്കുകയും ചെയ്യുന്നു... ഈ മനോഹരമായ നിമിഷങ്ങള്‍ ഒരുക്കുന്നതില്‍ ഒരു ചെറിയ പങ്കു വഹിക്കാന്‍ സാധിച്ചതിലുള്ള ചാരിതാര്‍ത്ഥ്യത്തോടെ..
മെയിലിലേക്ക് സാധാരണ വരാറുള്ള അനേകം പഠനസഹായികളില്‍ ഒന്ന് എന്നേ ആദ്യം ഇബ്രാഹിം സാറിന്റെ നോട്സിനെ കണ്ടുള്ളു. എന്നാല്‍ അതിന്റെ നിലവാരത്തിലെ മികവും അവ ഒരുക്കുന്നതിനായി സാര്‍ എടുക്കുന്ന പ്രയത്നവും കേരളത്തിലെ അധ്യാപകര്‍ മനസ്സിലാക്കുകയും അതിനെ പിന്തുണയ്ക്കുകയും ചെയ്യുന്ന കാഴ്ചയായിരുന്നു പിന്നീട്. ഓരോ പാഠഭാഗങ്ങളും അധ്യാപകര്‍ക്ക് അധ്യയനത്തിനും വിദ്യാര്‍ത്ഥികള്‍ക്ക് പഠനസമയത്തും സഹായകമായി മാറുന്ന പഠനസഹായികള്‍ ഒരുക്കണം എന്ന ഞങ്ങളുടെ മനസ്സിലുണ്ടായിരുന്ന ചിന്ത വായിച്ചെടുത്ത പോലെ കൃത്യമായി സാര്‍ നോട്സ് ഒരുക്കുകയും അധ്യാപകര്‍ സ്വീകരിക്കുകയും ചെയ്യുന്നു... ഈ മനോഹരമായ നിമിഷങ്ങള്‍ ഒരുക്കുന്നതില്‍ ഒരു ചെറിയ പങ്കു വഹിക്കാന്‍ സാധിച്ചതിലുള്ള ചാരിതാര്‍ത്ഥ്യത്തോടെ..
Read More | തുടര്‍ന്നു വായിക്കുക
SETIGam Exam Series 3
>> Friday, August 9, 2013
അധ്യാപകന്റെ സഹായം കൂടാതെ തന്നെ താന്‍ പഠിച്ച ഓരോ യൂണിറ്റിന്റേയും പരീക്ഷയെഴുതാന്‍ സാധിക്കുമെന്ന അവസ്ഥ വന്നതോടെ SETIGam പരീക്ഷാ സോഫ്റ്റ്വെയറിനെ ആശ്രയിക്കുന്ന കുട്ടികളുടെ എണ്ണം ദിവസങ്ങള്‍ കഴിയുന്തോറും വര്‍ദ്ധിച്ചു വരികയാണ്. പല വിദ്യാലയങ്ങളില്‍ നിന്നും അധ്യാപകര്‍ തന്നെ SETIGam പരീക്ഷയെഴുതാന്‍ കുട്ടികളോട് നിര്‍ദ്ദേശിക്കുന്നുവെന്ന അറിവ് മാത്സ് ബ്ലോഗിന് ഏറെ സന്തോഷമുണ്ടാക്കുന്നു. ഗണിതത്തിനു മാത്രമല്ല, മറ്റു വിഷയങ്ങളിലുള്ള SETIGam പരീക്ഷയ്ക്ക് ആവശ്യക്കാരേറിയതോടെ പ്രമോദ് മൂര്‍ത്തി സാറും ഇപ്പോള്‍ വല്ലാത്ത തിരക്കിലാണ്. എന്നാല്‍ GAMBAS എന്ന പ്രോഗ്രാമിനെ ഉപയോഗപ്പെടുത്തുന്നതിനോ അതുവഴി പരീക്ഷകള്‍ തയ്യാറാക്കുന്നതിനോ ആരും ശ്രമിക്കുന്നില്ലെന്നൊരു പരാതിയും അദ്ദേഹത്തിനുള്ളതായി മനസ്സിലാക്കാന്‍ ഞങ്ങള്‍ക്ക് കഴിഞ്ഞു. Open Source ആയതിനാല്‍ ഈ പ്രോഗ്രാമിനെ ആര്‍ക്കു വേണമെങ്കിലും ഉപയോഗപ്പെടുത്താനും മെച്ചപ്പെടുത്താനുമൊക്കെ പരിശ്രമിക്കാവുന്നതാണല്ലോ. പക്ഷേ നേരത്തേ അദ്ദേഹം തയ്യാറാക്കിയ SETIGam പരീക്ഷകളെല്ലാം നിങ്ങള്‍ ചെയ്തു നോക്കിക്കാണുമെന്നു കരുതുന്നു. ഇല്ലെങ്കില്‍ ഈ ലിങ്കില്‍ ക്ലിക്ക് ചെയ്ത് അവ നിങ്ങള്‍ക്ക് ഉപയോഗപ്പെടുത്താവുന്നതാണ്. ഇത്തവണ പ്രമോദ് സാര്‍ തയ്യാറാക്കി മാത്സ് ബ്ലോഗിന് അയച്ചു തന്നിരിക്കുന്നത് പത്താം ക്ലാസ് ഗണിതശാസ്ത്രത്തിലെ നാലാം യൂണിറ്റായ ത്രികോണമിതി, ഫിസിക്സിലെ രണ്ടാം യൂണിറ്റായ വൈദ്യുത കാന്തിക പ്രേരണം, രസതന്ത്രത്തിലെ രണ്ടാം യൂണിറ്റായ രാസപ്രവര്‍ത്തനങ്ങളും മോള്‍ സങ്കല്‍പ്പനവും, ബയോളജിയിലെ ആദ്യ രണ്ടു യൂണിറ്റുകളായ ഇന്ദ്രിയങ്ങള്‍ക്കുമപ്പുറം, പ്രതികരണങ്ങള്‍ ഇങ്ങനെയും, ഇംഗ്ലീഷിലെ ആദ്യ രണ്ടു യൂണിറ്റുകളായ Generations, The world of mystry എന്നിവയുടെ പരീക്ഷാ സോഫ്റ്റ്‍വെയറുകളാണ്. ചുവടെയുള്ള ലിങ്കില്‍ നിന്നും ഇവ ഡൗണ്‍ലോഡ് ചെയ്തെടുക്കാം.
Read More | തുടര്‍ന്നു വായിക്കുക
Physics: Electromagnetic induction
വീഡിയോ കണ്ടു പഠിക്കാം
>> Thursday, August 1, 2013
പത്താം ക്ലാസിലെ ഫിസിക്സ് രണ്ടാം യൂണിറ്റായ വൈദ്യുതകാന്തിക പ്രേരണം എല്ലാ സ്ക്കൂളുകളിലും ഇതിനോടകം പഠിപ്പിച്ചു തീര്‍ന്നിട്ടുണ്ടാകും. ഈ പാഠഭാഗവുമായി ബന്ധപ്പെട്ട് ഇബ്രാഹിം സാര്‍ തയ്യാറാക്കിയ ലളിതവും വിശദവുമായ പഠനക്കുറിപ്പുകള്‍ മാത്സ് ബ്ലോഗ് ജൂലൈ മാസം പതിനേഴാം തീയതി ഒരു പോസ്റ്റിലൂടെ പങ്കുവെച്ചിരുന്നത് ഏവരും ഉപയോഗപ്പെടു ത്തിയിട്ടുണ്ടാകുമെന്നു കരുതട്ടെ. വൈദ്യുതകാന്തികപ്രേരണം എന്ന ഈ പാഠഭാഗത്ത് എസി ജനറേറ്റര്‍, ഡിസി ജനറേറ്റര്‍, ട്രാന്‍സ്ഫോര്‍മര്‍ തുടങ്ങിയ ഒന്‍പത് വര്‍ക്കിങ് മോഡലുകളെക്കുറിച്ചാണ് ചര്‍ച്ച ചെയ്യുന്നതെന്ന് നമുക്കറിയാം. അക്ഷരങ്ങളിലൂടെ ഈ ആശയം മനസ്സില്‍ പതിപ്പിക്കുന്നതിനു മുന്നോടിയായി ഈ വര്‍ക്കിങ്ങ് മോഡലുകളുടെ പ്രവര്‍ത്തനം കുട്ടികളെയൊന്ന് കാട്ടിക്കൊടുക്കാനായിരുന്നെങ്കിലോ? ആ ആശയം വളരെ വേഗത്തില്‍ കുട്ടികളുടെ മനസ്സില്‍ പതിയും. ഇതിന് അധ്യാപകരെ സഹായിക്കുന്നത് കമ്പ്യൂട്ടറും ഇന്റര്‍നെറ്റുമൊക്കെത്തന്നെയാണ്. ഈ ഐസിടി സാധ്യതകള്‍ പരമാവധി പ്രയോജനപ്പെടുത്താന്‍ സന്നദ്ധതയുള്ള അധ്യാപകര്‍ക്ക് ആവശ്യമായ പിന്തുണയുമായി വരികയാണ് കുളത്തൂപ്പുഴ ഗവ. ടെക്നിക്കല്‍ ഹൈസ്ക്കൂളിലെ ഭൗതികശാസ്ത്രവിഭാഗം അധ്യാപകനായ നസീര്‍ സാറും സോഫ്‌റ്റ്‌വെയര്‍ എന്‍ജിനീയറായ ജിതേഷ് സാറും. ഇവര്‍ ഒരു പ്രൊജക്ടിന്റെ ഭാഗമായി തയ്യാറാക്കിയ ആനിമേറ്റ് ചെയ്ത വീഡിയോകള്‍ ഡൗണ്‍ലോഡ് ചെയ്യാനാകും വിധം ചുവടെ നല്‍കിയിട്ടുണ്ട്. അവ ഡൗണ്‍ലോഡ് ചെയ്തെടുത്ത് കുട്ടികള്‍ക്ക് കാട്ടിക്കൊടുക്കുമല്ലോ. ഇത്തരം സാധ്യതകള്‍ നിങ്ങള്‍ക്കു പ്രയോജനപ്പെടുന്നുണ്ടോ? ഉണ്ടെങ്കില്‍ നമുക്ക് ഇത്തരം പോസ്റ്റുകള്‍ തുടര്‍ന്നും പ്രസിദ്ധീകരിക്കാം. വീഡിയോ ഫയലുകളോടൊപ്പം ഈ പാഠഭാഗത്തെ ആസ്പദമാക്കി മലയാളം മീഡിയത്തിലും ഇംഗ്ലീഷ് മീഡിയത്തിലും പഠിക്കുന്ന കുട്ടികള്‍ക്കു വേണ്ടി നസീര്‍ സാര്‍ തയ്യാറാക്കിയ ചോദ്യങ്ങളും ഉത്തരങ്ങളും ചുവടെ നല്‍കിയിട്ടുണ്ട്. അഭിപ്രായങ്ങളെഴുതമല്ലോ?
Read More | തുടര്‍ന്നു വായിക്കുക
Std X Physics Chapter 2
& Chemistry Chapter 1 & 2
>> Tuesday, July 16, 2013
ഓരോ സമയത്തും മാത്സ് ബ്ലോഗിനെ അധ്യാപകരിലേക്കും വിദ്യാര്‍ത്ഥികളിലേക്കും അടുപ്പിക്കുന്നതില്‍ ചില വ്യക്തികള്‍/സംരംഭങ്ങള്‍ പ്രത്യേക പങ്കു വഹിക്കാറുണ്ട്. ഒരു കാലത്ത് ഹിതയും കൂട്ടരുമടങ്ങിയ പാലക്കാട് ടീമിന്റെ മാത്സ് ചോദ്യോത്തരങ്ങളായിരുന്നു, ഹോംസും ബാബു ജേക്കബ് സാറുമടങ്ങിയ ചൂടുള്ള ചര്‍ച്ചകളായിരുന്നു ഒരു കാലത്ത്, കഴിഞ്ഞ എസ്.എസ്.എല്‍.സി കാലത്താകട്ടെ, പഠന സഹായികളായിരുന്നു ആ പങ്ക് വഹിച്ചത്. ഈ വര്‍ഷം വിദ്യാഭ്യാസമേഖലയില്‍ ചലനം സൃഷ്ടിക്കുന്ന പ്രമോദ് മൂര്‍ത്തി സാറിന്റെ സെറ്റിഗാം പരീക്ഷാ സോഫ്റ്റ്വയെറുകളും ഫിസിക്സ് കെമിസ്ട്രി പഠനസഹായികളുമൊക്കെയാകാം ആ റോളില്‍ എത്താന്‍ പോകുന്നത് എന്നു തോന്നുന്നു. മുടിക്കല്‍ സ്കൂളിലെ ഇബ്രാഹിം സാര്‍ തയാറാക്കി നാം പ്രസിദ്ധീകരിച്ച ഫിസിക്സ് ആദ്യ പാഠത്തിന്റെ നോട്സ് ഏറെ ഉപകാരപ്പെട്ടതായി കമന്റുകളില്‍ നിന്നും മനസ്സിലാകുന്നു. അതിന്റെ ഇംഗ്ലീഷ് പരിഭാഷ ചോദിച്ചു കൊണ്ടും കെമിസ്ട്രി നോട്സ് ആവശ്യപ്പെട്ടു കൊണ്ടും അനേകം മെയിലുകളും ഫോണ്‍ കോളുകളും ലഭിക്കുന്നുണ്ട് എന്നത് ഈ സൂചനയാണ് നല്‍കുന്നത്. ഫിസിക്സിന്റെ രണ്ടാം പാഠമായ വൈദ്യൂത കാന്തിക പ്രേരണത്തെ അടിസ്ഥാനമാക്കിയുള്ള നോട്സ് ഇബ്രാഹിം സാര്‍ അയച്ചു തന്നിട്ട് ആഴ്ച ഒന്നു കഴിഞ്ഞു. കെമിസ്ട്രിയുടെ ആദ്യ പാഠമായ വാതകാവസ്ഥ, രണ്ടാം പാഠമായ മോള്‍ സങ്കല്‍പനം എന്നിവയെ കുറിച്ചുളള നോട്സും ഒപ്പമുണ്ട്. പ്രസിദ്ധീകരിക്കാന്‍ അല്‍പം വൈകിയതിന്റെ ക്ഷമാപണത്തോടെ ഇബ്രാഹിം സാറിന്റെ നോട്സിലേക്ക്
Read More | തുടര്‍ന്നു വായിക്കുക
Subscribe to:
Posts (Atom)
