SSLC ഗണിതം 2015

എസ് എസ് എല്‍ സി കണക്കുപരീക്ഷ കഴിഞ്ഞ നിമിഷംമുതല്‍, അതിന്റെയും മറ്റുവിഷയങ്ങളുടേയുമൊക്കെ ഉത്തരസൂചികകളും വിലയിരുത്തലുകളുമാവശ്യപ്പെട്ടുകൊണ്ടുള്ള കമന്റുകളുടേയും മെയിലുകളുടേയുമൊക്കെ കുത്തൊഴുക്കായിരുന്നൂ. അവയില്‍ ഭൂരിഭാഗവും, ഇത്തവണ പരീക്ഷയെഴുതുന്ന കുട്ടികളുടേതായിരുന്നൂവെന്നതാണ് ഏറ്റവും ഗൗരവമായി തോന്നിയത്. A+ പ്രതീക്ഷിച്ചിരുന്നവര്‍ക്ക്, അത് കിട്ടില്ലേയെന്ന ആശങ്ക മറ്റുവിഷയങ്ങളുടെ അവസാനവട്ട തയ്യാറെടുപ്പുകളെപ്പോലും ബാധിച്ചേക്കുമെന്ന ചിന്തയില്‍ നിന്നാണ്, എല്ലാ സൂചികകളും വിലയിരുത്തലുകളുമൊക്കെ, എല്ലാപരീക്ഷകളും കഴിയുന്ന ഇന്ന് മതിയെന്ന സുദൃഢ തീരുമാനത്തിലേക്ക് മാത്‍സ് ബ്ലോഗിനെ എത്തിച്ചത്. ഒട്ടേറെപ്പേര്‍, പരീക്ഷകഴിഞ്ഞയുടന്‍തന്നെ, അതാതുവിഷയങ്ങളുടെ ഉത്തരസൂചികകള്‍ തയ്യാറാക്കി അയച്ചിരുന്നു. അവയില്‍ നിന്നും തെരഞ്ഞടുക്കപ്പെട്ട കുറച്ചെണ്ണം വലതുവശത്തെ 'SSLC 2015 Answer Keys'എന്ന ഗാഡ്ജറ്റില്‍ ഉള്‍പ്പെടുത്തുന്നുണ്ട്. അവയൊന്നും പരിപൂര്‍ണ്ണമാകില്ലായെന്നും, നമുക്ക് ചര്‍ച്ചചെയ്യാന്‍ മാത്രമുള്ളതാണെന്നുമുള്ള ഒരു ധാരണ വച്ചുപുലര്‍ത്തുന്നത് നന്നായിരിക്കും.

ഒരവസരത്തില്‍, സജീവമായ ഇടപെടലുകള്‍കൊണ്ട് നമ്മെ വിസ്മയിപ്പിച്ചിരുന്ന ഹിതയുടേയും കണ്ണന്‍മാഷിന്റേയും പാലക്കാട് ബ്ലോഗ് ടീം തിരിച്ചെത്തുന്നുവെന്ന സന്തോഷവും മറച്ചുവെയ്ക്കുന്നില്ല. ഈ പോസ്റ്റിന്റെകൂടെ,ഗണിതപരീക്ഷയെക്കുറിച്ചുള്ള കണ്ണന്‍മാഷിന്റെ അവലോകനവും പാലക്കാട് ബ്ലോഗ് ടീമിന്റെ ഉത്തരസൂചികയും ആണുള്ളത്.

കണ്ണന്‍സാറിന്റെ അവലോകനം
ഇത്തവണത്തെ ഗണിതശാസ്ത്ര ചോദ്യപേപ്പര്‍, എല്ലാ വിഭാഗത്തില്‍പെട്ട കുട്ടികളേയും പരിഗണിക്കുവാന്‍ ശ്രമം നടത്തിയിട്ടുണ്ട്. എങ്കിലും മിടുക്കരെ അല്‍പം കുഴക്കിയ പരീക്ഷയായിരുന്നൂവെന്ന് പറയാം. മുന്‍വര്‍ഷങ്ങളിലെ ചോദ്യപാറ്റേണില്‍ നിന്നും കുറച്ചുവ്യത്യസ്തമായ രീതിയില്‍ ചോദ്യങ്ങളുണ്ടായപ്പോള്‍, ഒറ്റനോട്ടത്തില്‍ അല്‍പം കഠിനമെന്ന് കുട്ടികള്‍ പറഞ്ഞേക്കാം. അവസാനഷീറ്റിലെ ചോദ്യങ്ങള്‍ ചെയ്തുതീര്‍ക്കാന്‍ കുട്ടികള്‍ക്ക് വേണ്ടത്ര സമയം ലഭിച്ചുകാണണമെന്നില്ല. 17,19,21 ചോദ്യങ്ങളുടെ അവസാനഭാഗത്തിലെ കാഠിന്യം അല്‍പം കുറക്കാമായിരുന്നു.

മൂല്യനിര്‍ണ്ണയ സമയത്ത് ഉദാരമനോഭാവം കാണിക്കാതെയിരുന്നാല്‍ A+ കാരുടെ എണ്ണത്തില്‍ കുറവുണ്ടാകുമെന്ന് സംശയമില്ല. ക്ലാസ്മുറികളിലെ പ്രവര്‍ത്തനങ്ങള്‍ ഇത്രയും ഉയര്‍ന്ന നിലവാരത്തിലേക്ക് എത്താത്തതും , കുട്ടികളുടെ അടിസ്ഥാനഗണിതത്തിലെ പോരായ്മയും ഇതിന് പ്രധാനകാരണമാണ്.

1, 6, 19 ചോദ്യങ്ങള്‍ സമാന്തരശ്രേണികളില്‍ നിന്നായി്രുന്നു. ഈ ചോദ്യങ്ങളെല്ലാം തന്നെ കുട്ടികള്‍ ചെയ്തുശീലിച്ചവയായിരുന്നു. എന്നാല്‍ 19 ന്റെ c, d ഭാഗങ്ങള്‍ ചെയ്ത് 5 സ്കോറും നേടാന്‍ എല്ലാവര്‍ക്കും കഴിയണമെന്നില്ല.

16, 22 ചോദ്യങ്ങള്‍ പ്രതീക്ഷിച്ച നിര്‍മ്മിതികള്‍ തന്നെയാണ്. ശരാശരിയില്‍ താഴെ നില്‍ക്കുന്ന കുട്ടിക്കുപോലും സന്തോഷം പകരുന്നവ. ഒരു ജയം മാത്രമാണ് ലക്ഷ്യമെങ്കില്‍, ഈ രണ്ടുചോദ്യങ്ങള്‍തന്നെ ആ ലക്ഷം നിവര്‍ത്തിക്കും.

7, 8 ചോദ്യങ്ങള്‍ വൃത്തങ്ങള്‍ എന്ന അധ്യായത്തില്‍ നിന്നാണ്. 7 ലെ മൂന്നുസ്കോറും നേടുന്നവര്‍ കുറവായിരിക്കും. 8 മിടുക്കരെ വരെ ഇരുത്തി ചിന്തിപ്പിച്ചിരിക്കും. ചോദ്യരീതിയില്‍ അല്പം മാറ്റം വരുത്തിയിരുന്നൂവെങ്കില്‍ കൂടുതല്‍ ഭംഗിയുള്ളതും ഏറെപ്പേര്‍ക്ക് മാര്‍ക്ക് നേടാന്‍ കഴിയുന്നതുമാകുമായിരുന്നു. 60 ഡിഗ്രീ കോണളവില്‍ തിരിയുമെന്നും 15 സെ മീ ഉയരത്തിലാണ് അടയാളം എന്നുമെഴുതിയവര്‍ കുറവായിരിക്കും.

3, 15 ചോദ്യങ്ങള്‍ രണ്ടാംകൃതി സമവാക്യങ്ങളില്‍ നിന്നാണ്. 3 ചെയ്തുശീലിച്ചതരമാണെങ്കില്‍, 15 , A+കാരെ ലക്ഷ്യം വെയ്ക്കുന്നതും. ശരാശരിക്ക് മുകളില്‍ നില്‍ക്കുന്നവര്‍പോലും ശരിയാക്കണമെന്നില്ല.

20 ത്രികോണമിതിയില്‍ നിന്നാണ്. മുഴുവന്‍ സ്കോറും നേടാന്‍ വലിയ പ്രയാസമൊന്നുമില്ല.

4, 14 ചോദ്യങ്ങള്‍ സൂചകസംഖ്യകളെ ആസ്പദമാക്കിയാണ്. 4 എല്ലാത്തരം കുട്ടികളേയും പരിഗണിച്ചപ്പോള്‍ 14 ആശയങ്ങള്‍ ശരിയായി ഗ്രഹിച്ചവര്‍ക്ക് പ്രയാസമുണ്ടാക്കിയില്ല.

സാധ്യതകളുടെ ഗണിതത്തില്‍ നിന്നും വന്ന ചോദ്യം 9 താരതമ്യേന എളുപ്പമായിരുന്നു.

ചോദ്യം 18 തൊടുവരകളില്‍ നിന്നായിരുന്നു. സദൃശത്രികോണങ്ങളുടെ ആശയങ്ങളിലൂടെ വന്ന് PQ ന്റെ നീളം കണ്ടെത്താന്‍ മിടുക്കര്‍ വരേ ബുദ്ധിമുട്ടിയിരിക്കും. വളരേ നിലവാരം പുലര്‍ത്തിയ ഈ ചോദ്യം ചെയ്യാന്‍ അടിസ്ഥാന ആശയങ്ങള്‍ നന്നായി ഗ്രഹിക്കണം.

ബഹുപദങ്ങളില്‍ നിന്നുള്ള 2, 10 ചോദ്യങ്ങള്‍ കുട്ടികള്‍ക്ക് ആശ്വാസത്തിന് വകനല്‍കി.

ജ്യാമിതിയും ബീജഗണിതവും എന്ന യൂണിറ്റില്‍നിന്നുള്ള 17, 21 എന്നീ ചോദ്യങ്ങളില്‍ 17 C അല്പം കഠിനമായി. 21 നിലവാരം പുലര്‍ത്തി. 5 സ്കോറും നേടാന്‍ മിടുക്കര്‍വരേ വലഞ്ഞുകാണും.

വ്യത്യസ്തതയോടെ അവതരിപ്പിക്കപ്പെട്ട മധ്യമം പലരും തെറ്റിച്ചുകാണും. കുട്ടികളുടെ എണ്ണം വീണ്ടും കൂട്ടി തെറ്റിച്ചുകാണാനാണ് സാധ്യത. മാധ്യത്തില്‍, വിഭാഗമാധ്യം ദശാംശമായത് ശരാശരിക്കാരെ കുഴക്കും.

ചോദ്യം 11 ഘനരൂപങ്ങളില്‍ നിന്നും. a, e എന്നിവ 20 സെ മീ ആണെന്ന് കണ്ടെത്തി വ്യാപ്തം കാണാന്‍ കുട്ടികള്‍ പ്രയാസപ്പെട്ടുകാണും. ചോദ്യം 13, മുഴുവന്‍ സ്കോറും നേടാന്‍ കഴിയുന്നതും ചെയ്തുശീലിച്ചതുമാണ്.

17, 21 ചോദ്യങ്ങളുടെ മൂന്നാം ഉപചോദ്യങ്ങള്‍ മാര്‍ക്കിനനുസരിച്ച് സമയബന്ധിതമായി എഴുതിത്തീര്‍ക്കാന്‍ കഴിയാത്തവിധത്തിലുള്ളതാണ്. മൂല്യനിര്‍ണ്ണയസമയത്ത് ഒന്നോരണ്ടോ മാര്‍ക്കിന് ഉയര്‍ന്നഗ്രേഡ് നഷ്ടമാകുന്ന കുട്ടികള്‍ക്ക്, ഗ്രേഡ് ഉയര്‍ത്തിനല്‍കി ഈ പ്രശ്നം പരിഹരിക്കുമെന്ന് പ്രതീക്ഷിക്കാം.

എല്ലാത്തരം കുട്ടികളേയും പരിഗണിച്ചുതയ്യാറാക്കിയ ചോദ്യപേപ്പറാണ് ഇത്തവണത്തേത്. ചോദ്യപേപ്പറിന്റെ പാറ്റേണില്‍ അല്‍പ്പം വ്യത്യസ്തത വരുത്തിയും കുട്ടികളിലെ ഗണിത ആശയങ്ങള്‍ സമഗ്രമായി വിലയിരുത്തുന്ന രീതിയിലുള്ളതുമായ ചോദ്യങ്ങള്‍ ഉള്‍പ്പെടുത്തിയ ചോദ്യകര്‍ത്താവ് അഭിനന്ദനമര്‍ഹിക്കുന്നു.

Answer Key (Palakkad Maths Blog Team)
Answer Key Prepared by Palakkad Maths Blog Team

Read More | തുടര്‍ന്നു വായിക്കുക

SSLC Maths Exam 2015...എളുപ്പമായിരുന്നോ?

ഇന്നലെ നടന്ന എസ് എസ് എല്‍ സി ഗണിതപരീക്ഷാ പേപ്പര്‍ എങ്ങിനെയുണ്ടായിരുന്നു?
പേപ്പര്‍ കണ്ടില്ലേ‍? ഇതാ ഇവിടെയുണ്ട്.
A+ പ്രതീക്ഷിച്ച കുട്ടികളില്‍ പലര്‍ക്കും നിരാശപ്പെടേണ്ടിവരുമെന്ന് ഭൂരിഭാഗം പേരില്‍ നിന്നും കേള്‍ക്കുന്നു. എന്നാല്‍ വളരേ നിലവാരമുള്ളതും, അര്‍ഹതയുള്ളവര്‍ക്കുമാത്രം A+ സമ്മാനിക്കുന്നതെന്ന സാമൂഹ്യനീതി ഉള്‍ക്കൊള്ളുന്നതുമായ പേപ്പറായിരുന്നുവെന്നുള്ള മറുവാദക്കാരും രംഗത്തുണ്ട്!
നിങ്ങളുടെ അഭിപ്രായമെന്താണ്?

Read More | തുടര്‍ന്നു വായിക്കുക

Chemistry Physics 2015 ( Post Updated with CHEMISTRY Question Paper)

കൊല്ലംജില്ലയിലെ കുളത്തൂപ്പുഴയിലെ ടെക്നിക്കല്‍ ഹൈസ്കൂള്‍ അധ്യാപകനായ നസീര്‍സാര്‍ പതിവുകള്‍ തെറ്റിക്കുന്നില്ല. കഴിഞ്ഞ ദിവസവും ഇന്നലേയുമായിനടന്ന ടിഎച്ച്എസ്എല്‍സി ഫിസിക്സ് , കെമിസ്ട്രി പരീക്ഷയുടെ ചോദ്യപേപ്പറുകള്‍ (മലയാളം ഇംഗ്ലീഷ് മീഡിയങ്ങള്‍) പരീക്ഷകഴിഞ്ഞയുടന്‍തന്നെ സ്കാന്‍ ചെയ്ത് അയച്ചുതന്നിരിക്കുകയാണ്. അടുത്തദിവസങ്ങളിലെ എസ്എസ്എല്‍സി ഫിസിക്സ് പരീക്ഷയുടെ അവസാനവട്ട തയ്യാരിപ്പുകാര്‍ക്ക്, അവ എത്രമാത്രം പ്രയോജനപ്പെടുമെന്ന് പറഞ്ഞറിയിക്കേണ്ടതില്ലല്ലോ?
തീര്‍ന്നില്ല! അദ്ദേഹം ഫിസിക്സിനും കെമിസ്ട്രിക്കുമായി തയ്യാറാക്കി സംപ്രേഷണം ചെയ്യപ്പെട്ട വീഡിയോ പാഠങ്ങളും ഈ പോസ്റ്റിലുണ്ട്.

THSLC മലയാളം മീഡിയം CHEMISTRY Question Paper 2015

THSLC മലയാളം മീഡിയം PHYSICS Question Paper 2015

THSLC ENGLISH MEDIUM PHYSICS Question Paper 2015

PHYSICS 1

PHYSICS 2

PHYSICS 2 (cont'd)

PHYSICS 3

PHYSICS 5

---

Physics ഒന്നും രണ്ടും യൂണിറ്റിലെ വീഡിയോ പാഠങ്ങള്‍ ഇവിയെ ഉണ്ട്

---

CHEMISTRY 1

CHEMISTRY 2

CHEMISTRY 3

CHEMISTRY 5

CHEMISTRY 6

CHEMISTRY 7

Read More | തുടര്‍ന്നു വായിക്കുക

ബെന്നിസാറിന്റെ A+വിന്നറും...പിന്നെ ഒരു മാപ്പിളപ്പാട്ടും..!

2013 ല്‍ മാത്‌സ് ബ്ലോഗ് പ്രസിദ്ധപ്പെടുത്തി, കേരളത്തിലെമ്പാടും പ്രസിദ്ധിയാര്‍ജ്ജിച്ച ഒരു കെമിസ്ട്രി പോസ്റ്റായിരുന്നൂ
ബെന്നിസാറിന്റെ A+ വിന്നര്‍.
അതിന്റെ മലയാളം വേര്‍ഷനും ഉത്തരങ്ങളുമായിരുന്നൂ കമന്റുകളിലൂടെയും ഫോണിലൂടേയും നേരിട്ടും ഒരുപാടുപേര്‍ക്ക് വേണ്ടിയിരുന്നത്. ഏതായാലും ഉത്തരങ്ങള്‍ ബെന്നിസാര്‍ തന്നെ ഇപ്പോള്‍ നല്‍കുന്നു. എറണാകുളം ജില്ലയിലെ ചോറ്റാനിക്കര വിഎച്ച്എസ്എസ്സില്‍ നിന്നും സ്ഥലംമാറി ഇപ്പോള്‍ ജില്ലയിലെ തന്നെ അമ്പലമുഗള്‍ എച്ച്എസ്എസ്സില്‍ ജോലിചെയ്യുന്ന അദ്ദേഹത്തിന്റെ ഈ നിസ്വാര്‍ത്ഥ പ്രയത്നത്തിന് പതിനായിരക്കണക്കിന് പത്താംക്ലാസ് മക്കളുടെയും രക്ഷിതാക്കളുടേയും അധ്യാപകരുടേയും നിസ്സീമമായ സ്നേഹം മാത്രമേയുള്ളൂ പകരം തരാന്‍...
ഉത്തരങ്ങള്‍ക്കായി ഇവിടെ ക്ലിക്ക് ചെയ്യുക.

ഓര്‍ഗാനിക് സംയുക്തങ്ങളുടെ പേരുകള്‍ ഓര്‍മ്മയില്‍ തങ്ങിനില്‍ക്കാന്‍, രസകരമായ മാപ്പിളപ്പാട്ട് രൂപത്തിലുള്ള ഈ ഗാനമൊന്നു കേട്ടുനോക്കൂ... അയച്ചുതന്നിരിക്കുന്നത് മലപ്പുറം ജില്ലയിലെ ചെറുകുളമ്പ ഐകെടിഎച്ച്എസ്എസ്സിലെ അബ്ദുല്‍ജലീല്‍ സാറാണ്. പഠനം പാല്‍പ്പായസമാക്കാന്‍ ഇതുപോലുള്ള പാട്ടുകള്‍ക്ക് കഴിയില്ലേ? മെച്ചപ്പെടുത്തലുകള്‍ക്ക് സ്വാഗതം!
പാട്ടുകേള്‍ക്കാന്‍ താഴേയുള്ള പ്ലേബട്ടണില്‍ ക്ലിക്ക് ചെയ്യൂ

---

---

Read More | തുടര്‍ന്നു വായിക്കുക

യാത്രയയപ്പിന്റെ ആഘോഷങ്ങളിൽ ആലോചിക്കാവുന്ന 'സ്വീകരണങ്ങൾ'

വേനൽ വേനൽ കടുക്കുന്നതോടെ
പഴയ അദ്ധ്യാപകർ എല്ലാം വിരമിക്കുന്നു.
പഴയൊരു ജൂണിൽ പെരുമഴയിൽ
മുളപൊട്ടി വിരിഞ്ഞ് ഓരില ഈരിലയായി
ചെറുശാഖകൾ വിടർത്തി
പൂവിട്ട് മെല്ലെ പൂത്തുലഞ്ഞ്
കായും കനിയുമായി
തണലും തളിർപ്പും നൽകി
കിളിക്കൂടും ഊഞ്ഞാലും ഒരുക്കി .....
വിളഞ്ഞ വിത്തുകൾ നാടാകെ
പാറ്റിവിതറി പുതുമുളകൾ പ്രാ‌‌ർഥിച്ച് ....

വേനൽ കടുക്കുന്നതോടെ
പഴയ അദ്ധ്യാപകർ എല്ലാം വിരമിക്കുന്നു.

വർഷാവസാനം റിട്ടയർമെന്റുകളുടെ ആഘോഷങ്ങളാണ്`. യാത്രയയക്കപ്പെടുന്നവരുടെ പെരുമകൾ , അവർ പിരിഞ്ഞുപോകുമ്പോൾ ഉണ്ടാക്കപ്പെടുന്ന നികത്താനാവാത്ത വിടവുകൾ , അവർ ചെയ്ത നന്മകൾ ഒക്കെ പലരും പലപാട് ആവർത്തിക്കുന്ന - അനുസ്മരിക്കുന്ന ആഘോഷങ്ങൾ. നല്ലതു തന്നെ . പൂജ്യപൂജ ശ്രേയസ്കരമാണല്ലോ. മാത്രമല്ല, യാത്രയയപ്പുസമ്മേളനങ്ങളിൽ സമൂഹത്തിലെ വിവിധമേഖലകളിൽ നിന്നുള്ളവർ ഇവരുടെ മേന്മകൾ അനുസ്മരിക്കുമ്പോൾ ഇവരിൽ നിന്നു സമൂഹത്തിന്ന് ലഭിച്ച സേവനങ്ങളുടെ കണക്കെടുപ്പായി അതു മാറുന്നു. ചെറിയ / വലിയ പോരായ്മകൾ ചൂണ്ടിക്കാണിക്കപ്പെടുകയും ചെയ്യുന്നില്ല. പിരിഞ്ഞുപോകുന്നവരെ വേദനിപ്പിക്കാതിരിക്കുക എന്നത് സാംസ്കാരികമായ ഒരു മൂല്യബോധത്തിൽ നിലകൊള്ളുന്നു.

എന്നാൽ, പുതിയതായി ചേരുന്നവരുടെ കാര്യത്തിൽ ഇതുപോലുള്ള ചടങ്ങുകൾ പൊതുവെ നമ്മുടെ സമൂഹത്തിൽ ഇല്ല. പുതിയതായി ചേർന്നവരെ അവർ ചേർന്നു എന്നുപോലും സമൂഹം തിരിച്ചറിയുന്നത് വളരെ വൈകിയാണ്`. [ ആദ്യശമ്പളം കിട്ടിയാൽ സഹപ്രവർത്തകർക്കിടയിൽ മധുരം വിളമ്പുന്നുണ്ട് എന്നൊക്കെ ശരി ! ] നാട്ടിലെ സ്കൂളിൽ പുതിയ ടീച്ചർ, കൃഷിഭവനിൽ പുതിയ ഓഫീസർ, ഹെൽത്ത് സെന്ററിൽ പുതിയ ഡോക്ടർ, ഗ്രാമപഞ്ചായത്തിൽ പുതിയ സെക്രട്ടറി, പുതിയ വിദ്യാഭ്യാസ ഓഫീസർ, സ്റ്റേഷനിൽ പുതിയ പോലീസുകാർ .... ഇങ്ങനെ വിവിധ ഇടങ്ങളിൽ പുതിയതായി ചേരുന്നവരെ വളരെക്കഴിഞ്ഞേ ജനം അറിയുന്നുള്ളൂ. വന്നു ചേരുന്ന പുതിയവരുടെ കാര്യവും അങ്ങനെത്തന്നെ. നാടിനേയും നാട്ടാരേയും വളരെ ക്കഴിഞ്ഞേ അറിയുന്നുള്ളൂ. യാത്രയയപ്പുവേളയിലെ ചടങ്ങുകൾ ഈ സംഗതിയുമായി കൂട്ടി ആലോചിക്കാൻ തോന്നുകയാണ്`.

യാത്രയയപ്പ് പൊതുവെ സ്ഥാപനം കേന്ദ്രീകരിച്ചാണ്`സംഘടിക്കപ്പെടുന്നത്. എന്നാൽ സ്വീകരണ പരിപാടി ഗ്രാമപഞ്ചായത്ത് തലത്തിൽ ആവണം. പഞ്ചായത്തിൽ ആവർഷം പുതുതായി ചേരുന്നവർക്ക് - ജൂൺ -ജൂലായ്... [ സൗകര്യം പോലെ ] ഒരു സ്വീകരണ സമ്മേളനം ഉണ്ടാവണം. പുതിയതായി സർവീസിൽ ചേരുന്നവരെ മുഴുവൻ പങ്കെടുപ്പിക്കണം. സമൂഹത്തിലെ വിവിധ തുറകളിലെ പ്രധാനപ്പെട്ടവരൊക്കെ അവരെ സ്വീകരിക്കാൻ ഉണ്ടാവണം. നാടിനെ കുറിച്ച്, സമൂഹത്തിന്റെ അവസ്ഥയെ കുറിച്ച്, വിവിധ സ്ഥാപനങ്ങളെ കുറിച്ച് നിലവിലുള്ള അവസ്ഥകൾ, സാധ്യതകൾ, നാടിന്റെ വികസനപരമായ ആവശ്യങ്ങൾ, അഭിലാഷങ്ങൾ എന്നിവയെ കുറിച്ച് വ്യക്തമായ ഒരു ചിത്രം രൂപപ്പെടുത്താൻ പുതിയവർക്ക് ഇവിടെ വെച്ച് ആവണം. എന്തെല്ലാം സഹായസഹകരണങ്ങൾ ലഭ്യമാകുമെന്ന ധാരണ അവർക്ക് ഉണ്ടാവണം. പരസ്പരം നല്ല സേവനം സാധ്യമാക്കാനുള്ള വാതിലുകൾ തിരിച്ചറിയുകയും തുറക്കപ്പെടുകയും വേണം. നല്ല തയ്യാറെടുപ്പോടെ സംഘാടനം ചെയ്താൽ ' സ്വീകരണങ്ങൾ ' കുറേകൂടി നാടിന്ന് ഗുണം ചെയ്യുന്നതാക്കി മാറ്റാൻ ഇതുകൊണ്ട് കഴിയില്ലേ ? അതത് ഗ്രാമപഞ്ചായത്ത് ചുമതലക്കാരുമായി ഇന്നു തന്നെ നമുക്ക് ഇതിനുവേണ്ട ഏർപ്പാടുകൾ ആലോചിക്കാമല്ലോ.

ആദ്യ 'സ്വീകരണത്തിൽ 3-4 വർഷം വരെ സർവീസിൽ കയറിയവരെ പങ്കെടുപ്പിക്കാം. തുടക്കമല്ലേ. പിന്നീട് അതത് വർഷം കയറിയവർ മതി. ഒരു ഗ്രാമപഞ്ചായത്തിൽ ആദ്യ യോഗത്തിൽ 40-45 പേർകാണും. തുടർന്ന് 10-15 ഉം. ഒരു മുഴുവൻ ദിവസ പരിപാടിയായി ആലോചിക്കണം .
നന്നായി പ്ളാൻ ചെയ്യണം. നാടിന്റെ വികസന സ്വപ്നം വ്യക്തമായി [ വിദ്യാഭ്യാസം, ആരോഗ്യം, നിർമ്മാണപ്രവർത്തനങ്ങൾ, ക്രമസമാധാനം... ] അവതരിപ്പിക്കണം. ഇതൊക്കെയും അതത് ഗ്രാമപഞ്ചായത്തുകളുടെ വികസനപദ്ധതികളുമായി ഒത്തുപോകുന്നതാവണം.
പുതിയ ആളുകൾക്ക് അവരവരുടെ സേവന മേഖലയുമായി വേണ്ട ബന്ധം , കാഴ്ചപ്പാട് , കടമകകൾ , നാടിന്റെ നാളെയെക്കുറിച്ചുള്ള സ്വപ്നം... വ്യക്തമായി ബോധ്യപ്പെടുത്തുന്ന രീതിയിൽ വേണം. പഞ്ചായത്തുകളുടെ നേതൃത്വത്തിൽ ഒരു ദിവസം ഇതിനായി നീക്കിവെക്കുന്നത് ഒരിക്കലും നഷ്ടമാവില്ല . വളരെ പുതുമയുള്ള 'സ്വീകരണം ' ഒരുക്കുന്നതോടെ സംസ്ഥാനത്തു തന്നെ മാതൃകയാക്കാം.

Read More | തുടര്‍ന്നു വായിക്കുക

SSLC 2015 - Model QPs

പരപ്പനങ്ങാടി സ്വദേശി നൗഷാദ്മാഷ് ഇത്തവണയും, ഇരു മീഡിയങ്ങളിലായി കുറച്ചു മാതൃകാ ചോദ്യപേപ്പറുകള്‍ അയച്ചുതന്നിട്ടുണ്ട്. എസ് എസ് എല്‍ സി പരീക്ഷയ്ക്കുവേണ്ടിയുള്ള അവസാനവട്ട ഒരുക്കങ്ങള്‍ക്ക് ഇവയൊരു മുതല്‍ക്കൂട്ടാകുമെന്ന് മുന്നനുഭവങ്ങളുടെ വെളിച്ചത്തില്‍ ഉറപ്പിക്കാം. CLICK HERE TO GET THE PACK

Read More | തുടര്‍ന്നു വായിക്കുക

SSLC IT EXAMINATION (Post Updated with Theory and Practical Notes)

---

ഐടി പരീക്ഷയ്ക്ക് സഹായകമായ, വിപിന്‍ മഹാത്മ തയ്യാറാക്കിയ തിയറി, പ്രാക്ടിക്കല്‍ നോട്ടുകള്‍ ചേര്‍ത്ത് ഈ പോസ്റ്റ് അപ്‌ഡേറ്റ് ചെയ്യുന്നു.
IT Theory Notes

IT Practical Notes

---

ഒരുപാട് പേര്‍ ഒരുപാട് നാളായി കാത്തിരിക്കുന്നൂ "മഹാത്മാ"യുടെ വീഡിയോ പാഠങ്ങള്‍ക്കായി! ഒരുപക്ഷേ, മാത്‌സ് ബ്ലോഗിന്റെ ഏറ്റവും ആവശ്യക്കാരുള്ള പോസ്റ്റ്.
കഴിഞ്ഞവര്‍ഷത്തെ എസ്എസ്എല്‍സി ഐടി പരീക്ഷയടക്കമുള്ള ഹൈസ്കൂള്‍ ക്ലാസ്സുകളിലെ ഐടി പ്രാക്ടിക്കല്‍ പരീക്ഷ പാല്‍പ്പായസമാക്കുന്നതില്‍, ഈ മനുഷ്യന്റെ അധ്വാനത്തിന് വലിയ പങ്കുണ്ടായിരുന്നു. വിവിധ മാതൃകാചോദ്യങ്ങള്‍, എങ്ങനെ ചെയ്യണമെന്നതിന്റെ വീഡിയോ ചോദ്യങ്ങള്‍ക്ക്, തന്റെ മനോഹരശബ്ദവും, ഇന്ന് വളരേ അപൂര്‍വ്വമായി മാത്രം കാണപ്പെടുന്ന നിസ്വാര്‍ത്ഥ സ്നേഹവും മിക്സ് ചെയ്ത്, വീണ്ടുമൊരു അത്ഭുതം കാണിക്കുകയാണ് സുഹൃത്ത് വിപിന്‍കുമാര്‍. സംശയങ്ങളും അഭിപ്രായങ്ങളും നിര്‍ദ്ദേശങ്ങളുമൊക്കെ ഒരുപാട് പ്രതീക്ഷിക്കുന്നു. ഇങ്ക് സ്കേപ്പ്
ഒന്ന്

രണ്ട്

മൂന്ന്

നാല്

അഞ്ച്

ടുപി ടുഡി മാജിക്
ഒന്ന്

രണ്ട്

മൂന്ന്

നാല്

ഡാറ്റാബേസ്
ഒന്ന്

സ്പ്രെഡ്‌ഷീറ്റ്
ഒന്ന്

രണ്ട്

വേഡ് പ്രോസസര്‍ (മെയില്‍ മെര്‍ജ്)
ഒന്ന്

ജിയോജെബ്ര
ഒന്ന്

ക്യൂ ജിസ്
ഒന്ന്

കോംപോസര്‍
ഒന്ന്

പൈത്തണ്‍
ഒന്ന്

Read More | തുടര്‍ന്നു വായിക്കുക

Raspberry pi

സംസ്ഥാനത്തെ ഗവണ്‍മെന്റ്/ഗവണ്‍മെന്റ് എയ്‌ഡഡ് ഹൈസ്കൂളുകളിലെ എട്ടാംക്ലാസ്സുകാര്‍ക്കായി, കുറച്ചുനാളുകള്‍ക്കുമുമ്പ് ഒരു പ്രോഗ്രാമിംഗ് അഭിരുചി പരീക്ഷ നടത്തിയിരുന്നത് ഓര്‍മ്മയിലില്ലേ? അതില്‍ ആദ്യമൂന്നു സ്ഥാനക്കാര്‍ക്ക് വിദഗ്ദപരിശീലനം വാഗ്ദാനം ചെയ്യപ്പെട്ടിരുന്നു.ഓരോ സ്കൂളില്‍ നിന്നും ഒന്നാംസ്ഥാനക്കാരായി വന്ന മിടുക്കര്‍ക്ക്, സമ്മാനമായി ലഭിക്കാന്‍ പോകുന്നത് ഒരു റാസ്ബെറി പൈ കമ്പ്യൂട്ടറാണ്.ഈ വരുന്ന 21ന് രാവിലെ 9.30ന് എല്ലാജില്ലകളിലും സാഘോഷം ഇതിന്റെ വിതരണം നടക്കും. സംസ്ഥാനതല ഉത്ഘാടനം എറണാകുളം ജില്ലയിലെ പറവൂര്‍ വ്യാപാരഭവന്‍ ആഡിറ്റോറിയത്തില്‍ വെച്ച് അന്നേദിവസം ബഹു.മുഖ്യമന്ത്രി ശ്രീ ഉമ്മന്‍ചാണ്ടി നിര്‍വ്വഹിക്കും. എന്താണ് റാസ്‌ബെറി പൈ?


എന്താണ് റാസ്‌ബെറി പൈ?
ഒരു ക്രെഡിറ്റ് കാര്‍ഡിന്റെ വലിപ്പമുള്ള ഒരു ബോര്‍ഡില്‍ ഒതുങ്ങുന്ന കമ്പ്യൂട്ടറാണ് റാസ്ബെറി പൈ. യു.കെയിലെ റാസ്ബെറി പൈ ഫൗണ്ടേഷന്‍ ഇത് വികസിപ്പിച്ചത്. 2012 ഫെബ്രുവരി 29നാണ് ഇവന്റെ ജനനം. വിദ്യാലയങ്ങളില്‍ അടിസ്ഥാന കമ്പ്യൂട്ടര്‍ ശാസ്ത്രം പരിശീലിപ്പിക്കുക എന്ന ലക്ഷ്യത്തോടെയാണ് റാസ്ബെറി പൈ നിര്‍മ്മിച്ചിരിക്കുന്നത്.ഒരു എസ്ഡി കാര്‍ഡ് ഉപയോഗിച്ചാണ് റാസ്ബെറി പൈയില്‍ ഓപ്പറേറ്റിംഗ് സിസ്റ്റം ബൂട്ട് ചെയ്യുന്നത്. ഫയലുകള്‍ സൂക്ഷിക്കാനുള്ള സംഭരണസ്ഥലമായും ഈ എസ്ഡി കാര്‍ഡ് ഉപയോഗിക്കപ്പെടുന്നു.ഡെബിയന്‍ അടിസ്ഥാനമായുള്ളതും ആര്‍ച്ച് ലിനക്സ് അടിസ്ഥാനമായുള്ളതുമായ രണ്ട് ലിനക്സ് വിതരണങ്ങള്‍ റാസ്ബെറി പൈയില്‍ ഉപയോഗിക്കാനായി റാസ്ബെറി പൈ ഫൗണ്ടേഷന്‍ ലഭ്യമാക്കിയിട്ടുണ്ട്. കൂടാതെ ഫെഡോറ അടിസ്ഥാനമായ പൈഡോറ, എക്സ്ബിഎംസി ക്കായി റാസ്പ്ബിഎംസി എന്നിങ്ങനെ വിവിധ ലിനക്സ് വിതരണങ്ങളും റാസ്ബെറി പൈയില്‍ പ്രവര്‍ത്തിക്കും.
പെത്തന്‍ പ്രോഗ്രാമിംഗിന് ആവശ്യമായ എല്ലാ ഉപകരണങ്ങളും റാസ്ബെറി പൈയില്‍ ഉപയോഗിക്കാനായി ലഭ്യമാണ്. കൂടാതെ സി, ജാവ, പേള്‍ തുടങ്ങിയ പ്രോഗ്രാമിംഗ് ഭാഷകളും ഇതില്‍ കൈകാര്യം ചെയ്യാന്‍ കഴിയും.

(വിവരങ്ങള്‍ക്ക് കടപ്പാട് :വിക്കിപീഡിയ)

Read More | തുടര്‍ന്നു വായിക്കുക

ഒരുക്കം 2015

സംസ്ഥാന വിദ്യാഭ്യാസ വകുപ്പു പുറത്തിറക്കുന്ന ഒരുക്കം പഠനസഹായിയുടെ ഈ വര്‍ഷത്തെ പതിപ്പാണ് ഇന്നത്തെ പോസ്റ്റ്. കഴിഞ്ഞ ഏതാനും വര്‍ഷങ്ങളായി വിദ്യാഭ്യാസ വകുപ്പ് പുറത്തിറക്കുന്ന ഒരുക്കം പഠനസഹായികള്‍ കുട്ടികള്‍ക്ക് ഏറെ പ്രയോജനപ്പെടാറുണ്ട്. ഒരുക്കം പഠനസഹായിയുടെ ഈ വര്‍ഷത്തെ പതിപ്പുകള്‍ താഴെ നല്‍കിയിട്ടുള്ള ലിങ്കില്‍ നിന്നും ഡൗണ്‍ലോഡ് ചെയ്‌തെടുക്കാം

1. Malayalam
2. English
3. Hindi
4. Sanskrit
5. Arabic
6. Urudu
7. Physics
8. Chemistry
9. Biology
10. Social Science
11. Maths

ഒരുക്കം 2014

ഒരുക്കം 2013

SSLC IT Exam Sample questions 2015

Practical - Malayalam : English : Kannada : Tamil

Theory Malayalam | English | Kannada| | Tamil

Read More | തുടര്‍ന്നു വായിക്കുക

SSLC 2015 - Model QPs (Mukulam - KANNUR) Updated with Physics SS and Biology

എസ് എസ് എല്‍ സി പരീക്ഷാ തയ്യാറെടുപ്പിനായി, ഭാഷാവിഷയങ്ങളുടെ ചോദ്യമാതൃകകളാവശ്യപ്പെട്ടുകൊണ്ട്, ഒരുപാടുപേര്‍ മെയിലയക്കുന്നുണ്ട്. ഭാഷാവിഷയങ്ങളോട് എന്താണിത്ര വിവേചനമെന്നൊക്കെയാണ് ഭാഷ്യം!
ഇതാ കണ്ണൂര്‍ നിന്നും സുരേഷ് കെ സാര്‍ അയച്ചുതന്ന കണ്ണൂര്‍ ജില്ലാ പഞ്ചായത്തിന്റെ "മുകുളം" മോഡല്‍ പരീക്ഷാ ചോദ്യപേപ്പറുകള്‍.
മലയാളം, മലയാളം രണ്ട്, അറബി, സംസ്കൃതം, ഉറുദു, ഇംഗ്ലീഷ്, ഹിന്ദി, ഗണിതം, സോഷ്യല്‍സയന്‍സ്,കെമിസ്ട്രി എന്നീ ഭാഷാപേപ്പറുകള്‍ ഡൗണ്‍ലോഡ് ചെയ്തെടുത്ത് നോക്കി അഭിപ്രായങ്ങള്‍ പങ്കുവെക്കൂ..
മലയാളം ഒന്ന്

മലയാളം രണ്ട്

സംസ്കൃതം

അറബിക്

ഉറുദു

ENGLISH

हिन्दी

Maths Thilakkam(sslc ഗണിത പരീക്ഷയില്‍ D+ ഇല്ലാതെയുള്ള വിജയം ലക്ഷ്യമാക്കിക്കൊണ്ട് KANNUR DIET തയ്യാറാക്കിയിട്ടുള്ള പഠനസഹായിയാണ് തിളക്കം.)
SS(MM)

SS(EM)

Chemistry(MM)

Chemistry(EM)
Physics (MM)
Physics (EM)
Biology (MM)
Biology (EM)

Read More | തുടര്‍ന്നു വായിക്കുക