SSLC കണക്ക് പുനഃപരീക്ഷ എങ്ങനെ ഉണ്ടായിരുന്നു? നിങ്ങളുടെ അഭിപ്രായങ്ങള്‍ താഴെ പോസ്റ്റിന്റെ കമന്റായി ഇടുക...സ്കീം ഫൈനലൈസേഷന്‍ കേമ്പിലെ തീരുമാനങ്ങളില്‍ അവ നിശ്ചയമായും കണക്കിലെടുക്കപ്പെടും..


Noon Meal Data Entry

Synfig Studio - 2D Animation Lesson 2

>> Saturday, March 29, 2014


2D അനിമേഷന്‍ സോഫ്റ്റ്‌വെയറായ Synfig നെ പരിചയപ്പെടുത്തിയ പോസ്റ്റ് (ഒന്നാം പാഠം)പ്രസിദ്ധീകരിച്ചിട്ട് മൂന്നുമാസം കഴിഞ്ഞു.പലരും രണ്ടാംപാഠമെവിടേന്ന് ചോദിച്ചു മടുത്തു. എങ്ങനാ..? എസ്എസ്എല്‍സി പരീക്ഷയ്ക്കിടക്ക് ഇതു പ്രസിദ്ധീകരിക്കാനെവിടെ സമയം? ഇപ്പോള്‍ ഇത് പഠിക്കാനും പരിശീലിക്കാനും പറ്റിയ സമയമാണ്. ഇതാ രണ്ടാം പാഠം.

ഒരു പക്ഷിയുടെ ചിത്രം Synfig Studio സോഫ്‌റ്റ്‌വെയറില്‍ വരച്ച് , അത് ആകാശത്തിലൂടെ പറന്നുപോകുന്ന സീന്‍ തയ്യാറാക്കിനോക്കാം.
Step 1.
Synfig Studio സോഫ്‌റ്റ്‌വെയര്‍ തുറക്കുക
(Applications → Graphics → Synfig Studio)
Step 2.
Setting up the workspace : Canvas Window യുടെ ഇടതു മുകള്‍ മൂലയില്‍ (top left hand corner ) കാണുന്ന arrow button ല്‍ ക്ലിക്ക് ചെയ്യുക --> select Edit --> Properties
ലഭ്യമാകുന്ന Canvas Properties Dialog ല്‍ Name, Discription മുതലായവ നല്‍കി Apply ബട്ടണില്‍ ക്ലിക്ക് ചെയ്തതിനുശേഷം Time ടാബ് സെലക്ട് ചെയ്ത് ആവശ്യാനുസരണം വിലകള്‍ നല്‍കി OK ബട്ടണില്‍ ക്ലിക്ക് ചെയ്യുക. (make sure to edit "End Time". Change "5s" to "6s" — that will make our animation 6 seconds long.)

Step 3.
Background : Toolbox ജാലകത്തിലെ Outline colour / Fill colour ബോക്സില്‍ ആവശ്യമായ നിറങ്ങള്‍ സെലക്ട് ചെയ്യുക. തുടര്‍ന്ന് Gradient Tool ( Alt + g) ഉപയോഗിച്ച് Canvas Window യില്‍ മൗസിന്റെ ഇടതു ബട്ടണ്‍ ക്ലിക്ക് ചെയ്ത് ഡ്രാഗ്ഗ് ചെയ്യുക. വലതു വശത്തെ Layers പാനലില്‍ Background (Gradient) ലെയര്‍ കാണാന്‍ സാധിക്കും. നമ്മള്‍ വരയ്ക്കുന്ന ഓരോ ഒബ്ജക്ടും വ്യത്യസ്ത ലെയറുകളായിരിക്കും.

Step 4.
Fill colour ബോക്സില്‍ മറ്റൊരു നിറം സെലക്ട് ചെയ്തതിനു ശേഷം Toolbox ജാലകത്തിലെ Spline Tool (Alt b) or Draw tool (Alt d)ഉപയോഗിച്ച് ഒരു പക്ഷിയുടെ ചിത്രം വരയ്ക്കാം. പക്ഷിയുടെ ചിറക്, കൊക്ക്, കണ്ണ് തുടങ്ങിയവയെല്ലാം പ്രത്യേകം വരയ്ക്കണം. ടൂള്‍ സെലക്ട് ചെയ്തതിനുശേഷം വലതു വശത്തെ പാനലിലെ Tool Options വിഭാഗത്തില്‍ Create Region എന്നതുമാത്രം ആക്ടീവാക്കുക. പക്ഷിയുടെ ഏകദേശരൂപം താഴെ ചിത്രത്തില്‍ കാണുന്ന രീതിയില്‍ വരയ്ക്കാം. Spline Tool ഉപയോഗിച്ചാണ് വരയ്ക്കുന്നതെങ്കില്‍ തുടങ്ങിയ ബിന്ദുവില്‍ അവസാനിപ്പിക്കാന്‍ right click --> Loop slpine. നമ്മള്‍ വരയ്ക്കുന്ന ഓരോ ഒബ്ജക്ടും വ്യത്യസ്ത ലെയറുകളായിരിക്കും.
(Inkscape Vector Graphics Editor , GIMP Image Editor തുടങ്ങിയ സോഫ്‌റ്റ്‌വെയറുകളില്‍ ചിത്രങ്ങള്‍ വരച്ചതിനു ശേഷം Synfigstudio യിലേക്ക് import ചെയ്താലും മതി. Inkscape Vector Graphics Editor ല്‍ തയ്യാറാക്കുന്ന ചിത്രങ്ങള്‍ Synfigstudio യിലേക്ക് import ചെയ്തുപയോഗിക്കുന്നതാണ് വളരെ സൗകര്യപ്രദം. )
Step 5.
Toolbox ജാലകത്തിലെ Transform Tool സെലക്ട് ചെയ്ത് ചിത്രഭാഗങ്ങളില്‍ ക്ലിക്ക് ചെയ്താല്‍ വ്യത്യസ്ത ബിന്ധുക്കള്‍ (nodes) കാണാം. ഈ ബിന്ദുക്കളില്‍ മൗസ് ക്ലിക്ക് ചെയ്ത് ഡ്രാഗ് ചെയ്താല്‍ രണ്ട് അഗ്ര ബിന്ദുക്കളുള്ള ഒരു രേഖാഖണ്ഡം (Tangent) വരുന്നത് കാണാം. Right click on node --> Split Tangents
Step 6.
ബിന്ദുക്കളുടെ സ്ഥാനം ക്രമീകരിച്ചുകൊണ്ട് പക്ഷിയുടെ രൂപം മെച്ചപ്പെടുത്താവു ന്നതാണ്.
Step 7.
ലെയറുകള്‍ക്ക് അനുയോജ്യമായ പേരുകള്‍ നല്‍കാം.
Step 8.
വലതു വശത്തെ പാനലിലെ Layers സെക്ഷനില്‍ നിന്നും ഓരോ ലെയറും ഗ്രൂപ്പിംഗ് ചെയ്യാം.(ഇവിടെ ചിറകുകള്‍ wing1, wing 2മാത്രമാണ് ഗ്രൂപ്പിംഗ് നടത്തിയിട്ടുള്ളത്) ഓരോ ലെയറും സെലക്ട് ചെയ്ത് Right click --> Group. ഓരോന്നിനും അനുയോജ്യമായ പേരും നല്‍കാം.
Step 9.
Select wing 1 --> Right Click --> New Layer --> Transform --> Rotate.
അപ്പോള്‍ Rotate എന്ന പേരില്‍ പുതിയൊരു ലെയര്‍ wing 1നു മുകളില്‍ വന്നിരിക്കും. Rotate ലെയര്‍ സെലക്ട് ചെയ്യുമ്പോള്‍ ക്യാന്‍വാസില്‍ ദൃശ്യമാകുന്ന ഹാന്‍ഡിലിലെ നീല ബട്ടണില്‍ ക്ലിക്ക് ചെയ്തുകൊണ്ട് ചിറകിനെ ചലിപ്പിക്കാന്‍ (Rotate) സാധിക്കും.
Step 10.
Select wing 2 ---Same as Step 8.

Step 11.
Adding Movement :
6 സെക്കന്റ് നേരത്തേക്കുള്ള ഒരു ആനിമേഷനാണ് തയ്യാറാക്കാന്‍ പോകുന്നത്. Canvas window യുടെ കീഴ് ഭാഗത്ത് Timebar കാണാം. ഇതിന്റെ വലതു ഭാഗത്തു കാണുന്ന green man button ല്‍ ക്ലിക്ക് ചെയ്താല്‍ Animate Editing Mode ലേക്ക് മാറാം. അപ്പോള്‍ Canvas window യില്‍ red outline കാണാം. (Red outlie reminds us that changes to our objects now affect our animation at the time shown in the time slider)
Current Time 0s (0f) ആണെന്ന് ഉറപ്പുവരുത്തുക.
താഴെയുള്ള പാനലിലെ Keyframe ടാബ് സെലക്ട് ചെയ്യുക. അവിടെ Time (0f), Length (0f), Jump(JMP) എന്നിങ്ങനെ രേഖപ്പെടുത്തി വന്നിട്ടുണ്ടാകും. ഇല്ലെങ്കില്‍ Add new Keyframe ("plus" sign) ബട്ടണില്‍ ക്ലിക്ക് ചെയ്യുക.
Go to the 6f mark in the time slider --‍‍> ചിറകിന് ചലനം നല്‍കാവുന്നതാണ്.
ഈ പ്രവര്‍ത്തനം 12f, 18f, 24f (1s) തുടങ്ങിയ കീ ഫ്രെയിമുകളില്‍ ചെയ്യേണ്ടതാണ്. ഇത്തരം മാറ്റങ്ങള്‍ നടത്തുമ്പോള്‍ Animate Editing Mode ലാണെന്ന് ഉറപ്പുവരുത്തേണ്ടതാണ്. തുടര്‍ന്ന് Play ബട്ടണില്‍ ക്ലിക്ക് ചെയ്താല്‍ പക്ഷിയുടെ ചിറകിന്റെ ചലനം മാത്രം ഇപ്പോള്‍ ദൃശ്യമാകുന്നതാണ്.
Step 12.
Time loop layer : Right click on the top Layer --> New Layer --> Other --> Time Loop
Step 13.
Right Click on the Time Loop Layer --> New Layer --> Transform --> Translate.
പക്ഷിയുടെ സ്ഥാനം 0s ലും 6sലും ക്രമീകരിക്കുക. Play ബട്ടണില്‍ ക്ലിക്ക് ചെയ്താല്‍ പക്ഷിയുടെ ചലനവും ദൃശ്യമാകുന്നതാണ്.
Step 14.
Saving and Rendering
File --> Save As -->
File extension : .sifz
File --> Rendering
File extensions : gif or mpeg or avi etc


Read More | തുടര്‍ന്നു വായിക്കുക

സ്പാര്‍ക്ക് ബില്ലുകള്‍ ഇ-സബ്മിറ്റ് ചെയ്യുന്നതെങ്ങിനെ?

>> Saturday, March 22, 2014

കഴിഞ്ഞ കുറച്ചു നാളുകളായി മാത്സ് ബ്ലോഗിനു ലഭിക്കുന്ന മെയിലുകളില്‍ ഏറ്റവും പ്രധാനപ്പെട്ടത് സ്പാര്‍ക്ക് വഴിയുള്ള ബില്ലുകള്‍ ഇ-സബ്മിറ്റ് ചെയ്യുന്നതെങ്ങനെ എന്ന ചോദ്യമായിരുന്നു. ഇതേക്കുറിച്ചുള്ള വിശദീകരണമാണ് മുഹമ്മദ് സാര്‍ തയ്യാറാക്കി മാത്സ് ബ്ലോഗിലൂടെ പ്രസിദ്ധീകരിക്കുന്നത്. ഒരു കാര്യം പ്രത്യേകം ശ്രദ്ധിക്കുക. ജില്ലാ ട്രഷറികള്‍ക്ക് കീഴിലുള്ള ഓഫീസുകള്‍ക്ക് ബില്ലുകള്‍ ഇ-സബ്മിറ്റ് ചെയ്യുന്നതിനുള്ള ലിങ്കുകള്‍ ഒക്ടോബര്‍ മാസം മുതല്‍ പ്രവര്‍ത്തനക്ഷമമായിട്ടുണ്ട്. സബ് ട്രഷറികളുടെ കീഴിലുള്ള ഓഫീസുകള്‍ക്ക് അവ പ്രവര്‍ത്തനക്ഷമമാകുന്നതോടെ മാത്രമെ ഇ-സബ്മിഷന്‍ നടത്താന്‍ കഴിയുകയുള്ളൂ. ബില്ലുകള്‍ ഇ-സബ്മിറ്റ് ചെയ്യേണ്ടതെങ്ങനെ എന്നതിനെക്കുറിച്ച് ചിത്രങ്ങളുടെ സഹായത്തോടെ പ്രതിപാദിക്കുന്ന പോസ്റ്റ് ചുവടെ നല്‍കിയിരിക്കുന്നു. നിങ്ങളുടെ അഭിപ്രായങ്ങള്‍ കമന്റായി അറിയിക്കുമല്ലോ.

1) Bill Type കളുടെ എണ്ണമനുസരിച്ച് “Accounts-Initialisation-Head Codes ആവശ്യമുള്ളത്ര Head of Account കള്‍ സെറ്റ് ചെയ്യുക. നമ്മുടെ സ്ഥാപനത്തിലെ ഓരോ ബില്‍ ടൈപ്പിന്റേയും Head of Account കള്‍ നമുക്ക് ഇപ്പോള്‍ത്തന്നെ അറിയാമല്ലോ. Salary ബില്ലിന് 01 എന്നും Wages ബില്ലിന് 02 എന്നും Objective Head നല്‍കണം. majh(Function)(നാലക്ക നമ്പര്‍)-smh(Sub function)(രണ്ടക്ക നമ്പര്‍)-minh(Program)(മൂന്നക്ക നമ്പര്‍)-subh(Scheme)(രണ്ടക്ക നമ്പര്‍) എന്ന ക്രമത്തിലായിരിക്കും നിലവിലെ Head of Account. അതിനു ശേഷം വരുന്ന ssh(subsubhead), deth(SubScheme), objh(PrimaryUnit) എന്നിവ 00 ആയും BE, Recovery, Expense എന്നിവ ‘0‘ ആയും സെറ്റ് ചെയ്യണം. ചുവടെയുള്ള ചിത്രം കാണുക.
എസ്റ്റാബ്ലിഷ്മെന്റ് ബില്ലുകള്‍ക്ക് (ഓഫീസുകള്‍)
SDO ബില്ലുകള്‍ക്ക് (സ്വയം ശംബളം എഴുതി വാങ്ങുന്നവര്‍)
2)എസ്റ്റാബ്ലിഷ്മെന്റ് ബില്ലുകള്‍ക്ക്, Salary Matters ല്‍ Estt. Bill Type തെരഞ്ഞെടുത്ത് ഓരോ Bill Type കളുടെയും Head of Account മുകളില്‍ പറഞ്ഞ പ്രകാരം Head Codes ല്‍ സെറ്റ് ചെയ്തത് പോലെ തന്നെയാകുന്ന വിധത്തില്‍ എഡിറ്റ് ചെയ്ത് ശരിയാക്കുക.
3)SDO മാര്‍ താഴെ കാണുന്ന വിധം, Head Codes ല്‍ സെറ്റ് ചെയ്ത പ്രകാരം തന്നെ Present Salary Details ല്‍ Head Description സെറ്റ് ചെയ്യുക.
[Bill Type ലെയും Head Codes ലെയും Head of Account കള്‍ പൊരുത്തപ്പെടാത്ത പക്ഷം എസ്റ്റാബ്ലിഷ്മെന്റ് ബില്ലുകള്‍ ഇ-സബ്മിറ്റ് ചെയ്യുന്നതിന് വേണ്ടി തയ്യാറാക്കാനാവില്ല. അത് പോലെ Present Salary യിലെയും Head Codes ലെയും Head of Account കള്‍ പൊരുത്തപ്പെടുന്നില്ലെങ്കില്‍ SDO ബില്ലുകളും തയ്യാറാക്കാന്‍ സാധിക്കില്ല.]
4) ബില്ലുകള്‍ പ്രൊസസ്സ് ചെയ്യുക
5) ബില്ലുകള്‍ പരിശോധിച്ച് ശരിയാണെന്ന് ഉറപ്പ് വരു ശേഷം താഴെ ചിത്രങ്ങളില്‍ കാണിച്ച പോലെ ഇ-സബ്മിഷന് വേണ്ടി ബില്ലുകള്‍ നിര്‍മ്മിക്കാം. (Make bill from Pay Roll ന് ശേഷം ബില്ലുകള്‍ ട്രഷറി ഒബ്ജക്ട് ചെയ്യുന്നത് വരെ കാന്‍സല്‍ ചെയ്യാനാകില്ല എന്നോര്‍ക്കുക) ഒന്നിലധികം ബില്ലുകളുണ്ടെങ്കില്‍ യോജിച്ച Head of Account തെരഞ്ഞെടുക്കാനും ശ്രദ്ധിക്കണം.

6) Accounts-Bills-E_submit bill എന്ന ക്രമത്തില്‍ ബില്ലുകള്‍ തെരഞ്ഞെടുത്ത് ഇ-സബ്മിറ്റ് ചെയ്യുക.


7) ഇ-സബ്മിറ്റ് ചെയ്ത ബില്ലുകളുടെ സ്ഥിതി അറിയാന്‍

(ജില്ലാ ട്രഷറികള്‍ക്ക് കീഴിലുള്ള ഓഫീസുകള്‍ക്ക് ബില്ലുകള്‍ ഇ-സബ്മിറ്റ് ചെയ്യുന്നതിനുള്ള ലിങ്കുകള്‍ ഒക്ടോബര്‍ മാസം മുതല്‍ പ്രവര്‍ത്തനക്ഷമമായിട്ടുണ്ട്. സബ് ട്രഷറികളുടെ കീഴിലുള്ള ഓഫീസുകള്‍ക്ക് അവ പ്രവര്‍ത്തനക്ഷമമാകുന്നതോടെ മാത്രമെ ഇ-സബ്മിഷന്‍ നടത്താന്‍ കഴിയുകയുള്ളൂ)

Click here to download the post


Read More | തുടര്‍ന്നു വായിക്കുക

ഇന്‍കംടാക്സ് തവണകളായി അടക്കുന്നില്ലേ?
TDS for 2014-2015

ഇത്തവണ ഇന്‍കംടാക്സ് കണക്കാക്കിയപ്പോള്‍ പതിനായിരവും അതിനു മുകളിലുമുള്ള തുകയുമൊക്കെ വന്നുവെന്നും അത് ഒറ്റയടിക്ക് ശമ്പളത്തില്‍ നിന്നു പിടിച്ചപ്പോള്‍ മാര്‍ച്ച് മാസത്തില്‍ ഞെരുങ്ങിപ്പോയി എന്നു പറഞ്ഞ നിരവധി പേരുണ്ട്. ഒന്ന് ആലോചിച്ചു നോക്കൂ, പന്ത്രണ്ടായിരം രൂപ ഒറ്റയടിക്ക് ഇന്‍കംടാക്സ് അടച്ച ഒരാള്‍ ആയിരം രൂപ വെച്ച് ഓരോ മാസവും ശമ്പളത്തില്‍ നിന്ന് പിടിച്ചിരുന്നെങ്കിലോ? ഫെബ്രുവരിയില്‍ ഇന്‍കംടാക്സ് കണക്കുകൂട്ടി അടക്കുമ്പോള്‍ അതൊരു ഭാരമേ ആകില്ലായിരുന്നു. യഥാര്‍ത്ഥത്തില്‍ മാര്‍ച്ച് മാസത്തിലെ ശമ്പളം മുതല്‍ അടുത്ത 12 മാസത്തേക്ക് വരാവുന്ന വരവും ചെലവും ഊഹിച്ച് കണ്ടെത്തിക്കൊണ്ട് അതില്‍ നിന്ന് ഇന്‍കംടാക്സ് കണക്കാക്കുകയും ചെയ്യാം. ഇപ്രകാരം ലഭിക്കുന്ന സംഖ്യയെ 12 കൊണ്ട് ഹരിച്ച് ഓരോ മാസവും ഇന്‍കംടാക്സ് പിടിക്കുകയും ചെയ്യണം. ഇത്തരത്തില്‍ അടക്കുന്ന തുകയെ ടി.ഡി.എസ് (Tax Deducted at Source) എന്നാണ് പറയുന്നത്. തന്റെ സ്ഥാപനത്തിലെ ജീവനക്കാരുടെ ഓരോ മാസവും അടക്കേണ്ട തുക അഥവാ ടി.ഡി.എസ് കണ്ടെത്തി അത് ശമ്പളത്തില്‍ നിന്നും കിഴിവ് ചെയ്യേണ്ട ചുമതല അതാത് സ്ഥാപന മേലധികാരിക്കാണ്. ഇത് ചെയ്യുന്നില്ലെങ്കില്‍ ഇന്‍കംടാക്സ് ഡിപ്പാര്‍ട്ട്മെന്റിന് സ്ഥാപനമേലധികാരിക്കെതിരെ നടപടികള്‍ സ്വീകരിക്കാമെന്നാണ് ആദായനികുതി നിയമം. ഇതേക്കുറിച്ച് കൂടുതലറിയുന്നതിനും ഓരോ മാസത്തേക്കുമുള്ള ടി.ഡി.എസ് കണ്ടെത്തുന്നതിനു സഹായിക്കുന്ന വിന്‍ഡോസ് എക്സെലില്‍ പ്രവര്‍ത്തിക്കുന്ന രണ്ട് സോഫ്റ്റ്​വെയറുകള്‍ ചുവടെ നല്‍കിയിരിക്കുന്നു.

ആദായനികുതി നിയമത്തിലെ വകുപ്പ് 192ലാണ്, ശമ്പളവിതരണം നടത്തുന്നയാള്‍ ജീവനക്കാരുടെ ഏകദേശ ടാക്സ് കണക്കാക്കി അതിന്റെ മാസവിഹിതം ഓരോ തവണയും ശമ്പളത്തില്‍ നിന്നും കുറയ്ക്കണമെന്ന് ആവശ്യപ്പെടുന്നത്. ഒരു വിദ്യാലയത്തില്‍ അതിനുള്ള ചുമതല ഹെഡ്മാസ്റ്റര്‍മാര്‍ക്കാണ്. (SDO മാരുടെ ടാക്സ് ശമ്പളത്തില്‍ നിന്നും കുറവ് ചെയ്യാനുള്ള ബാധ്യത അതാത് സബ് ട്രഷറി ഓഫീസര്‍മാര്‍ക്കാണല്ലോ.) ഇതില്‍ വീഴ്ച വരുത്തിയാല്‍ ഒരു മാസത്തേക്ക് 1% നിരക്കില്‍ പലിശയും കൂടാതെ പെനാല്‍ട്ടിയും DDO യുടെ മേല്‍ ചുമത്തപ്പെടാവുന്നതാണ്. TDSനെക്കുറിച്ച് കൂടുതല്‍ അറിയുന്നതിന് 2012 ല്‍ ബാബുസാര്‍ തയ്യാറാക്കിയ ഒരു ലേഖനം ഇവിടെ ക്ലിക്ക് ചെയ്ത് വായിക്കാം.

യഥാര്‍ത്ഥത്തില്‍ നികുതിവിഹിതം ഓരോ മാസവും കുറയ്ക്കപ്പെടുന്നത് ജീവനക്കാര്‍ക്കും സൗകര്യം തന്നെ. അധിക നികുതി കുറയ്ക്കാതിരിക്കാനും ശ്രദ്ധിക്കുന്നത് നന്ന്. ഇപ്രകാരം ടി.ഡി.എസ് കണക്കാക്കുന്നതിനു വേണ്ടി അടുത്ത സാമ്പത്തികവര്‍ഷത്തില്‍ ഉണ്ടാവുമെന്ന് പ്രതീക്ഷിക്കുന്ന എല്ലാ കിഴിവുകളും DDO യെ അറിയിക്കുന്നത് ഉചിതമാണ്. എന്തെങ്കിലും തരത്തില്‍ അടുത്ത ഫെബ്രുവരി മാസം ഇന്‍കംടാക്സ് തുക കണക്കാക്കുമ്പോള്‍, കൂടുതല്‍ തുക അടച്ചു പോയെന്നിരിക്കട്ടെ (ഇപ്പോഴത്തെ നിലക്ക് അതിനുള്ള സാധ്യത വളരെ കുറവാണ്), കൃത്യമായി റിട്ടേണുകള്‍ ഫയല്‍ ചെയ്യുന്ന ഒരു സ്ഥാപനത്തിലെ ജീവനക്കാരന് ആ തുക എളുപ്പം തിരികെ ലഭിക്കുകയും ചെയ്യും.

ടി.ഡി.എസ് പിടിച്ചു തുടങ്ങേണ്ടത് എന്നാണ്? ഏപ്രില്‍ 1 മുതലുള്ള വരുമാനത്തില്‍ നിന്ന്. അങ്ങനെ നോക്കുമ്പോള്‍ മാര്‍ച്ച് മാസത്തെ ശമ്പളം ഏപ്രില്‍ 1 മുതലാണല്ലോ നമുക്ക് ലഭിച്ചു തുടങ്ങുക. അതായത് മാര്‍ച്ച് മാസത്തെ ശമ്പളത്തില്‍ നിന്ന് തന്നെ ആദായനികുതിയുടെ ആദ്യവിഹിതം കുറയ്ക്കേണ്ടിയിരിക്കുന്നു. അടുത്ത വര്‍ഷത്തില്‍ ലഭിക്കാവുന്ന ശമ്പളവും കിഴിവുകളും പരിഗണിച്ച് ആദായനികുതി കണ്ട് മാസവിഹിതം കണക്കാക്കാനുപകരിക്കുന്ന സോഫ്റ്റ്‌വെയറുകളാണ് ഇവിടെ പരിചയപ്പെടുത്തുന്നത്. ബാബു വടക്കുംചേരി, സുധീര്‍കുമാര്‍ ടി കെ എന്നിവരാണ് ഇവ തയ്യാറാക്കിയിരിക്കുന്നത്. ഇവ നിങ്ങള്‍ക്ക് പരിചയപ്പെടുത്തുന്നതോടൊപ്പം നല്ലൊരു ആദായനികുതി വര്‍ഷം ആശംസിക്കുകയും ചെയ്യുന്നു.

Tax Estimator 2014-2015
Prepared by Babu Vadukkumcherry, KNMVHSS, Vatanappilly

TDS Calculator 2014-2015 | Data Collection Form
Prepared by Sudheerkumar T. K, Head Master, KCALPS, Eramangalam


Read More | തുടര്‍ന്നു വായിക്കുക

SSLC Answer key SS


സോഷ്യല്‍ സയന്‍സിന്റെ ചോദ്യപേപ്പറുകളും ഉത്തരസൂചികയും അയച്ചുതന്നിരിക്കുന്നത് കോട്ടയംജില്ലയിലെ വൈക്കം വെച്ചൂര്‍ ഗവ. എച്ച്എസ്എസ്സിലെ ആലീസ് ടീച്ചറാണ്. ഉത്തരസൂചിക നിരീക്ഷിച്ച ശേഷം നമുക്ക് ചര്‍ച്ച ചെയ്യാം.
മലയാളം മീഡിയം ചോദ്യപേപ്പര്‍

ഇംഗ്ലീഷ് മീഡിയം ചോദ്യപേപ്പര്‍

ഉത്തരസൂചിക


Read More | തുടര്‍ന്നു വായിക്കുക

Mathematics SSLC 2014 : March

>> Thursday, March 20, 2014

എസ്എസ്എല്‍സി ഗണിതപരീക്ഷ കഴിഞ്ഞ് ദിവസങ്ങള്‍ കഴിഞ്ഞിട്ടും, ഉത്തരസൂചികയോ വിശകലനങ്ങളോ പതിവുപോലെ കണ്ടില്ലെന്ന് അതിശയപ്പെട്ടുള്ള ധാരാളം പ്രതികരണങ്ങള്‍ ഞങ്ങളുടെ ഇന്‍ബോക്സില്‍ ഒട്ടേറെ മഹത്തുക്കളയച്ചുതന്ന ഉത്തരങ്ങളോടും വിശകലനങ്ങളോടും ഒപ്പം ഉറങ്ങുകയായിരുന്നു. പഴേപോലല്ല, ഇപ്പോള്‍ നമ്മുടെ വായനക്കാരില്‍ ധാരാളം പത്താംക്ലാസ് കുട്ടികളുണ്ട്. അനുസ്യൂതമായ വിവിധ പരീക്ഷകള്‍ക്കിടയില്‍ ആയവ പ്രസിദ്ധീകരിക്കുന്നതിലെ അനൗചിത്യം മനസ്സിലാക്കുമല്ലോ..! ഈ പോസ്റ്റ് പ്രസിദ്ധീകരിച്ചുവരുമ്പോഴേക്കും എല്ലാ പരീക്ഷണങ്ങളും അവസാനിച്ചിട്ടുണ്ടാകണമെന്ന നിര്‍ബന്ധബുദ്ധിക്ക് കാരണം പിടികിട്ടിയിരിക്കുമല്ലോ? എന്തിന് ഗണിതം മാത്രമാക്കണം? ഏതാണ്ടെല്ലാ വിഷയങ്ങളുടേയും ഉത്തരസൂചികകള്‍ വരും പോസ്റ്റുകളിലൂടെ നല്‍കുന്നുണ്ട്.
ഒരു വിഷയത്തിന്റെ പല സൂചികകളിലും തെറ്റും ശരിയും രണ്ടുംകൂടെ ചേര്‍ന്നതും കണ്ടേക്കാം.
ഏറ്റവും ആദ്യം ഗണിതചോദ്യപ്പേപ്പര്‍ സ്കാന്‍ ചെയ്ത് അയച്ചുതന്നത് നമ്മുടെ ടീം മെമ്പര്‍ പാലക്കാട്ടെ മുരളീധരന്‍സാറാണ്.കമന്റുകളിലൂടെ നമുക്കൊരു തീരുമാനത്തിലെത്താം, എന്താ?
പാലക്കാട് ബ്ലോഗ്ടീം മെമ്പറും, പരുത്തിപ്പുള്ളിക്കാരനുമായ കണ്ണന്‍സാര്‍ അയച്ചുതന്ന വിശകലനക്കുറിപ്പ് വായിച്ചുകൊണ്ട് ഉത്തരങ്ങളിലേയ്ക്ക് കടക്കാം. തികച്ചും വസ്തൂനിഷ്ടമായ വിശകലനമാണ് അദ്ദേഹം നടത്തിയിരിക്കുന്നത് . കണ്ണന്‍സാര്‍ എഴുതുന്നു "ഈ വർഷത്തെ ഗണിതശാസ്ത്രം പരീക്ഷ ശരാശരിക്കാർക്ക് സന്തോഷം പകരുന്നതും മിടുക്കരെ അൽപം ഇരുത്തി ചിന്തിപ്പിച്ചതുമായിരുന്നു.മിക്ക ചോദ്യങ്ങളും കുട്ടികൾ ചെയ്ത് ശീലിച്ചവ തന്നെയായിരുന്നു.1, 10, 16 ചോദ്യങ്ങൾ സമാന്തരശ്രേണിയിൽ നിന്നായിരുന്നു. ഒന്നാം ചോദ്യം ലളിതമായിരുന്നു എങ്കിലും ശ്രേണിയിലെ ഏറ്റവും ചെറിയ മൂന്നക്ക സംഖ്യ 101 എന്ന് എഴുതാൻ ശരാശരിക്കാർ വിജയിക്കണമെന്നില്ല.10-) ചോദ്യത്തിൽ (a) ഭാഗം എളുപ്പമാണ് എന്നാൽ (b) ഭാഗം പൂർണ്ണമായും ശരിയാക്കാൻ മിടുക്കർ പോലും അൽപം വിഷമിച്ചു കാണും. 16-)ം ചോദ്യം കഴിഞ്ഞ വർഷത്തെ ചോദ്യപേപ്പറിലേതിന് സമാനമാണ്.
5,11,15 ചോദ്യങ്ങൾ വൃത്തങ്ങൾ എന്ന അദ്ധ്യായത്തിൽ നിന്നാണ്.ഇതിൽ 5-)ം ചോദ്യം ലളിതമാണ് 15-)ം ചോദ്യമായ നിർമിതി മോഡൽ പരീക്ഷയ്ക്ക വന്നതിന് സമാനമാണ്.11-)ം ചോദ്യം മിടുക്കരെ വരെ വലച്ചു. PA x PB= PCxPD എന്ന ആശയം ഓർത്തെടുത്ത് OP യുടെ നീളം കണ്ടെത്താൻ ഭൂരിഭാഗം കുട്ടികളും വിജയിക്കണമെന്നില്ല.6,22 ചോദ്യങ്ങൾ രണ്ടാം കൃതി സമവാക്യങ്ങൾ എന്ന അദ്ധ്യായത്തിൽ നിന്നാണ്. 6-)ം ചോദ്യം ക്ളാസ് മുറികളിൽ ചര്ച്ച ചെയ്തതാണ്. 22-)ം ചോദ്യത്തിൽ (A) ഭാഗം Question Pool ൽ നിന്നുമാണ്.(B) ഭാഗം കുട്ടികൾ പാഠപുസ്തകത്തിൽ ചെയ്ത് ശീലിച്ചതാണ്. 5 മാർക്കും നേടാൻ മിടുക്കർക്ക് വിഷമമില്ല എന്നാൽ ശരാശരിക്കാർ വിജയിക്കണമെന്നില്ല.3,20 ചോദ്യങ്ങൾ ത്രികോണമിതിൽ നിന്നുമാണ്.3-)ം ചോദ്യം എളുപ്പമാണ്.20-)ം ചോദ്യവും കുട്ടികൾ പ്രതീക്ഷിച്ചത് തന്നെയാണ്. ആശ്വാസം പകരുന്ന ചോദ്യങ്ങൾ ആയിരുന്നു ഇവ. 4,12,18 ചോദ്യങ്ങൾ ഘനരൂപങ്ങൾ എന്ന അദ്ധ്യായത്തിൽ നിന്നുമാണ്. 4-)ം ചോദ്യം എളുപ്പമാണ്. 12-)ം ചോദ്യത്തിൽ (a) ഭാഗം ഭൂരിഭാഗം പേരും ചെയ്ത് കാണുമെങ്കിലും(b) ഭാഗം ചെയ്ത് 3 മാർക്കും നേടിയവർ കുറവായിരിക്കും. 18-)ം ചോദ്യം നിലവാരം പുലർത്തിയ ചോദ്യമാണ്.4 മാർക്കും നേടാൻ എ പ്ലസുകാർക്ക് ഒട്ടും വിഷമമില്ല. 13,21 ചോദ്യങ്ങൾ സൂചകസംഖ്യകളിൽ നിന്നുമാണ്.13-)ം ചോദ്യം താരതമ്യേന എളുപ്പമാണ്.21-)ം ചോദ്യത്തിൽ B,A എന്നിവയുടെ സൂചകസംഖ്യ കണ്ടെത്താൻ പ്രയാസമില്ല എന്നാൽ P,Q എന്നിവയുടെ ഉത്തരം കണ്ടെത്താൻ കൂടുതൽ പേരും വിജയിക്കണമെന്നില്ല. (b) ഭാഗം കുട്ടിയുടെ ചിന്താശേഷി അളകുന്ന ഒന്നായിരുന്നു. 7-)ം ചോദ്യം സാധ്യതയുടെ ഗണിതത്തിൽ നിന്നാണ് കൂടുതൽ പേരും (B) ഭാഗം ചെയ്ത ശരിയായ ഉത്തരത്തിൽ എത്തിച്ചേർന്നുകാണും. തൊടുവരകൾ എന്ന അദ്ധ്യായത്തിൽ നിന്നാണ്. 8,19 ചോദ്യങ്ങൾ .8-)ം ചോദ്യം ത്രികോണമിതിയുടെ സഹായത്താൽ എളുപ്പം ചെയ്യാവുന്നതായിരുന്നു. 19-)ം ചോദ്യം കുട്ടികൾ ഏറെ പ്രതീക്ഷിച്ച നിർമ്മിതി തന്നെയാണ്. 2,14 ചോദ്യങ്ങൾ ബഹുപദങ്ങളിൽ നിന്നും ആയിരുന്നു .2-)ം ചോദ്യം കുട്ടികൾക്ക് വിഷമം ഉണ്ടാക്കില്ല എന്നാൽ 14-)ം ചോദ്യത്തിന് മുഴുവന് മാർക്കും നേടുന്നവർ വളരെ കുറവായിരിക്കും. 23-)ം ചോദ്യം ജ്യാമിതിയും ബീജഗണിതവും എന്ന അദ്ധ്യായത്തിൽ നിന്നാണ്. ഇതിലെ (a),(b) ഭാഗങ്ങൾ എളുപ്പണാണ് എന്നാൽ (c) ഭാഗത്ത് AB യുടെ മദ്ധ്യബിന്ദുവാണ് C എന്ന് തെളിയിക്കാൻ എല്ലാവരും വിജയിക്കണമെന്നില്ല. 9,17 ചോദ്യങ്ങൾ മാധ്യം മധ്യമം എന്നിവ കാണുന്നതിന് ആയിരുന്നു.ഇവ പ്രതീക്ഷച്ചവ തന്നെയായിരുന്നു. കുട്ടികളിലെ ചിന്താശേഷി അളക്കുന്നതിനും ചോദ്യങ്ങൾ വ്യക്തമായി പറയുന്നതിനും ചോദ്യകർത്താവ് ശ്രദ്ധിച്ചിട്ടുണ്ട്. നീതിബോധത്തോടെ ചോദ്യങ്ങൾ തയ്യാറാക്കി എന്നതിൽ ചോദ്യകർത്താവ് അഭിനന്ദനം അർഹിക്കുന്നു. എ പ്ലസ് നേടുനേനവരുടെ എണ്ണം കുറവായിരിക്കും എങ്കിലും പൊതുവെ ഗണിതശാസ്ത്രപരീക്ഷ കുട്ടികളെ പ്രതിസന്ധിയിലാക്കിയില്ല. Mathematics:John P A, Blog team member

Mathematics :Kannan Paruthipully of Palakad team

Mathematics :R P Georgekutty, GHS Arikuzha, Idukki

Mathematics : Daisy M A, GHSS Chalissery, Palakkad

Mathematics : Prabhakaran P R, CPNMGHSS, Mathamangalam, Kannur

Mathematics : Sunny P O, GHS Thodiyoor, Karunagappally, Kollam

Mathematics : Gigi Varghese,St. Thomas HSS Eruvellipra, Thiruvalla


Read More | തുടര്‍ന്നു വായിക്കുക

SSLC Answer Keys to various subjects
Mal, Phy, Che, Bio, SS & Maths

പതിനെട്ടാംതിയതി നടന്ന പത്താംക്ലാസ് ഭൗതീകശാസ്ത്രത്തിന്റെ പതിനെട്ടാം ചോദ്യം നിരൂപണം ചെയ്യുകയാണ് ഇബ്രാഹീംസാര്‍ . മാത്സ്ബ്ലോഗ് സന്ദര്‍ശകരായ അദ്ധ്യാപകര്‍ക്കും കുട്ടികള്‍ക്കും അദ്ദേഹം സുപരിചിതനാണ് . സര്‍ മുന്നോട്ടുവെയ്ക്കുന്ന വേറിട്ടചിന്തകളോട് പ്രതികരിക്കാന്‍ അദ്ധ്യാപകരെയും കുട്ടികളെയും ഭൗതീകശാസ്ത്രത്തില്‍ തല്പരരായ ഏവരെയും ക്ഷണിക്കുന്നു.
കുട്ടികള്‍ സമീപിക്കാനിടയുള്ള , ഇതിനകം ചര്‍ച്ചചെയ്യപ്പെട്ട ഉത്തരങ്ങള്‍ സാര്‍ തയ്യാറാക്കിയ പി.ഡി എഫ് രൂപത്തിലുണ്ട് .ഉത്തരങ്ങളെക്കുറിച്ചുള്ള അദ്ദേഹത്തിന്റെ കാഴ്ചപ്പാടും ചേര്‍ത്ത് വിശദമാക്കിയിരിക്കുന്ന കുറിപ്പ് കാണുക . അതിനുതാഴേയായി ഫിസിക്സിന്റേയും കെമിസ്ട്രിയുടേയും ഉത്തരസൂചികകളും നല്‍കിയിട്ടുണ്ട്. (കുട്ടികള്‍ ഇന്നത്തെ പരീക്ഷ കൂടി കഴിഞ്ഞശേഷം മാത്രം തുറന്നുനോക്കിയാല്‍ മതിയാകും! )

Malayalam Analysis
Prepared By Ramesan Punnathiriyan, GVHSS for Girls, Kasaragod

Physics Answerkey

Chemistry Answerkey

Biology : Prepared By Harikumar K, HSA,D V M N N M H S S Maranalloor

Social Science : Prepared By Alice Mathew,HSA(Social Science), GOVT HS, Vechoor, Vaikom

Mathematics:John P A, Blog team member

Mathematics :Kannan Paruthipully of Palakad team

Mathematics :R P Georgekutty, GHS Arikuzha, Idukki

Mathematics : Daisy M A, GHSS Chalissery, Palakkad

Mathematics : Prabhakaran P R, CPNMGHSS, Mathamangalam, Kannur

Mathematics : Sunny P O, GHS Thodiyoor, Karunagappally, Kollam

Mathematics : Gigi Varghese,St. Thomas HSS Eruvellipra, Thiruvalla


Read More | തുടര്‍ന്നു വായിക്കുക

SSLC 2014 - Maths Video Tutorials
By Sunny Thomas Sir

>> Sunday, March 16, 2014

സണ്ണി തോമസ് സാര്‍ അയച്ചു തന്ന മാത്സ് വീഡിയോ ടൂട്ടോറിയിലുകളാണ് ഈ പോസ്റ്റില്‍ ഉള്‍ക്കൊള്ളിച്ചിരിക്കുന്നത്.. സാറിന്റെ വാക്കുകളിലേക്ക്...

"സഖ്യകള് തമ്മിലുള്ള ബന്ധങ്ങളെ ബീജഗണിത ഭാഷയിഇല് എഴുതാന് കഴിയും. SSLC പരീക്ഷയിലെ 23 ആമത്തെ ചോദ്യം ഈ ഭാഗത്തും (അധ്യായം 10 ) നിന്നും ആണ് ചോദിക്കുന്നത്. 5 മാര് ക്ക്‌ ആണ് ഈ ചോദ്യത്തിനു ലഭിക്കുനത്. 2012 മുതല് 2014 മോഡല് പരീക്ഷ വരെ ഇതുവരെ ചോദിച്ച ചോദ്യങ്ങള് വിശകലാനം ചെയ്തുകൊണ്ട് . വളരെ എളുപ്പത്തില് ഏതുകുട്ടിക്കും ഈ 5 മാര് ക്ക്‌ സ്വന്തക്കാന് കഴിയുന്ന വിധത്തില ഒരുക്ക്യിരിക്കുന്നവയാണ് ഈ വീഡിയോകള് ഇതില് ആദ്യത്തെ കുറച്ചു ഭാഗങ്ങള് ചോദ്യങ്ങള് എപ്രകാരം ആയിരിക്കും അവ എങ്ങനെ ചെയ്യാം എന്ന് പറഞ്ഞിരിക്കുന്നു.തുടര്ന്ന്ള ഭാഗങ്ങളില് 2012 മുതലുള്ള എല്ലാ ചോദ്യങ്ങളും പൂര്ണമായും ചെയ്തിരിക്കുന്നു. ഒരു ക്ലാസ്സില് ഇരിക്കുന്നതുപോലെ നിങ്ങള്ക്ക് കേട്ടുകൊണ്ടും കണ്ടുകൊണ്ടും പഠിക്കാം. 5 മാര് ക്ക്‌ നിങ്ങളുടെ പോകറ്റില് ആക്കാന് ഭാഗം 1 മുതല് ഭാഗം 13 വരെ കാണുക "

all lectures are Malayalam audio but question in English.


Read More | തുടര്‍ന്നു വായിക്കുക

SSLC 2014 - Biology Video Tutorials
by Sunny Thomas Sir

>> Friday, March 14, 2014

വിവിധ വിഷയങ്ങളുടെ വീഡിയോ ടൂട്ടോറിയലുകള്‍ മാത്സ് ബ്ലോഗ് പ്രസിദ്ധീകരിച്ചിരുന്നത് ശ്രദ്ധിച്ചു കാണുമല്ലോ.. ഏറെ ശ്രമവും സമയവും ക്ഷമയും വേണ്ട ഒന്നാണ് വീഡിയോ ടൂട്ടോറിയലുകള്‍ നിര്‍മ്മിക്കുക എന്നത്. അവ ഭംഗിയായി എഡിറ്റു ചെയ്തു കുട്ടികളിലേക്ക് എത്തിക്കുന്നതിലൂടെ അവ കുട്ടികള്‍ പ്രയോജനപ്പെടുത്തുന്നുവെന്നു തന്നയാണ് അവയ്ക്കു രൂപം കൊടുത്തവും അവ പ്രസിദ്ധീകരിക്കുക വഴി മാത്സ് ബ്ലോഗും മനസ്സിലാക്കുന്നത്.

എസ്.എസ്.എല്‍.സി വിദ്യാര്‍ത്ഥികള്‍ക്ക് ഏറെ പ്രയോജനപ്രദമായ വിഡിയോകള്‍ തയാറാക്കി അയച്ചു തന്നിരിക്കുകയാണ് സണ്ണി തോമസ് സാര്‍ ..... മുന്‍പ് പ്രസിദ്ധീകരിച്ച പല പോസ്റ്റുകളിലും സണ്ണി തോമസ് സാറിന്റെ വീഡിയോകള്‍ ശ്രദ്ധിച്ചിരിക്കുമല്ലോ. അവയോടൊപ്പം പുതിയ വീഡിയോകളും എല്ലാ എസ്.എസ്.എല്‍.സി വിദ്യാര്‍ത്ഥികളും പ്രയോജനപ്പെടുത്തും എന്ന പ്രതീക്ഷയോടെ


Read More | തുടര്‍ന്നു വായിക്കുക

മാത്സ് ബ്ലോഗ് ഒരുക്കം - ഹിന്ദി

>> Wednesday, March 12, 2014

ഹിന്ദി പരീക്ഷയിലെ വിവിധ തരത്തിലുള്ള ചോദ്യങ്ങളെ എങ്ങനെ സമീപിക്കണം എന്നതിനെക്കുറിച്ച് നേരത്തേ പ്രസിദ്ധീകരിച്ച ഈ പോസ്റ്റ് കണ്ടിരിക്കുമല്ലോ. ഇതാ ഹിന്ദിയുമായി ബന്ധപ്പെട്ട മറ്റൊരു പോസ്റ്റുകൂടി.
നിസ്വാര്‍ത്ഥമായ ഒരു സേവനമാണ് അധ്യാപനം. അതില്‍ എന്റേത് നിന്റേത് എന്ന ഭാവത്തിനു സ്ഥാനമില്ല. വിദ്യാഭ്യാസ സംബന്ധമായ ബ്ലോഗുകളെല്ലാം ആത്യന്തികമായി ലക്ഷ്യം വയ്ക്കുന്നത് വിദ്യാര്‍ത്ഥികളുടെ മികച്ച വിജയമാണ്. അതു തങ്ങളിലൂടെ മാത്രമാവണമെന്ന വാശി നമ്മള്‍ ബൂലോകവാസികള്‍ക്കൊന്നും ഇല്ല താനും.. അതിരുകള്‍ മായ്ച്ചു കൊണ്ടുള്ള ഒരു കൂടിച്ചേരലിന് നാമിവിടെ സാക്ഷ്യം വഹിക്കുകയാണ്. ഇന്റര്‍നെറ്റിന്റെ ഗുണവശങ്ങള്‍ക്കുള്ള മികച്ച ഉദാഹരമാണ് ഈ അപൂര്‍വ സംഗമം. ഹിന്ദിസഭ കൊട്ടാരക്കര, ഹിന്ദി വേദി മലപ്പുറം, ചിരാഗ് കണ്ണൂര്‍ എന്നീ മൂന്നു ബ്ലോഗുകള്‍ ഒത്തു ചേര്‍ന്ന് കേരളത്തിലെ വിദ്യാര്‍ത്ഥികള്‍ക്കും ഹിന്ദി അധ്യാപകര്‍ക്കും വേണ്ടി നാല്‍പ്പത്തിരണ്ടു പേജുള്ള आसरा എന്നു പേരുള്ള ഒരു പഠനസഹായി ഒരുക്കിയിരിക്കുകയാണ്. കൊല്ലം കൊട്ടാരക്കര സദാനന്ദപുരം ജി.എച്ച്.എസ്.എസിലെ ജി.സോമശേഖരന്‍ സാറും മലപ്പുറം താനൂര്‍ ദേവധാര്‍ സര്‍ക്കാര്‍ ഹയര്‍ സെക്കന്ററി സ്കൂളിലെ ജയ്ദീപ് സാറും കണ്ണൂര്‍ കടന്നപ്പള്ളി സര്‍ക്കാര്‍ ഹയര്‍ സെക്കന്ററി സ്കൂളിലെ രവി സാറും ആണ് മേല്‍പ്പറഞ്ഞ മൂന്നു ബ്ലോഗുകള്‍ കൈകാര്യം ചെയ്യുന്നത്. അതുകൊണ്ടു തന്നെ ഈ പഠനസഹായിയുടെ ഗുണമേന്മയെക്കുറിച്ച് പറയേണ്ടതില്ലല്ലോ. മാത്‌സ് ബ്ലോഗുമായി സഹകരിക്കാന് ഇവര്‍ പ്രകടിപ്പിച്ച താല്പര്യത്തിന് ആദ്യമേ നന്ദി രേഖപ്പെടുത്തട്ടെ.. ഒപ്പം ബ്ലോഗിന്റെ സന്ദര്‍ശകര്‍ക്കായി സമഗ്രമായ ഒരു ഹിന്ദി പഠനസഹായി ഒരുക്കാന്‍ അവസരം ലഭിച്ചതിന്റെ ചാരിതാര്‍ത്ഥ്യത്തോടെ ഈ പഠനസഹായി നിങ്ങള്‍ക്ക് സമര്‍പ്പിക്കുന്നു. ചുവടെയുള്ള ലിങ്കില്‍ നിന്നും ഇത് നിങ്ങള്‍ക്ക് ഡൗണ്‍ലോഡ് ചെയ്തെടുക്കാം.

ഹിന്ദി പരീക്ഷ എഴുതുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചാണ് ഈ പഠനസഹായിയില്‍ ചര്‍ച്ച ചെയ്യപ്പെടുന്നത്. കഴിഞ്ഞ രണ്ട് ടേമുകളിലെ ചോദ്യപ്പേപ്പറുകളെ അടിസ്ഥാനമാക്കി വിശദമായൊരു വിശകലനമാണ് ആദ്യഭാഗത്ത്. വിശകലനത്തിനൊപ്പം തന്നെ നാല് യൂണിറ്റുകളിലേയും ചോദ്യശേഖരവുമുണ്ട്. ഗദ്യവും പദ്യവുമായി പാഠപുസ്തകത്തിന് പുറത്തു നിന്നുള്ള ചോദ്യങ്ങളും ഒട്ടേറെ വ്യാകരണ ചോദ്യമാതൃകകളും ഇതോടൊപ്പം നല്‍കിയിട്ടുണ്ട്. ചുവടെയുള്ള ലിങ്കില്‍ നിന്നും ആസരാ ഡൗണ്‍ലോഡ് ചെയ്തെടുക്കാം.
Click here for Hindi Notes
ഇവ വായിച്ചു നോക്കി അഭിപ്രായങ്ങള്‍ എഴുതാന്‍ അധ്യാപകരോടും വിദ്യാര്‍ത്ഥികളോടും അഭ്യര്‍ത്ഥിക്കുന്നു. എങ്കില്‍ മാത്രമേ ഇത്തരം പഠനസഹായികള്‍ തയ്യാറാക്കുന്നവര്‍ക്ക് തുടര്‍ന്നും ഇത്തരം സംരംഭങ്ങളിലേര്‍പ്പെടാന്‍ താല്പര്യമുണ്ടാകുകയുള്ളുവെന്ന് പ്രത്യേകം പറയേണ്ടതില്ലല്ലോ.


Read More | തുടര്‍ന്നു വായിക്കുക

SSLC 2014 Revision Series - Science
Physics, Chemistry & Biology

സയന്‍സ് വിഷങ്ങളുടെ പഠനസഹായികളടങ്ങിയ പോസ്റ്റാണ് ഇന്ന്. ഫിസിക്‌സ്, കെമിസ്ട്രി, ബയോളജി എന്നീ വിഷയങ്ങളുടെ പഠനസഹായികള്‍ ഈ പോസ്റ്റില്‍ ഉള്‍ക്കൊള്ളിച്ചിരിക്കുന്നു.

സ്വകാര്യ സ്ഥാപനത്തിലെ ട്യൂട്ടറായ സണ്ണി തോമസ് സാര്‍ തയാറാക്കി അയച്ചു തന്ന ഫിസിക്‌സ് കെമിസ്ട്രി നോട്ടുകളും ബയോളജിയുമായി ബന്ധപ്പെട്ട ഒരു വീഡിയോയുമാണ് ഇന്നത്തെ പോസ്റ്റില്‍ ഉള്‍പ്പെടുത്തിയിരിക്കുന്നത്.

കൂടാതെ തൃശൂരു നിന്നുള്ള രേണുക ടീച്ചര്‍ തയാറാക്കി അയച്ച ഫിസിക്‌സ് നോട്ടുകളുമുണ്ട്. ചുവടെ നല്‍കിയിട്ടുള്ള ലിങ്കുകളില്‍ നിന്നും ഇവ ഡൗണ്‍ലോഡ് ചെയ്‌തെടുക്കാവുന്നതാണ്.

Chemistry 100 Questions & Answers Prepared by Sunny Thomas Sir

Physics100 Questions & Answers - Prepared by Sunny Thomas Sir

Click here to view Biology Video

Click here to view Biology video of Chapter 2 - Prepared by Sunny Thomas Sir

Click here to view Biology video of Chapter 3 - Prepared by Sunny Thomas Sir

click here to download physics notes Prepared By Renuka M, SREE DURGAVILASAM HIGHER SECONDARY SCHOOL, Peramangalam. Thrissur

Documentry on Human Eye - Prepared by Subhash Soman Sir, Bio Vision Blog


Read More | തുടര്‍ന്നു വായിക്കുക

SSLC 2014 - Revision Series - Social Science

എസ്.എസ്.എല്‍.സി പരീക്ഷയ്ക്കു തയാറെടുക്കുന്ന കുട്ടികള്‍ക്ക് സ്വല്‍പം കൂടുതല്‍ അധ്വാനിക്കേണ്ട വിഷയങ്ങളില്‍ ഒന്നാണ് സാമൂഹ്യ ശാസ്ത്രം. പാഠഭാഗങ്ങളുടെ ഏറെയാണ് എന്നതും പഠിക്കേണ്ട പ്രധാനപ്പെട്ട കാര്യങ്ങള്‍ തിരഞ്ഞെടുക്കേണ്ടതുണ്ട് എന്നതുമെല്ലാം കുട്ടികള്‍ സാമൂഹ്യശാസ്ത്രം ഒരല്‍പം പ്രയാസപ്പെടുത്തുന്ന കാരണങ്ങളായി പറയാറുണ്ട്.

അതിന് ഒരറുതി വരുത്താന്‍ സഹായിക്കുന്ന പഠനസഹായികളാണ് ഇന്നത്തെ സാമൂഹ്യശാസ്ത്രം പോസ്റ്റില്‍ ഉള്‍പ്പെടുത്തിയിരിക്കുന്നത്. ഏവരും അതു പ്രയോജനപ്പെടുത്തുമെന്നു കരുതുന്നു..

താഴെ നല്‍കിയിട്ടുള്ള ലിങ്കുകളില്‍ നിന്നും പഠനസഹായികള്‍ ഡൗണ്‍ലോഡ് ചെയ്‌തെടുക്കാം.

Click here to download brief notes on Social Science - Prepared by Krishnan Kuria, GHSS, Vazhuathakkad

Click here to download social Notes - Prepared by ROBIN JOSEPH P, HSA SOCIAL SCIENCE, ST THOMAS HIGH SCHOOL MANIKKADAVE

Social Science Notes are available here and here prepared by ROBIN JOSEPH P, HSA SOCIAL SCIENCE, ST THOMAS HIGH SCHOOL MANIKKADAVE

Revision Tips - Prepared by Biju.M, Collin Jose - GVHS, Nellikkuthu, Manjeri

Vijayapadham - By Palakkad DIET


Read More | തുടര്‍ന്നു വായിക്കുക

SS Module and Physics Concept Map


ഇംഗ്ലീഷ് മീഡിയം കുട്ടികളെ അവഗണിക്കുന്നുവെന്ന സ്ഥിരം പരാതിക്ക് ഇനി അറുതിയുണ്ടാകുമെന്ന് തോന്നുന്നു. മലപ്പുറം പരപ്പനങ്ങാടിക്കാരനായ ശ്രീ നൗഷാദ്സാറിന്റെ, അവസാനവട്ട റിവിഷനുകള്‍ക്കുള്ള സോഷ്യല്‍ സയന്‍സ്, ഫിസിക്സ് എന്നിവയുടെ ഷോര്‍ട്ട്നോട്ടുകളാണ് പ്രസിദ്ധീകരിക്കുന്നത്.ഡൗണ്‍ലോഡ് ചെയ്തെടുത്ത് വായിച്ച് സംശയങ്ങള്‍ പങ്കുവെക്കുവാന്‍ എല്ലാവരോടും അഭ്യര്‍ത്ഥിക്കുന്നു.

SS Module

Physics Concept Map


Read More | തുടര്‍ന്നു വായിക്കുക

SSLC 2014- Revision Series - Chemistry

എസ്എസ്എല്‍സി ഒരുക്കത്തിന്റെ Maths ഇംഗ്ലീഷ് വേര്‍ഷന്‍ ‍വായനക്കാര്‍ ഡൗണ്‍ലോഡ് ചെയ്തതിന് കയ്യും കണക്കുമില്ല! നന്ദി പറഞ്ഞുകൊണ്ടുള്ള ഫോണ്‍കോളുകളും മെയിലുകളും കമന്റുകളും എണ്ണിയാലൊടുങ്ങില്ല.അനുമോദനങ്ങള്‍ എല്ലാം, നമ്മുടെ പുതിയ ടീം അംഗങ്ങള്‍ക്ക് പകുത്തു നല്‍കുന്നു. പക്ഷേ, ആവശ്യങ്ങള്‍ അവസാനിക്കുന്നില്ല. മറ്റുവിഷയങ്ങളുടെ ഇംഗ്ലീഷ് വേര്‍ഷനെവിടെയെന്നാണ് ഇപ്പോഴത്തെ പ്രധാന ചോദ്യം!എന്തായാലും അടുത്തതവണ ഈ ടീമൊന്ന് വിപുലീകരിച്ച്, ഒരുക്കം പ്രസിദ്ധീകരിച്ചയുടനെതന്നെ, എല്ലാ വിഷയങ്ങളുടേയും ഇംഗ്ലീഷ് വേര്‍ഷന്‍ പ്രസിദ്ധീകരിക്കാമെന്ന് തോന്നുന്നു. 2013 ലെ കെമിസ്ട്രി ഒരുക്കം ഇംഗ്ലീഷിലേക്ക് മൊഴിമാറ്റുകയും, കൂടുതല്‍ കൂട്ടിച്ചേര്‍ക്കുകയും ചെയ്ത് അയച്ചുതന്നിരിക്കുന്നത്, ഒരു ഹെഡ്‌മാസ്റ്ററാണ്! മലപ്പുറം ജില്ലയിലെ കടമ്പോട് പന്തല്ലൂര്‍ ഹയര്‍സെക്കന്ററി സ്കൂളിലെ രാജീവന്‍ സാര്‍.വ്യാഴാഴ്ച കെമിസ്ട്രിയുടെ മോഡല്‍ പരീക്ഷയായതുകൊണ്ട് ഉടനേതന്നെ ഇത് പ്രസിദ്ധീകരിക്കുകയാണ്. കമന്റുകള്‍ക്ക് പിശുക്കു കാണിക്കില്ലല്ലോ..?

Click here to download Chemistry Orukkam 2013(English Version)

Last Year's Post

More Materials


Read More | തുടര്‍ന്നു വായിക്കുക

മാത്സ് ബ്ലോഗ് ഒരുക്കം - ഇംഗ്ലീഷ് - 2
Updated with more study materials

>> Tuesday, March 11, 2014

ഇംഗ്ലീഷ് വിഷയവുമായി ബന്ധപ്പെട്ട വിവിധ പഠനസഹായികള്‍ ഈ വര്‍ഷം മാത്‌സ് ബ്ലോഗ് പ്രസിദ്ധീകരിച്ചിരുന്നു. SSLC 2014 എന്ന ഈ ലിങ്കില്‍ ക്ലിക്ക് ചെയ്ത് ഈ വര്‍ഷവും കഴിഞ്ഞ വര്‍ഷവും പ്രസിദ്ധീകരിച്ച ഇംഗ്ലീഷ് പോസ്റ്റുകള്‍ നിങ്ങള്‍ക്ക് ഒറ്റയടിക്ക് കാണാം. ഇംഗ്ലീഷ് ചോദ്യപ്പേപ്പറില്‍ ആദ്യ നാലു ഭാഗം ചോദ്യങ്ങള്‍ comprehension questions എന്ന വിഭാഗത്തില്‍ പെടുന്നവയാണ്.വിവിധ യൂണിറ്റുകളിലെ ഗദ്യഭാഗങ്ങളും പദ്യഭാഗങ്ങളും ആസ്പദമാക്കിയുള്ള ചോദ്യങ്ങളായിരിക്കും അവയില്‍ ഉണ്ടാവുക. ഈ വിഭാഗത്തില്‍ വരാന്‍ സാധ്യതയുള്ള , എസ്.സി.ഇ.ആര്‍.ടി പ്രസിദ്ധീകരിച്ച ചോദ്യബാങ്കിലെ ചോദ്യങ്ങളും അവയ്ക്കുള്ള ഉത്തരങ്ങളും തയാറാക്കി അയച്ചിരിക്കുന്നത് എസ്.ആര്‍.ജി അംഗം കൂടിയായ പത്തനംതിട്ട ജില്ലയിലെ തിരുവല്ല വിദ്യാഭ്യാസ ജില്ലയിലെ മുണ്ട്യാപ്പള്ളി സി എം എസ് ഹൈസ്കൂളിലെ ജോണ്‍സന്‍ സാറാണ്.താഴെയുള്ള ലിങ്കില്‍ നിന്നും അതിന്റെ ഒ.ഡി.പി ഫോര്‍മാറ്റും പിഡിഎഫും ഡൗണ്‍ലോഡ് ചെയ്ത്ടുക്കാം. ഇതോടൊപ്പം Finishing Touch എന്ന പേരില്‍ സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഇംഗ്ലീഷ് പുറത്തിറക്കിയ പഠനസഹായിയും നല്‍കിയിരിക്കുന്നു.

Click here for the odp file of comprehension questions of English

Click here for the pdf of comprehension questions of English

Click here for the odp of solved questions of Std X Poems

Click here for the pdf of solved questions of Std X Poems

Click here for the print layout copy of comprehension questions

Study Materials on various discourses

Conversation

Diary

Editing

Letter Writing

Missing Words

Notice

Phrasal Verbs

Profile

Report

Reported Speech

Unfamiliar Passage

Word Pyramid

Finishing Touch A material Prepared by State Institute for English, Thrissur


Read More | തുടര്‍ന്നു വായിക്കുക

Evaluation after the exam

>> Monday, March 10, 2014

പരീക്ഷയെക്കുറിച്ചുള്ള കുട്ടികളുടെ വിലയിരുത്തല്‍ കൃത്യമായി ശേഖരിക്കാന്‍ വേണ്ട തയ്യാറെടുപ്പുകള്‍ ഓരോ സ്കൂളിനും ചെയ്യാന്‍ കഴിയണം. എങ്കില്‍ മാത്രമേ ഇംപ്രൂവ്മെന്റ് എന്ന ഓമനപ്പേരിട്ട് വിളിക്കുന്ന 'വളര്‍ച്ച' വിദ്യാലയത്തിലും അതിനുള്ളിലെ അധ്യാപകര്‍ക്കുമൊക്കെയുണ്ടാകൂ. പലതരത്തിലുള്ള വിലയിരുത്തലുകള്‍ വിവിധ തലങ്ങളില്‍ നടന്നു പോരുന്നു. ഇതേക്കുറിച്ച് ഒരു ചെറിയ ചര്‍ച്ചയ്ക്ക് തുടക്കമിടുകയാണ് പാലക്കാട് ഹരിശ്രീ കോഡിനേറ്ററും മാത്​സ് ബ്ലോഗ് ടീമംഗവുമായ രാമനുണ്ണി സാര്‍.
പരീക്ഷയെ അദ്ധ്യാപകര്‍ വിലയിരുത്താറുണ്ട്
എളുപ്പമായിരുന്നോ?
താന്‍ പഠിപ്പിച്ചതും ചൂണ്ടിക്കാണിച്ചതും വന്നിട്ടുണ്ടോ‌?
പഠിപ്പിക്കാത്തവ വന്നിട്ടില്ലല്ലോ?
മിടുക്കന്മാര്‍ / മിടുക്കികള്‍ ക്ക് ഒക്കെ നല്ല വിജയം ഉറപ്പാണല്ലോ?
ചോദ്യങ്ങളില്‍ തെറ്റു വല്ലതുമുണ്ടോ?
ഔട്ട് ഓഫ് സിലബസ്സ് ഉണ്ടോ?
പതിവില്ലാത്തവ ഉണ്ടോ?
എന്നിങ്ങനെ. അതു അദ്ധ്യാപകന്റെ ഇത്രയും ദിവസത്തെ അദ്ധ്വാനത്തെ ആശ്വസിപ്പിക്കുകയോ നിരാശപ്പെടുത്തുകയോ ചെയ്യും. തുടര്‍ വര്‍ഷങ്ങളില്‍ ഇത് അദ്ധ്യാപകന്ന് പ്രയോജനം ചെയ്യും.

ഇനിയുമുണ്ട് പലരുടേയും വിലയിരുത്തലുകള്‍..

പത്രമാദ്ധ്യമങ്ങള്‍ വിലയിരുത്താറുണ്ട്

ഗുണദോഷ സമ്മിശ്രം എന്നു എഴുതും
പ്രഗത്ഭരാണ്` വിലയിരുത്തുക
ചെറിയ കുഴപ്പങ്ങള്‍ ഉണ്ടെങ്കിലും പൊതുവെ നല്ലതായിരുന്നു എന്നു മാത്രമേ അവര്‍ പറയൂ
കുട്ടികളും അദ്ധ്യാപകരും കുഴപ്പമാണെന്ന് തീരുമാനിച്ചാലും പ്രഗത്ഭര്‍ അങ്ങനെയൊരിക്കലും പറയാറില്ല
പ്രഗ്ത്ഭര്‍ അവരുടെ നിലവാരത്തിലായിരിക്കും പലപ്പോഴും വിലയിരുത്തുക

കുട്ടികള്‍ വിലയിരുത്താറുണ്ട്

പരീക്ഷകഴിഞ്ഞ് ഹാളില്‍ നിന്നിറങ്ങിയാല്‍ കുട്ടികള്‍ പരീക്ഷയെ വിലയിരുത്തുന്നുണ്ട്. അതാരും ശ്രദ്ധിക്കാറില്ല എന്നു മാത്രം
ഈ വര്‍ഷം നമ്മള്‍ [ഹരിശ്രീ ]അത് ശ്രദ്ധിക്കാന്‍ തീരുമാനിച്ചിരിക്കുന്നു . ഡയറ്റ് അതിന്ന് മുന്‍കയ്യെടുക്കും. വിവിധ അദ്ധ്യാപക സംഘടനകള്‍ ഇക്കാര്യത്തില്‍ ശ്രമിക്കുമെന്ന് കരുതുന്നു.

പരീക്ഷ കഴിഞ്ഞിറങ്ങുന്ന 10-15 കുട്ടികളെയെങ്കിലും 4-5 അദ്ധ്യാപകര്‍ ഇന്റര്‍വ്യൂ ചെയ്യാന്‍ തീരുമാനിക്കണം. വിഷായാധിഷ്ഠിതമായ ഒരു പ്രവര്‍ത്തനമല്ല. കുട്ടികളുടെ അഭിപ്രായം ആരായലാണ്`. നമ്മുടെ അറിവും അഭിപ്രായവും അവരെ ബോധ്യപ്പെടുത്തല്‍ ഇവിടെ വേണ്ട .

പരീക്ഷാചുമതലയില്ലാത്ത് 4-5 അദ്ധ്യാപകരെ എസ്.ആര്‍.ജി ഇതിന്നായി നിശ്ചയിക്കണം
അവര്‍ 10-15 കുട്ടികളുമായി സംസാരിക്കണം … രേഖയാക്കിവെക്കണം
അപ്പോഴാണ്` നമ്മുടെ കുട്ടികള്‍ നേരിട്ട പ്രശ്നങ്ങള്‍ മനസ്സിലാവുക / വിഷയാദ്ധ്യാപകര്‍ പിന്നീടൊരിക്കല്‍ ഇക്കാര്യം വകതിരിച്ച് പരിശോധിക്കയും വേണം

അന്വേഷണം [ അനൗപചാരികം , സൗഹൃദപൂര്‍ണ്ണം ]

എല്ലാം എഴുതിയോ
ഏതൊക്കെയാ വിട്ടത്
ഇഷ്ടായോ പരീക്ഷ
സമയം തെകഞ്ഞോ

പിന്നീട് ഓരോ ചോദ്യങ്ങളായി വായിച്ച് പരിശോധിക്കണം
നല്ല ചോദ്യമായിരുന്നോ [ ശിശുസൗഹൃദം / അകൃത്രിമം ]
നന്നായി മനസ്സിലാകുമോ / വക്രീകരണം ഉണ്ടോ / അവ്യക്തത ഉണ്ടോ
ഭിന്നനിലവാരക്കാരെ പരിഗണിക്കുന്നതായിരുന്നോ
ക്ളാസില്‍ ചെയ്ത പ്രവര്‍ത്തനം പോലെയാണോ
ക്ലാസില്‍ ചെയ്യാത്ത പ്രവര്‍ത്തനമാണോ
സ്കോറനുസരിച്ചുള്ള ഉത്തര അളവ് ഉണ്ടോ
എഴുതിയ പോയിന്റ്സ് ശരിയാണെന്ന് ഉറപ്പുണ്ടോ / എത്രത്തോളം ഉറപ്പ്
സമയപാലനം സാധ്യമായോ
[ ഏതു വിഷയം എടുക്കുന്ന അദ്ധ്യാപകനും ഇതൊക്കെ മനസ്സിലാക്കാന്‍ കഴിയും ]
[കുട്ടികളുടെ ഉത്തരങ്ങള്‍ കുറിച്ചെടുക്കണം . പിന്നീടവ വിശകലനം ചെയ്യണം ]

ഫലം
നമ്മുടെ കുട്ടികളുടെ പെര്‍ഫോമന്സ് / പ്രയാസങ്ങള്‍ വിലയിരുത്താന്‍ കഴിയും
തുടര്‍ വര്‍ഷങ്ങളിലേക്ക് [ കുട്ടിക്കും മാഷിനും ] സഹായകമാവും
നാളെ വരുന്ന പത്രാഭിപ്രായം / വിദഗ്ദ്ധാഭിപ്രായം നമ്മുടെ കുട്ടികളുടെ യാഥാര്‍ഥ്യവുമായി ഇണങ്ങുന്നുണ്ടോ എന്നു തീരുമാനിക്കാനാവും.



Read More | തുടര്‍ന്നു വായിക്കുക

SSLC 2014 - Maths - Video Tutorials

>> Friday, March 7, 2014

താഴെ കൊടുത്തിരിക്കുന്ന ചോദ്യങ്ങളുടെ ഉത്തരങ്ങള്‍ വീഡിയോയില്‍ പകര്‍ത്തിയത് അയച്ചു തന്നിരിക്കുകയാണ് സെഫുദ്ദീന്‍ സാര്‍....

  • തന്നിരിക്കുന്ന ആരമുള്ള വൃത്തത്തിന്റെ തൊടുവരകള്‍ വശങ്ങളായുള്ള ത്രികോണം നിര്‍മ്മിക്കുന്നത്(തന്നിരിക്കുന്ന ആരമുള്ള വൃത്തം അന്തര്‍വൃത്തമായി വരുന്ന ത്രികോണം നിര്‍മ്മിക്കുന്നത്)
  • തന്നിരിക്കുന്ന ആരമുള്ള വൃത്തത്തില്‍ തന്നിരിക്കുന്ന കോണുകളുള്ള ത്രികോണം നിര്‍മ്മിക്കുന്നത്(തന്നിരിക്കുന്ന ആരമുള്ള വൃത്തം പരിവൃത്തമായി വരുന്ന ത്രികോണം നിര്‍മ്മിക്കുന്നത്)
  • തന്നിരിക്കുന്ന അളവിലുള്ള ത്രികോണത്തിന്റെ തുല്ല്യ പരപ്പളവുള്ള സമചതുരം നിര്‍മ്മിക്കുന്നത്
  • തന്നിരിക്കുന്ന അളവിലുള്ള ത്രികോണത്തിന്റെ അന്തര്‍ വൃത്തം വരയ്ക്കുന്നത്
  • ബാഹ്യ ബിന്ദുവില്‍നിന്നും വൃത്തത്തിലേക്ക് തൊടുവരകള്‍ വരയ്ക്കു്ന്നത്

ഈ ചോദ്യങ്ങളുടെ വീഡിയോ ദൃശ്യങ്ങളാണ് ഇന്നത്തെ പോസ്റ്റില്‍... മാര്‍ക്കുകള്‍ നേടുന്നതില്‍ പിന്നോക്കം നില്‍ക്കുന്ന കുട്ടികള്‍ക്ക് ഇതേറെ പ്രയോജനപ്പെടുമെന്നു കരുതുന്നു...

  1. തന്നിരിക്കുന്ന ആരമുള്ള വൃത്തത്തിന്റെ തൊടുവരകള്‍ വശങ്ങളായുള്ള ത്രികോണം നിര്‍മ്മിക്കുന്നത്(തന്നിരിക്കുന്ന ആരമുള്ള വൃത്തം അന്തര്‍വൃത്തമായി വരുന്ന ത്രികോണം നിര്‍മ്മിക്കുന്നത്)
  2. തന്നിരിക്കുന്ന ആരമുള്ള വൃത്തത്തില്‍ തന്നിരിക്കുന്ന കോണുകളുള്ള ത്രികോണം നിര്‍മ്മിക്കുന്നത്(തന്നിരിക്കുന്ന ആരമുള്ള വൃത്തം പരിവൃത്തമായി വരുന്ന ത്രികോണം നിര്‍മ്മിക്കുന്നത്)
  3. തന്നിരിക്കുന്ന അളവിലുള്ള ത്രികോണത്തിന്റെ തുല്ല്യ പരപ്പളവുള്ള സമചതുരം നിര്‍മ്മിക്കുന്നത്
  4. തന്നിരിക്കുന്ന അളവിലുള്ള ത്രികോണത്തിന്റെ അന്തര്‍ വൃത്തം വരയ്ക്കുന്നത്
  5. ബാഹ്യ ബിന്ദുവില്‍നിന്നും വൃത്തത്തിലേക്ക് തൊടുവരകള്‍ വരയ്ക്കു്ന്നത്


TRIGNOMETRY Video Prepared By Sunny Thomas Sir


Read More | തുടര്‍ന്നു വായിക്കുക

Maths Revision Package for Full Pass
Published on 05-3-2014

>> Wednesday, March 5, 2014


പാസ്സാകാന്‍ ആഗ്രഹിക്കുന്ന ഞങ്ങളെപ്പോലുള്ളവരെ മാത്സ് ബ്ലോഗ് പരിഗണിക്കുന്നില്ലല്ലോ എന്ന പരാതിക്കു മറുപടിയായി ഇന്നലെ പ്രസിദ്ധീകരിച്ച റിവിഷന്‍ പാക്കേജ് ഗുണകരമായെന്ന് ധാരാളം പേര്‍ അറിയിക്കുകയുണ്ടായി. ഇനി മുതല്‍ ഓരോ പ്രവൃത്തി ദിവസവും 10 വീതം ചോദ്യങ്ങളടങ്ങിയ ഒരു പ്രത്യേകപാക്കേജ് പ്രസിദ്ധീകരിച്ചു കൊണ്ട് ഇത്തരം വിദ്യാര്‍ത്ഥികളെ സഹായിക്കാമെന്ന് കരുതുന്നു. ഓരോ ദിവസവും പുതിയ പുതിയ ചോദ്യസെറ്റുകള്‍ ഈ പോസ്റ്റിനകത്ത് ചേര്‍ത്തു വരാമെന്നാണ് ഞങ്ങള്‍ കരുതുന്നത്. ഇതു പഠിച്ചാല്‍ പരീക്ഷയെ എളുപ്പം മറികടക്കാമെന്ന് തീര്‍ച്ച. ദീര്‍ഘ നാളത്തെ അനുഭവ പാരമ്പര്യവും വിഷയത്തില്‍ കൂടുതല്‍ അറിവുമുള്ള മാത്സ് ബ്ലോഗ് ടീമംഗമായ ജോണ്‍ സാറാണ് ഈ ചോദ്യങ്ങള്‍ തയ്യാറാക്കുന്നത്. എല്ലാ പ്രവൃത്തി ദിവസങ്ങളിലും ഈ പോസ്റ്റിനുള്ളില്‍ പ്രസിദ്ധീകരിക്കുന്ന റിവിഷന്‍ പാക്കേജുകളിലെ ചോദ്യങ്ങള്‍ ഡൌണ്‍ലോഡ് ചെയ്തെടുക്കുമല്ലോ.

Constructions only
Published on 15.03.2014
Click Here to download the Package 6
Published on 05.03.2014
Click Here to download the Package 5
Published on 04.03.2014
Click Here to download the Package 4
Published on 03.03.2014
Click Here to download the Package 3
Published on 28.02.2014
Click Here to download the Package 2
published on 26.02..2014
Click Here to download the Package 1
published on 25.02..2014
അതുല്യ ,വൈഷ്ണവി എന്നീ കുട്ടികള്‍ തയ്യാറാക്കിയ രണ്ട് സെറ്റ് ഉത്തരങ്ങള്‍ .Thanks to Vipin Mahathma sir


Read More | തുടര്‍ന്നു വായിക്കുക

Full Pass for Mathematics

>> Monday, March 3, 2014

ഈ വര്‍ഷത്തെ എസ്.എസ്.എല്‍.സി പരീക്ഷയ്ക്ക് ഇനി ദിവസങ്ങള്‍ മാത്രം. പരീക്ഷയെക്കുറിച്ചുള്ള ആവലാതികളുമായി അധ്യാപകര്‍ക്കു മുന്നിലെത്തുന്ന നിരവധി കുട്ടികളുണ്ടാകും. അവര്‍ക്ക് വേണ്ടത് ആത്മവിശ്വാസമാണ്. തന്നെക്കൊണ്ട് പരീക്ഷാ ചോദ്യപേപ്പറിലെ കുറേ ചോദ്യങ്ങളെങ്കിലും ചെയ്യാന്‍ സാധിക്കും എന്ന ഒരു ചിന്ത കുട്ടിയിലുണ്ടാക്കാന്‍ സാധിക്കുക അധ്യാപകര്‍ക്കു മാത്രമാണ്. അതിന് വേണ്ടി നമ്മുടെ കയ്യില്‍ ഒരു മെറ്റീരിയലുണ്ടാവുകയാണെങ്കിലോ? ആവര്‍ത്തിക്കപ്പെടാന്‍ സാധ്യതയുള്ള കുറേ ചോദ്യമാതൃകകളും അവയുടെ ഉത്തരങ്ങള്‍ കണ്ടെത്തിയ വിധവുമെല്ലാം കൂടിയുള്ള ഒരു മെറ്റീരിയല്‍ അയച്ചു തന്നിരിക്കുകയാണ് ജി.എച്ച്.എസ്.എസ് ചാലിശ്ശേരിയിലെ ഗണിതശാസ്ത്രാധ്യാപികയായ എം.എ ഡെയ്സി ടീച്ചര്‍. ചുവടെയുള്ള ലിങ്കില്‍ നിന്നും ഏഴു പേജുള്ള ഈ പാക്കേജ് ഡൌണ്‍ലോഡ് ചെയ്തെടുത്ത് ജയിക്കുമോ എന്ന ഭയത്തോടെ നമ്മെ സമീപിക്കുന്ന കുട്ടികള്‍ക്ക് സധൈര്യം നല്‍കാം. അഭിപ്രായങ്ങള്‍ ചുവടെ കുറിക്കുമല്ലോ.

Click here to download the Revision Package


Read More | തുടര്‍ന്നു വായിക്കുക

To get A+ for Maths
അതെ, മാത്​സിന് എ പ്ലസ് നേടാന്‍
(Updated with Eng. Medium)

>> Saturday, March 1, 2014

എസ്.എസ്.എല്‍.സി മോഡല്‍ പരീക്ഷയില്‍ ഒരു വിദ്യാഭ്യാസജില്ലയില്‍ ഗണിതശാസ്ത്രത്തിന് മാത്രം എ പ്ലസ് നഷ്ടപ്പെട്ട കുട്ടികളെ ഒരുമിച്ച് കൂട്ടുക. അവര്‍ക്ക് നഷ്ടമായ എ പ്ലസ് തിരിച്ചു പിടിക്കുന്നതിനായി വിദഗ്ദ്ധരായ അധ്യാപകരുടെ സേവനം തേടുക. ഇരുകൂട്ടരേയും ഒരുമിച്ചിരുത്തി കുട്ടികള്‍ക്ക് എ പ്ലസ് നേടുന്നതിനാവശ്യമായ പഠനതന്ത്രങ്ങള്‍ പകര്‍ന്നു കൊടുക്കുക. കേരളവിദ്യാഭ്യാസചരിത്രത്തിലെ അപൂര്‍വ്വമായൊരു ഏടായിരിക്കുമിത്. സാധാരണഗതിയില്‍ ഇത്തരത്തിലൊരു ബൃഹത് പദ്ധതിക്ക് അധികമാരും മുന്‍കൈയ്യെടുക്കാറില്ല. എന്നാല്‍ 2013 മാര്‍ച്ച് മാസത്തില്‍ എറണാകുളം ജില്ലയില്‍ ഇത് സംഭവിച്ചു. എറണാകുളം ഡി.ഇ.ഒ ശ്രീ.സി.രാഘവന്‍ മുന്‍കൈയ്യെടുത്ത് ഈ മിടുക്കന്മാര്‍ക്കും മിടുക്കികള്‍ക്കും അധിക പിന്തുണ നല്‍കാനായി ആറ് ഗണിതാധ്യാപകരെ നിയോഗിച്ചു. അവര്‍ ഈ കുട്ടികള്‍ക്ക് വേണ്ടി ഓരോ യൂണിറ്റുകളിലേയും പ്രധാനപ്പെട്ട ചോദ്യങ്ങള്‍ തയ്യാറാക്കിക്കൊണ്ടു വന്ന് പങ്കുവെച്ചു. പാഠപുസ്തകത്തിലെ പ്രധാനപ്പെട്ട ഏടുകളിലൂടെ ഒരു പ്രദക്ഷിണം. ഗണിതശാസ്ത്രം കൂടാതെ സാമൂഹ്യശാസ്ത്രം, ഫിസിക്സ്, കെമിസ്ട്രി എന്നീ വിഷയങ്ങളിലും വിദഗ്ദ്ധരായ അധ്യാപകരുടെ സേവനം പ്രയോജനപ്പെടുത്തി. ഗണിതശാസ്ത്രം കൈകാര്യം ചെയ്യുന്നതിനായി എത്തിയ വെണ്ണല ഗവ ഹൈസ്ക്കൂളിലെ അധ്യാപകനായ ശ്രീ.ഹരിഗോവിന്ദ് എ പ്ലസ് ആഗ്രഹിക്കുന്ന വിദ്യാര്‍ത്ഥികള്‍ക്കു വേണ്ടി തയ്യാറാക്കിയ ചോദ്യങ്ങളാണ് ഈ പോസ്റ്റിലൂടെ പങ്കുവെക്കുന്നത്. അതോടൊപ്പം തന്നെ ക്ലാസുകള്‍ നയിച്ച ജലജ ടീച്ചറും ഗണിതശാസ്ത്രപരിഷത്തിന്റെ മികച്ച ഗണിതാധ്യാപികയ്ക്കുള്ള പുരസ്ക്കാരം നേടിയ രാജി ടീച്ചറും തയ്യാറാക്കിയ ചോദ്യങ്ങളും നല്‍കിയിട്ടുണ്ട്. കേരളത്തിലെമ്പാടുമുള്ള മിടുക്കന്മാര്‍ക്കും മിടുക്കികള്‍ക്കും ഇത് പ്രയോജനപ്പെടുമല്ലോയെന്നു കരുതി മാത്‍സ് ബ്ലോഗ് ഇത് പങ്കുവെക്കട്ടെ. പ്രശ്നങ്ങളും സംശയങ്ങളുമെല്ലാം കമന്റിലൂടെ പങ്കുവെക്കാം.

എ പ്ലസ് പ്രതീക്ഷിക്കുന്ന വിദ്യാര്‍ത്ഥികള്‍ക്കു വേണ്ടി നമ്മുടെ കൂട്ടത്തിലെ അധ്യാപകര്‍ ചില പഠനസാമഗ്രികള്‍ ഒരുക്കിയിട്ടുണ്ടാകും. വിശാലാടിസ്ഥാനത്തില്‍ നമ്മുടെ വിദ്യാര്‍ത്ഥികള്‍ക്കു വേണ്ടി അവ പങ്കു വെക്കാന്‍ മാത്‍സ് ബ്ലോഗ് അവസരമൊരുക്കുന്നു. ഏതു വിഷയത്തെ ആസ്പദമാക്കിയാണെങ്കിലും നിങ്ങളൊരുക്കിയ പഠനസാമഗ്രികള്‍ മാത്​സ് ബ്ലോഗിന്റെ ഇ-മെയില്‍ ഐഡിയിലേക്ക് അയച്ചു തരിക. നമുക്ക് അവ പ്രസിദ്ധീകരിക്കാം. ചുവടെയുള്ള ലിങ്കില്‍ നിന്നും ഹരിഗോവിന്ദ് സാറും ജലജ ടീച്ചറും തയ്യാറാക്കിയ ചോദ്യങ്ങള്‍ ഡൌണ്‍ലോഡ് ചെയ്തെടുക്കാം.

A+ Questions from all units - Malayalam Version
Prepared By Hari Govind, Resource Group, Ernakulam

A+ Questions from all units - English Version (Updated)
Prepared By Vijayakumar M D, THS Kanjirappally

Second Degree Equations and Polynomials
Prepared By Jalaja, Resource Group, Ernakulam

Circles and Tangents
Prepared By Raji. V.G, Resource Group, Ernakulam


Read More | തുടര്‍ന്നു വായിക്കുക

SSLC Quick Revision Questions
for Maths Teachers


ഈ വര്‍ഷം പത്താം ക്ലാസ് വിദ്യാര്‍ത്ഥികള്‍ക്ക് ഏറെ സഹായപ്പെട്ട ഒരു പഠനസഹായിയായിരുന്നു സതീശന്‍ സാര്‍ തയ്യാറാക്കിയതെന്ന് എല്ലാ ഗണിതശാസ്ത്ര അധ്യാപകരും ഒരേ സ്വരത്തില്‍ സമ്മതിക്കുമെന്ന് തീര്‍ച്ച. ഈ വര്‍ഷത്തെ ഒരുക്കം ചോദ്യങ്ങളും അതില്‍ ഗണിതശാസ്ത്രം ഒരുക്കത്തിന്റെ ഉത്തരങ്ങളും ഏവരും കണ്ടു കാണും. ഇതെല്ലാം പഠിപ്പിക്കുന്നത് കൂടാതെ ഓരോ വിഷയത്തിലും നടക്കുന്ന എസ്.എസ്.എല്‍.സി പരീക്ഷയ്ക്കു തൊട്ടു മുമ്പ് വിദ്യാര്‍ത്ഥികള്‍ക്ക് അവസാന വട്ട റിവിഷന്‍ നല്‍കാന്‍ അധ്യാപകര്‍ ശ്രമിക്കാറുണ്ടല്ലോ. അത്തരത്തില്‍ വിദ്യാര്‍ത്ഥികള്‍ക്ക് പരിശീലനത്തിന് നല്‍കാന്‍ സഹായിക്കുന്ന കുറേ ചോദ്യങ്ങള്‍ ഇതാ.. പാഠപുസ്തകത്തിലെ എല്ലാ കരിക്കുലം ഒബ്ജക്ടീവ്സിലൂടെയും (പഠനലക്ഷ്യങ്ങള്‍) കടന്നു പോകുന്ന തരത്തിലാണ് ജോണ്‍ സാര്‍ ഈ ചോദ്യങ്ങള്‍ തയ്യാറാക്കിയിരിക്കുന്നത്. ഗണിതശാസ്ത്രവിഭാഗം അധ്യാപകര്‍ ഈ ചോദ്യങ്ങള്‍ നേരത്തേ ചെയ്തു നോക്കുകയും പിന്നീടിത് മാത്​സ് സ്പെഷല്‍ ക്ലാസില്‍ അവതരിപ്പിക്കുകയും ചെയ്യുകയാണെങ്കില്‍ പാഠപുസ്തകത്തിലൂടെയുള്ള ഒരു സഞ്ചാരമാകും അത്. കുട്ടികളെ പാഠഭാഗങ്ങള്‍ ഓര്‍മ്മിപ്പിക്കുന്നതിന് ഇതിലും നല്ലൊരു മാര്‍ഗമുണ്ടെന്ന് തോന്നുന്നില്ല. എ പ്ലസ് ആഗ്രഹിക്കുന്ന വിദ്യാര്‍ത്ഥികള്‍ക്കു വേണ്ടി അല്പം കഠിനനിലവാരത്തിലുള്ളതും മലയാളം, ഇംഗ്ലീഷ് മീഡിയങ്ങളിലുള്ളതുമായ ചോദ്യങ്ങള്‍ നേരത്തേ പ്രസിദ്ധീകരിച്ചിരുന്നു. അതില്‍ നിന്നു വ്യത്യസ്തമായി ഈ ചോദ്യങ്ങള്‍ അല്പം ലളിതമായ ചോദ്യങ്ങളാണെന്ന് ഒരിക്കല്‍ക്കൂടി ഓര്‍മ്മിപ്പിക്കട്ടെ. ചുവടെയുള്ള ലിങ്കില്‍ നിന്നും ഈ ചോദ്യങ്ങള്‍ ഡൗണ്‍ലോഡ് ചെയ്തെടുക്കാം. അധ്യാപകര്‍ ആദ്യം പരിശീലിച്ച ശേഷം കുട്ടികള്‍ക്ക് നല്‍കുന്നതാണ് ഉചിതമെന്നാണ് തോന്നുന്നത്. നിങ്ങളുടെ അഭിപ്രായങ്ങള്‍ കമന്റായി രേഖപ്പെടുത്താം.

Maths Blog Quick Revision Questions
Prepared By John.P.A, Maths Blog Team


Read More | തുടര്‍ന്നു വായിക്കുക
♡ Copying is an act of love. Love is not subject to law. - 2016 | Disclaimer